21:22

ഞാൻ വരുന്ന​തു​വരെ: യേശു ഇങ്ങനെ പറഞ്ഞ​പ്പോൾ, യോഹ​ന്നാൻ അപ്പോ​സ്‌തലൻ തങ്ങളെ​ക്കാൾ കൂടുതൽ കാലം ജീവി​ച്ചി​രി​ക്കു​മെ​ന്നൊ​രു ധാരണ മറ്റ്‌ അപ്പോ​സ്‌ത​ല​ന്മാർക്കു ലഭിച്ചു​കാ​ണും. വാസ്‌ത​വ​ത്തിൽ ഈ സംഭവ​ത്തി​നു ശേഷം യോഹ​ന്നാൻ ഏതാണ്ട്‌ 70 വർഷം​കൂ​ടെ ജീവി​ക്കു​ക​യും വിശ്വ​സ്‌ത​മാ​യി ദൈവത്തെ സേവി​ക്കു​ക​യും ചെയ്‌തു. സാധ്യ​ത​യ​നു​സ​രിച്ച്‌ ഏറ്റവും അവസാനം മരിച്ച അപ്പോ​സ്‌ത​ല​നും ഇദ്ദേഹ​മാണ്‌. ഇനി, “ഞാൻ വരുന്ന​തു​വരെ” എന്ന യേശു​വി​ന്റെ വാക്കുകൾ കേട്ട​പ്പോൾ, ‘മനുഷ്യ​പു​ത്രൻ തന്റെ രാജ്യ​ത്തിൽ വരുന്ന​തി​നെ​ക്കു​റിച്ച്‌’ യേശു പറഞ്ഞതും ശിഷ്യ​ന്മാർ ഓർത്തു​കാ​ണും. (മത്ത 16:28) ഒരർഥ​ത്തിൽ യേശു ‘വരുന്ന​തു​വരെ’ യോഹ​ന്നാൻ ജീവി​ച്ചി​രി​ക്കു​ക​യും ചെയ്‌തു. അത്‌ എങ്ങനെ​യാണ്‌? പത്മൊസ്‌ ദ്വീപി​ലേക്കു നാടു​ക​ട​ത്ത​പ്പെട്ട യോഹ​ന്നാ​ന്റെ ജീവി​താ​വ​സാ​ന​ത്തോ​ട​ടുത്ത്‌ അദ്ദേഹ​ത്തിന്‌ ഒരു വെളി​പാട്‌ ലഭിച്ചു. യേശു ‘കർത്താ​വി​ന്റെ ദിവസ​ത്തിൽ’ രാജാ​ധി​കാ​ര​ത്തോ​ടെ വരു​മ്പോൾ സംഭവി​ക്കാ​നി​രി​ക്കുന്ന ചില കാര്യ​ങ്ങ​ളു​ടെ പ്രതീ​ക​ങ്ങ​ളാണ്‌ അദ്ദേഹം അതിൽ കണ്ടത്‌. അത്യത്ഭു​ത​ക​ര​മായ ദർശന​ങ്ങ​ളാ​യി​രു​ന്നു അവ. ഒടുവിൽ യേശു, “ഞാൻ വേഗം വരുക​യാണ്‌” എന്നു പറഞ്ഞ​പ്പോൾ യോഹ​ന്നാൻ ആവേശ​ത്തോ​ടെ “ആമേൻ! കർത്താ​വായ യേശുവേ, വരേണമേ” എന്നു പറഞ്ഞു. ആ ദർശനങ്ങൾ അദ്ദേഹത്തെ അത്ര​യേറെ സ്വാധീ​നി​ച്ചെ​ന്നാണ്‌ അതു തെളി​യി​ക്കു​ന്നത്‌.​—വെളി 1:1, 9, 10; 22:20.