“ഗുണ​മേൻമ​യുള്ള സമയം” പരിമി​ത​മായ അളവിൽ പങ്കിടു​ന്നു

ഈ നാളു​ക​ളിൽ വളരെ​ക്കു​റച്ചു മാതാ​പി​താ​ക്കൾ മാത്രമേ തങ്ങളുടെ കുട്ടി​കൾക്കു​വേണ്ടി വേണ്ടത്ര സമയം വിനി​യോ​ഗി​ക്കു​ന്നു​ള്ളു. അനേക​രും ഒററയ്‌ക്കാണ്‌, ഒരു വിവാ​ഹിത ഇണയുടെ സഹായ​മി​ല്ലാ​തെ മക്കൾക്കു​വേണ്ടി കരുതാൻ പാടു​പെ​ടു​ന്ന​വ​രാണ്‌. വഷളാ​യി​ക്കൊ​ണ്ടി​രി​ക്കുന്ന സാമ്പത്തിക ചുററു​പാ​ടു​കൾനി​മി​ത്തം കുടും​ബ​ത്തി​നു സാമ്പത്തി​ക​മാ​യി കഴിഞ്ഞു​കൂ​ടാ​നു​ള്ളത്‌ ഉണ്ടായി​രി​ക്കു​ന്ന​തി​നു ഭവനത്തി​നു വെളി​യിൽ ജോലി​ചെ​യ്യേ​ണ്ട​താ​ണെന്നു കൂടുതൽ മാതാ​പി​താ​ക്കൾ കണ്ടെത്തു​ന്നു. അങ്ങനെ​യെ​ങ്കിൽ, ഗുണ​മേൻമ​യുള്ള സമയം എന്ന ആശയം തഴച്ചു​വ​ളർന്നി​രി​ക്കു​ന്നത്‌ ആശ്ചര്യമല്ല.

പൊതു​വെ മനസ്സി​ലാ​ക്കി​യി​ട്ടു​ള്ള​തു​പോ​ലെ ഗുണ​മേൻമ​യുള്ള സമയത്തിൽ പലപ്പോ​ഴും പ്രത്യേ​ക​മാ​യി എന്തെങ്കി​ലും ചെയ്യു​ന്ന​തിന്‌, ഉദാഹ​ര​ണ​ത്തിന്‌, മൃഗശാല കാണാൻ പോകു​ന്ന​തു​പോ​ലെ ഒരു പ്രത്യേക വിനോ​ദ​സ​ഞ്ചാ​ര​ത്തി​നു പ്ലാൻ ചെയ്‌തു​കൊ​ണ്ടു കുട്ടി​യോ​ടൊ​ത്തു ചെലവ​ഴി​ക്കു​ന്ന​തി​നു കുറെ സമയം പട്ടിക​പ്പെ​ടു​ത്തു​ന്നതു സാധാ​ര​ണ​മാ​യി ഉൾപ്പെ​ടു​ന്നു. സ്‌പഷ്ട​മാ​യും, ആശയത്തിന്‌ അതിന്റെ മേൻമ​യുണ്ട്‌. തങ്ങൾക്കു ലഭി​ച്ചേ​ക്കാ​വുന്ന ഏതു പ്രത്യേക ശ്രദ്ധയും കുട്ടി​കൾക്ക്‌ ആവശ്യ​മാണ്‌. എന്നിരു​ന്നാ​ലും, ഗുണ​മേൻമ​യുള്ള സമയം സംബന്ധിച്ച പൊതു​ധാ​ര​ണ​യി​ലെ ചില പോരാ​യ്‌മകൾ ശിശു​പ​രി​പാ​ല​ന​ത്തി​ലെ വിദഗ്‌ദ്ധർക്കു കൂടുതൽ വ്യക്തമാ​യി​ക്കൊ​ണ്ടി​രി​ക്കു​ക​യാണ്‌.

പ്രത്യ​ക്ഷ​ത്തിൽ, തൊഴി​ലിൽ മാത്രം ശ്രദ്ധ കേന്ദ്രീ​ക​രി​ക്കുന്ന, തിരക്കുള്ള അനേകം മാതാ​പി​താ​ക്കൾ ഒരു നിശ്ചിത ഘടനയുള്ള, പട്ടിക​പ്പെ​ടു​ത്തി​യി​ട്ടുള്ള സമയത്തി​ന്റെ അംശം കുട്ടി​യോ​ടൊ​പ്പം ചെലവ​ഴി​ക്കു​ന്നത്‌, മാതാ​പി​താ​ക്ക​ളു​ടെ ശ്രദ്ധയ്‌ക്കു​വേ​ണ്ടി​യുള്ള കുട്ടി​യു​ടെ എല്ലാ ആവശ്യ​ങ്ങൾക്കും മതിയാ​കും എന്ന തന്ത്രപൂർവ​ക​മായ ആശയം സ്വീക​രി​ച്ചി​രി​ക്കു​ന്നു. ഐക്യ​നാ​ടു​ക​ളി​ലെ കോർണെൽ യൂണി​വേ​ഴ്‌സി​ററി മെഡിക്കൽ സ്‌കൂ​ളി​ലെ ഒരു പ്രൊ​ഫ​സ​റായ ഡോ. ലീ സാക്ക്‌ ഇങ്ങനെ പറയു​ന്ന​താ​യി, ന്യൂ​യോർക്ക്‌ ഡെയ്‌ലി ന്യൂസ്‌ ഉദ്ധരി​ക്കു​ന്നു: “ഗുണ​മേൻമ​യുള്ള സമയം എന്ന ആശയം ബുദ്ധി​ശൂ​ന്യ​മാണ്‌.” അദ്ദേഹം വിശദീ​ക​രി​ക്കു​ന്നു: “മാതാ​പി​താ​ക്ക​ളു​ടെ കുററം നിമി​ത്ത​മാണ്‌ ഈ പദം ഉണ്ടായത്‌. തങ്ങളുടെ കുട്ടി​ക​ളോ​ടൊ​പ്പം കുറഞ്ഞ​സ​മയം ചെലവ​ഴി​ക്കു​ന്ന​തിന്‌ ആളുകൾ തങ്ങളെ​ത്തന്നെ അനുവ​ദി​ച്ചി​രി​ക്കു​ക​യാ​യി​രു​ന്നു.”

എന്നാൽ ഗുണ​മേൻമ​യുള്ള സമയ​ത്തോ​ടൊ​പ്പം കുട്ടി​യിൽ കേന്ദ്രീ​ക​രി​ക്കുന്ന മാതാ​പി​താ​ക്ക​ളു​ടെ അവിഭ​ജിത ശ്രദ്ധ സമയക്കു​റ​വി​നെ പരിഹ​രി​ക്കു​ന്നി​ല്ലേ? ഇല്ല, കാരണം ലളിത​മാ​യി​പ്പ​റ​ഞ്ഞാൽ—മാതാ​പി​താ​ക്കൾ തങ്ങളുടെ കുട്ടി​കളെ ഏററവും ശക്തമായി മാതൃ​ക​യാൽ പഠിപ്പി​ക്കു​ന്നു. നഗരമ​ദ്ധ്യ​ത്തി​ലെ യുവാ​ക്കളെ സംബന്ധിച്ച അടുത്ത​കാ​ലത്തെ ഒരു പഠനത്താൽ ഈ സാർവ​ത്രിക സത്യത്തി​ന്റെ ഇരുണ്ട വശം ദാരു​ണ​മാ​യി ചിത്രീ​ക​രി​ക്ക​പ്പെട്ടു. തങ്ങൾ വളർന്നു​വ​രുന്ന സമയത്ത്‌ കുടും​ബാം​ഗങ്ങൾ ജയിലി​ലു​ണ്ടാ​യി​രു​ന്നവർ തടവി​ലാ​ക്ക​പ്പെ​ടാൻ ഇരട്ടി സാധ്യ​ത​യു​ള്ള​വ​രാ​യി​രു​ന്നു. സമാന​മാ​യി, മദ്യത്തി​ന്റെ​യോ മയക്കു​മ​രു​ന്നി​ന്റെ​യോ ദുരു​പ​യോ​ഗം നടത്തു​ന്ന​വ​രു​ടെ സംരക്ഷ​ണ​യിൽ വളർന്നു​വ​ന്നവർ മാരക​മായ ആ ശീലങ്ങൾ സ്വീക​രി​ക്കു​ന്ന​തിന്‌ ഏതാണ്ട്‌ ഇരട്ടി സാധ്യ​ത​യു​ള്ള​വ​രാ​യി​രു​ന്നു.

മാതാ​പി​താ​ക്ക​ളു​ടെ നല്ല മാതൃ​കക്ക്‌ അത്രതന്നെ ശക്തമാ​യി​രി​ക്കാൻ കഴിയും. ഒരു നല്ല മാതൃക വയ്‌ക്കു​ന്ന​തി​നു സമയം, നീണ്ട കാലഘ​ട്ട​ങ്ങൾതന്നെ, ആവശ്യ​മാണ്‌ എന്നതാണു പ്രശ്‌നം, കേവലം ഗുണ​മേൻമ​യുള്ള സമയത്തി​ന്റെ നല്ല നിലയി​ലുള്ള ചെറിയ ഭാഗങ്ങൾ പോര. ന്യൂ​യോർക്ക്‌ ഡെയ്‌ലി ന്യൂസ്‌ പ്രസ്‌താ​വി​ക്കു​ന്ന​തു​പോ​ലെ: “കുട്ടി​യോ​ടൊ​ത്തുള്ള മാതാ​വി​ന്റെ​യോ പിതാ​വി​ന്റെ​യോ സുപ്ര​ധാന നിമി​ഷങ്ങൾ—ഭദ്രത​യും മൂല്യ​ങ്ങ​ളും ആത്മാഭി​മാ​ന​വും നിവേ​ശി​പ്പി​ക്കുന്ന സംഭാ​ഷ​ണ​ങ്ങ​ളും തീരു​മാ​ന​ങ്ങ​ളും—സ്വതഃ​പ്രേ​രി​ത​മാ​യ​തു​കൊണ്ട്‌ ഗുണ​മേൻമ​യുള്ള സമയം എന്ന ആശയം വികല​മാണ്‌.” യാദൃ​ച്ഛി​ക​മാ​യി ലഭിക്കുന്ന ഒരു നിമിഷം ആർക്കും പട്ടിക​പ്പെ​ടു​ത്താൻ കഴിയു​ക​യില്ല. ഒരു മാതാ​വോ പിതാ​വോ കുട്ടി​യോ​ടൊ​ത്തു ചെലവ​ഴി​ക്കു​ന്ന​തി​നു ഗുണ​മേൻമ​യുള്ള സമയത്തിൽ 15 മിനി​ററ്‌ മാററി​വെ​ച്ചേ​ക്കാം. എന്നാൽ ആ സമയത്തു മാതാ​വോ പിതാ​വോ കുട്ടി​യു​മാ​യി ഒരു ഉററബ​ന്ധ​ത്തിൽ എത്തി​ച്ചേ​രു​മെന്ന്‌ എങ്ങനെ അറിയാം? ദിവസ​ത്തി​ലെ ആ മിനി​റ​റു​കൾ മാത്ര​മാ​ണു മാതാ​വി​ന്റെ​യോ പിതാ​വി​ന്റെ​യോ കൂടെ ചെലവ​ഴി​ക്കു​ന്ന​തെ​ങ്കിൽ കുട്ടിക്ക്‌ എങ്ങനെ മാതൃ​ക​കണ്ടു പഠിക്കാൻ കഴിയും?

മാതാ​പി​താ​ക്കൾക്കു വളരെ കുറച്ചു സമയമേ വിനി​യോ​ഗി​ക്കാ​നു​ള്ളു എന്നതി​നാൽ എന്താ​ണൊ​രു പരിഹാ​ര​മാർഗം? ലളിത​മായ ഉത്തരങ്ങൾ ഒന്നുമില്ല. ഈ ലോകം കുട്ടി​കളെ വളർത്തു​ന്നതു വളരെ ദുഷ്‌ക​ര​മായ ജോലി​യാ​ക്കി​ത്തീർത്തി​രി​ക്കു​ന്നു എന്ന യാഥാർഥ്യം മാററി​മ​റി​ക്കു​വാൻ ഒന്നിനും സാദ്ധ്യമല്ല. ചില മാതാ​പി​താ​ക്കൾക്കു തങ്ങളുടെ തൊഴി​ലി​നു കുറഞ്ഞ ശ്രദ്ധ​കൊ​ടു​ക്കു​വാൻ കഴി​ഞ്ഞേ​ക്കാം. ശിശു​പ​രി​പാ​ലനം സംബന്ധിച്ച അടുത്ത​കാ​ലത്തെ ഒരു പുസ്‌ത​ക​ത്തി​ന്റെ രചയി​താ​വു തങ്ങളുടെ തൊഴി​ലി​നു കുറഞ്ഞ ശ്രദ്ധ​കൊ​ടു​ക്കാൻ സാധി​ക്കുന്ന മാതാ​വി​നെ അല്ലെങ്കിൽ പിതാ​വി​നെ അതുതന്നെ ചെയ്യാൻ—ജോലി​ക്കു പോകാ​തെ കുട്ടി​ക​ളോ​ടൊ​പ്പം വീട്ടിൽ കഴിയാൻ പ്രോ​ത്സാ​ഹി​പ്പി​ക്കു​ന്നു. എന്നാൽ അനേകം മാതാ​പി​താ​ക്കളെ സംബന്ധി​ച്ച​ട​ത്തോ​ളം അങ്ങനെ ചെയ്യാൻ സാധി​ക്കു​ക​യില്ല. വ്യതി​യാ​നം വരുത്താ​വുന്ന ഒരു തൊഴിൽപ്പ​ട്ടിക ഉള്ളവരും വേതനം വാങ്ങുന്ന ജോലി​യി​ല്ലാ​ത്ത​വ​രും പോലും തങ്ങളുടെ കുട്ടി​ക​ളോ​ടൊ​പ്പം മതിയായ സമയം ചെലവ​ഴി​ക്കു​ന്നതു പ്രയാ​സ​ക​ര​മാ​യി കണ്ടെത്തു​ന്നു.

കുട്ടി​ക​ളെ​ക്കൂ​ട്ടി ചില ജോലി​കൾ ചെയ്യാൻ തങ്ങൾക്കു കഴിയു​മോ എന്നു കാണു​ന്ന​തി​നു ശുചീ​ക​രണം, പാചകം, കേടു​പോ​ക്കൽ, യന്ത്രപ​രി​പാ​ലനം, വസ്‌ത്രം​ക​ഴു​കൽ, സാധന​ങ്ങൾവാ​ങ്ങൽ എന്നിവ​പോ​ലെ ഭവനത്തിൽ തങ്ങൾചെ​യ്യുന്ന ജോലി​ക​ളി​ലേക്ക്‌ ഒന്നു കണ്ണോ​ടി​ക്കു​ന്ന​തി​നു ചില വിദഗ്‌ദ്ധർ മാതാ​പി​താ​ക്കളെ പ്രോ​ത്സാ​ഹി​പ്പി​ക്കു​ന്നു. ഏററവും സാധാ​ര​ണ​മായ ജോലി​കൾ പോലും ഒന്നിച്ചു ചെയ്യു​ന്നത്‌ അല്ലെങ്കിൽ കേവലം ഒന്നിച്ചു വിശ്ര​മി​ക്കു​ന്നതു മാതാ​പി​താ​ക്കൾക്ക്‌ ആശയവി​നി​മയ മാർഗങ്ങൾ തുറന്നി​ടു​ന്ന​തി​നും ഒരു നല്ല മാതൃക വയ്‌ക്കു​ന്ന​തി​നും ആവശ്യ​മായ സമയം പ്രദാനം ചെയ്‌തേ​ക്കാം. ക്രിസ്‌തീ​യ​മാ​താ​പി​താ​ക്കൾക്കു മക്കളോ​ടൊ​ത്തു തങ്ങൾ ചെയ്യാൻ ആഗ്രഹി​ക്കുന്ന മററു കൃത്യ​ങ്ങ​ളുണ്ട്‌. ക്രിസ്‌തീ​യ​യോ​ഗങ്ങൾ, ശുശ്രൂഷ, കുടുംബ ബൈബി​ള​ധ്യ​യനം, സഹവി​ശ്വാ​സി​ക​ളു​മാ​യുള്ള സഹവാസം—ഇവയെ​ല്ലാം തങ്ങളുടെ കുട്ടി​ക​ളോ​ടൊ​ത്താ​യി​രി​ക്കു​ന്ന​തി​നു മാതാ​പി​താ​ക്കൾക്കു പ്രാധാ​ന്യ​മർഹി​ക്കുന്ന സമയം പ്രദാനം ചെയ്യുന്നു.

രസാവ​ഹ​മാ​യി, ഇസ്രയേൽ ജനതയ്‌ക്കുള്ള ന്യായ​പ്ര​മാ​ണം ഏതാണ്ട്‌ 3,000 വർഷം മുമ്പു സമാന​മായ ഒരു ആശയം അവതരി​പ്പി​ച്ചു. ആവർത്ത​ന​പു​സ്‌തകം 6:6, 7-ൽ നാം ഇങ്ങനെ വായി​ക്കു​ന്നു: “ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തിൽ ഇരി​ക്കേണം. നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴിന​ട​ക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്കു​ക​യും വേണം.” പുരാതന കാലങ്ങ​ളിൽ ജീവിതം അവശ്യം എളുപ്പ​മാ​യി​രു​ന്നില്ല. കേവലം ദൈനം​ദി​നാ​വ​ശ്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്ന​തിന്‌ ആവശ്യ​മായ മുഴു​സ​മ​യ​ത്തെ​ക്കു​റി​ച്ചും ചിന്തി​ക്കുക—തന്റെ കുടും​ബ​ത്തി​നു​വേണ്ടി കരുതു​ന്ന​തിന്‌ ഒരു പിതാ​വിന്‌ എത്രമാ​ത്രം പ്രയത്‌നം ആവശ്യ​മാ​യി​രു​ന്നു, അല്ലെങ്കിൽ വസ്‌ത്രം കഴുക​ലോ പാചക​മോ പോ​ലെ​യുള്ള കൃത്യ​ങ്ങൾക്കാ​യി അവർക്ക്‌ എത്ര അദ്ധ്വാനം വേണ്ടി​വന്നു! എന്നാൽ യഹോ​വയെ സ്‌നേ​ഹിച്ച മാതാ​പി​താ​ക്കൾ കുട്ടി​ക​ളു​മൊ​ത്തു തങ്ങൾക്കു ചെയ്യാൻ കഴിഞ്ഞ​തൊ​ക്കെ​യും ചെയ്‌തു. അങ്ങനെ അവർ അവരുടെ ഇളംഹൃ​ദ​യ​ങ്ങ​ളി​ലേക്കു ദൈവ​നി​യമം ഉപദേ​ശി​ച്ചു​കൊ​ടു​ക്കു​ന്ന​തി​നു ദിവസ​ത്തിൽ അനേകം നിമി​ഷങ്ങൾ കണ്ടെത്തി.

ഇന്നത്തെ ക്രിസ്‌തീയ മാതാ​പി​താ​ക്കൾ അതുതന്നെ ചെയ്യേ​ണ്ട​താണ്‌. കുട്ടി​ക​ളോ​ടൊ​പ്പം സമയം ചെലവ​ഴി​ക്കുന്ന കാര്യ​ത്തിൽ ഏററവും സൗകര്യ​പ്ര​ദ​മാ​യി കാണു​ന്ന​തു​മാ​ത്രം ചെയ്യു​ന്നത്‌ ഒഴിവാ​ക്കണം. “അളവല്ല ഗുണമാണ്‌ കാര്യം” എന്ന പഴഞ്ചൊല്ല്‌ കുട്ടി​കളെ വളർത്തു​ന്ന​തിൽ ബാധക​മാ​കു​ന്നില്ല. വിശേ​ഷിച്ച്‌ തങ്ങളുടെ സ്വഭാ​വ​രൂ​പ​വ​ത്‌ക്ക​ര​ണ​വർഷ​ങ്ങ​ളിൽ കുട്ടി​കൾക്കു സവി​ശേ​ഷ​സ​മയം മാത്രമല്ല “ഒത്തൊ​രു​മി​ച്ചുള്ള” സമയം തന്നെ ആവശ്യ​മാണ്‌. (g93 5/22)

[27-ാം പേജിലെ ചിത്രം]

ഭവനത്തിൽ തിരക്കുള്ള കുടും​ബം, കുട്ടികൾ ഉൾപ്പെ​ട്ടി​രി​ക്കു​ന്നു

[27-ാം പേജിലെ ചിത്രം]

ഒത്തൊരുമിച്ചു യഹോ​വയെ സേവി​ക്കു​ന്നു