അടിക്കുറിപ്പ്
c ആ പുരുഷന്മാർ നാസീർവ്രതം എടുത്തവരായിരുന്നുവെന്ന്‌ പണ്ഡിതന്മാർ അഭിപ്രായപ്പെടുന്നു. (സംഖ്യ 6:1-21) അത്തരമൊരു വ്രതം മോശയുടെ നിയമപ്രകാരം ഉള്ള ഒന്നായിരുന്നു; ആ നിയമമാകട്ടെ, നീങ്ങിപ്പോകുകയും ചെയ്‌തിരുന്നു. എന്നിരുന്നാലും ആ പുരുഷന്മാർ യഹോവയ്‌ക്കു നേർന്ന ഒരു നേർച്ച നിറവേറ്റുന്നതിൽ തെറ്റൊന്നുമില്ലെന്ന്‌ പൗലോസ്‌ ചിന്തിച്ചിരിക്കണം. അതുകൊണ്ട്‌ അവരോടൊപ്പം പോകുന്നതും അവരുടെ ചെലവുകൾ വഹിക്കുന്നതും തെറ്റാകുമായിരുന്നില്ല. അവരുടെ നേർച്ച ഏതു തരത്തിലുള്ള ഒന്നായിരുന്നുവെന്ന്‌ നമുക്ക്‌ കൃത്യമായി അറിയില്ല. അതെന്തുതന്നെയായാലും, മൃഗയാഗം അർപ്പിക്കുന്നത്‌ (നാസീർവ്രതക്കാർ ചെയ്‌തിരുന്നതുപോലെ) പാപമോചനം സാധ്യമാക്കും എന്നു വിശ്വസിച്ചുകൊണ്ട്‌ പൗലോസ്‌ അതിന്റെ ചെലവ്‌ വഹിച്ചിരിക്കാൻ തീരെ സാധ്യതയില്ല; കാരണം, ക്രിസ്‌തു പൂർണതയുള്ള യാഗം അർപ്പിച്ചതിനാൽ, മൃഗയാഗങ്ങളുടെ പാപപരിഹാര മൂല്യം നഷ്ടപ്പെട്ടിരുന്നു. അവിടെ നടന്ന കാര്യങ്ങളുടെ വിശദാംശങ്ങൾ നമുക്ക്‌ അറിയില്ല. എന്നാൽ ഒരു കാര്യം ഉറപ്പാണ്‌: തന്റെ മനസ്സാക്ഷിക്കു വിരുദ്ധമായ ഒരു കാര്യം ചെയ്യാൻ പൗലോസ്‌ ഒരിക്കലും തയ്യാറാകുമായിരുന്നില്ല.