‘ആത്മാവി​നാ​ലുള്ള ഐക്യം നിലനി​റു​ത്തുക’

“ഐക്യം” എന്നത്‌ ‘ആത്മാവി​നാ​ലു​ള്ള​താണ്‌.’ എന്നുപ​റ​ഞ്ഞാൽ ദൈവ​ത്തി​ന്റെ ചലനാ​ത്മ​ക​ശക്തി കാരണ​മാണ്‌ നമുക്കി​ട​യിൽ ഐക്യ​മു​ള്ളത്‌. എന്നാൽ പൗലോസ്‌ പറഞ്ഞതു​പോ​ലെ ഈ ഐക്യം നിലനി​റു​ത്തേ​ണ്ട​തുണ്ട്‌. ആരാണ്‌ അത്‌ ചെയ്യേ​ണ്ടത്‌? “ആത്മാവി​നാ​ലുള്ള ഐക്യം നിലനി​റു​ത്താൻ” ഓരോ ക്രിസ്‌ത്യാ​നി​യും ശ്രമി​ക്കണം.

ദൃഷ്ടാ​ന്ത​ത്തിന്‌, ഒരു വ്യക്തി നിങ്ങൾക്കു പുതിയ ഒരു കാർ സമ്മാന​മാ​യി തരുന്നു. ആ കാർ നന്നായി പരിപാ​ലിച്ച്‌ കൊണ്ടു​പോ​കേ​ണ്ടത്‌ ആരാണ്‌? അത്‌ പ്രത്യേ​കിച്ച്‌ പറയേണ്ട കാര്യ​മില്ല, അല്ലേ? നിങ്ങൾ ആ കാർ നന്നായി നോക്കാ​തെ അതു കേടാ​യാൽ സമ്മാനം തന്ന ആളെ കുറ്റം പറയാൻ പറ്റുമോ? ഇല്ല.

അതു​പോ​ലെ ക്രിസ്‌തീയ ഐക്യം ദൈവ​ത്തിൽനി​ന്നുള്ള സമ്മാന​മാ​ണെ​ങ്കി​ലും അതു നിലനി​റു​ത്തേ​ണ്ടത്‌ നമ്മുടെ ഓരോ​രു​ത്ത​രു​ടെ​യും ഉത്തരവാ​ദി​ത്വ​മാണ്‌. അതു​കൊണ്ട്‌ ഒരു സഹോ​ദ​ര​നു​മാ​യോ സഹോ​ദ​രി​യു​മാ​യോ നമുക്ക്‌ എന്തെങ്കി​ലും പ്രശ്‌ന​മു​ണ്ടെ​ങ്കിൽ സ്വയം ചോദി​ക്കുക: ‘ആ പ്രശ്‌നം പരിഹ​രി​ച്ചു​കൊണ്ട്‌ ആത്മാവി​നാ​ലുള്ള ഐക്യം നിലനി​റു​ത്താൻ ഞാൻ പരമാ​വധി ശ്രമി​ക്കു​ന്നു​ണ്ടോ?’

ഐക്യം നിലനി​റു​ത്താൻ “ആത്മാർഥ​മാ​യി ശ്രമി​ക്കുക”

പൗലോസ്‌ പറഞ്ഞതു​പോ​ലെ ആത്മാവി​നാ​ലുള്ള ഐക്യം നിലനി​റു​ത്താൻ ചില​പ്പോൾ നന്നായി ശ്രമി​ക്കേ​ണ്ടി​വ​ന്നേ​ക്കാം; പ്രത്യേ​കി​ച്ചും ഒരു സഹോ​ദ​ര​നോ സഹോ​ദ​രി​യോ നമ്മളെ വേദനി​പ്പി​ച്ചി​ട്ടു​ണ്ടെ​ങ്കിൽ. ഈ സാഹച​ര്യ​ത്തിൽ ഐക്യം നിലനി​റു​ത്താൻ ആ വ്യക്തിയെ ചെന്നു​കണ്ട്‌ പ്രശ്‌ന​ത്തെ​ക്കു​റിച്ച്‌ സംസാ​രി​ക്കേ​ണ്ട​തു​ണ്ടോ? എപ്പോ​ഴും അങ്ങനെ ചെയ്യണ​മെ​ന്നില്ല. സ്വയം ചോദി​ക്കുക: ‘ഞാൻ അങ്ങനെ ചെയ്‌താൽ പ്രശ്‌നം പരിഹ​രി​ക്ക​പ്പെ​ടു​മോ, അതോ വഷളാ​കു​മോ?’ ചില​പ്പോൾ ഏറ്റവും നല്ല തീരു​മാ​നം അത്‌ വിട്ടു​ക​ള​യു​ന്ന​തോ ക്ഷമിക്കു​ന്ന​തോ ആയിരി​ക്കും.—സുഭാ. 19:11; മർക്കോ. 11:25.

അപ്പോ​സ്‌ത​ല​നാ​യ പൗലോസ്‌ എഴുതി​യ​തു​പോ​ലെ ‘സ്‌നേ​ഹ​ത്തോ​ടെ എല്ലാവ​രു​മാ​യി ഒത്തു​പോ​കാൻ’ നമുക്കു ശ്രമി​ക്കാം. (എഫെ. 4:2) ഈ പദപ്ര​യോ​ഗത്തെ “മറ്റുള്ളവർ എങ്ങനെ​യാ​ണോ, അവരെ അങ്ങനെ​ത്തന്നെ സ്വീക​രി​ക്കുക” എന്നും പരിഭാ​ഷ​പ്പെ​ടു​ത്താ​മെന്ന്‌ ഒരു പുസ്‌തകം പറയുന്നു. നമ്മുടെ സഹാരാ​ധകർ നമ്മളെ​പ്പോ​ലെ​തന്നെ പാപി​ക​ളാ​ണെന്ന്‌ അംഗീ​ക​രി​ക്കുക എന്നാണ്‌ അതിന്റെ അർഥം. നമ്മൾ എല്ലാവ​രും “പുതിയ വ്യക്തി​ത്വം” ധരിക്കാൻ ശ്രമി​ക്കു​ന്ന​വ​രാണ്‌. (എഫെ. 4:23, 24) പക്ഷേ ഒരു കുറവു​മി​ല്ലാ​തെ അതു ചെയ്യാൻ നമുക്കാർക്കും പറ്റില്ല. (റോമ. 3:23) ഈ വസ്‌തുത അംഗീ​ക​രി​ക്കു​ന്നെ​ങ്കിൽ, മറ്റുള്ള​വ​രു​മാ​യി ഒത്തു​പോ​കാ​നും അവരോ​ടു ക്ഷമിക്കാ​നും അങ്ങനെ ‘ആത്മാവി​നാ​ലുള്ള ഐക്യം നിലനി​റു​ത്താ​നും’ നമുക്ക്‌ എളുപ്പ​മാ​യി​രി​ക്കും.

നമുക്ക്‌ ഒരു വ്യക്തി​യു​മാ​യി പ്രശ്‌ന​മു​ണ്ടെ​ങ്കിൽ അതു ക്ഷമിക്കു​ക​യും മറക്കു​ക​യും ചെയ്‌തു​കൊണ്ട്‌ “ഒന്നിച്ചു​നി​റു​ത്തുന്ന സമാധാ​ന​ബന്ധം” കാത്തു​സൂ​ക്ഷി​ക്കാ​നാ​കും. എഫെസ്യർ 4:3-ൽ “ഒന്നിച്ചു​നി​റു​ത്തുന്ന” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദത്തെ കൊ​ലോ​സ്യർ 2:19-ൽ “ഞരമ്പ്‌” (അതായത്‌, അസ്ഥികളെ തമ്മിൽ ബന്ധിപ്പി​ക്കുന്ന വെള്ളഞ​രമ്പ്‌) എന്നാണ്‌ പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. എല്ലുകളെ തമ്മിൽ യോജി​പ്പിച്ച്‌ നിറു​ത്തുന്ന ശക്തമായ കലകളാണ്‌ ഇവ. ഇതു​പോ​ലെ സഹോ​ദ​ര​ങ്ങൾക്കി​ട​യിൽ പല വ്യത്യാ​സ​ങ്ങ​ളു​ണ്ടെ​ങ്കി​ലും നമ്മളെ പരസ്‌പരം ചേർത്ത്‌ നിറു​ത്തു​ന്നത്‌ സമാധാ​ന​വും സഹോ​ദ​ര​ങ്ങ​ളോ​ടുള്ള സ്‌നേ​ഹ​വും ആണ്‌.

അതു​കൊണ്ട്‌ ഒരു സഹവി​ശ്വാ​സി നിങ്ങളെ വേദനി​പ്പി​ക്കു​ക​യോ വിഷമി​പ്പി​ക്കു​ക​യോ ദേഷ്യം പിടി​പ്പി​ക്കു​ക​യോ ചെയ്യു​ന്നെ​ങ്കിൽ ആ വ്യക്തി​യു​ടെ കുറവു​ക​ളി​ലേക്കു നോക്കു​ന്ന​തി​നു പകരം അദ്ദേഹത്തെ അനുക​മ്പ​യോ​ടെ കാണാൻ ശ്രമി​ക്കുക. (കൊലോ. 3:12) എല്ലാ മനുഷ്യ​രും അപൂർണ​രാണ്‌. നിങ്ങളും ചില​പ്പോ​ഴൊ​ക്കെ മറ്റുള്ള​വരെ വേദനി​പ്പി​ക്കുന്ന എന്തെങ്കി​ലും ചെയ്‌തി​ട്ടു​ണ്ടാ​കും. ഇത്‌ ഓർക്കു​ന്നത്‌ ‘ആത്മാവി​നാ​ലുള്ള ഐക്യം നിലനി​റു​ത്തു​ന്ന​തിൽ’ നിങ്ങളു​ടെ പങ്കു നിർവ​ഹി​ക്കാൻ നിങ്ങളെ സഹായി​ക്കും.