കുടുംബ പരിപാ​ല​ന​ത്തി​ന്റെ ഉത്തരവാ​ദി​ത്വം വഹിക്കൽ

“പിതാ​ക്കൻമാ​രേ, നിങ്ങളു​ടെ മക്കളെ പ്രകോ​പി​പ്പി​ക്കാ​തെ അവരെ യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌ക​ര​ണ​ത്തി​ലും വളർത്തി​ക്കൊ​ണ്ടു വരുവിൻ.” (എഫെസ്യർ 6:4, NW) ആ നിശ്വസ്‌ത വാക്കു​ക​ളി​ലൂ​ടെ പൗലൊസ്‌ അപ്പോ​സ്‌തലൻ കുടുംബ പരിപാ​ല​ന​ത്തി​ന്റെ ഉത്തരവാ​ദി​ത്വം അത്‌ ആയിരി​ക്കേ​ണ്ടി​ടത്ത്‌ വ്യക്തമാ​യി പ്രതി​ഷ്‌ഠി​ച്ചു—പിതാ​വി​ന്റെ ചുമലിൽ.

മിക്ക കുടും​ബ​ങ്ങ​ളി​ലും കുട്ടി​ക്കു​വേണ്ടി കരുതു​ന്ന​തിൽ പിതാവു തനിച്ചല്ല. അദ്ദേഹ​ത്തി​ന്റെ ഭാര്യ​യും—അദ്ദേഹ​ത്തി​ന്റെ കുട്ടി​ക​ളു​ടെ അമ്മ—ആ ചുമട്‌ സന്തോ​ഷ​പൂർവം പങ്കു​വെ​ക്കു​ന്നു. അതു​കൊണ്ട്‌ ശലോ​മോൻ രാജാവ്‌ ഇങ്ങനെ പ്രഖ്യാ​പി​ച്ചു: “മകനേ, അപ്പന്റെ പ്രബോ​ധനം കേൾക്ക. അമ്മയുടെ ഉപദേശം ഉപേക്ഷി​ക്ക​യു​മ​രു​തു.”—സദൃശ​വാ​ക്യ​ങ്ങൾ 1:8.

ഭൗതി​ക​വും ആത്മീയ​വു​മായ പരിപാ​ല​നം

തങ്ങളുടെ മക്കളെ സ്‌നേ​ഹി​ക്കുന്ന മാതാ​പി​താ​ക്കൾ അവരെ ഒരിക്ക​ലും മനപ്പൂർവം അവഗണി​ക്കില്ല. തീർച്ച​യാ​യും, ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം അപ്രകാ​രം ചെയ്യു​ന്നത്‌ വിശ്വാ​സം ത്യജി​ക്കു​ന്ന​തി​നു തുല്യ​മാ​യി​രി​ക്കും. തിമൊ​ഥെ​യൊ​സി​നുള്ള പൗലൊ​സി​ന്റെ വാക്കു​ക​ളിൽനി​ന്നു നാം ആ നിഗമ​ന​ത്തി​ലാണ്‌ എത്തി​ച്ചേ​രു​ന്നത്‌. അവൻ പറഞ്ഞു: “തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.” (1 തിമൊ​ഥെ​യൊസ്‌ 5:8) മക്കളെ “യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌ക​ര​ണ​ത്തി​ലും” വളർത്തു​ന്ന​തിൽ അവർക്കു വേണ്ടി ഭൗതി​ക​മാ​യി കരുതു​ന്ന​തി​ലും അധികം ഉൾപ്പെ​ട്ടി​രി​ക്കു​ന്നു എന്ന്‌ ക്രിസ്‌ത്യാ​നി​കൾ തിരി​ച്ച​റി​യു​ന്നു.

ഇസ്രാ​യേൽ ജനത വാഗ്‌ദത്ത ദേശത്തു പ്രവേ​ശി​ക്കു​ന്ന​തി​നു തൊട്ടു​മുമ്പ്‌ അവർ മോവാബ്‌ സമഭൂ​മി​യിൽ പാളയ​മ​ടി​ച്ചി​രു​ന്ന​പ്പോൾ മോശ അവർക്കു നൽകിയ ഉദ്‌ബോ​ധനം പരിചി​ന്തി​ക്കുക. അവിടെ അവൻ ദൈവ നിയമം അവരോട്‌ ആവർത്തി​ച്ചു പറഞ്ഞിട്ട്‌ ഇപ്രകാ​രം പ്രബോ​ധി​പ്പി​ച്ചു: “നിങ്ങൾ എന്റെ ഈ വചനങ്ങളെ നിങ്ങളു​ടെ ഹൃദയ​ത്തി​ലും മനസ്സി​ലും സംഗ്രഹി”ക്കണം. (ആവർത്ത​ന​പു​സ്‌തകം 11:18) യഹോ​വയെ മുഴു ഹൃദയ​ത്തോ​ടെ​യും ദേഹി​യോ​ടെ​യും ശക്തി​യോ​ടെ​യും സ്‌നേ​ഹി​ക്ക​ണ​മെന്ന്‌ അവൻ അതിനു​മുമ്പ്‌ അവരെ ഓർമി​പ്പി​ച്ചി​രു​ന്നു. എന്നിട്ട്‌ ഇങ്ങനെ കൂട്ടി​ച്ചേർത്തു: “ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം.” (ആവർത്ത​ന​പു​സ്‌തകം 6:5, 6) ദൈവ നിയമം തങ്ങളുടെ ഹൃദയ​ത്തിൽ പതിപ്പി​ക്കു​ന്നത്‌ ഇസ്രാ​യേല്യ മാതാ​പി​താ​ക്കളെ സംബന്ധി​ച്ചി​ട​ത്തോ​ളം മർമ​പ്ര​ധാ​ന​മാ​യി​രു​ന്നു. ആത്മീയ​കാ​ര്യ​ങ്ങ​ളിൽ വിലമ​തി​പ്പു നിറഞ്ഞ ഹൃദയ​ത്തോ​ടെ ഇസ്രാ​യേല്യ മാതാ​പി​താ​ക്കൾക്കു മോശ​യു​ടെ തുടർന്നുള്ള വാക്കുകൾ ഫലപ്ര​ദ​മാ​യി അനുസ​രി​ക്കാൻ കഴിയു​മാ​യി​രു​ന്നു: “നീ അവയെ [ദൈവ​ത്തി​ന്റെ ന്യായ​പ്ര​മാ​ണ​ത്തി​ലെ വാക്കു​കളെ] നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും [“മക്കളിൽ ഉൾനടു​ക​യും,” NW] നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം.”—ആവർത്ത​ന​പു​സ്‌തകം 6:7; 11:19; മത്തായി 12:34, 35 താരത​മ്യം ചെയ്യുക.

പിതാ​ക്ക​ന്മാർ ആ വാക്കുകൾ മക്കളിൽ “ഉൾനടു​ക​യും” “അവയെ​ക്കു​റി​ച്ചു സംസാ​രി​ക്ക​യും” വേണമാ​യി​രു​ന്നെന്നു ശ്രദ്ധി​ക്കുക. മെറിയം-വെബ്‌സ്റ്റേ​ഴ്‌സ്‌ കൊളീ​ജി​യേറ്റ്‌ ഡിക്‌ഷ​ണറി “ഉൾനടുക” (“inculcate”) എന്നതിനെ, “കൂടെ​ക്കൂ​ടെ​യുള്ള ആവർത്ത​ന​ത്താ​ലോ ഉദ്‌ബോ​ധ​ന​ത്താ​ലോ പഠിപ്പി​ക്കു​ക​യും [മനസ്സിൽ] പതിപ്പി​ക്കു​ക​യും ചെയ്യുക” എന്ന്‌ നിർവ​ചി​ക്കു​ന്നു. മാതാ​പി​താ​ക്കൾ ദൈവ​ത്തി​ന്റെ ന്യായ​പ്ര​മാ​ണ​ത്തെ​ക്കു​റിച്ച്‌ അനുദി​നം—രാവി​ലെ​യും ഉച്ചയ്‌ക്കും വൈകി​ട്ടും—സംസാ​രി​ച്ച​പ്പോൾ അത്‌ കുട്ടി​കൾക്കു വളരെ​യേറെ കാര്യങ്ങൾ പകർന്നു​കൊ​ടു​ത്തു. ദൈവ​ത്തി​ന്റെ ന്യായ​പ്ര​മാ​ണ​ത്തോ​ടു മാതാ​പി​താ​ക്കൾക്കുള്ള സ്‌നേഹം കുട്ടികൾ ഗ്രഹി​ച്ച​പ്പോൾ, യഹോ​വ​യോട്‌ ഒരു അടുപ്പം വളർത്തി​യെ​ടു​ക്കാൻ അത്‌ അവരെ സ്വാധീ​നി​ച്ചു. (ആവർത്ത​ന​പു​സ്‌തകം 6:24, 25) രസാവ​ഹ​മാ​യി, ‘വീട്ടിൽ ഇരിക്കു​മ്പോൾ’ തങ്ങളുടെ കുട്ടി​കളെ പഠിപ്പി​ക്കാൻ മോശ പിതാ​ക്ക​ന്മാ​രെ പ്രത്യേ​കാൽ പ്രബോ​ധി​പ്പി​ച്ചു. അത്തരം പഠിപ്പി​ക്കൽ കുടുംബ പരിപാ​ല​ന​ത്തി​ന്റെ ഭാഗമാ​യി​രു​ന്നു. എന്നാൽ ഇന്നോ?

‘നീ വീട്ടിൽ ഇരിക്കു​മ്പോൾ’

“അത്‌ എളുപ്പമല്ല,” നാലു കുട്ടി​ക​ളുള്ള ഒരു ക്രിസ്‌ത്യാ​നി​യായ ജാനെറ്റ്‌ വിശദീ​ക​രി​ക്കു​ന്നു.a “നിശ്ചയ​ദാർഢ്യം ആവശ്യ​മാണ്‌” എന്നു പറഞ്ഞു​കൊണ്ട്‌ അവരുടെ ഭർത്താ​വായ പോൾ അതി​നോ​ടു യോജി​ക്കു​ന്നു. സാക്ഷി​ക​ളായ മറ്റനേകം മാതാ​പി​താ​ക്ക​ളെ​പ്പോ​ലെ പോളും ജാനെ​റ്റും തങ്ങളുടെ കുട്ടി​ക​ളോ​ടൊ​പ്പം ആഴ്‌ച​യിൽ ഒരിക്കൽ എങ്കിലും ബൈബിൾ പഠിക്കാൻ പരി​ശ്ര​മി​ക്കു​ന്നു. “എല്ലാ തിങ്കളാ​ഴ്‌ച​യും വൈകു​ന്നേരം ഒരു നിശ്ചിത സമയത്ത്‌ കുടുംബ ബൈബിൾ ചർച്ച നടത്താൻ ഞങ്ങൾ ശ്രമി​ക്കു​ന്നു,” പോൾ വിശദീ​ക​രി​ക്കു​ന്നു. “എന്നാൽ അതെ​പ്പോ​ഴും സാധി​ക്കു​ന്നില്ല” എന്ന്‌ അദ്ദേഹം സമ്മതി​ക്കു​ന്നു. സഭയിലെ ഒരു നിയമിത മൂപ്പ​നെ​ന്ന​നി​ല​യിൽ അടിയ​ന്തിര കാര്യങ്ങൾ കൈകാ​ര്യം ചെയ്യാ​നാ​യി അദ്ദേഹ​ത്തി​നു ചില​പ്പോൾ പോ​കേ​ണ്ട​തുണ്ട്‌. അദ്ദേഹ​ത്തി​ന്റെ മൂത്ത രണ്ടു മക്കൾ മുഴു​സമയ ശുശ്രൂ​ഷ​ക​രാ​യി സേവി​ക്കു​ന്നു. ശുശ്രൂ​ഷ​യിൽ ആളുക​ളു​മാ​യി ബന്ധപ്പെ​ടാൻ വൈകു​ന്നേ​രങ്ങൾ ഫലപ്ര​ദ​മായ സമയമാ​ണെന്ന്‌ അവർ കണ്ടെത്തു​ന്നു. അതു​കൊണ്ട്‌ ഒരു കുടും​ബ​മെന്ന നിലയിൽ, അവർ തങ്ങളുടെ കുടുംബ അധ്യയ​ന​ത്തി​ന്റെ സമയത്തിൽ ക്രമീ​ക​രണം വരുത്തി​യി​ട്ടുണ്ട്‌. “ചില​പ്പോൾ അത്താഴം കഴിഞ്ഞ ഉടൻ ഞങ്ങൾ അധ്യയനം നടത്തുന്നു” എന്നു പോൾ വിശദീ​ക​രി​ക്കു​ന്നു.

കുടുംബ അധ്യയ​ന​ത്തി​ന്റെ സമയത്തിൽ മാതാ​പി​താ​ക്കൾ ജ്ഞാനപൂർവം വഴക്കം പ്രകട​മാ​ക്കി​യേ​ക്കാം എങ്കിലും അതു പതിവാ​യി നടത്താൻ അവർ ശ്രമി​ക്കു​ന്നു. “അധ്യയ​ന​ത്തി​ന്റെ സമയം മാറ്റേ​ണ്ട​തു​ണ്ടെ​ങ്കിൽ അത്‌ എപ്പോ​ഴാ​യി​രി​ക്കും എന്നു ഞങ്ങളെ​ല്ലാം അറി​യേ​ണ്ട​തിന്‌ പുതിയ സമയം ഡാഡി എല്ലായ്‌പോ​ഴും ഫ്രിഡ്‌ജി​ന്റെ വാതി​ലിൽ തൂക്കി​യി​ടു​ന്നു” എന്ന്‌ മകൾ ക്ലെയർ പറയുന്നു.

പതിവായ കുടുംബ ബൈബിൾ അധ്യയ​ന​ത്തി​നു കൂടി​വ​രു​ന്നത്‌ മാതാ​പി​താ​ക്ക​ളു​മാ​യി തങ്ങളുടെ ആകുല​ത​ക​ളും പ്രശ്‌ന​ങ്ങ​ളും പങ്കു​വെ​ക്കാൻ കുട്ടി​കൾക്കു നല്ലൊരു അവസരം പ്രദാനം ചെയ്യുന്നു. ഉപയോ​ഗി​ക്കുന്ന ബൈബിൾ പഠന സഹായി​യി​ലെ ചോദ്യ​ങ്ങൾക്കുള്ള ഉത്തരം കുട്ടികൾ വെറുതെ വായി​ക്കുക മാത്രമല്ല ചെയ്യു​ന്ന​തെ​ങ്കിൽ അത്തരം അധ്യയനം നല്ല ഫലമു​ള​വാ​ക്കു​ന്നു. “ഞങ്ങളുടെ കുടുംബ അധ്യയനം ചർച്ചയ്‌ക്കുള്ള ഒരു വേദി​യാണ്‌” എന്ന്‌ രണ്ടു പുത്ര​ന്മാ​രുള്ള മാർട്ടിൻ വിശദീ​ക​രി​ക്കു​ന്നു. “ഒരു തിരു​വെ​ഴു​ത്തു വിഷയം ചർച്ച ചെയ്യാ​നാ​യി നിങ്ങൾ ആഴ്‌ച​യിൽ ഒരിക്കൽ ഒത്തുകൂ​ടു​മ്പോൾ, നിങ്ങളു​ടെ കുടും​ബ​ത്തി​ന്റെ ആത്മീയ സ്ഥിതി നിങ്ങൾ മനസ്സി​ലാ​ക്കു​ന്നു” എന്ന്‌ അദ്ദേഹം അഭി​പ്രാ​യ​പ്പെ​ടു​ന്നു. “ചർച്ചയിൽ എല്ലാത്തരം കാര്യ​ങ്ങ​ളും പുറത്തു​വ​രു​ന്നു. സ്‌കൂ​ളിൽ എന്താണു സംഭവി​ക്കു​ന്ന​തെന്ന്‌ നിങ്ങൾ മനസ്സി​ലാ​ക്കു​ന്നു. കൂടുതൽ രസാവ​ഹ​മാ​യി, കുട്ടികൾ ഏത്‌ മനോ​ഭാ​വ​ങ്ങ​ളാ​ണു വളർത്തി​യെ​ടു​ക്കു​ന്നത്‌ എന്നു നിങ്ങൾ കണ്ടെത്തു​ന്നു.” അദ്ദേഹ​ത്തി​ന്റെ ഭാര്യ സാന്ദ്ര അതി​നോ​ടു യോജി​ക്കു​ന്നു. തനിക്കും കുടുംബ അധ്യയ​ന​ത്തിൽനിന്ന്‌ ധാരാളം പ്രയോ​ജനം ലഭിക്കു​ന്ന​താ​യി അവർ കരുതു​ന്നു. “ഭർത്താവ്‌ അധ്യയനം നടത്തു​മ്പോൾ, പുത്ര​ന്മാർ അദ്ദേഹ​ത്തി​ന്റെ ചോദ്യ​ത്തിന്‌ ഉത്തരം നൽകുന്ന വിധം ശ്രദ്ധി​ക്കു​ന്ന​തിൽനിന്ന്‌ ഞാൻ വളരെ​യേറെ പഠിക്കു​ന്നു” എന്ന്‌ അവർ വിശദീ​ക​രി​ക്കു​ന്നു. എന്നിട്ട്‌ സാന്ദ്ര തന്റെ അഭി​പ്രാ​യ​ങ്ങളെ പുത്ര​ന്മാർക്കു പ്രയോ​ജനം ചെയ്യത്ത​ക്ക​വി​ധ​ത്തി​ലാ​ക്കു​ന്നു. സാന്ദ്ര അധ്യയനം ഏറെ ആസ്വദി​ക്കു​ന്നു, കാരണം അവർ അതിൽ സജീവ​മാ​യി ഉൾപ്പെ​ടു​ന്നു. അതേ, കുടുംബ അധ്യയന സമയങ്ങൾ മാതാ​പി​താ​ക്കൾക്ക്‌ തങ്ങളുടെ കുട്ടി​ക​ളു​ടെ ചിന്ത സംബന്ധിച്ച്‌ ഉൾക്കാഴ്‌ച പ്രദാനം ചെയ്യുന്നു.—സദൃശ​വാ​ക്യ​ങ്ങൾ 16:23; 20:5.

താദാ​ത്മ്യ​പ്പെ​ടു​ന്ന​വ​രും സ്ഥിരോ​ത്സാ​ഹ​മു​ള്ള​വ​രും ആയിരി​ക്കു​ക

കുടുംബ അധ്യയ​ന​ത്തി​ന്റെ സമയത്ത്‌ ഒരു കുട്ടി ജാഗ്ര​ത​യും താത്‌പ​ര്യ​വും ഉള്ളവനാ​ണെ​ന്നും അതേസ​മയം മറ്റൊരു കുട്ടി ശ്രദ്ധ കേന്ദ്രീ​ക​രി​ക്കു​ക​യും പ്രയോ​ജനം നേടു​ക​യു​മൊ​ക്കെ ചെയ്യണ​മെ​ങ്കിൽ അൽപ്പം ചക്കരവാ​ക്കു പറഞ്ഞ്‌ പ്രേരി​പ്പി​ക്കേ​ണ്ട​തു​ണ്ടെ​ന്നും നിങ്ങൾ കണ്ടെത്തി​യേ​ക്കാം. ഒരു ക്രിസ്‌തീയ മാതാവ്‌ ഇപ്രകാ​രം അഭി​പ്രാ​യ​പ്പെ​ടു​ന്നു: “കുടുംബ ജീവിതം അങ്ങനെ​യാണ്‌! മാതാ​പി​താ​ക്കൾ എന്നനി​ല​യിൽ എന്താണു ചെയ്യേ​ണ്ട​തെന്നു നിങ്ങൾക്ക്‌ അറിയാം. നിങ്ങൾ അതിൽ സ്ഥിരോ​ത്സാ​ഹം കാണി​ക്കു​മ്പോൾ യഹോവ സഹായി​ക്കു​ക​യും ഫലം നൽകു​ക​യും ചെയ്യുന്നു.”

ഒരു കുട്ടി​യു​ടെ ശ്രദ്ധാ​പ്രാ​പ്‌തി അവന്റെ പ്രായ​മ​നു​സ​രിച്ച്‌ വളരെ​യേറെ വ്യത്യാ​സ​പ്പെ​ട്ടി​രു​ന്നേ​ക്കാം. വിവേ​ക​മുള്ള മാതാ​പി​താ​ക്കൾ ഇതു പരിഗ​ണ​ന​യിൽ എടുക്കു​ന്നു. ഒരു ദമ്പതി​കൾക്ക്‌ 6 മുതൽ 20 വരെ വയസ്സുള്ള അഞ്ചു കുട്ടി​ക​ളുണ്ട്‌. പിതാ​വായ മൈക്കിൾ പറയുന്നു: “ചോദ്യ​ത്തിന്‌ ആദ്യം ഉത്തരം പറയാ​നുള്ള അവസരം ഏറ്റവും ഇളയകു​ട്ടിക്ക്‌ കൊടു​ക്കുക. തുടർന്ന്‌ മൂത്തകു​ട്ടി​കൾ വിശദാം​ശങ്ങൾ കൂട്ടി​ച്ചേർക്കു​ക​യും തങ്ങൾ തയ്യാറാ​യി​ട്ടുള്ള ആശയങ്ങൾ ഉൾപ്പെ​ടു​ത്തു​ക​യും ചെയ്യട്ടെ.” കുട്ടി​ക​ളു​മാ​യി ഈ വിധത്തിൽ വിവേ​ക​ത്തോ​ടെ ഇടപെ​ടു​ന്നത്‌ മറ്റുള്ള​വരെ പരിഗ​ണി​ക്കു​ന്ന​തി​ന്റെ മൂല്യം അവരെ പഠിപ്പി​ക്കാൻ മാതാ​പി​താ​ക്കളെ സഹായി​ക്കും. മാർട്ടിൻ പറയുന്നു: “ഞങ്ങളുടെ പുത്ര​ന്മാ​രിൽ ഒരുവന്‌ ആശയം മനസ്സി​ലാ​യേ​ക്കാം, എന്നാൽ മറ്റവന്‌ അതു മനസ്സി​ലാ​ക്കാൻ കൂടുതൽ സഹായം ആവശ്യ​മാണ്‌. അധ്യയനം, ക്രിസ്‌തീയ ക്ഷമയും ആത്മാവി​ന്റെ മറ്റു ഫലങ്ങളും പ്രകടി​പ്പി​ക്കാ​നുള്ള ഒരു പരിശീ​ലന സ്ഥലം ആയിത്തീ​രു​ന്ന​താ​യി ഞാൻ കണ്ടെത്തു​ന്നു.”—ഗലാത്യർ 5:22, 23; ഫിലി​പ്പി​യർ 2:4.

കുട്ടി​ക​ളു​ടെ വ്യത്യ​സ്‌ത​മായ പ്രാപ്‌തി​ക​ളും പ്രായ​വു​മാ​യി താദാ​ത്മ്യ​പ്പെ​ടാൻ ഒരുക്ക​മു​ള്ളവർ ആയിരി​ക്കുക. തങ്ങൾ കുറെ​ക്കൂ​ടെ ചെറു​പ്പ​മാ​യി​രു​ന്ന​പ്പോൾ, ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും മഹാനായ മനുഷ്യൻ പുസ്‌തകം മാതാ​പി​താ​ക്ക​ളോ​ടൊ​പ്പം പഠിച്ചി​രു​ന്നത്‌ ശരിക്കും ആസ്വദി​ച്ചി​രു​ന്നെന്ന്‌ ഇപ്പോൾ കൗമാര പ്രായ​ക്കാ​രായ സൈമ​ണും മാർക്കും പറയുന്നു. “പിതാവ്‌ ഞങ്ങളെ​ക്കൊണ്ട്‌ വ്യത്യസ്‌ത ഭാഗങ്ങൾ നാടകം​പോ​ലെ അഭിന​യി​പ്പി​ക്കു​മാ​യി​രു​ന്നു” എന്ന്‌ അവർ ഓർമി​ക്കു​ന്നു. തന്റെ പുത്ര​ന്മാ​രു​മാ​യി അയൽക്കാ​ര​നായ ശമര്യാ​ക്കാ​രന്റെ ദൃഷ്ടാന്തം അഭിന​യി​ക്കാൻ കൈയ്യും മുട്ടും​കു​ത്തി നിൽക്കു​ന്നത്‌ അവരുടെ പിതാവ്‌ ഓർമി​ക്കു​ന്നു. (ലൂക്കൊസ്‌ 10:30-35) “അതു വസ്‌തു​നി​ഷ്‌ഠ​വും വളരെ വിനോ​ദ​പ്ര​ദ​വു​മാ​യി​രു​ന്നു.”

നിരവധി കുട്ടികൾ ക്രമമായ കുടുംബ അധ്യയ​ന​ത്തോട്‌ എതിർപ്പു പ്രകടി​പ്പി​ക്കു​ന്നു. ഉദ്ദേശിച്ച സമയത്ത്‌ അധ്യയനം നടത്തു​ന്ന​തിൽനിന്ന്‌ ഇത്‌ മാതാ​പി​താ​ക്കളെ തടയണ​മോ? തീർച്ച​യാ​യും വേണ്ട. “ബാലന്റെ [അല്ലെങ്കിൽ, ബാലി​ക​യു​ടെ] ഹൃദയ​ത്തോ​ടു ഭോഷ​ത്വം പറ്റിയി​രി​ക്കു​ന്നു” എന്ന്‌ സദൃശ​വാ​ക്യ​ങ്ങൾ 22:15 സമ്മതിച്ചു പറയുന്നു. അനേക അവസര​ങ്ങ​ളിൽ ശ്രദ്ധാ​ശൈ​ഥി​ല്യം അധ്യയ​നത്തെ കുഴപ്പി​ക്കു​ന്ന​താ​യി തോന്നി​യ​പ്പോൾ കുടുംബ അധ്യയന നിർവാ​ഹക എന്നനി​ല​യിൽ താൻ പരാജ​യ​പ്പെ​ടു​ക​യാ​ണെന്ന്‌ ഒരു ഏകാകി​യായ മാതാവു വിചാ​രി​ച്ചു. എന്നാൽ അവർ സ്ഥിരോ​ത്സാ​ഹം കാട്ടി. ഇപ്പോൾ കുട്ടി​കൾക്ക്‌ അവരോ​ടു വലിയ ആദരവുണ്ട്‌. ക്രമമാ​യി കുടുംബ അധ്യയനം നടത്തു​ന്ന​തിൽ സ്ഥിരോ​ത്സാ​ഹം കാട്ടി​ക്കൊണ്ട്‌ അമ്മ പ്രകട​മാ​ക്കിയ സ്‌നേ​ഹ​ത്തെ​യും താത്‌പ​ര്യ​ത്തെ​യും അവരി​പ്പോൾ വിലമ​തി​ക്കു​ന്നു.

“അനാഥ” ബാലി​കാ​ബാ​ല​ന്മാ​രെ സഹായി​ക്കൽ

ക്രിസ്‌തീയ മൂപ്പന്മാർ “ദൈവ​ത്തി​ന്റെ ആട്ടിൻകൂ​ട്ടത്തെ മേയി”ക്കേണ്ടവ​രാണ്‌. (1 പത്രൊസ്‌ 5:2, 3) സഭയിലെ കുടും​ബ​ങ്ങളെ ക്രമമായ അടിസ്ഥാ​ന​ത്തിൽ സന്ദർശി​ക്കു​ന്നത്‌, ക്രിസ്‌തീയ ഉത്തരവാ​ദി​ത്വ​ങ്ങൾ നിർവ​ഹി​ക്കുന്ന മാതാ​പി​താ​ക്കളെ അഭിന​ന്ദി​ക്കാൻ അവർക്ക്‌ അവസര​മേ​കു​ന്നു. മാതാ​പി​താ​ക്ക​ളിൽ ഒരാൾ മാത്ര​മുള്ള കുട്ടി​കളെ പഠിപ്പി​ക്കു​ന്ന​തി​ന്റെ ഉത്തരവാ​ദി​ത്വം ആരുടെ ചുമലി​ലാണ്‌? കുട്ടി​കളെ പ്രബോ​ധി​പ്പി​ക്കാ​നുള്ള ഉത്തരവാ​ദി​ത്വം പ്രസ്‌തുത മാതാ​വിൽ അല്ലെങ്കിൽ പിതാ​വിൽ നിക്ഷി​പ്‌ത​മാ​യി​രി​ക്കു​ന്നു എന്നത്‌ ഒരിക്ക​ലും വിസ്‌മ​രി​ക്ക​രുത്‌.

നഷ്ടപ്പെട്ട പിതാ​വി​ന്റെ ഉത്തരവാ​ദി​ത്വം മൂപ്പൻമാർ ഏറ്റെടു​ത്താൽ ഉളവാ​കുന്ന, ക്രിസ്‌തീയ തത്ത്വങ്ങളെ അപകട​പ്പെ​ടു​ത്തുന്ന സാഹച​ര്യ​ങ്ങൾ ഒഴിവാ​ക്കാൻ ക്രിസ്‌തീയ വിവേകം അവരെ സഹായി​ക്കും. ഇണയി​ല്ലാത്ത മാതാ​വായ ഒരു ക്രിസ്‌തീയ സഹോ​ദ​രി​യെ രണ്ടു സഹോ​ദ​ര​ന്മാർക്കു സന്ദർശി​ക്കാൻ കഴി​ഞ്ഞേ​ക്കു​മെ​ങ്കി​ലും, കുടുംബ അധ്യയന ക്രമീ​ക​ര​ണത്തെ പിന്താ​ങ്ങാ​നാ​യി തങ്ങൾ ചെയ്യുന്ന ക്രമീ​ക​ര​ണങ്ങൾ സംബന്ധിച്ച്‌ അവർ എല്ലായ്‌പോ​ഴും ജാഗ്ര​ത​യു​ള്ളവർ ആയിരി​ക്കും. മൂപ്പന്റെ കുടും​ബ​ത്തി​ലെ അധ്യയ​ന​ത്തിൽ ചേരാൻ ആ കുട്ടി​കളെ (തീർച്ച​യാ​യും പ്രസ്‌തുത മാതാ​വി​നെ​യും) ഇടയ്‌ക്കി​ടെ ക്ഷണിക്കു​ന്നത്‌ കെട്ടു​പണി ചെയ്യു​ന്ന​തും പ്രാ​യോ​ഗി​ക​വും ആണെന്നു തെളി​ഞ്ഞേ​ക്കാം. എന്നാൽ, യഹോവ നമ്മുടെ വലിയ സ്വർഗീയ പിതാ​വാ​ണെന്ന കാര്യം ഒരിക്ക​ലും വിസ്‌മ​രി​ക്ക​രുത്‌. മാതാവ്‌ തന്റെ കുട്ടി​ക​ളു​മാ​യി അധ്യയനം നടത്തു​മ്പോൾ—അവർ അത്‌ ഒറ്റയ്‌ക്കാ​ണു ചെയ്യു​ന്ന​തെ​ങ്കി​ലും—അവരെ വഴിന​യി​ക്കാ​നും സഹായി​ക്കാ​നു​മാ​യി അവൻ തീർച്ച​യാ​യും സന്നിഹി​ത​നാണ്‌.

ഒരു കുട്ടിക്ക്‌ ആത്മീയ മനോ​ഭാ​വം ഉണ്ടായി​രി​ക്കു​ക​യും, എന്നാൽ മാതാ​പി​താ​ക്കൾക്ക്‌ ആത്മീയ ഉത്തരവാ​ദി​ത്വ​ങ്ങ​ളോ​ടു കാര്യ​മാ​യോ ഒട്ടും​ത​ന്നെ​യോ താത്‌പ​ര്യം ഇല്ലാതി​രി​ക്ക​യും ചെയ്യുന്ന ഒരു സാഹച​ര്യ​ത്തി​ലോ? യഹോ​വ​യു​ടെ വിശ്വസ്‌ത ദാസന്മാർ ഒരിക്ക​ലും നിരാശർ ആകേണ്ട​തില്ല. “അഗതി തന്നെത്താൻ നിങ്കൽ [യഹോ​വ​യാം ദൈവ​ത്തി​ങ്കൽ] ഏല്‌പി​ക്കു​ന്നു; അനാഥന്നു നീ സഹായി ആകുന്നു” എന്ന്‌ സങ്കീർത്ത​ന​ക്കാ​രൻ പാടി. (സങ്കീർത്തനം 10:14) തങ്ങളുടെ കുട്ടി​കൾക്കു വേണ്ടി കരുതു​ന്ന​തിൽ ആ മാതാ​പി​താ​ക്കളെ പ്രോ​ത്സാ​ഹി​പ്പി​ക്കാൻ സഭയിലെ സ്‌നേ​ഹ​മുള്ള മൂപ്പന്മാർ തങ്ങളാൽ ആവതു ചെയ്യും. അവർ ഒരു കുടുംബ ചർച്ചയ്‌ക്കു ശുപാർശ ചെയ്യു​ക​യും എന്നിട്ട്‌ എങ്ങനെ ഒരുമി​ച്ചു പഠിക്കാം എന്നതു സംബന്ധിച്ച്‌ ചില പ്രാ​യോ​ഗിക നിർദേ​ശങ്ങൾ നൽകാ​നാ​യി ആ ചർച്ചയിൽ സംബന്ധി​ക്കു​ക​യും ചെയ്‌തേ​ക്കാം. തിരു​വെ​ഴു​ത്തു​പ​ര​മാ​യി മാതാ​പി​താ​ക്ക​ളു​ടെ ചുമലിൽ സ്ഥിതി​ചെ​യ്യുന്ന ഉത്തരവാ​ദി​ത്വം അവർ തീർച്ച​യാ​യും എടുത്തു​മാ​റ്റില്ല.

വിശ്വാ​സം സ്വീക​രി​ക്കാത്ത മാതാ​പി​താ​ക്ക​ളു​ടെ കുട്ടി​കൾക്ക്‌ ഏറെ പിന്തുണ ആവശ്യ​മാണ്‌. അവരുടെ മാതാ​പി​താ​ക്കൾക്കു സമ്മതമാ​ണെ​ങ്കിൽ, അവരെ നിങ്ങളു​ടെ കുടുംബ അധ്യയ​ന​ത്തിൽ ഉൾപ്പെ​ടു​ത്തു​ന്നത്‌ പ്രയോ​ജ​ന​പ്ര​ദ​മെന്നു തെളി​ഞ്ഞേ​ക്കും. ഇപ്പോൾ സ്വന്തം കുടും​ബ​മുള്ള പ്രായ​പൂർത്തി​യായ റോബർട്ട്‌ വെറും മൂന്നു വയസ്സു​ള്ള​പ്പോൾ തന്റെ മാതാ​പി​താ​ക്ക​ളോ​ടൊ​പ്പം ക്രിസ്‌തീയ യോഗ​ങ്ങൾക്കു ഹാജരാ​യി. മാതാ​പി​താ​ക്കൾ ക്രിസ്‌തീയ സഭയു​മാ​യുള്ള സഹവാസം നിർത്തി​യ​ശേഷം പോലും അവന്‌ ആ യോഗ​ങ്ങ​ളെ​ക്കു​റി​ച്ചു പ്രിയ​ങ്ക​ര​മായ സ്‌മര​ണ​ക​ളു​ണ്ടാ​യി​രു​ന്നു. പത്തു വയസ്സാ​യ​പ്പോൾ അവനൊ​രു സാക്ഷി​ക്കു​ട്ടി​യെ കണ്ടുമു​ട്ടി. ആ കുട്ടി അവനെ യോഗ​ത്തി​നു കൂട്ടി​ക്കൊ​ണ്ടു​പോ​യി. ആ സാക്ഷി​ക്കു​ട്ടി​യു​ടെ മാതാ​പി​താ​ക്കൾ, ഒരു ആത്മീയ അനാഥൻ എന്നനി​ല​യിൽ റോബർട്ടി​നു​വേണ്ടി കരുതു​ക​യും പിന്നീട്‌ അവനോ​ടൊ​പ്പം അധ്യയനം നടത്തു​ക​യും ചെയ്‌തു. ആ സ്‌നേ​ഹ​പൂർവ​ക​മായ പരിപാ​ല​ന​ത്തി​ന്റെ ഫലമായി അവൻ സത്വരം പുരോ​ഗതി കൈവ​രിച്ച്‌ ഇപ്പോൾ സഭയിൽ ഒരു മൂപ്പനാ​യി സേവി​ക്കു​ന്നു.

മാതാ​പി​താ​ക്കൾ തങ്ങളുടെ കുട്ടി​ക​ളു​ടെ പുരോ​ഗ​തി​യെ തടസ്സ​പ്പെ​ടു​ത്തു​മ്പോൾ പോലും കുട്ടികൾ ഒറ്റയ്‌ക്കല്ല. യഹോവ വിശ്വസ്‌ത സ്വർഗീയ പിതാ​വാ​യി നില​കൊ​ള്ളു​ന്നു. “ദൈവം തന്റെ വിശു​ദ്ധ​നി​വാ​സ​ത്തിൽ അനാഥ​ന്മാർക്കു പിതാ”വാണെന്ന്‌ സങ്കീർത്തനം 68:5 പ്രസ്‌താ​വി​ക്കു​ന്നു. തങ്ങൾക്കു പ്രാർഥ​ന​യിൽ അവനി​ലേക്കു തിരി​യാൻ കഴിയു​മെ​ന്നും അവൻ തങ്ങളെ പരിപാ​ലി​ക്കു​മെ​ന്നും ആത്മീയ​മാ​യി അനാഥ​രായ ബാലി​കാ​ബാ​ല​ന്മാർക്ക്‌ അറിയാം. (സങ്കീർത്തനം 55:22; 146:9) യഹോ​വ​യു​ടെ മാതൃ​സ​മാന സ്ഥാപനം ആസ്വാ​ദ്യ​മായ ആത്മീയ ഭക്ഷണം തയ്യാറാ​ക്കാ​നുള്ള അതിന്റെ ഉത്തരവാ​ദി​ത്വം ഉത്സാഹ​പൂർവം നിവർത്തി​ക്കു​ന്നു. അതിന്റെ പ്രസി​ദ്ധീ​ക​ര​ണ​ങ്ങ​ളി​ലൂ​ടെ​യും ലോക​വ്യാ​പ​ക​മാ​യുള്ള 85,000-ത്തിലധി​കം ക്രിസ്‌തീയ സഭകളി​ലെ യോഗ​ങ്ങ​ളി​ലൂ​ടെ​യും ആ ഭക്ഷണം വിളമ്പി​ക്കൊ​ടു​ക്കു​ന്നു. അങ്ങനെ, നമ്മുടെ പിതാ​വായ യഹോ​വ​യിൽ നിന്നും അവന്റെ മാതൃ​സ​മാന സ്ഥാപന​ത്തിൽ നിന്നു​മുള്ള ആത്മീയ സഹായ​ത്താൽ “അനാഥ​ന്മാർ” പോലും ഒരളവി​ലുള്ള ബൈബിൾ പഠനം ആസ്വദി​ക്കും.

കുട്ടി​ക​ളു​മാ​യി ക്രമമായ കുടുംബ ബൈബിൾ അധ്യയനം നടത്തുന്ന ക്രിസ്‌തീയ മാതാ​പി​താ​ക്കൾ അഭിന​ന്ദനം അർഹി​ക്കു​ന്നു. കുട്ടി​കളെ യഹോ​വ​യു​ടെ വഴിക​ളിൽ പരിശീ​ലി​പ്പി​ക്കു​ന്ന​തിൽ സ്ഥിരോ​ത്സാ​ഹം കാണി​ക്കുന്ന ഒറ്റക്കാ​രായ മാതാ​പി​താ​ക്കൾ തങ്ങളുടെ ശ്രമങ്ങൾക്ക്‌ പ്രത്യേക ശ്രദ്ധയും പ്രശം​സ​യും അർഹി​ക്കു​ന്നു. (സദൃശ​വാ​ക്യ​ങ്ങൾ 22:6) ആത്മീയ​മാ​യി അനാഥ​രായ കുട്ടി​ക​ളോട്‌ താത്‌പ​ര്യം കാണി​ക്കുന്ന എല്ലാവർക്കും അത്‌ നമ്മുടെ സ്വർഗീയ പിതാ​വായ യഹോ​വയെ പ്രസാ​ദി​പ്പി​ക്കു​ന്നു എന്നറി​യാം. കുടും​ബ​ത്തി​ന്റെ ആത്മീയ ആവശ്യ​ങ്ങൾക്കു​വേണ്ടി കരുതു​ന്നത്‌ ഒരു ഭാരിച്ച ഉത്തരവാ​ദി​ത്വ​മാണ്‌. എന്നാൽ, ‘മടുത്തു​പോ​ക​രു​തു; തളർന്നു​പോ​കാ​ഞ്ഞാൽ തക്കസമ​യത്തു നിങ്ങൾ കൊയ്യും.’—ഗലാത്യർ 6:9.

[അടിക്കു​റിപ്പ്‌]

[23-ാം പേജിലെ ചിത്രം]

കുടുംബ അധ്യയനം മാതാ​പി​താ​ക്ക​ളു​മാ​യി തങ്ങളുടെ ആകുല​ത​ക​ളും പ്രശ്‌ന​ങ്ങ​ളും പങ്കു​വെ​ക്കാൻ കുട്ടി​കൾക്ക്‌ നല്ലൊരു അവസരം പ്രദാനം ചെയ്യുന്നു

[20-ാം പേജിലെ ചിത്ര​ത്തിന്‌ കടപ്പാട]

Harper’s