വിജയ​ക​ര​മായ കുടുംബ ജീവി​ത​ത്തി​നുള്ള താക്കോൽ

“അധഃപ​തി​ച്ചു​കൊ​ണ്ടി​രി​ക്കുന്ന ഒരു കുടും​ബ​ഘ​ട​ക​മാ​ണു നമുക്കു​ള്ളത്‌” എന്നു കഴിഞ്ഞ വർഷം യു.എസ്‌. പ്രസി​ഡൻറ്‌ സ്ഥാന​ത്തേക്കു മത്സരിച്ച ഒരു സ്ഥാനാർഥി പ്രസ്‌താ​വി​ക്കു​ക​യു​ണ്ടാ​യി. നിശ്ചയ​മാ​യും കുടും​ബാ​ധഃ​പ​ത​ന​ത്തി​ന്റെ വ്യാപ്‌തി ഞെട്ടി​ക്കു​ന്ന​താണ്‌. “അതേ കാലയ​ള​വി​ലെ സാമ്പത്തി​ക​മോ വ്യാവ​സാ​യി​ക​മോ ആയ സ്ഥിതി​വി​വ​ര​ക്ക​ണ​ക്കു​ക​ളിൽ കാണുന്ന സമാന​വ്യാ​പ്‌തി​യി​ലുള്ള മാററ​ങ്ങ​ളിൽ നാം അന്തംവി​ട്ടു​പോ​കു”മെന്ന്‌ ഫോർച്ച്യൂൺ മാഗസിൻ റിപ്പോർട്ടു ചെയ്‌തു.

ബൈബിൾത​ത്ത്വ​ങ്ങൾ പിൻപ​റ​റാൻ ശ്രമി​ക്കുന്ന കുടും​ബ​ങ്ങൾപോ​ലും പലപ്പോ​ഴും വിപൽക്ക​ര​മാ​യി ബാധി​ക്ക​പ്പെ​ടു​ന്നു. ഏതാനും വർഷങ്ങൾക്കു മുമ്പ്‌, കൗമാ​ര​പ്രാ​യ​മെ​ത്താത്ത ആറു കുട്ടി​ക​ളുള്ള ഒരു പിതാ​വി​നോട്‌ ഒരു സഹക്രി​സ്‌ത്യാ​നി നല്ല ഉദ്ദേശ്യ​ത്തോ​ടെ ഇങ്ങനെ പറഞ്ഞു: “നിങ്ങളു​ടെ കുട്ടി​ക​ളിൽ നാലു​പേർ സത്യത്തിൽ ഉറച്ചു​നിൽക്കി​ല്ലെന്നു നിങ്ങൾക്കു പ്രതീ​ക്ഷി​ക്കാം.” എന്നിരു​ന്നാ​ലും, തന്റെ കുട്ടി​ക​ളിൽ ഒരാൾക്കു​പോ​ലും അങ്ങനെ സംഭവി​ക്കേ​ണ്ട​താ​ണെന്ന്‌ ഈ പിതാവു വിശ്വ​സി​ച്ചില്ല. അദ്ദേഹം എന്തു​കൊ​ണ്ടെന്നു വിശദീ​ക​രി​ച്ചു.

“ഞങ്ങളുടെ കുട്ടികൾ വാസ്‌ത​വ​ത്തിൽ ഞങ്ങളു​ടേതല്ല,” അദ്ദേഹം പറഞ്ഞു. “തന്നിൽനി​ന്നുള്ള ഒരു ‘അവകാ​ശ​മാ​യി’ അല്ലെങ്കിൽ ഒരു സമ്മാന​മാ​യി യഹോ​വ​യാം ദൈവം അവരെ എനിക്കും ഭാര്യ​ക്കും ഏൽപ്പി​ച്ചു​ത​ന്നി​രി​ക്കു​ക​യാണ്‌. ഉചിത​മായ വിധത്തിൽ നാം അവരെ പരിശീ​ലി​പ്പി​ക്കു​ന്നെ​ങ്കിൽ ‘അവർ അതിൽനി​ന്നു വ്യതി​ച​ലി​ച്ചു പോകു​ക​യില്ല’ എന്നും അദ്ദേഹം പറഞ്ഞു. അതു​കൊണ്ട്‌ അവർ യഹോ​വ​ക്കു​ള്ള​വ​രാണ്‌ എന്നപോ​ലെ അവരെ പരിപാ​ലി​ക്കാൻ ഞങ്ങൾ എല്ലായ്‌പോ​ഴും ശ്രമി​ച്ചി​ട്ടുണ്ട്‌.”—സങ്കീർത്തനം 127:3; സദൃശ​വാ​ക്യ​ങ്ങൾ 22:6.

സന്തുഷ്ട കുടും​ബ​ജീ​വി​ത​ത്തി​നുള്ള ഒരു താക്കോ​ലാണ്‌ ആ പിതാവ്‌ ഇവിടെ തിരി​ച്ച​റി​യി​ച്ചത്‌—ദൈവ​ത്തി​ന്റെ സ്വത്തിനെ പരിപാ​ലി​ക്കു​ന്ന​തു​പോ​ലെ തങ്ങളുടെ കുട്ടി​കളെ മാതാ​പി​താ​ക്കൾ പരിപാ​ലി​ക്കണം. എല്ലാ കാര്യ​ങ്ങ​ളി​ലും കുട്ടികൾ നിങ്ങളു​ടെ ഏററം നല്ല നിർദേ​ശങ്ങൾ കൈ​ക്കൊ​ള്ളു​മെന്ന്‌ ഇതിന്‌ അർഥമി​ല്ലെ​ങ്കി​ലും നിങ്ങളെ ദൈവം ഭരമേൽപ്പി​ച്ചി​രി​ക്കുന്ന കുട്ടി​കളെ പരിപാ​ലി​ക്കാൻ നിങ്ങൾക്ക്‌ ഉത്തരവാ​ദി​ത്വ​മുണ്ട്‌.

ഒരു ഗൗരവ​മായ ഉത്തരവാ​ദി​ത്വം

ഭയാദ​ര​വോ​ടും അഗാധ​മായ താത്‌പ​ര്യ​ത്തോ​ടും​കൂ​ടെ നിങ്ങൾ ഉചിത​മാ​യി ഈ പരിപാ​ലനം പ്രദാനം ചെയ്യുന്നു, അശ്രദ്ധ​യോ​ടെ​യോ അനാസ്ഥ​യോ​ടെ​യോ അല്ല. നിങ്ങൾക്കു നൽകിയ തന്റെ അവകാ​ശ​ത്തിന്‌ അല്ലെങ്കിൽ സമ്മാന​ത്തി​നു ദൈവ​ത്തോ​ടു കണക്കു​ബോ​ധി​പ്പി​ക്കേ​ണ്ട​താ​ണെന്ന ബോധ്യ​ത്തോ​ടെ നിങ്ങൾ പ്രവർത്തി​ക്കു​ന്നു. കുട്ടി​കളെ വളർത്തി​ക്കൊ​ണ്ടു​വ​രു​ന്ന​തി​ന്റെ വിവിധ മാർഗങ്ങൾ പരീക്ഷി​ച്ചു​നോ​ക്കേണ്ട ആവശ്യ​മില്ല. തന്റെ വചനമായ ബൈബി​ളിൽ നൽകി​യി​രി​ക്കുന്ന ദൈവ​പ്ര​ബോ​ധ​നങ്ങൾ മാത്രമേ മാതാ​പി​താ​ക്കൾക്ക്‌ ആവശ്യ​മു​ള്ളൂ, അവ ശ്രദ്ധാ​പൂർവം പിന്തു​ട​രു​ക​യും വേണം.

ഇതാണ്‌ യഹോ​വ​യാം ദൈവ​ത്തി​ന്റെ ഉദ്‌ബോ​ധനം: “നീ അവയെ നിന്റെ മക്കൾക്കു ഉപദേ​ശി​ച്ചു​കൊ​ടു​ക്ക​യും നീ വീട്ടിൽ ഇരിക്കു​മ്പോ​ഴും വഴി നടക്കു​മ്പോ​ഴും കിടക്കു​മ്പോ​ഴും എഴു​ന്നേ​ല്‌ക്കു​മ്പോ​ഴും അവയെ​ക്കു​റി​ച്ചു സംസാ​രി​ക്ക​യും വേണം. അവയെ അടയാ​ള​മാ​യി നിന്റെ കൈമേൽ കെട്ടേണം; അവ നിന്റെ കണ്ണുകൾക്കു മദ്ധ്യേ പട്ടമായി ഇരി​ക്കേണം. അവയെ നിന്റെ വീട്ടിന്റെ കട്ടിള​ക​ളിൻമേ​ലും പടിവാ​തി​ലു​ക​ളി​ലും എഴു​തേണം.” ബൈബിൾ ഇങ്ങനെ​യും പ്രോ​ത്സാ​ഹി​പ്പി​ക്കു​ന്നു: “പിതാ​ക്കൻമാ​രേ, നിങ്ങളു​ടെ മക്കളെ . . . കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും പോററി വളർത്തു​വിൻ.”—ആവർത്ത​ന​പു​സ്‌തകം 6:7-9; എഫെസ്യർ 6:4.

അപ്പോൾ കുട്ടി​കളെ പരിപാ​ലി​ക്കു​ന്ന​തിൽ ദിവ​സേ​ന​യുള്ള ശ്രദ്ധ ആവശ്യ​മാ​യി​വ​രു​ന്നു; അതേ, അതു നിങ്ങൾ നിങ്ങളു​ടെ സമയം, വിശേ​ഷി​ച്ചു നിങ്ങളു​ടെ സ്‌നേ​ഹ​വും ആഴമായ താത്‌പ​ര്യ​വും അവർക്കാ​യി നിർലോ​ഭം നീക്കി​വെ​ക്കു​ന്ന​തി​നെ അർഥമാ​ക്കു​ന്നു. തങ്ങളുടെ കുട്ടി​കൾക്ക്‌ ഈ അടിസ്ഥാന ആവശ്യങ്ങൾ നിറ​വേ​റ​റുന്ന മാതാ​പി​താ​ക്കൾ ഒരു വിജയ​ക​ര​മായ കുടും​ബ​ജീ​വി​തം ആസ്വദി​ക്കാൻ ആവശ്യ​മെന്നു ദൈവം പറയു​ന്ന​താ​ണു ചെയ്യു​ന്നത്‌.

ഇതു കണക്കി​ല​ധി​കം ആവശ്യ​പ്പെ​ടു​ന്നു​വെന്നു നിങ്ങൾ വിശ്വ​സി​ക്കു​ന്നു​വോ? തങ്ങൾക്ക്‌ അങ്ങനെ​യാ​ണു തോന്നു​ന്ന​തെന്നു പല മാതാ​പി​താ​ക്ക​ളും അവരുടെ പ്രവൃ​ത്തി​കൾകൊ​ണ്ടു സൂചി​പ്പി​ക്കു​ന്നു. എന്നുവ​രി​കി​ലും, ദൈവ​ത്തിൽനി​ന്നുള്ള ഈ ദാനങ്ങൾ—നിങ്ങളു​ടെ കുട്ടികൾ—അസാധാ​ര​ണ​മാം​വി​ധം പ്രത്യേ​ക​മായ ശ്രദ്ധയർഹി​ക്കു​ന്നു.

അവരെ പരിപാ​ലി​ക്കേണ്ട വിധം

കുട്ടി​കളെ വളർത്തു​ന്ന​തിൽ വിജയം വരിച്ചി​ട്ടു​ള്ള​വ​രു​ടെ മാതൃക ജ്ഞാനപൂർവം പരിചി​ന്തി​ക്കുക. ഒരു മാസിക “അതിശ​യി​പ്പി​ക്കുന്ന കുടും​ബങ്ങൾ” എന്ന അതിന്റെ പ്രധാന ലേഖന​ത്തിൽ കുട്ടി​കളെ വിജയ​ക​ര​മാ​യി വളർത്തു​ന്ന​തിൽ മൂല്യ​വ​ത്തായ നാലു കാര്യങ്ങൾ രേഖ​പ്പെ​ടു​ത്തി: “[1] മനസ്സിനെ ഉത്തേജി​പ്പി​ക്കുന്ന ഭക്ഷണ​വേ​ള​യി​ലെ സംഭാ​ഷണം, [2] ഉത്‌കൃഷ്ട ഗ്രന്ഥങ്ങ​ളു​മാ​യുള്ള സൗഹൃദം, [3] മാതൃ​കാ​യോ​ഗ്യ​രായ സർഗധ​ന​രിൽനി​ന്നുള്ള പ്രചോ​ദനം, [4] ഉയർത്തി​പ്പി​ടി​ക്കാൻ ഒരു കുടും​ബ​പാ​ര​മ്പ​ര്യം ഉണ്ടെന്നുള്ള ബോധം.”—യു.എസ്‌. ന്യൂസ്‌ ആൻറ്‌ വേൾഡ്‌ റിപ്പോർട്ട്‌, 1988 ഡിസംബർ 12.

“ഭക്ഷണ​വേ​ള​യി​ലെ സംഭാ​ഷണം” സംബന്ധിച്ച്‌, വീട്ടി​ലി​രി​ക്കു​മ്പോൾ തങ്ങളുടെ കുട്ടി​കളെ പഠിപ്പി​ക്കാൻ ദൈവം മാതാ​പി​താ​ക്കളെ പ്രബോ​ധി​പ്പി​ക്കു​ന്നു​വെന്ന്‌ ഓർക്കുക. സൗഹൃ​ദ​ത്തി​നും ഉത്തേജി​പ്പി​ക്കുന്ന സംഭാ​ഷ​ണ​ത്തി​നും ദിവസേന അവസര​മൊ​രു​ക്കി​ക്കൊ​ണ്ടു നിങ്ങളു​ടെ കുടും​ബം ഭക്ഷണസ​മ​യത്ത്‌ ഒരു മേശക്കു ചുററു​മി​രി​ക്കാ​റു​ണ്ടോ? കുട്ടി​കൾക്ക്‌ സുസ്ഥി​ര​ത​യു​ടെ​യും സുരക്ഷി​ത​ത്വ​ത്തി​ന്റെ​യും ഒരു ബോധ​മു​ള​വാ​ക്കു​ന്ന​തി​നാൽ അത്തരം അവസരങ്ങൾ മർമ​പ്ര​ധാ​ന​വും മറക്കാ​നാ​വാ​ത്ത​തു​മാണ്‌. ഭക്ഷണ​വേ​ള​കളെ താൻ ഇഷ്ടപ്പെ​ടു​ന്ന​താ​യി ഒരു ആറു വയസ്സു​കാ​രൻ പറഞ്ഞു, എന്തു​കൊ​ണ്ടെ​ന്നാൽ എല്ലാവ​രും ഒരുമി​ച്ചാ​യ​തി​നാൽ “ഓരോ​രു​ത്ത​രെ​യും കുറിച്ചു നിങ്ങൾ വിഷമി​ക്കേ​ണ്ട​തില്ല.”

നിങ്ങളു​ടെ ഭക്ഷണ​വേ​ള​യി​ലെ സംഭാ​ഷ​ണ​ത്തി​ന്റെ ഗുണ​മേൻമയെ സംബന്ധി​ച്ചെന്ത്‌? അതു പലപ്പോ​ഴും നമ്മുടെ ദൈവ​സേ​വ​ന​മോ ദൈവ​ത്തി​ന്റെ സൃഷ്ടി​യോ​ടു ബന്ധപ്പെട്ട കാര്യ​ങ്ങ​ളോ ചർച്ച​ചെ​യ്യുന്ന ബൈബി​ളും ബൈബി​ള​ധി​ഷ്‌ഠിത സാഹി​ത്യ​വും ഉൾപ്പെ​ടെ​യുള്ള “ഉത്‌കൃഷ്ട ഗ്രന്ഥങ്ങ”ളുടെ ഉള്ളടക്കത്തെ കേന്ദ്രീ​ക​രി​ച്ചാ​ണോ? ഭക്ഷണ​വേ​ള​യി​ലെ ഇത്തരത്തി​ലുള്ള സംഭാ​ഷ​ണ​ത്തി​നു പുറമെ, ഒരു ക്രമമുള്ള പഠന പരിപാ​ടി മുഖാ​ന്തരം മാതാ​പി​താ​ക്കൾ യഹോ​വ​യോ​ടും അവിടു​ത്തെ നീതി​യുള്ള നിയമ​ങ്ങ​ളോ​ടും ഉള്ള പ്രിയം തങ്ങളുടെ കുട്ടി​ക​ളിൽ നട്ടുവ​ളർത്തേ​ണ്ട​യാ​വ​ശ്യ​മുണ്ട്‌.

“ക്രമമാ​യി ഒരുമി​ച്ചു ഭക്ഷണം കഴിക്കു​ന്നത്‌ ഒരു പ്രശ്‌ന​മാ​യി​രു​ന്നില്ല” എന്ന്‌ മുന്നമേ സൂചി​പ്പിച്ച ആറു കുട്ടി​ക​ളു​ടെ പിതാവ്‌ വിശദീ​ക​രി​ച്ചു. “ഇതു സ്വതേ പ്രവർത്തി​ക്കു​ന്ന​താ​യി​രു​ന്നു, അതു ഞങ്ങളെ ഒരുമി​പ്പി​ക്കാ​നു​തകി. എന്നാൽ ബൈബി​ള​ധ്യ​യ​ന​ത്തി​ന്റെ ഒരു ക്രമമായ പരിപാ​ടി​യു​ണ്ടാ​യി​രി​ക്കു​ന്നതു ബുദ്ധി​മു​ട്ടാ​യി​രു​ന്നു.” ഒരു ദിവസത്തെ കഠിനാ​ധ്വാ​ന​ത്തി​നു ശേഷമുള്ള കലശലായ ക്ഷീണം​നി​മി​ത്തം, അധ്യയ​ന​ത്തി​നി​ട​യിൽ അദ്ദേഹം ചില​പ്പോ​ഴൊ​ക്കെ ഉറങ്ങി​പ്പോ​കു​മാ​യി​രു​ന്നു. എന്നുവ​രി​കി​ലും, തന്റെ കുട്ടി​ക​ളു​മൊ​ത്തുള്ള ഒരു ക്രമമായ ബൈബി​ള​ധ്യ​യനം അദ്ദേഹം ഒരിക്ക​ലും വേണ്ടന്നു​വെ​ച്ചില്ല. അദ്ദേഹം അവരു​മാ​യി മുടക്കം​കൂ​ടാ​തെ വ്യക്തി​ഗ​ത​മാ​യി സംസാ​രി​ക്കു​ക​യും വളരെ നേരം അവരെ ശ്രദ്ധി​ക്കു​ക​യും ചെയ്‌തി​രു​ന്നു.

ഭക്ഷണ​വേ​ള​യി​ലെ അർഥവ​ത്തായ സംഭാ​ഷ​ണ​ത്തിൽ നേതൃ​ത്വ​മെ​ടു​ക്കു​ന്ന​തി​നും ഉത്‌കൃഷ്ട ഗ്രന്ഥങ്ങ​ളു​ടെ സൗഹൃദം പ്രദാനം ചെയ്യു​ന്ന​തി​നും പുറമേ, “മാതൃ​കാ​യോ​ഗ്യ​രായ സർഗധ​ന​രിൽനി​ന്നുള്ള പ്രചോ​ദനം” കുട്ടി​കൾക്കു ലഭിക്കു​ന്നു​ണ്ടെന്നു നിങ്ങൾ ഉറപ്പു​വ​രു​ത്തു​ന്നു​ണ്ടോ? നിങ്ങളു​ടെ കുട്ടികൾ വിജയ​പ്ര​ദ​രായ മുതിർന്നവർ ആയിത്തീ​ര​ണ​മെ​ങ്കിൽ ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും മഹാനായ മനുഷ്യ​നാം യേശു​ക്രി​സ്‌തു​വി​നെ അനുക​രി​ക്കു​ന്ന​വ​രു​മാ​യി ക്രമമാ​യി സഹവസി​ക്കാൻ അവർക്ക്‌ അവസര​മൊ​രു​ക്കു​ന്നതു മർമ​പ്ര​ധാ​ന​മാണ്‌ എന്നതാണ്‌ സത്യം.

അവസാ​ന​മാ​യി, “ഉയർത്തി​പ്പി​ടി​ക്കാൻ ഒരു കുടും​ബ​പാ​ര​മ്പ​ര്യം ഉണ്ടെന്നുള്ള ബോധ”ത്തെ സംബന്ധി​ച്ചെന്ത്‌? നിങ്ങളു​ടെ കുട്ടികൾ ഉയർത്തി​പ്പി​ടി​ക്കാൻ പ്രതീ​ക്ഷി​ക്ക​പ്പെ​ടുന്ന കുടും​ബ​നി​ല​വാ​രങ്ങൾ ഉണ്ടെന്ന്‌ അവർ മനസ്സി​ലാ​ക്കേ​ണ്ട​യാ​വ​ശ്യ​മുണ്ട്‌—ചില പ്രത്യേ​ക​തരം നടത്ത, സംസാരം, വസ്‌ത്ര​ധാ​രണം, പെരു​മാ​റ​റ​രീ​തി​കൾ ആദിയാ​യവ അസ്വീ​കാ​ര്യ​വും കുടും​ബ​പാ​ര​മ്പ​ര്യ​ത്തെ ലംഘി​ക്കു​ന്ന​തും ആണെന്നു​തന്നെ. കുടും​ബ​പാ​ര​മ്പ​ര്യം ലംഘി​ക്കു​ന്നത്‌ ഒരു ഗൗരവ​മേ​റിയ കാര്യ​മാ​ണെന്ന്‌ അവർ തിരി​ച്ച​റി​യേ​ണ്ട​യാ​വ​ശ്യ​മുണ്ട്‌—തന്റെ ആൺമക്ക​ളു​ടെ ലജ്ജാക​ര​മായ നടത്ത പുരാതന ഗോ​ത്ര​ത്ത​ല​വ​നായ യാക്കോ​ബി​നെ “ദേശവാ​സി​ക​ളു​ടെ . . . ഇടയിൽ നാററി​ച്ചു വിഷമ​ത്തി​ലാ​ക്കി.” അതു​പോ​ലെ നിങ്ങളും ആഴത്തിൽ വ്രണി​ത​രാ​കും.—ഉല്‌പത്തി 34:30.

കുട്ടി​ക​ളെ ദൈവ​ത്തി​ന്റെ സ്വത്തായി വീക്ഷിച്ച ആറു മക്കളുള്ള ആ പിതാവ്‌ “കുടും​ബ​പാ​ര​മ്പര്യ”ത്തിനു വിശേ​ഷാൽ ഊന്നൽ കൊടു​ത്തു. വസ്‌ത്ര​ധാ​ര​ണ​വും ചമയവും ലോക​ത്തി​ന്റെ രീതി​ക​ളിൽനി​ന്നുള്ള വേർപാ​ടും സ്രഷ്ടാ​വായ യഹോ​വ​യാം ദൈവ​ത്തി​ന്റെ ആത്മാ​വോ​ടും നിർദേ​ശ​ത്തോ​ടും എപ്രകാ​രം യോജി​പ്പി​ലാ​യി​രി​ക്കു​ന്നു​വെന്ന്‌ അദ്ദേഹം കുട്ടി​ക​ളു​മാ​യി നിരന്തരം ന്യായ​വാ​ദം ചെയ്‌തു. വളരെ​യ​ധി​കം സമയവും സ്‌നേ​ഹ​വും ആഴമായ താത്‌പ​ര്യ​വും അവർക്കു നൽകി​യ​തി​ന്റെ—അവർ പോ​കേ​ണ്ടുന്ന വിധത്തിൽ അവരെ പരിശീ​ലി​പ്പി​ച്ച​തി​ന്റെ—ഫലമായി കുട്ടികൾ ആറു​പേ​രും അവർക്കുള്ള വഴിയിൽനി​ന്നു “വ്യതി​ച​ലി​ക്കാ”തെ പ്രതി​ക​രി​ച്ചി​രി​ക്കു​ന്നു.—സുഭാ​ഷി​തങ്ങൾ 22:6, പി.ഒ.സി. ബൈ.

ലോക​വ്യാ​പ​ക​മാ​യി, അത്തരം ബലിഷ്‌ഠ​മായ കുടും​ബ​ഘ​ട​കങ്ങൾ ആയിര​ക്ക​ണ​ക്കി​നുണ്ട്‌. തങ്ങളുടെ സ്രഷ്ടാ​വിന്‌ എന്തൊരു പ്രശം​സ​യാ​ണവർ, നിസ്വാർഥ​രും സ്‌നേ​ഹ​മു​ള്ള​വ​രും ആയ മാതാ​പി​താ​ക്കൾക്ക്‌ അവർ എന്തൊരു പ്രതി​ഫലം! വർഷങ്ങൾ കടന്നു​പോ​കു​ന്ന​തോ​ടെ അത്തരം മാതാ​പി​താ​ക്ക​ളു​ടെ ശ്രമങ്ങ​ളിൽനി​ന്നു പ്രയോ​ജനം നേടി​യി​ട്ടുള്ള കുട്ടികൾ അവരോ​ടു കൂടു​തൽക്കൂ​ടു​തൽ മതിപ്പു പ്രകടി​പ്പി​ക്കു​ന്നു. ദൈവ​ഭ​ക്തി​യുള്ള മാതാ​പി​താ​ക്കൾ വളർത്തിയ ഒരു സ്‌ത്രീ​യു​ടെ അനുഭ​വകഥ ദയവായി ഇനി പരിചി​ന്തി​ക്കുക, അതിൽനി​ന്നു പഠിക്കാ​വുന്ന വില​യേ​റിയ പാഠങ്ങൾ കുറി​ക്കൊ​ള്ളുക.