യഹോ​വ​യു​ടെ സാക്ഷി​കൾക്കു ഗ്രീസിൽ കുറ്റവി​മു​ക്തി

ഉണരുക! ലേഖകൻ

ഗാസി​യി​ലെ ക്രിറ്റൻ ഗ്രാമ​ത്തി​ലെ ഓർത്ത​ഡോ​ക്‌സ്‌ പുരോ​ഹി​തൻ തന്റെ മതപ്ര​ഭാ​ഷ​ണ​ങ്ങ​ളി​ലൊ​ന്നിൽ ഇപ്രകാ​രം പറഞ്ഞു: “യഹോ​വ​യു​ടെ സാക്ഷി​കൾക്കു നമ്മുടെ ഗ്രാമ​ത്തിൽതന്നെ ഒരു ഹാളുണ്ട്‌. അവരെ ഒഴിവാ​ക്കു​ന്ന​തിന്‌ എനിക്കു നിങ്ങളു​ടെ സഹായ​മാ​വ​ശ്യ​മാണ്‌.” ഏതാനും ദിവസം കഴിഞ്ഞ്‌ ഒരു സായാ​ഹ്ന​ത്തിൽ അജ്ഞാത​രായ ആളുകൾ രാജ്യ​ഹാ​ളി​ന്റെ ജനാലകൾ തകർക്കു​ക​യും അതിനു​നേരേ നിറ​യൊ​ഴി​ക്കു​ക​യും ചെയ്‌തു. അങ്ങനെ മതസ്വാ​ത​ന്ത്ര്യ​ത്തെ ചൊല്ലി​യുള്ള വിവാ​ദ​പ്ര​ശ്‌നം ഗ്രീസിൽ വീണ്ടും തലപൊ​ക്കി.

മതപര​മാ​യ യോഗങ്ങൾ നടത്തു​ന്ന​തി​നുള്ള അനുവാ​ദ​ത്തി​നാ​യി വിദ്യാ​ഭ്യാ​സ-മതകാര്യ മന്ത്രിക്ക്‌ ഒരു അപേക്ഷ സമർപ്പി​ക്കാൻ, കിറി​യാ​ക്കോസ്‌ ബാക്‌സേ​വാ​നിസ്‌, വാസി​ലിസ്‌ ഹറ്റ്‌സാ​കിസ്‌, കോസ്റ്റാസ്‌ മാക്രി​ഡാ​കിസ്‌, റ്റിറ്റോസ്‌ മാനു​സാ​കിസ്‌ എന്നീ നാലു പ്രാ​ദേ​ശിക സാക്ഷി​കളെ ഈ സംഭവം പ്രേരി​പ്പി​ച്ചു. അനുമതി ലഭിക്കു​ന്ന​പക്ഷം ഒടുവിൽ പൊലീസ്‌ സംരക്ഷണം ഉറപ്പു​വ​രു​ത്താ​മെന്ന്‌ അവർ പ്രത്യാ​ശി​ച്ചു. എന്നാൽ അത്‌ അത്ര എളുപ്പം സാധ്യ​മാ​കു​മാ​യി​രു​ന്നില്ല.

തന്റെ ഇടവക​പ്ര​ദേ​ശ​ത്തുള്ള യഹോ​വ​യു​ടെ സാക്ഷി​ക​ളു​ടെ രാജ്യ​ഹാൾ അധികാ​രി​ക​ളു​ടെ ശ്രദ്ധയിൽ കൊണ്ടു​വ​രു​ക​യും നിയ​ന്ത്ര​ണങ്ങൾ ഏർപ്പെ​ടു​ത്തി അവരുടെ യോഗങ്ങൾ നിരോ​ധി​ക്ക​ണ​മെന്ന്‌ അഭ്യർഥി​ക്കു​ക​യും ചെയ്‌തു​കൊണ്ട്‌, സുരക്ഷാ പൊലീ​സി​ന്റെ ഹെറാ​ക്ലി​യോ​നി​ലുള്ള കേന്ദ്ര​കാ​ര്യാ​ല​യ​ത്തി​ലേക്ക്‌ ആ പുരോ​ഹി​തൻ ഒരു കത്തയച്ചു. തത്‌ഫ​ല​മാ​യി പൊലീസ്‌ അന്വേ​ഷ​ണ​വും ചോദ്യം​ചെ​യ്യ​ലും ഉണ്ടായി. ഒടുവിൽ സാക്ഷി​കൾക്കെ​തി​രാ​യി ക്രിമി​നൽ കുറ്റത്തി​നു പ്രോ​സി​ക്യൂ​ട്ടർ നിയമ​ന​ട​പ​ടി​കൾ ആരംഭി​ച്ചു, അങ്ങനെ കേസ്‌ കോട​തി​യു​ടെ മുമ്പാ​കെ​യെത്തി.

1987 ഒക്‌ടോ​ബർ 6-ന്‌ ഹെറാ​ക്ലി​യോ​നി​ലെ ക്രിമി​നൽ കോടതി നാലു പ്രതി​ക​ളെ​യും വെറുതേ വിട്ടു​കൊണ്ട്‌ ഇങ്ങനെ പ്രസ്‌താ​വി​ച്ചു: “അവരു​ടെ​മേൽ ചുമത്തി​യി​രി​ക്കുന്ന കുറ്റം അവർ ചെയ്‌തി​ട്ടില്ല, കാരണം ഒരു മതത്തിലെ അംഗങ്ങൾക്കു യോഗങ്ങൾ നടത്താ​നുള്ള സ്വാത​ന്ത്ര്യ​മുണ്ട്‌ . . . , യാതൊ​ര​നു​മ​തി​യും ആവശ്യ​മില്ല.” എന്നാൽ രണ്ടു ദിവസം കഴിഞ്ഞ്‌ ആ തീരു​മാ​ന​ത്തി​നെ​തി​രെ പ്രോ​സി​ക്യൂ​ട്ടർ അപ്പീൽ നൽകി. കേസ്‌ ഹൈ​ക്കോ​ട​തി​യു​ടെ പരിഗ​ണ​ന​യി​ലെത്തി. 1990 ഫെബ്രു​വരി 15-ന്‌ ഈ കോടതി ആ സാക്ഷി​കൾക്കു രണ്ടുമാ​സത്തെ തടവു​ശി​ക്ഷ​യും ഏകദേശം 100 ഡോളർ പിഴയും വിധിച്ചു. അതേത്തു​ടർന്ന്‌, പ്രതികൾ ഗ്രീക്ക്‌ സുപ്രീം​കോ​ട​തി​യിൽ അപ്പീൽ നൽകി.

1991 മാർച്ച്‌ 19-ന്‌ സുപ്രീം​കോ​ടതി അപ്പീൽ നിരസി​ക്കു​ക​യും കുറ്റം ശരി​വെ​ക്കു​ക​യും ചെയ്‌തു. രണ്ടുവർഷം കഴിഞ്ഞ്‌, 1993 സെപ്‌റ്റം​ബർ 20-ന്‌ സുപ്രീം​കോ​ട​തി​യു​ടെ തീരു​മാ​നം പ്രഖ്യാ​പി​ച്ച​പ്പോൾ പൊലീസ്‌ രാജ്യ​ഹാൾ അടച്ചു​പൂ​ട്ടി മുദ്ര​വെച്ചു. ഒരു പൊലീസ്‌ രേഖ വെളി​പ്പെ​ടു​ത്തു​ന്ന​ത​നു​സ​രിച്ച്‌, ഈ നടപടി​ക്കു പിന്നി​ലു​ണ്ടാ​യി​രു​ന്നതു ക്രിറ്റി​ലെ ഓർത്ത​ഡോ​ക്‌സ്‌ സഭയാ​യി​രു​ന്നു.

മതസ്വാ​ത​ന്ത്ര്യം നിയ​ന്ത്രി​ക്കാൻ ഉദ്ദേശിച്ച്‌ 1938-ൽ പാസാ​ക്കിയ ചില നിയമങ്ങൾ ഇപ്പോ​ഴും ഗ്രീസിൽ പ്രാബ​ല്യ​ത്തി​ലി​രി​ക്കു​ന്ന​തി​നാ​ലാണ്‌ ഈ സാഹച​ര്യം സംജാ​ത​മാ​യത്‌. ഒരു വ്യക്തി ഒരു ആരാധ​നാ​ലയം നടത്താൻ ആഗ്രഹി​ക്കു​ന്നെ​ങ്കിൽ വിദ്യാ​ഭ്യാ​സ-മതകാര്യ മന്ത്രാ​ല​യ​ത്തിൽനി​ന്നും ഓർത്ത​ഡോ​ക്‌സ്‌ സഭയുടെ പ്രാ​ദേ​ശിക ബിഷപ്പിൽനി​ന്നും അനുവാ​ദം ലഭിച്ചി​രി​ക്ക​ണ​മെന്ന്‌ ആ നിയമ​ത്തിൽ അനുശാ​സി​ക്കു​ന്നു. ഈ പഴഞ്ചൻ നിയമം അനേക ദശകങ്ങ​ളാ​യി യഹോ​വ​യു​ടെ സാക്ഷി​കൾക്ക്‌ ഒട്ടനവധി ബുദ്ധി​മു​ട്ടു​കൾ ഉളവാ​ക്കി​യി​രി​ക്കു​ന്നു.

മതസ്വാ​ത​ന്ത്ര്യ​വും മനുഷ്യാ​വ​കാ​ശ​ങ്ങ​ളും

തങ്ങളുടെ കുറ്റം സുപ്രീം​കോ​ടതി ശരി​വെ​ച്ചെന്നു കണ്ടപ്പോൾ, ആ നാല്‌ സാക്ഷികൾ ഫ്രാൻസി​ലെ സ്‌ട്രാ​സ്‌ബർഗി​ലുള്ള, യൂറോ​പ്യൻ മനുഷ്യാ​വ​കാശ കമ്മീഷന്‌ 1991 ആഗസ്റ്റ്‌ 7-ന്‌ ഒരു പരാതി സമർപ്പി​ച്ചു. ചിന്താ​സ്വാ​ത​ന്ത്ര്യം, മനസ്സാ​ക്ഷി​സ്വാ​ത​ന്ത്ര്യം, മതസ്വാ​ത​ന്ത്ര്യം എന്നിവ​യും തനിച്ചോ മറ്റുള്ള​വ​രോ​ടൊ​പ്പം കൂട്ടമാ​യോ ഒരുവന്റെ മതവി​ശ്വാ​സം പരസ്യ​മാ​യോ സ്വകാ​ര്യ​മാ​യോ പ്രകടി​പ്പി​ക്കാ​നുള്ള അവകാ​ശ​വും സംരക്ഷി​ക്കുന്ന യൂറോ​പ്യൻ ഉടമ്പടി​യു​ടെ 9-ാം വകുപ്പി​ന്റെ ലംഘന​മാ​യി​രു​ന്നു തങ്ങൾക്കെ​തി​രായ കുറ്റവി​ധി​യെന്ന്‌ ഹർജി​ക്കാർ വാദിച്ചു.

ഈ കേസിൽ ഗ്രീസ്‌ യൂറോ​പ്യൻ ഉടമ്പടി​യു​ടെ 9-ാം വകുപ്പു ലംഘി​ച്ചു​വെന്ന്‌, 25 അംഗങ്ങ​ള​ട​ങ്ങിയ പ്രസ്‌തുത കമ്മീഷൻ 1995 മേയ്‌ 25-ന്‌ ഐകക​ണ്‌ഠ്യേന തീർപ്പു കൽപ്പിച്ചു. ചോദ്യം ചെയ്യ​പ്പെ​ട്ടി​രി​ക്കുന്ന കുറ്റവി​ധി മതസ്വാ​ത​ന്ത്ര്യ​ത്തി​ന്റെ അന്തഃസ​ത്ത​യ്‌ക്കു നിരക്കാ​ത്ത​താ​ണെ​ന്നും ഒരു ജനാധി​പത്യ സമൂഹ​ത്തിൽ അത്‌ അനിവാ​ര്യ​മ​ല്ലെ​ന്നു​മാ​യി​രു​ന്നു അവരുടെ പ്രഖ്യാ​പനം. കേസിന്റെ സ്വീകാ​ര്യത സംബന്ധിച്ച്‌ ഈ വിധി ഇങ്ങനെ പ്രസ്‌താ​വി​ച്ചു: “അനേകം യൂറോ​പ്യൻ രാജ്യ​ങ്ങ​ളി​ലും വ്യാപ​ക​മാ​യി അറിയ​പ്പെ​ടു​ന്ന​തും അംഗീ​ക​രി​ക്ക​പ്പെ​ടു​ന്ന​തു​മായ മതപര​മായ ആചാരാ​നു​ഷ്‌ഠാ​ന​ങ്ങ​ളുള്ള ഒരു പ്രസ്ഥാ​ന​ത്തി​ലെ അംഗങ്ങ​ളാണ്‌ . . . അപേക്ഷകർ.” ഒടുവിൽ കമ്മീഷൻ, കേസ്‌ യൂറോ​പ്യൻ മനുഷ്യാ​വ​കാശ കോട​തി​യു​ടെ പരിഗ​ണ​ന​യ്‌ക്കാ​യി സമർപ്പി​ച്ചു.

യഹോ​വ​യു​ടെ സാക്ഷി​കളെ തടയാ​നാ​വി​ല്ല

വിചാരണ 1996 മേയ്‌ 20-ന്‌ നടത്താൻ തീരു​മാ​നി​ച്ചു. പ്രാ​ദേ​ശിക സർവക​ലാ​ശാ​ല​യിൽനി​ന്നുള്ള വിദ്യാർഥി​കൾക്കും പ്രൊ​ഫ​സർമാർക്കും പുറമേ, പത്ര​പ്ര​വർത്ത​ക​രും ഗ്രീസ്‌, ജർമനി, ബെൽജി​യം, ഫ്രാൻസ്‌ എന്നിവി​ട​ങ്ങ​ളിൽനി​ന്നുള്ള നിരവധി യഹോ​വ​യു​ടെ സാക്ഷി​ക​ളും ഉൾപ്പെടെ 200-ലധികം പേർ കോട​തി​മു​റി​യി​ലു​ണ്ടാ​യി​രു​ന്നു.

ദേശീയ അധികൃ​തർ സ്വീക​രിച്ച നയവും കൽപ്പിച്ച വിധി​യും യൂറോ​പ്യൻ ഉടമ്പടി​യെ മാത്രമല്ല ഗ്രീക്ക്‌ ഭരണഘ​ട​ന​യെ​യും ലംഘി​ച്ചു​വെന്ന്‌ ഏഥൻസ്‌ സർവക​ലാ​ശാ​ല​യിൽനി​ന്നു വിരമിച്ച പ്രൊ​ഫ​സ​റും സാക്ഷി​ക​ളു​ടെ അഭിഭാ​ഷ​ക​നു​മായ ശ്രീ. ഫെഥോൻ വെഗ്ലേ​റിസ്‌ തറപ്പി​ച്ചു​പ​റഞ്ഞു. “അതു​കൊണ്ട്‌ ദേശീയ നിയമ​വും അതിന്റെ പ്രയു​ക്ത​ത​യു​മാണ്‌ കോടതി പരിഗ​ണി​ച്ചി​രി​ക്കു​ന്നത്‌.”

സ്‌റ്റേറ്റ്‌ കൗൺസി​ലിൽനി​ന്നുള്ള ഒരു ജഡ്‌ജി​യാ​യി​രു​ന്നു ഗ്രീക്ക്‌ ഗവൺമെൻറി​ന്റെ അഭിഭാ​ഷകൻ. വസ്‌തു​തകൾ വിവരി​ക്കു​ന്ന​തി​നു പകരം, ഗ്രീസിൽ ഓർത്ത​ഡോ​ക്‌സ്‌ സഭ വഹിക്കുന്ന സ്ഥാനം, ഗവൺമെൻറു​മാ​യുള്ള അതിന്റെ അടുത്ത ബന്ധം, മറ്റു മതങ്ങളെ നിയ​ന്ത്ര​ണ​ത്തിൽ നിർത്തേ​ണ്ട​തി​ന്റെ ആവശ്യം എന്നിവ​യെ​ക്കു​റി​ച്ചാണ്‌ അദ്ദേഹം വിശദീ​ക​രി​ച്ചത്‌. കൂടു​ത​ലാ​യി, 1960 മുതൽ യഹോ​വ​യു​ടെ സാക്ഷികൾ തങ്ങളുടെ അംഗസം​ഖ്യ വർധി​പ്പി​ക്കു​ന്ന​തിൽ വളരെ​യേറെ വിജയം കൈവ​രി​ച്ചി​ട്ടു​ണ്ടെ​ന്നും അദ്ദേഹം പ്രസ്‌താ​വി​ച്ചു. മറ്റു വാക്കു​ക​ളിൽ പറഞ്ഞാൽ, ഓർത്ത​ഡോ​ക്‌സ്‌ സഭയുടെ കുത്തക​സ്ഥാ​നം ശരിക്കും വെല്ലു​വി​ളി​ക്ക​പ്പെ​ട്ടി​രി​ക്കു​ന്നു​വെ​ന്നർഥം!

മതസ്വാ​ത​ന്ത്ര്യം ഉയർത്തി​പ്പി​ടി​ച്ചു

സെപ്‌റ്റം​ബർ 26-ന്‌ വിധി പുറ​പ്പെ​ടു​വി​ക്കു​മാ​യി​രു​ന്നു. രംഗം ഉദ്വേ​ഗ​പൂർണ​മാ​യി, വിശേ​ഷി​ച്ചും യഹോ​വ​യു​ടെ സാക്ഷി​കൾക്ക്‌. ന്യായാ​ധി​പ​സഭാ പ്രസി​ഡൻറായ ശ്രീ. റുഡോൾഫ്‌ ബേൺഹാർട്ട്‌ വിധി വായിച്ചു: ഗ്രീസ്‌, യൂറോ​പ്യൻ ഉടമ്പടി​യു​ടെ 9-ാം വകുപ്പു ലംഘി​ച്ചു​വെന്ന്‌ ഒമ്പതു ജഡ്‌ജി​മാ​ര​ട​ങ്ങിയ കോടതി ഐകക​ണ്‌ഠ്യേന അഭി​പ്രാ​യ​പ്പെട്ടു. ചെലവു​കൾ നികത്തു​ന്ന​തി​നു കോടതി പരാതി​ക്കാർക്ക്‌ ഏകദേശം 17,000 ഡോളർ സമ്മാനി​ക്കു​ക​യും ചെയ്‌തു. ഏറ്റവും പ്രധാ​ന​മാ​യി, മതസ്വാ​ത​ന്ത്ര്യ​ത്തിന്‌ അനുകൂ​ല​മാ​യുള്ള ശ്രദ്ധേ​യ​മായ ഒട്ടനവധി വാദമു​ഖങ്ങൾ ആ തീരു​മാ​ന​ത്തിൽ ഉൾപ്പെ​ട്ടി​രു​ന്നു.

“മതസ്വാ​ത​ന്ത്ര്യം വിനി​യോ​ഗി​ക്കുന്ന സംഗതി​യിൽ ദൂരവ്യാ​പ​ക​മായ കടന്നു​ക​യറ്റം നടത്താൻ രാഷ്‌ട്രീയ-ഭരണ-സഭാ അധികാ​രി​കളെ” ഗ്രീക്ക്‌ നിയമം അനുവ​ദി​ക്കു​ന്നു​വെന്നു കോടതി അഭി​പ്രാ​യ​പ്പെട്ടു. “ചില യാഥാ​സ്ഥി​തി​കേതര പ്രസ്ഥാ​ന​ങ്ങ​ളു​ടെ​മേൽ, പ്രത്യേ​കി​ച്ചും യഹോ​വ​യു​ടെ സാക്ഷി​ക​ളു​ടെ​മേൽ, അവരുടെ മതവി​ശ്വാ​സങ്ങൾ ആചരി​ക്കു​ന്ന​തിൽ കർക്കശ​മായ അല്ലെങ്കിൽ തീർച്ച​യാ​യും നിരോ​ധ​നാർഹ​മായ വ്യവസ്ഥകൾ ചുമത്താൻ” അനുവാ​ദം നേടു​ന്ന​തിന്‌ ആവശ്യ​മാ​യി​രി​ക്കുന്ന നടപടി​ക്രമം ഗവൺമെൻറ്‌ ഉപയോ​ഗി​ച്ചെ​ന്നും അതു കൂട്ടി​ച്ചേർത്തു. നിരവധി ദശകങ്ങ​ളാ​യി ഓർത്ത​ഡോ​ക്‌സ്‌ സഭ അവലം​ബി​ച്ചു​പോന്ന നികൃഷ്ട തന്ത്രങ്ങളെ ഈ സാർവ​ദേ​ശീയ കോടതി തുറന്നു​കാ​ട്ടി.

“[യൂറോ​പ്യൻ] ഉടമ്പടി ഉറപ്പു​നൽകുന്ന മതസ്വാ​ത​ന്ത്ര്യ​ത്തി​നുള്ള അവകാശം, മതവി​ശ്വാ​സ​ങ്ങ​ളോ അവ പ്രകടി​പ്പി​ക്കാൻ ഉപയോ​ഗി​ക്കുന്ന മാർഗ​ങ്ങ​ളോ നിയമ​പ​ര​മാ​ണോ​യെന്നു തീരു​മാ​നി​ക്കാ​നുള്ള യാതൊ​ര​ധി​കാ​ര​വും രാഷ്‌ട്ര​ത്തി​നു നൽകു​ന്നില്ല” എന്നു കോടതി ഊന്നി​പ്പ​റഞ്ഞു. “യഹോ​വ​യു​ടെ സാക്ഷികൾ, ഗ്രീക്ക്‌ നിയമം അനുശാ​സി​ക്കു​ന്ന​ത​നു​സ​രിച്ച്‌ ‘അറിയ​പ്പെ​ടുന്ന മത’ത്തിന്റെ നിർവ​ച​ന​ത്തി​നു​ള്ളിൽ വരുന്നു . . . മാത്രമല്ല ഗവൺമെൻറ്‌ അതംഗീ​ക​രി​ക്കു​ക​യും ചെയ്‌തി​രി​ക്കു​ന്നു” എന്നും കോടതി പ്രസ്‌താ​വി​ച്ചു.

വെറു​മൊ​രു തമാശയല്ല

തുടർന്നു​വന്ന ഏതാനും ദിവസ​ങ്ങ​ളിൽ, മിക്ക പ്രമുഖ ഗ്രീക്കു പത്രങ്ങ​ളും ഈ കേസിന്‌ പ്രചാരം നൽകി. കാത്തി​മെ​റി​നി​യു​ടെ 1996 സെപ്‌റ്റം​ബർ 29 ഞായറാഴ്‌ച പതിപ്പ്‌ ഇങ്ങനെ അഭി​പ്രാ​യ​പ്പെട്ടു: “ഇതിനെ ‘വെറു​മൊ​രു തമാശ’യായി തള്ളിക്ക​ള​യാൻ ഗ്രീക്ക്‌ രാഷ്‌ട്രം എത്രമാ​ത്രം ശ്രമി​ച്ചാ​ലും, യൂറോ​പ്യൻ മനുഷ്യാ​വ​കാശ കോട​തി​യിൽനി​ന്നു ഗ്രീസിന്‌ അതിന്റെ ‘മുഖത്തേറ്റ പ്രഹരം’ വസ്‌തു​നി​ഷ്‌ഠ​മായ ഒരു യാഥാർഥ്യം, സാർവ​ദേ​ശീയ തലത്തിൽ ഉചിത​മാ​യി രേഖ​പ്പെ​ടു​ത്തിയ ഒരു യാഥാർഥ്യ​മാണ്‌. [യൂറോ​പ്യൻ] മനുഷ്യാ​വ​കാശ ഉടമ്പടി​യു​ടെ 9-ാം വകുപ്പ്‌ കോടതി ഗ്രീസി​നെ ഓർമി​പ്പി​ക്കു​ക​യും ഗ്രീക്കു നിയമത്തെ ഐകക​ണ്‌ഠ്യേന കുറ്റം വിധി​ക്കു​ക​യും ചെയ്‌തു.”

“യഹോ​വ​യു​ടെ സാക്ഷി​ക​ളാ​യി​രി​ക്കുക നിമിത്തം ദൗർഭാ​ഗ്യ​മ​നു​ഭ​വി​ക്കാ​നി​ട​യായ പൗരൻമാർക്കു കോട​തി​ച്ചെ​ലവു നൽകാൻ ഉത്തരവി​ട്ടു​കൊണ്ട്‌” യൂറോ​പ്യൻ കോടതി “ഗ്രീസി​നെ കുറ്റം​വി​ധി”ച്ചെന്ന്‌ 1996 സെപ്‌റ്റം​ബർ 28-ന്‌ ഏഥൻസ്‌ ദിനപ്പ​ത്ര​മായ എത്ത്‌നോസ്‌ എഴുതി.

ഹർജി​ക്കാ​രു​ടെ അഭിഭാ​ഷ​ക​രിൽ ഒരുവ​നായ ശ്രീ. പാനോസ്‌ ബിറ്റ്‌സാ​ച്ചിസ്‌ ഒരു റേഡി​യോ പരിപാ​ടി​യിൽ നടത്തിയ അഭിമു​ഖ​ത്തിൽ ഇങ്ങനെ പറഞ്ഞു: “നാം ജീവി​ക്കു​ന്നത്‌ 1996 എന്ന വർഷത്തിൽ, 21-ാം നൂറ്റാ​ണ്ടി​ന്റെ വക്കിലാണ്‌. മതസ്വാ​ത​ന്ത്ര്യ​ത്തി​നുള്ള മൗലി​കാ​വ​കാ​ശം വിനി​യോ​ഗി​ക്കു​ന്ന​തി​നോ​ടുള്ള ബന്ധത്തിൽ പക്ഷപാ​തി​ത്വ​മോ ദ്രോ​ഹ​മോ ഭരണകൂ​ട​ത്തി​ന്റെ ഇടപെ​ട​ലോ ഉണ്ടാക​രു​തെ​ന്നതു പറയാ​തെ​തന്നെ വ്യക്തമായ കാര്യ​മാണ്‌. . . . ഗവൺമെൻറിന്‌ അതിന്റെ നയം പുനഃ​പ​രി​ശോ​ധി​ക്കു​ന്ന​തി​നും ഇക്കാലത്തു യാതൊ​രു ഉദ്ദേശ്യ​ത്തി​നും ഉപകരി​ക്കാത്ത വിവേ​ക​ര​ഹി​ത​മായ ഈ പക്ഷപാ​തി​ത്വം അവസാ​നി​പ്പി​ക്കു​ന്ന​തി​നു​മുള്ള ഒരു നല്ല അവസര​മാ​ണിത്‌.”

ഗ്രീസി​നെ​തി​രെ​യുള്ള മാനു​സാ​കി​സി​ന്റെ​യും മറ്റുള്ള​വ​രു​ടെ​യും ഈ കേസിന്റെ വിധി, ഭരണകൂ​ട​ത്തി​ന്റെ​യോ പൊലീ​സി​ന്റെ​യോ സഭയു​ടെ​യോ ഇടപെടൽ കൂടാതെ യഹോ​വ​യു​ടെ സാക്ഷി​കൾക്കു ഗ്രീസിൽ മതസ്വാ​ത​ന്ത്ര്യം ആസ്വദി​ക്കാൻ കഴി​യേ​ണ്ട​തി​നു ഗ്രീക്ക്‌ രാഷ്‌ട്രം അതിന്റെ നിയമ​നിർമാ​ണത്തെ യൂറോ​പ്യൻ കോട​തി​യു​ടെ വിധി​യോ​ടുള്ള ചേർച്ച​യിൽ കൊണ്ടു​വ​രു​മെ​ന്നുള്ള പ്രതീ​ക്ഷ​യ്‌ക്ക്‌ ആക്കംകൂ​ട്ടു​ന്നു. തന്നെയു​മല്ല, മതസ്വാ​ത​ന്ത്ര്യ​ത്തോ​ടു ബന്ധപ്പെട്ട കാര്യ​ങ്ങ​ളിൽ ഗ്രീക്ക്‌ നീതി​ന്യാ​യ​വ്യ​വ​സ്ഥ​യ്‌ക്കെ​തി​രെ യൂറോ​പ്യൻ കോടതി വിധി​കൽപ്പി​ക്കു​ന്നത്‌ ഇതു രണ്ടാം തവണയാണ്‌.a

ദൈവ​വ​ച​ന​ത്തി​നു വിരു​ദ്ധ​മ​ല്ലാത്ത എല്ലാ കാര്യ​ങ്ങ​ളി​ലും യഹോ​വ​യു​ടെ സാക്ഷികൾ ഭരണകൂ​ട​ങ്ങ​ളാ​കുന്ന “ശ്രേഷ്‌ഠാ​ധി​കാ​രങ്ങ”ളെ അനുസ​രി​ക്കു​ന്നു​വെ​ന്നതു സുവി​ദി​ത​മാണ്‌. (റോമർ 13:1, 7) ഒരു പ്രകാ​ര​ത്തി​ലും അവർ ക്രമസ​മാ​ധാ​ന​ത്തിന്‌ ഒരു ഭീഷണി​യാ​കു​ന്നില്ല. നേരേ​മ​റിച്ച്‌, നിയമം അനുസ​രി​ക്കാ​നും സമാധാ​ന​പൂർണ​മായ ഒരു ജീവിതം നയിക്കാ​നും അവരുടെ പ്രസി​ദ്ധീ​ക​ര​ണ​ങ്ങ​ളും പൊതു​ശു​ശ്രൂ​ഷ​യും എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു. നീതി​നി​ഷ്‌ഠ​വും നന്നായി അംഗീ​ക​രി​ക്ക​പ്പെ​ട്ടി​ട്ടു​ള്ള​തു​മായ ഒരു മതമാണ്‌ അവരു​ടേത്‌. അതിലെ അംഗങ്ങൾ അവരുടെ അയൽക്കാ​രു​ടെ ക്ഷേമത്തി​നാ​യി വളരെ​യേറെ സഹായം ചെയ്‌തി​രി​ക്കു​ന്നു. ബൈബി​ളി​ലെ ഉന്നത ധാർമിക നിലവാ​രങ്ങൾ ഉയർത്തി​പ്പി​ടി​ക്കു​ന്ന​തി​ലെ അവരുടെ നിശ്ചയ​ദാർഢ്യ​വും ബൈബിൾ വിദ്യാ​ഭ്യാ​സ വേലയാൽ വിശേ​ഷി​ച്ചും പ്രകട​മാ​ക്ക​പ്പെ​ട്ടി​രി​ക്കുന്ന അയൽക്കാ​രോ​ടുള്ള സ്‌നേ​ഹ​വും അവർ വസിക്കുന്ന 200-ലധികം രാജ്യ​ങ്ങ​ളിൽ ആരോ​ഗ്യാ​വ​ഹ​മായ ഫലം ഉളവാ​ക്കി​യി​ട്ടുണ്ട്‌.

യൂറോ​പ്യൻ കോട​തി​യു​ടെ വിധി ഗ്രീസി​ലെ യഹോ​വ​യു​ടെ സാക്ഷി​കൾക്കും മറ്റെല്ലാ മത ന്യൂന​പ​ക്ഷ​ങ്ങൾക്കും വർധിച്ച മതസ്വാ​ത​ന്ത്ര്യം കൈവ​രു​ത്താ​നു​ത​കു​മെന്നു പ്രത്യാ​ശി​ക്കു​ന്നു.

[അടിക്കു​റിപ്പ്‌]

[15-ാം പേജിലെ ചിത്രം]

1993 സെപ്‌റ്റം​ബർ 20-ന്‌ പൊലീസ്‌ അടച്ചു​പൂ​ട്ടി മുദ്ര​വെച്ച രാജ്യ​ഹാൾ

[15-ാം പേജിലെ ചിത്രം]

സ്‌ട്രാസ്‌ബർഗിലെ യൂറോ​പ്യൻ മനുഷ്യാ​വ​കാശ കോടതി

[16-ാം പേജിലെ ചിത്രം]

ഉൾപ്പെട്ടിരുന്ന സാക്ഷികൾ: റ്റി. മാനു​സാ​കിസ്‌, വി. ഹറ്റ്‌സാ​കിസ്‌, കെ. മാക്രി​ഡാ​കിസ്‌, കെ. ബാക്‌സെ​വാ​നിസ്‌