താൻ സ്‌നേ​ഹി​ക്കു​ന്ന​വർക്കു യഹോവ ശിക്ഷണം കൊടു​ക്കും. (എബ്രായർ 12:5, 6) യഹോവ മിര്യാ​മി​നെ അത്രമേൽ സ്‌നേ​ഹി​ച്ചി​രു​ന്ന​തു​കൊണ്ട്‌ അവളുടെ അഹങ്കാരം തിരു​ത്താ​തെ വിടാൻ യഹോ​വ​യ്‌ക്കാ​യില്ല. അൽപ്പം വേദനി​ച്ചെ​ങ്കി​ലും ആ തിരുത്തൽ അവളെ രക്ഷിച്ചു. വിശ്വാ​സ​ത്തോ​ടെ അതു സ്വീക​രി​ച്ച​തു​കൊണ്ട്‌ അവൾക്കു വീണ്ടും യഹോ​വ​യു​ടെ പ്രീതി ലഭിച്ചു. വിജന​ഭൂ​മി​യി​ലെ പ്രവാ​സ​കാ​ലം ഏതാണ്ട്‌ അവസാ​നി​ക്കു​ന്ന​തു​വരെ അവൾ ജീവി​ച്ചി​രു​ന്നു. സീൻ വിജന​ഭൂ​മി​യി​ലെ കാദേ​ശിൽവെച്ച്‌ മിര്യാം മരിക്കു​മ്പോൾ സാധ്യ​ത​യ​നു​സ​രിച്ച്‌ അവൾക്കു 130-വയസ്സിനോട്‌b അടുത്ത്‌ പ്രായ​മു​ണ്ടാ​യി​രു​ന്നു. (സംഖ്യ 20:1) നൂറ്റാ​ണ്ടു​കൾക്കി​പ്പു​റം, യഹോവ മിര്യാ​മി​ന്റെ വിശ്വസ്‌ത സേവനത്തെ സ്‌നേ​ഹ​ത്തോ​ടെ ഓർക്കു​ക​യും ആദരി​ക്കു​ക​യും ചെയ്‌തു. മീഖ പ്രവാ​ച​ക​നി​ലൂ​ടെ യഹോവ തന്റെ ജനത്തെ ഇങ്ങനെ ഓർമി​പ്പി​ച്ചു: “അടിമ​വീ​ട്ടിൽനിന്ന്‌ ഞാൻ നിങ്ങളെ മോചി​പ്പി​ച്ചു; നിങ്ങളു​ടെ മുന്നിൽ മോശ​യെ​യും അഹരോ​നെ​യും മിര്യാ​മി​നെ​യും അയച്ചു.”—മീഖ 6:4.