വിപത്തു​കൾ “ദൈവ​ത്തി​ന്റെ പ്രവൃ​ത്തി​കൾ” ആണോ?

ഒരു ഭൂകമ്പം തങ്ങളുടെ പാദങ്ങ​ളിൻ കീഴിലെ നിലത്തെ കുലു​ക്കി​യ​പ്പോൾ, ഭൂമി​ക്ക​ടി​യി​ലെ ഒരു ജീവി പിടച്ച​താ​ണെന്ന്‌ ചില പുരാതന ജനങ്ങൾ വിശ്വ​സി​ച്ചു. ഇടിയും മിന്നലും കൊടു​ങ്കാ​റ്റു​ക​ളും തങ്ങളുടെ ദൈവ​ങ്ങ​ളു​ടെ ഇടയിലെ പോരാ​ട്ട​ങ്ങ​ളു​ടെ തെളി​വാ​ണെ​ന്നും അനേകർ വിചാ​രി​ച്ചു.

വിപ​ത്തൊ​ഴി​വാ​ക്കാൻ ശ്രമി​ക്കു​ന്ന​തിന്‌, അങ്ങനെ​യുള്ള ആളുകൾ ആ ദൈവ​ങ്ങളെ പ്രസാ​ദി​പ്പി​ക്കു​മെന്ന്‌ പ്രത്യാ​ശിച്ച മതങ്ങൾ ആചരിച്ചു. വിപത്ത്‌—പ്രകൃതി തിരി​ച്ച​ടി​ക്കു​മ്പോൾ എന്ന പുസ്‌തകം പറയുന്നു “നാടോ​ടി​ക്ക​ഥ​ക​ളും ഐതി​ഹ്യ​ങ്ങ​ളും മതവും മുഖേന . . . മനുഷ്യൻ താൻ സഹിച്ച പ്രാകൃ​തി​കാ​നർത്ഥ​ങ്ങളെ വിശദീ​ക​രി​ക്കാൻ ശ്രമി​ച്ചി​രി​ക്കു​ന്നു.”

ഇന്ന്‌, ഇംഗ്ലീഷ്‌ സംസാ​രി​ക്കുന്ന രാജ്യ​ങ്ങ​ളിൽ “ദൈവ​ത്തി​ന്റെ പ്രവൃത്തി” എന്ന പദപ്ര​യോ​ഗം മിക്ക​പ്പോ​ഴും ഒരു നിയമ​പ​ര​മായ അർത്ഥത്തിൽ ഉപയോ​ഗി​ക്ക​പ്പെ​ടു​ന്നു. എന്നിരു​ന്നാ​ലും, 19-ാം നൂറ്റാ​ണ്ടി​ലെ ഒരു അഭിഭാ​ഷകൻ ഇങ്ങനെ വിശദീ​ക​രി​ച്ചു: “ഈ പദപ്ര​യോ​ഗം ബൈബിൾപ​ര​മായ അർത്ഥത്തിൽ ദൈവ​ത്തി​ന്റെ പ്രവൃ​ത്തി​യെ അർത്ഥമാ​ക്കു​ന്നി​ല്ലെ​ന്നു​ള്ള​തിൽ എനിക്ക്‌ ഒരിക്ക​ലും ഒരു സംശയ​വു​മു​ണ്ടാ​യി​ട്ടില്ല. . . . മുൻകൂ​ട്ടി​ക്കാ​ണാൻ കഴിയാ​ഞ്ഞ​തും സംരക്ഷ​ണ​ന​ട​പടി സ്വീക​രി​ക്കാൻ കഴിയാ​ഞ്ഞ​തു​മായ ഒരു അസാധാ​രണ സാഹച​ര്യം എന്നാണ​തി​ന്റെ അർത്ഥം.”

യഥാർത്ഥ ദൈവീക പ്രവൃ​ത്തി​കൾ

“ദൈവ​ത്തി​ന്റെ പ്രവൃത്തി” എന്ന പദപ്ര​യോ​ഗ​ത്തി​ന്റെ അർത്ഥം സംബന്ധിച്ച കുഴപ്പം നീക്കാൻ സഹായി​ക്കു​ന്ന​തിന്‌, ഒരു യഥാർത്ഥ ദൈവീക പ്രവൃ​ത്തി​യാ​യി​രി​ക്കു​ന്ന​തിന്‌ ഒരു സംഭവം പാലി​ക്കേണ്ട മാനദ​ണ്ഡത്തെ അഥവാ വ്യവസ്ഥ​കളെ നാം ആദ്യം മനസ്സി​ലാ​ക്കേ​ണ്ട​തുണ്ട്‌.

ദൈവം സർവ്വശ​ക്ത​നാ​ണെന്ന്‌ ബൈബിൾ വ്യക്തമാ​യി നമ്മോടു പറയുന്നു. (പുറപ്പാട്‌ 6:3) എന്നാൽ അത്‌ ഇങ്ങനെ​യും പറയുന്നു:” അവന്റെ പ്രവർത്തനം പൂർണ്ണ​മാണ്‌, എന്തെന്നാൽ അവന്റെ വഴിക​ളെ​ല്ലാം ന്യായ​മാ​കു​ന്നു. വിശ്വ​സ്‌ത​ത​യുള്ള ഒരു ദൈവം, അവനിൽ അന്യാ​യ​മില്ല; അവൻ നീതി​യും നേരു​മു​ള്ള​വ​നാ​കു​ന്നു.”—ആവർത്തനം 32:4.

യഹോവ നീതി​യും നേരും പരസ്‌പര യോജി​പ്പു​മു​ള്ള​വ​നാ​ണെ​ന്ന​റി​യു​ന്നത്‌ ഒരു വിപത്ത്‌ യഥാർത്ഥ​ത്തിൽ ഒരു ദൈവ​പ്ര​വൃ​ത്തി​യാ​യി​രി​ക്കു​ന്ന​തെ​പ്പോ​ഴെന്ന്‌ നിർണ്ണ​യി​ക്കാൻ നമ്മെ പ്രാപ്‌ത​രാ​ക്കുന്ന മാനദ​ണ്ഡങ്ങൾ ഉറപ്പാ​ക്കു​ന്ന​തിന്‌ നമ്മെ സഹായി​ക്കു​ന്നു. ചില മുഖ്യ​ഘ​ട​കങ്ങൾ ഇവയാണ്‌: (1) അത്‌ എല്ലായ്‌പ്പോ​ഴും ദൈ​വോ​ദ്ദേ​ശ്യ​ത്തിന്‌ അനു​യോ​ജ്യ​മാണ്‌. (2) പ്രവർത്തി​ക്കു​ന്ന​തി​നു മുമ്പ്‌ ദൈവം നേരത്തെ മുന്നറി​യി​പ്പു കൊടു​ക്കു​ന്നു; (3) അനുസ​ര​ണ​മു​ള്ള​വർക്ക്‌ അതിജീ​വ​ന​ത്തി​നാ​യി അവൻ നിർദ്ദേ​ശങ്ങൾ കൊടു​ക്കു​ന്നു.

ഇതു മനസ്സിൽ പിടി​ച്ചു​കൊണ്ട്‌, ഒരു വിപത്തു വരുത്താൻ ദൈവം പ്രവർത്തി​ക്കു​ക​തന്നെ ചെയ്‌ത രണ്ടു സന്ദർഭങ്ങൾ പരിചി​ന്തി​ക്കുക. ഒന്ന്‌ 4300-ൽ പരം വർഷം മുമ്പ്‌ നോഹ​യു​ടെ കാലത്താ​യി​രു​ന്നു.

ദൈവ​ത്തി​ന്റെ ഒരു യഥാർത്ഥ പ്രവൃത്തി

നോഹ​യു​ടെ നാളിൽ ഭൂമി​യി​ലെ അവസ്ഥകൾ എന്തായി​രു​ന്നു? “ഭൂമി​യിൽ മനുഷ്യ​ന്റെ വഷളത്വം പെരു​കി​യി​രു​ന്നു, അവന്റെ ഹൃദയ​വി​ചാ​ര​ങ്ങ​ളു​ടെ ഏതു ചായ്‌വും എല്ലാ സമയത്തും ചീത്ത മാത്ര​മാ​യി​രു​ന്നു. ഭൂമി സത്യ​ദൈ​വ​ത്തി​ന്റെ കാഴ്‌ച​യിൽ പാഴാ​യി​ത്തീർന്നു, ഭൂമി അക്രമം കൊണ്ടു നിറഞ്ഞു.”—ഉല്‌പത്തി 6:5, 11.

തന്നിമി​ത്തം, ഒരു ആഗോള വിപത്തു വരുത്തി ഭൂമി​യിൽനിന്ന്‌ ദുഷ്ടമ​നു​ഷ്യ​രെ തുടച്ചു​നീ​ക്കാൻ ദൈവം നിശ്ചയി​ച്ചു. മനുഷ്യ​വർഗ്ഗ​ത്തി​ന്റെ അധ:പതനം നിമിത്തം ഗ്രഹത്തി​ന്റെ “ഉടമ”യായ സ്രഷ്ടാവ്‌ അങ്ങനെ ചെയ്യു​ന്ന​തിൽ പൂർണ്ണ​മാ​യി നീതീ​ക​രി​ക്ക​പ്പെട്ടു.

ഏതായാ​ലും, നോഹ​യു​ടെ​യും അവന്റെ കുടും​ബ​ത്തി​ന്റെ​യും മുന്തി​നിന്ന നിർമ്മലത ദൈവം ശ്രദ്ധിച്ചു. അവന്റെ നിർദ്ദേ​ശങ്ങൾ അനുസ​രി​ക്കു​ന്ന​പക്ഷം വരാനി​രുന്ന അനർത്ഥ​കാ​ലത്ത്‌ അവർ സുരക്ഷി​ത​രാ​യി​രി​ക്കു​മെന്ന്‌ അവൻ അവരോ​ടു വാഗ്‌ദാ​നം ചെയ്‌തു. (ഉല്‌പത്തി 6:13-21) നോഹ​യും അവന്റെ കുടും​ബ​വും ഈ ക്രമീ​ക​ര​ണ​ത്തോ​ടു പറ്റിനി​ന്നോ? ബൈബിൾ വിവരണം ഇങ്ങനെ പറയുന്നു: “ദൈവം തന്നോടു കൽപ്പി​ച്ചി​രു​ന്ന​തെ​ല്ലാ​മ​നു​സ​രിച്ച്‌ പ്രവർത്തി​ക്കാൻ നോഹ പുറ​പ്പെട്ടു. അവൻ അങ്ങനെ​തന്നെ ചെയ്‌തു.”—ഉല്‌പത്തി 6:22.

നോഹ​യു​ടെ അനുസ​രണം പ്രയോ​ജ​ന​ക​ര​മാ​യി​രു​ന്നോ? അതെ, എന്തു​കൊ​ണ്ടെ​ന്നാൽ ദൈവം “ഭക്തികെട്ട ജനത്തിന്റെ ലോക​ത്തിൽ പ്രളയം വരുത്തി​യ​പ്പോൾ നീതി​പ്ര​സം​ഗി​യായ നോഹയെ വേറെ ഏഴു​പേ​രോ​ടു​കൂ​ടെ സുരക്ഷി​ത​മാ​യി കാത്തു”വെന്ന്‌ അപ്പോ​സ്‌ത​ല​നായ പത്രോസ്‌ പ്രസ്‌താ​വി​ക്കു​ന്നു. (2 പത്രോസ്‌ 2:5) സത്യമാ​യി, ദൈവം തന്റെ ദാസൻമാർക്കു​വേണ്ടി കരുതു​ക​യും അവരു​മാ​യി ആശയവി​നി​യമം നടത്തു​ക​യും താൻ പ്രവർത്തി​ക്കു​മ്പോൾ അവർ സംരക്ഷി​ക്ക​പ്പെ​ടു​ന്ന​തിൽ ശ്രദ്ധി​ക്കു​ക​യും ചെയ്യുന്നു. ബൈബിൾ പ്രസ്‌താ​വി​ക്കു​ന്ന​തു​പോ​ലെ: “തന്റെ ദാസൻമാ​രായ പ്രവാ​ച​കൻമാ​രോട്‌ തന്റെ രഹസ്യ​കാ​ര്യം വെളി​പ്പെ​ടു​ത്താ​ത്ത​പക്ഷം പരമാ​ധി​കാ​രി​യാം കർത്താ​വായ യഹോവ ഒരു കാര്യ​വും ചെയ്യു​ക​യില്ല.”—ആമോസ്‌ 3:7.

ദൈവ​ത്തി​ന്റെ മറ്റൊരു പ്രവൃത്തി

മറ്റൊരു ദൈവ​പ്ര​വൃ​ത്തി പ്രളയ​ത്തിന്‌ പല നൂറ്റാ​ണ്ടു​കൾക്കു​ശേഷം സംഭവി​ച്ചു. സോ​ദോം, ഗോ​മോ​റാ എന്നീ നഗരങ്ങൾ അവയുടെ കടുത്ത ദുർമ്മാർഗ്ഗം നിമിത്തം ദൈവ​ത്തിൽനി​ന്നുള്ള നാശത്തെ അഭിമു​ഖീ​ക​രി​ച്ചു. അവിടെ പത്തു നീതി​മാൻമാ​രെ​പോ​ലും കാണാൻ കഴിഞ്ഞില്ല, വെറും മൂന്നു​പേരേ ഉണ്ടായി​രു​ന്നു​ള്ളു—ലോത്തും അവന്റെ രണ്ട്‌ പെൺമ​ക്ക​ളും.

ആ നഗരത്തി​ലെ ആളുക​ളു​ടെ മനോ​ഭാ​വം എന്തായി​രു​ന്നു? ഒരു ദൃഷ്ടാ​ന്ത​മെ​ന്ന​നി​ല​യിൽ, ലോത്തി​ന്റെ പുത്രി​മാർക്ക്‌ വിവാ​ഹ​നി​ശ്ചയം ചെയ്‌തി​രുന്ന പുരു​ഷൻമാ​രു​ടെ പ്രതി​ക​രണം ശ്രദ്ധി​ക്കുക. ദൈവ​ത്തിൽനി​ന്നുള്ള നാശം ആസന്നമാ​യി​രു​ന്ന​തു​കൊണ്ട്‌ നഗരത്തിൽനിന്ന്‌ പുറത്തു​പോ​കാൻ അവരോ​ടു പറയ​പ്പെട്ടു. അപ്പോൾ “അവന്റെ [ഭാവി] മരുമ​ക്ക​ളു​ടെ ദൃഷ്ടി​യിൽ അവൻ തമാശ​പ​റ​യുന്ന ഒരു മനുഷ്യ​നെ​പ്പോ​ലെ തോന്നി.”—ഉല്‌പത്തി 19:14.

നേരത്തെ, ദൈവ​ത്തി​ന്റെ ദൂതൻമാർ ലോത്തി​നോ​ടു​കൂ​ടെ താമസി​ച്ച​പ്പോൾ സോ​ദോ​മി​ലെ പുരു​ഷൻമാർ “സകലരും ആബാല​വൃ​ദ്ധം ഒരൊറ്റ കൂട്ടമാ​യി വീടു വളഞ്ഞു.” എന്തു​കൊണ്ട്‌? അവർ ലോത്തി​നോട്‌ ഇങ്ങനെ വിളിച്ചു പറഞ്ഞു​കൊ​ണ്ടി​രു​ന്നു: “ഇന്നു രാത്രി നിന്റെ അടുക്കൽ വന്ന പുരു​ഷൻമാർ എവിടെ? ഞങ്ങൾ അവരു​മാ​യി വേഴ്‌ച​യി​ലേർപ്പെ​ടേ​ണ്ട​തിന്‌ അവരെ ഞങ്ങളുടെ അടുക്കൽ പുറത്തു കൊണ്ടു​വ​രിക.” അവർ ദൈവ​ത്തി​ന്റെ ഏജൻറൻമാ​രു​ടെ​മേൽ തങ്ങളുടെ സ്വവർഗ്ഗ​സം​ഭോ​ഗ​പ​ര​മായ വികട​ത്ത​രങ്ങൾ അടി​ച്ചേൽപ്പി​ക്കാ​നാ​ഗ്ര​ഹി​ച്ചു! അങ്ങനെ, അത്തരം ദുർമ്മാർഗ്ഗം നിമിത്തം ദിവ്യ​നാ​ശം നഗരങ്ങളെ തുടച്ചു​നീ​ക്കി.—ഉല്‌പത്തി 19:4, 5, 23-25.

ഇത്‌ ദൈവ​ത്തി​ന്റെ മറ്റൊരു പ്രവൃ​ത്തി​യാ​യി​രു​ന്നു​വെന്ന്‌ പ്രകട​മാ​ക്ക​പ്പെ​ട്ടി​രി​ക്കു​ന്നു: “സോ​ദോം ഗോ​മോ​റാ എന്നീ നഗരങ്ങളെ ഭസ്‌മീ​ക​രി​ച്ച​തി​നാൽ [ദൈവം] അവയെ കുറ്റം​വി​ധി​ക്കു​ക​യും ഭക്തികെട്ട ആളുകൾക്ക്‌ വരാനി​രി​ക്കുന്ന കാര്യ​ങ്ങ​ളു​ടെ ദൃഷ്ടാ​ന്ത​മാ​ക്കു​ക​യും ചെയ്‌തു; നിയമത്തെ ധിക്കരി​ക്കുന്ന ആളുക​ളു​ടെ ദുർന്ന​ട​ത്ത​യി​ലുള്ള ആശക്തി​യാൽ അതിയാ​യി ദുഃഖി​ത​നാ​യി​രുന്ന നീതി​മാ​നായ ലോത്തി​നെ അവൻ വിടു​വി​ച്ചു.”—2 പത്രോസ്‌ 2:6, 7; യൂദാ 7.

“ദൈവ​ത്തി​ന്റെ പ്രവൃ​ത്തി​കള”ല്ലാത്ത വിപത്തു​കൾ

ചിലർ “ദൈവ​ത്തി​ന്റെ പ്രവൃ​ത്തി​കൾ” എന്നു വിളി​ക്കുന്ന വിപത്തു​ക​ളു​ടെ ഒരു സൂക്ഷ്‌മ പരി​ശോ​ധന യഥാർത്ഥ​ത്തിൽ പലതും മനുഷ്യ​നിർമ്മി​ത​മാ​ണെന്നു വെളി​പ്പെ​ടു​ത്തു​ന്നു. തീർച്ച​യാ​യും, മറ്റു ചിലത്‌ ഭൂകമ്പ​ങ്ങ​ളും കൊടു​ങ്കാ​റ്റു​ക​ളും പോലുള്ള പ്രകൃ​തി​ശ​ക്തി​ക​ളിൽനിന്ന്‌ സംജാ​ത​മാ​കു​ന്നു.

ഈ “അന്ത്യനാ​ളു​കളെ” തിരി​ച്ച​റി​യുന്ന അടയാ​ള​ങ്ങ​ളു​ടെ ഭാഗമാ​യി ബൈബിൾ മനുഷ്യ​നിർമ്മി​ത​വും പ്രകൃ​തി​പ​ര​വു​മായ അനേകം അനർത്ഥ​ങ്ങ​ളെ​ക്കു​റി​ച്ചു മുൻകൂ​ട്ടി പറയു​ന്നു​ണ്ടെ​ങ്കി​ലും, ഈ കാലത്ത്‌ അവയിൽ നിന്നുള്ള പ്രതി​ര​ക്ഷക്ക്‌ ഉറപ്പു നൽകുന്ന നിർദ്ദേ​ശങ്ങൾ അത്‌ ഒരിട​ത്തും സമർപ്പി​ക്കു​ന്നില്ല. (2 തിമൊ​ഥെ​യോസ്‌ 3:1-5; മത്തായി 24:3-12) എന്തു​കൊണ്ട്‌? എന്തു​കൊ​ണ്ടെ​ന്നാൽ അങ്ങനെ​യുള്ള സംഭവങ്ങൾ ദൈവ​ത്തി​ന്റെ പ്രവൃ​ത്തി​കളല്ല. എന്നിരു​ന്നാ​ലും, നല്ല ആളുക​ളും ചീത്ത ആളുക​ളും ഒരു​പോ​ലെ അവയാൽ കഷ്ടപ്പെ​ടു​ന്ന​തെ​ന്തു​കൊ​ണ്ടെന്ന്‌ ദൈവ​വ​ചനം വിശദീ​ക​രി​ക്കു​ക​തന്നെ ചെയ്യുന്നു.

ആദ്യമ​നു​ഷ്യർ ദൈവ​ത്തി​ന്റെ വ്യക്തമാ​യി പ്രസ്‌താ​വി​ക്ക​പ്പെട്ട നിർദ്ദേ​ശങ്ങൾ അനുസ​രി​ക്കാ​തി​രു​ന്ന​പ്പോൾ, അവർ വിപത്തു ക്ഷണിച്ചു​വ​രു​ത്തു​ക​യാ​യി​രു​ന്നു. “നിങ്ങൾ തീർച്ച​യാ​യും മരിക്കും” എന്നു ദൈവം മുന്നറി​യി​പ്പു കൊടു​ത്തി​രു​ന്നു. (ഉല്‌പത്തി 2:17) “ഏക മനുഷ്യ​നാൽ . . . മരണം സകല മനുഷ്യ​രി​ലേ​ക്കും പരന്നു” എന്നു പറഞ്ഞു​കൊണ്ട്‌ അപ്പോ​സ്‌ത​ല​നായ പൗലോസ്‌ അവരുടെ നടപടി​ക​ളു​ടെ ഫലങ്ങൾ എത്ര ദൂരവ്യാ​പ​ക​ങ്ങ​ളാ​ണെന്ന്‌ പ്രകട​മാ​ക്കു​ന്നു.—റോമർ 5:12.

എന്നാൽ കൂടുതൽ ഉൾപ്പെ​ട്ടി​രു​ന്നു. ആദ്യ ഇണകളു​ടെ അനുസ​ര​ണ​ക്കേട്‌ ദൈവ​ത്തി​ന്റെ വഴികാ​ട്ട​ലി​നെ​യും പരിപാ​ല​ന​ത്തെ​യും തള്ളിക്ക​ള​യു​ന്ന​തി​നെ അർത്ഥമാ​ക്കി. മേലാൽ ദൈവം അവരു​ടെ​യും അവരുടെ ഭവനമായ ഭൂഗ്ര​ഹ​ത്തി​ന്റെ​യും ഭരണാ​ധി​കാ​രി​യാ​യി​രി​ക്കാൻ അവരാ​ഗ്ര​ഹി​ച്ചില്ല. ദൈവ​ത്തി​ന്റെ മേൽവി​ചാ​ര​ണയെ നഷ്ടപ്പെ​ടു​ത്തി​യ​തി​നാൽ അവർക്ക്‌ വിപത്തു​ക​ളിൽ നിന്നുള്ള സംരക്ഷ​ണ​വും നഷ്ടപ്പെട്ടു.

നമ്മേ സംബന്ധിച്ച്‌ ഇവയെ​ല്ലാം എന്തർത്ഥ​മാ​ക്കു​ന്നു? അതിന്റെ അർത്ഥം “സമയവും മുൻകൂ​ട്ടി​ക്കാ​ണാത്ത സംഭവ​ങ്ങ​ളും” നമു​ക്കെ​ല്ലാം നേരി​ടു​ന്നു​വെ​ന്നാണ്‌. അതിന്റെ അർത്ഥം നമ്മെ അപ്രതീ​ക്ഷിത സംഭവ​ങ്ങ​ളു​ടെ ഇരകളാ​ക്കി​യേ​ക്കാ​വു​ന്ന​താ​യി എന്തു സംഭവി​ക്കു​മെന്ന്‌ നമുക്ക്‌ അറിയാൻ കഴിക​യി​ല്ലെ​ന്നാണ്‌. ഒരു വലയി​ല​ക​പ്പെ​ടുന്ന മത്സ്യ​ത്തെ​പ്പോ​ലെ​യോ ഒരു കുരു​ക്കിൽ പിടി​ക്ക​പ്പെ​ടുന്ന പക്ഷിക​ളെ​പ്പോ​ലെ​യോ “ഒരു അനർത്ഥ​സ​മ​യത്ത്‌ മനുഷ്യ​പു​ത്രൻമാർതന്നെ കെണി​യിൽപെ​ടു​ന്നു,” ദൃഷ്ടാ​ന്ത​മാ​യി, “[മരണം] പെട്ടെന്ന്‌ അവരു​ടെ​മേൽ പതിക്കു​മ്പോൾ.”—സഭാ​പ്ര​സം​ഗി 9:11, 12.

അതു​കൊണ്ട്‌ നിയമ കോട​തി​കൾ പ്രകൃതി വിപത്തു​കളെ ഒരു നിയമ​പ​ര​മായ അർത്ഥത്തിൽ “ദൈവ​ത്തി​ന്റെ പ്രവൃ​ത്തി​കൾ” എന്നു പരാമർശി​ച്ചേ​ക്കാ​മെ​ങ്കി​ലും അവ യഥാർത്ഥ​ത്തിൽ ദൈവ​ത്തി​ന്റെ പ്രവൃ​ത്തി​ക​ള​ല്ലെന്ന്‌ തീർച്ച​യാണ്‌.

ദൈവ​ത്തി​ന്റെ മറ്റൊരു പ്രവൃത്തി അടുത്തു വരുന്നു

ആയിര​ത്തി​ത്തൊ​ള്ളാ​യി​ര​ത്തി​പ്പ​തി​ന്നാ​ലു മുതൽ നാം ജീവി​ക്കുന്ന ഇപ്പോ​ഴത്തെ വ്യവസ്ഥി​തി​യു​ടെ അന്ത്യനാ​ളു​ക​ളു​ടെ പരമ​കോ​ടി​യെ വർണ്ണി​ച്ചു​കൊണ്ട്‌ യേശു ഇങ്ങനെ മുന്നറി​യി​പ്പു നൽകി: “ലോകാ​രം​ഭം മുതൽ സംഭവി​ച്ചി​ട്ടി​ല്ലാ​ത്ത​തും . . . , വീണ്ടും സംഭവി​ക്കു​ക​യി​ല്ലാ​ത്ത​തു​മായ മഹോ​പ​ദ്രവം ഉണ്ടായി​രി​ക്കും.” (മത്തായി 24:21) ആ സംഭവം ഇപ്പോ​ഴത്തെ നീതി​കെട്ട വ്യവസ്ഥി​തിക്ക്‌ അറുതി​വ​രു​ത്തും. അതിന്റെ പരകോ​ടി “സർവ്വശ​ക്ത​നായ ദൈവ​ത്തി​ന്റെ മഹാദി​വ​സ​ത്തി​ലെ യുദ്ധ”മായ അർമ്മ​ഗെ​ദ്ദോൻ ആയിരി​ക്കും. അതു തീർച്ച​യാ​യും “ലോക​ത്തി​ന്റെ ഭാഗമാ​യി സ്ഥിതി ചെയ്യു​ന്ന​വർക്കെ​ല്ലാം ഒരു അനർത്ഥ​മാ​യി​രി​ക്കും.—വെളി​പ്പാട്‌ 16:14, 16; യോഹ​ന്നാൻ 17:14; 2 പത്രോസ്‌ 3:3-13.

ഇത്‌ ഏതുതരം ന്യായ​വി​ധി ആയിരി​ക്കും? അത്‌ ചിലരെ വേർതി​രി​ച്ചു​കൊ​ണ്ടാ​യി​രി​ക്കും, “ദൈവത്തെ അറിയാ​ത്ത​വ​രെ​യും [അതിനി​ഷ്ട​പ്പെ​ടാ​ത്ത​വരെ] നമ്മുടെ കർത്താ​വായ യേശു​വി​നെ​ക്കു​റി​ച്ചുള്ള സുവാർത്ത അനുസ​രി​ക്കാ​ത്ത​വ​രെ​യും” മാത്രമേ നീക്കം ചെയ്യു​ന്നു​ള്ളു. (2 തെസ്സ​ലോ​നീ​ക്യർ 1:8-10) എന്നാൽ നോഹ​യേ​യും കുടും​ബ​ത്തെ​യും പോലെ ദൈവ​ത്തി​ന്റെ മുന്നറി​യി​പ്പി​നെ​യും നിർദ്ദേ​ശ​ങ്ങ​ളെ​യും കേട്ടനു​സ​രി​ക്കു​ന്ന​വർക്ക്‌ അത്‌ ഒരു വിപത്താ​യി​രി​ക്കു​ക​യില്ല. ഈ സംഭവം തീർച്ച​യാ​യും ദൈവ​ത്തി​ന്റെ ഒരു പ്രവൃ​ത്തി​യാ​യി​രി​ക്കും; കാരണം അവൻ തന്റെ ദാസൻമാ​രെ സംരക്ഷി​ക്കും. അത്‌ നല്ലവർക്കും ദുഷ്ടൻമാർക്കും ഒരു​പോ​ലെ ജീവഹാ​നി വരുത്തുന്ന മറ്റു വിപത്തു​ക​ളിൽനിന്ന്‌ അതിനെ വ്യത്യ​സ്‌ത​മാ​ക്കു​ന്നു.—യെശയ്യാവ്‌ 28:21 കാണുക.

ആസന്നമാ​യി​രി​ക്കുന്ന “മഹോ​പ​ദ്രവം” ദൈവ​ത്തി​ന്റെ ഒരു പ്രവൃ​ത്തി​യാ​യി​രി​ക്കു​മെന്ന്‌ നമുക്ക്‌ എങ്ങനെ ഉറപ്പു​ണ്ടാ​യി​രി​ക്കാൻ കഴിയും? അത്‌ മാനദ​ണ്ഡ​ങ്ങ​ളി​ലെ​ത്തു​ന്ന​തി​നാൽ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും:

(1) അതു ദൈവ​ത്തി​ന്റെ പ്രഖ്യാ​പി​തോ​ദ്ദേ​ശ്യ​ങ്ങൾക്ക​നു​യോ​ജ്യ​മാണ്‌: ആ ഉദ്ദേശ്യം ഭക്തികെട്ട ഇപ്പോ​ഴത്തെ വ്യവസ്ഥി​തിക്ക്‌ അറുതി​വ​രു​ത്തുക എന്നതാണ്‌.—യിരെ​മ്യാവ്‌ 25:31-33; സെഫെ​ന്യാവ്‌ 3:8; വെളി​പ്പാട്‌ 16:14, 16; 19:11-21.

(2) നേര​ത്തെ​യുള്ള മുന്നറി​യിപ്പ്‌: ഇപ്പോൾ ഏതാണ്ട്‌ ഏഴു ദശാബ്ദ​ക്കാ​ലം യഹോ​വ​യു​ടെ സാക്ഷികൾ ഈ വ്യവസ്ഥി​തി​യു​ടെ അവസാ​ന​ത്തെ​ക്കു​റിച്ച്‌ വ്യക്തമായ മുന്നറി​യി​പ്പു കൊടു​ത്തി​ട്ടുണ്ട്‌. ദൈവ​ത്തി​ന്റെ ആസന്നമായ രാജ്യ​ത്തി​ന്റെ സുവാർത്ത​യും അവർ പ്രസം​ഗി​ച്ചി​രി​ക്കു​ന്നു. ഭൂമി​യി​ലെ​ങ്ങു​മാ​യി ഇപ്പോൾ മുപ്പതു​ല​ക്ഷ​ത്തി​ല​ധി​കം സാക്ഷി​ക​ളു​ണ്ടാ​യി​രി​ക്ക​ത്ത​ക്ക​വണ്ണം അവരുടെ വേല വളർന്നി​രി​ക്കു​ന്നു. (മത്തായി 24:14; പ്രവൃ​ത്തി​കൾ 20:20) അടുത്ത പ്രാവ​ശ്യം അവർ നിങ്ങളു​ടെ വീടു സന്ദർശി​ക്കു​മ്പോൾ അവരുടെ സന്ദേശ​ത്തെ​ക്കു​റിച്ച്‌ അവരോ​ടു ചോദി​ക്കാൻ ഞങ്ങൾ നിങ്ങളെ പ്രോ​ത്സാ​ഹി​പ്പി​ക്കു​ക​യാണ്‌. നോഹ​യു​ടെ നാളിലെ ആളുക​ളെ​പ്പോ​ലെ​യാ​യി​രി​ക്ക​രുത്‌; യേശു പറഞ്ഞ​പ്ര​കാ​രം അവർ “ഗൗനി​ച്ചില്ല,” പ്രളയ​ത്തിൽ നശിക്കു​ക​യും ചെയ്‌തു.—മത്തായി 24:37-39.

(3) അതിജീ​വ​ന​ത്തി​നുള്ള നിർദ്ദേ​ശങ്ങൾ: “സത്യ​ദൈ​വത്തെ ഭയപ്പെ​ടു​ക​യും അവന്റെ കല്‌പ​നകൾ അനുസ​രി​ക്കു​ക​യും ചെയ്യുക” എന്നു ബൈബിൾ പ്രോ​ത്സാ​ഹി​പ്പി​ക്കു​ന്നു. (സഭാ​പ്ര​സം​ഗി 12:13) അതിജീ​വ​ന​ത്തി​ന്റെ താക്കോൽ ദൈവ​ത്തി​ന്റെ നിർദ്ദേ​ശങ്ങൾ എന്തെന്നു മനസ്സി​ലാ​ക്കു​ക​യും അനന്തരം അവ അനുസ​രി​ക്കു​ക​യു​മാണ്‌. യേശു അതു വ്യക്തമാ​യി പ്രസ്‌താ​വി​ച്ചു: “ഏകസത്യ​ദൈ​വ​മായ നിന്നെ​യും നീ അയച്ചവ​നായ യേശു​ക്രി​സ്‌തു​വി​നെ​യും കുറി​ച്ചുള്ള അറിവ്‌ ഉൾക്കൊ​ള്ളു​ന്ന​തി​ന്റെ അർത്ഥം നിത്യ​ജീ​വൻ എന്നാകു​ന്നു.” (യോഹ​ന്നാൻ 17:3) ദൈവ​ത്തി​ന്റെ നിർദ്ദേ​ശങ്ങൾ എന്തെന്ന്‌ നിങ്ങളെ കാണി​ക്കാൻ യഹോ​വ​യു​ടെ സാക്ഷി​കൾക്കു സന്തോ​ഷ​മാ​യി​രി​ക്കും.

ദൈവ​വ​ച​നം ഇങ്ങനെ​യും വാഗ്‌ദത്തം ചെയ്യുന്നു: “യഹോ​വ​യിൽ പ്രത്യാ​ശി​ക്കു​ക​യും അവന്റെ വഴി അനുസ​രി​ക്കു​ക​യും ചെയ്യുക. . . . ദുഷ്ടൻമാർ ഛേദി​ക്ക​പ്പെ​ടു​മ്പോൾ, നീ അതു കാണും.” (സങ്കീർത്തനം 37:34) ഇപ്പോൾ യഹോ​വ​യു​ടെ നിർദ്ദേ​ശങ്ങൾ ശ്രദ്ധി​ക്കു​ന്ന​തി​നാ​ലും അവ അനുസ​രി​ക്കു​ന്ന​തി​നാ​ലും നിങ്ങളു​ടെ പ്രത്യാശ അതാ​ണെന്ന്‌ നിങ്ങൾക്ക്‌ പ്രകട​മാ​ക്കാൻ കഴിയും. അത്‌ ദൈവ​ത്തി​ന്റെ ഇഷ്ടം ചെയ്യാൻ ശ്രമി​ക്കുന്ന ഒരാ​ളെ​ന്ന​നി​ല​യിൽ നിങ്ങളെ ദൈവ​ത്തി​ന്റെ​യും മനുഷ്യ​ന്റെ​യും മുമ്പാകെ തിരി​ച്ച​റി​യി​ക്കു​ക​യും അതിജീ​വ​ന​ത്തിന്‌ യോഗ്യ​രാ​യി​ത്തീ​രു​ക​യും ചെയ്യും. “ലോകം നീങ്ങി​പ്പോ​കു​ക​യാ​കു​ന്നു. . . , എന്നാൽ ദൈവ​ത്തി​ന്റെ ഇഷ്ടം ചെയ്യു​ന്നവൻ എന്നേക്കും സ്ഥിതി​ചെ​യ്യു​ന്നു.”—1 യോഹ​ന്നാൻ 2:15-17; മത്തായി 28:19, 20.

ആസന്നമാ​യി​രി​ക്കുന്ന ദൈവ​ത്തി​ന്റെ പ്രവൃ​ത്തി​യെ​ക്കു​റി​ച്ചു പഠിക്കു​ക​യും അതിജീ​വ​ന​ത്തി​നാ​വ​ശ്യ​മായ നടപടി​കൾ സ്വീക​രി​ക്കു​ക​യും ചെയ്യു​ന്ന​വ​രു​ടെ ഭാവി​പ്ര​തീ​ക്ഷകൾ തീർച്ച​യാ​യും പ്രോ​ത്സാ​ഹ​ജ​ന​ക​മാണ്‌. കാരണം അവർ ദൈവ​രാ​ജ്യ​ഭ​ര​ണ​ത്തിൻ കീഴിൽ ഒരു പുതിയ യുഗത്തി​ലേക്ക്‌ പ്രവേ​ശി​പ്പി​ക്ക​പ്പെ​ടും. (മത്തായി 6:9, 10) എന്നാൽ പുതിയ വ്യവസ്ഥി​തി​യിൽ, മനുഷ്യ​നിർമ്മി​ത​മോ പ്രകൃ​തി​പ​ര​മോ ആയ വിപത്തു​ക​ളിൽനിന്ന്‌ ആളുകളെ രക്ഷിക്കാൻ എന്തു ചെയ്യ​പ്പെ​ടും?

ദിവ്യ അനർത്ഥ നിവാ​ര​ണം

ദൈവ​രാ​ജ്യം പൂർണ്ണ​നി​യ​ന്ത്രണം ഏറ്റെടു​ക്കു​മ്പോൾ, അത്‌ സമാധാ​ന​ത്തി​ന്റെ​യും പുനഃ​സ്ഥി​തീ​ക​ര​ണ​ത്തി​ന്റെ​യും എന്തോരു സമയമാ​യി​രി​ക്കും? ദൈവ​ത്താൽ അവരോ​ധി​ക്ക​പ്പെട്ട സ്വർഗ്ഗീ​യ​രാ​ജാ​വായ ക്രിസ്‌തു​യേ​ശു​വി​ന്റെ ഭരണത്തിന്‌ കീഴ്‌പ്പെ​ടു​ന്ന​തി​ന്റെ പ്രയോ​ജ​ന​ങ്ങ​ളെ​ക്കു​റിച്ച്‌ വിചി​ന്തനം ചെയ്യു​ന്നത്‌ അത്ഭുത​ക​ര​മാണ്‌.

യേശു ഭൂമി​യി​ലാ​യി​രു​ന്ന​പ്പോൾ, രാജ്യ​ഭ​ര​ണാ​ധി​പ​ത്യ​കാ​ലത്ത്‌ താൻ എന്തു ചെയ്യു​മെന്ന്‌ പ്രകട​മാ​ക്കി​ക്കൊണ്ട്‌ ചെയ്‌ത​തെ​ന്തെന്ന്‌ പരിചി​ന്തി​ക്കുക: അവൻ രോഗി​ക​ളെ​യും മുടന്ത​രെ​യും സൗഖ്യ​മാ​ക്കു​ക​യും കുരു​ട​രു​ടെ കണ്ണുകൾ തുറക്കു​ക​യും ബധിരർക്ക്‌ കേൾവി കൊടു​ക്കു​ക​യും ഊമരെ സംസാ​രി​പ്പി​ക്കു​ക​യും ചെയ്‌തു. മരിച്ച​വരെ ഉയിർപ്പി​ക്കു​ക​പോ​ലും ചെയ്‌തു!—മത്തായി 15:30, 31; ലൂക്കോസ്‌ 7:11-17.

അതു​കൊ​ണ്ടാണ്‌ ബൈബിൾ നമുക്ക്‌ ഇങ്ങനെ ഉറപ്പു​നൽകു​ന്നത്‌: രാജ്യ​ഭ​ര​ണ​ത്തിൻ കീഴിൽ ദൈവം “അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മരണം മേലാൽ ഉണ്ടായി​രി​ക്ക​യില്ല, വിലാ​പ​മോ മുറവി​ളി​യോ വേദന​യോ ഇനി ഉണ്ടായി​രി​ക്ക​യില്ല. പൂർവ്വ​കാ​ര്യ​ങ്ങൾ നീങ്ങി​പ്പോ​യി​രി​ക്കു​ന്നു.”—വെളി​പ്പാട്‌ 21:4.

യേശു ഭൂമി​യിൽവച്ച്‌ ചെയ്‌തത്‌ വരുവാ​നി​രി​ക്കുന്ന പുതിയ വ്യവസ്ഥി​തി​യിൽ തന്റെ പ്രജകൾക്കു താൻ കൊടു​ക്കുന്ന സഹായത്തെ ഉദാഹ​രി​ക്കു​ന്നു. പ്രകൃ​തി​വി​പ​ത്തു​ക​ളിൽനി​ന്നുള്ള സംരക്ഷണം സംബന്ധി​ച്ചെന്ത്‌? ഒരു സന്ദർഭ​ത്തിൽ യേശു ഒരു കൊടു​ങ്കാ​റ്റി​നെ ശാന്തമാ​ക്കി​ക്കൊണ്ട്‌ ഒരു വിപത്തി​നെ തടഞ്ഞു​വെ​ന്നോർക്കുക. അവന്റെ ശിഷ്യൻമാർ ഭയചകി​ത​രാ​കു​ക​യും “യഥാർത്ഥ​ത്തിൽ ഇത്‌ ആരാണ്‌, എന്തെന്നാൽ കാറ്റും കടലും​പോ​ലും അവനെ അനുസ​രി​ക്കു​ന്നു​വ​ല്ലോ?” എന്ന്‌ പരസ്‌പരം പറയു​ക​യും ചെയ്‌തു. (മർക്കോസ്‌ 4:37-41) അങ്ങനെ പ്രകൃ​തി​ശ​ക്തി​ക​ളു​ടെ​മേൽ പൂർണ്ണ​നി​യ​ന്ത്ര​ണ​ത്തോ​ടെ പുതിയ വ്യവസ്ഥി​തി​യു​ടെ ശക്തനായ സ്വർഗ്ഗീ​യ​രാ​ജാവ്‌ വീണ്ടു​മൊ​രി​ക്ക​ലും പ്രകൃതി വിപത്തു​കൾ മനുഷ്യ​നെ ഉപദ്ര​വി​ക്കാ​തി​രി​ക്കു​ന്ന​തിൽ ശ്രദ്ധി​ക്കു​ന്ന​താ​യി​രി​ക്കും.

മനുഷ്യ നിർമ്മി​ത​മോ പ്രകൃ​തി​പ​ര​മോ ആയ വിപത്തു​കൾ നമ്മുടെ ഭൂഗ്ര​ഹ​ത്തി​നും പരിസ്ഥി​തി വ്യവസ്ഥ​കൾക്കും ഇപ്പോൾത്തന്നെ വരുത്തി​കൂ​ട്ടി​യി​ട്ടുള്ള ഏതു തകരാ​റി​നും ദൈവ​രാ​ജ്യം തീർച്ച​യാ​യും പരിഹാ​രം വരുത്തും. ബൈബി​ളി​ന്റെ വാഗ്‌ദത്തം ഇതാണ്‌: “ആ നാളു​ക​ളിൽ മരുഭൂ​മി​യും വരണ്ടനി​ല​വും പോലും ഉല്ലസി​ക്കും; വരണ്ടനി​ലം പൂക്കൾ വിരി​യി​ക്കും. അതെ, സമൃദ്ധ​മാ​യി പുഷ്‌പ​ങ്ങ​ളും ഗാനാ​ലാ​പ​വും സന്തോ​ഷ​വും ഉണ്ടായി​രി​ക്കും! . . . മരുഭൂ​മി​യിൽ അരുവി​ക​ളും വരണ്ടനി​ലത്ത്‌ നീരൊ​ഴു​ക്കു​ക​ളും പൊട്ടി​പ്പു​റ​പ്പെ​ടും.”—യെശയ്യാവ്‌ 35:1-7, ദി ലിവിംഗ്‌ ബൈബിൾ.

ഒരു ഐക്യ രൂപമുള്ള വിദ്യാ​ഭ്യാ​സ​പ​രി​പാ​ടി നന്നായി ജോലി ചെയ്യാ​നും തങ്ങളുടെ സമസൃ​ഷ്ടി​ക്കും ഭൂമി​ക്കും വേണ്ടി കരുതാ​നും പുതിയ വ്യവസ്ഥി​തി​യി​ലെ സകല​രെ​യും പഠിപ്പി​ക്കും. “ഫലദാ​യ​ക​മായ ദേശത്തെ നിവാ​സി​കൾ തീർച്ച​യാ​യും പഠിക്കു​ന്നതു നീതി​യാ​യി​രി​ക്കും.” (യെശയ്യാവ്‌ 26:9) ആ ഭൂവ്യാ​പക വിദ്യാ​ഭ്യാ​സം നടക്കു​ന്ന​തോ​ടെ, മനുഷ്യ​വർഗ്ഗം മാനസി​ക​മാ​യും ശാരീ​രി​ക​മാ​യും പൂർണ്ണ​ത​യി​ലേക്ക്‌ ഉയർത്ത​പ്പെ​ടു​ന്ന​തോ​ടെ, അപൂർണ്ണ​ത​നി​മി​ത്ത​മെന്നു പറയാ​വുന്ന കുഴപ്പങ്ങൾ അപ്രത്യ​ക്ഷ​പ്പെ​ടും. സ്വാർത്ഥ താൽപ്പ​ര്യ​ങ്ങൾ മേലാൽ അപകട​ങ്ങ​ളി​ലേക്കു നയി​ച്ചേ​ക്കാ​വുന്ന കുറു​ക്കു​വ​ഴി​ക​ളി​ലേക്കു നയിക്കു​ക​യില്ല.

ഇക്കാലത്ത്‌ മനുഷ്യ​നിർമ്മി​ത​വും പ്രകൃ​തി​പ​ര​വു​മായ വിപത്തു​കൾ നമ്മെ​യെ​ല്ലാം ബാധി​ക്കു​ന്നു. എന്നാൽ നമുക്ക്‌ ഏറ്റവു​മ​ധി​കം ഉൽക്കണ്‌ഠ ഉണ്ടാകേണ്ട വിപത്ത്‌, “മഹോ​പ​ദ്രവം,” ഈ ദുഷ്ട വ്യവസ്ഥി​തിക്ക്‌ അറുതി​വ​രു​ത്തുന്ന ദൈവ​ത്തി​ന്റെ പ്രവൃ​ത്തി​യാണ്‌. ദൈവ​ത്തി​ന്റെ ആ പ്രവൃത്തി, ഈ കാലത്തു സത്യം തങ്ങളിൽനിന്ന്‌ വഴുതി​പ്പോ​കാ​ന​നു​വ​ദി​ക്കാ​ത്ത​വർക്ക്‌ നീതി​യുള്ള ഒരു പുതു​യു​ഗ​ത്തി​ലേ​ക്കുള്ള വഴി തുറന്നു​കൊ​ടു​ക്കും. അവരെ സംബന്ധിച്ച്‌, “സത്യ​ദൈവം നമുക്ക്‌ രക്ഷാ​പ്ര​വർത്ത​ന​ങ്ങ​ളു​ടെ ഒരു ദൈവ​മാ​കു​ന്നു”വെന്ന്‌ തീർച്ച​യാ​യും പ്രകട​മാ​ക്ക​പ്പെ​ടും. (സങ്കീർത്തനം 68:20) അതു​കൊണ്ട്‌ ഇപ്പോൾ ദൈവീ​ക​ജ്ഞാ​നം പ്രകട​മാ​ക്കു​ന്നവർ ഒരു പുതിയ വ്യവസ്ഥി​തി​യി​ലേക്കു പ്രവേ​ശി​ക്കും, അവിടെ അവർ “സുരക്ഷി​ത​മാ​യി വസിക്കു​ക​യും അനർത്ഥ​ഭീ​തി​യാൽ അസ്വസ്ഥ​രാ​കാ​തി​രി​ക്കു​ക​യും ചെയ്യും.”—സദൃശ​വാ​ക്യ​ങ്ങൾ 1:33. (g86 8/8)

[6-ാം പേജിലെ ചതുരം]

ദൈവത്തിന്റെ ഒരു പ്രവൃ​ത്തി​യിൽ കാണ​പ്പെ​ടുന്ന ഘടകങ്ങൾ:

(1) അത്‌ എല്ലായ്‌പ്പോ​ഴും ദൈ​വോ​ദ്ദേ​ശ്യ​ത്തിന്‌ അനു​യോ​ജ്യ​മാണ്‌.

(2) ദൈവം താൻ പ്രവർത്തി​ക്കു​ന്ന​തി​നു​മുമ്പ്‌ നേരത്തെ മുന്നറി​യി​പ്പു കൊടു​ക്കു​ന്നു.

(3) അവൻ അതിജീ​വ​ന​ത്തിന്‌ വ്യക്തമായ നിർദ്ദേ​ശങ്ങൾ കൊടു​ക്കു​ന്നു.

[7-ാം പേജിലെ ചിത്രം]

സോദോമിന്റെയും ഗോ​മോ​റ​യു​ടെ​യും നാശം ദൈവ​ത്തി​ന്റെ മറ്റൊരു പ്രവൃത്തി ആയിരു​ന്നു

[9-ാം പേജിലെ ചിത്രം]

അപകടകരമായ ഒരു കൊടു​ങ്കാ​റ്റി​നെ ശാന്തമാ​ക്കി​ക്കൊണ്ട്‌ യേശു പ്രകൃ​തി​ശ​ക്തി​ക​ളു​ടെ​മേ​ലുള്ള തന്റെ അധികാ​രത്തെ പ്രകട​മാ​ക്കി