കഴിഞ്ഞ​കാ​ലത്തെ ദൈവിക കുടും​ബങ്ങൾ—നമ്മുടെ നാളി​ലേ​ക്കൊ​രു മാതൃക

കുടും​ബം—ഐക്യ​രാ​ഷ്ട്രങ്ങൾ അതിനെ ലോക​ത്തി​ന്റെ ശ്രദ്ധാ​കേ​ന്ദ്ര​മാ​ക്കാൻ ശ്രമം നടത്തി. എങ്ങനെ? 1994-നെ “അന്താരാ​ഷ്ട്ര കുടും​ബ​വർഷ”മായി പ്രഖ്യാ​പി​ച്ചു​കൊണ്ട്‌. നിയമ​വി​രു​ദ്ധ​മായ ശിശു​ജനന വർധനവ്‌, കുതി​ച്ചു​യ​രുന്ന വിവാ​ഹ​മോ​ച​ന​നി​രക്ക്‌ എന്നിങ്ങ​നെ​യുള്ള കാര്യ​ങ്ങ​ളെ​ക്കു​റി​ച്ചു ലോക നേതാ​ക്ക​ന്മാ​രും സാമൂ​ഹി​ക​ശാ​സ്‌ത്ര​ജ്ഞ​ന്മാ​രും കുടുംബ ഉപദേ​ഷ്ടാ​ക്ക​ളും വിലപി​ക്കാൻ തിടു​ക്ക​മു​ള്ള​വ​രാ​ണെ​ന്നു​വ​രി​കി​ലും അത്തരം പ്രശ്‌ന​ങ്ങൾക്കുള്ള പ്രാവർത്തി​ക​മായ, വാസ്‌ത​വി​ക​മായ, പരിഹാ​ര​ങ്ങ​ളു​മാ​യി മുന്നോ​ട്ടു​വ​രു​ന്ന​തിൽ അവർ മാന്ദ്യ​മു​ള്ള​വ​രാ​യി​രി​ക്കു​ന്നു.

കുടും​ബ​പ്ര​ശ്‌ന​ങ്ങൾക്കു ബൈബി​ളിൽ പരിഹാ​ര​മു​ണ്ടെന്നു വരുമോ? ഇന്നത്തെ കുടും​ബ​ങ്ങളെ ബൈബി​ളി​നു സഹായി​ക്കാൻ കഴിയു​മെ​ന്നതു ചിലർക്കു യുക്തി​ര​ഹി​ത​മാ​യി തോന്നി​യേ​ക്കാം. ഒന്നുമ​ല്ലേ​ലും, അതു നൂറ്റാ​ണ്ടു​കൾക്കു​മു​മ്പു മധ്യപൂർവ​ദേ​ശത്തെ ചുറ്റു​പാ​ടി​ലും സംസ്‌കാ​ര​ത്തി​ലു​മാ​ണ​ല്ലോ എഴുത​പ്പെ​ട്ടത്‌. ലോക​ത്തി​ന്റെ മിക്ക ഭാഗങ്ങ​ളി​ലും ബൈബിൾ കാലത്തി​നു​ശേഷം ജീവി​ത​ത്തി​നു നാടകീ​യ​മായ വിധത്തിൽ മാറ്റം വന്നിരി​ക്കു​ന്നു. എന്നുവ​രി​കി​ലും, ഓരോ കുടും​ബ​വും അതിന്റെ പേര്‌ കടപ്പെ​ട്ടി​രി​ക്കു​ന്നതു യഹോ​വ​യാം ദൈവ​ത്തോ​ടാണ്‌, ആ ദൈവ​മാ​ണു ബൈബിൾ നിശ്വ​സ്‌ത​മാ​ക്കി​യത്‌. (എഫെസ്യർ 3:14, 15; 2 തിമൊ​ഥെ​യൊസ്‌ 3:16) കുടുംബ പ്രശ്‌ന​ങ്ങ​ളെ​പ്പറ്റി ബൈബിൾ എന്താണു പറയു​ന്നത്‌?

കുടും​ബ​ജീ​വി​തം ആസ്വാ​ദ്യ​വും സംതൃ​പ്‌തി​ക​ര​വു​മാ​ക്കു​ന്ന​തിന്‌ എന്താണ്‌ ആവശ്യ​മാ​യി​രി​ക്കു​ന്ന​തെന്നു യഹോ​വ​യ്‌ക്ക്‌ അറിയാം. തന്മൂലം അവന്റെ വചനമായ ബൈബി​ളി​നു കുടും​ബ​ജീ​വി​ത​ത്തെ​പ്പറ്റി ധാരാളം കാര്യങ്ങൾ പറയാ​നുണ്ട്‌, അതിൽ ചിലതു ഗുണ​ദോ​ഷ​ത്തി​ന്റെ രൂപത്തി​ലാണ്‌. ദൈവി​ക​ത​ത്ത്വ​ങ്ങൾ ബാധക​മാ​ക്കിയ കുടും​ബ​ങ്ങ​ളു​ടെ ദൃഷ്ടാ​ന്ത​ങ്ങ​ളും ബൈബി​ളി​ലുണ്ട്‌. തത്‌ഫ​ല​മാ​യി അവർ ഉറ്റബന്ധ​വും സംതൃ​പ്‌തി​യും ആസ്വദി​ച്ചു. നമുക്കു ബൈബിൾ കാലങ്ങ​ളി​ലെ കുടും​ബ​ജീ​വി​ത​ത്തെ​പ്പറ്റി പരി​ശോ​ധി​ച്ചിട്ട്‌ അതിൽനിന്ന്‌ എന്തു പാഠങ്ങൾ പഠിക്കാ​മെന്നു നോക്കാം.

ശിരഃ​സ്ഥാ​നം—ഒരു പീഡയോ?

ഉദാഹ​ര​ണ​ത്തിന്‌, കുടും​ബ​ത്തി​ലെ ശിരഃ​സ്ഥാ​ന​ത്തി​ന്റെ​തന്നെ കാര്യ​മെ​ടു​ക്കാം. ഗോ​ത്ര​പി​താ​ക്ക​ന്മാ​രു​ടെ കാലങ്ങ​ളിൽ അബ്രഹാം, ഇസഹാക്ക്‌, യാക്കോബ്‌ എന്നിവ​രെ​പ്പോ​ലുള്ള പുരു​ഷ​ന്മാർ സർവസ​മ്മ​ത​രായ ‘കുടും​ബ​നാ​ഥ​ന്മാർ’ ആയിരു​ന്നു. (പ്രവൃ​ത്തി​കൾ 7:8, 9, NW; എബ്രായർ 7:4, NW) റാൾഫ്‌ ഗോവർ രചിച്ച ബൈബിൾ കാലങ്ങ​ളി​ലെ പുതിയ പെരു​മാ​റ്റ​രീ​തി​ക​ളും ആചാര​ങ്ങ​ളും (ഇംഗ്ലീഷ്‌) എന്ന പുസ്‌തകം ഇങ്ങനെ പറയുന്നു: “കുടും​ബം . . . പിതാവു വാണി​രുന്ന ഒരു ‘കൊച്ചു രാജ്യ’മായി​രു​ന്നു. അയാൾ ഭാര്യ, മക്കൾ, പേരക്കി​ടാ​ങ്ങൾ, വേലക്കാർ എന്നിങ്ങനെ കുടും​ബ​ത്തി​ലുള്ള സകലരു​ടെ​മേ​ലും വാണി​രു​ന്നു.” വാസ്‌ത​വ​ത്തിൽ, ഗോ​ത്ര​പി​താ​ക്ക​ന്മാർക്ക്‌ അവരുടെ ആൺമക്ക​ളു​ടെ കുടും​ബ​ത്തിൻമേ​ലും അധികാ​ര​മു​ണ്ടാ​യി​രു​ന്നു.—ഉല്‌പത്തി 42:37 താരത​മ്യം ചെയ്യുക.

ഇത്‌ പുരു​ഷ​ന്മാർക്കു തങ്ങളുടെ ഭാര്യ​മാ​രെ​യും കുട്ടി​ക​ളെ​യും അടിച്ച​മർത്താ​നുള്ള ലൈസൻസു നൽകി​യി​ല്ലേ? തീർച്ച​യാ​യും ഇല്ല. “നിന്റെ ആഗ്രഹം നിന്റെ ഭർത്താ​വി​നോ​ടു ആകും; അവൻ നിന്നെ ഭരിക്കും” എന്നു ദൈവം ആദ്യ സ്‌ത്രീ​യാ​യി​രുന്ന ഹവ്വാ​യോ​ടു പറഞ്ഞു​വെ​ന്നതു ശരിതന്നെ. (ഉല്‌പത്തി 3:16) വിവാ​ഹി​ത​രായ സ്‌ത്രീ​ക​ളു​ടെ അവസ്ഥ പൊതു​വേ എങ്ങനെ​യാ​യി​രി​ക്കു​മെന്ന്‌ ആ വാക്കുകൾ സൂചി​പ്പി​ച്ചു, എന്നാൽ ദൈവ​ത്തി​ന്റെ സത്യാ​രാ​ധ​ക​രു​ടെ​യി​ട​യിൽ കാര്യാ​ദി​കൾ എങ്ങനെ​യാ​യി​രി​ക്ക​ണ​മെന്ന്‌ അവ വിശദീ​ക​രി​ച്ചില്ല. ദൈവ​ഭ​യ​മുള്ള ഭർത്താ​ക്ക​ന്മാർ യഹോ​വ​യു​ടെ ആദി​മോ​ദ്ദേ​ശ്യം മനസ്സിൽ പിടി​ക്കേ​ണ്ട​തു​ണ്ടാ​യി​രു​ന്നു. പുരു​ഷന്റെ “പൂരക​മെ​ന്ന​നി​ല​യിൽ ഒരു സഹായി” ആയിട്ടാ​ണു യഹോവ സ്‌ത്രീ​യെ സൃഷ്ടി​ച്ചത്‌. (ഉല്‌പത്തി 2:20, NW) ആദിമ​കാ​ലത്തെ ദൈവ​ഭ​ക്ത​രായ പുരു​ഷ​ന്മാർ ദൈവ​ത്തോ​ടുള്ള തങ്ങളുടെ കീഴ്‌പെ​ട​ലും കണക്കു​ബോ​ധി​പ്പി​ക്ക​ലും തിരി​ച്ച​റി​ഞ്ഞതു നിമിത്തം അവർ തങ്ങളുടെ അധികാ​രത്തെ ദുർവി​നി​യോ​ഗം ചെയ്‌തില്ല. തങ്ങളുടെ ഭാര്യ​മാ​രെ​യും കുട്ടി​ക​ളെ​യും വെറും അടിമ​ക​ളാ​യി കാണു​ന്ന​തി​നു പകരം ദൈവ​ഭ​യ​മുള്ള ഗോ​ത്ര​പി​താ​ക്ക​ന്മാർ അവരോ​ടു യഥാർഥ സ്‌നേ​ഹ​വും വാത്സല്യ​വും കാണിച്ചു.

കുട്ടി​കൾക്കു പൊതു​വേ ലഭിച്ചി​രുന്ന വാത്സല്യ​ത്തി​ന്റെ ഒരു ക്ഷണിക​ദൃ​ശ്യം ഉല്‌പത്തി 50:23-ൽ കൊടു​ത്തി​ട്ടുണ്ട്‌. യോ​സേ​ഫി​ന്റെ പ്രപൗ​ത്ര​ന്മാർ “യോ​സേ​ഫി​ന്റെ മടിയിൽ വളർന്നു”വെന്ന്‌ അവിടെ പറയുന്നു. യോ​സേഫ്‌ ആ കുട്ടി​കളെ തന്റെ പിൻതു​ടർച്ച​ക്കാ​രാ​യി അംഗീ​ക​രി​ച്ചു​വെന്ന്‌ അതിന്‌ അർഥമാ​ക്കാൻ കഴിയു​മെ​ന്നി​രി​ക്കെ അവൻ വാത്സല്യ​പൂർവം കുട്ടി​ക​ളോ​ടൊ​പ്പം കളിക്കു​ക​യും അവരെ മടിയി​ലി​രു​ത്തി ലാളി​ക്കു​ക​യും ചെയ്‌ത​താ​യി അതിനു സൂചി​പ്പി​ക്കാൻ കഴിയും. പിതാ​ക്ക​ന്മാർ തങ്ങളുടെ കുട്ടി​ക​ളോ​ടു സമാന​മാ​യി വാത്സല്യം പ്രകടി​പ്പി​ക്കു​ന്നതു നന്നായി​രി​ക്കും.

കുടും​ബ​നാ​ഥ​ന്മാർ എന്നനി​ല​യിൽ ദൈവ​ഭ​യ​മുള്ള ഗോ​ത്ര​പി​താ​ക്ക​ന്മാർ തങ്ങളുടെ കുടും​ബാം​ഗ​ങ്ങ​ളു​ടെ ആത്മീയ ആവശ്യ​ങ്ങൾക്കാ​യും കരുതൽ ചെയ്‌തി​രു​ന്നു. ആഗോ​ള​വ്യാ​പ​ക​മായ ജലപ്ര​ള​യ​ത്തി​നു​ശേഷം പെട്ടക​ത്തിൽനി​ന്നു പുറത്തു​വ​ന്ന​പ്പോൾ “നോഹ യഹോ​വെക്കു യാഗപീ​ഠം പണിതു, . . . യാഗപീ​ഠ​ത്തി​ന്മേൽ ഹോമ​യാ​ഗം അർപ്പിച്ചു.” (ഉല്‌പത്തി 8:20; ഇയ്യോബ്‌ 1:5 താരത​മ്യം ചെയ്യുക.) കുടും​ബാം​ഗ​ങ്ങൾക്കു വ്യക്തി​പ​ര​മായ പ്രബോ​ധനം നൽകി​ക്കൊ​ണ്ടു വിശ്വസ്‌ത ഗോ​ത്ര​പി​താ​വായ അബ്രഹാം ഒരു നല്ല മാതൃ​ക​വെച്ചു. അവൻ ‘തന്റെ മക്കളോ​ടും തനിക്കു പിമ്പുള്ള കുടും​ബ​ത്തോ​ടും നീതി​യും ന്യായ​വും പ്രവൃ​ത്തി​ച്ചു​കൊ​ണ്ടു യഹോ​വ​യു​ടെ വഴിയിൽ നടപ്പാൻ കല്‌പി​ച്ചു.’ (ഉല്‌പത്തി 18:19) അങ്ങനെ, സ്‌നേ​ഹ​നിർഭ​ര​മായ ശിരഃ​സ്ഥാ​നം കുടും​ബ​ങ്ങ​ളു​ടെ വൈകാ​രി​ക​വും ആത്മീയ​വു​മായ ക്ഷേമത്തി​നു സംഭാ​വ​ന​ചെ​യ്‌തു.

ക്രിസ്‌തീ​യ പുരു​ഷ​ന്മാർ ഇന്ന്‌ അതേ മാതൃക പിൻപ​റ്റു​ന്നു. ദൈവ​ത്തി​ന്റെ നിബന്ധ​നകൾ അനുസ​രി​ക്കു​ന്ന​തി​നു തങ്ങളുടെ കുടും​ബ​ങ്ങളെ സഹായി​ക്കു​ക​യും സ്വയം നല്ല മാതൃക വെക്കു​ക​യും ചെയ്‌തു​കൊണ്ട്‌ ആരാധ​ന​യു​ടെ കാര്യ​ത്തിൽ അവർ ശിരഃ​സ്ഥാ​നം പ്രയോ​ഗി​ക്കു​ന്നു. (മത്തായി 28:19, 20; എബ്രായർ 10:24, 25) ഗോ​ത്ര​പി​താ​ക്ക​ന്മാ​രെ​പ്പോ​ലെ ക്രിസ്‌തീയ ഭർത്താ​ക്ക​ന്മാ​രും പിതാ​ക്ക​ന്മാ​രും തങ്ങളുടെ കുടും​ബാം​ഗ​ങ്ങൾക്കു വ്യക്തി​പ​ര​മായ പ്രബോ​ധനം നൽകു​ന്ന​തി​നു സമയം കണ്ടെത്തു​ന്നു.

നിർണാ​യ​ക​മായ നടപടി സ്വീക​രി​ക്കൽ

ഗോ​ത്ര​പി​താ​വായ യാക്കോബ്‌ അമ്മായി​യ​പ്പനു ഭീമമായ കടം ഒടുവിൽ കൊടു​ത്തു​തീർത്ത​ശേഷം ഇങ്ങനെ ചോദി​ച്ചു: “എന്റെ സ്വന്തഭ​വ​ന​ത്തി​ന്നു വേണ്ടി ഞാൻ എപ്പോൾ കരുതും?” (ഉല്‌പത്തി 30:30) എല്ലാ പിതാ​ക്ക​ന്മാ​രെ​യും​പോ​ലെ​തന്നെ യാക്കോ​ബി​നു തന്റെ കുടും​ബ​ത്തി​ന്റെ ഭൗതിക ആവശ്യങ്ങൾ നിറ​വേ​റ്റു​ന്ന​തി​ലുള്ള സമ്മർദം അനുഭ​വ​പ്പെട്ടു, അതു നിറ​വേ​റ്റാ​നാ​യി അവൻ കഠിനാ​ധ്വാ​നം ചെയ്‌തു. “അവൻ മഹാസ​മ്പ​ന്ന​നാ​യി അവന്നു വളരെ ആടുക​ളും ദാസീ​ദാ​സ​ന്മാ​രും ഒട്ടകങ്ങ​ളും കഴുത​ക​ളും ഉണ്ടാകു​ക​യും ചെയ്‌തു” എന്ന്‌ ഉല്‌പത്തി 30:43 പറയുന്നു.

എന്നിരു​ന്നാ​ലും, യാക്കോബ്‌ കനാൻ ദേശ​ത്തേക്കു മാറി ഏതാനും വർഷങ്ങൾക്കു​ശേഷം തന്റെ മകൾ ദീനാ പുറജാ​തീ​യ​രായ കനാന്യ​രോ​ടൊ​ത്തു സഹവസി​ക്കുന്ന ആപത്‌ക​ര​മായ ശീലം വളർത്തി​യെ​ടു​ത്തതു സംബന്ധി​ച്ചു പ്രത്യ​ക്ഷ​ത്തിൽ അവൻ അറിഞ്ഞില്ല.a (ഉല്‌പത്തി 34:1) തന്റെ കുടും​ബ​ത്തിൽ വിഗ്ര​ഹാ​രാ​ധ​ന​ക്കുള്ള പുറജാ​തീയ ആടയാ​ഭ​ര​ണങ്ങൾ ഉള്ളതായി അറിഞ്ഞ​പ്പോൾ നടപടി​യെ​ടു​ക്കു​ന്ന​തി​ലും അവൻ പരാജ​യ​പ്പെട്ടു. എന്തുത​ന്നെ​യാ​യാ​ലും ഒരു കനാന്യൻ ദീനായെ ദാരു​ണ​മാ​യി ബലാൽസം​ഗം ചെയ്‌ത​പ്പോൾ യാക്കോബ്‌ നിർണാ​യ​ക​മായ നടപടി​യെ​ടു​ത്തു. “നിങ്ങളു​ടെ ഇടയി​ലുള്ള അന്യ​ദേ​വ​ന്മാ​രെ നീക്കി​ക്ക​ളഞ്ഞു നിങ്ങളെ ശുദ്ധീ​കരി”ക്കുവിൻ എന്ന്‌ അവൻ നിർദേ​ശി​ച്ചു.—ഉല്‌പത്തി 35:2-4.

തങ്ങളുടെ കുടും​ബ​ത്തി​ന്റെ ആത്മീയ​ത​യു​ടെ കാര്യ​ത്തിൽ ക്രിസ്‌തീയ പിതാ​ക്ക​ന്മാർ ജാഗ്ര​ത​യു​ള്ള​വ​രാ​യി​രി​ക്കണം. അധാർമിക സാഹി​ത്യ​മോ അനാ​രോ​ഗ്യാ​വ​ഹ​മായ സംഗീ​ത​മോ പോലെ കുടും​ബ​ത്തി​ന്റെ ആത്മീയ ക്ഷേമത്തി​നു ഗുരു​ത​ര​മായ ഭീഷണി​കൾ വീട്ടിൽ ഉണ്ടെന്നു​വ​രു​കിൽ അവർ നിർണാ​യ​ക​മായ നടപടി എടുക്കണം.

രസകര​മെ​ന്നു പറയട്ടെ, വിശ്വാ​സ​മുള്ള സ്‌ത്രീ​ക​ളാ​യി​രുന്ന സാറാ, റിബേക്കാ, റാഹേൽ എന്നിവ​രെ​പ്പോ​ലു​ള്ളവർ കുടും​ബ​ത്തിൽ ശ്രദ്ധേ​യ​മായ സ്വാധീ​നം ചെലുത്തി. അവർ ഭർത്താ​ക്ക​ന്മാർക്കു കീഴ്‌പെ​ട്ടി​രു​ന്നെ​ങ്കി​ലും ഉചിത​വും അത്യാ​വ​ശ്യ​വു​മാ​യി​രു​ന്ന​പ്പോൾ മുൻകൈ എടുക്കു​ന്ന​തിൽനിന്ന്‌ അവർ തടയ​പ്പെ​ട്ടി​രു​ന്നില്ല. ഉദാഹ​ര​ണ​ത്തിന്‌, മോശ​യും കുടും​ബ​വും ഈജി​പ്‌തി​ലേക്കു പോകവേ “യഹോവ [“യഹോ​വ​യു​ടെ ദൂതൻ,” സെപ്‌റ്റു​വ​ജിൻറ്‌] അവനെ [മോശ​യു​ടെ പുത്രനെ] എതിരി​ട്ടു കൊല്ലു​വാൻ ഭാവിച്ചു” എന്നു പുറപ്പാ​ടു 4:24-26 നമ്മോടു പറയുന്നു. മോശ തന്റെ പുത്രനെ പരി​ച്ഛേദന ചെയ്യാ​ഞ്ഞ​തി​നാൽ അവന്റെ പുത്രൻ വധിക്ക​പ്പെ​ടു​ന്ന​തി​നുള്ള അപകട​ത്തി​ലാ​യി​രു​ന്നു എന്നതു സ്‌പഷ്ട​മാണ്‌. തന്റെ മകനെ പരി​ച്ഛേദന ചെയ്‌തു​കൊ​ണ്ടു സിപ്പോ​രാ ഉടനടി നടപടി​യെ​ടു​ത്തു. തന്നിമി​ത്തം ആ ദൂതൻ അവനെ പോകാൻ അനുവ​ദി​ച്ചു. ഇന്നു ക്രിസ്‌തീയ സ്‌ത്രീ​കൾക്കും ഉചിത​മായ സന്ദർഭ​ത്തിൽ മുൻകൈ എടുക്കാ​വു​ന്ന​താണ്‌.

മോ​ശൈക ന്യായ​പ്ര​മാ​ണ​ത്തിൻകീ​ഴിൽ പിതാ​വി​ന്റെ പ്രബോ​ധ​നം

പൊ.യു.മു. 1513-ൽ ഇസ്രാ​യേൽ ഒരു ജനതയാ​യി തീർന്ന​തോ​ടെ ഗോ​ത്ര​പി​താ​ക്ക​ന്മാ​രു​ടെ യുഗം അവസാ​നി​ച്ചു. (പുറപ്പാ​ടു 24:3-8) പിതാ​ക്ക​ന്മാർ തുടർന്നും കുടും​ബ​നാ​ഥ​ന്മാ​രാ​യി സേവന​മ​നു​ഷ്‌ഠി​ച്ചു. എന്നിരു​ന്നാ​ലും കുടുംബ നിയമം, ദൈവം മോശ​യ്‌ക്കു നൽകു​ക​യും നിയുക്ത ന്യായാ​ധി​പ​ന്മാർ പ്രാബ​ല്യ​ത്തിൽ വരുത്തു​ക​യും ചെയ്‌ത ദേശീയ നിയമ​ത്തി​നു വിധേ​യ​മാ​യി​രു​ന്നു. (പുറപ്പാ​ടു 18:13-26) ആരാധ​ന​യിൽ യാഗ​ത്തോ​ടു ബന്ധപ്പെട്ട കാര്യ​ങ്ങ​ളെ​ല്ലാം ലേവ്യ പുരോ​ഹി​തർ കൈകാ​ര്യം ചെയ്‌തു. എങ്കിലും, പിതാവ്‌ തുടർന്നും ഒരു സുപ്ര​ധാന സ്ഥാനം വഹിച്ചു. “ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം. നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം” എന്നു മോശ ഉദ്‌ബോ​ധി​പ്പി​ച്ചു.—ആവർത്ത​ന​പു​സ്‌തകം 6:6, 7.

ഔപചാ​രി​ക​മാ​യും അനൗപ​ചാ​രി​ക​മാ​യും പ്രബോ​ധനം നൽകു​ന്ന​തി​നു പെസഹ പോലുള്ള അവസരങ്ങൾ ന്യായ​പ്ര​മാ​ണം പ്രദാ​നം​ചെ​യ്‌തു. പെസഹാ​ദി​ന​മായ നീസാൻ 14 സമീപി​ക്കവേ യഹൂദ​കു​ടും​ബങ്ങൾ ആചാര​പ്ര​കാ​രം യെരു​ശ​ലേ​മി​ലേ​ക്കുള്ള തങ്ങളുടെ യാത്ര​യ്‌ക്കാ​യി ഒരുക്കങ്ങൾ തുടങ്ങും. (ആവർത്ത​ന​പു​സ്‌തകം 16:16; ലൂക്കൊസ്‌ 2:41 താരത​മ്യം ചെയ്യുക.) അത്തരം ഒരുക്ക​ങ്ങ​ളിൽ ഏതെങ്കി​ലും കുട്ടിക്ക്‌ അത്യു​ത്സാ​ഹം തോന്നാ​തെ വരുമോ? യാത്ര​ത​ന്നെ​യും മോദ​മേ​കു​ന്ന​താ​യി​രി​ക്കും. അപ്പോ​ഴേ​ക്കും മഴക്കാലം അവസാ​നി​ച്ചി​രി​ക്കും. കൂടാതെ, വസന്തകാല സൂര്യൻ അന്തരീ​ക്ഷ​ത്തിൽനി​ന്നു ശൈത്യ​കാല കുളി​രി​നെ തുടച്ചു​മാ​റ്റാൻ തുടങ്ങി​യി​രി​ക്കും. ഹെർമോൻ പർവത​ത്തി​ലെ മഞ്ഞുരു​കി​വീ​ണു യോർദാൻ നദി കരകവി​ഞ്ഞൊ​ഴു​കും.

യാത്രാ​മ​ധ്യേ പിതാ​ക്ക​ന്മാർക്കു കുട്ടി​കളെ തങ്ങളുടെ ദേശത്തി​ന്റെ ഭൂമി​ശാ​സ്‌ത്രം മാത്രമല്ല അവർ കടന്നു​പോ​കാ​നി​രുന്ന സ്ഥലങ്ങ​ളോ​ടു ബന്ധപ്പെട്ട സമൃദ്ധ​മായ ചരി​ത്ര​വും പഠിപ്പി​ക്കാൻ കഴിയു​മാ​യി​രു​ന്നു. ന്യായ​പ്ര​മാ​ണ​ത്തി​ലെ അനു​ഗ്ര​ഹ​ങ്ങ​ളും ശാപങ്ങ​ളും വായി​ച്ചു​കേൾപ്പി​ച്ചി​ട​മായ ഏബാൽ, ഗെരി​സിം എന്നീ പർവതങ്ങൾ അതിൽ ഉൾപ്പെ​ട്ടി​രു​ന്നി​രി​ക്കണം. യാക്കോബ്‌ ദർശന​ത്തിൽ സ്വർഗീയ ഏണി കണ്ട ബെഥേ​ലി​ലൂ​ടെ​യും അവർ കടന്നു​പോ​യി​രി​ക്കണം. എത്ര കോൾമ​യിർകൊ​ള്ളി​ക്കുന്ന ചർച്ചയാ​യി​രി​ക്കും അതേത്തു​ടർന്ന്‌ ഉണ്ടാവുക! യാത്ര തുടരു​ക​യും മറ്റു ഭാഗങ്ങ​ളിൽനി​ന്നുള്ള യാത്ര​ക്കാർ കുടും​ബ​ക്കൂ​ട്ട​ങ്ങ​ളോ​ടു ചേരു​ക​യും ചെയ്യു​മ്പോൾ ഏവരും പരിപു​ഷ്ടി​ദാ​യ​ക​മായ സഹവാസം ആസ്വദി​ക്കു​ക​യാ​യി.

ഒടുവിൽ കുടും​ബം “സൌന്ദ​ര്യ​ത്തി​ന്റെ പൂർണ്ണ​ത​യായ” യെരു​ശ​ലേ​മിൽ എത്തി​ച്ചേ​രും. (സങ്കീർത്തനം 50:2) “ഈ തീർഥാ​ട​ക​രിൽ അനേക​രും നഗരഭി​ത്തി​ക്കു വെളി​യി​ലാ​യി​രു​ന്നി​രി​ക്കണം തമ്പടി​ച്ചി​രു​ന്നത്‌. നഗരത്തി​നു​ള്ളിൽ താമസി​ച്ചി​രു​ന്ന​വർക്കു താമസ​സൗ​ക​ര്യം സൗജന്യ​മാ​യി​രു​ന്നു” എന്നു പണ്ഡിത​നായ ആൽഫ്രഡ്‌ എഡർഷീം പറയുന്നു. അതേ, എബ്രായ യുവാ​ക്കൾക്കു സാഹോ​ദര്യ സ്‌നേ​ഹ​ത്തി​ന്റെ​യും അതിഥി​സ​ത്‌കാ​ര​ത്തി​ന്റെ​യും നേരി​ട്ടുള്ള പാഠം ലഭിച്ചു. ഇന്നു യഹോ​വ​യു​ടെ സാക്ഷി​ക​ളു​ടെ വാർഷിക കൺ​വെൻ​ഷ​നു​കൾ സമാന​മായ ഒരു​ദ്ദേ​ശ്യം നിവർത്തി​ക്കു​ന്നു.

ഒടുവിൽ നീസാൻ 14 വന്നെത്തു​ക​യാ​യി. പെസഹാ​മൃ​ഗത്തെ അറുത്ത്‌ മണിക്കൂ​റു​ക​ളോ​ളം അതിനെ പൊരി​ക്കു​ന്നു. അർധരാ​ത്രി​യോ​ട​ടു​ത്തു കുടും​ബം കുഞ്ഞാട്‌, പുളി​പ്പി​ല്ലാത്ത അപ്പം, കയ്‌പു​ചീ​രകൾ എന്നിവ ഭക്ഷിക്കും. ആചാര​മ​നു​സ​രിച്ച്‌ ഒരു മകൻ ഇങ്ങനെ ചോദി​ക്കും: ‘ഈ കർമ്മം എന്തു?’ അപ്പോൾ, “മിസ്ര​യീ​മ്യ​രെ ദണ്ഡിപ്പി​ക്ക​യിൽ മിസ്ര​യീ​മി​ലി​രുന്ന യിസ്രാ​യേൽമ​ക്ക​ളു​ടെ വീടു​കളെ ഒഴിഞ്ഞു കടന്നു നമ്മുടെ വീടു​കളെ രക്ഷിച്ച യഹോ​വ​യു​ടെ പെസഹ​യാ​ഗം ആകുന്നു ഇതു” എന്നു പറഞ്ഞു​കൊ​ണ്ടു പിതാവ്‌ ഔപചാ​രിക പ്രബോ​ധനം നൽകും.—പുറപ്പാ​ടു 12:26, 27; 13:8.

‘ചിരി​പ്പാൻ ഒരു കാലം; നൃത്തം ചെയ്‌വാൻ ഒരു കാലം’ എന്ന്‌ ഇസ്രാ​യേ​ലി​ന്റെ രാജാ​വാ​യി​രുന്ന ശലോ​മോൻ പറഞ്ഞു. (സഭാ​പ്ര​സം​ഗി 3:4) ഇസ്രാ​യേ​ലി​ലെ കുട്ടി​കൾക്കു വിനോ​ദ​വേള അനുവ​ദി​ച്ചി​രു​ന്നു. കുട്ടികൾ ചന്തസ്ഥലത്തു കളിക്കു​ന്നത്‌ യേശു​ക്രി​സ്‌തു വീക്ഷി​ച്ചി​രു​ന്നു​വെ​ന്നതു സ്‌പഷ്ട​മാണ്‌. (സെഖര്യാ​വു 8:5; മത്തായി 11:16) പാട്ടും നൃത്തവും വിരു​ന്നു​മുള്ള ആസ്വാ​ദ്യ​മായ കൂടി​വ​ര​വു​കൾ ക്രമീ​ക​രി​ക്കു​ക​യെ​ന്നതു വരുമാ​ന​മുള്ള മാതാ​പി​താ​ക്കളെ സംബന്ധി​ച്ചി​ട​ത്തോ​ളം അസാധാ​ര​ണ​മ​ല്ലാ​യി​രു​ന്നു. (ലൂക്കൊസ്‌ 15:25) സമാന​മാ​യി തങ്ങളുടെ കുട്ടി​കൾക്ക്‌ ആരോ​ഗ്യാ​വ​ഹ​മായ വിനോ​ദ​വും സഹവാ​സ​വും പ്രദാ​നം​ചെ​യ്യു​ന്ന​തിന്‌ ഇന്നു ക്രിസ്‌തീയ മാതാ​പി​താ​ക്കൾ മുൻ​കൈ​യെ​ടു​ക്കു​ന്നു.

യഹൂദ​സ​മു​ദാ​യ​ത്തി​ലെ അമ്മമാ​രും കുട്ടി​ക​ളും

മോ​ശൈക ന്യായ​പ്ര​മാ​ണ​ത്തിൽകീ​ഴിൽ അമ്മമാ​രു​ടെ പങ്കെന്താ​യി​രു​ന്നു? “മകനേ, അപ്പന്റെ പ്രബോ​ധനം കേൾക്ക. അമ്മയുടെ ഉപദേശം ഉപേക്ഷി​ക്ക​യു​മ​രു​തു” എന്നു സദൃശ​വാ​ക്യ​ങ്ങൾ 1:8 കൽപ്പിച്ചു. ഭർത്താ​വി​ന്റെ അധികാ​ര​പ​രി​ധി​ക്കു​ള്ളിൽ ഒരു യഹൂദ ഭാര്യ കുടും​ബ​ജീ​വി​ത​ത്തിൽ ദൈവദത്ത നിബന്ധ​നകൾ ബാധക​മാ​ക്കു​മാ​യി​രു​ന്നു. അവളുടെ മക്കൾ അവൾക്കു പ്രായംചെന്ന​ശേ​ഷ​വും അവളെ ആദരി​ക്ക​ണ​മാ​യി​രു​ന്നു.—സദൃശ​വാ​ക്യ​ങ്ങൾ 23:22.

മക്കളെ പരിശീ​ലി​പ്പി​ക്കുന്ന കാര്യ​ത്തി​ലും മാതാ​വിന്‌ ഒരു വലിയ പങ്കുണ്ടാ​യി​രു​ന്നു. ശിശു​വി​ന്റെ മുലകു​ടി മാറ്റാൻ പ്രായ​മാ​കു​ന്ന​തു​വരെ അവൾ അതിനെ ഏതാണ്ടു പൂർണ​മാ​യും പരിപാ​ലി​ച്ചി​രു​ന്നു. അതു സംശയ​ലേ​ശ​മ​ന്യേ മാതാ​വും കുട്ടി​യും തമ്മിലുള്ള ഉറ്റബന്ധ​ത്തിൽ കലാശി​ക്കു​മാ​യി​രു​ന്നു. (യെശയ്യാ​വു 49:15) പിതാ​ക്ക​ന്മാർ ആൺമക്കളെ തൊഴിൽ പഠിപ്പി​ക്കു​മ്പോൾ മാതാക്കൾ പെൺമ​ക്കളെ വീട്ടു​ജോ​ലി​കൾ പഠിപ്പി​ക്കു​മാ​യി​രു​ന്നു. ആൺമക്ക​ളു​ടെ മേലും മാതാ​ക്കൾക്കു ശക്തമായ സ്വാധീ​ന​മു​ണ്ടാ​യി​രു​ന്നു. ദൃഷ്ടാ​ന്ത​ത്തിന്‌, ലെമു​വേൽ രാജാവ്‌ ‘അവന്റെ അമ്മ അവന്നു ഉപദേ​ശി​ച്ചു കൊടുത്ത അരുള​പ്പാ​ടി’ൽനിന്നു പ്രയോ​ജ​ന​മ​നു​ഭ​വി​ച്ചു.—സദൃശ​വാ​ക്യ​ങ്ങൾ 31:1.

പ്രാപ്‌ത​യാ​യ ഒരു യഹൂദ ഭാര്യ “വീട്ടു​കാ​രു​ടെ പെരു​മാ​റ്റം . . . സൂക്ഷിച്ചു നോക്കുന്ന”തിൽ ഗണ്യമായ അളവിൽ സ്വാത​ന്ത്ര്യം അനുഭ​വി​ച്ചി​രു​ന്നു. സദൃശ​വാ​ക്യ​ങ്ങൾ 31:10-31 പറയു​ന്ന​ത​നു​സ​രിച്ച്‌, വീട്ടി​ലേ​ക്കു​വേണ്ട സാധനങ്ങൾ വാങ്ങി​ക്കു​ന്ന​തി​നും സ്ഥാവര വസ്‌തു ഇടപാ​ടു​കൾക്കു​വേണ്ടി മുതൽമു​ട​ക്കു​ന്ന​തി​നും ചെറു​തോ​തിൽ കച്ചവടം ചെയ്യു​ന്ന​തി​നു​പോ​ലും അവൾക്കു കഴിയു​മാ​യി​രു​ന്നു. വിലമ​തി​പ്പുള്ള ഒരു ഭർത്താ​വിന്‌ അവളുടെ മൂല്യം ‘മുത്തു​ക​ളി​ലും ഏറി’യതായി​രു​ന്നു!

ഇന്നത്തേക്ക്‌ ഒരു മാതൃക

ബൈബിൾ കാലങ്ങ​ളിൽ കുടുംബ ക്രമീ​ക​രണം അതിലെ സകല അംഗങ്ങ​ളു​ടെ​യും വൈകാ​രി​ക​വും ആത്മീയ​വു​മായ വളർച്ച​യിൽ കലാശി​ച്ചി​രു​ന്നു. പിതാ​ക്ക​ന്മാർ തങ്ങളുടെ കുടും​ബ​ങ്ങ​ളു​ടെ പ്രയോ​ജ​ന​ത്തിൽ കലാശി​ക്കു​ന്ന​തി​നു സ്‌നേ​ഹ​നിർഭ​ര​മായ വിധത്തിൽ അധികാ​രം പ്രയോ​ഗി​ക്ക​ണ​മാ​യി​രു​ന്നു. ആരാധ​ന​യിൽ അവർ നേതൃ​ത്വം വഹിക്ക​ണ​മാ​യി​രു​ന്നു. പിതാ​ക്ക​ന്മാ​രും മാതാ​ക്ക​ളും തങ്ങളുടെ കുട്ടി​ക​ളിൽ താത്‌പ​ര്യം കാണിച്ചു—അവരെ പഠിപ്പി​ക്കു​ക​യും പരിശീ​ലി​പ്പി​ക്കു​ക​യും, അവരോ​ടൊ​പ്പം ആരാധി​ക്കു​ക​യും, അവർക്കു വിനോ​ദ​ത്തി​നു​വേണ്ടി ക്രമീ​ക​രി​ക്കു​ക​യും ചെയ്‌തു​കൊ​ണ്ടു​തന്നെ. ദൈവ​ഭ​യ​മുള്ള മാതാക്കൾ, തങ്ങളുടെ കുടും​ബ​ങ്ങൾക്കു​വേണ്ടി മുൻകൈ എടുക്കവേ ഭർത്താ​ക്ക​ന്മാ​രു​ടെ ശിരഃ​സ്ഥാ​നത്തെ ആദരി​ച്ചു​കൊ​ണ്ടു വില​യേ​റിയ സഹായ​മാ​യി തെളി​ഞ്ഞി​രി​ക്കു​ന്നു. അനുസ​ര​ണ​യുള്ള കുട്ടികൾ തങ്ങളുടെ മാതാ​പി​താ​ക്കൾക്കും യഹോ​വ​യാം ദൈവ​ത്തി​നും സന്തോഷം കൈവ​രു​ത്തി. വാസ്‌ത​വ​മാ​യും, ബൈബിൾ കാലങ്ങ​ളി​ലെ ദൈവ​ഭ​യ​മുള്ള കുടും​ബം നമ്മുടെ നാളി​ലേക്ക്‌ ഉത്‌ക്കൃ​ഷ്ട​മായ ഒരു മാതൃ​ക​യാ​യി​രു​ന്നു.

[അടിക്കു​റിപ്പ്‌]

[23-ാം പേജിലെ ചിത്രം]

ബൈബിൾ കാലങ്ങ​ളിൽ യഹോ​വയെ ആരാധിച്ച കുടും​ബ​ങ്ങ​ളെ​പ്പോ​ലെ നിങ്ങളു​ടെ കുടും​ബ​ത്തി​നും സന്തുഷ്ട​മാ​യി​രി​ക്കാൻ കഴിയും