“ഞങ്ങൾ ഞങ്ങളുടെ ദൈവ​മായ യഹോ​വയെ സേവി​ക്കും”

“എന്നെയും എന്റെ കുടും​ബ​ത്തെ​യും സംബന്ധി​ച്ചാ​ണെ​ങ്കിൽ, ഞങ്ങൾ യഹോ​വയെ സേവി​ക്കും.”—യോശുവ 24:15

1. യോശു​വ​യു​ടെ പുസ്‌തകം നമുക്ക്‌ പ്രോ​ത്സാ​ഹ​ന​ത്തി​നും സംരക്ഷ​ണ​ത്തി​നും ഉതകു​ന്ന​തെ​ങ്ങനെ?

“നമ്മുടെ പ്രബോ​ധന”ത്തിനാ​യി​ട്ടും “വ്യവസ്ഥി​തി​യു​ടെ അവസാനം വന്നെത്തി​യി​രി​ക്കുന്ന” നമ്മെ പ്രോ​ത്സാ​ഹി​പ്പി​ക്കു​ന്ന​തി​നും സംരക്ഷി​ക്കു​ന്ന​തി​നും “ദൃഷ്ടാന്തങ്ങ”ളായി​ട്ടും ആണ്‌ യോശു​വ​യു​ടെ പുസ്‌ത​ക​ത്തി​ലെ ഉത്തേജി​പ്പി​ക്കുന്ന സംഭവങ്ങൾ രേഖ​പ്പെ​ടു​ത്തി​യി​രി​ക്കു​ന്നത്‌. (റോമർ 15:4; 1 കൊരി​ന്ത്യർ 10:11) സഹിഷ്‌ണ​ത​യും വിശ്വാ​സ​വും അനുസ​ര​ണ​വും​പോ​ലുള്ള ദൈവീക ഗുണങ്ങൾ വിശേ​ഷ​വൽക്ക​രി​ച്ചി​രി​ക്കു​ന്നു. “വിശ്വാ​സ​ത്താൽ അവർ ഏഴുദി​വസം വലം വച്ചശേഷം യെരീ​ഹൊ​യു​ടെ മതിലു​കൾ നിലം പതിച്ചു. വിശ്വാ​സ​ത്താൽ വേശ്യ​യായ രാഹാബ്‌ അനുസ​ര​ണ​ക്കേടു കാണി​ച്ച​വ​രോ​ടൊ​പ്പം നശിച്ചു​പോ​യില്ല, കാരണം അവൾ ഒററു​കാ​രെ സമാധാ​ന​പൂർവ്വ​മായ ഒരു വിധത്തിൽ സ്വീക​രി​ച്ചു.” (എബ്രായർ 11:30, 31) യോശു​വ​യു​ടെ​യും രാഹാ​ബി​ന്റെ​യും വിശ്വ​സ്‌ത​രായ മററു​ള്ള​വ​രു​ടെ​യും വിശ്വാ​സം ഇന്ന്‌ ദൈവ​ത്തി​ന്റെ വേല പൂർത്തീ​ക​രി​ക്കു​ന്ന​തിൽ ധൈര്യ​വും നിശ്ചയ​ദാർഢ്യ​വും ഉള്ളവരാ​യി​രി​ക്കാൻ നമ്മെ ഉത്തേജി​പ്പി​ക്കേ​ണ്ട​താണ്‌.—യോശുവ 10:25; യോഹ​ന്നാൻ 4:34.

2. (എ) അന്തിമ വിശദാം​ശ​ത്തോ​ടു​പോ​ലും യോശുവ അനുസ​രണം പ്രകട​മാ​ക്കി​യ​തെ​ങ്ങനെ? (ബി) ഏബാൽ, ഗെരീ​സിം പർവ്വത​ങ്ങ​ളിൽ എന്തു സംഭവി​ച്ചു?

² ആയ്‌ പട്ടണത്തി​ലെ നിർണ്ണാ​യക വിജയ​ത്തി​നു​ശേഷം യോശുവ ആവർത്തനം 27:1-28:68 വരെ രേഖ​പ്പെ​ടു​ത്തി​യി​ട്ടുള്ള വിശദ​മായ നിർദ്ദേ​ശ​ങ്ങൾക്ക്‌ ശ്രദ്ധ നൽകി. അവൻ ഏബാൽ പർവ്വത​ത്തിൽ ചെത്തി​യൊ​രു​ക്കാത്ത കല്ലുകൾ കൊണ്ടുള്ള ഒരു യാഗപീ​ഠം പണിതു, അവിടെ അവൻ ഈ കല്‌പന നടപ്പാ​ക്കു​ക​യും ചെയ്‌തു: “നിങ്ങൾ സമാധാന യാഗങ്ങൾ അർപ്പി​ക്കു​ക​യും അവിടെ വെച്ച്‌ അവ ഭക്ഷിക്കു​ക​യും വേണം, നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ സന്തോ​ഷി​ക്കു​ക​യും ചെയ്യണം.” ഒരു സ്‌മാ​ര​ക​മെ​ന്ന​നി​ല​യിൽ മററു​ക​ല്ലു​കൾ നാട്ടു​ക​യും വെള്ളപൂ​ശു​ക​യും ന്യായ​പ്ര​മാ​ണ​ത്തി​ലെ വചനങ്ങൾ അവയിൽ എഴുതു​ക​യും ചെയ്‌തു. അതിനു​ശേഷം ഗോ​ത്രങ്ങൾ വിഭജി​ക്ക​പ്പെട്ടു, “ജനത്തെ അനു​ഗ്ര​ഹി​ക്കാ​നാ​യി” ഒരു കൂട്ടം ഗെരി​സിം പർവ്വത​ത്തി​ലും മറേറ​കൂ​ട്ടം “ശാപത്തി​നാ​യി ഏബാൽ പർവ്വത​ത്തി​ലും” നിന്നു. അനുസ​ര​ണ​ക്കേ​ടി​നുള്ള ശാപങ്ങൾ ലേവ്യർ ഉറക്കെ പ്രഖ്യാ​പി​ച്ചു, എല്ലാ ജനങ്ങളും ആമേൻ!” എന്ന്‌ പറയു​ക​യും ചെയ്‌തു. എന്നാൽ യിസ്രാ​യേൽ ‘ന്യായ​പ്ര​മാ​ണ​ത്തി​ലെ വചനങ്ങ​ളെ​ല്ലാം അനുസ​രി​ക്കാ​നും യഹോ​വ​യാം ദൈവ​ത്തി​ന്റെ മഹത്വ​മേ​റി​യ​തും ഭയോ​ദ്ദീ​പ​ക​വും ആയ നാമത്തെ ഭയപ്പെ​ടു​വാ​നും’ പരാജ​യ​പ്പെ​ടു​ന്നെ​ങ്കിൽ അവരു​ടെ​മേൽ ദുരിതം വരട്ടെ!—യോശുവ 8:32-35.

3, 4. (എ) യിസ്രാ​യേ​ലി​ന്റെ ഗതി ഇന്ന്‌ നമുക്ക്‌ ഏതു ശക്തമായ പാഠം നൽകുന്നു? (ബി) ഒരേ കാര്യങ്ങൾ വീണ്ടും വീണ്ടും കേൾക്കു​ന്ന​തിൽ നാം ഒരിക്ക​ലും മടുത്തു​പോ​ക​രു​താ​ത്ത​തെ​ന്തു​കൊണ്ട്‌? (സി) “ഇടുങ്ങിയ പടിവാ​തി​ലി​ലൂ​ടെ” പ്രവേ​ശി​ക്കാൻ എന്ത്‌ ആവശ്യ​മാണ്‌?

³ എന്നാൽ, യിസ്രാ​യേൽ ‘ന്യായ​പ്ര​മാ​ണ​ത്തി​ലെ വചനങ്ങൾ’ അനുസ​രി​ക്കു​ന്ന​തിൽ തുടർന്നോ? മോ​ശെ​യു​ടെ​യും പിന്നീട്‌ യോശു​വ​യു​ടെ​യും കൂടെ​ക്കൂ​ടെ ആവർത്തി​ച്ചുള്ള ഉദ്‌ബോ​ധ​നങ്ങൾ ഉണ്ടായി​രു​ന്നി​ട്ടും അവർ ദാരു​ണ​മാ​യി പരാജ​യ​പ്പെട്ടു. ഇത്‌ ഇന്ന്‌ നമുക്ക്‌ എത്ര ശക്തമായ ഒരു പാഠമാണ്‌ നൽകു​ന്നത്‌! തുടർച്ച​യായ മുന്നറി​യി​പ്പു​കൾ ഉണ്ടായി​രു​ന്നി​ട്ടും തങ്ങൾക്ക്‌ ദൈവ​ത്തി​ന്റെ വ്യവസ്ഥകൾ പരിഹ​സി​ച്ചു തള്ളാനും ‘സ്വന്തം വഴിയ​നു​സ​രിച്ച്‌ പോകാ​നും’ എന്നിട്ടും അതിജീ​വി​ക്കാ​നും കഴിയു​മെന്ന്‌ കരുതുന്ന ചിലർ എല്ലാക്കാ​ല​ത്തും ഉണ്ട്‌. എന്തു ഭോഷ​ത്വം! യിസ്രാ​യേ​ലി​ന്റെ അനുഭ​വങ്ങൾ പരാമർശി​ക്കു​മ​ള​വിൽ പൗലോസ്‌ ഇപ്രകാ​രം പ്രസ്‌താ​വി​ച്ചു: “താൻ നിൽക്കു​ന്നു​വെന്ന്‌ കരുതു​ന്നവൻ വീഴാ​തി​രി​ക്കാൻ സൂക്ഷി​ക്കട്ടെ.”—1 കൊരി​ന്ത്യർ 10:12; സഭാ​പ്ര​സം​ഗി 2:13.

⁴ ദൈവ​ജ​ന​ത്തിൽ ചിലർ നൽക​പ്പെ​ടുന്ന മുന്നറി​യി​പ്പു​കളെ വിമർശി​ച്ചി​ട്ടുണ്ട്‌, ഒരേ കാര്യങ്ങൾ വീണ്ടും വീണ്ടും കേട്ട്‌ തങ്ങൾ മടുത്തു എന്ന്‌ പറഞ്ഞു​കൊ​ണ്ടു​തന്നെ. എന്നാൽ ഇവരാണ്‌ പലപ്പോ​ഴും സാത്താന്റെ കെണി​യിൽ ആദ്യം വീഴു​ന്നത്‌. ആവർത്തനം (എബ്രാ​യ​യിൽ “നിയമ​ത്തി​ന്റെ ആവർത്തനം” എന്നർത്ഥ​മുള്ള മിഷ്‌നെ ഹതോറ) എന്ന നിശ്വസ്‌ത ബൈബിൾ പുസ്‌ത​ക​ത്തിൽ മുഖ്യ​മാ​യും മോ​ശെ​യു​ടെ നാലു പ്രസം​ഗങ്ങൾ അടങ്ങുന്നു; മുമ്പ്‌ പ്രസ്‌താ​വിച്ച യഹോ​വ​യു​ടെ നിയമങ്ങൾ യിസ്രാ​യേൽ ജനം അനുസ​രി​ച്ചേ തീരൂ എന്ന്‌ ഇവ അവർക്ക്‌ വ്യക്തമാ​ക്കി​ക്കൊ​ടു​ത്തു. മോശെ അനുസ​ര​ണ​ക്കേ​ടും തൽഫല​മാ​യു​ണ്ടാ​കുന്ന “ശാപങ്ങ​ളും” സംബന്ധിച്ച്‌ മുന്നറി​യി​പ്പു​നൽകു​ന്ന​തിന്‌ “അനു​ഗ്ര​ഹങ്ങൾ” വിവരി​ക്കു​ന്ന​തിന്‌ ഉപയോ​ഗി​ച്ച​തി​ന്റെ നാലി​ര​ട്ടി​യി​ല​ധി​കം വാക്കുകൾ ഉപയോ​ഗി​ച്ചു. ഏബാൽ പർവ്വത​ത്തിൽ വെച്ച്‌, യിസ്രാ​യേൽ അനുസ​രി​ക്കണം എന്ന്‌ യോശുവ വീണ്ടും ശ്രദ്ധയിൽപെ​ടു​ത്തി. “ഇടുങ്ങിയ പടിവാ​തി​ലി​ലൂ​ടെ പോകു​വാൻ” കഠിന​ശ്രമം ചെയ്യു​ന്നത്‌ എത്ര പ്രധാ​ന​മാ​ണെന്ന്‌ ഇത്‌ നമുക്ക്‌ സൂചന നൽകു​ന്നി​ല്ലേ?—മത്തായി 7:13, 14, 24-27; 24:21, 22.

5. ഏത്‌ ഗൂഢാ​ലോ​ചന യിസ്രാ​യേൽ ഇപ്പോൾ നേരിട്ടു, തുല്യ​മായ ഏതവസ്ഥ നാം ഇന്നു കാണുന്നു?

⁵ ഒരു നിർണ്ണാ​യക പ്രഖ്യാ​പനം ഇപ്പോൾ രൂപം പ്രാപി​ച്ചു​വ​രി​ക​യാ​യി​രു​ന്നു. പ്രവേശന നഗരമായ യെരീ​ഹൊ നിർമ്മൂ​ല​മാ​ക്ക​പ്പെ​ട്ടി​രു​ന്നു, അതു​പോ​ലെ​തന്നെ “മഹോ​പ​ദ്രവം” ആരംഭി​ക്കു​മ്പോൾ വ്യാജ​മതം നശിപ്പി​ക്ക​പ്പെ​ടും. ആയ്‌ നിലം​പ​തി​ച്ചി​രു​ന്നു. എന്നാൽ ഇപ്പോൾ “യോർദ്ദാ​ന്റെ തീരത്ത്‌ മലമ്പ്ര​ദേ​ശ​ത്തും സമതല​ത്തി​ലും മഹാസ​മു​ദ്ര​തീ​ര​ത്തും ലെബാ​നോ​ന്റെ മുന്നി​ലും ഉള്ള ഹിത്യ​രും അമോ​ര്യ​രും കനാന്യ​രും പെരീ​സ്യ​രും ഹിവ്യ​രും യെബൂ​സ്യ​രും ആയ രാജാ​ക്കൻമാ​രെ​ല്ലാം . . . യോശു​വ​ക്കും യിസ്രാ​യേ​ലി​നും എതിരെ യുദ്ധം ചെയ്യാൻ ഐകമ​ത്യ​ത്തോ​ടെ ഒന്നിച്ചു​കൂ​ടാൻ തുടങ്ങി.” (യോശുവ 9:1, 2) ആധുനി​ക​നാ​ളി​ലെ ഇതിന്റെ സമാന്ത​ര​ത്തിൽ ഭൂമി​യി​ലെ രാഷ്‌ട്രങ്ങൾ ഇപ്പോൾ ഐക്യ​രാ​ഷ്‌ട്രങ്ങൾ എന്നറി​യ​പ്പെ​ടുന്ന ഒന്നായി സംഘം ചേർന്നി​രി​ക്കു​ന്നത്‌ നാം കാണുന്നു. അവർ തങ്ങളുടെ സ്വന്തം മാർഗ്ഗ​ത്തിൽ തങ്ങൾക്കാ​യി സമാധാ​ന​വും സുരക്ഷി​ത​ത്വ​വും തേടുന്നു, എന്നാൽ “യഹോ​വ​ക്കും അവന്റെ അഭിഷി​ക്ത​നും എതിരാ​യി സംഘം ചേർന്നി​രി​ക്കു​ന്നു,” വലിപ്പ​മേ​റിയ യോശു​വ​ക്കെ​തി​രാ​യി​തന്നെ. (സങ്കീർത്തനം 2:1, 2) അനന്തര​ഫലം എന്തായി​രി​ക്കും?

കൗശല​പൂർവ്വം പ്രവർത്തി​ക്കു​ന്നു

6, 7. (എ) ഗിബെ​യോ​ന്യർ എന്തിൽ താൽപ​ര്യം പ്രകട​മാ​ക്കി, അവർ എന്ത്‌ കൗശലം സ്വീക​രി​ച്ചു? (ബി) യോശുവ വിഷയ​ത്തിന്‌ തീർപ്പു​ക​ല്‌പി​ച്ച​തെ​ങ്ങനെ?

⁶ തങ്ങൾക്ക്‌ മുമ്പ്‌ രാഹാബ്‌ ചെയ്‌ത​തു​പോ​ലെ യിസ്രാ​യേ​ല്യ​ര​ല്ലാത്ത മററു​ള്ളവർ ഇപ്പോൾ അതിജീ​വ​ന​ത്തിൽ താല്‌പ​ര്യം പ്രകട​മാ​ക്കാൻ തുടങ്ങി. ഇവർ യേബൂസ്‌ അഥവാ യെരൂ​ശ​ലേ​മി​നു വടക്കുള്ള ഒരു വലിയ നഗരമായ ഗിബെ​യോ​നി​ലെ നിവാ​സി​കൾ ആയിരു​ന്നു. അവർ യഹോ​വ​യു​ടെ അത്ഭുത പ്രവൃ​ത്തി​കൾ സംബന്ധിച്ച്‌ കേട്ടി​രു​ന്നു, യഹോ​വ​യു​ടെ വിധങ്ങ​ളിൽ സമാധാ​ന​വും സുരക്ഷി​ത​ത്വ​വും തേടണ​മെന്ന്‌ അവർ തീരു​മാ​നി​ക്കു​ക​യും ചെയ്‌തു. എന്നാൽ എങ്ങനെ? ഉണങ്ങി പൊടിഞ്ഞ ആഹാര സാധന​ങ്ങ​ളും കീറിയ ചാക്കു​ക​ളും തുകൽ തുരു​ത്തി​ക​ളും വഹിച്ച്‌ കീറി​തയ്‌ച്ച വസ്‌ത്ര​ങ്ങ​ളും ചെരു​പ്പു​ക​ളും ധരിച്ച പുരു​ഷൻമാ​രെ അവർ ഗിൽഗാ​ലിൽ യിസ്രാ​യേല്യ പാളയ​ത്തി​ലേ​ക്ക​യച്ചു. യോശു​വയെ സമീപിച്ച്‌ ഈ പുരു​ഷൻമാർ ഇപ്രകാ​രം പറഞ്ഞു: “നിന്റെ ദൈവ​മായ യഹോ​വ​യു​ടെ നാമത്തെ ആദരിച്ച്‌ ഒരു വിദൂ​ര​ദേ​ശ​ത്തു​നി​ന്നാണ്‌ നിന്റെ ദാസൻമാർ വന്നിരി​ക്കു​ന്നത്‌, കാരണം ഞങ്ങൾ അവന്റെ പ്രശസ്‌തി കേട്ടി​രി​ക്കു​ന്നു.” ഇതു​കേ​ട്ട​പ്പോൾ, “യോശുവ അവരു​മാ​യി സമാധാ​ന​മു​ണ്ടാ​ക്കു​ക​യും അവരെ ജീവി​ക്കാൻ അനുവ​ദി​ക്കാ​മെന്ന്‌ ഒരു ഉടമ്പടി ഉണ്ടാക്കു​ക​യും ചെയ്‌തു.”—യോശുവ 9:3-15.

⁷ എന്നിരു​ന്നാ​ലും, ഗിബെ​യോ​ന്യർ, വാസ്‌ത​വ​ത്തിൽ ‘അവരുടെ മദ്ധ്യേ വസിക്കു​ന്നവർ’ ആയിരു​ന്നു​വെന്ന്‌ യിസ്രാ​യേൽ മനസ്സി​ലാ​ക്കി! യോശുവ ഇപ്പോൾ അവരുടെ കൗശലത്തെ എങ്ങനെ കണക്കാക്കി? മുമ്പ്‌ അവരോ​ടു ചെയ്‌തി​രുന്ന പ്രതി​ജ്ഞയെ അവൻ ആദരിച്ചു, ‘അവരെ ജീവി​ക്കാൻ അനുവ​ദി​ക്കു​ക​യും മുഴു​സ​ഭ​യ്‌ക്കും വേണ്ടി വിറകു ശേഖരി​ക്കു​ന്ന​വ​രും വെള്ളം കോരു​ന്ന​വ​രും ആക്കുക​യും ചെയ്‌തു.’—യോശുവ 9:16-27; ആവർത്തനം 20:10, 11 താരത​മ്യ​പ്പെ​ടു​ത്തുക.

8. ഗിബെ​യോ​ന്യർ ഏതു വിധത്തിൽ “മഹാപു​രു​ഷാ​രത്തെ” മുൻനി​ഴ​ലാ​ക്കു​ന്നു?

⁸ പിൽക്കാ​ലത്ത്‌ യഹോ​വ​യു​ടെ ആലയത്തിൽ സേവന​മ​നു​ഷ്‌ഠി​ച്ചി​രുന്ന നെഥി​നി​മു​ക​ളിൽ അനേക​രും സാദ്ധ്യ​ത​യ​നു​സ​രിച്ച്‌ ഗിബെ​യോ​ന്യ വംശജ​രാ​യി​രു​ന്നു. അങ്ങനെ ഗിബെ​യോ​ന്യർ ഇന്ന്‌ ദൈവ​ത്തിന്‌ “അവന്റെ ആലയത്തിൽ രാവും പകലും വിശു​ദ്ധ​സേ​വനം” അർപ്പി​ക്കുന്ന “മഹാപു​രു​ഷാ​രത്തെ” നന്നായി മുൻനി​ഴ​ലാ​ക്കാൻ കഴിയും. (വെളി​പ്പാട്‌ 7:9, 15) ഒരു കനാൻ സമാന ലോക​ത്തിൽ ജീവി​ക്കു​ന്നെ​ങ്കി​ലും ഇവർ ഹൃദയ​ത്തിൽ “ലോക​ത്തി​ന്റെ ഭാഗമല്ല.” മുമ്പ്‌ അവർക്ക്‌ ക്രൈ​സ്‌ത​വ​ലോ​ക​ത്തി​ലെ സഭകളിൽ കാണു​ന്ന​തു​പോ​ലെ ആത്മീയ ഭക്ഷണത്തി​ന്റെ “കഷണങ്ങൾ” കൊണ്ട്‌ ജീവി​ക്കേ​ണ്ടി​യി​രു​ന്നു, അവർക്ക്‌ സന്തോ​ഷ​ത്തി​ന്റെ “വീഞ്ഞും” ഉണ്ടായി​രു​ന്നില്ല. ദൈവ​ജ​ന​ങ്ങ​ളോട്‌ സമ്പർക്ക​ത്തിൽ വന്നപ്പോൾ യഹോവ തന്റെ സാക്ഷി​ക​ളി​ലൂ​ടെ അത്ഭുത​പ്ര​വൃ​ത്തി​കൾ ചെയ്യു​ന്ന​താ​യി അവർ തിരി​ച്ച​റി​ഞ്ഞു. അവർ കീറി​പ്പ​റിഞ്ഞ ‘വസ്‌ത്രങ്ങൾ’ മാററി പുതിയ വ്യക്തി​ത്വം ധരിച്ച്‌ യഹോ​വ​യു​ടെ വിനീത ദാസൻമാ​രെന്ന ഒരു പുതിയ തിരി​ച്ച​റി​യി​ക്ക​ലി​നു​വേണ്ടി സാത്താന്റെ ലോക​ത്തിൽനിന്ന്‌ ഒരു ദീർഘ​യാ​ത്ര ചെയ്‌തി​രി​ക്കു​ന്നു.—യോഹ​ന്നാൻ 14:6; 17:11, 14, 16; എഫേസ്യർ 4:22-24.

സ്ഥാപന​പ​ര​മായ പിന്തുണ

9. (എ) അടുത്ത​താ​യി ഏതു പ്രതി​സ​ന്ധി​യു​ണ്ടാ​യി? (ബി) യോശുവ പ്രതി​ക​രി​ച്ച​തെ​ങ്ങനെ, എന്ത്‌ ഉറപ്പോ​ടെ?

⁹ ഗിബെ​യോ​ന്യർ യിസ്രാ​യേ​ലു​മാ​യി സമാധാ​ന​ത്തി​ലാ​യി എന്ന്‌ യെരൂ​ശ​ലേം രാജാ​വായ അദോ​നി​സേ​ദെക്‌ കേട്ട​പ്പോൾ “അവൻ വളരെ​യ​ധി​കം ഭയമു​ള്ളവൻ ആയിത്തീർന്നു, കാരണം ഗിബെ​യോൻ ഒരു രാജകീയ നഗരം പോലെ ഒരു മഹാന​ഗ​ര​മാ​യി​രു​ന്നു . . . അതിലെ പുരു​ഷൻമാ​രെ​ല്ലാം സുശക്ത​രും ആയിരു​ന്നു.” അവൻ മററ്‌ നാലു​രാ​ജാ​ക്കൻമാ​രു​മൊത്ത്‌ സൈന്യ​ത്തെ സമാഹ​രി​ക്കു​ക​യും ഗിബെ​യോ​നെ ആക്രമി​ക്കു​ക​യും ചെയ്‌തു. ഉടൻതന്നെ ഗിബെ​യോ​ന്യർ യോശു​വാ​യോട്‌ ഇപ്രകാ​രം അപേക്ഷി​ച്ചു: “വേഗം​വന്ന്‌ ഞങ്ങളെ രക്ഷിക്കു​ക​യും സഹായി​ക്കു​ക​യും ചെയ്യൂ.” യോശുവ ഉടൻ പ്രതി​ക​രി​ച്ചു, യഹോവ ഇപ്രകാ​രം പറഞ്ഞു​കൊണ്ട്‌ അവന്‌ ഉറപ്പു നൽകു​ക​യും ചെയ്‌തു: “അവരെ ഭയപ്പെ​ട​രുത്‌, എന്തെന്നാൽ ഞാൻ അവരെ നിന്റെ കയ്യിൽ ഏൽപ്പി​ച്ചി​രി​ക്കു​ന്നു. അവരിൽ ഒരു പുരു​ഷ​നും നിന്നെ എതിർത്തു നിൽക്കു​ക​യില്ല.” യോശു​വ​യും വീരപ​രാ​ക്ര​മി​ക​ളായ അവന്റെ ആളുക​ളും അപ്രതീ​ക്ഷി​ത​മാ​യി ശത്രു​വി​നെ പൂർണ്ണ​മാ​യും കീഴട​ക്കു​ന്ന​തിന്‌ “രാത്രി മുഴുവൻ” സഞ്ചരിച്ചു.—യോശുവ 10:1-9.

10. (എ) ഏതുതരം പ്രവർത്തനം ഇന്ന്‌ ഗിബെ​യോ​ന്റെ ഉപരോ​ധ​ത്തോട്‌ സമാന്ത​ര​ത്വം വഹിക്കു​ന്നു? (ബി) ആധുനിക നാളിലെ ഗിബെ​യോ​ന്യർ ഏതു തീരു​മാ​നം പ്രകട​മാ​ക്കു​ന്നു?

¹⁰ ആ അഞ്ചുരാ​ജാ​ക്കൻമാ​രേ​പ്പോ​ലെ, തങ്ങളുടെ പലയാ​ളു​ക​ളും—“സുശക്ത​രാ​യവർ” പോലും—വലിയ യോശു​വ​ക്കും അവന്റെ നീതി​യുള്ള ആഗോള രാജ്യ​ത്തി​നും​വേണ്ടി നില​കൊ​ള്ളു​ന്നത്‌ കാണു​ക​യിൽ ഇന്ന്‌ ചില ഭരണത്ത​ല​വൻമാർ കുപി​ത​രാ​യി​ത്തീ​രു​ന്നു. രാഷ്‌ട്രങ്ങൾ നിരന്തരം അന്യോ​ന്യം ശണ്‌ഠ​കൂ​ടു​ക​യും യുദ്ധം​ചെ​യ്യു​ക​യും ചെയ്യു​ന്നെ​ങ്കിൽത​ന്നെ​യും ദേശിയ അതിർ വരമ്പുകൾ നിലനിർത്ത​പ്പെ​ട​ണ​മെന്ന്‌ ഈ ഭരണാ​ധി​കാ​രി​കൾ കുരു​തു​ന്നു. അതു​കൊണ്ട്‌ അവർ സമാധാന പ്രിയ​രായ “മഹാപു​രു​ഷാര”ത്തിനുള്ള ആത്മീയ ഭക്ഷണത്തി​ന്റെ വിതരണം വിച്‌ഛേ​ദി​ക്കു​ന്ന​തി​നും അവർ ഈ “ആഹാരം” ഭക്ഷിക്കുന്ന യോഗങ്ങൾ നിരോ​ധി​ക്കു​ന്ന​തി​നും ആത്മീയ കാര്യങ്ങൾ മററു​ള്ള​വ​രോട്‌ സംസാ​രി​ക്കു​ന്ന​തിൽ നിന്ന്‌ അവരെ തടയു​ന്ന​തി​നും ശ്രമി​ക്കു​ന്നു. എന്നാൽ ഈ ആധുനിക ഗിബെ​യോ​ന്യർ “ഞങ്ങൾ നിങ്ങ​ളോ​ടു​കൂ​ടെ പോകും” എന്നു പറഞ്ഞു​കൊണ്ട്‌ ആത്മീയ യിസ്രാ​യേ​ല്യ​രോ​ടൊത്ത്‌ വിശ്വ​സ്‌ത​മാ​യി നില​കൊ​ള്ളു​ന്നു.—സെഖര്യാവ്‌ 8:23; പ്രവൃ​ത്തി​കൾ 4:19, 20; 5:29, താരത​മ്യ​പ്പെ​ടു​ത്തുക.

11. ഇന്ന്‌ യഹോ​വ​യു​ടെ സാക്ഷികൾ പ്രതി​സന്ധി കൈകാ​ര്യം ചെയ്യു​ന്ന​തെ​ങ്ങനെ?

¹¹ “മഹാപു​രു​ഷാ​രം” “മാതൃ”സ്ഥാപന​ത്തോട്‌ സഹായ​ത്തി​നാ​യി അപേക്ഷി​ക്കു​മ്പോൾ ഉടൻതന്നെ നല്ല അളവിൽ അത്‌ നൽക​പ്പെ​ടു​ന്നു. യഹോ​വ​യു​ടെ സാക്ഷികൾ കാര്യങ്ങൾ ചെയ്യു​ന്ന​തി​ലുള്ള ഉത്സാഹം മററു വിധങ്ങ​ളി​ലും കാണു​പ്പെ​ടു​ന്നു.—പ്രകൃതി വിപത്തു​ക​ളേ​ത്തു​ടർന്ന്‌ ഉടൻതന്നെ ആശ്വാ​സ​ന​ട​പ​ടി​കൾ ക്രമീ​ക​രി​ക്കു​ന്ന​തി​ലും ആഹാരം” വിളമ്പു​ന്ന​തി​നാ​യി രാജ്യ​ഹോ​ളു​ക​ളും മററ്‌ സമ്മേളന സ്ഥലങ്ങളും പെട്ടെന്നു നിർമ്മി​ക്കു​ന്ന​തി​ലും​തന്നെ. കഴിഞ്ഞ ജൂണിൽ യാങ്കി​സ്‌റേ​റ​ഡി​യ​ത്തിൽ ഒരു കൺ​വെൻ​ഷൻ പട്ടിക​പ്പെ​ടു​ത്തി​യ​പ്പോൾ ഒരു ബേസ്‌ ബോൾ കളിക്കു​ശേഷം സ്വമേ​ധയാ സേവക​രു​ടെ ഒരു സൈന്യം അർദ്ധരാ​ത്രി​യിൽ പ്രവർത്തനം ആരംഭി​ച്ചു. ആ സ്‌റേ​റ​ഡി​യം അടുത്ത നാലു ദിവസ​ങ്ങ​ളി​ലേ​തി​നേ​ക്കാൾ കൂടുതൽ ഒരിക്ക​ലും വെടി​പ്പും വൃത്തി​യു​മു​ള്ള​താ​യി​രു​ന്നില്ല. കൂടാതെ, സുവാർത്ത പ്രസം​ഗി​ക്കു​ന്ന​തിൽ ഉണ്ടാകുന്ന പ്രതി​സന്ധി കൈകാ​ര്യം ചെയ്യു​ന്ന​തിന്‌ യഹോ​വ​യു​ടെ സാക്ഷി​ക​ളി​ലെ ഉത്തരവാ​ദി​ത്വ​മുള്ള മൂപ്പൻമാർ പെട്ടെ​ന്നു​തന്നെ പ്രവർത്തി​ക്കു​ന്നു.—ഫിലി​പ്പി​യർ 1:6, 7.

യഹോവ യിസ്രാ​യേ​ലി​നു​വേണ്ടി പോരാ​ടു​ന്നു

12. ഗിബെ​യോ​ന്യ​രെ രക്ഷിക്കു​ന്ന​തിന്‌ യിസ്രാ​യേ​ലി​നു​വേണ്ടി പൊരു​തു​ക​യിൽ യഹോവ ഏത്‌ അത്ഭുതങ്ങൾ പ്രവർത്തി​ച്ചു? (ഹബക്കൂക്ക്‌ 3:1, 2, 11, 12 താരത​മ്യ​പ്പെ​ടു​ത്തുക)

¹² എന്നാൽ ഇപ്പോൾ ഗിബെ​യോ​നി​ലേക്ക്‌ നോക്കുക. യഹോവ ആ ശത്രു സൈന്യ​ങ്ങളെ കുഴപ്പ​ത്തി​ലാ​ക്കു​ക​യാണ്‌. ഒരു മഹാസം​ഹാ​രം വരുത്തി​ക്കൊണ്ട്‌ യിസ്രാ​യേൽ അവരെ പിന്തു​ട​രു​ക​യാണ്‌. ആകാശ​ങ്ങ​ളിൽനിന്ന്‌ എന്ത്‌ വർഷി​ക്ക​പ്പെ​ടു​ന്ന​താ​യി​ട്ടാണ്‌ നാം കാണു​ന്നത്‌? വലിയ മഞ്ഞുക​ഷ​ണങ്ങൾ! യിസ്രാ​യേ​ലി​ലെ യോദ്ധാ​ക്ക​ളാൽ കൊല്ല​പ്പെ​ട്ട​വ​രേ​ക്കാൾ കൂടുതൽ ഈ വലിയ കൻമഴ​യാൽ കൊല്ല​പ്പെട്ടു. ഇപ്പോൾ ശ്രദ്ധി​ക്കുക. യോശുവ യഹോ​വ​യോ​ടു സംസാ​രി​ക്കു​ക​യാണ്‌, “യിസ്രാ​യേ​ലി​ന്റെ കൺ മുമ്പിൽ” അവൻ എന്താണ്‌ പറയു​ന്നത്‌? ഇതു തന്നെ: “സൂര്യാ, ഗിബെ​യൊ​നു മുകളി​ലും, ചന്ദ്രാ, അയ്യാ​ലോൻ താഴ്‌വ​ര​യു​ടെ മുകളി​ലും നിശ്ചല​മാ​യി നിൽക്കൂ.” മറെറാ​രു ഭയങ്കര അത്ഭുതം! ദൈവ​ത്തി​ന്റെ പ്രതി​കാ​രം പൂർണ്ണ​മാ​യി നടപ്പാ​ക്കു​ന്ന​തു​വരെ “ഒരു മുഴുവൻ ദിവസ​ത്തോ​ളം” സൂര്യൻ ആ യുദ്ധഭൂ​മി​യെ പ്രകാ​ശ​മാ​ന​മാ​ക്കു​ന്നു. യഹോവ തന്റെ നാലാം സൃഷ്ടി “ദിവസ​ത്തിൽ” രണ്ടു വലിയ ജോതി​സ്സു​കളെ പ്രകാ​ശി​ക്കു​ന്ന​തി​നാ​യി ‘ഉണ്ടാക്കി’യതെങ്ങ​നെ​യെന്ന്‌ നാം ചോദ്യം ചെയ്യാ​ത്ത​തു​പോ​ലെ അവൻ ആ അത്ഭുതം ചെയ്‌ത​തെ​ങ്ങ​നെ​യെ​ന്ന​തും നാം തർക്കവി​ഷ​യ​മാ​ക്കേ​ണ്ട​തില്ല. (ഉല്‌പത്തി 1:16-19; സങ്കീർത്തനം 135:5, 6) രേഖ തർക്കമ​റ​റ​താണ്‌: “യഹോവ ഒരു മമനു​ഷ്യ​ന്റെ ശബ്ദം ചെവി​ക്കൊണ്ട ആ ദിവസം പോലെ മറെറാന്ന്‌ അതിനു മുമ്പോ പിമ്പോ ഉണ്ടായി​ട്ടില്ല, കാരണം യിസ്രാ​യേ​ലി​നു​വേണ്ടി പൊരു​തി​യി​രു​ന്നത്‌ യഹോ​വ​ത​ന്നെ​യാ​യി​രു​ന്നു.”—യോശുവ 10:10-14.

13. യോശുവ തന്റെ സേനാ നായകൻമാ​രെ തുടർന്ന്‌ പ്രോ​ത്സാ​ഹി​പ്പി​ച്ച​തെ​ങ്ങനെ, എന്ത്‌ അന്തിമ​ഫ​ല​ത്തോ​ടെ?

¹³ അഞ്ചു രാജാ​ക്കൻമാ​രെ കൊന്നു​കൊണ്ട്‌ നിർമ്മാർജ്ജന പ്രവർത്ത​നങ്ങൾ പരമകാ​ഷ​ഠ​യിൽ എത്തി, ആ സമയത്ത്‌ യോശുവ തന്റെ സേനാ നായകൻമാ​രോട്‌ ഇപ്രകാ​രം പറയുന്നു: “ഭയപ്പെ​ടു​ക​യോ ഭ്രമി​ക്കു​ക​യോ അരുത്‌, ധൈര്യ​വും ബലവും ഉള്ളവരാ​യി​രി​ക്കുക, എന്തെന്നാൽ നിങ്ങൾ യുദ്ധം ചെയ്യുന്ന നിങ്ങളു​ടെ എല്ലാ ശത്രു​ക്ക​ളോ​ടും യഹോവ ചെയ്യാൻ പോകു​ന്നത്‌ ഇതു​പോ​ലെ​ത​ന്നെ​യാണ്‌.” കനാനി​ലെ ഏഴുരാ​ജാ​ക്കൻമാ​രു​ടെ കാര്യ​ത്തിൽ ഇത്‌ സത്യമാ​ണെന്ന്‌ തെളി​ഞ്ഞി​രി​ക്കു​ന്നു, മറെറാ​രു പൂർണ്ണ സംഖ്യ​യായ 24 രാജ്യങ്ങൾ മറിച്ചി​ട​പ്പെ​ടു​മ​ള​വിൽ തുടർന്നും സത്യ​മെന്ന്‌ തെളി​യു​ന്നു. അതിനു​ശേഷം മാത്ര​മാണ്‌ ദേശത്തിന്‌ സ്വസ്ഥത​യു​ണ്ടാ​കു​ന്നത്‌, ആറു വർഷത്തെ യുദ്ധത്തി​നു​ശേ​ഷം​തന്നെ.—യോശുവ 10:16-25; 12:7-24.

14. ഏത്‌ മനോ​ഭാ​വ​ത്തോ​ടും വിശ്വാ​സ​ത്തോ​ടും കൂടെ നാം അർമ്മ​ഗെ​ദ്ദോ​നെ അഭിമു​ഖീ​ക​രി​ക്കണം?

¹⁴ ഇന്ന്‌ അർമ്മ​ഗെ​ദ്ദോ​നി​ലെ അന്തിമ​യു​ദ്ധത്തെ അഭിമു​ഖീ​ക​രി​ക്കു​മ​ള​വിൽ നമുക്ക്‌ യോശു​വ​യും അവന്റെ വീര പുരു​ഷൻമാ​രും മുഴു​യി​സ്ര​യേൽ പാളയ​വും ആയിരു​ന്ന​തു​പോ​ലെ ധൈര്യ​വും ബലവു​മു​ള്ള​വ​രാ​യി​രി​ക്കാം. യഹോവ അനേക​ലക്ഷം യിസ്രാ​യേ​ല്യ​രെ ദ്രോ​ഹ​മേൽക്കാ​തെ വാഗ്‌ദ​ത്ത​ദേ​ശത്ത്‌ കൊണ്ടു​വ​ന്ന​തു​പോ​ലെ​തന്നെ ദശലക്ഷ​ക്ക​ണ​ക്കി​നുള്ള നിർഭ​യ​രായ തന്റെ ജനത്തെ അർമ്മ​ഗെ​ദ്ദോ​നി​ലൂ​ടെ പുതിയ വ്യവസ്ഥി​തി​യിൽ എത്തിക്കു​ന്ന​തിന്‌ കൂടുതൽ ഭയങ്കര​മായ അത്ഭുതങ്ങൾ ചെയ്യാൻ അവന്‌ കഴിയു​മെന്ന്‌ നമുക്ക്‌ ദൃഢവി​ശ്വാ​സ​മു​ള്ള​വ​രാ​യി​രി​ക്കാം.—വെളി​പ്പാട്‌ 7:1-3, 9, 14; 19:11-21; 21:1-5.

നമ്മുടെ നിശ്ചയം

15. ദൈവ​ത്തി​ന്റെ പുതിയ വ്യവസ്ഥി​തി​യിൽ “വേറെ ആടുകൾക്ക്‌” ഏതുതരം നിയമ​നങ്ങൾ പ്രതീ​ക്ഷി​ക്കാൻ കഴിയും?

¹⁵ അവൻ ഇപ്പോൾ 90 വയസ്സി​നോ​ട​ടു​ക്കു​ക​യാ​യി​രു​ന്നെ​ങ്കി​ലും യോശുവ മറെറാ​രു വലിയ ജോലി​യെ അഭിമു​ഖീ​ക​രി​ച്ചു—യിസ്രാ​യേൽ ഗോ​ത്ര​ങ്ങ​ളു​ടെ​യി​ട​യിൽ ദേശം വിഭാ​ഗി​ക്കു​ന്ന​തു​തന്നെ. യിസ്രാ​യേ​ല്യ​രെ സംബന്ധി​ച്ചി​ട​ത്തോ​ളം ജീവിതം എളുപ്പ​മാ​യി​ത്തീ​രു​മെന്ന്‌ ഇത്‌ അർത്ഥമാ​ക്കി​യില്ല. കാലേബ്‌ ഹെ​ബ്രോ​നിൽ പ്രദേശം ചോദി​ച്ചു, അനാക്കിം രാക്ഷസൻമാർ താമസി​ച്ചി​രു​ന്നി​ട​ത്തു​തന്നെ; യഹോ​വ​യു​ടെ ശത്രു​ക്ക​ളിൽ അവസാ​നത്തെ ആളെവരെ പിഴു​തു​ക​ള​യു​ന്ന​തിൽ തന്നെത്തന്നെ ചെലവ​ഴി​ച്ചു​കൊ​ണ്ടി​രി​ക്കാൻ അവൻ ആഗ്രഹി​ച്ചു. ഇത്‌ ഭൂമി​യിൽ ക്രിസ്‌തു​വി​ന്റെ ആയിര​മാ​ണ്ടു വാഴ്‌ച​ക്കാ​ലത്ത്‌ ശത്രു​ക്ക​ളായ മനുഷ്യർ ഉണ്ടായി​രി​ക്കു​മെ​ന്ന​തി​ന്റെ സൂചനയല്ല. എന്നാൽ വേല ചെയ്യാ​നു​ണ്ടാ​യി​രി​ക്കും. പുതിയ വ്യവസ്ഥി​തി​യിൽ നാം എളുപ്പ​മുള്ള ഒരു അലസജീ​വി​തം പ്രതീ​ക്ഷി​ക്ക​രുത്‌. “പുതിയ ഭൂമി”യിൽ തങ്ങളുടെ നിയമ​നങ്ങൾ സ്വീക​രി​ച്ച​ശേഷം കർത്താ​വി​ന്റെ “വേറെ​യാ​ടു​കൾക്ക്‌” ഭൂമിയെ മനോ​ഹ​ര​മാ​ക്കു​ക​യും അതിനെ അക്ഷരീയ പരദീ​സ​യാ​ക്കി രൂപാ​ന്ത​ര​പ്പെ​ടു​ത്തു​ക​യും ചെയ്യുന്ന ഭീമമായ പദ്ധതി​യിൽ വളരെ​യ​ധി​കം വേല ചെയ്യാ​നു​ണ്ടാ​യി​രി​ക്കും.—യോശുവ 14:6-15; മർക്കോസ്‌ 10:29, 30; റോമർ 12:11.

16. “സങ്കേത നഗരങ്ങൾ” എന്ന യഹോ​വ​യു​ടെ ക്രമീ​ക​ര​ണ​ത്താൽ ഇന്ന്‌ എന്തു ചിത്രീ​ക​രി​ക്ക​പ്പെ​ടു​ന്നു?

¹⁶ ദേശം നിയമിച്ച്‌ കൊടി​ക്കു​ന്ന​തിൽ യോശുവ ലേവ്യ​രു​ടെ ആറുന​ഗ​രങ്ങൾ, യോർദ്ദാ​ന്റെ ഓരോ കരയി​ലും മൂന്നു വീതം, “സങ്കേത നഗരങ്ങൾ” ആയി നീക്കി​വെച്ചു. ഇത്‌ ഈ നഗരങ്ങ​ളിൽ ഒന്നി​ലേക്ക്‌ ഓടി​പ്പോ​കുന്ന മന:പൂർവ്വ​മ​ല്ലാത്ത മാനു​ഷ​ഘാ​ത​കനെ രക്ഷിക്കു​ന്ന​തി​നുള്ള യഹോ​വ​യു​ടെ ക്രമീ​ക​ര​ണ​മാ​യി​രു​ന്നു. അത്തരം ഒരു മനുഷ്യ​ഘാ​തകൻ തനിക്ക്‌ ദൈവ​മു​മ്പാ​കെ ഒരു ശുദ്ധമന:സാക്ഷി​യു​ണ്ടെന്ന്‌ തെളി​യി​ക്കേ​ണ്ടി​യി​രു​ന്നു, മഹാപു​രോ​ഹി​തന്റെ മരണം​വരെ ആ നഗരത്തിൽ സ്ഥിതി ചെയ്‌തു​കൊ​ണ്ടു​തന്നെ. അതു​പോ​ലെ​തന്നെ, ഈ രക്തപങ്കില ലോക​വു​മാ​യുള്ള തങ്ങളുടെ ‘മുൻസ​ഹ​വാ​സം നിമിത്തം “മഹാപു​രു​ഷാ​രം” ദൈവ​വു​മാ​യി ഒരു നല്ല മന:സാക്ഷി തേടേ​ണ്ട​തുണ്ട്‌. അവർ തങ്ങളുടെ പാപങ്ങൾ ഏററു പറഞ്ഞു​കൊ​ണ്ടും അനുത​പി​ച്ചു​കൊ​ണ്ടും തിരി​ഞ്ഞു​വ​ന്നു​കൊ​ണ്ടും യഹോ​വക്ക്‌ സമർപ്പി​ച്ചു​കൊ​ണ്ടും ജലസ്‌നാ​ന​ത്തിന്‌ വിധേ​യ​മാ​യി​ക്കൊ​ണ്ടും ആ നല്ല മന:സാക്ഷി സമ്പാദി​ക്കു​ന്നു. തുടർന്ന്‌ അവർ ആ നില കാത്തു​സൂ​ക്ഷി​ക്കണം. യേശു ആയിര​മാ​ണ്ടു​വാ​ഴ്‌ച​യു​ടെ സമാപ​ന​ത്തിൽ തന്റെ മഹാപു​രോ​ഹിത വേല സംബന്ധിച്ച്‌ പ്രതീ​കാ​ത്മ​ക​മാ​യി മരിക്കു​ന്ന​തു​വരെ “മഹാപു​രു​ഷാ​രം” “നഗര”ത്തിൽ സ്ഥിതി​ചെ​യ്യേണ്ട ആവശ്യ​മുണ്ട്‌.—യോശുവ 20:1-9; വെളി​പ്പാട്‌ 20:4, 5; 1 കൊരി​ന്ത്യർ 15:22, 25, 26.

17. ഏതു സന്തോ​ഷ​ക​ര​മായ ഫലം ചിത്രീ​ക​രി​ക്ക​പ്പെ​ടു​ന്നു?

¹⁷ യഹോവ തന്റെ ജനമായ യിസ്രാ​യേ​ലി​നെ അനു​ഗ്ര​ഹി​ച്ചി​രി​ക്കു​ന്നത്‌ എത്ര അത്ഭുത​ക​ര​മാ​യി​ട്ടാണ്‌! വഴി വിഷമം പിടി​ച്ച​തും പരീക്ഷ​ണങ്ങൾ നിരവ​ധി​യും ആയിരു​ന്നു. എന്നാൽ ഒടുവിൽ അവർ വാഗ്‌ദത്ത ദേശത്ത്‌ വരുക​യും അവിടെ താമസ​മാ​ക്കു​ക​യും ചെയ്‌തു. യഹോ​വ​യോ​ടുള്ള നന്ദിയിൽ അവരുടെ ഹൃദയങ്ങൾ എത്രമാ​ത്രം കവി​ഞ്ഞൊ​ഴു​കി​യി​രി​ക്കണം! നമ്മുടെ ദൈവ​ത്തോ​ടുള്ള വിശ്വ​സ്‌തത തെളി​യി​ക്കു​ന്ന​തി​നാൽ “പുതിയ ഭൂമി” ഉൾപ്പെടെ അവന്റെ പുതിയ വ്യവസ്ഥി​തി​യിൽ പ്രവേ​ശി​ക്കു​മ​ള​വിൽ നമുക്ക്‌ അതു​പോ​ലുള്ള സന്തോഷം ഉണ്ടായി​രി​ക്കും. വാസ്‌ത​വ​ത്തിൽ, യോശു​വ​യു​ടെ നാളിൽ സത്യമാ​യി​രു​ന്ന​തു​പോ​ലെ​തന്നെ അത്‌ നമ്മെ സംബന്ധി​ച്ചും സത്യമാ​യി​രി​ക്കും: “യഹോവ യിസ്രാ​യേൽ ഗൃഹ​ത്തോട്‌ ചെയ്‌ത എല്ലാ നല്ല വാഗ്‌ദ​ത്ത​ങ്ങ​ളി​ലും വെച്ച്‌ ഒന്നു​പോ​ലും പരാജ​യ​പ്പെ​ട്ടില്ല; അവയെ​ല്ലാം സത്യമാ​യി ഭവിച്ചു.” (യോശുവ 21:45) നിങ്ങൾക്കും അവിടെ ഒരു സന്തുഷ്ട പങ്ക്‌ ഉണ്ടായി​രി​ക്കട്ടെ!

18. (എ) യിസ്രാ​യേ​ലി​ലെ മൂപ്പൻമാ​രോട്‌ യോശുവ എന്തു വീണ്ടും വിവരി​ച്ചു​കൊ​ടു​ത്തു? (ബി) യഹോ​വ​യു​ടെ പുതിയ വ്യവസ്ഥി​തി സംബന്ധിച്ച്‌ നമുക്ക്‌ ഏത്‌ ആഗ്രഹം ഉണ്ടായി​രി​ക്കണം?

¹⁸ ഒടുവിൽ 110 വയസ്സു​ള്ള​പ്പോൾ യോശുവ യിസ്രാ​യേ​ലി​ലെ മൂപ്പൻമാ​രെ വിളി​ച്ചു​കൂ​ട്ടി. അബ്രഹാ​മി​ന്റെ കാലം മുതൽ ആ ദിവസം​വരെ യഹോവ തന്റെ വിശ്വസ്‌ത ജനത്തെ അനു​ഗ്ര​ഹിച്ച അത്ഭുത​ക​ര​മായ വിധം അവൻ അവർക്ക്‌ വീണ്ടും വിവരി​ച്ചു​കൊ​ടു​ത്തു. യഹോവ ഇപ്പോൾ അവരോട്‌ ഇങ്ങനെ പറഞ്ഞു: “അങ്ങനെ നിങ്ങൾ അദ്ധ്വാ​നി​ച്ചി​ട്ടി​ല്ലാത്ത ഒരു ദേശവും നിങ്ങൾ പണിയാത്ത നഗരങ്ങ​ളും ഞാൻ നിങ്ങൾക്ക്‌ നൽകി, നിങ്ങൾ അവിടെ വാസമു​റ​പ്പി​ച്ചു. നിങ്ങൾ നട്ടുപി​ടി​പ്പി​ക്കാത്ത മുന്തി​രി​ത്തോ​ട്ട​ത്തി​ലേ​യും ഒലിവു​തോ​ട്ട​ങ്ങ​ളി​ലെ​യും ഫലം ആണ്‌ നിങ്ങൾ ഭക്ഷിക്കു​ന്നത്‌.” ഈ സമൃദ്ധ​മായ കരുതൽ നിമിത്തം യിസ്രാ​യേൽ നിശ്ചയ​മാ​യും എന്നേക്കും “യഹോ​വയെ ഭയപ്പെ​ടു​ക​യും കുററ​മി​ല്ലാ​യ്‌മ​യി​ലും സത്യത്തി​ലും അവനെ സേവി​ക്കു​ക​യും” ചെയ്യേ​ണ്ട​താ​യി​രു​ന്നു. ഈ ഭൂമി​ക്കാ​യുള്ള യഹോ​വ​യു​ടെ മഹത്തായ പുതിയ വ്യവസ്ഥി​തി തൊട്ടു​മു​മ്പിൽ കാണു​ന്ന​തു​കൊണ്ട്‌ തീർച്ച​യാ​യും നമ്മിൽ ഓരോ​രു​ത്തർക്കും സമാന​മായ ഒരു ആഗ്രഹം ഉണ്ടായി​രി​ക്കണം.—യോശുവ 24:13, 14.

19. (എ) യോശുവ ഇപ്പോൾ ജനത്തിന്റെ മുമ്പാകെ ഏതു തിര​ഞ്ഞെ​ടുപ്പ്‌ വെച്ചു, അവർ എങ്ങനെ ഉത്തരം നൽകി? (ബി) നാം ആരേ​പ്പോ​ലെ ആയിരി​ക്കാൻ ആഗ്രഹി​ക്കണം? (സി) നാം എന്തു തെര​ഞ്ഞെ​ടു​ക്കണം, ഏതു നിശ്ചയ​ത്തോ​ടെ?

¹⁹ തുടർന്ന്‌ യോശുവ സ്‌പഷ്ട​മാ​യി ജനത്തോ​ടു പറഞ്ഞു: “യഹോ​വയെ സേവി​ക്കു​ന്നത്‌ നിങ്ങളു​ടെ ദൃഷ്ടി​യിൽ ഹീന​മെ​ങ്കിൽ, നിങ്ങൾ ആരെ സേവി​ക്കു​മെന്ന്‌ ഇന്നുതന്നെ തെര​ഞ്ഞെ​ടു​ത്തു​കൊൾക. . . . എന്നെയും എന്റെ കുടും​ബ​ത്തെ​യും സംബന്ധി​ച്ചാ​ണെ​ങ്കിൽ ഞങ്ങൾ യഹോ​വയെ സേവി​ക്കും.” നമുക്ക്‌ ഓരോ​രു​ത്തർക്കും വ്യക്തി​പ​ര​മാ​യി, നമ്മുടെ കുടും​ബ​ങ്ങ​ളി​ലെ വിശ്വാ​സി​ക​ളായ അംഗങ്ങൾക്ക്‌, നമ്മുടെ സഭകൾക്ക്‌, ലോക​വ്യാ​പ​ക​മാ​യുള്ള “ദൈവ​ത്തി​ന്റെ ഭവന”ത്തിന്‌ ഈ വാക്കുകൾ പ്രതി​ധ്വ​നി​പ്പി​ക്കാൻ കഴിയു​മോ? നിശ്ചയ​മാ​യും അവർക്ക്‌ കഴിയും. (എഫേസ്യർ 2:19) യോശു​വ​യു​ടെ നാളിലെ ജനം ഇപ്രകാ​രം പറഞ്ഞു​കൊണ്ട്‌ അവന്‌ ഉത്തരം നൽകി: “ഞങ്ങൾ ഞങ്ങളുടെ ദൈവ​മായ യഹോ​വയെ സേവി​ക്കും, അവന്റെ ശബ്ദത്തിന്‌ ഞങ്ങൾ ചെവി​കൊ​ടു​ക്കും!” (യോശുവ 24:15, 24) എന്നാൽ സങ്കടക​ര​മാ​യി, പിൽക്കാ​ല​വർഷ​ങ്ങ​ളിൽ അങ്ങനെ ചെയ്യു​ന്ന​തിൽ അവർ പരാജ​യ​പ്പെട്ടു. പരാജ​യ​പ്പെ​ട്ട​വ​രേ​പ്പോ​ലെ ആയിരി​ക്കാൻ നാം ആഗ്രഹി​ക്കു​ന്നില്ല. നാം യോശു​വ​യേ​യും അവന്റെ കുടും​ബ​ത്തേ​യു​പോ​ലെ, കാലേ​ബി​നേ​പ്പോ​ലെ, ഗിബെ​യോ​ന്യ​രേ​പ്പോ​ലെ, രാഹാ​ബി​നേ​പ്പോ​ലെ ആയിരി​ക്കാൻ ആഗ്രഹി​ക്കു​ന്നു. അതേ, “ഞങ്ങൾ യഹോ​വയെ സേവി​ക്കും.” നമുക്ക്‌ ഇത്‌ ധൈര്യ​ത്തോ​ടെ​യും ദൈവ​സ്‌നേ​ഹ​ത്തിൽനിന്ന്‌ നമ്മെ വേർപെ​ടു​ത്താൻ” യാതൊ​ന്നി​നും “കഴിയു​ക​യില്ല” എന്നുള്ള പൂർണ്ണ വിശ്വാ​സ​ത്തോ​ടെ​യും ചെയ്യാം.—റോമർ 8:39. (w86 12/15)

നാം യോശു​വ​യു​ടെ പുസ്‌ത​ക​ത്തിൽനിന്ന്‌ എന്തു പഠിക്കു​ന്നു—

◻ ആവർത്തി​ച്ചുള്ള ഉദ്‌ബോ​ധ​ന​ങ്ങ​ളിൽനിന്ന്‌ പ്രയോ​ജനം നേടു​ന്നതു സംബന്ധിച്ച്‌?

◻ ആധുനിക ഗിബെ​യോ​ന്യ​രെ പരിപാ​ലി​ക്കു​ന്നതു സംബന്ധിച്ച്‌?

◻ യഹോവ അർമ്മ​ഗെ​ദ്ദോ​നിൽ എങ്ങനെ പോരാ​ടു​മെ​ന്നതു സംബന്ധിച്ച്‌?

◻ ഒരു “സങ്കേത നഗരത്തി”ലേക്ക്‌ ഓടി​പ്പോ​കേണ്ട ആവശ്യം സംബന്ധിച്ച്‌?

◻ നാം ആരെ സേവി​ക്കണം എന്ന്‌ തെര​ഞ്ഞെ​ടു​ക്കു​ന്നതു സംബന്ധിച്ച്‌?