23:46

ജീവൻ: അഥവാ “ആത്മാവ്‌; ജീവശക്തി.” യേശു ഇവിടെ സങ്ക 31:5-ൽനിന്നാണ്‌ ഉദ്ധരി​ക്കു​ന്നത്‌. അവിടെ ദാവീദ്‌, തന്റെ ജീവനെ അഥവാ ജീവശ​ക്തി​യെ കാക്കണ​മെന്നു ദൈവ​ത്തോട്‌ അപേക്ഷി​ക്കു​ന്ന​താ​യി കാണാം. തന്റെ ജീവൻ താൻ ദൈവ​ത്തി​ന്റെ കൈക​ളിൽ ഏൽപ്പി​ക്കു​ക​യാണ്‌ എന്നായി​രു​ന്നു അതിന്റെ അർഥം. മരണസ​മ​യത്ത്‌, യേശു തന്റെ ജീവശക്തി യഹോ​വ​യു​ടെ കൈക​ളിൽ ഏൽപ്പി​ക്കു​ന്ന​താ​യി പറഞ്ഞു. തനിക്കു വീണ്ടും ജീവൻ നൽകാൻ ദൈവ​ത്തി​നു മാത്രമേ കഴിയൂ എന്നാണ്‌ ആ വാക്കുകൾ സൂചി​പ്പി​ച്ചത്‌.​—പദാവ​ലി​യിൽ “ആത്മാവ്‌” കാണുക.

ജീവൻ വെടിഞ്ഞു: ഇവിടെ കാണുന്ന എക്‌പ്‌നി​യോ (അക്ഷ. “ശ്വാസം പുറ​ത്തേക്കു വിട്ടു.”) എന്ന ഗ്രീക്കു​ക്രി​യയെ “അന്ത്യശ്വാ​സം വലിച്ചു” എന്നും പരിഭാ​ഷ​പ്പെ​ടു​ത്താം. (മത്ത 27:50-ന്റെ പഠനക്കു​റി​പ്പു കാണുക.) “ജീവൻ (അഥവാ ആത്മാവ്‌) തൃ​ക്കൈ​യിൽ ഏൽപ്പി​ക്കു​ന്നു” എന്ന്‌ യേശു പറഞ്ഞതാ​യി ഈ വാക്യ​ത്തിൽ കാണു​ന്നു​ണ്ടെ​ങ്കി​ലും യേശു ഉടനെ സ്വർഗ​ത്തി​ലേക്കു പോയി​ല്ലെന്നു തിരു​വെ​ഴു​ത്തു​കൾ വ്യക്തമാ​ക്കു​ന്നു. യേശു ജീവൻ വെടിഞ്ഞു അഥവാ മരിച്ചു എന്നാണു നമ്മൾ വായി​ക്കു​ന്നത്‌. താൻ മരിച്ച​വ​രു​ടെ ഇടയിൽനിന്ന്‌ ഉയിർത്തെ​ഴു​ന്നേൽക്കു​ന്നത്‌ “മൂന്നാം ദിവസം” മാത്ര​മാ​യി​രി​ക്കു​മെന്നു യേശു​തന്നെ മുമ്പ്‌ പറഞ്ഞി​രു​ന്നു. (മത്ത 16:21; ലൂക്ക 9:22) ഇനി, 40 ദിവസം​കൂ​ടെ കഴിഞ്ഞാ​ണു യേശു സ്വർഗാ​രോ​ഹണം ചെയ്‌ത​തെന്നു പ്രവൃ 1:3, 9 സൂചി​പ്പി​ക്കു​ന്നു.