“ഞാൻ മുമ്പ്‌ ഒരു ക്രൂര​നാ​യി​രു​ന്നു”

എന്റെ പഴയ കാലം

യുഗാ​ണ്ട​യി​ലെ ഗൊം​ബ​യി​ലാ​ണു ഞാൻ ജനിച്ചത്‌. ആ നാട്ടിലെ മിക്കവ​രും വളരെ പാവ​പ്പെ​ട്ട​വ​രാ​യി​രു​ന്നു. ഞങ്ങളുടെ പട്ടണത്തിൽ വൈദ്യു​തി​യി​ല്ലാ​യി​രു​ന്നു, അതു​കൊണ്ട്‌ രാത്രി​യിൽ വെളി​ച്ച​ത്തി​നാ​യി ഞങ്ങൾ റാന്തൽ ഉപയോ​ഗി​ക്കു​മാ​യി​രു​ന്നു.

കർഷക​രാ​യ എന്റെ മാതാ​പി​താ​ക്കൾ റുവാ​ണ്ട​യിൽനി​ന്നും യുഗാ​ണ്ട​യി​ലേക്കു കുടി​യേ​റി​യ​വ​രാ​യി​രു​ന്നു. അവർ അവിടെ കാപ്പി​യും വാഴയും കൃഷി ചെയ്‌തി​രു​ന്നു. വാഴപ്പഴം വാറ്റി അവർ വാറഗി എന്നൊരു ലഹരി​പാ​നീ​യം ഉണ്ടാക്കു​മാ​യി​രു​ന്നു. ആ നാട്ടിൽ അതു വളരെ പ്രസി​ദ്ധ​മാണ്‌. ഞങ്ങൾക്ക്‌ അവിടെ ധാരാളം കോഴി​ക​ളും പശുക്ക​ളും ആടുക​ളും പന്നിക​ളും ഉണ്ടായി​രു​ന്നു. അഭി​പ്രാ​യ​സ്വാ​ത​ന്ത്ര്യ​മി​ല്ലാത്ത, ഭർത്താവ്‌ പറയു​ന്ന​തെ​ന്തും കേട്ടനു​സ​രിച്ച്‌ മിണ്ടാ​തി​രി​ക്കുന്ന ഒരാളാ​യി​രി​ക്കണം ഭാര്യ എന്നൊരു ധാരണ​യാ​ണു വീട്ടു​കാ​രും സമൂഹ​വും എന്നിൽ വളർത്തി​യത്‌.

23 വയസ്സു​ള്ള​പ്പോൾ ഞാൻ റുവാ​ണ്ട​യി​ലേക്കു പോയി. അവി​ടെ​യാ​യി​രു​ന്ന​പ്പോൾ ഞാൻ എന്റെ പ്രായ​ത്തി​ലു​ള്ള​വ​രോ​ടൊ​പ്പം ഡാൻസ്‌ ക്ലബ്ബിൽ പോകു​മാ​യി​രു​ന്നു. ഞാൻ ഒരു ക്ലബ്ബിലെ നിത്യ​സ​ന്ദർശകൻ ആയിരു​ന്ന​തു​കൊണ്ട്‌ അവിടത്തെ മാനേ​ജ്‌മെന്റ്‌ എനിക്കു സൗജന്യ പ്രവേ​ശനം നൽകി. അടിയും​പി​ടി​യും അക്രമ​വും ഒക്കെ പച്ചയായി ചിത്രീ​ക​രി​ക്കുന്ന സിനി​മകൾ ഞാൻ ഇഷ്ടപ്പെ​ടാൻ തുടങ്ങി. എന്റെ ചുറ്റു​പാ​ടും ഞാൻ കണ്ടിരുന്ന വിനോ​ദ​ങ്ങ​ളും എന്നെ അക്രമാ​സ​ക്ത​നും കുത്തഴിഞ്ഞ ജീവിതം നയിക്കു​ന്ന​വ​നും ഒരു കുടി​യ​നും ആക്കി.

2000-ത്തിൽ ഞാൻ ചെറു​പ്പ​ക്കാ​രി​യായ സ്‌കോ​ലാ​സ്റ്റിക്ക്‌ കബാഗ്വി​ര​യോ​ടൊ​പ്പം ജീവിതം തുടങ്ങി. ഞങ്ങൾക്കു മൂന്നു മക്കളു​ണ്ടാ​യി​രു​ന്നു. ഞാൻ വീട്ടി​ലേക്കു വരു​മ്പോ​ഴോ എന്നോട്‌ എന്തെങ്കി​ലും ആവശ്യ​പ്പെ​ട​ണ​മെ​ങ്കി​ലോ ഭാര്യ മുട്ടു​കു​ത്തി വണങ്ങാൻ ഞാൻ പ്രതീ​ക്ഷി​ച്ചി​രു​ന്നു, കാരണം അങ്ങനെ​യൊ​രു രീതി കണ്ടാണു ഞാൻ വളർന്നത്‌. മറ്റൊരു കാര്യം, എന്റെ കുടും​ബ​ത്തി​ന്റെ വസ്‌തു​വ​ക​ക​ളെ​ല്ലാം എന്റെ ഇഷ്ടം​പോ​ലെ എന്തു വേണ​മെ​ങ്കി​ലും ചെയ്യാ​മെന്ന വിചാ​ര​മാ​യി​രു​ന്നു എനിക്ക്‌. മിക്ക​പ്പോ​ഴും ഞാൻ രാത്രി​യിൽ പുറത്ത്‌ പോകു​മാ​യി​രു​ന്നു. തിരി​ച്ചെ​ത്താൻ പുലർച്ചെ മൂന്നു​മ​ണി​യൊ​ക്കെ ആകും, മിക്കവാ​റും കുടി​ച്ചി​ട്ടാ​യി​രി​ക്കും വരവ്‌. വാതി​ലിൽ മുട്ടു​മ്പോൾ ഭാര്യ വാതിൽ തുറക്കാൻ വൈകി​യാൽ ഞാൻ നല്ല അടി കൊടു​ക്കു​മാ​യി​രു​ന്നു.

ആ സമയത്ത്‌ ഞാൻ ഒരു സെക്യൂ​രി​റ്റി കമ്പനി​യിൽ സൂപ്പർ​വൈസർ ആയി ജോലി ചെയ്യു​ക​യാ​യി​രു​ന്നു, അവിടെ എനിക്കു നല്ല ശമ്പളവും ഉണ്ടായി​രു​ന്നു. സ്‌കോ​ലാ​സ്റ്റിക്ക്‌ ഒരു പെന്ത​ക്കോ​സ്‌ത്‌ പള്ളിയിൽ വരാനാ​യി എന്നോട്‌ എപ്പോ​ഴും പറയു​മാ​യി​രു​ന്നു, അങ്ങനെ എനിക്ക്‌ എന്തെങ്കി​ലും മാറ്റം ഉണ്ടായാ​ലോ. പക്ഷേ എനിക്ക്‌ അതിൽ ഒട്ടും താത്‌പ​ര്യ​മി​ല്ലാ​യി​രു​ന്നു. പിന്നീട്‌ ഞാൻ മറ്റൊരു സ്‌ത്രീ​യു​മാ​യി പ്രണയ​ത്തി​ലാ​യി. എന്റെ ക്രൂര​വും അധാർമി​ക​വും ആയ സ്വഭാവം കാരണം സ്‌കോ​ലാ​സ്റ്റിക്ക്‌ മൂന്നു കുട്ടി​ക​ളെ​യും​കൊണ്ട്‌ അവളുടെ വീട്ടി​ലേക്കു തിരികെ പോയി.

പ്രായ​മു​ള്ള ഒരു സുഹൃത്ത്‌ ഒരിക്കൽ എന്റെ ജീവി​ത​രീ​തി​യെ​ക്കു​റിച്ച്‌ എന്നോടു സംസാ​രി​ച്ചു. സ്‌കോ​ലാ​സ്റ്റി​ക്കി​ന്റെ അടു​ത്തേക്കു മടങ്ങി​പ്പോ​കാ​നാ​യി​രു​ന്നു അദ്ദേഹ​ത്തി​ന്റെ നിർദ്ദേശം. എന്റെ പ്രിയ​പ്പെട്ട മക്കൾ എന്നിൽനിന്ന്‌ അകന്ന്‌ കഴി​യേ​ണ്ട​വ​ര​ല്ലെ​ന്നും അദ്ദേഹം പറഞ്ഞു. അതു​കൊണ്ട്‌ 2005-ൽ ഞാൻ എന്റെ മദ്യപാ​നം നിറുത്തി, ഞാൻ അടുപ്പം പുലർത്തി​യി​രുന്ന സ്‌ത്രീ​യു​മാ​യുള്ള ബന്ധം അവസാ​നി​പ്പി​ച്ചു, എന്നിട്ട്‌ സ്‌കോ​ലാ​സ്റ്റി​ക്കി​നോ​ടൊ​പ്പം താമസി​ക്കാൻ തുടങ്ങി. 2006-ൽ ഞങ്ങൾ വിവാ​ഹം​ക​ഴി​ച്ചു. എങ്കിലും, അവളോ​ടുള്ള എന്റെ അക്രമ​സ്വ​ഭാ​വ​ത്തി​നും മോശം പെരു​മാ​റ്റ​ത്തി​നും ഒന്നും ഒരു മാറ്റവും ഉണ്ടായില്ല.

ബൈബിൾ എന്റെ ജീവിതം മാറ്റിയ വിധം

2008-ൽ യഹോ​വ​യു​ടെ സാക്ഷി​യായ ജോയൽ എന്റെ വീട്ടിൽ വന്നു. അദ്ദേഹം പറയുന്ന കാര്യ​ങ്ങ​ളൊ​ക്കെ ഞാൻ ശ്രദ്ധിച്ചു. പിന്നെ കുറെ മാസങ്ങൾ അദ്ദേഹ​വും അദ്ദേഹ​ത്തി​ന്റെ കൂട്ടു​കാ​ര​നായ ബോണാ​വെ​ഞ്ച്വ​റും സ്ഥിരമാ​യി വീട്ടിൽ വരുമാ​യി​രു​ന്നു. ഞങ്ങൾ തമ്മിൽ ഒരുപാട്‌ ബൈബിൾചർച്ചകൾ നടത്തി. ഞാൻ പല ചോദ്യ​ങ്ങ​ളും ചോദി​ക്കാൻ തുടങ്ങി, പ്രത്യേ​കിച്ച്‌ വെളി​പാട്‌ പുസ്‌ത​ക​ത്തിൽനിന്ന്‌. ശരിക്കും പറഞ്ഞാൽ, സാക്ഷികൾ പറയു​ന്നതു തെറ്റാ​ണെന്നു തെളി​യി​ക്കാ​നാ​യി​രു​ന്നു എന്റെ ശ്രമം. ഉദാഹ​ര​ണ​ത്തിന്‌, വെളി​പാട്‌ 7:9-ൽ പറഞ്ഞി​രി​ക്കുന്ന “മഹാപു​രു​ഷാ​രം” ഭൂമി​യി​ലാ​ണു ജീവി​ക്കു​ന്ന​തെന്നു പറയാൻ എന്ത്‌ അടിസ്ഥാ​ന​മാ​ണു​ള്ള​തെന്നു ഞാൻ അവരോ​ടു ചോദി​ച്ചു. കാരണം വാക്യം പറയു​ന്നത്‌ അവർ ‘(ദൈവ​ത്തി​ന്റെ) സിംഹാ​സ​ന​ത്തി​നും കുഞ്ഞാ​ടായ’ യേശു​ക്രി​സ്‌തു​വി​നും മുമ്പാകെ നിൽക്കു​ന്നു എന്നാണ​ല്ലോ. എന്റെ ചോദ്യ​ങ്ങൾക്കു ജോയൽ ശാന്തമാ​യി മറുപടി തന്നു. ഉദാഹ​ര​ണ​ത്തിന്‌, ദൈവം ഭൂമിയെ തന്റെ ‘പാദപീ​ഠം’ എന്നു വിളി​ക്കുന്ന യശയ്യ 66:1 ജോയൽ എനിക്കു കാണി​ച്ചു​തന്നു. അതിൽനിന്ന്‌ ദൈവ​സിം​ഹാ​സ​ന​ത്തി​നു മുമ്പിൽ നിൽക്കുന്ന മഹാപു​രു​ഷാ​രം വാസ്‌ത​വ​ത്തിൽ ഭൂമി​യിൽത്ത​ന്നെ​യാ​ണെന്ന്‌ എനിക്കു മനസ്സി​ലാ​യി. ഇനി, നീതി​മാ​ന്മാർ എന്നേക്കും ജീവി​ക്കു​ന്നതു ഭൂമി​യി​ലാ​ണെന്നു വിശദീ​ക​രി​ക്കുന്ന സങ്കീർത്തനം 37:29-ഉം ഞാൻ വായിച്ചു.

ഒടുവിൽ ഞാൻ ബൈബിൾ പഠിക്കാൻ തീരു​മാ​നി​ച്ചു. ബോണാ​വെ​ഞ്ച്വർ എന്നെയും ഭാര്യ​യെ​യും ബൈബിൾ പഠിപ്പി​ക്കാൻ തുടങ്ങി. ബൈബിൾ പഠിച്ചു​തു​ട​ങ്ങി​യ​പ്പോൾ ജീവി​ത​ത്തിൽ മാറ്റങ്ങൾ വരുത്താ​നുള്ള ആഗ്രഹം എനിക്ക്‌ ഉണ്ടായി. ബഹുമാ​ന​ത്തോ​ടെ ഭാര്യ​യോട്‌ ഇടപെ​ടാൻ ഞാൻ പഠിച്ചു. ഞാൻ വീട്ടി​ലേക്കു വരു​മ്പോ​ഴോ എന്നോട്‌ എന്തെങ്കി​ലും ആവശ്യ​പ്പെ​ട​ണ​മെ​ങ്കി​ലോ ഭാര്യ മുട്ടു​കു​ത്തി വണങ്ങണ​മെന്നു പറയു​ന്ന​തൊ​ക്കെ ഞാൻ നിറുത്തി. വീട്ടി​ലു​ള്ള​തെ​ല്ലാം എന്റേതാ​ണെന്ന അവകാ​ശ​വാ​ദ​വും ഒഴിവാ​ക്കി. അക്രമം നിറഞ്ഞ സിനി​മകൾ കാണേ​ണ്ടെ​ന്നും തീരു​മാ​നി​ച്ചു. ഈ മാറ്റങ്ങൾ വരുത്തുക അത്ര എളുപ്പ​മാ​യി​രു​ന്നില്ല. നല്ല താഴ്‌മ​യും ആത്മനി​യ​ന്ത്ര​ണ​വും വേണമാ​യി​രു​ന്നു.

ഏതാനും വർഷങ്ങൾക്കു മുമ്പ്‌, എന്റെ മൂത്തമകൻ ക്രിസ്റ്റ്യ​നെ യുഗാ​ണ്ട​യി​ലുള്ള ഞങ്ങളുടെ ബന്ധുക്ക​ളോ​ടൊ​പ്പം താമസി​ക്കാൻ വിട്ടി​രു​ന്നു. മക്കളെ വളർത്താ​നുള്ള ഉത്തരവാ​ദി​ത്വം എനിക്കും ഭാര്യ​ക്കും ആണ്‌ ദൈവം തന്നിരി​ക്കു​ന്നത്‌ എന്ന്‌ ആവർത്തനം 6:4-7 വായി​ച്ച​പ്പോൾ എനിക്കു മനസ്സി​ലാ​യി. ദൈവി​ക​ത​ത്ത്വ​ങ്ങൾ മക്കളെ പഠിപ്പി​ക്കു​ന്ന​തും അതിൽ ഉൾപ്പെ​ട്ടി​രു​ന്നു. മകനെ വീട്ടി​ലേക്കു തിരികെ കൊണ്ടു​വ​ന്ന​പ്പോൾ അവനും ഞങ്ങൾക്കും എത്ര സന്തോ​ഷ​മാ​യി​രു​ന്നെ​ന്നോ!

ഞങ്ങൾക്കു ലഭിച്ച പ്രയോ​ജ​ന​ങ്ങൾ

യഹോവ കരുണ​യുള്ള ദൈവ​മാ​ണെന്നു ഞാൻ പഠിച്ചു. എന്റെ മോശ​മായ പെരു​മാ​റ്റ​വും തെറ്റായ ചിന്താ​ഗ​തി​യും ദൈവം ക്ഷമിച്ചു എന്ന വിശ്വാ​സം ഇന്ന്‌ എനിക്കുണ്ട്‌. സ്‌കോ​ലാ​സ്റ്റി​ക്കും എന്നോ​ടൊ​പ്പം ബൈബിൾ പഠിച്ചത്‌ എനിക്ക്‌ സന്തോഷം തരുന്നു. ഞങ്ങൾ ജീവിതം യഹോ​വ​യ്‌ക്കു സമർപ്പി​ച്ചു. അങ്ങനെ 2010 ഡിസംബർ 4-ന്‌ ഞങ്ങൾ സ്‌നാ​ന​മേറ്റു. ഇപ്പോൾ ഞങ്ങൾക്കു പരസ്‌പ​ര​വി​ശ്വാ​സ​മുണ്ട്‌. ബൈബിൾത​ത്ത്വ​ങ്ങൾ ഞങ്ങളുടെ അനുദി​ന​ജീ​വി​ത​ത്തിൽ ബാധക​മാ​ക്കു​ന്ന​തി​ന്റെ പ്രയോ​ജ​ന​ങ്ങ​ളും ഞങ്ങൾ ആസ്വദി​ക്കു​ന്നു. ജോലി കഴിഞ്ഞ്‌ ഞാൻ നേരെ വീട്ടി​ലേക്കു വരുന്നതു കാണു​മ്പോൾ ഭാര്യക്കു വലിയ സന്തോ​ഷ​മാണ്‌. ഞാൻ ആദര​വോ​ടെ​യും മര്യാ​ദ​യോ​ടെ​യും അവളോട്‌ ഇടപെ​ടു​ന്ന​തും മദ്യപാ​ന​വും അക്രമ​വും എല്ലാം ഉപേക്ഷി​ച്ച​തും അവളിൽ വലിയ മതിപ്പു​ണ്ടാ​ക്കി. 2015-ൽ സഭയിലെ ഒരു മൂപ്പനാ​യി എന്നെ നിയമി​ച്ചു. ഞങ്ങളുടെ അഞ്ചു മക്കളിൽ മൂന്നു പേർ സ്‌നാ​ന​മേറ്റു.

ഞാൻ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി​യ​പ്പോൾ അവർ പറയു​ന്ന​തൊ​ക്കെ കണ്ണുമ​ടച്ച്‌ വിശ്വ​സി​ക്കു​ക​യാ​യി​രു​ന്നില്ല. എന്റെ ചോദ്യ​ങ്ങൾക്കുള്ള ഉത്തരം അവർ ബൈബി​ളിൽനിന്ന്‌ കാണി​ച്ചു​ത​ന്നത്‌ എന്നെ ശരിക്കും അതിശ​യി​പ്പി​ച്ചു. സത്യ​ദൈ​വത്തെ ആരാധി​ക്കു​ന്നവർ എല്ലാ കാര്യ​ങ്ങ​ളി​ലും ദൈവ​ത്തി​ന്റെ നിലവാ​രങ്ങൾ അനുസ​രിച്ച്‌ ജീവി​ക്ക​ണ​മെ​ന്നും അതിൽ ഒരു വിട്ടു​വീ​ഴ്‌ച​യും ചെയ്യരു​തെ​ന്നും ഞാനും സ്‌കോ​ലാ​സ്റ്റി​ക്കും മനസ്സി​ലാ​ക്കി. തന്റെ ആത്മീയ​കു​ടും​ബ​ത്തി​ന്റെ ഭാഗമാ​യി​രി​ക്കാൻ ദൈവം എന്നെ ആകർഷി​ച്ച​തിൽ ഞാൻ ദൈവ​ത്തോട്‌ ഒരുപാ​ടു കടപ്പെ​ട്ടി​രി​ക്കു​ന്നു. ജീവി​ത​ത്തി​ലേക്കു പിന്തി​രിഞ്ഞ്‌ നോക്കു​മ്പോൾ ഒരു കാര്യം വ്യക്തമാണ്‌: ദൈവ​സ​ഹാ​യം ഉണ്ടെങ്കിൽ ആത്മാർഥ​ത​യുള്ള ഏതൊരു വ്യക്തി​ക്കും ജീവി​ത​ത്തിൽ വേണ്ട മാറ്റങ്ങൾ വരുത്തി ദൈവത്തെ പ്രസാ​ദി​പ്പി​ക്കാൻ കഴിയും.