യഹൂദ കലണ്ടർ എത്ര കൃത്യ​ത​യു​ള്ള​താണ്‌?

യഹൂദ കലണ്ടർ പ്രകാരം യഹൂദ പുതു​വ​ത്‌സര ആഘോ​ഷ​ദി​നം 1993 സെപ്‌റ​റം​ബർ 16 വ്യാഴാ​ഴ്‌ച​യാ​യി​രു​ന്നു. അപ്പോൾ പുതു​വ​ത്‌സ​ര​പ്പി​റ​വി​യെ പ്രഘോ​ഷി​ക്കുന്ന പാരമ്പ​ര്യ​മ​നു​സ​രി​ച്ചുള്ള ഷോഫാർ അഥവാ മുട്ടനാ​ടിൻകൊ​മ്പു​കൊ​ണ്ടുള്ള കാഹളം മുഴക്കി. ആ വർഷം (യഹൂദ കലണ്ടർ അനുസ​രിച്ച്‌) 5754 ആണ്‌. അത്‌ 1993 സെപ്‌റ​റം​ബർ 16 മുതൽ 1994 സെപ്‌റ​റം​ബർ 5 വരെയാണ്‌.

യഹൂദ​രു​ടെ കാലക്ക​ണ​ക്കും ഇപ്പോൾ സർവസാ​ധാ​ര​ണ​മാ​യി ഉപയോ​ഗ​ത്തി​ലി​രി​ക്കുന്ന പാശ്ചാത്യ കലണ്ടർ അഥവാ ഗ്രി​ഗോ​റി​യൻ കലണ്ടറും തമ്മിൽ ഒററ നോട്ട​ത്തിൽത്തന്നെ 3,760 വർഷങ്ങ​ളു​ടെ വ്യത്യാ​സ​മുണ്ട്‌. എന്തു​കൊ​ണ്ടാണ്‌ ഈ വ്യത്യാ​സം? യഹൂദ കലണ്ടർ എത്ര കൃത്യ​മാണ്‌?

ആരംഭം നിശ്ചയി​ക്കൽ

സമയം കണക്കാ​ക്കുന്ന ഏതൊരു സമ്പ്രദാ​യ​ത്തി​നും ഒരു നിശ്ചിത ആരംഭം അഥവാ ഒത്തു​നോ​ക്കാ​നുള്ള എന്തെങ്കി​ലും ഉണ്ടായി​രി​ക്കണം. ഉദാഹ​ര​ണ​ത്തിന്‌, യേശു ജനിച്ച​തെന്നു കരുത​പ്പെ​ടുന്ന വർഷം മുതലാണ്‌ ക്രൈ​സ്‌ത​വ​ലോ​കം സമയം കണക്കാ​ക്കു​ന്നത്‌. അന്നുമു​ത​ലുള്ള തീയതി​കൾ ക്രിസ്‌താ​ബ്ദ​ത്തിൽ ഉള്ളവയാ​യി പറയുന്നു. പലപ്പോ​ഴും അവയെ എ.ഡി (A.D.) എന്നീ അക്ഷരങ്ങൾകൊ​ണ്ടു സൂചി​പ്പി​ക്കു​ന്നു. അവ “കർത്താ​വി​ന്റെ വർഷത്തിൽ” എന്ന്‌ അർഥമുള്ള ലത്തീൻ പ്രയോ​ഗ​മായ ആനോ ദോമി​നി (anno Domini)-യിൽനിന്നാണു വരുന്നത്‌. അതിനു മുമ്പുള്ള തീയതി​കൾ “ക്രിസ്‌തു​വി​നു മുമ്പ്‌” (Before Christ) എന്ന്‌ അർഥമുള്ള ബി.സി. (B.C.) എന്ന്‌ അടയാ​ള​പ്പെ​ടു​ത്തു​ന്നു.a അതു​പോ​ലെ, പരമ്പരാ​ഗത ചൈനാ​ക്കാർ പൊ.യു.മു. (പൊതു​യു​ഗ​ത്തി​നു​മുമ്പ്‌) 2698 മുതലാണ്‌ സമയം കണക്കാ​ക്കു​ന്നത്‌. അന്നാണ്‌ മഞ്ഞനി​റ​ക്കാ​ര​നായ ഐതി​ഹാ​സിക ചക്രവർത്തി​യായ ഹുവാങ്‌-ഡീയുടെ ഭരണം ആരംഭി​ച്ചത്‌. അങ്ങനെ, 1994 ഫെബ്രു​വരി 10-നു 4692 എന്ന ചൈനീസ്‌ ചാന്ദ്രിക വർഷം ആരംഭി​ച്ചു. അപ്പോൾ, യഹൂദ കലണ്ടറോ?

ദ ജ്യൂയിഷ്‌ എൻ​സൈ​ക്ലോ​പീ​ഡിയ പ്രസ്‌താ​വി​ക്കു​ന്നു: “ഒരു സംഭവ​ത്തി​ന്റെ തീയതി രേഖ​പ്പെ​ടു​ത്താൻ ലോക​ത്തി​ന്റെ സൃഷ്ടി മുതൽ അതുവരെ പിന്നി​ട്ടി​രി​ക്കുന്ന വർഷങ്ങ​ളു​ടെ എണ്ണം പ്രസ്‌താ​വി​ക്കുക എന്നതാണ്‌ ഇന്നു യഹൂദൻമാ​രു​ടെ​യി​ട​യി​ലുള്ള സാധാരണ രീതി.” യഹൂദ​രു​ടെ ഇടയിൽ സൃഷ്ടി​വർഷം എന്ന്‌ അറിയ​പ്പെ​ടുന്ന ഈ സമ്പ്രദാ​യം പൊ.യു. ഒൻപതാം നൂററാ​ണ്ടോ​ടു​കൂ​ടി​യാ​ണു പ്രചാ​ര​ത്തിൽ വന്നത്‌. അങ്ങനെ, യഹൂദ തീയതി​ക​ളു​ടെ മുമ്പിൽ സാധാ​ര​ണ​മാ​യി എ.എം (A.M.) എന്ന്‌ ഉണ്ടായി​രി​ക്കും. ഈ അക്ഷരങ്ങൾ “ലോക​ത്തി​ന്റെ സൃഷ്ടി മുതൽ” എന്ന്‌ അർഥമുള്ള അബ്‌ ക്രെ​യോ​റ​റി​യോ​നെ മന്തി എന്നതിന്റെ ഹ്രസ്വ രൂപമായ ആനോ മന്തിയെ (anno mundi) സൂചി​പ്പി​ക്കു​ന്നു. ഇപ്പോ​ഴത്തെ വർഷം എ.എം. 5754 ആയതു​കൊണ്ട്‌, സമയക്ക​ണ​ക്കി​ന്റെ ഈ സമ്പ്രദാ​യ​മ​നു​സ​രിച്ച്‌ “ലോക​ത്തി​ന്റെ സൃഷ്ടി” 5,753 വർഷങ്ങൾക്കു​മു​മ്പു നടന്നതാ​യി കരുത​പ്പെ​ടു​ന്നു. അതു നിർണ​യി​ക്കു​ന്ന​തെ​ങ്ങ​നെ​യെന്നു നോക്കാം.

“സൃഷ്ടി​വർഷം”

എൻ​സൈ​ക്ലോ​പീ​ഡിയ ജൂഡാ​യിക്ക (1971) ഈ വിശദീ​ക​രണം നൽകുന്നു: “റബ്ബിമാ​രു​ടെ വിവിധ കണക്കു​കൂ​ട്ട​ലു​ക​ളിൽ ‘സൃഷ്ടി​വർഷം’ ആരംഭി​ച്ചത്‌ പൊ.യു.മു. 3762-നും 3758-നും ഇടയി​ലുള്ള വർഷങ്ങ​ളി​ലെ ഒരു ശരത്‌കാ​ല​ത്താണ്‌. എന്നിരു​ന്നാ​ലും, പൊ.യു.മു. 3761-ൽ (കൃത്യ​മാ​യി​പ്പ​റ​ഞ്ഞാൽ, ആ വർഷം ഒക്‌ടോ​ബർ 7-ന്‌) ‘സൃഷ്ടി​വർഷം’ ആരംഭി​ച്ച​താ​യി പൊ.യു. 12-ാം നൂററാ​ണ്ടു മുതൽ കരുതി​പ്പോ​ന്നു. ഒരേ കാലത്തു സംഭവി​ച്ച​താ​യി ബൈബി​ളി​ലും ബൈബി​ളി​നു പുറത്തുള്ള യഹൂദ സാഹി​ത്യ​ങ്ങ​ളി​ലും കാണുന്ന വിവര​ങ്ങളെ അടിസ്ഥാ​ന​പ്പെ​ടു​ത്തി​യു​ള്ള​താണ്‌ ഈ കണക്ക്‌.”

“ലോക​ത്തി​ന്റെ സൃഷ്ടി” മുതൽ തീയതി കണക്കാ​ക്കുന്ന സമ്പ്രദാ​യം അടിസ്ഥാ​ന​പ​ര​മാ​യി അധിഷ്‌ഠി​ത​മാ​യി​രി​ക്കു​ന്നത്‌ റബ്ബിമാർ എപ്രകാരം ബൈബിൾസം​ഭ​വ​ങ്ങളെ വ്യാഖ്യാ​നി​ക്കു​ന്നു എന്നതി​ലാണ്‌. ലോക​വും അതിലുള്ള സമസ്‌ത​വും 24 മണിക്കൂർ ദൈർഘ്യ​മുള്ള ആറ്‌ അക്ഷരീയ ദിവസ​ങ്ങൾകൊ​ണ്ടാ​ണു സൃഷ്ടി​ക്ക​പ്പെ​ട്ട​തെന്ന്‌ അവർ വിശ്വ​സി​ക്കു​ന്നു. അതു​കൊണ്ട്‌, റബ്ബിമാ​രു​ടെ ഇടയി​ലെ​യും ക്രൈ​സ്‌ത​വ​ലോ​ക​ത്തി​ലെ​യും പണ്ഡിതൻമാർ കരുതു​ന്നത്‌ ആദ്യ മനുഷ്യ​നായ ആദാമി​ന്റെ സൃഷ്ടി നടന്നത്‌ ലോക​ത്തി​ന്റെ സൃഷ്ടി നടന്ന അതേ വർഷത്തിൽത്ത​ന്നെ​യാണ്‌ എന്നാണ്‌. പക്ഷേ, ഇതിനു വസ്‌തു​ത​യു​മാ​യി ഒരു ബന്ധവു​മില്ല.

ഉത്‌പ​ത്തി​യു​ടെ ഒന്നാം അധ്യായം ആരംഭി​ക്കു​ന്നത്‌ ഇങ്ങനെ പ്രസ്‌താ​വി​ച്ചു​കൊ​ണ്ടാണ്‌: “ആദിയിൽ ദൈവം ആകാശ​വും ഭൂമി​യും സൃഷ്ടിച്ചു.” അതിനു​ശേ​ഷ​മാണ്‌, “പാഴാ​യും ശൂന്യ​മാ​യു”മിരുന്ന അവസ്ഥയിൽനി​ന്നു തുടർച്ച​യായ ആറു “ദിവസങ്ങൾ”കൊണ്ട്‌ ദൈവം ഭൂമിയെ മനുഷ്യർക്കു വാസ​യോ​ഗ്യ​മായ ഒരു സ്ഥലമാക്കി രൂപാ​ന്ത​ര​പ്പെ​ടു​ത്തു​ന്ന​താ​യി വർണി​ക്കു​ന്നത്‌. (ഉല്‌പത്തി 1:1, 2) ഈ രണ്ടു ഘട്ടങ്ങൾക്കി​ട​യിൽ ദശലക്ഷ​ക്ക​ണ​ക്കി​നു വർഷങ്ങൾ കഴിഞ്ഞി​ട്ടു​ണ്ടാ​കണം. തന്നെയു​മല്ല, സ്രഷ്ടാ​വി​ന്റെ പ്രവർത്ത​നങ്ങൾ അത്തരം പരിമി​തി​ക​ളാൽ ബന്ധിത​മാണ്‌ എന്നു തോന്നു​മാറ്‌, സൃഷ്ടി​ദി​വ​സ​ങ്ങൾക്ക്‌ 24 മണിക്കൂ​റി​ന്റെ ദൈർഘ്യ​വു​മല്ല ഉണ്ടായി​രു​ന്നത്‌. ഈ സന്ദർഭ​ത്തിൽ ഉപയോ​ഗി​ച്ചി​രി​ക്കുന്ന ഒരു “ദിവസം” 24 മണിക്കൂ​റി​നെ​ക്കാൾ ദൈർഘ്യ​മു​ള്ള​താ​ണെന്ന്‌ ഉല്‌പത്തി 2:4 സൂചി​പ്പി​ക്കു​ന്നു. സകല സൃഷ്ടി​പ്പിൻ ഘട്ടങ്ങ​ളെ​യും ഒരുമിച്ച്‌ അവിടെ ഒരു “ദിവസ”മായി പറയുന്നു. ഒന്നാമത്തെ സൃഷ്ടി​ദി​വ​സ​ത്തി​നും ആദാമി​ന്റെ സൃഷ്ടി നടന്ന ആറാമത്തെ ദിവസ​ത്തി​നും ഇടയിൽ ആയിര​ക്ക​ണ​ക്കി​നു വർഷങ്ങൾ പിന്നി​ട്ടി​ട്ടുണ്ട്‌. ഭൗതിക ആകാശ​വും ഭൂമി​യും സൃഷ്ടി​ക്ക​പ്പെട്ട അതേസ​മ​യ​ത്തു​ത​ന്നെ​യാണ്‌ ആദാമി​ന്റെ സൃഷ്ടി​യും നടന്നത്‌ എന്നു കണക്കാ​ക്കി​യാൽ അതു തിരു​വെ​ഴു​ത്തു​പ​ര​വു​മല്ല, ശാസ്‌ത്രീ​യ​വു​മല്ല. ഇനി, “സൃഷ്ടി​വർഷം” പൊ.യു.മു. 3761-ൽ തുടങ്ങി എന്നു നിശ്ചയി​ച്ചത്‌ എങ്ങനെ​യാണ്‌?

കാലഗ​ണ​ന​യു​ടെ അടിസ്ഥാ​നം

ദൗർഭാ​ഗ്യ​ക​ര​മെ​ന്നു​പ​റ​യട്ടെ, പ്രസ്‌തുത കണക്കു​കൂ​ട്ട​ലു​കൾക്ക്‌ അടിസ്ഥാ​ന​മാ​യി​രുന്ന മിക്ക യഹൂദ സാഹി​ത്യ​ങ്ങ​ളും ഇന്നു നിലവി​ലില്ല. ആകെക്കൂ​ടി​യു​ള്ളത്‌ പൊ.യു. രണ്ടാം നൂററാ​ണ്ടി​ലെ തൽമൂദ്‌ പണ്ഡിത​നായ യോസേ ബെൻ ഹാലാ​ഫ്‌താ രചിച്ച​തെന്നു കരുത​പ്പെ​ടുന്ന ഒരു കാലഗ​ണനാ കൃതി​യായ സെയ്‌ദർ ഒലാം (ലോക​ത്തി​ന്റെ ക്രമം) ആണ്‌. അങ്ങനെ​യാ​യി​രു​ന്നു അതിന്റെ ആദ്യകാല പേർ. (സെയ്‌ദർ ഒലാം സൂററ എന്ന പേരി​ലുള്ള മധ്യകാല വൃത്താ​ന്ത​ത്തിൽനി​ന്നു വേർതി​രി​ച്ച​റി​യാ​നാ​യി പിൽക്കാ​ലത്ത്‌ സെയ്‌ദർ ഒലാം റബ്ബാ എന്നു വിളി​ക്ക​പ്പെട്ട) ഈ കൃതി ആദാം മുതൽ വ്യാജ മിശി​ഹാ​യാ​യി​രുന്ന ബാർ കോഖ്‌ബാ​യു​ടെ കീഴിൽ യഹൂദർ റോമി​നെ​തി​രെ പൊ.യു. രണ്ടാം നൂററാ​ണ്ടിൽ നടത്തിയ പ്രക്ഷോ​ഭം​വരെ കാലഗണന പ്രകാ​ര​മുള്ള ചരിത്രം പ്രദാനം ചെയ്യുന്നു. രചയി​താ​വിന്‌ അത്തരം വിവരങ്ങൾ എങ്ങനെ​യാ​ണു ലഭിച്ചത്‌?

യോസേ ബെൻ ഹാലാ​ഫ്‌താ ബൈബിൾ വിവരണം പിൻപ​റ​റാൻ ശ്രമി​ക്കവേ, തീയതി​കളെ കുറിച്ചു സന്ദിഗ്‌ധാ​വ​സ്ഥ​യു​ള്ളി​ട​ങ്ങ​ളിൽ അദ്ദേഹം സ്വന്തമായ വ്യാഖ്യാ​നങ്ങൾ നടത്തി. “പല സംഗതി​കൾക്കും . . . അദ്ദേഹം പാരമ്പ​ര്യ​മ​നു​സ​രി​ച്ചുള്ള തീയതി​കൾ കൊടു​ത്തു. അതിലു​പരി, അദ്ദേഹം മുൻകാല റബ്ബിമാ​രു​ടെ​യും അദ്ദേഹ​ത്തി​ന്റെ സമകാ​ലീ​ക​രു​ടെ​യും വചനങ്ങ​ളും ഹാലാ​ക്കൊ​ട്ടും [പാരമ്പ​ര്യ​ങ്ങ​ളും] അതിൽ തിരു​കി​ക്ക​യ​ററി” എന്ന്‌ ദ ജ്യൂയിഷ്‌ എൻ​സൈ​ക്ലോ​പീ​ഡിയ പറയുന്നു. മററു ചിലർ ഇത്ര​പോ​ലും ദയ കാട്ടി​യില്ല. യഹൂദ​വി​ജ്ഞാ​ന​കോ​ശം [ഇംഗ്ലീഷ്‌] ഉറപ്പോ​ടെ പ്രസ്‌താ​വി​ക്കു​ന്നു: “സൃഷ്ടി​വർഷം മുതൽ കണക്കു​കൂ​ട്ടിയ അദ്ദേഹം, അതിൻപ്ര​കാ​രം ആദാമി​ന്റെ കാലം​തൊട്ട്‌ മഹാനായ അലക്‌സാ​ണ്ട​റു​ടെ കാലം​വരെ സംഭവി​ച്ച​തെന്നു കരുതുന്ന വിവിധ യഹൂദ​സം​ഭ​വ​ങ്ങൾക്ക്‌ ഉറപ്പായ തെളി​വൊ​ന്നു​മി​ല്ലാ​തെ കെട്ടി​ച്ചമച്ച തീയതി​കൾ കൊടു​ത്തു.” എന്നാൽ, അത്തരം വ്യാഖ്യാ​ന​ങ്ങ​ളും തിരു​കി​ക്ക​യ​റ​റ​ലു​ക​ളും യഹൂദ കാലഗ​ണ​ന​യു​ടെ കൃത്യ​ത​യെ​യും ആധികാ​രി​ക​ത​യെ​യും എങ്ങനെ ബാധിച്ചു? നമുക്കു നോക്കാം.

പാരമ്പ​ര്യ​ങ്ങ​ളും വ്യാഖ്യാ​ന​ങ്ങ​ളും

റബ്ബിമാ​രു​ടെ പാരമ്പ​ര്യ​ത്തി​നു ചേർച്ച​യിൽ, യെരു​ശ​ലേ​മി​ലെ രണ്ടാമത്തെ ആലയം ആകെ 420 വർഷം നിലനി​ന്ന​താ​യി യോസേ ബെൻ ഹാലാ​ഫ്‌താ കണക്കു​കൂ​ട്ടി. ഇതാകട്ടെ, ദാനി​യേൽ പ്രവച​ന​ത്തി​ലെ “എഴുപതു ആഴ്‌ചവട്ട”ത്തെ അഥവാ 490 വർഷങ്ങളെ സംബന്ധി​ച്ചുള്ള റബ്ബിമാ​രു​ടെ വ്യാഖ്യാ​നത്തെ അടിസ്ഥാ​ന​പ്പെ​ടു​ത്തി​യാ​യി​രു​ന്നു. (ദാനീ​യേൽ 9:24) ആദ്യത്തെ ആലയത്തി​ന്റെ നാശത്തി​നും രണ്ടാമ​ത്തേ​തി​ന്റെ ശൂന്യ​മാ​ക്ക​ലി​നും ഇടയി​ലുള്ള ഇടവേ​ള​യാ​യി ഈ കാലഘ​ട്ടത്തെ കരുതി. ബാബി​ലോ​ന്യ പ്രവാ​സ​ത്തി​നുള്ള 70 വർഷം കണക്കി​ലെ​ടു​ത്തു​കൊണ്ട്‌, രണ്ടാമത്തെ ആലയം 420 വർഷം നിലനി​ന്നു എന്ന അനുമാ​ന​ത്തിൽ യോസേ ബെൻ ഹാലാ​ഫ്‌താ എത്തി​ച്ചേർന്നത്‌ അങ്ങനെ​യാണ്‌.

എന്നിരു​ന്നാ​ലും, ഈ വ്യാഖ്യാ​ന​ത്തി​നു കാര്യ​മായ തകരാ​റുണ്ട്‌. ബാബി​ലോ​നി​ന്റെ പതനം സംഭവിച്ച വർഷവും (പൊ.യു.മു. 539) രണ്ടാമത്തെ ആലയത്തി​ന്റെ നാശം സംഭവിച്ച വർഷവും (പൊ.യു. 70) അറിയ​പ്പെ​ടുന്ന ചരിത്ര തീയതികളാണ്‌. അതു​കൊണ്ട്‌, രണ്ടാമത്തെ ആലയത്തി​ന്റെ ആയുസ്സ്‌ 420 വർഷമാ​യി​രി​ക്കില്ല, 606 വർഷമാ​യി​രി​ക്കണം. 420 വർഷം മാത്രം എന്നു പറയു​ക​വഴി യഹൂദ കാലഗണന 186 വർഷങ്ങ​ളാണ്‌ വിട്ടു​ക​ള​ഞ്ഞത്‌.

യെരു​ശ​ലേ​മി​ലെ ദേവാ​ലയം എത്ര നാൾ നിലനിൽക്കും എന്നതിനെ സംബന്ധി​ക്കു​ന്നതല്ല ദാനി​യേൽ പ്രവചനം. മറിച്ച്‌, അതു മിശിഹാ എപ്പോൾ വരു​മെന്നു മൂൻകൂ​ട്ടി​പ്പ​റ​യു​ക​യാണ്‌ ചെയ്‌തത്‌. “യെരു​ശ​ലേ​മി​നെ യഥാസ്ഥാ​ന​പ്പെ​ടു​ത്തി പുനർനിർമി​ക്കാ​നുള്ള കൽപ്പന പുറ​പ്പെ​ടു​ന്നതു മുതൽ നായക​നായ മിശി​ഹാ​വരെ ഏഴ്‌ ആഴ്‌ച​ക​ളും അറുപ​ത്തി​രണ്ട്‌ ആഴ്‌ച​ക​ളും [ഉണ്ടായി​രി​ക്കും].” (ദാനി​യേൽ 9:25, 26, NW) യഹൂദൻമാർ പ്രവാ​സ​ത്തിൽനി​ന്നു മടങ്ങി​വ​ന്ന​തി​ന്റെ രണ്ടാം വർഷം (പൊ.യു.മു. 536) ആലയത്തി​നു തറക്കല്ലി​ട്ടു. എങ്കിലും, ‘അർത്ഥഹ്‌ശ​ഷ്ടാ​രാ​ജാ​വി​ന്റെ ഇരുപ​താം ആണ്ടു’വരെ യെരു​ശ​ലേം നഗരത്തെ പുതു​ക്കി​പ്പ​ണി​യാ​നുള്ള “കല്‌പന” ലഭിച്ചില്ല. (നെഹെ​മ്യാ​വു 2:1-8) അതു സംഭവി​ച്ചത്‌ പൊ.യു.മു. 455 എന്ന വർഷത്തി​ലാ​യി​രു​ന്നു എന്നു കൃത്യ​മായ ലൗകിക ചരിത്രം സാക്ഷ്യ​പ്പെ​ടു​ത്തു​ന്നു. അവി​ടെ​നിന്ന്‌ 69 “ആഴ്‌ചകൾ” അഥവാ 483 വർഷങ്ങൾ മുന്നോട്ട്‌ എണ്ണിയാൽ നാം പൊ.യു. 29-ൽ എത്തും. യേശു സ്‌നാ​പ​ന​മേ​ററ്‌ മിശി​ഹാ​യാ​യി രംഗ​പ്ര​വേശം നടത്തി​യത്‌ ആ വർഷമാ​യി​രു​ന്നു.b

അബ്രഹാ​മി​ന്റെ ജനനസ​മയം സംബന്ധി​ച്ചു റബ്ബിമാർ നടത്തിയ വ്യാഖ്യാ​ന​വും യഹൂദ കാലഗ​ണ​ന​യി​ലെ ഒരു വൻ പാളി​ച്ചക്കു കാരണ​മാ​യി. ഉല്‌പത്തി 11:10-26-ൽ ഒന്നിനു പിറകെ ഒന്നായി രേഖ​പ്പെ​ടു​ത്തി​യി​രി​ക്കുന്ന തലമു​റ​ക​ളു​ടെ വർഷങ്ങൾ കൂട്ടി​നോ​ക്കിയ റബ്ബിമാർ പ്രളയം മുതൽ അബ്രഹാ​മി​ന്റെ (അബ്രാ​മി​ന്റെ) ജനനം​വരെ 292 വർഷങ്ങ​ളാ​യി കരുതി. എന്നുവ​രി​കി​ലും, 26-ാം വാക്യ​ത്തെ​ക്കു​റി​ച്ചുള്ള റബ്ബിമാ​രു​ടെ വ്യാഖ്യാ​നം എടുക്കു​മ്പോ​ഴാണ്‌ ആകെ പ്രശ്‌ന​മാ​കു​ന്നത്‌. പ്രസ്‌തുത വാക്യം പറയുന്നു: “എഴുപതു വയസ്സെ​ത്തി​യ​തി​നു ശേഷം തേരാ​ഹിന്‌ അബ്രാം, നാഹോർ, ഹാരാൻ എന്നീ പുത്രൻമാർ ജനിച്ചു.” [പി.ഒ.സി. ബൈബിൾ] തേരഹിന്‌ 70 വയസ്സു​ള്ള​പ്പോ​ഴാണ്‌ അബ്രാം ജനിച്ചത്‌ എന്നാണ്‌ യഹൂദ പാരമ്പ​ര്യം ഇതിൽനിന്ന്‌ അനുമാ​നി​ക്കു​ന്നത്‌. പക്ഷേ, തേരഹി​ന്റെ 70-ാമത്തെ വയസ്സി​ലാണ്‌ അബ്രഹാം ജനിച്ചത്‌ എന്നൊ​ന്നും വാക്യം വ്യക്തമാ​ക്കു​ന്നില്ല. അതിനു​പ​കരം, 70 വയസ്സിനു ശേഷമാണ്‌ അദ്ദേഹ​ത്തി​നു മൂന്നു പുത്രൻമാ​രു​ണ്ടാ​യത്‌ എന്നു മാത്രമേ അതു പറയു​ന്നു​ള്ളൂ.

അബ്രഹാം ജനിക്കു​മ്പോൾ തേരഹി​നു കൃത്യ​മാ​യി എത്ര വയസ്സുണ്ട്‌ എന്നറി​യാൻ ബൈബി​ളി​ന്റെ​തന്നെ വിവരണം വായി​ച്ചാൽ മതി. 205 വയസ്സി​ലാ​യി​രു​ന്നു തേരഹി​ന്റെ മരണം എന്നും അതേത്തു​ടർന്ന്‌ യഹോ​വ​യു​ടെ ആജ്ഞപ്ര​കാ​രം അബ്രഹാ​മും കുടും​ബ​വും ഹാരാൻ വിട്ടു​പോ​യി എന്നും നാം ഉല്‌പത്തി 11:32–12:4-ൽ വായി​ക്കു​ന്നു. അന്ന്‌ അബ്രഹാ​മിന്‌ 75 വയസ്സാ​യി​രു​ന്നു. അതു​കൊണ്ട്‌, തേരഹിന്‌ 130 വയസ്സു​ള്ള​പ്പോ​ഴാ​യി​രി​ക്കണം അബ്രഹാം ജനിച്ചത്‌. അങ്ങനെ, പ്രളയം മുതൽ അബ്രഹാ​മി​ന്റെ ജനനം​വരെ 292 വർഷങ്ങളല്ല, 352 വർഷങ്ങ​ളാണ്‌. ഇവിടെ യഹൂദ കാലഗ​ണ​ന​യ്‌ക്കു 60 വർഷത്തി​ന്റെ പിശകു സംഭവി​ച്ചു.

ഒരു മതസ്‌മ​ര​ണി​ക

സെയ്‌ദർ ഒലാം റബ്ബായി​ലും മററു തൽമൂദ്‌ കാലഗ​ണനാ കൃതി​ക​ളി​ലു​മുള്ള അത്തരം തെററു​ക​ളും പാളി​ച്ച​ക​ളും വലിയ അന്ധാളി​പ്പി​നു കാരണ​മാ​യി, പിന്നെ യഹൂദ പണ്ഡിതൻമാർക്കി​ട​യിൽ കുറെ ചർച്ചക​ളും നടന്നു. ഈ കാലഗ​ണ​നയെ അറിയ​പ്പെ​ടുന്ന ചരി​ത്ര​വ​സ്‌തു​ത​ക​ളു​മാ​യി പൊരു​ത്ത​പ്പെ​ടു​ത്താൻ പല ശ്രമങ്ങ​ളു​മു​ണ്ടാ​യി. പക്ഷേ അതൊ​ന്നും പരിപൂർണ വിജയം കണ്ടില്ല. എന്തു​കൊ​ണ്ടു വിജയി​ച്ചില്ല? “അവരുടെ താത്‌പ​ര്യം ശാസ്‌ത്രീ​യം എന്നതി​നെ​ക്കാൾ മതപര​മാ​യി​രു​ന്നു” എന്നാണ്‌ എൻ​സൈ​ക്ലോ​പീ​ഡിയ ജൂഡാ​യി​ക്ക​യു​ടെ അഭി​പ്രാ​യം. “എന്തു വില കൊടു​ത്തും പാരമ്പ​ര്യം നിലനിർത്തണം, വിമത വിഭാ​ഗീ​യ​ചി​ന്ത​ക​രു​ള്ള​പ്പോൾ വിശേ​ഷി​ച്ചും.” പാരമ്പ​ര്യം​കൊണ്ട്‌ ഉളവായ ആശയക്കു​ഴപ്പം നീക്കു​ന്ന​തി​നു​പ​കരം, ബൈബിൾവി​വ​ര​ണങ്ങൾ തെററാ​ണെന്നു സ്ഥാപി​ക്കാ​നാണ്‌ ചില യഹൂദ പണ്ഡിതൻമാർ മുതിർന്നത്‌. മററു​ള്ള​വ​രാ​കട്ടെ, തെളി​വി​നാ​യി പരതി​യത്‌ ബാബി​ലോ​ന്യ, ഈജി​പ്‌ഷ്യൻ, ഹൈന്ദവ ഇതിഹാ​സ​ങ്ങ​ളി​ലും പാരമ്പ​ര്യ​ങ്ങ​ളി​ലു​മൊ​ക്കെ​യാ​യി​രു​ന്നു.

ഇതി​ന്റെ​യെ​ല്ലാം ഫലമായി, “സൃഷ്ടി​വർഷ”ത്തെ വിശ്വാ​സ​യോ​ഗ്യ​മായ ഒരു കാലഗ​ണ​നാ​സ​മ്പ്ര​ദാ​യ​മാ​യി ചരി​ത്ര​കാ​രൻമാർ ഇപ്പോൾ കരുതു​ന്നില്ല. യഹൂദ പണ്ഡിതൻമാർ ആരും​തന്നെ അതിനെ ന്യായീ​ക​രി​ക്കാൻ പാടു​പെ​ടു​ന്നില്ല. ദ ജ്യൂയിഷ്‌ എൻ​സൈ​ക്ലോ​പീ​ഡിയ, എൻ​സൈ​ക്ലോ​പീ​ഡിയ ജൂഡാ​യിക്ക എന്നിവ​പോ​ലുള്ള ആധികാ​രിക പരാമർശ​ഗ്ര​ന്ഥ​ങ്ങൾപോ​ലും ഇതി​നെ​ക്കു​റി​ച്ചു പൊതു​വേ ഒരു നിഷേ​ധാ​ത്‌ക​മായ കാഴ്‌ച​പ്പാ​ടാ​ണു വെച്ചു​പു​ലർത്തു​ന്നത്‌. അതു​കൊണ്ട്‌, യഹോ​വ​യാം ദൈവ​ത്തി​ന്റെ, തെളി​വാ​യി​ക്കൊ​ണ്ടി​രി​ക്കുന്ന പ്രാവ​ച​നിക സമയപ്പ​ട്ടി​ക​യായ ബൈബിൾകാ​ല​ഗ​ണ​ന​യു​ടെ കാഴ്‌ച​പ്പാ​ടിൽനി​ന്നു നോക്കു​മ്പോൾ ലോക​ത്തി​ന്റെ സൃഷ്ടി മുതൽ സമയം കണക്കാ​ക്കുന്ന പരമ്പരാ​ഗ​ത​മായ യഹൂദ സമ്പ്രദാ​യത്തെ കൃത്യ​ത​യു​ള്ള​താ​യി വീക്ഷി​ക്കാ​നാ​വില്ല.

[അടിക്കു​റി​പ്പു​കൾ]