വായന​ക്കാ​രിൽ നിന്നുള്ള ചോദ്യ​ങ്ങൾ

◼ സങ്കീർത്തനം 37:29, “നീതി​മാ​ന്മാർ ദേശത്തെ കൈവ​ശ​മാ​ക്കി എന്നേക്കും അതിൽ വസിക്കും” എന്നു് ഭാഷാ​ന്തരം ചെയ്‌തി​രി​ക്കു​ന്ന​തി​നാൽ അതു് കേവലം യിസ്രാ​യേ​ല്യർ വാഗ്‌ദ​ത്ത​ദേശം സ്ഥിരമാ​യി കൈവ​ശ​മാ​ക്കു​ന്ന​തി​നെ​യാ​ണോ അർത്ഥമാ​ക്കു​ന്നത്‌?

അല്ല, ആ വ്യാഖ്യാ​നം ഈ നിശ്വസ്‌ത വാഗ്‌ദാ​ന​ത്തി​ന്റെ അടിസ്ഥാ​ന​ര​ഹി​ത​മായ ഒരു പരിമി​തി​യാ​യി​രി​ക്കും. സങ്കീർത്തനം 37 നീതി​മാ​ന്മാ​രു​ടെ മുമ്പാകെ നമ്മുടെ ഭൂമി​യിൽ എന്നേക്കും ജീവി​ക്കു​ന്ന​തി​നുള്ള പ്രതീക്ഷ വെക്കുന്നു.

സങ്കീർത്ത​നം 37:29-ന്റെ, മുകളിൽ കൊടു​ത്തി​രി​ക്കുന്ന ഉദ്ധരണി ജയിംസ്‌ രാജാ​വി​ന്റെ ഭാഷാ​ന്ത​ര​ത്തിൽ നിന്നാ​ണു്. മറ്റു പല ഭാഷാ​ന്ത​ര​ങ്ങ​ളി​ലു​മെന്ന പോലെ അതു് എറെറ്റ്‌സ്‌ (Erets) എന്ന എബ്രായ പദം “ദേശം” എന്നു വിവർത്തനം ചെയ്യുന്നു. എറെറ്റ്‌സ്‌ എന്ന പദത്തി​നു് വേർതി​രി​ക്ക​പ്പെട്ട ഒരു പ്രദേ​ശത്തെ അല്ലെങ്കിൽ “ശിനാർദേശം” അഥവാ “ഈജി​പ്‌റ്റു​ദേശം” എന്നിങ്ങനെ ഒരു രാഷ്‌ട്ര​ത്തി​ന്റെ പ്രദേ​ശത്തെ പരാമർശി​ക്കാൻ കഴിയും.—ഉല്‌പത്തി 10:10, 11; 21:21; സങ്കീർത്തനം 78:12; യിരെ​മ്യാ​വു് 25:20.

അതു​കൊ​ണ്ടു് സങ്കീർത്തനം 37:11, 29, യിസ്രാ​യേ​ല്യർ വാഗ്‌ദത്ത ദേശത്തി​ലെ സ്ഥിരവാ​സ​ക്കാ​രാ​യി​രി​ക്കാൻ കഴിഞ്ഞി​രു​ന്നു​വെ​ന്നും അങ്ങനെ ആയിരു​ന്നി​രി​ക്കണം എന്നും സൂചി​പ്പി​ക്കു​ന്നു. ദൈവം അബ്രാ​ഹാ​മി​നോ​ടു് ചെയ്‌ത ഉടമ്പടി​യ​നു​സ​രിച്ച്‌ ദൈവം അവർക്കു നൽകിയ ആ പ്രദേ​ശ​ത്തു് തലമു​റ​ത​ല​മു​റ​യാ​യി അവന്റെ അനു​ഗ്ര​ഹങ്ങൾ ആസ്വദി​ച്ചു​കൊണ്ട്‌ തുടരാൻ കഴിയു​മാ​യി​രു​ന്നു. എന്നിരു​ന്നാ​ലും യിസ്രാ​യേ​ല്യർ ദൈവ​ത്തോ​ടു് അവനി​ശ്വ​സ്‌ത​രാ​യി​തീർന്ന​തു​കൊ​ണ്ടു് അതു് അപ്രകാ​രം പ്രാവർത്തി​ക​മാ​യില്ല.—ഉല്‌പത്തി 15:18-21; 17:8; ആവർത്തനം 7:12-16, 22; 28:7-14; 31:7; യോശുവ 21:43-45.

എന്നിരു​ന്നാ​ലും സങ്കീർത്തനം 37:11, 29-ലെ എറെറ്റ്‌സ്‌ കേവലം യിസ്രാ​യേ​ല്യർക്കു് നൽകിയ ദേശത്തിൽ പരിമി​ത​പ്പെ​ടു​ത്തു​ന്ന​തി​നു് തിരു​വെ​ഴു​ത്തു ന്യായ​മില്ല.

എ ഹീബ്രൂ ആൻഡ്‌ ഇംഗ്ലീഷ്‌ ലെക്‌സി​ക്കൻ ഓഫ്‌ ദി ഓൾഡ്‌ ടെസ്റ്റ​മെൻറ്‌ (ജെസി​നി​യസ്‌, ബൗൺ, ഡ്രൈവർ, ബ്രിഗ്‌സ്‌; 1951) അനുസ​രിച്ച്‌ എറെറ്റ്‌സി​ന്റെ അർത്ഥം താഴെ പറുയന്നു: “1. a. ഭൂമി, മുഴു​ഭൂ​മി​യും (ഒരു ഭാഗത്തി​നു [വിപരീ​ത​മാ​യി] . . . b. ഭൂമി, സ്വർഗ്ഗം, ആകാശം എന്നതിനു [വിപരീ​ത​മാ​യി], . . . c. ഭൂമി=ഭൂമിയിലെ നിവാ​സി​കൾ . . . 2. ദേശം=a. രാജ്യം, പ്രദേശം . . . b. ജില്ല, മേഖല . . . 3. a. നിലം, കരയുടെ ഉപരി​തലം . . . b. മണ്ണു്, ഉല്‌പാ​ദ​ന​ക്ഷ​മ​മായ എന്നപോ​ലെ.” വില്യം വിൽസ​ണാ​ലുള്ള പഴയനി​യമ പദ പഠനങ്ങൾ എറെറ്റ്‌സ്‌ എന്നതി​നെ​ക്കു​റിച്ച്‌ ഇപ്രകാ​രം പറയുന്നു: ഭൂമി എന്നതു് വിശാ​ല​മായ അർഥത്തിൽ, വാസ​യോ​ഗ്യ​വും വാസ​യോ​ഗ്യ​മ​ല്ലാ​ത്ത​തും ആയ ഭാഗങ്ങൾ പരിമി​തി​യു​ടെ ഏതെങ്കി​ലും വാക്കു​ക​ളോ​ടു​കൂ​ടെ ഭൂമി​യു​ടെ ഉപരി​ത​ല​ത്തി​ന്റെ ഏതാനും ഭാഗം, ഒരു ദേശം അഥവാ രാജ്യം.” അതു​കൊ​ണ്ടു് എബ്രാ​യ​പ​ദ​ത്തി​ന്റെ പ്രഥമ​വും പ്രധാ​ന​വു​മായ അർത്ഥം നമ്മുടെ ഗ്രഹം അഥവാ ഗോളം, ഭൂമി എന്നാണു്.

അർത്ഥവ​ത്താ​യി, സങ്കീർത്തനം 37:11, 29 സെപ്‌റ്റു​വ​ജിൻറിൽ ഗ്രീക്കി​ലേക്കു ഭാഷാ​ന്തരം ചെയ്‌ത​പ്പോൾ എറെറ്റ്‌സ്‌ എന്ന എബ്രാ​യ​പ​ദ​ത്തി​നു് ഗീ എന്ന ഗ്രീക്കു പദം ഉപയോ​ഗി​ച്ചു. അതു് “ഭൂമി, കൃഷിക്ക്‌ ഉപയു​ക്ത​മായ സ്ഥലം അഥവാ മണ്ണു് എന്നതിനെ കുറി​ക്കു​ന്നു.” മത്തായി 5:5-ലെ യേശു​വി​ന്റെ അർഥവ​ത്തായ പ്രവച​ന​ത്തിൽ ഉപയോ​ഗി​ച്ചി​രി​ക്കുന്ന പദം ഗീണ എന്നാണു്: “സൗമ്യ​ത​യു​ള്ളവർ സന്തുഷ്ട​രാ​കു​ന്നു, എന്തു​കൊ​ണ്ടെ​ന്നാൽ അവർ ഭൂമിയെ അവകാ​ശ​മാ​ക്കും.”

നിശ്ചയ​മാ​യും യേശു സങ്കീർത്തനം 37:11-ലെ വാഗ്‌ദാ​നം ഉദ്ധരി​ക്കു​ക​യിൽ കേവലം വാഗ്‌ദത്ത ദേശ​ത്തെ​ക്കു​റി​ച്ചു സംസാ​രി​ക്ക​യ​ല്ലാ​യി​രു​ന്നു. അവന്റെ അഭിഷി​ക്താ​നു​ഗാ​മി​കൾ മുഴു ഭൂഗോ​ള​ത്തിൻമേ​ലു​മുള്ള ഒരു ഭരണത്തിൽ പങ്കുവ​ഹി​ക്കാ​നാ​യി അവനോ​ടു​കൂ​ടെ സ്വർഗ്ഗീയ രാജ്യ—പുരോ​ഹി​ത​വർഗ്ഗ​മാ​യി​ത്തീ​രും. (വെളിപ്പാ​ടു് 21:4; ഉല്‌പത്തി 1:28) അതു​കൊ​ണ്ടു് നമു​ക്കെ​ല്ലാം താഴെ പറയുന്ന വാഗ്‌ദാ​ന​ത്തി​ന്റെ അത്ഭുത​ക​ര​മായ ഭാവി നിവൃ​ത്തി​ക്കു​വേണ്ടി നോക്കാം: “എന്തു​കൊ​ണ്ടെ​ന്നാൽ നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.”—സങ്കീർത്തനം 37:29, ഫെൻറൺ.