‘ദൈവം നിങ്ങളെ ശക്തരാ​ക്കും’—എങ്ങനെ?

1. മുൻകാ​ല​ങ്ങ​ളി​ലെ വിശ്വ​സ്‌ത​ദാ​സർക്ക്‌ എങ്ങനെ​യാ​ണു ശക്തി ലഭിച്ചത്‌?

ബൈബി​ളിൽ പലപ്പോ​ഴും വിശ്വ​സ്‌ത​ദൈ​വ​ദാ​സ​ന്മാ​രെ ധൈര്യ​വും കരുത്തും ഉള്ളവരാ​യി വർണി​ച്ചി​രി​ക്കു​ന്നു. എന്നാൽ അവരിൽ ഏറ്റവും ശക്തരാ​യ​വർക്കു​പോ​ലും ചില​പ്പോൾ അവരുടെ മനക്കരു​ത്തു നഷ്ടമാ​യ​താ​യി തോന്നി​യി​ട്ടുണ്ട്‌. ഉദാഹ​ര​ണ​ത്തിന്‌, ചില അവസര​ങ്ങ​ളിൽ ദാവീദ്‌ രാജാ​വി​നു താൻ “പർവതം​പോൽ” ശക്തനാ​ണെന്നു തോന്നി. എന്നാൽ മറ്റു ചില​പ്പോൾ അദ്ദേഹം “ഭയന്നു​വി​റച്ചു.” (സങ്കീ. 30:7) ദൈവാ​ത്മാ​വി​ന്റെ സഹായ​മു​ണ്ടാ​യി​രു​ന്ന​പ്പോൾ ശിം​ശോൻ അതിശ​ക്ത​നാ​യി​രു​ന്നു. എന്നാൽ, അതു നഷ്ടപ്പെ​ട്ടാൽ തന്നിൽനിന്ന്‌ ‘ശക്തി വിട്ട്‌ പോകു​ക​യും താൻ സാധാ​ര​ണ​മ​നു​ഷ്യ​രെ​പ്പോ​ലെ​യാ​കു​ക​യും ചെയ്യും’ എന്ന കാര്യം ശിം​ശോന്‌ അറിയാ​മാ​യി​രു​ന്നു. (ന്യായാ. 14:5, 6; 16:17) ആ വിശ്വ​സ്‌ത​മ​നു​ഷ്യ​രൊ​ക്കെ ശക്തരാ​യി​രു​ന്നത്‌ യഹോ​വ​യു​ടെ സഹായം​കൊണ്ട്‌ മാത്ര​മാണ്‌.

2. താൻ ബലഹീ​ന​നും അതേസ​മയം ശക്തനും ആണെന്ന്‌ അപ്പോ​സ്‌ത​ല​നായ പൗലോസ്‌ പറഞ്ഞത്‌ എന്തു​കൊ​ണ്ടാണ്‌? (2 കൊരി​ന്ത്യർ 12:9, 10)

² യഹോ​വ​യു​ടെ ശക്തി വേണ​മെന്നു തിരി​ച്ച​റിഞ്ഞ മറ്റൊരു വ്യക്തി​യാണ്‌ അപ്പോ​സ്‌ത​ല​നായ പൗലോസ്‌. (2 കൊരി​ന്ത്യർ 12:9, 10 വായി​ക്കുക.) നമ്മളിൽ പലരെ​യും​പോ​ലെ പൗലോ​സി​നും ആരോ​ഗ്യ​പ്ര​ശ്‌ന​ങ്ങ​ളു​ണ്ടാ​യി​രു​ന്നു. (ഗലാ. 4:13, 14) ചില​പ്പോ​ഴൊ​ക്കെ ശരിയായ കാര്യങ്ങൾ ചെയ്യു​ന്നത്‌ അദ്ദേഹ​ത്തിന്‌ ഒട്ടും എളുപ്പ​മാ​യി​രു​ന്നില്ല. (റോമ. 7:18, 19) ഇനി, മറ്റു ചില​പ്പോൾ അദ്ദേഹ​ത്തിന്‌ ഉത്‌ക​ണ്‌ഠ​യും തനിക്ക്‌ എന്തു സംഭവി​ക്കു​മെന്ന ആശങ്കയും തോന്നി. (2 കൊരി. 1:8, 9) എന്നാൽ ബലഹീ​ന​നാ​യി​രി​ക്കു​മ്പോൾത്തന്നെ അദ്ദേഹം ശക്തനു​മാ​യി. എങ്ങനെ? ആ സാഹച​ര്യ​ങ്ങ​ളി​ലൊ​ക്കെ സഹിച്ചു​നിൽക്കാൻ ആവശ്യ​മായ ശക്തി യഹോവ പൗലോ​സി​നു നൽകി.

3. ഈ ലേഖന​ത്തിൽ ഏതു ചോദ്യ​ങ്ങൾക്കുള്ള ഉത്തരം നമ്മൾ പഠിക്കും?

³ യഹോവ നമ്മളെ​യും ശക്തരാ​ക്കു​മെന്ന്‌ ഉറപ്പു​ത​ന്നി​ട്ടുണ്ട്‌. (1 പത്രോ. 5:10) എന്നാൽ നമ്മുടെ പക്ഷത്തെ ഒരു ശ്രമവും കൂടാതെ നമുക്ക്‌ ആ സഹായം ലഭിക്കില്ല. അതു മനസ്സി​ലാ​ക്കാൻ ഒരു ദൃഷ്ടാന്തം നോക്കുക. ഒരു കാറിനെ മുന്നോ​ട്ടു കൊണ്ടു​പോ​കാ​നുള്ള ശക്തി അതിന്റെ എഞ്ചിനുണ്ട്‌. എന്നാൽ ഒരു ഡ്രൈവർ ആക്‌സി​ല​റേറ്റർ അമർത്തി​യാൽ മാത്രമേ വണ്ടി മുന്നോ​ട്ടു നീങ്ങൂ. അതു​പോ​ലെ യഹോവ നമ്മളെ ശക്തരാ​ക്കാൻ തയ്യാറാ​യി നിൽക്കു​ക​യാണ്‌. പക്ഷേ അതു കിട്ടണ​മെ​ങ്കിൽ നമ്മൾ ചില കാര്യങ്ങൾ ചെയ്യണം. നമ്മളെ ശക്തരാ​ക്കാൻ യഹോവ എന്തൊക്കെ സഹായ​ങ്ങ​ളാ​ണു തന്നിരി​ക്കു​ന്നത്‌? അതു നേടി​യെ​ടു​ക്കാൻ നമ്മൾ എന്തൊക്കെ ചെയ്യണം? ഈ ചോദ്യ​ങ്ങൾക്കുള്ള ഉത്തരം അറിയാൻ യഹോവ എങ്ങനെ​യാ​ണു മൂന്നു ബൈബിൾ കഥാപാ​ത്ര​ങ്ങളെ ശക്തരാ​ക്കി​യ​തെന്നു നമുക്കു നോക്കാം. യോന പ്രവാ​ചകൻ, യേശു​വി​ന്റെ അമ്മയായ മറിയ, അപ്പോ​സ്‌ത​ല​നായ പൗലോസ്‌ എന്നിവ​രാണ്‌ അവർ. അതേ വിധത്തിൽ ഇക്കാലത്തെ തന്റെ ദാസരെ ദൈവം ശക്തീക​രി​ക്കു​ന്നത്‌ എങ്ങനെ​യെ​ന്നും നമ്മൾ കാണും.

പ്രാർഥ​ന​യി​ലൂ​ടെ​യും പഠനത്തി​ലൂ​ടെ​യും ശക്തി നേടുക

4. നമുക്ക്‌ എങ്ങനെ യഹോ​വ​യിൽനിന്ന്‌ ശക്തി നേടാ​നാ​കും?

⁴ യഹോ​വ​യിൽനിന്ന്‌ ശക്തി നേടാ​നുള്ള ഒരു വിധം പ്രാർഥി​ക്കുക എന്നതാണ്‌. നമ്മൾ അങ്ങനെ ചെയ്യു​മ്പോൾ “അസാധാ​ര​ണ​ശക്തി” നൽകി​ക്കൊണ്ട്‌ യഹോവ പ്രാർഥ​ന​യ്‌ക്ക്‌ ഉത്തരം തരും. (2 കൊരി. 4:7) ഇനി, ബൈബിൾ വായി​ക്കു​ക​യും അതെക്കു​റിച്ച്‌ ആഴത്തിൽ ചിന്തി​ക്കു​ക​യും ചെയ്യു​ന്ന​തി​ലൂ​ടെ​യും നമുക്കു ബലം നേടാ​നാ​കും. (സങ്കീ. 86:11) ബൈബി​ളി​ലൂ​ടെ യഹോവ നമുക്കു തരുന്ന സന്ദേശം ‘ശക്തി ചെലു​ത്തു​ന്ന​താണ്‌.’ (എബ്രാ. 4:12) നിങ്ങൾ യഹോ​വ​യോ​ടു പ്രാർഥി​ക്കു​ക​യും ദൈവ​വ​ചനം വായി​ക്കു​ക​യും ചെയ്യു​മ്പോൾ, സഹിച്ചു​നിൽക്കാ​നും സന്തോഷം നിലനി​റു​ത്താ​നും ബുദ്ധി​മു​ട്ടുള്ള ഒരു നിയമനം ചെയ്യാ​നും ആവശ്യ​മായ കരുത്തു നിങ്ങൾക്കു കിട്ടും. യഹോവ എങ്ങനെ​യാ​ണു യോന പ്രവാ​ച​കനെ ബലപ്പെ​ടു​ത്തി​യ​തെന്നു നോക്കുക.

5. പ്രവാ​ച​ക​നായ യോന​യ്‌ക്കു ധൈര്യം വേണ്ടി​യി​രു​ന്നത്‌ എന്തു​കൊ​ണ്ടാണ്‌?

⁵ യോന പ്രവാ​ച​കനു നല്ല ധൈര്യം ആവശ്യ​മാ​യി​രു​ന്നു. യഹോവ കൊടുത്ത നിയമനം ചെയ്യാൻ പേടി​യാ​യി​രു​ന്ന​തു​കൊണ്ട്‌ മറ്റൊരു സ്ഥലത്തേക്കു പോകാൻവേണ്ടി യോന കപ്പൽ കയറി. അതു കാരണം വലി​യൊ​രു കൊടു​ങ്കാറ്റ്‌ ഉണ്ടാകു​ക​യും അദ്ദേഹ​ത്തി​ന്റെ​യും കൂടെ യാത്ര ചെയ്‌തി​രു​ന്ന​വ​രു​ടെ​യും ജീവൻ അപകട​ത്തി​ലാ​കു​ക​യും ചെയ്‌തു. ഒടുവിൽ കപ്പൽ ജോലി​ക്കാർ യോനയെ കടലിൽ എറിഞ്ഞ​പ്പോൾ ഒരു വലിയ മത്സ്യം അദ്ദേഹത്തെ വിഴുങ്ങി. ഇപ്പോൾ യോന ആ വലിയ മത്സ്യത്തി​ന്റെ വയറ്റി​ലാണ്‌. ചുറ്റും കൂരി​രുട്ട്‌ മാത്രം! യോന​യ്‌ക്ക്‌ അപ്പോൾ എന്തു തോന്നി​ക്കാ​ണും? താൻ മരിച്ചു​പോ​കു​മെ​ന്നു​തന്നെ അദ്ദേഹം ചിന്തി​ച്ചി​ട്ടു​ണ്ടാ​കും. യഹോവ തന്നെ കൈവി​ട്ടെ​ന്നും അദ്ദേഹ​ത്തി​നു തോന്നി​യി​ട്ടു​ണ്ടാ​യി​രി​ക്കാം. എന്തായാ​ലും യോന​യ്‌ക്കു വലിയ ഉത്‌കണ്‌ഠ തോന്നി​യെ​ന്ന​തി​നു സംശയ​മില്ല.

6. യോന 2:1, 2, 7-ൽനിന്ന്‌ മനസ്സി​ലാ​ക്കാ​നാ​കു​ന്ന​തു​പോ​ലെ മത്സ്യത്തി​ന്റെ വയറ്റി​ലാ​യി​രു​ന്ന​പ്പോൾ യോന​യ്‌ക്കു ശക്തി കിട്ടി​യത്‌ എങ്ങനെ?

⁶ യോന തനിച്ച്‌ മത്സ്യത്തി​ന്റെ വയറ്റി​ലാ​യി​രുന്ന സമയത്ത്‌ ശക്തി കിട്ടാ​നാ​യി എന്താണു ചെയ്‌തത്‌? ഒരു കാര്യം, യോന യഹോ​വ​യോ​ടു പ്രാർഥി​ച്ചു. (യോന 2: 1, 2, 7 വായി​ക്കുക.) താൻ അനുസ​ര​ണ​ക്കേടു കാണി​ച്ചെ​ങ്കി​ലും താഴ്‌മ​യോ​ടെ പശ്ചാത്ത​പിച്ച്‌ പ്രാർഥി​ച്ചാൽ യഹോവ ആ പ്രാർഥന കേൾക്കു​മെന്ന്‌ അദ്ദേഹ​ത്തിന്‌ ഉറപ്പാ​യി​രു​ന്നു. കൂടാതെ, താൻ മുമ്പ്‌ വായിച്ച തിരു​വെ​ഴു​ത്തു​ക​ളെ​ക്കു​റിച്ച്‌ യോന ആഴത്തിൽ ചിന്തി​ക്കു​ക​യും ചെയ്‌തു. നമുക്ക്‌ അത്‌ എങ്ങനെ അറിയാം? യോന രണ്ടാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന അദ്ദേഹ​ത്തി​ന്റെ പ്രാർഥ​ന​യിൽ സങ്കീർത്ത​ന​ത്തി​ലെ പല വാക്കു​ക​ളും പദപ്ര​യോ​ഗ​ങ്ങ​ളും കാണാം. (ഉദാഹ​ര​ണ​ത്തിന്‌ യോന 2:2, 5-നെ സങ്കീർത്തനം 69:1-ഉം 86:7-ഉം ആയി താരത​മ്യം ചെയ്യുക.) യോന​യ്‌ക്ക്‌ ആ തിരു​വെ​ഴു​ത്തു​ക​ളെ​ല്ലാം നന്നായി അറിയാ​മാ​യി​രു​ന്നെ​ന്നാണ്‌ ഇതു കാണി​ക്കു​ന്നത്‌. വളരെ വിഷമി​പ്പി​ക്കുന്ന ആ സാഹച​ര്യ​ത്തിൽ, അതെക്കു​റി​ച്ചെ​ല്ലാം ആഴത്തിൽ ചിന്തി​ച്ച​തു​കൊണ്ട്‌ തന്നെ യഹോവ സഹായി​ക്കു​മെന്നു യോന​യ്‌ക്ക്‌ ഉറപ്പു​കി​ട്ടി. യഹോവ യോനയെ രക്ഷിക്കു​ക​യും ചെയ്‌തു. പിന്നീട്‌, യഹോവ കൊടുത്ത നിയമനം ചെയ്യാൻ യോന തയ്യാറാ​യി.—യോന 2:10–3:4.

7-8. പരീക്ഷ​ണ​ങ്ങ​ളു​ടെ സമയത്ത്‌ ശക്തി നേടാൻ തായ്‌വാ​നി​ലുള്ള ഒരു സഹോ​ദ​രനെ എന്താണു സഹായി​ച്ചത്‌?

⁷ പലപല പ്രശ്‌ന​ങ്ങ​ളി​ലൂ​ടെ കടന്നു​പോ​കു​മ്പോൾ യോന​യു​ടെ മാതൃക നമ്മളെ സഹായി​ക്കും. ഉദാഹ​ര​ണ​ത്തിന്‌, തായ്‌വാ​നിൽനി​ന്നുള്ള സെമിങ്‌b സഹോ​ദ​രന്റെ കാര്യം നോക്കുക. അദ്ദേഹ​ത്തി​നു ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളുണ്ട്‌. കൂടാതെ, വിശ്വാ​സ​ത്തി​ന്റെ പേരിൽ കുടും​ബാം​ഗ​ങ്ങ​ളിൽനിന്ന്‌ ശക്തമായ എതിർപ്പും നേരി​ടേ​ണ്ടി​വ​രു​ന്നു. പ്രാർഥ​ന​യി​ലൂ​ടെ​യും ദൈവ​വ​ച​ന​ത്തി​ന്റെ പഠനത്തി​ലൂ​ടെ​യും ആണ്‌ അദ്ദേഹം ആ പ്രശ്‌ന​ങ്ങളെ മറിക​ട​ക്കാ​നുള്ള ശക്തി നേടു​ന്നത്‌. “ചില​പ്പോ​ഴൊ​ക്കെ, പ്രശ്‌നങ്ങൾ കാരണം ഉത്‌കണ്‌ഠ കൂടി​യിട്ട്‌ സ്വസ്ഥമാ​യി ഇരുന്ന്‌ പഠിക്കാൻ എനിക്കു കഴിയാ​റില്ല” എന്ന്‌ അദ്ദേഹം സമ്മതി​ക്കു​ന്നു. പക്ഷേ അദ്ദേഹം ശ്രമം ഉപേക്ഷി​ക്കു​ന്നില്ല. അദ്ദേഹം പറയുന്നു: “ആദ്യം ഞാൻ യഹോ​വ​യോ​ടു പ്രാർഥി​ക്കും. എന്നിട്ട്‌ ഇയർഫോൺ വെച്ച്‌ നമ്മുടെ രാജ്യ​ഗീ​തങ്ങൾ കേൾക്കും. ചില​പ്പോൾ താഴ്‌ന്ന ശബ്ദത്തിൽ ഞാനും കൂടെ പാടും. അപ്പോൾ മനസ്സ്‌ ഒന്നു ശാന്തമാ​കും. എന്നിട്ട്‌ ഇരുന്ന്‌ പഠിക്കും.”

⁸ ബുദ്ധി​മു​ട്ടുള്ള സാഹച​ര്യ​ങ്ങളെ വിജയ​ക​ര​മാ​യി മറിക​ട​ക്കാൻ വ്യക്തി​പ​ര​മായ പഠനം സെമി​ങി​നെ സഹായി​ച്ചു. ഉദാഹ​ര​ണ​ത്തിന്‌, വലി​യൊ​രു ഓപ്പ​റേ​ഷനു ശേഷം ആരോ​ഗ്യം വീണ്ടെ​ടു​ക്കുന്ന സമയത്ത്‌ സഹോ​ദ​രന്റെ ചുവന്ന രക്താണു​ക്ക​ളു​ടെ അളവ്‌ വളരെ കുറഞ്ഞു​പോ​യി. അതു​കൊണ്ട്‌ രക്തം കയറ്റേ​ണ്ടി​വ​രു​മെന്ന്‌ ഒരു നഴ്‌സ്‌ അദ്ദേഹ​ത്തോ​ടു പറഞ്ഞു. എന്നാൽ തന്റെ തീരു​മാ​ന​ത്തിൽ ഉറച്ചു​നിൽക്കാൻ സഹോ​ദ​രനെ എന്താണു സഹായി​ച്ചത്‌? ഓപ്പ​റേ​ഷന്റെ തലേന്നു തന്റെ അതേ ഓപ്പ​റേഷൻ നടത്തിയ ഒരു സഹോ​ദ​രി​യു​ടെ അനുഭവം അദ്ദേഹം വായി​ച്ചി​രു​ന്നു. സഹോ​ദ​രി​യു​ടെ ചുവന്ന രക്താണു​ക്ക​ളു​ടെ എണ്ണം സഹോ​ദ​ര​ന്റേ​തി​ലും കുറവാ​യി​രു​ന്നു. എന്നിട്ടും സഹോ​ദരി രക്തം കയറ്റാ​തെ​തന്നെ ആരോ​ഗ്യം വീണ്ടെ​ടു​ത്തു. സഹോ​ദ​രി​യു​ടെ അനുഭവം ഈ സാഹച​ര്യ​ത്തിൽ വിശ്വ​സ്‌ത​നാ​യി നിൽക്കാ​നുള്ള ശക്തി സെമി​ങി​നു നൽകി.

9. ഏതെങ്കി​ലും ഒരു പരീക്ഷ​ണ​ത്താൽ നിങ്ങൾ തളർന്നു പോകു​ന്നെ​ങ്കിൽ എന്തു ചെയ്യാം? (ചിത്ര​വും കാണുക.)

⁹ ഒരു പ്രശ്‌നം നേരി​ടുന്ന സമയത്ത്‌ പ്രാർഥി​ക്കാൻ നിങ്ങൾക്കു ബുദ്ധി​മു​ട്ടു തോന്നാ​റു​ണ്ടോ? അതല്ലെ​ങ്കിൽ ബൈബിൾ പഠിക്കാൻ പറ്റാത്ത അത്ര ക്ഷീണം തോന്നാ​റു​ണ്ടോ? എങ്കിൽ വിഷമി​ക്കേണ്ടാ. യഹോ​വ​യ്‌ക്കു നിങ്ങളു​ടെ സാഹച​ര്യം നന്നായി മനസ്സി​ലാ​ക്കാ​നാ​കും. അതു​കൊണ്ട്‌ നിങ്ങളു​ടെ പ്രാർഥന തീരെ ചെറു​താ​ണെ​ങ്കിൽപ്പോ​ലും, നിങ്ങൾക്ക്‌ എന്താണോ ആവശ്യം അത്‌ യഹോവ നടത്തി​ത്ത​രു​മെന്ന്‌ ഉറപ്പു​ണ്ടാ​യി​രി​ക്കുക. (എഫെ. 3:20) ക്ഷീണമോ രോഗ​മോ ഉത്‌ക​ണ്‌ഠ​യോ ഒക്കെ കാരണം വായി​ക്കാ​നും പഠിക്കാ​നും നിങ്ങൾക്ക്‌ ഒട്ടും പറ്റാത്ത സാഹച​ര്യ​മാ​ണെ​ങ്കിൽ ബൈബി​ളി​ന്റെ​യും നമ്മുടെ പ്രസി​ദ്ധീ​ക​ര​ണ​ങ്ങ​ളു​ടെ​യും ഓഡി​യോ റെക്കോർഡിങ്‌ കേൾക്കാൻ ശ്രമി​ക്കാ​വു​ന്ന​താണ്‌. ഇനി, jw.org-ലെ നമ്മുടെ ഏതെങ്കി​ലും ഒരു പാട്ടു കേൾക്കു​ന്ന​തും വീഡി​യോ കാണു​ന്ന​തും നിങ്ങളെ സഹായി​ച്ചേ​ക്കും. നമ്മൾ ഒരു പ്രയാ​സ​സാ​ഹ​ച​ര്യം നേരി​ടു​മ്പോൾ നമ്മളെ സഹായി​ക്കാൻ യഹോവ ഒരുപാട്‌ ആഗ്രഹി​ക്കു​ന്നു. യഹോ​വ​യോ​ടു പ്രാർഥി​ക്കു​ക​യും ബൈബി​ളിൽനി​ന്നും യഹോവ തരുന്ന മറ്റു കാര്യ​ങ്ങ​ളിൽനി​ന്നും ആ പ്രാർഥ​ന​യ്‌ക്കുള്ള ഉത്തരം കണ്ടെത്താൻ ശ്രമി​ക്കു​ക​യും ചെയ്യു​മ്പോൾ യഹോവ തീർച്ച​യാ​യും നിങ്ങളെ ശക്തീക​രി​ക്കും.

സഹോ​ദ​ര​ങ്ങ​ളിൽനിന്ന്‌ ശക്തി നേടുക

10. സഹോ​ദ​രങ്ങൾ നമ്മളെ എങ്ങനെ​യാ​ണു ശക്തി​പ്പെ​ടു​ത്തു​ന്നത്‌?

¹⁰ നമ്മളെ ബലപ്പെ​ടു​ത്താൻ യഹോ​വ​യ്‌ക്കു സഹോ​ദ​ര​ങ്ങളെ ഉപയോ​ഗി​ക്കാ​നാ​കും. നമുക്ക്‌ ഒരു പ്രശ്‌നം നേരി​ടു​മ്പോ​ഴോ ബുദ്ധി​മു​ട്ടുള്ള ഒരു നിയമനം ചെയ്യേ​ണ്ടി​വ​രു​മ്പോ​ഴോ ‘വലിയ ഒരു ആശ്വാ​സ​മാ​യി​രി​ക്കാൻ’ സഹോ​ദ​ര​ങ്ങൾക്കു കഴിയും. (കൊലോ. 4:10, 11) പ്രത്യേ​കിച്ച്‌ “കഷ്ടതക​ളു​ടെ സമയത്ത്‌” കൂട്ടു​കാ​രു​ടെ സഹായം നമുക്കു വളരെ ആവശ്യ​മാണ്‌. (സുഭാ. 17:17) നമ്മൾ തളർന്നു​പോ​കു​മ്പോൾ നമുക്ക്‌ ആവശ്യ​മാ​യതു ചെയ്‌തു​ത​രാ​നും നമ്മളെ ആശ്വസി​പ്പി​ക്കാ​നും യഹോ​വയെ വിശ്വ​സ്‌ത​മാ​യി സേവി​ക്കു​ന്ന​തിൽ തുടരാൻ നമ്മളെ പ്രോ​ത്സാ​ഹി​പ്പി​ക്കാ​നും അവർക്കാ​കും. യേശു​വി​ന്റെ അമ്മയായ മറിയ​യ്‌ക്ക്‌ മറ്റുള്ള​വ​രിൽനിന്ന്‌ സഹായം കിട്ടി​യത്‌ എങ്ങനെ​യാ​ണെന്നു നമുക്കു നോക്കാം.

11. മറിയ​യ്‌ക്കു ധൈര്യം വേണ്ടി​യി​രു​ന്നത്‌ എന്തു​കൊ​ണ്ടാണ്‌?

¹¹ യഹോവ കൊടുത്ത നിയമനം ചെയ്യാൻ മറിയ​യ്‌ക്ക്‌ നല്ല ധൈര്യം ആവശ്യ​മാ​യി​രു​ന്നു. കല്യാണം കഴിക്കാത്ത മറിയ​യോട്‌ ഒരു കുഞ്ഞിനെ ഗർഭം ധരിക്കു​മെന്നു ഗബ്രി​യേൽ ദൂതൻ പറഞ്ഞ​പ്പോൾ മറിയ​യ്‌ക്ക്‌ എന്തുമാ​ത്രം ഉത്‌കണ്‌ഠ തോന്നി​ക്കാ​ണും! ഇനി, കുട്ടി​കളെ വളർത്തി പരിച​യ​മൊ​ന്നും ഇല്ലാതി​രുന്ന മറിയ​യ്‌ക്ക്‌ ഭാവി​യിൽ മിശി​ഹ​യാ​കു​മാ​യി​രുന്ന കുഞ്ഞിനെ വളർത്തു​ന്ന​തി​നുള്ള വലി​യൊ​രു നിയമ​ന​മാണ്‌ ഇപ്പോൾ ലഭിച്ചി​രി​ക്കു​ന്നത്‌. ലൈം​ഗി​ക​ബ​ന്ധ​ങ്ങ​ളി​ലൊ​ന്നും ഏർപ്പെ​ടാ​തെ​യാ​ണു താൻ ഇപ്പോൾ ഗർഭി​ണി​യാ​യി​രി​ക്കു​ന്ന​തെന്ന കാര്യം, കല്യാണം കഴിക്കാൻ പോകുന്ന യോ​സേ​ഫി​നോ​ടു പറയു​ന്ന​തും മറിയ​യ്‌ക്ക്‌ ഒട്ടും എളുപ്പ​മുള്ള കാര്യ​മാ​യി​രു​ന്നില്ല.—ലൂക്കോ. 1:26-33.

12. ലൂക്കോസ്‌ 1:39-45 പറയു​ന്ന​ത​നു​സ​രിച്ച്‌ മറിയ​യ്‌ക്ക്‌ ആവശ്യ​മാ​യി​രുന്ന ധൈര്യം എങ്ങനെ​യാ​ണു കിട്ടി​യത്‌?

¹² ബുദ്ധി​മു​ട്ടുള്ള ആ വലിയ നിയമനം ചെയ്യു​ന്ന​തി​നുള്ള ധൈര്യം മറിയ​യ്‌ക്ക്‌ എങ്ങനെ​യാ​ണു കിട്ടി​യത്‌? മറിയ മറ്റുള്ള​വ​രു​ടെ സഹായം തേടി. ഉദാഹ​ര​ണ​ത്തിന്‌, ആ നിയമ​ന​ത്തെ​ക്കു​റി​ച്ചുള്ള കൂടു​ത​ലായ കാര്യങ്ങൾ മറിയ ഗബ്രി​യേൽ ദൂത​നോ​ടു ചോദി​ച്ച​റി​ഞ്ഞു. (ലൂക്കോ. 1:34) അതു കഴിഞ്ഞ്‌ അധികം വൈകാ​തെ മറിയ ബന്ധുവായ എലിസ​ബ​ത്തി​നെ കാണാൻ വളരെ ദൂരം യാത്ര ചെയ്‌ത്‌ യഹൂദ​യി​ലെ “മലനാ​ട്ടി​ലുള്ള” ഒരു നഗരത്തി​ലേക്കു പോയി. ആ യാത്ര​കൊണ്ട്‌ മറിയ​യ്‌ക്കു ശരിക്കും പ്രയോ​ജ​ന​മു​ണ്ടാ​യി. എലിസ​ബത്ത്‌ മറിയയെ അഭിന​ന്ദി​ക്കു​ക​യും ദൈവാ​ത്മാവ്‌ പ്രചോ​ദി​പ്പി​ച്ചിട്ട്‌, ജനിക്കാ​നി​രി​ക്കുന്ന കുഞ്ഞി​നെ​ക്കു​റിച്ച്‌ സന്തോഷം നൽകുന്ന ഒരു കാര്യം മറിയ​യോ​ടു മുൻകൂ​ട്ടി പറയു​ക​യും ചെയ്‌തു. (ലൂക്കോസ്‌ 1:39-45 വായി​ക്കുക.) അപ്പോൾ യഹോവ “തന്റെ കൈ​കൊണ്ട്‌ വലിയ കാര്യങ്ങൾ ചെയ്‌തി​രി​ക്കു​ന്നു” എന്നു മറിയ പറഞ്ഞു. (ലൂക്കോ. 1:46-51) ഗബ്രി​യേൽ ദൂതനി​ലൂ​ടെ​യും എലിസ​ബ​ത്തി​ലൂ​ടെ​യും യഹോവ മറിയ​യ്‌ക്കു വേണ്ട ധൈര്യം കൊടു​ത്തു.

13. സഹോ​ദ​ര​ങ്ങ​ളു​ടെ സഹായം ചോദി​ക്കാൻ തയ്യാറാ​യ​തു​കൊണ്ട്‌ ബൊളീ​വി​യ​യി​ലുള്ള ഒരു സഹോ​ദ​രിക്ക്‌ എന്തു പ്രയോ​ജനം കിട്ടി?

¹³ മറിയ​യെ​പ്പോ​ലെ നമുക്കും സഹാരാ​ധ​ക​രിൽനിന്ന്‌ ധൈര്യ​വും ശക്തിയും നേടാ​നാ​കും. ബൊളീ​വി​യ​യിൽനി​ന്നുള്ള ദസൂരി സഹോ​ദ​രിക്ക്‌ അങ്ങനെ​യൊ​രു സഹായം ആവശ്യ​മാ​യി​വന്നു. സഹോ​ദ​രി​യു​ടെ അപ്പനു തീരെ സുഖമി​ല്ലാ​തെ ആശുപ​ത്രി​യി​ലാ​യ​പ്പോൾ അദ്ദേഹ​ത്തി​ന്റെ​കൂ​ടെ ആശുപ​ത്രി​യിൽ നിൽക്കാൻ സഹോ​ദരി തീരു​മാ​നി​ച്ചു. (1 തിമൊ. 5:4) എപ്പോ​ഴും അത്‌ അത്ര എളുപ്പ​മാ​യി​രു​ന്നില്ല. “എന്നെ​ക്കൊണ്ട്‌ ഇനി പറ്റി​ല്ലെന്നു പലപ്പോ​ഴും തോന്നി” എന്നു സഹോ​ദരി പറയുന്നു. ആ സാഹച​ര്യ​ത്തിൽ മറ്റുള്ള​വ​രു​ടെ സഹായം ചോദി​ക്കാൻ സഹോ​ദരി തയ്യാറാ​യോ? ആദ്യ​മൊ​ന്നും സഹോ​ദരി അങ്ങനെ ചെയ്‌തില്ല. സഹോ​ദരി പറയുന്നു: “എന്തിനാ​ണു സഹോ​ദ​ര​ങ്ങളെ വെറുതേ ബുദ്ധി​മു​ട്ടി​ക്കു​ന്നത്‌ എന്നാണു ഞാൻ അപ്പോൾ ചിന്തി​ച്ചത്‌. എനിക്കു വേണ്ട ശക്തി യഹോവ തരുമ​ല്ലോ എന്നും ഞാൻ ഓർത്തു. എന്നാൽ, അങ്ങനെ ചിന്തി​ച്ച​തി​ലൂ​ടെ ശരിക്കും പറഞ്ഞാൽ, ഞാൻ ഒറ്റയ്‌ക്കു പ്രശ്‌നം കൈകാ​ര്യം ചെയ്യാൻ ശ്രമി​ക്കു​ക​യാ​യി​രു​ന്നു.” (സുഭാ. 18:1) അതു​കൊണ്ട്‌ തന്റെ പ്രശ്‌ന​ത്തെ​ക്കു​റിച്ച്‌ കൂട്ടു​കാ​രിൽ ചിലർക്ക്‌ എഴുതാൻ ദസൂരി തീരു​മാ​നി​ച്ചു. സഹോ​ദരി പറയുന്നു: “സ്‌നേ​ഹ​മുള്ള എന്റെ പ്രിയ സഹോ​ദ​രങ്ങൾ എന്നെ എത്രമാ​ത്രം ബലപ്പെ​ടു​ത്തി​യെന്ന്‌ എനിക്കു പറഞ്ഞറി​യി​ക്കാ​നാ​കില്ല. അവർ ആശുപ​ത്രി​യിൽ ഭക്ഷണം കൊണ്ടു​വന്ന്‌ തരുക​യും ആശ്വാസം നൽകുന്ന ബൈബിൾവാ​ക്യ​ങ്ങൾ എനിക്കു കാണി​ച്ചു​ത​രു​ക​യും ചെയ്‌തു. നമ്മൾ ഒറ്റയ്‌ക്ക​ല്ലെന്ന്‌ അറിയു​ന്നത്‌ എത്ര സന്തോഷം തരുന്ന കാര്യ​മാണ്‌. നമ്മൾ യഹോ​വ​യു​ടെ വലിയ കുടും​ബ​ത്തി​ന്റെ ഭാഗമാണ്‌. നമുക്ക്‌ ഒരു ആവശ്യം വരു​മ്പോൾ സഹായി​ക്കാ​നും നമ്മൾ വേദനി​ക്കു​മ്പോൾ കൂടെ കരയാ​നും വിശ്വ​സ്‌ത​മാ​യി യഹോ​വയെ സേവി​ക്കാൻ നമ്മളെ പ്രോ​ത്സാ​ഹി​പ്പി​ക്കാ​നും തയ്യാറുള്ള സഹോ​ദ​രങ്ങൾ ചേർന്ന​താണ്‌ ആ കുടും​ബം!”

14. നമ്മൾ മൂപ്പന്മാ​രു​ടെ സഹായം സ്വീക​രി​ക്കേ​ണ്ടത്‌ എന്തു​കൊ​ണ്ടാണ്‌?

¹⁴ ഇന്നു നമ്മളെ ബലപ്പെ​ടു​ത്താൻ യഹോവ ഉപയോ​ഗി​ക്കുന്ന ഒരു മാർഗ​മാ​ണു മൂപ്പന്മാ​രി​ലൂ​ടെ​യുള്ള സഹായം. നമുക്കു ശക്തിയും ഉന്മേഷ​വും തരാൻ യഹോവ തന്നിരി​ക്കുന്ന സമ്മാന​ങ്ങ​ളാണ്‌ അവർ. (യശ. 32:1, 2) അതു​കൊണ്ട്‌ എന്തെങ്കി​ലും ഉത്‌ക​ണ്‌ഠകൾ തോന്നു​മ്പോൾ അതു മൂപ്പന്മാ​രോ​ടു തുറന്നു​പ​റ​യുക. അവർ സഹായി​ക്കാൻ തയ്യാറാ​കു​മ്പോൾ സന്തോ​ഷ​ത്തോ​ടെ അതു സ്വീക​രി​ക്കുക. അവരി​ലൂ​ടെ യഹോ​വ​യ്‌ക്കു നിങ്ങളെ ശക്തരാ​ക്കാൻ കഴിയും.

നിങ്ങളു​ടെ പ്രത്യാ​ശ​യിൽനിന്ന്‌ ശക്തി നേടുക

15. എല്ലാ ക്രിസ്‌ത്യാ​നി​കൾക്കും എന്തു പ്രത്യാ​ശ​യാ​ണു​ള്ളത്‌?

¹⁵ ബൈബിൾ നൽകുന്ന പ്രത്യാ​ശ​യ്‌ക്കു നമ്മളെ ബലപ്പെ​ടു​ത്താ​നാ​കും. (റോമ. 4:3, 18-20) ക്രിസ്‌ത്യാ​നി​ക​ളായ നമു​ക്കെ​ല്ലാം എന്നെന്നും ജീവി​ക്കാ​നുള്ള പ്രത്യാ​ശ​യുണ്ട്‌. ചിലർ സ്വർഗ​ത്തി​ലും മറ്റു ചിലർ ഭൂമി​യി​ലെ പറുദീ​സ​യി​ലും ആയിരി​ക്കും ജീവി​ക്കു​ന്നത്‌. ഈ പ്രത്യാശ ഉള്ളതു​കൊണ്ട്‌ പരീക്ഷ​ണ​ങ്ങ​ളു​ണ്ടാ​കു​മ്പോൾ സഹിച്ചു​നിൽക്കാ​നും മറ്റുള്ള​വരെ സന്തോ​ഷ​വാർത്ത അറിയി​ക്കാ​നും നിയമ​ന​ങ്ങ​ളും ഉത്തരവാ​ദി​ത്വ​ങ്ങ​ളും ഒക്കെ നന്നായി ചെയ്യാ​നും വേണ്ട ശക്തി നമുക്കു കിട്ടുന്നു. (1 തെസ്സ. 1:3) ഇതേ പ്രത്യാ​ശ​യാണ്‌ അപ്പോ​സ്‌ത​ല​നായ പൗലോ​സി​നെ ശക്തനാ​ക്കി​യത്‌.

16. അപ്പോ​സ്‌ത​ല​നായ പൗലോ​സി​നു ശക്തി ആവശ്യ​മാ​യി​രു​ന്നത്‌ എന്തു​കൊ​ണ്ടാണ്‌?

¹⁶ പൗലോ​സി​നു ശക്തി വേണമാ​യി​രു​ന്നു. കൊരി​ന്ത്യർക്ക്‌ എഴുതിയ കത്തിൽ അദ്ദേഹം, പെട്ടെന്ന്‌ ഉടഞ്ഞു​പോ​കുന്ന മൺപാ​ത്ര​ത്തോ​ടാ​ണു തന്നെ താരത​മ്യം ചെയ്‌തത്‌. അദ്ദേഹം ‘സമ്മർദം നേരിട്ട,’ ‘ആശയക്കു​ഴ​പ്പ​ത്തി​ലായ,’ ‘ഉപദ്ര​വ​മേറ്റ,’ ‘മർദന​മേറ്റ്‌ വീണ’ ഒരാളാ​യി​രു​ന്നു. അദ്ദേഹ​ത്തി​ന്റെ ജീവൻപോ​ലും അപകട​ത്തി​ലാ​യി​രു​ന്നു. (2 കൊരി. 4:8-10) പൗലോസ്‌ ഈ വാക്കുകൾ എഴുതി​യതു മൂന്നാം മിഷനറി യാത്ര​യു​ടെ സമയത്താണ്‌. എന്നാൽ അത്‌ എഴുതി​ക്ക​ഴിഞ്ഞ്‌ അദ്ദേഹ​ത്തി​നു കൂടുതൽ പ്രശ്‌നങ്ങൾ നേരിട്ടു. ജനക്കൂട്ടം ആക്രമി​ച്ചു, അദ്ദേഹം അറസ്റ്റി​ലാ​യി, കപ്പലപ​ക​ട​ത്തിൽപ്പെട്ടു, അദ്ദേഹ​ത്തി​നു ജയിൽ ശിക്ഷയും കിട്ടി.

17. 2 കൊരി​ന്ത്യർ 4:16-18 പറയു​ന്ന​തു​പോ​ലെ പരീക്ഷ​ണങ്ങൾ സഹിച്ചു​നിൽക്കാൻ പൗലോ​സി​നു ശക്തി നൽകി​യത്‌ എന്താണ്‌?

¹⁷ പ്രത്യാ​ശ​യിൽ ശ്രദ്ധ കേന്ദ്രീ​ക​രി​ച്ച​തു​കൊണ്ട്‌ പൗലോ​സി​നു സഹിച്ചു​നിൽക്കാ​നുള്ള ശക്തി കിട്ടി. (2 കൊരി​ന്ത്യർ 4:16-18 വായി​ക്കുക.) തന്റെ ശരീരം “ക്ഷയിക്കു​ക​യാ​ണെ​ങ്കി​ലും” അതെക്കു​റിച്ച്‌ ഓർത്ത്‌ താൻ നിരു​ത്സാ​ഹ​പ്പെ​ടു​ന്നി​ല്ലെന്നു പൗലോസ്‌ കൊരി​ന്ത്യർക്ക്‌ എഴുതി. പൗലോ​സി​ന്റെ ശ്രദ്ധ മുഴുവൻ ഭാവി പ്രത്യാ​ശ​യി​ലാ​യി​രു​ന്നു. സ്വർഗ​ത്തിൽ അദ്ദേഹ​ത്തി​നുള്ള നിത്യ​ജീ​വന്റെ പ്രത്യാശ, ഇപ്പോൾ അനുഭ​വി​ക്കുന്ന പ്രശ്‌ന​ങ്ങ​ളെ​ക്കാൾ ഒക്കെ ‘അത്യന്തം ഗംഭീ​ര​മാ​യി​രു​ന്നു.’ ആ പ്രത്യാ​ശ​യെ​ക്കു​റിച്ച്‌ ചിന്തി​ച്ച​തു​കൊണ്ട്‌ താൻ ‘ഓരോ ദിവസ​വും പുതു​ക്ക​പ്പെ​ടു​ന്ന​താ​യി’ പൗലോ​സി​നു തോന്നി.

18. തിഹോ​മ​റി​നെ​യും കുടും​ബ​ത്തെ​യും പ്രത്യാശ എങ്ങനെ​യാ​ണു സഹായി​ച്ചത്‌?

¹⁸ തന്റെ ഭാവി പ്രത്യാ​ശ​യെ​ക്കു​റിച്ച്‌ ഓർത്തത്‌ ബൾഗേ​റി​യ​യി​ലെ തിഹോ​മർ സഹോ​ദ​രനെ ശക്തനാക്കി. കുറച്ച്‌ വർഷങ്ങൾക്കു മുമ്പ്‌ അദ്ദേഹ​ത്തി​ന്റെ അനിയൻ സ്റ്റാർക്കോ ഒരു അപകട​ത്തിൽപ്പെട്ട്‌ മരിച്ചു​പോ​യി. അതിനു ശേഷം കുറച്ച്‌ കാല​ത്തേക്കു തിഹോ​മർ വല്ലാത്ത ദുഃഖ​ത്തി​ലാ​യി​രു​ന്നു. ആ സാഹച​ര്യ​ത്തിൽ പിടി​ച്ചു​നിൽക്കാൻ അദ്ദേഹ​വും കുടും​ബ​വും, ആളുകൾ പുനരു​ത്ഥാ​ന​ത്തിൽ വരു​മ്പോ​ഴുള്ള കാര്യ​ങ്ങ​ളെ​ക്കു​റിച്ച്‌ ചിന്തിച്ചു. അദ്ദേഹം പറയുന്നു: “ഉദാഹ​ര​ണ​ത്തിന്‌, പുനരു​ത്ഥാ​ന​പ്പെ​ട്ടു​വ​രുന്ന സ്റ്റാർക്കോ​യെ എവി​ടെ​വെച്ച്‌ കാണും, അവന്‌ എന്തു ഭക്ഷണം ഉണ്ടാക്കി കൊടു​ക്കും, അവനെ സ്വീക​രി​ക്കാൻ ആരെ​യൊ​ക്കെ ക്ഷണിക്കും, അവസാന നാളു​ക​ളെ​ക്കു​റിച്ച്‌ അവനോട്‌ എന്തൊക്കെ പറയും എന്നെല്ലാം ഞങ്ങൾ സംസാ​രി​ക്കു​മാ​യി​രു​ന്നു.” പ്രത്യാ​ശ​യിൽ ശ്രദ്ധ കേന്ദ്രീ​ക​രി​ച്ചതു, സഹിച്ചു​നിൽക്കാ​നും യഹോവ തന്റെ അനിയനെ പുനരു​ത്ഥാ​ന​പ്പെ​ടു​ത്തുന്ന സമയത്തി​നാ​യി കാത്തി​രി​ക്കാ​നും തന്റെ കുടും​ബത്തെ സഹായി​ച്ച​താ​യി സഹോ​ദരൻ പറയുന്നു.

19. പ്രത്യാശ ശക്തമാ​ക്കാൻ നിങ്ങൾക്ക്‌ എന്തു ചെയ്യാം? (ചിത്ര​വും കാണുക.)

¹⁹ നിങ്ങൾക്ക്‌ എങ്ങനെ നിങ്ങളു​ടെ പ്രത്യാശ ശക്തമാ​ക്കാം? ഉദാഹ​ര​ണ​ത്തിന്‌, ഭൂമി​യിൽ എന്നെന്നും ജീവി​ക്കാൻ പ്രത്യാ​ശ​യുള്ള ഒരാളാ​ണു നിങ്ങൾ എന്നിരി​ക്കട്ടെ. എങ്കിൽ, പറുദീ​സ​യെ​ക്കു​റിച്ച്‌ ബൈബിൾ നൽകുന്ന വിവരണം വായി​ക്കു​ക​യും അതെക്കു​റിച്ച്‌ ധ്യാനി​ക്കു​ക​യും ചെയ്യുക. (യശ. 25:8; 32:16-18) പുതിയ ലോക​ത്തി​ലെ ജീവിതം എങ്ങനെ​യു​ള്ള​താ​യി​രി​ക്കു​മെന്നു ചിന്തി​ക്കുക. നിങ്ങൾ അവി​ടെ​യാ​യി​രി​ക്കു​ന്ന​താ​യി ഭാവന​യിൽ കാണുക. ആരെയാ​ണു നിങ്ങൾ അവിടെ കാണു​ന്നത്‌? എന്തെല്ലാം ശബ്ദങ്ങളാ​ണു കേൾക്കു​ന്നത്‌? നിങ്ങൾക്ക്‌ എന്തൊ​ക്കെ​യാ​യി​രി​ക്കും അപ്പോൾ തോന്നു​ന്നത്‌? പറുദീ​സ​യി​ലെ ജീവിതം എങ്ങനെ​യു​ള്ള​താ​യി​രി​ക്കു​മെന്ന്‌ ഇങ്ങനെ ഭാവന​യിൽ കാണാൻ നമ്മുടെ പ്രസി​ദ്ധീ​ക​ര​ണ​ങ്ങ​ളി​ലെ ചില ചിത്ര​ങ്ങ​ളോ ചില സംഗീത വീഡി​യോ​ക​ളോ നിങ്ങളെ സഹായി​ക്കും. വരാനി​രി​ക്കുന്ന പുതിയ ലോകം, കാൺമെൻ കൺമു​ന്നിൽ ഞാൻ, ആ നല്ല നാൾ ഉൾക്കണ്ണാൽ കാണുക എന്നീ സംഗീത വീഡി​യോ​കൾ അവയിൽ ചിലതാണ്‌. പുതിയ ലോക​ത്തി​ലെ ജീവി​ത​ത്തെ​ക്കു​റിച്ച്‌ നമ്മൾ കൂടെ​ക്കൂ​ടെ ചിന്തി​ക്കു​ന്നെ​ങ്കിൽ നമ്മുടെ ഇപ്പോ​ഴത്തെ പ്രശ്‌നങ്ങൾ “ക്ഷണിക​വും നിസ്സാ​ര​വും” ആയിരി​ക്കും. (2 കൊരി. 4:17) നിങ്ങൾക്കു നൽകി​യി​രി​ക്കുന്ന പ്രത്യാ​ശ​യി​ലൂ​ടെ യഹോവ നിങ്ങളെ ശക്തരാ​ക്കും.

20. ക്ഷീണിച്ച്‌ തളർന്നാ​ലും നമുക്ക്‌ എങ്ങനെ ശക്തി നേടാം?

²⁰ നമ്മൾ ക്ഷീണിച്ച്‌ തളർന്നു​പോ​യാ​ലും ‘ദൈവ​ത്താൽ നമ്മൾ ശക്തിയാർജി​ക്കും.’ (സങ്കീ. 108:13) ദൈവ​ത്തിൽനിന്ന്‌ ശക്തി നേടു​ന്ന​തിന്‌ ആവശ്യ​മാ​യ​തെ​ല്ലാം ഇതി​നോ​ടകം യഹോവ നിങ്ങൾക്കു നൽകി​യി​ട്ടുണ്ട്‌. ഒരു നിയമനം ചെയ്യാ​നോ പരീക്ഷണം സഹിച്ചു​നിൽക്കാ​നോ സന്തോഷം നിലനി​റു​ത്താ​നോ സഹായം ആവശ്യ​മു​ള്ള​പ്പോൾ യഹോ​വ​യോ​ടു മുട്ടി​പ്പാ​യി പ്രാർഥി​ക്കുക. യഹോവ നൽകുന്ന നിർദേ​ശങ്ങൾ വ്യക്തി​പ​ര​മായ പഠനത്തി​ലൂ​ടെ കണ്ടെത്തുക. സഹോ​ദ​ര​ങ്ങ​ളു​ടെ പ്രോ​ത്സാ​ഹനം സ്വീക​രി​ക്കുക. കൂടാതെ, നിങ്ങളു​ടെ പ്രത്യാ​ശ​യെ​ക്കു​റിച്ച്‌ കൂടെ​ക്കൂ​ടെ ചിന്തി​ക്കുക. അപ്പോൾ ‘എല്ലാം സന്തോ​ഷ​ത്തോ​ടെ​യും ക്ഷമയോ​ടെ​യും സഹിക്കാൻ കഴി​യേ​ണ്ട​തി​നു ദൈവ​ത്തി​ന്റെ മഹനീ​യ​ശ​ക്തി​യാൽ നിങ്ങൾക്കു വേണ്ടത്ര ശക്തി കിട്ടും.’—കൊലോ. 1:11.