‘ഭൂമിയെ കീഴട​ക്കാ​നുള്ള’ ദൈവ​ത്തി​ന്റെ കല്‌പന അതിനെ നശിപ്പി​ക്കാ​നുള്ള ലൈസൻസാ​യി​രു​ന്നില്ല, എന്നാൽ അത്‌ ഒരു ഗൃഹവി​ചാ​ര​ക​പ​ദവി, ഭൂമിയെ പരിപാ​ലി​ക്കാ​നും അതിൽ കൃഷി​ന​ട​ത്താ​നു​മുള്ള ഒരു ഉത്തരവാ​ദി​ത്തം, ഏൽപ്പി​ച്ചു​കൊ​ടു​ക്കു​ക​യാ​യി​രു​ന്നു. ഏതായാ​ലും, ‘ഭൂമിയെ കീഴട​ക്കാൻ’ മനുഷ്യ​വർഗ്ഗ​ത്തോ​ടു കല്‌പി​ച്ച​തി​നാൽ നാം ഒരു മലിനീ​കൃ​ത​ചെ​ളി​ക്കു​ണ്ടാ​യി അതിനെ മാററാൻ ദൈവം ഉദ്ദേശി​ച്ചി​രു​ന്നെ​ങ്കിൽ—ഇപ്പോൾ സത്വരം അത്‌ അങ്ങനെ​യാ​യി​ക്കൊ​ണ്ടി​രി​ക്കു​ക​യാണ്‌—അവൻ ഒരു മാതൃ​ക​യാ​യി ഉപയോ​ഗി​ക്കാൻ ആദാമി​നും ഹവ്വായി​ക്കും ഒരു ഏദൻപ​റു​ദീ​സാ പ്രദാനം ചെയ്‌ത​തെ​ന്തു​കൊണ്ട്‌? “അതിൽ കൃഷി​ചെ​യ്യാ​നും അതിനെ പരിപാ​ലി​ക്കാ​നും” ഒടുവിൽ ഈ മാതൃ​കാ​തോ​ട്ട​ത്തി​നു പുറത്തു വളരുന്ന “മുള്ളു​ക​ളെ​യും പറക്കാ​ര​ക​ളെ​യും” കീഴടക്കി അതിരു​കൾ വ്യാപി​പ്പി​ക്കാ​നും ദൈവം മനുഷ്യ​നോ​ടു പറഞ്ഞ​തെ​ന്തു​കൊണ്ട്‌?—ഉല്‌പത്തി 2:15; 3:18.

ഏതാണ്ട്‌ 6,000 വർഷം മുമ്പ്‌ ഏദനിൽവെച്ച്‌ ഏർപ്പെ​ടു​ത്തിയ ഗൃഹവി​ചാ​ര​ക​ത്വം ലുപ്‌ത​മാ​യി​പ്പോ​യില്ല. സ്രഷ്ടാ​വി​നെ ബഹുമാ​നി​ക്കുന്ന ഏവനും ഇന്ന്‌ പരിസ്ഥി​തി​യെ അശ്രദ്ധ​മാ​യി ദുഷി​പ്പി​ക്കു​ന്ന​തി​നു പകരം അവന്റെ ക്രിയ​കളെ ബഹുമാ​നി​ക്കു​ന്ന​തി​നാൽ അതു പ്രകട​മാ​ക്കാൻ കഴിയും. സമു​ദ്ര​ങ്ങളെ ശുദ്ധമാ​യി സൂക്ഷി​ക്കാൻ നമ്മി​ലോ​രോ​രു​ത്തർക്കും സഹായി​ക്കാൻ കഴിയും. (താഴെ കാണുക.) എന്നാൽ സങ്കടക​ര​മെന്നു പറയട്ടെ, ഭൂമി​യു​ടെ മലിനീ​ക​ര​ണ​ത്തിന്‌ യാതൊ​രു കാരണ​വും ഉണ്ടാക്കാ​നാ​ഗ്ര​ഹി​ക്കാത്ത ഒരുവൻ മരുഭൂ​മി​യിൽ ഏകാന്ത​വാ​സം നയിക്കുന്ന ഒരു മുനി​യാ​യി​ത്തീ​രേ​ണ്ടി​യി​രി​ക്കുന്ന വിധത്തി​ലാണ്‌ ഈ ലോക​വ്യ​വ​സ്ഥി​തി സ്ഥാപി​ക്ക​പ്പെ​ട്ടി​രി​ക്കു​ന്നത്‌. യേശു​വി​ന്റെ അനുകാ​രി​കൾക്ക്‌ അങ്ങനെ​യൊ​ന്നി​നെ തെര​ഞ്ഞെ​ടു​ക്കാ​വു​ന്നതല്ല; അവരുടെ ശുശ്രൂഷ അതനു​വ​ദി​ക്കു​ന്നില്ല.—മത്തായി 28:19, 20.