“വളച്ചു​കെ​ട്ടി​ല്ലാ​തെ മ​റു​പ​ടി പ​റ​യു​ന്നു”

ഗിരി​പ്ര​ഭാ​ഷ​ണ​ത്തിൽ യേശു “ന്യായ​പ്ര​മാ​ണ​ത്തെ​യും പ്രവാ​ച​കൻമാ​രെ​യും” പരാമർശി​ച്ചു. എബ്രായ തിരു​വെ​ഴു​ത്തു​ക​ളു​ടെ മൂന്നാ​മത്തെ ഭാഗം സങ്കീർത്ത​ന​ങ്ങ​ളും സദൃശ​വാ​ക്യ​ങ്ങ​ളും​പോ​ലെ​യുള്ള കാവ്യ​പു​സ്‌ത​കങ്ങൾ ഉൾപ്പെ​ടുന്ന എഴുത്തു​ക​ളാ​യി​രു​ന്നു. (മത്തായി 7:12; ലൂക്കോസ്‌ 24:44) ഇവയി​ലും ദൈവ​ത്തി​ന്റെ ജ്ഞാനം അടങ്ങി​യി​രു​ന്നു.

ദൃഷ്ടാ​ന്ത​ത്തിന്‌, സദൃശ​വാ​ക്യ​ങ്ങൾ പുരാതന ന്യായാ​ധി​പൻമാർക്ക്‌ ഇങ്ങനെ മുന്നറി​യി​പ്പു​കൊ​ടു​ത്തു: “ദുഷ്ട​നോട്‌: ‘നീ നീതി​മാ​നാ​കു​ന്നു’ എന്നു പറയു​ന്ന​വനെ ആളുകൾ വെറു​ക്കും, ദേശീ​യ​സം​ഘങ്ങൾ അവനെ അപലപി​ക്കും. എന്നാൽ അവനെ ശാസി​ക്കു​ന്ന​വർക്ക്‌ അത്‌ ഉല്ലാസ​ക​ര​മാ​യി​രി​ക്കും, അവരു​ടെ​മേൽ നൻമയു​ടെ അനു​ഗ്ര​ഹ​മു​ണ്ടാ​കും. വളച്ചു​കെ​ട്ടി​ല്ലാ​തെ മറുപടി പറയു​ന്നവൻ അധരങ്ങളെ ചുംബി​ക്കും.”—സദൃശ​വാ​ക്യ​ങ്ങൾ 24:24-26.

ഒരു ന്യായാ​ധി​പൻ കോഴ​യു​ടെ സമ്മർദ്ദ​ങ്ങൾക്കോ സ്വജന​പ​ക്ഷ​പാ​തി​ത്വ​ത്തി​നോ വഴങ്ങു​ക​യും ദുഷ്ടനെ നീതി​മാ​നെന്നു പ്രഖ്യാ​പി​ക്കു​ക​യും ചെയ്യു​ന്നു​വെ​ങ്കിൽ, അയാൾ തന്റെ സ്ഥാനത്തിന്‌ കൊള്ളാ​ത്ത​വ​നാ​ണെന്ന്‌ മററു​ള്ളവർ വിധി​യെ​ഴു​തും. എന്തിന്‌, നീതി​ന്യാ​യ​പ​ര​മായ അത്തരം അപകൃ​ത്യ​ങ്ങ​ളെ​ക്കു​റി​ച്ചു കേൾക്കുന്ന വിജാ​തീയ “ദേശീ​യ​സം​ഘങ്ങ”ളിലെ അംഗങ്ങൾപോ​ലും പുച്ഛ​ത്തോ​ടെ പ്രതി​ക​രി​ക്കും! മറിച്ച്‌, ഒരു ന്യായാ​ധി​പൻ ധീരമാ​യി ആ ദുഷ്ടമ​നു​ഷ്യ​നെ ശാസി​ക്കു​ക​യും കേസി​നെ​സം​ബ​ന്ധിച്ച്‌ വളച്ചു​കെ​ട്ടി​ല്ലാ​തെ മറുപ​ടി​പ​റ​യു​ക​യും ചെയ്‌താൽ, അയാൾ ആളുക​ളു​ടെ സ്‌നേ​ഹ​വും ആദരവും നേടും. പൊതു​ജ​നങ്ങൾ അയാൾക്ക്‌ “നൻമയു​ടെ അനു​ഗ്ര​ഹങ്ങൾ” ആശംസി​ക്കാൻ പ്രേരി​ത​രാ​കും. സദൃശ​വാ​ക്യ​ങ്ങൾ കൂടു​ത​ലാ​യി പ്രസ്‌താ​വി​ക്കു​ന്ന​തു​പോ​ലെ, “വളച്ചു​കെ​ട്ടി​ല്ലാ​തെ മറുപ​ടി​പ​റ​യു​ന്നവൻ അധരങ്ങളെ ചുംബി​ക്കും.”

അങ്ങനെ​യു​ള്ള ഒരു ചുംബനം പരസ്‌പ​ര​ബ​ഹു​മാ​നത്തെ സൂചി​പ്പി​ച്ചു—ഉപദേ​ശ​ക​നും വളച്ചു​കെ​ട്ടി​ല്ലാത്ത അയാളു​ടെ ശാസന അനുസ​രി​ക്കു​ന്ന​വ​രും തമ്മിൽത്തന്നെ. ഒരുപക്ഷേ ശാസി​ക്ക​പ്പെ​ടു​ന്ന​വൻതന്നെ അനുകൂ​ല​മാ​യി പ്രതി​ക​രി​ക്കു​ക​യും ന്യായാ​ധി​പ​നോ​ടു പ്രിയം പ്രകട​മാ​ക്കു​ക​യും​ചെ​യ്യും. സദൃശ​വാ​ക്യ​ങ്ങൾ 28:23 പറയുന്നു: “ഒരു മനുഷ്യ​നെ ശാസി​ക്കു​ന്നവൻ തന്റെ നാവു​കൊ​ണ്ടു മുഖസ്‌തു​തി​പ​റ​യു​ന്ന​വ​നെ​ക്കാൾ പിന്നീട്‌ പ്രീതി കണ്ടെത്തും.” ഇന്ന്‌ സഭാമൂ​പ്പൻമാ​രാ​യി സേവി​ക്കു​ന്നവർ തന്നിമി​ത്തം തങ്ങളുടെ ന്യായ​വി​ധി​യെ മറിച്ചു​ക​ള​യാൻ സൗഹൃ​ദ​ത്തെ​യോ കുടുംബ ബന്ധങ്ങ​ളെ​യോ അനുവ​ദി​ക്കു​ന്നത്‌ ഒഴിവാ​ക്കേ​ണ്ട​താണ്‌. ആവശ്യ​മാ​യി​രി​ക്കുന്ന ബുദ്ധി​യു​പ​ദേശം വളച്ചു​കെ​ട്ടി​ല്ലാ​തെ കൊടു​ക്കു​ന്ന​തി​നാൽ മൂപ്പൻമാർ സഭയുടെ ആദരവു​നേ​ടും.