ബൈബിൾ ഒന്നു വായി​ച്ചാൽ കൊള്ളാ​മെ​ന്നു​ണ്ടെ​ങ്കി​ലും മുകളിൽ പറഞ്ഞതു​പോ​ലുള്ള ചിന്തക​ളാ​ണോ അതിനു തടസ്സം നിൽക്കു​ന്നത്‌? ബൈബിൾ വായി​ക്കുക എന്നത്‌ മുഷി​പ്പി​ക്കുന്ന ഒരു കാര്യ​മാ​യി പലരും വീക്ഷി​ക്കു​ന്നു. എന്നാൽ സന്തോ​ഷ​വും സംതൃ​പ്‌തി​യും ഉള്ള ഒരു ജീവിതം തരാൻ ബൈബി​ളി​നു കഴിയു​മെ​ങ്കി​ലോ? രസകര​മായ വിധത്തിൽ ബൈബിൾ വായി​ക്കാൻ വഴിക​ളു​ണ്ടെ​ങ്കി​ലോ? അതൊന്ന്‌ വായി​ച്ചു​നോ​ക്കാൻ നിങ്ങൾ ഒരു ശ്രമം ചെയ്യു​മോ?

ബൈബിൾ വായി​ച്ചു​തു​ട​ങ്ങി​യ​പ്പോൾ അതു വളരെ പ്രയോ​ജ​ന​പ്ര​ദ​മെന്നു കണ്ട ചിലരു​ടെ അഭി​പ്രാ​യങ്ങൾ ശ്രദ്ധി​ക്കുക.

20-കളുടെ തുടക്ക​ത്തി​ലാ​യി​രി​ക്കുന്ന ഹെസക്കി​യേൽ പറയുന്നു: “എങ്ങോ​ട്ടെ​ന്നി​ല്ലാ​തെ കാർ ഓടി​ച്ചു​പോ​കുന്ന ഒരാ​ളെ​പ്പോ​ലെ​യാ​യി​രു​ന്നു ഞാൻ. എന്നാൽ ബൈബിൾ വായി​ച്ചത്‌ എനിക്കു ജീവി​ത​ത്തിൽ ലക്ഷ്യ​ബോ​ധം തന്നു. അനുദി​ന​ജീ​വി​ത​ത്തിൽ ഗുണം ചെയ്യുന്ന പ്രാ​യോ​ഗി​ക​മായ നിർദേ​ശങ്ങൾ ഇതിലുണ്ട്‌.”

ഏറെക്കു​റെ ഇതേ പ്രായ​ത്തി​ലുള്ള ഫ്രീഡ​യും പറയു​ന്നത്‌ ഇങ്ങനെ​യാണ്‌: “ചിന്തി​ക്കാ​തെ എടുത്തു​ചാ​ടി കാര്യങ്ങൾ ചെയ്യുന്ന പ്രകൃ​ത​ക്കാ​രി​യാ​യി​രു​ന്നു ഞാൻ. പക്ഷേ ബൈബിൾ വായി​ച്ച​പ്പോൾ, ചിന്തിച്ച്‌ കാര്യങ്ങൾ ചെയ്യാൻ ഞാൻ പഠിച്ചു. മറ്റുള്ള​വ​രോട്‌ ഒത്തു​പോ​കാൻ ഇത്‌ എന്നെ വളരെ സഹായി​ച്ചു. അതു​കൊണ്ട്‌ എനിക്ക്‌ ഇപ്പോൾ ഒരുപാ​ടു കൂട്ടു​കാ​രുണ്ട്‌.”

ഇപ്പോൾ 50-ലധികം വയസ്സുള്ള യൂനിസ്‌ ബൈബി​ളി​നെ​ക്കു​റിച്ച്‌ ഇങ്ങനെ​യാ​ണു പറയു​ന്നത്‌: “പല ചീത്തശീ​ല​ങ്ങ​ളും മാറ്റി ഒരു മെച്ചപ്പെട്ട വ്യക്തി​യാ​കാൻ ബൈബിൾവാ​യന എന്നെ സഹായി​ച്ചു.”

ആ വായന​ക്കാർക്കും അതു​പോ​ലുള്ള ലക്ഷക്കണ​ക്കിന്‌ മറ്റു വായന​ക്കാർക്കും മനസ്സി​ലാ​യ​തു​പോ​ലെ ജീവിതം കൂടുതൽ രസകര​മാ​ക്കാൻ ബൈബിൾവാ​യന സഹായി​ക്കും. (യശയ്യ 48:17, 18) നിങ്ങൾക്കു ബൈബിൾ വായി​ക്കു​ന്ന​തി​ലൂ​ടെ (1) നല്ല തീരു​മാ​ന​ങ്ങ​ളെ​ടു​ക്കാം (2) നല്ല കൂട്ടു​കാ​രെ കണ്ടെത്താം (3) ഉത്‌ക​ണ്‌ഠകൾ കുറയ്‌ക്കാം (4) ഏറ്റവും പ്രധാ​ന​മാ​യി ദൈവ​ത്തെ​ക്കു​റി​ച്ചുള്ള സത്യവും മനസ്സി​ലാ​ക്കാം. ബൈബി​ളി​ലെ നിർദേ​ശങ്ങൾ ദൈവ​ത്തിൽനി​ന്നു​ള്ള​താണ്‌. അതു​കൊണ്ട്‌ അതിനു ചേർച്ച​യിൽ പ്രവർത്തി​ച്ചാൽ നിങ്ങൾക്ക്‌ ഒരിക്ക​ലും തെറ്റു​പ​റ്റില്ല. ദൈവം തരുന്ന മാർഗ​നിർദേ​ശങ്ങൾ ഒരിക്ക​ലും മോശ​മാ​കി​ല്ല​ല്ലോ!

എന്നാൽ ബൈബിൾ വായി​ച്ചു​തു​ട​ങ്ങുക എന്നതാണു മുഖ്യ​സം​ഗതി. അതു തുടങ്ങാ​നും രസകര​മാ​ക്കാ​നും ഉള്ള ചില എളുപ്പ​വ​ഴി​കൾ നോക്കാം.

ബൈബിൾവാ​യന രസകര​മാ​ക്കാ​നും അതിൽനിന്ന്‌ പരമാ​വധി പ്രയോ​ജനം നേടാ​നും നിങ്ങൾക്ക്‌ എന്തു ചെയ്യാ​നാ​കും? പലരും പരീക്ഷിച്ച്‌ വിജയിച്ച അഞ്ച്‌ മാർഗങ്ങൾ നോക്കാം.

നല്ലൊരു അന്തരീക്ഷം ഒരുക്കുക. സ്വസ്ഥമായ ഒരു ഇടം തിര​ഞ്ഞെ​ടു​ക്കുക. വായി​ക്കുന്ന കാര്യ​ത്തിൽ മുഴു​കു​ന്ന​തിന്‌ ശ്രദ്ധാ​ശൈ​ഥ​ല്യ​ങ്ങൾ ഒഴിവാ​ക്കുക. മതിയായ വെളി​ച്ച​വും ശുദ്ധവാ​യു​വും ഉള്ള ഒരിട​മാ​ണെ​ങ്കിൽ വായന​യിൽനിന്ന്‌ പൂർണ​പ്ര​യോ​ജനം നേടാ​നാ​കും.

നല്ല ഒരു മനോ​നി​ല​യു​ണ്ടാ​യി​രി​ക്കുക. ബൈബിൾ നമ്മുടെ സ്വർഗീ​യ​പി​താ​വിൽനി​ന്നു​ള്ള​താണ്‌. സ്‌നേ​ഹ​നി​ധി​ക​ളായ മാതാ​പി​താ​ക്ക​ളിൽനിന്ന്‌ പഠിക്കാൻ ആഗ്രഹി​ക്കുന്ന ഒരു കുട്ടി​യു​ടേ​തു​പോ​ലുള്ള മനോ​ഭാ​വം നിങ്ങൾക്കു​ണ്ടെ​ങ്കിൽ തീർച്ച​യാ​യും അതിൽനിന്ന്‌ പ്രയോ​ജനം നേടാ​നാ​കും. എന്നാൽ ബൈബി​ളി​നെ​ക്കു​റിച്ച്‌ നിഷേ​ധാ​ത്മ​ക​മായ എന്തെങ്കി​ലും ധാരണ​ക​ളു​ണ്ടെ​ങ്കിൽ അതെല്ലാം മാറ്റി​വെ​ച്ച​തി​നു ശേഷം വായന തുടങ്ങുക, അപ്പോൾ ദൈവ​ത്തിന്‌ നിങ്ങളെ പഠിപ്പി​ക്കാൻ എളുപ്പ​മാ​യി​രി​ക്കും.—സങ്കീർത്തനം 25:4.

വായി​ക്കു​ന്ന​തി​നു മുമ്പ്‌ പ്രാർഥി​ക്കുക. ദൈവ​ത്തി​ന്റെ ചിന്തകൾ ബൈബി​ളിൽ അടങ്ങി​യി​രി​ക്കു​ന്ന​തി​നാൽ, അതു മനസ്സി​ലാ​ക്കാൻ ദൈവ​ത്തി​ന്റെ സഹായം കൂടിയേ തീരൂ എന്നു പറയേ​ണ്ട​തി​ല്ല​ല്ലോ! തന്നോടു ചോദി​ക്കു​ന്ന​വർക്ക്‌ ‘പരിശു​ദ്ധാ​ത്മാ​വി​നെ ധാരാ​ള​മാ​യി നൽകും’ എന്നു ദൈവം വാഗ്‌ദാ​നം ചെയ്‌തി​രി​ക്കു​ന്നു. (ലൂക്കോസ്‌ 11:13) പരിശു​ദ്ധാ​ത്മാ​വിന്‌ ദൈവ​ത്തി​ന്റെ ചിന്താ​ഗ​തി​കൾ ഗ്രഹി​ക്കാൻ നിങ്ങളെ സഹായി​ക്കാ​നാ​കും. ക്രമേണ “ഗഹനമായ ദൈവ​കാ​ര്യ​ങ്ങൾപോ​ലും” ഗ്രഹി​ക്കാൻ അതു നിങ്ങളു​ടെ മനസ്സിനെ പാക​പ്പെ​ടു​ത്തും.—1 കൊരി​ന്ത്യർ 2:10.

മനസ്സി​ലാ​ക്കി വായി​ക്കുക. കേവലം വായി​ച്ചു​തീർക്കുക എന്നതാ​യി​രി​ക്ക​രുത്‌ നമ്മുടെ ലക്ഷ്യം. വായി​ച്ചു​കൊ​ണ്ടി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ ആഴത്തിൽ ചിന്തി​ക്കുക. പിൻവ​രു​ന്ന​തു​പോ​ലുള്ള ചോദ്യ​ങ്ങൾ നിങ്ങൾക്കു സ്വയം ചോദി​ക്കാം: ‘ഞാൻ വായി​ച്ചു​കൊ​ണ്ടി​രി​ക്കുന്ന കഥാപാ​ത്ര​ത്തിന്‌ ഏതെല്ലാം ഗുണങ്ങ​ളാ​ണു​ള്ളത്‌? ഇത്‌ എന്റെ ജീവി​തത്തെ എങ്ങനെ സ്വാധീ​നി​ക്കണം?’

വ്യക്തമായ ലക്ഷ്യങ്ങൾ വെക്കുക. ബൈബി​ളി​ന്റെ വായന​യിൽനിന്ന്‌ പ്രയോ​ജനം നേടു​ന്ന​തിന്‌, ജീവി​തത്തെ പരിപു​ഷ്ടി​പ്പെ​ടു​ത്തുന്ന എന്തെങ്കി​ലും കണ്ടെത്തുക എന്ന ലക്ഷ്യത്തിൽ വായി​ക്കുക. ഉദാഹ​ര​ണ​ത്തിന്‌, ‘ദൈവ​ത്തെ​ക്കു​റിച്ച്‌ കൂടു​ത​ലാ​യി എനിക്കു പഠിക്കണം, മെച്ചപ്പെട്ട വ്യക്തി​യാ​കണം, ഒരു നല്ല ഭർത്താ​വോ ഭാര്യ​യോ ആകണം’ തുടങ്ങി​യ​തു​പോ​ലുള്ള ലക്ഷ്യങ്ങൾ. എന്നിട്ട്‌ ആ ലക്ഷ്യങ്ങ​ളിൽ എത്തി​ച്ചേ​രാൻ സഹായി​ക്കുന്ന ബൈബിൾഭാ​ഗങ്ങൾ തിര​ഞ്ഞെ​ടുത്ത്‌ വായി​ക്കുക.a

ഒന്നു തുടങ്ങി​ക്കി​ട്ടാ​നുള്ള ബുദ്ധി​മു​ട്ടു പരിഹ​രി​ക്കാൻ മേൽപ്പറഞ്ഞ അഞ്ച്‌ നിർദേ​ശങ്ങൾ നിങ്ങളെ സഹായി​ക്കു​ക​തന്നെ ചെയ്യും. എന്നാൽ വായന അല്‌പം​കൂ​ടി രസകര​മാ​ക്കു​ന്ന​തി​നു നിങ്ങൾക്ക്‌ എന്തു ചെയ്യാ​നാ​കും? അടുത്ത ലേഖന​ത്തിൽ ഇതാ ചില നിർദേ​ശങ്ങൾ!

ബൈബിൾവാ​യന നിങ്ങൾക്ക്‌ എങ്ങനെ​യാണ്‌? ബോറ​ടി​പ്പി​ക്കു​ന്ന​തോ അതോ ആസ്വാ​ദ്യ​ക​ര​മോ? അത്‌ ഏറെയും നിങ്ങൾ വായനയെ എങ്ങനെ വീക്ഷി​ക്കു​ന്നു എന്നതിനെ ആശ്രയി​ച്ചി​രി​ക്കും. നിങ്ങളു​ടെ വായന കൂടുതൽ രസകര​വും ആസ്വാ​ദ്യ​ക​ര​വു​മാ​ക്കാൻ എന്തെല്ലാം ചെയ്യാ​നാ​കും എന്ന്‌ നോക്കാം.

ആധുനിക ശൈലി​യി​ലുള്ള നല്ലൊരു ബൈബിൾപ​രി​ഭാഷ തിര​ഞ്ഞെ​ടു​ക്കുക. കാലഹ​ര​ണ​പ്പെ​ട്ട​തോ കടുകട്ടിയായ പദങ്ങളുള്ള ഒരു പരിഭാ​ഷ​യോ ആണ്‌ കൈയി​ലു​ള്ള​തെ​ങ്കിൽ നിങ്ങൾ അതിന്റെ വായന ആസ്വദി​ക്കാൻ സാധ്യ​ത​യില്ല. അതു​കൊണ്ട്‌, ഹൃദയത്തെ സ്‌പർശി​ക്കു​ന്ന​തും എളുപ്പം മനസ്സി​ലാ​ക്കാ​വു​ന്ന​തും ആയ ഭാഷ ഉപയോ​ഗി​ച്ചി​രി​ക്കുന്ന ഒരു പരിഭാഷ കണ്ടുപി​ടി​ക്കുക. അതു ശ്രദ്ധ​യോ​ടെ​യും കൃത്യ​ത​യോ​ടെ​യും പരിഭാ​ഷ​പ്പെ​ടു​ത്തി​യി​ട്ടു​ള്ള​താ​ണെന്ന്‌ ഉറപ്പു​വ​രു​ത്തുക.a

ആധുനിക സാങ്കേ​തി​ക​വി​ദ്യ പ്രയോ​ജ​ന​പ്പെ​ടു​ത്തുക. ഇന്ന്‌ ബൈബിൾ, പുസ്‌ത​ക​രൂ​പ​ത്തിൽ മാത്രമല്ല ഇലക്‌​ട്രോ​ണിക്‌ രൂപത്തി​ലും ലഭ്യമാണ്‌. ചില ബൈബി​ളു​കൾ ഓൺ​ലൈ​നാ​യോ കമ്പ്യൂട്ടർ, ടാബ്‌ലെറ്റ്‌, മൊ​ബൈൽ ഫോൺ എന്നിവ​യിൽ ഡൗൺലോഡ്‌ ചെയ്‌തോ വായി​ക്കാ​വു​ന്ന​താണ്‌. ചില പതിപ്പു​ക​ളിൽ നിങ്ങൾ വായി​ച്ചു​കൊ​ണ്ടി​രി​ക്കുന്ന ഭാഗ​ത്തോ​ടു ബന്ധപ്പെട്ട മറ്റു ബൈബിൾവാ​ക്യ​ങ്ങ​ളോ അല്ലെങ്കിൽ മറ്റു പരിഭാ​ഷ​ക​ളോ കണ്ടെത്തു​ന്ന​തി​നുള്ള വഴിക​ളുണ്ട്‌. ഇനി, ബൈബിൾ വായി​ച്ചു​കേൾക്കു​ന്ന​താണ്‌ നിങ്ങൾക്ക്‌ ഇഷ്ടമെ​ങ്കിൽ അതിന്റെ റെക്കോർഡി​ങ്ങു​ക​ളും ലഭ്യമാണ്‌. യാത്ര​യി​ലാ​യി​രി​ക്കു​മ്പോ​ഴോ മറ്റു ജോലി​യി​ലാ​യി​രി​ക്കു​മ്പോ​ഴോ റെക്കോർഡിങ്ങ്‌ കേൾക്കു​ന്നത്‌ പലരും ആസ്വദി​ക്കു​ന്നു. ഇതിൽ ഏതു വിധമാണ്‌ നിങ്ങൾക്ക്‌ ഇണങ്ങു​ന്ന​തെന്ന്‌ ഒന്നു പരീക്ഷി​ച്ചു​നോ​ക്കാ​മോ?

ബൈബിൾ പഠനസ​ഹാ​യി​കൾ ഉപയോ​ഗി​ക്കുക. വായന കൂടുതൽ രസകര​മാ​ക്കാൻ ബൈബിൾ പഠനസ​ഹാ​യി​കൾ ഉപകരി​ക്കും. വായനാ​ഭാ​ഗത്ത്‌ പറഞ്ഞി​രി​ക്കുന്ന സ്ഥലങ്ങൾ എവി​ടെ​യാ​ണെന്നു കണ്ടുപി​ടി​ക്കു​ന്ന​തി​നും അവിടെ നടന്ന സംഭവ​ങ്ങ​ളു​ടെ പശ്ചാത്തലം മനസ്സി​ലാ​ക്കു​ന്ന​തി​നും ഭൂപടങ്ങൾ ഉപയോ​ഗി​ക്കാ​വു​ന്ന​താണ്‌. ഈ മാസി​ക​യി​ലോ jw.org വെബ്‌​സൈ​റ്റി​ലെ ‘ബൈബിൾപ​ഠി​പ്പി​ക്ക​ലു​കൾ’ എന്ന ഭാഗത്തോ ഉള്ള ലേഖന​ങ്ങൾക്ക്‌ പല ബൈബിൾഭാ​ഗ​ങ്ങ​ളു​ടെ​യും അർഥം തിരി​ച്ച​റി​യാൻ നിങ്ങളെ സഹായി​ക്കാ​നാ​കും.

മറ്റൊരു രീതി പരീക്ഷി​ച്ചു​നോ​ക്കുക. ബൈബിൾ പുറ​ത്തോ​ടു​പു​റം വായി​ക്കു​ന്നത്‌ ഭാരിച്ച ഒരു കാര്യ​മാ​യി നിങ്ങൾക്കു തോന്നു​ന്നു​ണ്ടോ? എങ്കിൽ നിങ്ങൾക്ക്‌ ഏറെ ഇഷ്ടപ്പെട്ട ഒരു ഭാഗം മുതൽ വായി​ച്ചു​തു​ട​ങ്ങാം. ഇനി, ബൈബി​ളി​ലെ പേരു​കേട്ട ആളുക​ളെ​ക്കു​റിച്ച്‌ അറിയാ​നാണ്‌ ആഗ്രഹി​ക്കു​ന്ന​തെ​ങ്കിൽ കഥാപാ​ത്ര​ങ്ങ​ളു​ടെ അടിസ്ഥാ​ന​ത്തി​ലും വായി​ക്കാ​വു​ന്ന​താണ്‌. അതിനാ​യി “കഥാപാ​ത്ര​ങ്ങ​ളെ​ക്കു​റിച്ച്‌ അറിയാൻ ബൈബി​ളിൽ ഗവേഷണം ചെയ്യുക” എന്ന ചതുര​ത്തി​ലെ രണ്ടു വിധങ്ങൾ കാണുക. കൂടാതെ, ഓരോ വിഷയങ്ങൾ അനുസ​രിച്ച്‌ അല്ലെങ്കിൽ സംഭവങ്ങൾ നടന്ന ക്രമത്തിൽ നിങ്ങൾക്കു വായി​ക്കാം. ഇതിൽ ഏതെങ്കി​ലും ഒരു വിധം നിങ്ങൾ പരീക്ഷി​ച്ചു​നോ​ക്കു​മോ?

ബൈബിൾ ഒരു സാധാരണ പുസ്‌ത​കമല്ല. സ്രഷ്ടാ​വി​ന്റെ ഉപദേ​ശ​ങ്ങ​ളാണ്‌ അതിലു​ള്ളത്‌. (2 തിമൊ​ഥെ​യൊസ്‌ 3:16) അതിന്റെ സന്ദേശ​ത്തിന്‌ നമ്മളെ ആഴത്തിൽ സ്വാധീ​നി​ക്കാ​നാ​കും. “ദൈവ​ത്തി​ന്റെ വാക്കുകൾ ജീവനു​ള്ള​തും ശക്തി ചെലു​ത്തു​ന്ന​തും” ആണെന്ന്‌ ബൈബിൾതന്നെ സാക്ഷ്യ​പ്പെ​ടു​ത്തു​ന്നു. (എബ്രായർ 4:12) മുഖ്യ​മാ​യും രണ്ടു വിധങ്ങ​ളിൽ നമ്മുടെ ജീവി​തത്തെ മെച്ച​പ്പെ​ടു​ത്താ​നുള്ള ശക്തി ദൈവ​വ​ച​ന​ത്തി​നുണ്ട്‌. ഒന്ന്‌, അനുദി​ന​ജീ​വി​ത​ത്തിന്‌ ആവശ്യ​മായ മാർഗ​നിർദേ​ശങ്ങൾ നൽകുന്നു. രണ്ട്‌, ദൈവ​ത്തെ​യും ദൈവ​ത്തി​ന്റെ വാഗ്‌ദാ​ന​ങ്ങ​ളെ​യും കുറിച്ച്‌ അറിയാൻ സഹായി​ക്കു​ന്നു.—1 തിമൊ​ഥെ​യൊസ്‌ 4:8; യാക്കോബ്‌ 4:8.

ഇപ്പോ​ഴ​ത്തെ ജീവിതം മെച്ച​പ്പെ​ടു​ത്തു​ന്നു. തികച്ചും വ്യക്തി​പ​ര​മായ കാര്യ​ങ്ങ​ളിൽപോ​ലും ബൈബി​ളിന്‌ നമ്മളെ സഹായി​ക്കാ​നാ​കും. അതു പിൻവ​രുന്ന കാര്യ​ങ്ങ​ളിൽ വേണ്ട പ്രാ​യോ​ഗിക നിർദേ​ശങ്ങൾ തരുന്നു.

• മറ്റുള്ള​വ​രു​മാ​യുള്ള ബന്ധങ്ങൾ കാത്തു​സൂ​ക്ഷി​ക്കു​ന്ന​തിൽ—എഫെസ്യർ 4:31, 32; 5:22, 25, 28, 33.

• ശാരീ​രി​ക​വും വൈകാ​രി​ക​വും ആയ ആരോ​ഗ്യം നിലനി​റു​ത്തു​ന്ന​തിൽ—സങ്കീർത്തനം 37:8; സുഭാ​ഷി​തങ്ങൾ 17:22.

• സദാചാര മൂല്യങ്ങൾ പിൻപ​റ്റു​ന്ന​തിൽ.—1 കൊരി​ന്ത്യർ 6:9, 10.

• പണം മെച്ചമാ​യി കൈകാ​ര്യം ചെയ്യു​ന്ന​തിൽ.—സുഭാ​ഷി​തങ്ങൾ 10:4; 28:19; എഫെസ്യർ 4:28.a

ഏഷ്യയി​ലു​ള്ള ഒരു യുവദ​മ്പ​തി​കൾ ബൈബിൾ നൽകുന്ന മാർഗ​നിർദേ​ശ​ങ്ങ​ളെ​ക്കു​റിച്ച്‌ വിലമ​തി​പ്പോ​ടെ സംസാ​രി​ച്ചു. മിക്ക നവദമ്പ​തി​ക​ളെ​യും പോലെ വ്യക്തി​ത്വ​ഭി​ന്ന​ത​ക​ളു​മാ​യി ഒത്തു​പോ​കാ​നും കാര്യങ്ങൾ തുറന്ന്‌ സംസാ​രി​ക്കാ​നും ഒക്കെ ഇവർക്കും ബുദ്ധി​മുട്ട്‌ അനുഭ​വ​പ്പെ​ട്ടി​രു​ന്നു. പക്ഷേ ബൈബിൾ വായി​ച്ച​പ്പോൾ ലഭിച്ച വിവരങ്ങൾ അവർ ജീവി​ത​ത്തിൽ പരീക്ഷി​ച്ചു​നോ​ക്കാൻ തുടങ്ങി. അവർ വിജയി​ച്ചോ? ഭർത്താ​വായ വൈസന്റ്‌ പറയുന്നു: “ഞങ്ങളുടെ വിവാ​ഹ​ജീ​വി​ത​ത്തിൽ ഉണ്ടായ അസ്വാ​ര​സ്യ​ങ്ങൾ സ്‌നേ​ഹ​പൂർവം പരിഹ​രി​ക്കാ​നും സന്തോ​ഷ​ക​ര​മായ കുടും​ബ​ജീ​വി​തം നയിക്കാ​നും ഞങ്ങളെ സഹായി​ച്ചത്‌ ബൈബി​ളി​ലെ നിർദേ​ശ​ങ്ങ​ളാണ്‌.” ഭാര്യ അനില​യ്‌ക്കും ഇതേ അഭി​പ്രാ​യം തന്നെയാണ്‌: “ബൈബിൾക​ഥാ​പാ​ത്ര​ങ്ങ​ളു​ടെ മാതൃ​കകൾ വേണ്ട മാറ്റങ്ങൾ വരുത്താൻ ഞങ്ങളെ സഹായി​ച്ചു. ഇപ്പോൾ ഞങ്ങളുടെ ജീവി​ത​ത്തിൽ സന്തോ​ഷ​വും സംതൃ​പ്‌തി​യും ഉണ്ട്‌, ലക്ഷ്യ​ബോ​ധ​ത്തോ​ടെ​യുള്ള ജീവി​ത​മാണ്‌ ഞങ്ങളു​ടേത്‌.”

ദൈവത്തെ അറിയാൻ. വിവാ​ഹ​ജീ​വി​ത​ത്തെ​ക്കു​റിച്ച്‌ പറഞ്ഞതി​നു ശേഷം വൈസന്റ്‌ ഇങ്ങനെ കൂട്ടി​ച്ചേർക്കു​ന്നു: “ബൈബിൾ വായി​ക്കാൻ തുടങ്ങി​യ​തു​മു​തൽ യഹോ​വ​യോട്‌ മുമ്പു​ണ്ടാ​യി​രു​ന്ന​തി​നെ​ക്കാൾ അടുപ്പം എനിക്കുണ്ട്‌.” അദ്ദേഹ​ത്തി​ന്റെ ഈ അഭി​പ്രാ​യം, ദൈവ​വു​മാ​യി അടുക്കാൻ ബൈബി​ളിന്‌ നിങ്ങളെ സഹായി​ക്കാൻ കഴിയും എന്ന പ്രധാ​ന​പ്പെട്ട വസ്‌തു​ത​യ്‌ക്ക്‌ അടിവ​ര​യി​ടു​ന്നു. ഇത്‌, ദൈവ​ത്തി​ന്റെ മാർഗ​നിർദേ​ശ​ത്തിൽനിന്ന്‌ പ്രയോ​ജനം നേടാൻ മാത്രമല്ല ഒരു സുഹൃ​ത്തെന്ന നിലയിൽ ദൈവത്തെ അറിയാ​നും നിങ്ങളെ സഹായി​ക്കു​ന്നു. അപ്പോൾ ഒരു ശോഭ​ന​മായ ഭാവി​യെ​ക്കു​റിച്ച്‌, അതായത്‌ ‘യഥാർഥ​ജീ​വി​തം’ എന്നേക്കും ആസ്വദി​ക്കാൻ കഴിയുന്ന കാല​ത്തെ​ക്കു​റിച്ച്‌ ദൈവം വെളി​പ്പെ​ടു​ത്തുന്ന വിശദാം​ശങ്ങൾ നിങ്ങൾക്കു കൂടുതൽ വ്യക്തമാ​യി​ത്തീ​രും. (1 തിമൊ​ഥെ​യൊസ്‌ 6:19) ഇതു​പോ​ലൊ​രു വാഗ്‌ദാ​നം നൽകാൻ കഴിയുന്ന മറ്റ്‌ ഏതു പുസ്‌ത​ക​മാ​ണു​ള്ളത്‌?

നിങ്ങൾ ബൈബിൾ വായി​ക്കാൻ തുടങ്ങി​യെ​ങ്കിൽ അതിൽ തുടരുക. ജീവിതം മെച്ച​പ്പെ​ടു​ത്താ​നും ദൈവത്തെ കൂടുതൽ അറിയാ​നും അതു നിങ്ങളെ സഹായി​ക്കും. എങ്കിലും വായന തുടങ്ങു​മ്പോൾ പല ചോദ്യ​ങ്ങൾ ഉയർന്നു​വ​ന്നേ​ക്കാം. അപ്പോൾ, 2,000 വർഷങ്ങൾക്കു മുമ്പ്‌ ജീവി​ച്ചി​രുന്ന ഒരു എത്യോ​പ്യൻ ഉദ്യോ​ഗ​സ്ഥന്റെ മാതൃക മനസ്സിൽപ്പി​ടി​ക്കുക. ബൈബി​ളി​നെ​ക്കു​റിച്ച്‌ അദ്ദേഹ​ത്തിന്‌ ധാരാളം ചോദ്യ​ങ്ങ​ളു​ണ്ടാ​യി​രു​ന്നു. വായി​ക്കു​ന്ന​തി​ന്റെ അർഥം മനസ്സി​ലാ​കു​ന്നു​ണ്ടോ എന്ന്‌ അദ്ദേഹ​ത്തോട്‌ ചോദി​ച്ച​പ്പോൾ “ആരെങ്കി​ലും അർഥം പറഞ്ഞു​ത​രാ​തെ ഞാൻ എങ്ങനെ മനസ്സി​ലാ​ക്കാ​നാണ്‌” എന്നായി​രു​ന്നു മറുപടി.b ഉടനെ അദ്ദേഹം ഫിലി​പ്പോസ്‌ എന്നു പേരുള്ള യോഗ്യ​നായ ഒരു ബൈബിൾ അധ്യാ​പ​ക​നിൽനിന്ന്‌ സഹായം സ്വീക​രി​ച്ചു. ഫിലി​പ്പോസ്‌ യേശു​വി​ന്റെ ഒരു ശിഷ്യ​നാ​യി​രു​ന്നു. (പ്രവൃ​ത്തി​കൾ 8:30, 31, 34) അതു​പോ​ലെ, നിങ്ങൾക്കും ബൈബി​ളി​നെ​ക്കു​റിച്ച്‌ കൂടുതൽ അറിയാൻ ആഗ്രഹ​മു​ണ്ടെ​ങ്കിൽ www.pr2711.com എന്ന വെബ്‌​സൈ​റ്റി​ലൂ​ടെ ഓൺ​ലൈ​നാ​യോ അല്ലെങ്കിൽ ഈ മാസി​ക​യിൽ കൊടു​ത്തി​രി​ക്കുന്ന അനു​യോ​ജ്യ​മായ മേൽവി​ലാ​സ​ത്തി​ലോ ഞങ്ങൾക്ക്‌ എഴുതുക. അതുമ​ല്ലെ​ങ്കിൽ നിങ്ങളു​ടെ പ്രദേ​ശ​ത്തുള്ള ഏതെങ്കി​ലും രാജ്യ​ഹാൾ സന്ദർശി​ക്കു​ക​യോ ഏതെങ്കി​ലും യഹോ​വ​യു​ടെ സാക്ഷി​യു​മാ​യി ബന്ധപ്പെ​ടു​ക​യോ ചെയ്യാ​വു​ന്ന​താണ്‌. ഇന്നുതന്നെ ബൈബിൾ വായി​ച്ചു​തു​ടങ്ങൂ! മെച്ചപ്പെട്ട ജീവിതം നയിക്കാൻ അതു നിങ്ങളെ സഹായി​ക്കട്ടെ!