യുവജ​നങ്ങൾ ചോദി​ക്കു​ന്നു . . .

എനിക്ക്‌ എങ്ങനെ മറ്റുള്ള​വരെ സഹായി​ക്കാ​നാ​കും?

“സ്‌കൂൾ പഠനം കഴിഞ്ഞാൽ ഒരു ഇലക്ട്രീ​ഷ്യ​നാ​യി എനിക്കു ജോലി കിട്ടി​യേ​ക്കും. രാജ്യ​ഹാൾ നിർമാ​ണ​ത്തിൽ സഹായി​ക്കാൻ ഞാൻ ആഗ്രഹി​ക്കു​ന്നു.”—ട്രിസ്റ്റൻ, 14.

“പുതിയ അച്ചടി യന്ത്രത്തി​നു​വേണ്ടി ഞാൻ 20 ഡോളർ [900 രൂപ] സംഭാവന ചെയ്യു​ക​യാണ്‌. എന്റെ പോക്കറ്റ്‌ മണിയാ​ണിത്‌. പക്ഷേ ഇതു നിങ്ങൾക്കു നൽകാൻ ഞാൻ ആഗ്രഹി​ക്കു​ന്നു.”—അബ്ബീ, 9.

ചെറു​പ്പ​ക്കാ​രെ സ്വാർഥ​രാ​യാണ്‌ പലരും മുദ്ര​കു​ത്തു​ന്നത്‌. എന്നാൽ അനേകം യുവജ​ന​ങ്ങ​ളും അതിന്‌ ഒരപവാ​ദ​മാണ്‌. യഹോ​വ​യു​ടെ സാക്ഷി​കൾക്കി​ട​യി​ലെ നിരവധി യുവതീ​യു​വാ​ക്ക​ന്മാർ തങ്ങളുടെ സമയവും ഊർജ​വും വിഭവ​ങ്ങ​ളും മറ്റുള്ള​വരെ സേവി​ക്കാ​നാ​യി വിനി​യോ​ഗി​ക്കു​ന്നു. (സങ്കീർത്തനം 110:3) ഏതാനും ചില ഉദാഹ​ര​ണ​ങ്ങൾകൂ​ടി നോക്കുക.

ഓസ്‌​ട്രേ​ലി​യ​യി​ലുള്ള ഏഴു വയസ്സു​കാ​ര​നായ ജിറാ​യു​ടെ വല്യമ്മ മരിച്ച്‌ ഏറെ താമസി​യാ​തെ​യാണ്‌ വല്യപ്പൻ അവന്‌ 50 ഡോളർ (1,700 രൂപ) നൽകി​യത്‌. ആ പണം​കൊണ്ട്‌ അവൻ എന്താണു ചെയ്‌തത്‌? അടുത്ത സഭാ​യോ​ഗ​ത്തി​നു പോയ​പ്പോൾ അവൻ ആ തുക മുഴുവൻ സംഭാ​വ​ന​പ്പെ​ട്ടി​യിൽ നിക്ഷേ​പി​ച്ചു. എന്തു​കൊണ്ട്‌? അവൻ അമ്മയോട്‌ ഇങ്ങനെ പറഞ്ഞു: “എനിക്ക്‌ കളിപ്പാ​ട്ടങ്ങൾ ധാരാ​ള​മുണ്ട്‌, പക്ഷേ ഒരു വല്യമ്മയേ ഉണ്ടായി​രു​ന്നു​ള്ളൂ, യഹോ​വയെ വളരെ​യേറെ സ്‌നേ​ഹി​ച്ചി​രുന്ന വല്യമ്മ ഞാൻ ഈ പണം സംഭാവന ചെയ്യാൻ തീർച്ച​യാ​യും ആഗ്രഹി​ച്ചി​ട്ടു​ണ്ടാ​കണം.”

ഐക്യ​നാ​ടു​ക​ളി​ലുള്ള അഞ്ചു വയസ്സു​കാ​രി​യായ ഹന്നയ്‌ക്ക്‌ കുതി​ര​കളെ ഇഷ്ടമാണ്‌. 75 ഡോളർ (3,375 രൂപ) വിലവ​രുന്ന ഒരു കളിക്കു​തി​രയെ വാങ്ങാൻ അവൾ ആഗ്രഹി​ച്ചു. സമ്പാദ്യ​ശീ​ല​ത്തി​ന്റെ മൂല്യം പഠിപ്പി​ക്കാ​നാ​യി ഹന്നയുടെ മാതാ​പി​താ​ക്കൾ കുടു​ക്ക​യി​ലി​ടാൻ അവൾക്ക്‌ ഇടയ്‌ക്കി​ടെ പണം നൽകു​മാ​യി​രു​ന്നു. അങ്ങനെ ആ കുതി​രയെ വാങ്ങാ​നാ​വ​ശ്യ​മായ പണം അവളുടെ പക്കൽ ഉണ്ടായി​രു​ന്നു.

എന്നാൽ ആ സമയത്താണ്‌ കത്രീന ചുഴലി​ക്കൊ​ടു​ങ്കാറ്റ്‌ മെക്‌സി​ക്കൻ ഉൾക്കടൽത്തീ​രത്ത്‌ നാശം വിതച്ചത്‌. അതിന്‌ ഇരയാ​യ​വരെ കുറിച്ചു കേട്ട ഹന്ന താൻ സ്വരൂ​പി​ച്ചു​വെച്ച പണം മുഴു​വ​നും, അതായത്‌ 100 ഡോള​റി​ല​ധി​കം (4,500 രൂപയി​ല​ധി​കം), അവരെ സഹായി​ക്കാ​നാ​യി സംഭാവന നൽകാൻ തീരു​മാ​നി​ച്ചു. യഹോ​വ​യു​ടെ സാക്ഷി​ക​ളു​ടെ ഹെഡ്‌ക്വാർട്ടേ​ഴ്‌സി​ലേക്ക്‌ ഹന്ന ഇപ്രകാ​രം എഴുതി: “ഞാൻ യഹോ​വയെ സ്‌നേ​ഹി​ക്കു​ന്ന​തി​നാ​ലും കൊടു​ങ്കാ​റ്റിന്‌ ഇരകളാ​യ​വരെ സഹായി​ക്കാൻ ആഗ്രഹി​ക്കു​ന്ന​തി​നാ​ലു​മാണ്‌ ഈ പണം നിങ്ങൾക്കു നൽകു​ന്നത്‌.” ഇത്തരം ദയാ​പ്ര​വൃ​ത്തി​കൾ യഹോവ ശ്രദ്ധി​ക്കു​ന്നു​ണ്ടോ? ബൈബിൾ ഇപ്രകാ​രം പറയുന്നു: “നന്മചെ​യ്‌വാ​നും കൂട്ടാ​യ്‌മ​കാ​ണി​പ്പാ​നും മറക്കരു​തു. ഈവക യാഗത്തി​ല​ല്ലോ ദൈവം പ്രസാ​ദി​ക്കു​ന്നത്‌.”—എബ്രായർ 13:16.

2004-ൽ ഫ്‌ളോ​റി​ഡ​യിൽ രണ്ടു ചുഴലി​ക്കൊ​ടു​ങ്കാ​റ്റു വീശി​യ​ടി​ച്ച​തി​നെ തുടർന്ന്‌ ഐക്യ​നാ​ടു​ക​ളി​ലെ റ്റിഫാനി എന്ന പെൺകു​ട്ടി​യും യഹോ​വ​യു​ടെ സാക്ഷി​ക​ളു​ടെ ഹെഡ്‌ക്വാർട്ടേ​ഴ്‌സി​ലേക്ക്‌ എഴുതു​ക​യു​ണ്ടാ​യി: “എന്റെ അനുജൻ തിമൊ​ത്തി​യും ഞാനും 110 ഡോളർ (4,950 രൂപ) സംഭാവന നൽകാൻ ആഗ്രഹി​ക്കു​ന്നു. ഞങ്ങളുടെ വീടിന്‌ കാര്യ​മായ കേടു​പാ​ടൊ​ന്നും സംഭവി​ച്ചി​ട്ടില്ല. എന്നാൽ മറ്റു വീടു​കൾക്കു​ണ്ടായ നാശന​ഷ്ടങ്ങൾ ഞങ്ങൾ കണ്ടു. അവരെ സഹായി​ക്കാ​നാ​യി ഞങ്ങൾ പണം സ്വരു​ക്കൂ​ട്ടാൻ തുടങ്ങി. ഒരു വീടിന്റെ ചുമര്‌ നീക്കം ചെയ്യാൻ സഹായി​ച്ച​തിന്‌ തിമൊ​ത്തിക്ക്‌ 10 ഡോളർ (450 രൂപ) കിട്ടി. എനിക്ക്‌ 100 ഡോളർ (4,500 രൂപ) സ്വരു​ക്കൂ​ട്ടാൻ സാധിച്ചു.” റ്റിഫാ​നിക്ക്‌ 13 വയസ്സുണ്ട്‌, അവളുടെ അനുജ​നായ തിമൊ​ത്തി​ക്കാ​കട്ടെ വെറും 7 വയസ്സും! മറ്റുള്ള​വ​രു​ടെ താത്‌പ​ര്യ​ങ്ങൾക്ക്‌ മുൻഗണന നൽകു​ന്ന​തി​ന്റെ ഫലം എന്താണ്‌? സദൃശ​വാ​ക്യ​ങ്ങൾ 11:25 ഇങ്ങനെ പറയുന്നു: “ഔദാ​ര്യ​മാ​നസൻ പുഷ്ടി പ്രാപി​ക്കും; തണുപ്പി​ക്കു​ന്ന​വന്നു തണുപ്പു കിട്ടും.”

ഐക്യ​നാ​ടു​ക​ളി​ലുള്ള ചെറു​പ്രാ​യ​ക്കാ​രായ ഒരു കൂട്ടം സാക്ഷി​ക​ളു​ടെ കാര്യ​മെ​ടു​ക്കുക. നാലി​നും പതിന​ഞ്ചി​നും ഇടയ്‌ക്കാണ്‌ അവരുടെ പ്രായം. ആഫ്രി​ക്ക​യി​ലെ തങ്ങളുടെ സഹവി​ശ്വാ​സി​കൾക്ക്‌ രാജ്യ​ഹാ​ളു​കൾ ആവശ്യ​മു​ണ്ടെന്നു മനസ്സി​ലാ​ക്കി​യ​പ്പോൾ അതിനാ​യി എന്തെങ്കി​ലും ചെയ്യാൻ അവർ തീരു​മാ​നി​ച്ചു. “വീട്ടു​മു​റ്റ​ത്തു​വെച്ച്‌ ബിസ്‌ക​റ്റു​ക​ളും കേക്കു​ക​ളും വിറ്റ്‌ ഞങ്ങൾ 106.54 ഡോളർ (4,794 രൂപ) സമാഹ​രി​ച്ചു. ആഫ്രി​ക്ക​യി​ലു​ള്ള​വർക്ക്‌ ബൈബിൾ പഠനക്ലാ​സ്സു​കൾ നടത്തു​ന്ന​തി​നുള്ള കെട്ടി​ടങ്ങൾ നിർമി​ക്കാൻ ഈ പണം ഉപയോ​ഗി​ക്കു​മെന്നു ഞങ്ങൾ ആളുക​ളോട്‌ പറയു​മാ​യി​രു​ന്നു. പലരും അതി​നോട്‌ അനുകൂ​ല​മാ​യി പ്രതി​ക​രി​ച്ചു. ഇത്രയും പണം സമാഹ​രി​ക്കാൻ ഞങ്ങൾക്ക്‌ ഒമ്പതു മണിക്കൂർ വേണ്ടി​വ​ന്നെ​ങ്കി​ലും അതു ശ്രമത്തി​നു തക്ക മൂല്യ​മു​ള്ള​താ​യി​രു​ന്നു—അത്‌ യഹോ​വ​യ്‌ക്കു​വേണ്ടി ആയിരു​ന്നു!”

നിങ്ങൾക്കും സഹായി​ക്കാം

മേൽപ്പറഞ്ഞ അനുഭ​വ​ത്തി​ലെ ചെറു​പ്പ​ക്കാർ യേശു​വി​ന്റെ പിൻവ​രുന്ന പ്രസ്‌താ​വ​ന​യു​ടെ സത്യത മനസ്സി​ലാ​ക്കി​യി​രി​ക്കു​ന്നു: “സ്വീക​രി​ക്കു​ന്ന​തിൽ ഉള്ളതി​നെ​ക്കാൾ സന്തോഷം കൊടു​ക്കു​ന്ന​തി​ലുണ്ട്‌.” (പ്രവൃ​ത്തി​കൾ 20:35, NW) കൊടു​ക്കു​ന്ന​തി​ന്റെ സന്തോഷം നിങ്ങൾക്കും അനുഭ​വി​ക്കാം. ഏതെല്ലാം വിധങ്ങ​ളിൽ?

സഹായം ആവശ്യ​മുള്ള സഹവി​ശ്വാ​സി​ക​ളെ​ക്കു​റി​ച്ചു നിങ്ങൾക്ക്‌ അറിയാ​മോ? ഉദാഹ​ര​ണ​ത്തിന്‌, എവി​ടെ​യെ​ങ്കി​ലും ഒരു പ്രകൃ​തി​വി​പത്ത്‌ നടന്നി​ട്ടു​ണ്ടോ? സ്വന്തം വീടോ വസ്‌തു​വ​ക​ക​ളോ പ്രിയ​പ്പെ​ട്ട​വ​രെ​യോ നഷ്ടമാ​കു​ന്നെ​ങ്കിൽ നിങ്ങൾക്ക്‌ എന്തായി​രി​ക്കും തോന്നുക എന്നൊന്നു ചിന്തിച്ചു നോക്കൂ. ക്രിസ്‌ത്യാ​നി​ക​ളായ ഓരോ​രു​ത്ത​രും “സ്വന്തഗു​ണമല്ല മറ്റുള്ള​വന്റെ ഗുണവും കൂടെ നോ​ക്കേണം” എന്ന്‌ അപ്പൊ​സ്‌ത​ല​നായ പൗലൊസ്‌ എഴുതു​ക​യു​ണ്ടാ​യി. (ഫിലി​പ്പി​യർ 2:4) നിങ്ങൾ താമസി​ക്കു​ന്നതു പ്രകൃ​തി​വി​പ​ത്തു​കൾ നടന്ന സ്ഥലത്തിനു വളരെ ദൂരെ​യാ​ണെ​ങ്കിൽപ്പോ​ലും യഹോ​വ​യു​ടെ സാക്ഷികൾ നിർവ​ഹി​ക്കുന്ന ദുരി​താ​ശ്വാ​സ പ്രവർത്ത​ന​ത്തി​നു​വേണ്ടി സംഭാവന നൽകാൻ നിങ്ങൾക്കു കഴി​ഞ്ഞേ​ക്കും.a

നിങ്ങൾക്കു മറ്റു വിധങ്ങ​ളി​ലും സഹായ​ഹ​സ്‌തം നീട്ടാ​വു​ന്ന​താണ്‌. ഉദാഹ​ര​ണ​ത്തിന്‌, നിങ്ങൾ യഹോ​വ​യു​ടെ സാക്ഷി​ക​ളിൽപ്പെട്ട ഒരാളാ​ണെ​ങ്കിൽ രാജ്യ​ഹാ​ളിൽ വരുന്ന​വ​രെ​ക്കു​റിച്ച്‌ ഒന്നു ചിന്തി​ക്കുക? അക്കൂട്ട​ത്തിൽ പ്രായാ​ധി​ക്യ​മു​ള്ള​വ​രോ മറ്റുവി​ധ​ത്തിൽ സഹായം ആവശ്യ​മു​ള്ള​വ​രോ ഉണ്ടോ? അവർക്കു​വേണ്ടി എന്തെങ്കി​ലും ചെയ്‌തു​കൊ​ടു​ക്കാൻ നിങ്ങൾക്കു കഴിയു​മോ? അപ്പൊ​സ്‌ത​ല​നായ പൗലൊസ്‌ റോമാ​ക്കാർക്ക്‌ ഇങ്ങനെ എഴുതി: “സഹോ​ദ​ര​പ്രീ​തി​യിൽ തമ്മിൽ സ്ഥായി​പൂ​ണ്ടു ബഹുമാ​നി​ക്കു​ന്ന​തിൽ അന്യോ​ന്യം മുന്നി​ട്ടു​കൊൾവിൻ.” (റോമർ 12:10) സഹായി​ക്കേണ്ട ആവശ്യ​മു​ണ്ടെന്നു മനസ്സി​ലാ​യാൽ മുൻ​കൈ​യെ​ടു​ക്കുക. നിസ്സാ​ര​മായ ജോലി​കൾപോ​ലും ചെയ്യാൻ സന്നദ്ധരാ​യി​രി​ക്കുക. മറ്റുള്ള​വരെ സേവി​ക്കു​ന്നത്‌ ദൈവത്തെ സേവി​ക്കു​ന്ന​തു​മാ​യി അടുത്തു ബന്ധപ്പെ​ട്ടി​രി​ക്കു​ന്നു​വെന്ന്‌ ഓർക്കുക. ബൈബിൾ ഇപ്രകാ​രം പറയുന്നു: “എളിയ​വ​നോ​ടു കൃപ കാട്ടു​ന്നവൻ യഹോ​വെക്കു വായ്‌പ കൊടു​ക്കു​ന്നു; അവൻ ചെയ്‌ത നന്മെക്കു അവൻ പകരം കൊടു​ക്കും.”—സദൃശ​വാ​ക്യ​ങ്ങൾ 19:17.

നിങ്ങൾക്കു മറ്റുള്ള​വരെ സഹായി​ക്കാൻ കഴിയുന്ന ഏറ്റവും മെച്ചപ്പെട്ട വിധം ദൈവ​വ​ച​ന​മായ ബൈബി​ളി​നെ​ക്കു​റി​ച്ചു നിങ്ങൾക്ക​റി​യാ​വുന്ന കാര്യങ്ങൾ അവരു​മാ​യി പങ്കു​വെ​ക്കുക എന്നതാണ്‌. യേശു ഇപ്രകാ​രം പറഞ്ഞു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.” (യോഹ​ന്നാൻ 17:3) വിശേ​ഷിച്ച്‌ ഇക്കാലത്ത്‌ ആളുകൾ ജീവദാ​യ​ക​മായ ബൈബിൾ സത്യം കേൾക്കേ​ണ്ട​തുണ്ട്‌. അതു​കൊണ്ട്‌ പ്രസം​ഗ​വേ​ല​യിൽ അവിരാ​മം തീക്ഷ്‌ണ​മാ​യി ഏർപ്പെ​ടുക. “നിങ്ങളു​ടെ പ്രയത്‌നം കർത്താ​വിൽ വ്യർത്ഥമല്ല” എന്ന ഉറച്ച​ബോ​ധ്യ​ത്തോ​ടെ​തന്നെ. —1 കൊരി​ന്ത്യർ 15:58.

“യുവജ​നങ്ങൾ ചോദി​ക്കു​ന്നു . . . ” എന്ന പരമ്പര​യിൽനി​ന്നുള്ള കൂടുതൽ ലേഖനങ്ങൾ www.watchtower.org/ype എന്ന വെബ്‌​സൈ​റ്റിൽ കാണാ​വു​ന്ന​താണ്‌.

ചിന്തിക്കാൻ:

◼ സഹായം ആവശ്യ​മുള്ള ആരെ​യെ​ങ്കി​ലും കുറിച്ച്‌ നിങ്ങൾക്കു ചിന്തി​ക്കാ​നാ​കു​മോ?

◼ സഹായി​ക്കാ​നാ​യി നിങ്ങൾക്ക്‌ എന്തു ചെയ്യാ​വു​ന്ന​താണ്‌?

[അടിക്കു​റിപ്പ്‌]

[25-ാം പേജിലെ ആകർഷക വാക്യം]

“നന്മചെ​യ്‌വാ​നും കൂട്ടാ​യ്‌മ​കാ​ണി​പ്പാ​നും മറക്കരു​തു. ഈവക യാഗത്തി​ല​ല്ലോ ദൈവം പ്രസാ​ദി​ക്കു​ന്നതു.”—എബ്രായർ 13:16

[24, 25 പേജു​ക​ളി​ലെ ചതുരം/ചിത്രങ്ങൾ]

നൽകാൻ പഠി​ക്കേ​ണ്ടത്‌ എന്തു​കൊണ്ട്‌?

“എന്റെ മാതാ​പി​താ​ക്കൾ യഹോ​വ​യെ​യും അയൽക്കാ​രെ​യും സേവി​ക്കാ​നാ​യി സമയവും ഊർജ​വും ചെലവ​ഴി​ക്കു​ന്നതു കണ്ടപ്പോൾ അവരുടെ ഗതി പിന്തു​ട​രാൻ ഞാനും പ്രേരി​ത​നാ​യി. എന്റെ പിതാവ്‌ എന്നോട്‌ ഇങ്ങനെ പറയു​മാ​യി​രു​ന്നു: ‘യഹോ​വ​യ്‌ക്കു​വേണ്ടി ചെയ്യു​ന്നത്‌ എത്ര നിസ്സാ​ര​മാ​യി​രു​ന്നാ​ലും അത്‌ എന്നേക്കും നിലനിൽക്കു​ന്ന​താണ്‌. യഹോവ എന്നേക്കും ജീവി​ക്കു​ന്ന​വ​നാണ്‌, അവൻ അത്‌ എന്നേക്കും ഓർമി​ക്കു​ക​യും ചെയ്യും. എന്നാൽ നിനക്കു​വേ​ണ്ടി​ത്ത​ന്നെ​യുള്ള ജീവിതം നിഷ്‌ഫ​ല​മാണ്‌. നീ മരിക്കു​ന്ന​തോ​ടെ, നീ ചെയ്‌ത​തും മരിക്കും.’”—കെന്റാ​റോ, 24, ജപ്പാൻ.

“തുറന്നു പറയാ​മ​ല്ലോ, ശനിയാഴ്‌ച ഉച്ചകഴിഞ്ഞ്‌ പ്രായാ​ധി​ക്യ​മു​ള്ള​വരെ വീട്ടു​ജോ​ലി​ക​ളിൽ സഹായി​ക്കുന്ന കാര്യം എനിക്ക്‌ ഒട്ടും ഇഷ്ടമല്ലാ​യി​രു​ന്നു. കൂട്ടു​കാ​രു​മൊത്ത്‌ ചിരി​ച്ചു​ക​ളി​ച്ചു നടക്കാ​നാ​യി​രു​ന്നു എനിക്കി​ഷ്ടം. എന്നാൽ പ്രായം​ചെ​ന്ന​വ​രോ​ടൊ​ത്തു സമയം ചെലവ​ഴിച്ച ഞാൻ അത്‌ ആസ്വദി​ക്കു​ക​തന്നെ ചെയ്‌തു. അപ്പോ​ഴാണ്‌ അവരും എന്നെ​പ്പോ​ലെ ഉള്ളവരാ​ണെന്ന്‌ എനിക്കു മനസ്സി​ലാ​യത്‌. ഒരിക്കൽ അവരും ചെറു​പ്പ​മാ​യി​രു​ന്ന​ല്ലോ. അവരെ സഹായി​ക്കാൻ ഇത്‌ എന്നെ പ്രേരി​പ്പി​ച്ചു.”—ജോൺ, 27, ഇംഗ്ലണ്ട്‌.

“ചെറു​പ്പ​മാ​യി​രു​ന്ന​പ്പോൾ ഞാൻ രാജ്യ​ഹാൾ ശുചീ​ക​ര​ണ​ത്തി​ലും മറ്റ്‌ അനവധി പ്രവർത്ത​ന​ങ്ങ​ളി​ലും സഹായി​ച്ചി​ട്ടുണ്ട്‌. സഭയിലെ മറ്റുള്ള​വർക്കു​വേണ്ടി ശാരീ​രിക ജോലി​കൾ ചെയ്യു​ന്ന​തും ഞാൻ ആസ്വദി​ച്ചി​രു​ന്നു. ആരെ​യെ​ങ്കി​ലും സഹായി​ക്കു​മ്പോൾ അവരുടെ സന്തോഷം നിങ്ങൾക്കു കാണാ​നാ​കു​ന്നു. ഉദാഹ​ര​ണ​ത്തിന്‌, ഒരിക്കൽ ഞാൻ ചില​രോ​ടൊ​പ്പം പ്രായ​ചെന്ന ഒരു സഹോ​ദ​രി​യു​ടെ വീട്ടിൽ വാൾപേപ്പർ ഒട്ടിക്കാൻ പോയി. അവർക്ക്‌ എത്ര സന്തോഷം തോന്നി​യെ​ന്നോ! നിങ്ങൾ ആരെ​യെ​ങ്കി​ലും സന്തോ​ഷി​പ്പി​ക്കു​മ്പോൾ നിങ്ങൾക്കും സന്തോഷം ലഭിക്കും.”—എർമാൻ, 23, ഫ്രാൻസ്‌.

[24-ാം പേജിലെ ചിത്രം]

ദുരന്തത്തിന്‌ ഇരയാ​യ​വരെ സഹായി​ക്കാ​നാ​യി ചെറു​പ്രാ​യ​ക്കാ​രായ പലരും സംഭാ​വ​നകൾ നൽകുന്നു