സഹോ​ദ​ര​ങ്ങളെ സഹായി​ക്കു​ക​യും ഭൂമിയെ സംരക്ഷി​ക്കു​ക​യും ചെയ്യുന്ന പദ്ധതികൾ

മനുഷ്യർ ഭൂമിക്കു വരുത്തി​വെ​ച്ചി​രി​ക്കുന്ന പ്രശ്‌നങ്ങൾ യഹോവ പെട്ടെ​ന്നു​തന്നെ ഇല്ലാതാ​ക്കു​മെന്നു നമുക്ക്‌ അറിയാം. (വെളി​പാട്‌ 11:18) എങ്കിലും ഭൂമിയെ സംരക്ഷി​ക്കാൻവേണ്ടി നമ്മൾ നമ്മളാ​ലാ​കു​ന്ന​തെ​ല്ലാം ചെയ്യുന്നു. ഉദാഹ​ര​ണ​ത്തിന്‌, ആരാധ​ന​യ്‌ക്കു​വേണ്ടി നമ്മൾ ഉപയോ​ഗി​ക്കുന്ന കെട്ടി​ടങ്ങൾ പരിസ്ഥി​തി​ക്കു പ്രശ്‌നങ്ങൾ വരാത്ത വിധത്തി​ലാ​ണു ഡിസൈൻ ചെയ്‌തി​രി​ക്കു​ന്നത്‌.

ഇങ്ങനെ​യൊ​ക്കെ ചെയ്യു​ന്ന​തി​ന്റെ ലക്ഷ്യം പരിസ്ഥി​തി​ക്കു ദോഷം ചെയ്യുന്ന കാര്യങ്ങൾ പരമാ​വധി കുറയ്‌ക്കുക എന്നതാണ്‌. അതിനു​വേണ്ടി എന്തൊക്കെ പദ്ധതി​ക​ളാ​ണു നമ്മൾ മുന്നോട്ട്‌ കൊണ്ടു​വ​ന്നത്‌? സംഭാ​വ​നകൾ ഏറ്റവും നന്നായി ഉപയോ​ഗി​ക്കാൻ അത്‌ എങ്ങനെ​യാ​ണു സഹായി​ച്ചി​രി​ക്കു​ന്നത്‌?

സമ്മേള​ന​ഹാ​ളു​കൾ തണുപ്പി​ക്കാൻ

ചുറ്റും ചുമരു​ക​ളി​ല്ലാ​തെ തുറന്നു​കി​ട​ക്കുന്ന രീതി​യി​ലാണ്‌ മൊസാ​മ്പി​ക്കി​ലെ മറ്റോള സമ്മേള​ന​ഹാൾ നിർമി​ച്ചി​രു​ന്നത്‌. അതിന്റെ മേൽക്കൂര മെറ്റൽ ഷീറ്റു കൊണ്ടു​ള്ള​താ​യ​തു​കൊ​ണ്ടു​തന്നെ ആ ഹാളിന്റെ അകത്തി​രി​ക്കു​ന്ന​വർക്കു നല്ലപോ​ലെ ചൂട്‌ അനുഭ​വ​പ്പെ​ടു​മാ​യി​രു​ന്നു. അവി​ടെ​യുള്ള ഒരു സഹോ​ദരൻ പറഞ്ഞു: “സഹിക്കാൻ പറ്റാത്ത ചൂടാ​യ​തു​കൊണ്ട്‌ ഞങ്ങളാകെ വിയർത്തൊ​ലി​ക്കും. ചൂടിൽനിന്ന്‌ ഒരു ആശ്വാസം കിട്ടാൻവേണ്ടി പരിപാ​ടി അവസാ​നി​ക്കു​മ്പോ​ഴേ​ക്കും സഹോ​ദ​ര​ങ്ങ​ളെ​ല്ലാം പുറ​ത്തേക്ക്‌ ഓടും.” അതു​കൊണ്ട്‌, സഹോ​ദ​ര​ങ്ങൾക്കു നന്നായി ശ്രദ്ധി​ച്ചി​രുന്ന്‌ പരിപാ​ടി കൂടാൻവേണ്ടി നമ്മൾ എന്താണു ചെയ്‌തത്‌?

ഞങ്ങൾ പരിസ്ഥി​തി​ക്കു പ്രശ്‌ന​മു​ണ്ടാ​കാത്ത രീതി​യി​ലുള്ള ചില കാര്യങ്ങൾ ചെയ്‌തു. കാറ്റു​കൊണ്ട്‌ കറങ്ങുന്ന ഫാനുകൾ പിടി​പ്പി​ച്ചു. ഒപ്പം ചൂട്‌ കെട്ടി​ട​ത്തിന്‌ ഉള്ളി​ലേക്കു കയറു​ന്നതു തടയാൻവേണ്ടി ഇൻസു​ലേ​ഷ​നും ചെയ്‌തു. സൂര്യ​നിൽനി​ന്നുള്ള ചൂടു കെട്ടി​ട​ത്തിന്‌ ഉള്ളിൽ കയറു​ന്നതു കുറയ്‌ക്കാൻ ഇൻസു​ലേ​ഷ​നും ഹാളിന്റെ ഉള്ളിൽ എപ്പോ​ഴും ശുദ്ധവാ​യു ഉണ്ടായി​രി​ക്കാൻ ഫാനും സഹായി​ച്ചു. വൈദ്യു​തി​യി​ല്ലാ​തെ പ്രവർത്തി​ക്കുന്ന ഈ ഫാൻ ഹാളി​നു​ള്ളിൽ തങ്ങിനിൽക്കുന്ന ചൂടിനെ കാറ്റി​ലൂ​ടെ പുറന്ത​ള്ളു​ന്നു. ഒരു ഫാനിന്‌ ഏകദേശം 50 ഡോളർa (ഏകദേശം 4,300 രൂപ) വില വരും.

ഇങ്ങനെ​യൊ​ക്കെ ചെയ്‌ത​തു​കൊണ്ട്‌ ഇപ്പോൾ സഹോ​ദ​ര​ങ്ങൾക്കു നല്ല ശുദ്ധവാ​യു ശ്വസിച്ച്‌ ഹാളിന്‌ ഉള്ളിൽ ഇരിക്കാൻ പറ്റുന്നു. നല്ല വായു​സ​ഞ്ചാ​രം ഉള്ളതു​കൊ​ണ്ടു​തന്നെ ഈർപ്പ​വും കുറവാണ്‌. ഒപ്പം ഹാളിന്‌ ഉള്ളിലെ കാർബൺ ഡൈ ഓക്‌​സൈ​ഡി​ന്റെ അളവ്‌ കുറയാ​നും ഓക്‌സി​ജന്റെ അളവ്‌ കൂടാ​നും ഇത്‌ സഹായി​ച്ചി​ട്ടുണ്ട്‌. അങ്ങനെ സഹോ​ദ​ര​ങ്ങൾക്ക്‌ ഈ ഹാളിൽ ഇരുന്നു​കൊണ്ട്‌ പരിപാ​ടി​കൾ നന്നായി ശ്രദ്ധി​ക്കാ​നും ആസ്വദി​ക്കാ​നും കഴിയു​ന്നു. നേരത്തേ കണ്ട സഹോ​ദരൻ പറയുന്നു: “ഇപ്പോൾ ഞങ്ങൾ പരിപാ​ടി കഴിയു​മ്പോ​ഴേ പുറ​ത്തേക്ക്‌ ഓടാ​റില്ല. പകരം ഉച്ചഭക്ഷ​ണ​ത്തി​ന്റെ സമയത്ത്‌ ഞങ്ങൾ ഹാളിൽത്തന്നെ ഇരുന്ന്‌ എല്ലാവ​രോ​ടും സംസാ​രി​ക്കും. ഈ പുതിയ മേൽക്കൂ​ര​യ്‌ക്കു കീഴിൽ ഇരിക്കു​ന്നതു തണൽ തരുന്ന വലിയ ഒരു മരത്തിന്റെ കീഴിൽ ഇരിക്കു​ന്ന​തു​പോ​ലെ​യാണ്‌.”

സൂര്യ​നിൽനി​ന്നുള്ള ഊർജം ഉപയോ​ഗി​ക്കു​ന്നു

ഞങ്ങൾ ആരാധ​ന​യ്‌ക്കാ​യി ഉപയോ​ഗി​ക്കുന്ന പല കെട്ടി​ട​ങ്ങ​ളി​ലും സോളാർ പാനലു​കൾ വെച്ചി​ട്ടുണ്ട്‌. ഇതു സൂര്യ​പ്ര​കാ​ശ​ത്തിൽനിന്ന്‌ വൈദ്യു​തി ഉത്‌പാ​ദി​പ്പി​ക്കാൻ സഹായി​ക്കു​ന്നു. ഒരിക്ക​ലും നിന്നു​പോ​കാത്ത ഒരു ഊർജ​മാ​ണിത്‌. അതു​കൊ​ണ്ടു​തന്നെ കൽക്കരി, എണ്ണ, ഗ്യാസ്‌ എന്നിവ​യിൽനിന്ന്‌ കിട്ടുന്ന വൈദ്യു​തി​യിൽ ഞങ്ങൾക്ക്‌ അധികം ആശ്രയി​ക്കേ​ണ്ടി​വ​രു​ന്നില്ല. ഇങ്ങനെ സൂര്യ​പ്ര​കാ​ശ​ത്തിൽനി​ന്നുള്ള ഊർജം ഉപയോ​ഗി​ക്കു​ന്ന​തു​കൊണ്ട്‌ മലിനീ​ക​രണം കുറയ്‌ക്കാ​നും സംഭാ​വ​നകൾ ഏറ്റവും നന്നായി ഉപയോ​ഗി​ക്കാ​നും ഞങ്ങൾക്ക്‌ പറ്റുന്നു.

2023-ൽ സ്ലോ​വേ​നിയ ബ്രാ​ഞ്ചോ​ഫീ​സിൽ സോളാർ പാനലു​കൾ പിടി​പ്പി​ച്ചു. ആ കെട്ടിടം പ്രവർത്തി​ക്കാൻ വേണ്ട 30 ശതമാനം ഊർജം ഇതിൽനിന്ന്‌ കിട്ടും. ഏതെങ്കി​ലും ഒരു സമയത്ത്‌ ബ്രാഞ്ചിന്‌ ആവശ്യ​മു​ള്ള​തിൽക്കൂ​ടു​തൽ വൈദ്യു​തി ഇത്‌ ഉത്‌പാ​ദി​പ്പി​ക്കു​ക​യാ​ണെ​ങ്കിൽ അത്‌ പ്രാ​ദേ​ശിക മുനി​സി​പ്പാ​ലി​റ്റി​ക്കു കൊടു​ക്കും. ഇതിന്‌ 3,60,000 ഡോളർ (ഏകദേശം 2.8 കോടി രൂപ) ചെലവ​ഴി​ച്ചു. അതൊരു നഷ്ടമായി കണക്കാ​ക്കേ​ണ്ട​തില്ല. കാരണം വൈദ്യു​തി ബിൽ മുമ്പ​ത്തെ​ക്കാൾ കുറവാണ്‌. അതു​കൊ​ണ്ടു​തന്നെ നാലു വർഷം​കൊണ്ട്‌ മുടക്കിയ തുക തിരി​ച്ചു​പി​ടി​ക്കാ​നാ​കും.

ശ്രീലങ്കൻ ബ്രാ​ഞ്ചോ​ഫീ​സിൽ 2024-ൽ സോളാർ പാനലു​ക​ളും ഒരു വലിയ ബാറ്ററി​യും പിടി​പ്പി​ച്ചു. അതിന്‌ ഏകദേശം 30 ലക്ഷം ഡോളർ (ഏകദേശം 25 കോടി രൂപ) ചെലവ​ഴി​ച്ചു. ഈ ബ്രാ​ഞ്ചോ​ഫീ​സിന്‌ ആവശ്യ​മുള്ള വൈദ്യു​തി​യു​ടെ 70 ശതമാനം ഇതിൽനിന്ന്‌ കിട്ടും. മൂന്നു വർഷം​കൊണ്ട്‌ ഈ പാനലു​കൾ വെക്കാൻ ചെലവാ​ക്കിയ തുക തിരി​ച്ചു​പി​ടി​ക്കാൻ പറ്റും. അതേ വർഷം​തന്നെ നെതർലൻഡ്‌സ്‌ ബ്രാ​ഞ്ചോ​ഫീ​സി​ലും സോളാർ പാനലു​കൾ പിടി​പ്പി​ച്ചു. അതിന്‌ 11ലക്ഷം ഡോളർ (ഏകദേശം 9 കോടി രൂപ) ചെലവ്‌ വന്നു. ആ ബ്രാഞ്ചി​നു വേണ്ട 35 ശതമാനം വൈദ്യു​തി​യും ഇതിൽനിന്ന്‌ കിട്ടും. ചെലവാ​ക്കിയ തുക ഒമ്പതു വർഷം​കൊണ്ട്‌ തിരി​ച്ചു​പി​ടി​ക്കാ​നാ​കും.

ഇതു​പോ​ലെ മെക്‌സി​ക്കോ​യി​ലെ പല വിദൂര പരിഭാ​ഷാ​കേ​ന്ദ്ര​ങ്ങ​ളി​ലും (RTO) ഞങ്ങൾ സോളാർ പാനലു​കൾ പിടി​പ്പി​ച്ചു. ഉദാഹ​ര​ണ​ത്തിന്‌, ചിഹു​വാ​ഹു​വാ​യി​ലെ ടാരയൂ​മാര (സെൻട്രൽ) പരിഭാ​ഷാ​കേ​ന്ദ്ര​ത്തി​ന്റെ കാര്യ​മെ​ടു​ക്കാം. അവിടെ ശൈത്യ​കാ​ലത്ത്‌ പൂജ്യം ഡിഗ്രി സെൽഷ്യ​സി​നു താഴെ തണുപ്പും വേനൽക്കാ​ലത്ത്‌ 40 ഡിഗ്രി സെൽഷ്യ​സി​നു മുകളിൽ ചൂടും ഉണ്ടാകാ​റുണ്ട്‌. കറണ്ടു​ചാർജ്‌ കൂടു​ത​ലാ​യ​തു​കൊണ്ട്‌ സഹോ​ദ​രങ്ങൾ ചൂടു നിലനി​റു​ത്താൻ വേണ്ട ഉപകര​ണ​ങ്ങ​ളും ഏസി-യും ഉപയോ​ഗി​ക്കാ​തി​രി​ക്കാൻ ശ്രമി​ക്കു​മാ​യി​രു​ന്നു. ആ പരിഭാ​ഷാ​കേ​ന്ദ്ര​ത്തി​ലുള്ള ജോനാ​ഥാൻ സഹോ​ദരൻ പറയുന്നു: “തണുപ്പു​കാ​ലത്ത്‌ ഞങ്ങൾ പുതപ്പും നല്ല കട്ടിയുള്ള വസ്‌ത്ര​ങ്ങ​ളും ഉപയോ​ഗി​ക്കും. വേനൽക്കാ​ല​ത്താ​ണെ​ങ്കിൽ ഞങ്ങൾ ജനലു​ക​ളെ​ല്ലാം തുറന്നി​ടും.”

2024-ൽ ഈ പരിഭാ​ഷാ​കേ​ന്ദ്ര​ത്തിൽ സോളാർ പാനലു​കൾ പിടി​പ്പി​ച്ചു. അതിന്‌ 21,480 ഡോളർ (ഏകദേശം 17 ലക്ഷം രൂപ) ചെലവ​ഴി​ച്ചു. ഈ തുക അഞ്ചു വർഷത്തി​നു​ള്ളിൽ തിരി​ച്ചു​പി​ടി​ക്കാ​നാ​കും. ഇപ്പോൾ നമ്മുടെ സഹോ​ദ​ര​ങ്ങൾക്ക്‌ ഏസി-യും ചൂടു നിലനി​റു​ത്താൻ വേണ്ട ഉപകര​ണ​ങ്ങ​ളും കൂടുതൽ ഉപയോ​ഗി​ക്കാ​നാ​കു​ന്നു. ജോനാ​ഥാൻ സഹോ​ദരൻ പറയുന്നു: “ഞങ്ങൾക്ക്‌ ഇപ്പോൾ നിയമനം നന്നായി ആസ്വദി​ക്കാ​നും കൂടുതൽ ഫലപ്ര​ദ​മാ​യി ചെയ്യാ​നും പറ്റുന്നു. അതു​പോ​ലെ നമ്മുടെ സംഘടന, കിട്ടുന്ന സംഭാ​വ​നകൾ ഏറ്റവും നന്നായി പ്രകൃ​തിക്ക്‌ ഒരു രീതി​യി​ലും ദോഷം ചെയ്യാത്ത വിധത്തിൽ ഉപയോ​ഗി​ക്കു​ന്നതു കാണു​മ്പോൾ ഞങ്ങൾക്ക്‌ ഒരുപാട്‌ സന്തോഷം തോന്നു​ന്നു.”

മഴവെള്ളം നന്നായി ഉപയോ​ഗി​ക്കു​ന്നു

ആഫ്രി​ക്ക​യി​ലെ ചില രാജ്യ​ഹാ​ളു​ക​ളിൽ സഹോ​ദ​ര​ങ്ങൾക്ക്‌ നല്ല വെള്ളം കിട്ടാ​റില്ല. അതു​കൊണ്ട്‌ സഹോ​ദ​രങ്ങൾ കിലോ​മീ​റ്റ​റു​ക​ളോ​ളം ചുമന്നാണ്‌ രാജ്യ​ഹാ​ളി​ലേക്ക്‌ വെള്ളം കൊണ്ടു​വ​രു​ന്നത്‌. ഇനി ചില ഹാളു​ക​ളിൽ ട്രക്കിൽ വരുന്ന വെള്ളം സഹോ​ദ​രങ്ങൾ കാശു കൊടുത്ത്‌ വാങ്ങി​ക്കും. അത്‌ ചെല​വേ​റി​യ​താണ്‌. പ്രകൃ​തിക്ക്‌ അത്ര നല്ലതുമല്ല.

സഹോ​ദ​ര​ങ്ങൾക്ക്‌ വെള്ളം ലഭ്യമാ​ക്കാൻവേണ്ടി ആഫ്രി​ക്ക​യി​ലെ പല രാജ്യ​ഹാ​ളു​ക​ളി​ലും വലിയ ടാങ്കും മേൽക്കൂ​ര​യിൽനിന്ന്‌ മഴവെള്ളം ടാങ്കി​ലേക്ക്‌ എത്തിക്കാൻവേണ്ടി പാത്തി​ക​ളും പിടി​പ്പി​ച്ചു. എല്ലാം പിടി​പ്പി​ക്കു​ന്ന​തി​നു മുമ്പ്‌ സഹോ​ദ​രങ്ങൾ ഓരോ സ്ഥലത്തെ​യും കാലാ​വ​സ്ഥ​യെ​ക്കു​റിച്ച്‌ നന്നായി പഠിച്ചു. ഏറ്റവും നല്ല രീതി​യിൽ വെള്ളം ശേഖരി​ക്കാൻ വേണ്ട കാര്യങ്ങൾ ചെയ്യാൻ ഇതു സഹായി​ച്ചു. ഒരു രാജ്യ​ഹാ​ളിൽ ഇതെല്ലാം ചെയ്യു​ന്ന​തിന്‌ 600 ഡോളർ മുതൽ 3,000 ഡോളർ വരെ (ഏകദേശം 52,000 മുതൽ 2,60,000 രൂപ വരെ) ചെലവ്‌ വരും. എങ്കിലും ഈ സംവി​ധാ​നം ഉള്ളതു​കൊണ്ട്‌ രാജ്യ​ഹാ​ളു​കൾക്ക്‌ ഒരുപാ​ടു ചെലവ്‌ കുറവുണ്ട്‌. കാരണം സഹോ​ദ​ര​ങ്ങൾക്ക്‌ ഇപ്പോൾ കാശു കൊടുത്ത്‌ വെള്ളം വാങ്ങി​ക്കേ​ണ്ടി​വ​രു​ന്നില്ല.

മഴവെള്ളം ശേഖരി​ച്ചു​വെ​ക്കു​ന്നത്‌ നമ്മുടെ സഹോ​ദ​ര​ങ്ങൾക്ക്‌ ഒരുപാട്‌ പ്രയോ​ജനം ചെയ്‌തി​ട്ടുണ്ട്‌. മൊസാ​മ്പി​ക്കി​ലെ നോയി​മിയ സഹോ​ദരി പറയുന്നു: “മുമ്പ്‌ രാജ്യ​ഹാ​ളി​ലേക്കു വെള്ളം കൊണ്ടു​വ​ര​ണ​മെ​ങ്കിൽ ഞങ്ങൾ ഒരുപാ​ടു ദൂരം യാത്ര ചെയ്യണ​മാ​യി​രു​ന്നു. രാജ്യ​ഹാ​ളി​ലേക്ക്‌ എത്തു​മ്പോ​ഴേ​ക്കും ഞങ്ങൾ ക്ഷീണിച്ച്‌ തളരും. പിന്നെ വെള്ളം കുറവാ​യി​രു​ന്ന​തു​കൊ​ണ്ടു​തന്നെ നല്ല ശുചി​ത്വം പാലി​ക്കാ​നും പാടാ​യി​രു​ന്നു. ഇപ്പോൾ ഞങ്ങൾക്ക്‌ എല്ലാവർക്കും കൈ കഴുകാൻ ആവശ്യ​ത്തി​നു വെള്ളമുണ്ട്‌. അതു​പോ​ലെ രാജ്യ​ഹാ​ളി​ലേക്ക്‌ എത്തു​മ്പോൾ ഞങ്ങൾക്ക്‌ ഒരു ക്ഷീണവു​മില്ല. നന്നായി മീറ്റി​ങ്ങു​കൾ ആസ്വദി​ക്കാൻ പറ്റുന്നു. ഒരുപാ​ടു ഒരുപാട്‌ നന്ദി!”

ഈ കാര്യ​ങ്ങ​ളൊ​ക്കെ ചെയ്യു​ന്ന​തി​നു​വേ​ണ്ടി​യുള്ള പണം സംഘടന എവി​ടെ​നി​ന്നാ​ണു കണ്ടെത്തുന്നത്‌? donate.jw.org-ൽ വിശദീ​ക​രി​ച്ചി​രി​ക്കുന്ന ചില വഴിക​ളി​ലൂ​ടെ ലോക​വ്യാ​പ​ക​വേ​ല​യ്‌ക്കു​വേണ്ടി നമ്മൾ ഓരോ​രു​ത്ത​രും കൊടു​ക്കുന്ന സംഭാ​വ​ന​ക​ളി​ലൂ​ടെ​യാണ്‌ ഇതു നടക്കു​ന്നത്‌. നിങ്ങളു​ടെ ഉദാര​മായ സംഭാ​വ​ന​കൾക്ക്‌ ഒരുപാ​ടു നന്ദി!