സുഭാഷിതങ്ങൾ
4 മക്കളേ, അപ്പന്റെ ശിക്ഷണം ശ്രദ്ധിക്കുക;+
അവ ശ്രദ്ധിച്ചുകേട്ട്‌ വകതിരിവ്‌ നേടുക.
2 ഞാൻ നിങ്ങൾക്കു നല്ല ഉപദേശങ്ങൾ പകർന്നുതരാം;
4 എന്റെ അപ്പൻ എന്നെ ഇങ്ങനെ പഠിപ്പിച്ചു: “എന്റെ വാക്കുകൾ നിന്റെ ഹൃദയത്തിൽ എപ്പോഴുമുണ്ടായിരിക്കണം.+
എന്റെ കല്‌പനകൾ അനുസരിച്ച്‌ ദീർഘായുസ്സു നേടുക.+
5 ജ്ഞാനം നേടുക, വകതിരിവ്‌ സമ്പാദിക്കുക.+
ഇതു മറക്കരുത്‌, ഞാൻ പറയുന്ന കാര്യങ്ങൾ വിട്ടുമാറരുത്‌.
6 ജ്ഞാനം ഉപേക്ഷിക്കരുത്‌, അതു നിന്നെ സംരക്ഷിക്കും.
അതിനെ സ്‌നേഹിക്കുക, അതു നിന്നെ കാക്കും.
7 ജ്ഞാനമാണ്‌ ഏറ്റവും പ്രധാനം;+ അതുകൊണ്ട്‌ ജ്ഞാനം സമ്പാദിക്കുക;
മറ്റ് എന്തു നേടിയാലും ശരി, വകതിരിവ്‌ നേടാൻ മറക്കരുത്‌.+
8 അതിനെ വിലപ്പെട്ടതായി കാണുക, അതു നിന്നെ ഉയരങ്ങളിൽ എത്തിക്കും;+
നീ അതിനെ ആശ്ലേഷിച്ചിരിക്കകൊണ്ട്‌ അതു നിനക്ക്‌ ആദരവ്‌ നേടിത്തരും.+
9 അതു നിന്റെ തലയിൽ മനോഹരമായ ഒരു പുഷ്‌പകിരീടം അണിയിക്കും;
അതു നിന്നെ ആകർഷകമായ ഒരു കിരീടം ധരിപ്പിക്കും.”
12 നടക്കുമ്പോൾ നിന്റെ കാലുകൾക്കു മുന്നിൽ തടസ്സങ്ങളുണ്ടാകില്ല;
ഓടുമ്പോൾ നിന്റെ കാലിടറില്ല.
13 ശിക്ഷണം ഉപേക്ഷിക്കരുത്‌,+ അതു മുറുകെ പിടിക്കുക;
അതു കാത്തുസൂക്ഷിക്കുക, അതു നിന്റെ ജീവനാണ്‌.+
16 തിന്മ ചെയ്യാതെ അവർക്ക്‌ ഉറങ്ങാനാകില്ല;
ആരുടെയെങ്കിലും നാശം കാണാതെ അവർക്ക്‌ ഉറക്കം വരില്ല.
17 അവർ ദുഷ്ടതയുടെ അപ്പം തിന്നുന്നു;
അക്രമത്തിന്റെ വീഞ്ഞു കുടിക്കുന്നു.
18 എന്നാൽ നീതിമാന്മാരുടെ പാത പ്രഭാതത്തിൽ തെളിയുന്ന വെളിച്ചംപോലെയാണ്‌;
നട്ടുച്ചവരെ അതു കൂടുതൽക്കൂടുതൽ തെളിഞ്ഞുവരുന്നു.+
19 ദുഷ്ടന്മാരുടെ പാത ഇരുട്ടുപോലെയാണ്‌;
എന്തിൽ തട്ടിയാണു വീഴുന്നതെന്ന്‌* അവർക്കു മനസ്സിലാകുന്നില്ല.
21 നീ അവ നിസ്സാരമായി കാണരുത്‌;*
അവ നിന്റെ ഹൃദയത്തിന്റെ ആഴങ്ങളിൽ സൂക്ഷിക്കുക.+
22 അവ കണ്ടെത്തുന്നവർക്കു+ ജീവൻ ലഭിക്കുന്നു;
അവ അവരുടെ ശരീരത്തിന്‌ ആരോഗ്യം നൽകുന്നു.
23 മറ്റ് എന്തിനെക്കാളും പ്രധാനം നിന്റെ ഹൃദയം കാത്തുസൂക്ഷിക്കുന്നതാണ്‌;+
അതിൽനിന്നാണു ജീവന്റെ ഉറവുകൾ ആരംഭിക്കുന്നത്‌.
27 നീ ഇടത്തോട്ടോ വലത്തോട്ടോ തിരിയരുത്‌.+
നിന്റെ കാലുകൾ തിന്മയിൽനിന്ന്‌ അകറ്റുക.