ധാർമ്മി​ക​ശു​ദ്ധി യുവജ​ന​ങ്ങ​ളു​ടെ സൗന്ദര്യം

“യൗവന​ക്കാ​രാ, നിന്റെ യുവത്വ​ത്തിൽ സന്തോ​ഷി​ക്കുക,. . . നിന്റെ ഹൃദയ​ത്തി​ന്റെ വഴിക​ളി​ലും നിന്റെ കണ്ണുക​ളാൽ കാണ​പ്പെ​ടുന്ന കാര്യ​ങ്ങ​ളി​ലും നടക്കു​ക​യും​ചെ​യ്യുക. എന്നാൽ ഇവയെ​ല്ലാം നിമിത്തം സത്യ​ദൈവം നിന്നെ ന്യായ​വി​ധി​യി​ലേക്കു വരുത്തും എന്നറി​യുക.”—സഭാ​പ്ര​സം​ഗി 11:9.

1, 2. (എ) യഹോവ യുവജ​ന​ങ്ങളെ സംബന്ധിച്ച്‌ എന്താ​ഗ്ര​ഹി​ക്കു​ന്നു? (ബി) നിങ്ങളു​ടെ ഹൃദയ​ത്തിന്‌ ആകർഷ​ക​മായ എന്തും പിന്തു​ട​രു​ന്നത്‌ മൗഢ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

“യൗവന​വും ഉത്സാഹ​വും കരുണാർദ്ര​ത​യും വസന്തദി​നങ്ങൾ പോ​ലെ​യാണ്‌. അവയുടെ ഹ്രസ്വ​ത​യെ​ക്കു​റിച്ച്‌ . . . പരാതി​പ്പെ​ടു​ന്ന​തി​നു പകരം അവ ആസ്വദി​ക്കാൻ ശ്രമി​ക്കുക.” 19-ാം നൂററാ​ണ്ടി​ലെ ഒരു ജർമ്മൻ കവി അങ്ങനെ എഴുതു​ക​യു​ണ്ടാ​യി. ചെറു​പ്പ​ക്കാ​രായ നിങ്ങൾക്കു​വേ​ണ്ടി​യുള്ള ആ ബുദ്ധി​യു​പ​ദേ​ശ​വാ​ക്കു​കൾ ആയിര​ക്ക​ണ​ക്കി​നു വർഷങ്ങൾക്കു​മുമ്പ്‌ സഭാ​പ്ര​സം​ഗി​യെന്ന ബൈബിൾ പുസ്‌ത​ക​ത്തിൽ എഴുത​പ്പെ​ട്ട​വയെ പ്രതി​ദ്ധ്വ​നി​പ്പി​ക്കു​ന്നു: “യൗവന​ക്കാ​രാ, നിന്റെ യുവത്വ​ത്തിൽ സന്തോ​ഷി​ക്കുക, നിന്റെ ഇളംപു​രു​ഷ​ത്വ​ത്തി​ന്റെ [അല്ലെങ്കിൽ ഇളം സ്‌ത്രീ​ത്വ​ത്തി​ന്റെ] നാളു​ക​ളിൽ നിന്റെ ഹൃദയം നിനക്ക്‌ നൻമ ചെയ്യാൻ അനുവ​ദി​ക്കു​ക​യും നിന്റെ ഹൃദയ​ത്തി​ന്റെ വഴിക​ളി​ലും നിന്റെ കണ്ണുക​ളാൽ കാണ​പ്പെ​ടുന്ന കാര്യ​ങ്ങ​ളി​ലും നടക്കു​ക​യും​ചെ​യ്യുക.” (സഭാ​പ്ര​സം​ഗി 11:9എ) അതു​കൊണ്ട്‌ യഹോവ അവശ്യം യൗവന​മോ​ഹ​ങ്ങൾക്ക്‌ ആകർഷ​ക​മാ​യ​വ​യെ​ക്കു​റിച്ച്‌ ഒരു നിഷേ​ധാ​ത്മക വീക്ഷണം കൈ​ക്കൊ​ള്ളു​ന്നില്ല. നിങ്ങൾ നിങ്ങളു​ടെ യുവത്വ​ത്തി​ന്റെ ശക്തിയും ഊർജ്ജ​സ്വ​ല​ത​യും പൂർണ്ണ​മാ​യി ആസ്വദി​ക്കാൻ അവൻ ആഗ്രഹി​ക്കു​ന്നു.—സദൃശ​വാ​ക്യ​ങ്ങൾ 20:29.

² എന്നാൽ, നിങ്ങളു​ടെ കണ്ണുകൾക്കും ഹൃദയ​ങ്ങൾക്കും ആകർഷ​ക​മായ എന്തിന്റെ പിന്നാ​ലെ​യും പോകാൻ കഴിയു​മെന്ന്‌ ഇതിനർത്ഥ​മു​ണ്ടോ? അശേഷ​മില്ല! (സംഖ്യാ​പു​സ്‌തകം 15:39; 1 യോഹ​ന്നാൻ 2:16) ഈ തിരു​വെ​ഴുത്ത്‌ ഇങ്ങനെ തുടർന്നു പറയുന്നു: “എന്നാൽ ഇവയെ​ല്ലാം നിമിത്തം [നിങ്ങളു​ടെ മോഹ​ങ്ങളെ തൃപ്‌തി​പ്പെ​ടു​ത്താൻ നിങ്ങൾ തെര​ഞ്ഞെ​ടു​ക്കുന്ന വ്യാപാ​രങ്ങൾ] സത്യ​ദൈവം നിങ്ങളെ ന്യായ​വി​ധി​യി​ലേക്കു വരുത്തും എന്നറി​യുക.” (സഭാ​പ്ര​സം​ഗി 11:9ബി) അതെ, നിങ്ങൾക്ക്‌ നിങ്ങളു​ടെ പ്രവർത്ത​ന​ങ്ങ​ളു​ടെ പരിണ​ത​ഫ​ല​ങ്ങ​ളിൽനി​ന്നു രക്ഷപെ​ടാൻ കഴിക​യില്ല; പ്രായ​മു​ള്ള​വ​രെ​പ്പോ​ലെ ചെറു​പ്പ​ക്കാ​രും യഹോ​വ​യു​ടെ ന്യായ​വി​ധി​ക്കു വിധേ​യ​രാണ്‌.—റോമർ 14:12.

3, 4. (എ) ധാർമ്മി​ക​ശു​ദ്ധി​യു​ടെ ഒരു ഉയർന്ന നിലവാ​രം പുലർത്തു​ന്നത്‌ എന്തിന്‌? (ബി) ദൈവ​വു​മാ​യുള്ള നിങ്ങളു​ടെ ശുദ്ധമായ നിലപാട്‌ നഷ്ടപ്പെ​ടു​ത്താൻ നിങ്ങളു​ടെ​മേൽ എന്തു സമ്മർദ്ദ​മുണ്ട്‌, ഏതു ചോദ്യ​ങ്ങൾ ഉന്നയി​ക്ക​പ്പെ​ടു​ന്നു?

³ യഹോ​വ​യു​ടെ അനുകൂല ന്യായ​വി​ധി ലഭിക്കു​ന്നത്‌ നിത്യ​ജീ​വ​നി​ലേക്കു മാത്രമല്ല, ഇപ്പോൾ ദൈവ​വു​മാ​യുള്ള ഒരു അടുത്ത ബന്ധത്തി​ലേ​ക്കും നയിക്കു​ന്നു. എന്നിരു​ന്നാ​ലും, നിങ്ങൾ ധാർമ്മി​ക​ശു​ദ്ധി​യു​ടെ ഒരു ഉയർന്ന നിലവാ​രം പുലർത്തണം. സങ്കീർത്തനം 24ന്റെ 3 മുതൽ 5 വരെയുള്ള വാക്യങ്ങൾ അതിങ്ങനെ പ്രസ്‌താ​വി​ക്കു​ന്നു: “ആർക്ക്‌ യഹോ​വ​യു​ടെ പർവത​ത്തി​ലേക്കു കയറി​പ്പോ​കാം, ആർക്ക്‌ അവന്റെ വിശു​ദ്ധ​സ്ഥ​ലത്ത്‌ ഉയർച്ച പ്രാപി​ക്കാം? തന്റെ കൈക​ളിൽ നിർദ്ദോ​ഷി​യും ഹൃദയ​ത്തിൽ ശുദ്ധി​യു​ള്ള​വ​നു​മായ ഏവനും; എന്റെ ദേഹിയെ കേവലം ധാർമ്മി​ക​രാ​ഹി​ത്യ​ത്തി​ലേക്ക്‌ എത്തിക്കു​ക​യോ വഞ്ചനാ​ത്മ​ക​മാ​യി ഒരു പ്രതി​ജ്ഞ​യെ​ടു​ക്കു​ക​യോ ചെയ്‌തി​ട്ടി​ല്ലാ​ത്തവൻ. അവൻ യഹോ​വ​യിൽനി​ന്നുള്ള അനു​ഗ്ര​ഹ​വും തന്റെ രക്ഷയുടെ ദൈവ​ത്തിൽനി​ന്നുള്ള നീതി​യും കൊണ്ടു​പോ​കും.” അതെ, നിങ്ങൾ ധാർമ്മി​ക​ശു​ദ്ധി പാലി​ക്കു​മ്പോൾ യഹോ​വ​യു​ടെ ദൃഷ്ടി​ക​ളിൽ അഴകു​ള്ള​വ​രാണ്‌.

⁴ എന്നിരു​ന്നാ​ലും, ദൈവ​ത്തി​ങ്ക​ലുള്ള നിങ്ങളു​ടെ ശുദ്ധമായ നിലപാട്‌ നഷ്ടപ്പെ​ടു​ത്താൻ നിങ്ങളു​ടെ​മേൽ നിരന്തര സമ്മർദ്ദ​മുണ്ട്‌. ഈ അന്ത്യനാ​ളു​കൾ അവയുടെ അന്ത്യത്തി​ലേക്കു നീങ്ങു​മ്പോൾ അസാൻമാർഗ്ഗിക പെരു​മാ​റ​റ​ത്തി​ന്റെ​യും അശുദ്ധ സ്വാധീ​ന​ങ്ങ​ളു​ടെ​യും ഒരു പകർച്ച​വ്യാ​ധി​യുണ്ട്‌. (2 തിമൊ​ഥെ​യോസ്‌ 3:1-5) യുവാ​ക്കൾക്ക്‌ ധാർമ്മി​ക​ശു​ദ്ധി പാലി​ക്കു​ന്ന​തി​നുള്ള വെല്ലു​വി​ളി ഒരിക്ക​ലും ഇത്ര വലുതാ​യി​രു​ന്നി​ട്ടില്ല. നിങ്ങൾ വിജയ​പ്ര​ദ​മാ​യി വെല്ലു​വി​ളി​യെ നേരി​ടു​ന്നു​ണ്ടോ? നിങ്ങൾ അങ്ങനെ ചെയ്യു​ന്ന​തിൽ തുടരു​മോ?

നിങ്ങൾ അഭിമു​ഖീ​ക​രി​ക്കുന്ന വെല്ലു​വി​ളി

5. ഏതു അശുദ്ധ​സ്വാ​ധീ​നങ്ങൾ ദൈവ​മു​മ്പാ​കെ ഒരു ശുദ്ധമായ നിലപാട്‌ നിലനിർത്തു​ന്നത്‌ പ്രയാ​സ​ക​ര​മാ​ക്കി​ത്തീർക്കു​ന്നു?

⁵ വിനോദ മാദ്ധ്യ​മങ്ങൾ സഭ്യമാ​യ​വയെ തള്ളിക്ക​ള​യു​ക​യും തികച്ചും അധാർമ്മി​ക​മാ​യ​വയെ മഹത്വീ​ക​രി​ക്കു​ക​യും ചെയ്യുന്ന കാര്യ​ങ്ങൾകൊണ്ട്‌ യുവജ​ന​ങ്ങളെ ആക്രമി​ക്കു​ക​യാണ്‌. ദൃഷ്ടാ​ന്ത​ത്തിന്‌, അക്രമാ​സ​ക്ത​മായ ഭീകര ചലച്ചിത്ര പരമ്പര​യിൽ ഒന്ന്‌ റിലീസ്‌ ചെയ്യ​പ്പെ​ട്ട​പ്പോൾ ഒരു സിനി​മാ​നി​രൂ​പകൻ ഇങ്ങനെ എഴുതി: “ലൈം​ഗിക ഞെട്ടി​ക്ക​ലും കൊല​പാ​തക ഞെട്ടി​ക്ക​ലും അശ്ലീല ഞെട്ടി​ക്ക​ലും വൻതോ​തിൽ വിളമ്പു​ന്ന​താണ്‌ ഈ ചിത്ര​ത്തി​ന്റെ പതിവു നടപടി. ഹാജർറ​ക്കോർഡു​കൾ അതു സ്ഥാപി​ക്കു​ന്നു​വെ​ങ്കിൽ അത്‌ ചലച്ചിത്ര അഭിരു​ചി​യി​ലെ . . .  അധഃപ​ത​ന​ത്തി​ന്റേ​തായ മറെറാ​രു വലിയ ഇറക്കത്തി​ന്റെ സ്‌മാ​ര​ക​മാ​യി​രി​ക്കും. അങ്ങനെ​യുള്ള ചലച്ചി​ത്ര​ങ്ങ​ളോ​ടു​കൂ​ടെ ലൈം​ഗി​ക​മാ​യി വ്യക്തത​യുള്ള ഗാനങ്ങ​ളും അവിഹിത ലൈം​ഗി​ക​തയെ വാഴ്‌ത്തുന്ന ടെലി​വി​ഷൻ പരിപാ​ടി​ക​ളും ഉണ്ട്‌. “കാമാ​സ​ക്തി​സം​ബ​ന്ധ​മായ അധഃപ​ത​നത്തി”ന്റെ ഇത്ര വിശദ​മായ ചിത്രീ​ക​ര​ണ​ങ്ങൾക്ക്‌ നിങ്ങ​ളെ​ത്തന്നെ വിധേ​യ​മാ​ക്കാ​നും ദൈവ​മു​മ്പാ​കെ​യുള്ള നിങ്ങളു​ടെ ശുദ്ധമായ നിലപാ​ടു നിലനിർത്താ​നും കഴിയു​മോ? (1 പത്രോസ്‌ 4:4) സദൃശ​വാ​ക്യ​ങ്ങൾ പറയു​ന്ന​തു​പോ​ലെ: “ഒരു മനുഷ്യന്‌ തന്റെ വസ്‌ത്രങ്ങൾ കരിഞ്ഞു​പോ​കാ​തെ തന്റെ മടിയിൽ തീകൂ​ട്ടാൻ കഴിയു​മോ?”—സദൃശ​വാ​ക്യ​ങ്ങൾ 6:27.

6. യുവജ​നങ്ങൾ അവരുടെ സമപ്രാ​യ​ക്കാ​രിൽനിന്ന്‌ ഏതു സമ്മർദ്ദത്തെ അഭിമു​ഖീ​ക​രി​ക്കു​ന്നു?

⁶ ദൈവ​ത്തി​ങ്കലെ നിങ്ങളു​ടെ ശുദ്ധമായ നിലപാട്‌ നഷ്ടപ്പെ​ടു​ത്താ​നുള്ള സമ്മർദ്ദം മറെറാ​രു കേന്ദ്ര​ത്തിൽനി​ന്നും വരുന്നു—നിങ്ങളു​ടെ സമപ്രാ​യ​ക്കാ​രിൽനിന്ന്‌. ഒരു പതി​നേ​ഴു​വ​യ​സ്സു​കാ​രി​യായ ഒരു ലൗകിക യുവതി ഇങ്ങനെ വിലപി​ച്ചു: “തെററായ സകല കാരണ​ങ്ങ​ളും നിമി​ത്ത​മാണ്‌ ഞാൻ ആദ്യം ലൈം​ഗി​ക​ത​യിൽ ഏർപ്പെ​ട്ടത്‌: എന്തു​കൊ​ണ്ടെ​ന്നാൽ എന്റെ കാമുകൻ നിർബ​ന്ധി​ച്ചു എന്നുമാ​ത്രമല്ല എല്ലാവ​രും അതു ചെയ്യു​ന്നു​വെന്ന്‌ ഞാൻ വിചാ​രി​ക്കു​ക​യും ചെയ്‌തു.” ആരും പരിഹ​സി​ക്ക​പ്പെ​ടാൻ ആഗ്രഹി​ക്കു​ന്നില്ല. മററു​ള്ള​വ​രു​ടെ പ്രീതി ആഗ്രഹി​ക്കു​ന്നത്‌ സ്വാഭാ​വി​ക​മാണ്‌. എന്നാൽ നിങ്ങൾ ബൈബിൾ ധാർമ്മി​ക​ത​ക്കു​വേണ്ടി നില​കൊ​ള്ളു​മ്പേൾ മററു യുവജ​നങ്ങൾ നിങ്ങളെ പരിഹ​സി​ച്ചേ​ക്കാം. യോജി​ച്ചു​പോ​കാ​നും നിങ്ങളു​ടെ സമപ്രാ​യ​ക്കാ​രു​ടെ അംഗീ​കാ​രം നേടാ​നു​മുള്ള ആഗ്രഹ​ത്തിന്‌ തെററാ​ണെന്നു നിങ്ങൾക്ക​റി​യാ​വുന്ന എന്തെങ്കി​ലും ചെയ്യാ​നുള്ള സമ്മർദ്ദം വരുത്തി​ക്കൂ​ട്ടാൻ കഴിയും.—സദൃശ​വാ​ക്യ​ങ്ങൾ 13:20.

7. അശുദ്ധ സ്വാധീ​ന​ങ്ങ​ളോ​ടു പോരാ​ടു​ന്നത്‌ യുവാ​ക്കൾക്ക്‌ വിശേ​ഷാൽ പ്രയാ​സ​ക​ര​മാ​യി​രി​ക്കു​ന്ന​തെ​ന്തു​കൊണ്ട്‌, എന്നാൽ യഹോ​വ​യു​ടെ സ്ഥാപന​ത്തി​ലെ ആയിര​ക്ക​ണ​ക്കി​നു ചെറു​പ്പ​ക്കാർ സ്വയം എങ്ങനെ​യു​ള്ളവർ എന്നു തെളി​യി​ച്ചി​രി​ക്കു​ന്നു?

⁷ “നവയൗവന”കാലത്ത്‌ ലൈം​ഗി​ക​പ്ര​ചോ​ദ​നങ്ങൾ ശക്തമാ​യി​രി​ക്കു​മ്പോൾ ഈ സ്വാധീ​ന​ങ്ങ​ളോ​ടു പോരാ​ടു​ന്നത്‌ വിശേ​ഷാൽ പ്രയാ​സ​ക​ര​മാ​യി​രി​ക്കാം. (1 കൊരി​ന്ത്യർ 7:36) ഒരു ഗവേഷ​ണ​സ്ഥാ​പനം ഇങ്ങനെ നിഗമ​നം​ചെ​യ്‌തത്‌ അതിശ​യമല്ല: “പത്തൊൻപതു വയസ്സാ​കു​മ്പോ​ഴേക്ക്‌ ദാമ്പത്യ​പൂർവ ലൈം​ഗി​ക​ബ​ന്ധ​ത്തിൽ ഏർപ്പെ​ട്ടി​ട്ടി​ല്ലാത്ത ചെറു​പ്പ​ക്കാർ അതിവി​ശിഷ്ട സ്വഭാ​വ​മു​ള്ള​വ​രാണ്‌.” എന്നിരു​ന്നാ​ലും യഹോ​വ​യു​ടെ സ്ഥാപന​ത്തി​ലെ ആയിര​ക്ക​ണ​ക്കി​നു ചെറു​പ്പ​ക്കാ​രായ നിങ്ങൾ അതിവി​ശിഷ്ട സ്വഭാ​വ​മു​ള്ള​വ​രാ​ണെന്ന്‌ പ്രകട​മാ​ക്കി​യി​രി​ക്കു​ന്നു. നിങ്ങൾ വെല്ലു​വി​ളി​യെ പൂർണ്ണ​മാ​യി അഭിമു​ഖീ​ക​രി​ക്കു​ക​യും ധാർമ്മി​ക​ശു​ദ്ധി പാലി​ക്കു​ക​യും ചെയ്യുന്നു.

8. ചില ക്രിസ്‌തീയ യുവജ​നങ്ങൾ ലോക​ത്തി​ലെ അധാർമ്മിക മനോ​ഭാ​വങ്ങൾ തങ്ങളെ ബാധി​ക്കാൻ അനുവ​ദി​ച്ചി​രി​ക്കു​ന്ന​തെ​ന്തു​കൊണ്ട്‌, എന്തു ഫലത്തോ​ടെ?

⁸ എന്നിരു​ന്നാ​ലും നിരവധി ക്രിസ്‌തീയ യുവാക്കൾ ലോക​ത്തി​ലെ ധാർമ്മിക മനോ​ഭാ​വങ്ങൾ തങ്ങളെ ബാധി​ക്കാൻ അനുവ​ദി​ച്ചി​ട്ടുണ്ട്‌. അവർ നൻമയെ സ്‌നേ​ഹി​ക്കു​ന്ന​താ​യി അവകാ​ശ​പ്പെ​ട്ടേ​ക്കാ​മെ​ങ്കി​ലും അവർ തിൻമയെ വെറു​ക്കു​ന്നില്ല; കുറഞ്ഞ​പക്ഷം വേണ്ടത്ര വെറു​ക്കു​ന്നില്ല. (സങ്കീർത്തനം 97:10) ചില കേസു​ക​ളിൽ അവർ അതിനെ സ്‌നേ​ഹി​ക്കു​ന്ന​താ​യി​പ്പോ​ലും തോന്നു​ന്നു. സങ്കീർത്തനം 52:3 പ്രസ്‌താ​വി​ക്കു​ന്ന​തു​പോ​ലെ: “നീ നൻമ​യെ​ക്കാ​ള​ധി​കം തിൻമ​യെ​യും നീതി സംസാ​രി​ക്കു​ന്ന​തി​നേ​ക്കാൾ അധികം വ്യാജ​ത്തെ​യും ഇഷ്ടപ്പെ​ട്ടി​രി​ക്കു​ന്നു.” ചിലർ ഡെയ്‌റ​റിംഗ്‌, വിനോ​ദം, ധാർമ്മി​കത എന്നിങ്ങ​നെ​യുള്ള കാര്യങ്ങൾ സംബന്ധിച്ച്‌ യഹോ​വ​യു​ടെ സ്ഥാപനം നൽകുന്ന മാർഗ്ഗ​നിർദ്ദേ​ശത്തെ സത്വരം തള്ളിക്ക​ള​യുന്ന ഘട്ടത്തോ​ളം പോയി​രി​ക്കു​ന്നു. തൽഫല​മാ​യി അവർ മിക്ക​പ്പോ​ഴും തങ്ങളു​ടെ​മേ​ലും തങ്ങളുടെ മാതാ​പി​താ​ക്ക​ളു​ടെ​മേ​ലും ലജ്ജ വരുത്തി​ക്കൂ​ട്ടു​ന്നു. അവർ ദൈവ​ദൃ​ഷ്ടി​യി​ലെ തങ്ങളുടെ സൗന്ദര്യ​ത്തെ​യും നഷ്ടപ്പെ​ടു​ത്തു​ന്നു.—2 പത്രോസ്‌ 2:21, 22.

വെല്ലു​വി​ളി​യെ നേരി​ടു​ന്ന​തിന്‌ സഹായം

9. ധാർമ്മി​ക​മാ​യി ശുദ്ധരാ​യി നില​കൊ​ള്ളാ​നുള്ള വെല്ലു​വി​ളി​യെ നേരി​ടാൻ എന്താണാ​വ​ശ്യ​മാ​യി​രി​ക്കു​ന്നത്‌?

⁹ ധാർമ്മി​ക​ശു​ദ്ധി നിലനിർത്താ​നുള്ള വെല്ലു​വി​ളി​യെ നിങ്ങൾക്കെ​ങ്ങനെ നേരി​ടാൻ കഴിയും? സങ്കീർത്ത​ന​ക്കാ​രൻ ഇതേ ചോദ്യം ചോദി​ച്ചു: “ഒരു യുവാവ്‌ തന്റെ പാത എങ്ങനെ നിർമ്മ​ലീ​ക​രി​ക്കും?” അനന്തരം അവൻ ഉത്തരം നൽകി: “നിന്റെ വചന​പ്ര​കാ​രം ജാഗ്രത പാലി​ക്കു​ന്ന​തി​നാൽ.” (സങ്കീർത്തനം 119:9) അതെ നിങ്ങൾക്ക്‌ ദൈവ​വ​ച​ന​ത്തിൽനിന്ന്‌ മാർഗ്ഗ​നിർദ്ദേ​ശ​മാ​വ​ശ്യ​മാണ്‌. ഈ ലോക​ത്തി​ലെ അശുദ്ധ സമ്മർദ്ദ​ങ്ങളെ ചെറുത്തു നിൽക്കാൻ നിങ്ങളെ സഹായി​ക്കാൻ തന്റെ സ്ഥാപനം ഇങ്ങനെ​യുള്ള മാർഗ്ഗ​നിർദ്ദേശം നൽകു​ന്ന​തിൽ നമ്മുടെ സ്‌നേ​ഹ​വാ​നായ സ്വർഗ്ഗീ​യ​പി​താവ്‌ ശ്രദ്ധി​ച്ചി​രി​ക്കു​ന്നു.

10, 11. (എ) ധാർമ്മി​ക​മാ​യി ശുദ്ധരാ​യി നില​കൊ​ള്ളാൻ യുവജ​ന​ങ്ങളെ സഹായി​ക്കു​ന്ന​തിന്‌ ഏതു പ്രസി​ദ്ധീ​ക​ര​ണങ്ങൾ തയ്യാറാ​ക്ക​പ്പെ​ട്ടി​രി​ക്കു​ന്നു? (ബി) “ചെറു​പ്പ​ക്കാർ ചോദി​ക്കു​ന്നു . . .” എന്ന പരമ്പര​യാൽ ചില യുവാക്കൾ എങ്ങനെ സഹായി​ക്ക​പ്പെ​ട്ടി​രി​ക്കു​ന്നു? (സി) “ചെറു​പ്പ​ക്കാർ ചോദി​ക്കു​ന്നു . . .” എന്ന പരമ്പര​യിൽനിന്ന്‌ നിങ്ങൾക്ക്‌ വ്യക്തി​പ​ര​മാ​യി പ്രയോ​ജനം കിട്ടി​യി​ട്ടു​ണ്ടോ?

¹⁰ പല വർഷങ്ങ​ളിൽ പ്രത്യേ​കിച്ച്‌ യുവജ​ന​ങ്ങളെ മനസ്സിൽ പിടി​ച്ചു​കൊണ്ട്‌ നിങ്ങളു​ടെ യൗവനം—അതു പരമാ​വധി ആസ്വദി​ക്കുക എന്ന പുസ്‌തകം പോ​ലെ​യുള്ള നിരവധി പ്രസി​ദ്ധീ​ക​ര​ണങ്ങൾ തയ്യാറാ​ക്ക​പ്പെ​ട്ടി​ട്ടുണ്ട്‌. 1982 മുതൽ ഉണരുക! മാസി​ക​യി​ലെ “ചെറു​പ്പ​ക്കാർ ചോദി​ക്കു​ന്നു . . . ” എന്ന പരമ്പര അശ്ലീലത, ശൃംഗാ​ര​പ്ര​ധാ​ന​മായ നോവ​ലു​കൾ, പ്രേമാ​ഭ്യർത്ഥ​ന​ക്കാ​ലത്തെ ഉചിത​മായ നടത്ത എന്നിങ്ങ​നെ​യുള്ള കാര്യ​ങ്ങ​ളിൽ സഹായ​ക​മായ വളരെ​യ​ധി​കം ബുദ്ധി​യു​പ​ദേശം നൽകി​യി​ട്ടുണ്ട്‌. അങ്ങനെ​യുള്ള വിവരങ്ങൾ യഥാർത്ഥ​ത്തിൽ യുവജ​ന​ങ്ങളെ സഹായി​ച്ചി​ട്ടു​ണ്ടോ? ഒരു ദൃഷ്ടാന്തം പരിചി​ന്തി​ക്കുക. ഈ പരമ്പര​യി​ലെ പല ലേഖനങ്ങൾ സ്വയം​ഭോഗ നടപടി​യെ​ക്കു​റി​ച്ചു ചർച്ച​ചെ​യ്യു​ക​യും ഈ ശീലം “ലൈം​ഗി​ക​തൃഷ്‌ണ”യെ ഉദ്ദീപി​പ്പി​ക്കു​ന്നു​വെ​ന്നും അതിന്‌ ഒരുവൻ ദുർമ്മാർഗ്ഗ​ത്തി​ലേക്കു വീഴാൻ അനായാ​സ​മി​ട​യാ​ക്കാൻ കഴിയു​മെ​ന്നും പ്രകട​മാ​ക്കു​ക​യും ചെയ്‌തു.a (കൊ​ലോ​സ്യർ 3:5) ഈ ശീലത്തി​നെ​തി​രെ എങ്ങനെ പോരാ​ടാ​മെ​ന്നും ഒരു ആവർത്ത​നത്തെ എങ്ങനെ കൈകാ​ര്യം ചെയ്യാൻ കഴിയു​മെ​ന്നും പ്രാ​യോ​ഗിക നിർദ്ദേ​ശങ്ങൾ സമർപ്പി​ക്ക​പ്പെട്ടു. ഈ ലേഖന​ങ്ങ​ളോ​ടുള്ള പ്രതി​ക​ര​ണ​മാ​യി ചില യുവാക്കൾ ഇങ്ങനെ എഴുതി: എനിക്കു പന്ത്രണ്ടു വയസ്സാ​യ​പ്പോൾ മുതൽ സ്വയം​ഭോ​ഗ​ത്തി​ന്റെ പ്രശ്‌ന​മു​ണ്ടാ​യി​രു​ന്നു. ഇപ്പോൾ എനിക്കു പതി​നെട്ടു വയസ്സുണ്ട്‌. നിങ്ങളു​ടെ ലേഖന​ങ്ങ​ളു​ടെ സഹായ​ത്താൽ ഞാൻ സാവധാ​ന​ത്തിൽ തരണം​ചെ​യ്‌തു​വ​രി​ക​യാണ്‌.” “ഇപ്പോൾ ഞാൻ ലേഖന​ങ്ങ​ളിൽ എഴുതി​യി​രി​ക്കുന്ന ബുദ്ധി​യു​പ​ദേശം സ്വീക​രി​ച്ചി​രി​ക്കു​ന്ന​തി​നാൽ ഞാൻ വളരെ മെച്ചപ്പെട്ട ഒരു മാനസി​കാ​വ​സ്ഥ​യി​ലാണ്‌. ഞാൻ മുമ്പ​ത്തെ​ക്കാൾ വളരെ ശുദ്ധി​യു​ള്ള​വ​നാ​ണെന്നു വിചാ​രി​ക്കു​ന്നു.”

¹¹ അങ്ങനെ​യുള്ള വിവരങ്ങൾ വായി​ക്കു​ക​യും പഠിക്കു​ക​യും ചെയ്യു​ന്ന​തിന്‌ സമയമാ​വ​ശ്യ​മാണ്‌, എന്നാൽ അതിന്‌ ധാർമ്മി​ക​മാ​യി ശുദ്ധരാ​യി നില​കൊ​ള്ളാൻ നിങ്ങളെ സഹായി​ക്കാൻ കഴിയും. നിങ്ങൾ അങ്ങനെ​യുള്ള പ്രസി​ദ്ധീ​കൃത വിവര​ങ്ങളെ പൂർണ്ണ​മാ​യും പ്രയോ​ജ​ന​പ്പെ​ടു​ത്തു​ന്നു​ണ്ടോ? “വിവാ​ഹ​ത്തി​നു മുമ്പത്തെ ലൈം​ഗി​കത—എന്തു​കൊ​ണ്ടു പാടില്ല”b എന്ന “ചെറു​പ്പ​ക്കാർ യുവജ​നങ്ങൾ ചോദി​ക്കു​ന്നു . . . ” എന്നതിലെ ലേഖന​ത്തോ​ടുള്ള പ്രതി​ക​ര​ണ​മാ​യി ഒരു ബൈബി​ള​ദ്ധ്യേ​താ​വാ​യി​രു​ന്നു പെൺകു​ട്ടി ഇങ്ങനെ എഴുതി: “ദാമ്പത്യ​പൂർവ ലൈം​ഗി​ക​ത​ക്കു​ശേഷം സംജാ​ത​മാ​കുന്ന ഹീനവും കുററ​ബോ​ധ​മു​ള​വാ​ക്കു​ന്ന​തും ദുഃശങ്ക തോന്നി​ക്കു​ന്ന​തു​മായ വിചാ​ര​ങ്ങ​ളെ​ക്കു​റി​ച്ചെ​നി​ക്ക​റി​യാം. എനിക്ക​തു​സം​ബ​ന്ധിച്ച്‌ വളരെ ഖേദമുണ്ട്‌. ഓരോ ദിവസ​വും യഹോ​വ​യു​ടെ അംഗീ​കാ​ര​ത്തി​നും ക്ഷമക്കും​വേണ്ടി ഞാൻ അവന്‌ നന്ദി​കൊ​ടു​ക്കു​ന്നു. മററു​ള്ളവർ ഞാൻ ചെയ്യു​ന്ന​തു​പോ​ലെ ചെയ്യു​ന്ന​തിന്‌ മുമ്പ്‌ നിങ്ങളു​ടെ ലേഖനം അവരെ സഹായി​ക്കു​മെന്ന്‌ ഞാൻ ആശിക്കു​ന്നു. അത്‌ യഥാർത്ഥ​ത്തിൽ വേദനി​പ്പി​ക്കു​ന്നു. നാം ‘ദുർവൃ​ത്തി വർജ്ജി​ക്കണം’ എന്ന്‌ യഹോ​വ​യാം ദൈവം ആഗ്രഹി​ക്കു​ന്ന​തെ​ന്തു​കൊ​ണ്ടെന്ന്‌ ഇപ്പോൾ എനിക്കു മനസ്സി​ലാ​കു​ന്നു.”—1 തെസ്സ​ലോ​നി​ക്യർ 4:3.

12. യഹോ​വയെ പ്രസാ​ദി​പ്പി​ക്കാ​നാ​ഗ്ര​ഹി​ക്കു​ന്ന​തിന്‌ നമ്മെ എന്തു പ്രേരി​പ്പി​ക്കും?

¹² ഇത്‌ ഈ വെല്ലു​വി​ളി​യെ വിജയ​ക​ര​മാ​യി നേരി​ടാൻ നിങ്ങളെ സഹായി​ക്കുന്ന മറെറാ​രു സംഗതി​യി​ലേക്ക്‌ നമ്മെ ആനയി​ക്കു​ന്നു: യഹോവ സർവ​ത്രിക പരമാ​ധി​കാ​രി​യാ​കു​ന്നു എന്നും അവനെ അനുസ​രി​ക്കേ​ണ്ട​താ​ണെ​ന്നും നിങ്ങൾ വിലമ​തി​ക്കേ​ണ്ട​താണ്‌. (വെളി​പ്പാട്‌ 4:11) അതേസ​മയം അവൻ സ്‌നേ​ഹ​വാ​നായ ഒരു സ്വർഗ്ഗീയ പിതാ​വാണ്‌, നമ്മുടെ അത്യുത്തമ താൽപ്പ​ര്യ​ങ്ങൾ അവന്റെ ഹൃദയ​ത്തി​ലുണ്ട്‌. (സദൃശ​വാ​ക്യ​ങ്ങൾ 2:20-22; യെശയ്യാവ്‌ 48:17) അവന്റെ നിയമങ്ങൾ നമ്മെ അനാവ​ശ്യ​മാ​യി നിയ​ന്ത്രി​ക്കാ​നല്ല സംരക്ഷി​ക്കാ​നാണ്‌ ഉദ്ദേശി​ക്ക​പ്പെ​ട്ടി​രി​ക്കു​ന്നത്‌. അവ അനുസ​രി​ക്കു​ന്നത്‌ അങ്ങനെ ജ്ഞാനമാർഗ്ഗ​മാ​യി​രി​ക്കു​ന്നു. (ആവർത്തനം 4:5, 6) യഹോവ ധാർമ്മി​ക​ശു​ദ്ധിക്ക്‌ നിർബ​ന്ധി​ക്കു​ന്ന​തെ​ന്തു​കൊ​ണ്ടെന്ന്‌ വ്യക്തമാ​യി മനസ്സി​ലാ​ക്കു​ന്നത്‌ അതിലെ യഥാർത്ഥ​സൗ​ന്ദ​ര്യം കാണാൻ നിങ്ങളെ സഹായി​ക്കു​ക​യും അവനെ പ്രസാ​ദി​പ്പി​ക്കാൻ ആഗ്രഹി​ക്കു​ന്ന​തിന നിങ്ങളെ പ്രേരി​പ്പി​ക്കു​ക​യും ചെയ്യും.—സങ്കീർത്തനം 112:1.

13. ദുർവൃ​ത്തി​യെ നിരോ​ധി​ച്ചു​കൊ​ണ്ടുള്ള യഹോ​വ​യു​ടെ നിയമ​ത്തിൽ നമ്മുടെ അത്യുത്തമ താൽപ​ര്യ​ങ്ങ​ളാണ്‌ ഹൃദയ​ത്തി​ലു​ള്ള​തെന്ന്‌ നിങ്ങൾ എങ്ങനെ വിശദീ​ക​രി​ക്കും?

¹³ ദൈവം ലൈം​ഗി​ക​തയെ വിവാ​ഹ​ത്തിൽ പരിമി​ത​പ്പെ​ടു​ത്തി​യി​രി​ക്കു​ന്നു​വെ​ന്നും ദുർവൃ​ത്തി​യെ കർശന​മാ​യി വിലക്കു​ന്നു​വെ​ന്നു​മുള്ള വസ്‌തുത പരിചി​ന്തി​ക്കുക. (എബ്രായർ 13:4) ഈ നിയമം അനുസ​രി​ക്കു​ന്നത്‌ നിങ്ങളിൽനിന്ന്‌ എന്തെങ്കി​ലും നൻമ കവർന്നു​ക​ള​യു​മോ? സ്‌നേ​ഹ​വാ​നായ ഒരു സ്വർഗ്ഗീ​യ​പി​താവ്‌ നിങ്ങളിൽനിന്ന്‌ ജീവി​താ​സ്വാ​ദനം കവർന്നു​ക​ള​യാൻ ഒരു നിയമം ഉണ്ടാക്കു​മോ? തീർച്ച​യാ​യും ഇല്ല! ദൈവ​ത്തി​ന്റെ ധാർമ്മി​ക​നി​യ​മത്തെ അവഗണി​ക്കുന്ന നിങ്ങളു​ടെ സമപ്രാ​യ​ക്കാ​രു​ടെ ജീവി​ത​ത്തിൽ സംഭവി​ക്കു​ന്ന​തെ​ന്തെന്നു കാണുക. ആവശ്യ​മി​ല്ലാത്ത ഗർഭധാ​ര​ണങ്ങൾ മിക്ക​പ്പോ​ഴും അവരെ ഗർഭച്ഛി​ദ്ര​ത്തി​ലേക്ക്‌ അല്ലെങ്കിൽ ഒരുപക്ഷേ അകാല വിവാ​ഹ​ങ്ങ​ളി​ലേക്കു നയിക്കു​ന്നു. മിക്ക​പ്പോ​ഴും അതിന്റെ അർത്ഥം ഭർത്താ​വി​ല്ലാ​തെ ഒരു കുട്ടിയെ വളർത്തേണ്ടി വരുന്നു​വെ​ന്നാണ്‌. കൂടാതെ ദുർവൃ​ത്തി​യി​ലേർപ്പെ​ടുന്ന യുവജ​നങ്ങൾ ‘തങ്ങളുടെ സ്വന്തം ശരീര​ങ്ങൾക്കെ​തി​രെ പാപം ചെയ്യു​ക​യും’ ലൈം​ഗി​ക​പ​കർച്ച​വ്യാ​ധി​കൾക്ക്‌ തങ്ങളെ​ത്തന്നെ വിധേ​യ​രാ​ക്കു​ക​യും ചെയ്യുന്നു. (1 കൊരി​ന്ത്യർ 6:18) യഹോ​വക്കു സമർപ്പണം ചെയ്‌തി​രി​ക്കുന്ന യുവജ​നങ്ങൾ ദുർവൃ​ത്തി​യി​ലേർപ്പെ​ടു​മ്പോൾ വൈകാ​രി​ക​പാർശ്വ​ഫ​ലങ്ങൾ വിനാ​ശ​ക​മാ​യി​രി​ക്കാൻ കഴിയും. കുററ​ബോ​ധ​മുള്ള ഒരു മനസ്സാ​ക്ഷി​യു​ടെ വേദനി​പ്പി​ക്ക​ലു​കളെ അടിച്ച​മർത്താൻ ശ്രമി​ക്കു​ന്നത്‌ ക്ലേശവും നിദ്രാ​ര​ഹിത രാത്രി​ക​ളും വരുത്തി​ക്കൂ​ട്ടി​യേ​ക്കാം. (സങ്കീർത്തനം 32:3, 4; 51:3) അപ്പോൾ ദുർവൃ​ത്തി​യെ നിരോ​ധി​ക്കുന്ന യഹോ​വ​യു​ടെ നിയമം നിങ്ങളെ സംരക്ഷി​ക്കാ​നു​ള്ള​താ​ണെന്ന്‌ സ്‌പഷ്ട​മ​ല്ല​യോ? ധാർമ്മി​ക​ശു​ദ്ധി പാലി​ക്കു​ന്ന​തിൽ യഥാർത്ഥ പ്രയോ​ജ​ന​മുണ്ട്‌!

14. കൗമാ​ര​പ്രാ​യ​ക്കാ​രു​ടെ വിവാഹം ഒരു സംരക്ഷ​ണ​മാണ്‌ എന്ന അവകാ​ശ​വാ​ദം സംബന്ധിച്ച്‌ 1 കൊരി​ന്ത്യർ 7:9-ലെയും 1 കൊരി​ന്ത്യർ 7:36-ലെയും പൗലോ​സി​ന്റെ വാക്കു​കളെ നാം എങ്ങനെ വീക്ഷി​ക്ക​ണ​മെന്ന്‌ വിശദീ​ക​രി​ക്കുക.

¹⁴ ധാർമ്മി​കത സംബന്ധിച്ച ദൈവ​ത്തി​ന്റെ നിയമ​ങ്ങ​ളോട്‌ പററി​നിൽക്കു​ന്നത്‌ എളുപ്പ​മ​ല്ലെന്ന്‌ സമ്മതി​ക്കു​ന്നു. ഇതുനി​മി​ത്തം ഏററവും നല്ല സംരക്ഷണം കൗമാ​ര​പ്രാ​യ​ത്തിൽതന്നെ വിവാ​ഹി​ത​രാ​കു​ന്ന​താ​ണെന്ന്‌ ചില യുവജ​നങ്ങൾ നിഗമനം ചെയ്‌തി​ട്ടുണ്ട്‌. ‘ഏതായാ​ലും “അവർക്ക്‌ ആത്മനി​യ​ന്ത്ര​ണ​മി​ല്ലെ​ങ്കിൽ അവർ വിവാഹം ചെയ്യട്ടെ, എന്തെന്നാൽ വികാ​ര​ത്താൽ ജ്വലി​ക്കു​ന്ന​തി​നേ​ക്കാൾ മെച്ചമാണ്‌ വിവാഹം കഴിക്കു​ന്നത്‌” എന്ന്‌ 1 കൊരി​ന്ത്യർ 7:9 പറയു​ന്നി​ല്ല​യോ?’ എന്നിരു​ന്നാ​ലും അങ്ങനെ​യുള്ള ഒരു വീക്ഷണം ഹ്രസ്വ​ദൃ​ഷ്ടി​യാണ്‌. പൗലോ​സി​ന്റെ വാക്കുകൾ കൗമാ​ര​പ്രാ​യ​ക്കാ​രെയല്ല സംബോ​ധന ചെയ്യു​ന്നത്‌, പിന്നെ​യോ “നവയൗ​വനം പിന്നിട്ട”വരെയാണ്‌. (1 കൊരി​ന്ത്യർ 7:36) മിക്ക​പ്പോ​ഴും, ഇപ്പോ​ഴും നവയൗ​വ​ന​ത്തിൽത്ത​ന്നെ​യാ​യി​രി​ക്കു​ന്നവർ വിവാ​ഹ​ത്തോ​ടു​കൂ​ടെ വരുന്ന സമ്മർദ്ദ​ങ്ങ​ളെ​യും ഉത്തരവാ​ദി​ത്വ​ങ്ങ​ളെ​യും ഏറെറ​ടു​ക്കാൻ വൈകാ​രി​ക​മാ​യും ആത്മീയ​മാ​യും വേണ്ടത്ര വളർന്നി​ട്ടില്ല. ജേണൽ ഓഫ മാരി​യേജ ആൻഡ ഫാമിലി ഇങ്ങനെ റിപ്പോർട്ടു ചെയ്യുന്നു: “നേരത്തെ വിവാഹം കഴിക്കുന്ന ആളുകൾക്ക്‌ കുറഞ്ഞ ദാമ്പത്യ സംതൃ​പ്‌തി​യാണ്‌ അനുഭ​വ​പ്പെ​ടു​ന്നത്‌, എന്തു​കൊ​ണ്ടെ​ന്നാൽ അവർക്ക്‌ ദാമ്പത്യ​ധർമ്മ​നിർവ​ഹ​ണ​ത്തിന്‌ ഒരുക്കം കുറവാണ്‌. മോശ​മായ ധർമ്മനിർവ​ഹണം സംതൃ​പ്‌തി കുറക്കു​ന്നു, അത്‌ ക്രമത്തിൽ വൈവാ​ഹിക അസ്ഥിര​ത​യി​ലേക്കു നയിക്കു​ന്നു.” അതു​കൊണ്ട്‌ ചെറു​പ്പ​ത്തി​ലേ വിവാഹം കഴിക്കാ​തെ വിജയ​പ്ര​ദ​മായ വിവാ​ഹ​ത്തി​നാ​വ​ശ്യ​മായ സകല ഗുണങ്ങ​ളും വളർത്തി​യെ​ടു​ക്കു​ന്ന​തു​വരെ നിർമ്മ​ല​മായ ഏകാകി​ത്വം പാലി​ക്കു​ന്ന​താണ്‌ പരിഹാ​രം.

നിങ്ങ​ളെ​ത്തന്നെ ശുദ്ധരാ​യി നിലനിർത്തുക!

15. നിങ്ങൾ ധാർമ്മി​ക​മാ​യി ശുദ്ധരാ​യി നില​കൊ​ള്ള​ണ​മെ​ങ്കിൽ ഏതു ശക്തമായ നടപടി​കൾ ആവശ്യ​മാണ്‌?

¹⁵ അപ്പോ​സ്‌ത​ല​നായ പൗലോസ്‌ എഴുതി: “അതു​കൊണ്ട്‌, ദുർവൃ​ത്തി, അശുദ്ധി, ലൈം​ഗി​തൃഷ്‌ണ എന്നിവ​സം​ബ​ന്ധിച്ച്‌ ഭൂമി​യി​ലുള്ള നിങ്ങളു​ടെ ശരീരാ​വ​യ​വ​ങ്ങളെ മരിപ്പി​ക്കുക.” (കൊ​ലോ​സ്യർ 3:5) അതെ, ശക്തമായ നടപടി​കൾ ആവശ്യ​മാണ്‌; നിങ്ങൾ ധാർമ്മി​ക​മാ​യി ശുദ്ധരാ​യി നില​കൊ​ള്ളു​മെന്ന്‌ ദൃഢനി​ശ്ച​യ​മു​ള്ള​വ​രാ​യി​രി​ക്കണം. “മരിപ്പി​ക്കുക” എന്നു വിവർത്തനം ചെയ്‌തി​രി​ക്കുന്ന ക്രിയ​യെ​ക്കു​റിച്ച്‌ “വ്യാഖ്യാ​താ​വി​ന്റെ ബൈബിൾ ഭാഷ്യം” ഇങ്ങനെ പറയുന്നു: “നാം കേവലം ദുഷ്‌ചെ​യ്‌തി​ക​ളെ​യും മനോ​ഭാ​വ​ങ്ങ​ളെ​യും അമർത്തു​ക​യോ നിയ​ന്ത്രി​ക്കു​ക​യോ ചെയ്‌താൽപോ​രാ​യെന്ന്‌ അത്‌ സൂചി​പ്പി​ക്കു​ന്നു. നാം അവയെ തുടച്ചു​നീ​ക്കേ​ണ്ട​താണ്‌, പഴയ ജീവി​ത​രീ​തി​യെ പൂർണ്ണ​മാ​യും ഉൻമൂ​ല​നം​ചെ​യ്യണം. ‘പൂർണ്ണ​മാ​യും നിഗ്ര​ഹി​ക്കുക’ എന്നത്‌ അതിന്റെ ശക്തിയെ മുഴുവൻ വെളി​പ്പെ​ടു​ത്തി​യേ​ക്കാം. . . . ക്രിയ​യു​ടെ അർത്ഥവും ക്രിയാ​കാ​ല​ത്തി​ന്റെ ശക്തിയും, ഊർജ്ജി​ത​വും വേദനാ​ക​ര​വു​മായ വ്യക്തി​പ​ര​മായ ദൃഢനി​ശ്ച​യ​ത്തി​ന്റെ ഒരു പ്രവൃ​ത്തി​യെ സൂചി​പ്പി​ക്കു​ന്നു.”—മത്തായി 5:27-30 താരത​മ്യ​പ്പെ​ടു​ത്തുക.

16. ധാർമ്മി​ക​മാ​യി ശുദ്ധി​യു​ള്ള​വ​രാ​യി നില​കൊ​ള്ളു​ന്ന​തിന്‌ നിങ്ങൾ മാനസി​ക​ശു​ദ്ധി പാലി​ക്കാൻ കഠിന​ശ്രമം ചെയ്യേ​ണ്ട​തെ​ന്തു​കൊണ്ട്‌, അതു ചെയ്യു​ന്ന​തിൽ നിങ്ങൾക്കെ​ങ്ങനെ വിജയി​ക്കാൻ കഴിയും?

¹⁶ എന്നാൽ നിങ്ങൾക്ക്‌ എങ്ങനെ ധാർമ്മി​ക​മാ​യി അശുദ്ധ​മായ ക്രിയ​ക​ളെ​യും മനോ​ഭാ​വ​ങ്ങ​ളെ​യും “പൂർണ്ണ​മാ​യി നിഗ്ര​ഹി​ക്കാം” അല്ലെങ്കിൽ ‘തുടച്ചു​നീ​ക്കാം’? പ്രശ്‌ന​ത്തി​ന്റെ മൂലത്തി​ലേക്ക്‌ ഇറങ്ങി​ക്കൊണ്ട്‌ യേശു ഇങ്ങനെ പറഞ്ഞു: “ഉള്ളിൽനിന്ന്‌, ഹൃദയ​ത്തിൽനിന്ന്‌, ഹാനി​ക​ര​മായ ന്യായ​വാ​ദങ്ങൾ പുറ​പ്പെ​ടു​ന്നു: ദുർവൃ​ത്തി​കൾ, . . . വ്യഭി​ചാ​രങ്ങൾ, ദുർമ്മോ​ഹങ്ങൾ.” (മത്തായി 7:21, 22) ആലങ്കാ​രിക ഹൃദയ​ത്തിൽ ചിന്താ​പ്രാ​പ്‌തി​കൾ ഉൾപ്പെ​ടു​ന്നു. അതു​കൊ​ണ്ടാണ്‌ അതിനെ “ന്യായ​വാ​ദ​ങ്ങ​ളോട്‌” ബന്ധിപ്പി​ച്ചി​രി​ക്കു​ന്നത്‌. അതു​കൊണ്ട്‌ ധാർമ്മി​ക​മാ​യി ശുദ്ധരാ​യി നില​കൊ​ള്ളു​ന്ന​തിന്‌ നിങ്ങൾ മാനസി​ക​മാ​യി ശുദ്ധി​പാ​ലി​ക്കാൻ കഠിന​ശ്രമം നടത്തേ​ണ്ട​താണ്‌. എങ്ങനെ? മനസ്സ്‌ ഇന്ദ്രി​യ​ങ്ങ​ളി​ലൂ​ടെ പോഷി​പ്പി​ക്ക​പ്പെ​ടു​ന്ന​തി​നാൽ നിങ്ങൾ നിങ്ങളു​ടെ കണ്ണുകൾ കൊണ്ട്‌ നോക്കു​ന്ന​തി​നെ​തി​രെ ജാഗ്രത പാലി​ച്ചു​കൊണ്ട്‌, ലൈം​ഗി​ക​ദുർമ്മാർഗ്ഗത്തെ ചിത്രീ​ക​രി​ക്കുന്ന അഥവാ അനുവ​ദി​ക്കുന്ന പുസ്‌ത​ക​ങ്ങ​ളൊ ററി.വി. പരിപാ​ടി​ക​ളൊ ചലച്ചി​ത്ര​ങ്ങ​ളൊ ഒഴിവാ​ക്കു​ക​യും വേണം. കൂടാതെ നിങ്ങൾ ലൈം​ഗി​ക​മാ​യി വ്യക്തത​യുള്ള ഗാനങ്ങൾ ഒഴിവാ​ക്കി​ക്കൊണ്ട്‌ കാതുകൾ കൊണ്ട്‌ കേൾക്കു​ന്നതു സംബന്ധി​ച്ചും ശ്രദ്ധാ​ലു​ക്കൾ ആയിരി​ക്കേ​ണ്ട​യാ​വ​ശ്യ​മുണ്ട്‌. വിശേ​ഷിച്ച്‌ നിങ്ങളു​ടെ സമപ്രാ​യ​ക്കാ​രു​ടെ മുമ്പാകെ അങ്ങനെ​യൊ​രു നിലപാ​ടു സ്വീക​രി​ക്കു​ന്ന​തിന്‌ ധൈര്യം ആവശ്യ​മാണ്‌, എന്നാൽ അങ്ങനെ ചെയ്യു​ന്നത്‌ ധാർമ്മി​ക​മാ​യി ശുദ്ധരാ​യി നില​കൊ​ള്ളു​ന്ന​തി​നും ആത്മാഭി​മാ​നം പുലർത്തു​ന്ന​തി​നും നിങ്ങളെ സഹായി​ക്കും.

17. ധാർമ്മിക അശുദ്ധി നിങ്ങളു​ടെ​യി​ട​യിൽ പറയ​പ്പെ​ടു​ക​പോ​ലും പാടി​ല്ലാ​ത്ത​തെ​ന്തു​കൊണ്ട്‌?

¹⁷ അപ്പോ​സ്‌ത​ല​നായ പൗലോസ്‌ ഇങ്ങനെ ബുദ്ധി​യു​പ​ദേ​ശി​ച്ചു: “വിശുദ്ധജനത്തിനനുയോജ്യമായിരിക്കുന്നതുപോലെ ദുർവൃ​ത്തി​യും യാതൊ​രു തരം അശുദ്ധി​യും അല്ലെങ്കിൽ അത്യാ​ഗ്ര​ഹ​വും നിങ്ങളു​ടെ​യി​ട​യിൽ പറയ​പ്പെ​ടു​ക​പോ​ലും അരുത്‌.” (എഫേസ്യർ 5:3; 12-ാം വാക്യ​വും കാണുക.) അതു​കൊണ്ട്‌ ധാർമ്മിക അശുദ്ധി പറയ​പ്പെ​ടു​ക​പോ​ലു​മ​രുത്‌, അതായത്‌ തമാശ​ക്കുള്ള ഒരു വിഷയ​മാ​യി കൈകാ​ര്യം ചെയ്യു​ക​യൊ ഉപയോ​ഗി​ക്കു​ക​യൊ അരുത്‌. എന്തു​കൊണ്ട്‌ പാടില്ല? ബൈബിൾ പണ്ഡിത​നായ വില്യം ബെർക്ലെ പ്രസ്‌താ​വി​ക്കു​ന്ന​തു​പോ​ലെ: “ഒരു സംഗതി​യെ​ക്കു​റി​ച്ചു സംസാ​രി​ക്കു​ന്നത്‌, ഒരു സംഗതി​യെ​ക്കു​റി​ച്ചു തമാശ പറയു​ന്നത്‌, അതിനെ കൂടെ​ക്കൂ​ടെ ഒരു സംഭാ​ഷ​ണ​വി​ഷ​യ​മാ​ക്കു​ന്നത്‌, അതിനെ മനസ്സി​ലേക്ക്‌ അവതരി​പ്പി​ക്ക​ലാണ്‌, അത്‌ യഥാർത്ഥ​ത്തിൽ ചെയ്യു​ന്ന​തി​നോട്‌ ഏറെ അടുപ്പി​ക്ക​ലു​മാണ്‌.” (യാക്കോബ്‌ 1:14, 15) വിശേ​ഷിച്ച്‌ മററു ചെറു​പ്പ​ക്കാർ വൃത്തി​കെട്ട തമാശകൾ പറയു​ക​യൊ ലൈം​ഗി​ക​പ്ര​വർത്ത​ന​ങ്ങളെ വർണ്ണി​ക്കാൻ അസഭ്യ​ഭാഷ ഉപയോ​ഗി​ക്കു​ക​യൊ ചെയ്യു​മ്പോൾ ‘നിങ്ങളു​ടെ വായിക്ക്‌ ഒരു സംരക്ഷ​ണ​മാ​യി ഒരു മുഖ​ക്കൊട്ട കെട്ടു​ന്ന​തിന്‌’ യഥാർത്ഥ​മായ തീരു​മാ​ന​ശേഷി ആവശ്യ​മാണ്‌. (സങ്കീർത്തനം 39:1) എന്നാൽ നിഷ്‌ക്ക​ള​ങ്ക​രും ശുദ്ധരു​മാ​യി നില​കൊ​ള്ളു​ന്ന​തി​നാൽ നിങ്ങൾ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കും.—സങ്കീർത്തനം 11:7; സദൃശ​വാ​ക്യ​ങ്ങൾ 27:11.

18. (എ) ധാർമ്മിക അശുദ്ധി​ക്കെ​തി​രായ പോരാ​ട്ട​ത്തിൽ ജയിക്കു​ന്ന​തിന്‌ അശുദ്ധ ചിന്തക​ളെ​യും സംസാ​ര​ത്തെ​യും ത്യജി​ക്കു​ന്നത്‌ മതിയാ​ക​യി​ല്ലാ​ത്ത​തെ​ന്തു​കൊണ്ട്‌? (ബി) ഫിലി​പ്പി​യർക്കുള്ള പൗലോ​സി​ന്റെ ബുദ്ധി​യു​പ​ദേ​ശ​ത്തിൽനിന്ന്‌ നിങ്ങൾക്കെ​ങ്ങനെ പ്രയോ​ജനം നേടാം?

¹⁸ ധാർമ്മിക അശുദ്ധി​ക്കെ​തി​രായ പോരാ​ട്ട​ത്തിൽ വിജയി​ക്കു​ന്ന​തിന്‌ അശുദ്ധ ചിന്തക​ളെ​യും സംസാ​ര​ത്തെ​യും ത്യജി​ക്കു​ന്നതു മതിയാ​ക​യില്ല. ഒരു ചൈനീസ്‌ പഴമൊ​ഴി ഇങ്ങനെ പറയുന്നു: “ഒരു ഒഴിഞ്ഞ മനസ്സ്‌ എല്ലാ നിർദ്ദേ​ശ​ങ്ങൾക്കും വിധേ​യ​മാണ്‌.” (മത്തായി 12:43-45 താരത​മ്യ​പ്പെ​ടു​ത്തുക.) മനസ്സിനെ ഉത്തമവും ശുദ്ധവു​മായ ചിന്തക​ളാൽ നിറ​ക്കേ​ണ്ട​തി​ന്റെ ആവശ്യത്തെ പൗലോസ്‌ തിരി​ച്ച​റി​ഞ്ഞു. അതു​കൊണ്ട്‌, അവൻ ഫിലി​പ്പി​യരെ ഇങ്ങനെ പ്രോൽസാ​ഹി​പ്പി​ച്ചു: “സത്യമായ ഏതു കാര്യ​ങ്ങ​ളും ഗൗരവ​മുള്ള ഏതു കാര്യ​ങ്ങ​ളും നിർമ്മ​ല​മായ ഏതു കാര്യ​ങ്ങ​ളും പ്രിയ​ങ്ക​ര​ങ്ങ​ളായ ഏതു കാര്യ​ങ്ങ​ളും സൽക്കീർത്തി​യുള്ള ഏതു കാര്യ​ങ്ങ​ളും ഏതു സൽഗു​ണ​വും സ്‌തു​ത്യർഹ​മാ​യുള്ള ഏതു കാര്യ​വും, ഈ കാര്യങ്ങൾ പരിചി​ന്തി​ക്കു​ന്ന​തിൽ തുടരുക [‘ഇവയെ ശ്രദ്ധാ​പൂർവ​ക​മായ വിചി​ന്ത​ന​ത്തി​നു വിധേ​യ​മാ​ക്കുക’c].”—ഫിലിപ്പിയർ4:8.

19. ദൈവ​വ​ചനം ഉത്സാഹ​പൂർവം പഠിക്കു​ന്ന​തെ​ന്തിന്‌, ഇത്‌ ധാർമ്മി​ക​മാ​യി ശുദ്ധരാ​യി നില​കൊ​ള്ളാൻ നിങ്ങളെ ഏതു വിധത്തിൽ സഹായി​ക്കും?

¹⁹ ഇതിന്റെ അർത്ഥം ദൈവ​വ​ച​ന​ത്തി​ന്റെ ഉൽസു​ക​മായ പഠനം നടത്തണ​മെ​ന്നാണ്‌. (യോശു​വാ 1:8; സങ്കീർത്തനം 1:2) അത്‌ നിങ്ങളു​ടെ മനസ്സി​നെ​യും ഹൃദയ​ത്തെ​യും ഉറപ്പി​ക്കു​ക​യും യഹോ​വ​യു​മാ​യി ഒരു അടുത്ത ബന്ധം വളർത്തി​യെ​ടു​ക്കാൻ നിങ്ങളെ സഹായി​ക്കു​ക​യും ചെയ്യും. അങ്ങനെ നിങ്ങൾ ധാർമ്മി​ക​മാ​യി അശുദ്ധ​മായ നടത്തയിൽ ഏർപ്പെ​ടാ​നുള്ള പ്രലോ​ഭ​ന​ങ്ങളെ ചെറു​ത്തു​നിൽക്കു​ന്ന​തിന്‌ വളരെ മെച്ചമായ സ്ഥാനത്താ​യി​രി​ക്കും. നിങ്ങൾ കേവലം യഹോ​വ​യു​ടെ നാമത്തിൻമേൽ അപമാ​ന​വും നിങ്ങളു​ടെ കുടും​ബ​ത്തി​നും സഭക്കും ലജ്ജയും വരുത്തുന്ന അപകടം വരുത്തി​ക്കൂ​ട്ടു​ക​യില്ല. പകരം, നിങ്ങൾ പിന്നീട്‌ ദുഃഖി​ക്കേ​ണ്ടി​വ​രു​ക​യി​ല്ലാത്ത ഒരു വിധത്തിൽ നിങ്ങളു​ടെ യുവത്വ​ത്തി​ന്റെ ശക്തിയും ഊർജ്ജി​ത​വും ഉപയോ​ഗി​ക്കും. അതെ, നിങ്ങൾ ധാർമ്മിക ശുദ്ധി​യു​ടെ ഗതി പിന്തു​ട​രും, സത്യമാ​യി യഹോ​വയെ സേവി​ക്കുന്ന യുവജ​ന​ങ്ങ​ളു​ടെ സൗന്ദര്യ​മാ​ണത്‌!—സദൃശ​വാ​ക്യ​ങ്ങൾ 3:1-4. (w89 11⁄1)

[അടിക്കു​റിപ്പ്‌]

യുവജനങ്ങളേ—നിങ്ങൾ എങ്ങനെ ഉത്തരം പറയും?

◻നിങ്ങൾ ധാർമ്മി​ക​ശു​ദ്ധി​യു​ടെ ഒരു ഉയർന്ന നിലവാ​രം പുലർത്തേ​ണ്ട​തെ​ന്തു​കൊണ്ട്‌?

◻ദൈവമുമ്പാകെ ഒരു ശുദ്ധമായ നിലപാട്‌ പാലി​ക്കു​ന്ന​തിന്‌ ഏതു സമ്മർദ്ദങ്ങൾ വെല്ലു​വി​ളി ഉയർത്തു​ന്നു?

◻ധാർമ്മികമായി ശുദ്ധരാ​യി നിലനിൽക്കു​ന്ന​തി​നുള്ള വെല്ലു​വി​ളി​യെ നേരി​ടു​ന്ന​തിന്‌ നിങ്ങളെ എന്തിനു സഹായി​ക്കാൻ കഴിയും?

◻നിങ്ങൾ നിങ്ങ​ളെ​ത്തന്നെ ശുദ്ധരാ​യി നിലനിർത്ത​ണ​മെ​ങ്കിൽ ഏതു ശക്തമായ നടപടി​കൾ ആവശ്യ​മാണ്‌?

[23-ാം പേജിലെ ആകർഷ​ക​വാ​ക്യം]

ഇപ്പോഴും നവയൗ​വ​ന​ത്തിൽ ആയിരി​ക്കുന്ന മിക്കവർക്കും മാതാ​പി​താ​ക്ക​ളു​ടെ ഉത്തരവാ​ദി​ത്വം വഹിക്കാൻ കഴിയാത്ത വിധം പ്രായ​ക്കു​റ​വാണ്‌.