16:8

ബുദ്ധി​പൂർവം പ്രവർത്തി​ച്ച​തിന്‌: അഥവാ “പ്രാ​യോ​ഗി​ക​ജ്ഞാ​ന​ത്തോ​ടെ (വിവേ​ക​ത്തോ​ടെ) പ്രവർത്തി​ച്ച​തിന്‌.” ഫ്രോ​നി​മൊസ്‌ എന്ന ഗ്രീക്കു​പദം ഇവിടെ “ബുദ്ധി​പൂർവം” എന്നാണു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. ഇതി​നോ​ടു ബന്ധമുള്ള ഒരു നാമവി​ശേ​ഷ​ണ​ത്തി​ന്റെ രൂപങ്ങളെ, ഈ വാക്യ​ത്തി​ന്റെ​തന്നെ അവസാ​ന​ഭാ​ഗത്ത്‌ ബുദ്ധി​ശാ​ലി​കൾ എന്നും മത്ത 7:24; 24:45; 25:2; ലൂക്ക 12:42 എന്നീ വാക്യ​ങ്ങ​ളിൽ “വിവേകി” എന്നും പരിഭാ​ഷ​പ്പെ​ടു​ത്തി​യി​ട്ടുണ്ട്‌.​— മത്ത 24:45; ലൂക്ക 12:42 എന്നിവ​യു​ടെ പഠനക്കു​റി​പ്പു​കൾ കാണുക.

ഈ വ്യവസ്ഥി​തി: ഇവിടെ കാണുന്ന ഏയോൻ എന്ന ഗ്രീക്കുപദത്തിന്റെ അടിസ്ഥാ​നാർഥം “യുഗം” എന്നാണ്‌. ഏതെങ്കി​ലും ഒരു കാലഘ​ട്ടത്തെ അല്ലെങ്കിൽ യുഗത്തെ വേർതി​രി​ച്ചു​കാ​ണി​ക്കുന്ന പ്രത്യേ​ക​ത​ക​ളെ​യോ സാഹച​ര്യ​ങ്ങ​ളെ​യോ സ്ഥിതി​വി​ശേ​ഷ​ത്തെ​യോ ഇതിനു കുറി​ക്കാ​നാ​കും. ഇവിടെ അത്‌ അർഥമാ​ക്കു​ന്നത്‌, ഇന്നത്തെ നീതി​കെട്ട വ്യവസ്ഥി​തി​യെ​യും ലൗകി​ക​സു​ഖങ്ങൾ തേടുന്ന ജീവി​ത​രീ​തി​യെ​യും ആണ്‌.​—പദാവ​ലി​യിൽ “വ്യവസ്ഥി​തി(കൾ)” കാണുക.