ഇപ്പോ​ഴും എന്നേക്കും സന്തോ​ഷ​മു​ള്ള​വർ

“ഞാൻ സൃഷ്ടി​ക്കു​ന്ന​തി​നെ​ക്കു​റി​ച്ചു നിങ്ങൾ സന്തോ​ഷി​ച്ചു എന്നേക്കും ഘോഷി​ച്ചു​ല്ല​സി​പ്പിൻ; ഇതാ, ഞാൻ യെരു​ശ​ലേ​മി​നെ ഉല്ലാസ​പ്ര​ദ​മാ​യും അതിലെ ജനത്തെ ആനന്ദ​പ്ര​ദ​മാ​യും സൃഷ്ടി​ക്കു​ന്നു.”—യെശയ്യാ​വു 65:18.

1. കഴിഞ്ഞ നൂററാ​ണ്ടു​ക​ളി​ലെ​ല്ലാം സത്യാ​രാ​ധന വ്യക്തി​കളെ ബാധി​ച്ചി​രി​ക്കു​ന്ന​തെ​ങ്ങനെ?

സത്യ​ദൈ​വ​മായ യഹോ​വയെ സേവി​ക്കു​ന്ന​തിൽ പുരു​ഷാ​രങ്ങൾ നൂററാ​ണ്ടു​ക​ളിൽ സമൃദ്ധ​മായ സന്തോഷം കണ്ടെത്തി​യി​ട്ടുണ്ട്‌. സത്യാ​രാ​ധ​ന​യിൽ സന്തോ​ഷ​മു​ണ്ടാ​യി​രു​ന്ന​വ​രിൽ ഒരാൾ മാത്ര​മാ​യി​രു​ന്നു ദാവീദ്‌. നിയമ​പെ​ട്ടകം യെരു​ശ​ലേ​മി​ലേക്കു കൊണ്ടു​വ​ന്ന​പ്പോൾ “ദാവീ​ദും യിസ്രാ​യേൽഗൃ​ഹ​മൊ​ക്കെ​യും ആർപ്പോ​ടു . . . കൂടെ യഹോ​വ​യു​ടെ പെട്ടകം കൊണ്ടു​വന്നു” എന്നു ബൈബിൾ പ്രതി​പാ​ദി​ക്കു​ന്നു. (2 ശമൂവേൽ 6:15) യഹോ​വയെ സേവി​ക്കു​ന്ന​തി​ലുള്ള അത്തരം സന്തോഷം ഒരു കഴിഞ്ഞ​കാല സംഗതി​മാ​ത്രമല്ല. നിങ്ങൾക്ക്‌ അതിൽ പങ്കുപ​റ​റാ​നാ​വും. സന്തോ​ഷ​ത്തി​ന്റെ പുതിയ ഓഹരി​കൾ പോലും പെട്ടെ​ന്നു​തന്നെ നിങ്ങളു​ടേ​താ​യി​രി​ക്കാൻ കഴിയും!

2. യെശയ്യാ​വു 35-ാം അധ്യാ​യ​ത്തിന്‌ മടങ്ങി​പ്പോയ യഹൂദൻമാ​രിൽ ഉണ്ടായ ആദ്യ നിവൃ​ത്തി​ക്കു പുറമേ ഇന്ന്‌ ആർ മറെറാ​രു നിവൃ​ത്തി​യിൽ ഉൾപ്പെ​ട്ടി​രി​ക്കു​ന്നു?

² മുൻലേ​ഖ​ന​ത്തിൽ, യെശയ്യാ​വു 35-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന ഉത്തേജ​ക​മായ പ്രവച​ന​ത്തി​ന്റെ പ്രാരം​ഭ​നി​വൃ​ത്തി നാം പരി​ശോ​ധി​ച്ചു. ഇതിനെ ഒരു പുനഃ​സ്ഥാ​പ​ന​പ്ര​വ​ചനം എന്നു നമുക്ക്‌ ഉചിത​മാ​യി വിളി​ക്കാൻ കഴിയും, കാരണം അതു പുരാതന യഹൂദൻമാ​രെ സംബന്ധിച്ച്‌ അങ്ങനെ​യാ​ണു പരിണ​മി​ച്ചത്‌. അതിനു നമ്മുടെ കാലത്തു സമാന​മായ ഒരു നിവൃത്തി ഉണ്ട്‌. എങ്ങനെ? ശരി, പൊ.യു. (പൊതു​യു​ഗം) 33-ലെ പെന്തെ​ക്കോ​സ്‌തിൽ യേശു​വി​ന്റെ അപ്പോ​സ്‌ത​ലൻമാ​രി​ലും മററു​ള്ള​വ​രി​ലും തുടങ്ങി യഹോവ ആത്മീയ ഇസ്രാ​യേ​ലു​മാ​യി ഇടപെ​ട്ടു​കൊ​ണ്ടി​രി​ക്കു​ക​യാണ്‌. ഇവർ ദൈവ​ത്തി​ന്റെ പരിശു​ദ്ധാ​ത്മാ​വി​നാൽ അഭിഷി​ക്ത​രായ മനുഷ്യ​രാണ്‌, അവർ “ദൈവ​ത്തി​ന്റെ യിസ്രാ​യേൽ” എന്ന്‌ അപ്പോ​സ്‌ത​ല​നായ പൗലോസ്‌ വിളി​ക്കു​ന്ന​തി​ന്റെ ഭാഗമാ​യി​ത്തീ​രു​ന്നു. (ഗലാത്യർ 6:16; റോമർ 8:15-17) 1 പത്രൊസ്‌ 2:9-ൽ ഈ ക്രിസ്‌ത്യാ​നി​കൾ “തിര​ഞ്ഞെ​ടു​ക്ക​പ്പെട്ട ഒരു ജാതി​യും രാജകീയ പുരോ​ഹി​ത​വർഗ്ഗ​വും വിശു​ദ്ധ​വം​ശ​വും സ്വന്തജ​ന​വും” എന്നു വിളി​ക്ക​പ്പെ​ടു​ന്നു​വെ​ന്നും ഓർക്കുക. “അന്ധകാ​ര​ത്തിൽനി​ന്നു തന്റെ അത്ഭുത​പ്ര​കാ​ശ​ത്തി​ലേക്കു നിങ്ങളെ വിളി​ച്ച​വന്റെ സൽഗു​ണ​ങ്ങളെ ഘോഷി​പ്പാ​ന്ത​ക്ക​വണ്ണം” എന്നു പറഞ്ഞു​കൊ​ണ്ടു പത്രോസ്‌ ആത്മീയ ഇസ്രാ​യേ​ലി​നു കൊടു​ക്ക​പ്പെട്ട നിയമ​നത്തെ തിരി​ച്ച​റി​യി​ക്കു​ന്നു.

നമ്മുടെ കാലത്ത്‌ ഒരു നിവൃത്തി

3, 4. ആധുനിക കാലങ്ങ​ളിൽ യെശയ്യാ​വു 34-ാം അധ്യാ​യ​ത്തിന്‌ ഒരു നിവൃത്തി ഉണ്ടായ സാഹച​ര്യം എന്തായി​രു​ന്നു?

³ ഭൂമി​യി​ലെ ആത്മീയ ഇസ്രാ​യേ​ലി​ന്റെ ശേഷിപ്പ്‌ അത്തര​മൊ​രു സന്ദേശം ഘോഷി​ക്കു​ന്ന​തിൽ സ്ഥിരമാ​യി സജീവ​ര​ല്ലാ​തി​രുന്ന ഒരു സമയം ഈ നൂററാ​ണ്ടി​ന്റെ ആരംഭ​ത്തി​ലു​ണ്ടാ​യി​രു​ന്നു. അവർ ദൈവ​ത്തി​ന്റെ അത്ഭുത​പ്ര​കാ​ശ​ത്തിൽ പൂർണ​മാ​യി സന്തോ​ഷി​ക്കു​ന്നി​ല്ലാ​യി​രു​ന്നു. യഥാർഥ​ത്തിൽ, അവർ ഗണ്യമായ ഇരുട്ടി​ലാ​യി​രു​ന്നു. അത്‌ എപ്പോ​ഴാ​യി​രു​ന്നു? അതുസം​ബ​ന്ധി​ച്ചു യഹോ​വ​യാം ദൈവം എന്തു ചെയ്‌തു?

⁴ അതു ദൈവ​ത്തി​ന്റെ മിശി​ഹൈ​ക​രാ​ജ്യം 1914-ൽ സ്വർഗ​ത്തിൽ സ്ഥാപി​ക്ക​പ്പെ​ട്ട​ശേഷം താമസി​യാ​തെ ഒന്നാം ലോക​മ​ഹാ​യുദ്ധ കാലഘ​ട്ട​ത്തി​ലാ​യി​രു​ന്നു. വിവി​ധ​രാ​ജ്യ​ങ്ങ​ളി​ലെ സഭാ​വൈ​ദി​കൻമാ​രു​ടെ പിന്തു​ണ​യോ​ടെ രാഷ്‌ട്രങ്ങൾ അന്യോ​ന്യം കോപി​ച്ചു. (വെളി​പ്പാ​ടു 11:17, 18) തീർച്ച​യാ​യും ദൈവം ഗർവി​ഷ്‌ഠ​മായ ഏദോം ജനത​യോട്‌ എതിരാ​യി​രു​ന്ന​തു​പോ​ലെ, ഉന്നതരായ വൈദി​ക​വർഗ​ത്തോ​ടു​കൂ​ടിയ വിശ്വാ​സ​ത്യാ​ഗി​യായ ക്രൈ​സ്‌ത​വ​ലോ​ക​ത്തോട്‌ എതിരാ​യി​രു​ന്നു. അതു​കൊ​ണ്ടു പ്രതി​മാ​തൃ​ക​യി​ലെ ഏദോ​മായ ക്രൈ​സ്‌ത​വ​ലോ​കം യെശയ്യാ​വു 34-ാം അധ്യാ​യ​ത്തി​ന്റെ ആധുനി​ക​കാല നിവൃത്തി അനുഭ​വി​ക്കാൻ അർഹത​യു​ള്ള​താണ്‌. ശാശ്വ​ത​നാ​ശം മുഖേ​ന​യുള്ള ഈ നിവൃത്തി പുരാതന ഏദോ​മി​നെ​തി​രായ ആദ്യ നിവൃ​ത്തി​പോ​ലെ​തന്നെ സുനി​ശ്ചി​ത​മാണ്‌.—വെളി​പ്പാ​ടു 18:4-8, 19-21.

5. നമ്മുടെ കാലത്തു യെശയ്യാ​വു 35-ാം അധ്യാ​യ​ത്തിന്‌ ഏതു തരം നിവൃത്തി ഉണ്ടായി​രി​ക്കു​ന്നു?

⁵ സന്തോ​ഷ​ത്തി​നു ദൃഢത കൊടു​ക്കുന്ന യെശയ്യാ​യു​ടെ പ്രവച​ന​ത്തി​ന്റെ 35-ാം അധ്യാ​യത്തെ സംബന്ധി​ച്ചെന്ത്‌? അതിനും നമ്മുടെ കാലത്തു നിവൃത്തി ഉണ്ടായി​ട്ടുണ്ട്‌. അതെങ്ങ​നെ​യാണ്‌? അത്‌ ഒരുതരം അടിമ​ത്ത​ത്തിൽനി​ന്നുള്ള ആത്മീയ ഇസ്രാ​യേ​ലി​ന്റെ പുനഃ​സ്ഥാ​പ​ന​ത്തിൽ നിവർത്തി​ച്ചി​രി​ക്കു​ന്നു. ഇപ്പോ​ഴും ജീവി​ച്ചി​രി​ക്കുന്ന അനേക​രു​ടെ ജീവി​ത​കാ​ലത്തു സംഭവി​ച്ചു​കൊ​ണ്ടി​രി​ക്കുന്ന സമീപ​കാല ദിവ്യാ​ധി​പത്യ ചരി​ത്ര​വ​സ്‌തു​തകൾ നമുക്കു പരി​ശോ​ധി​ക്കാം.

6. ആത്മീയ ഇസ്രാ​യേ​ലി​ന്റെ ശേഷിപ്പ്‌ ഒരു അടിമാ​വ​സ്ഥ​യി​ലേക്കു വന്നു​വെന്നു പറയാ​വു​ന്നത്‌ എന്തു​കൊണ്ട്‌?

⁶ ഒന്നാം ലോക​മ​ഹാ​യു​ദ്ധ​ഘ​ട്ട​ത്തിൽ താരത​മ്യേന ചുരു​ങ്ങിയ ഒരു കാലത്ത്‌ ആത്മീയ ഇസ്രാ​യേ​ലി​ന്റെ ശേഷിപ്പ്‌ തികച്ചും ശുദ്ധരാ​യും ദൈ​വേ​ഷ്ട​ത്തോ​ടു ചേർച്ച​യി​ലും നിലനി​ന്നി​രു​ന്നില്ല. അവരിൽ ചിലർ ഉപദേ​ശ​പ​ര​മാ​യി കളങ്ക​പ്പെ​ട്ട​വ​രാ​യി, യുദ്ധത്തി​ലേർപ്പെ​ട്ടി​രുന്ന രാഷ്‌ട്ര​ങ്ങളെ പിന്താ​ങ്ങാൻ സമ്മർദം ചെലു​ത്ത​പ്പെ​ട്ട​പ്പോൾ യഹോ​വ​ക്കു​വേണ്ടി തികച്ചും നിഷ്‌പ​ക്ഷ​മായ നില സ്വീക​രി​ക്കാ​തെ അവർ വിട്ടു​വീ​ഴ്‌ച​ചെ​യ്‌തു. ആ യുദ്ധവർഷ​ങ്ങ​ളിൽ അവർ എല്ലാ രീതി​യി​ലു​മുള്ള പീഡന​ങ്ങ​ളും അനുഭ​വി​ച്ചു. അവരുടെ ബൈബിൾസാ​ഹി​ത്യ​ങ്ങൾ പല സ്ഥലങ്ങളി​ലും നിരോ​ധി​ക്ക​പ്പെ​ടു​ക​പോ​ലും ചെയ്‌തു. ഒടുവിൽ, കൂടുതൽ പ്രമു​ഖ​രായ സഹോ​ദ​രൻമാ​രിൽ ചിലർ വ്യാജ​കു​റ​റങ്ങൾ ആരോ​പി​ക്ക​പ്പെട്ടു തടവി​ലാ​ക്ക​പ്പെട്ടു. പിന്തി​രി​ഞ്ഞു​നോ​ക്കു​മ്പോൾ, ഒരർഥ​ത്തിൽ, ദൈവ​ജനം സ്വത​ന്ത്ര​രാ​യി​രി​ക്കു​ന്ന​തി​നു പകരം ഒരു അടിമ​ത്താ​വ​സ്ഥ​യി​ലാ​യി​രു​ന്നു​വെന്നു കാണാൻ പ്രയാ​സ​മില്ല. (യോഹ​ന്നാൻ 8:31, 32 താരത​മ്യം ചെയ്യുക.) അവർക്ക്‌ ആത്മീയ ദർശന​ത്തി​ന്റെ ഗൗരവ​മായ കുറവു​ണ്ടാ​യി​രു​ന്നു. (എഫെസ്യർ 1:16-18) ദൈവത്തെ സ്‌തു​തി​ക്കു​ന്ന​തു​സം​ബ​ന്ധിച്ച്‌ അവർ ഒരു ആപേക്ഷിക മൂകത പ്രകട​മാ​ക്കി, അവർ ആത്മീയ​മാ​യി നിഷ്‌ഫ​ല​രാ​യി​രു​ന്നു​വെ​ന്ന​താ​ണു ഫലം. (യെശയ്യാ​വു 32:3, 4; റോമർ 14:11; ഫിലി​പ്പി​യർ 2:11) ഇതു ബാബി​ലോ​നിൽ അടിമ​ത്ത​ത്തി​ലാ​യി​രുന്ന പുരാതന യഹൂദൻമാ​രു​ടെ അവസ്ഥക്കു സമാന്ത​ര​മാ​യി​രി​ക്കു​ന്നത്‌ എങ്ങനെ​യെന്നു നിങ്ങൾ കാണു​ന്നു​വോ?

7, 8. ആധുനി​ക​കാല ശേഷി​പ്പിന്‌ ഏതുതരം പുനഃ​സ്ഥാ​പനം അനുഭ​വ​പ്പെട്ടു?

⁷ എന്നാൽ ദൈവം തന്റെ ആധുനി​ക​കാല ദാസൻമാ​രെ ആ അവസ്ഥയിൽ വിടു​മോ? ഇല്ല, യെശയ്യാ​വു​മു​ഖേന മുൻകൂ​ട്ടി​പ്പ​റ​ഞ്ഞ​തി​നോ​ടു ചേർച്ച​യിൽ അവരെ പുനഃ​സ്ഥാ​പി​ക്കാൻ അവൻ തീരു​മാ​നി​ച്ചി​രു​ന്നു. അങ്ങനെ യെശയ്യാ​വു 35-ാം അധ്യാ​യ​ത്തി​ലെ ഇതേ പ്രവച​ന​ത്തിന്‌ ഒരു ആത്മീയ പറുദീ​സ​യി​ലെ ഐശ്വ​ര്യ​ത്തി​ലും ആരോ​ഗ്യ​ത്തി​ലും ആത്മീയ ഇസ്രാ​യേ​ലി​ന്റെ ശേഷി​പ്പി​നു പുനഃ​സ്ഥാ​പ​ന​മു​ണ്ടാ​യ​തോ​ടെ നമ്മുടെ കാലത്തു വ്യക്തമായ ഒരു നിവൃത്തി ഉണ്ടാകു​ന്നു. യെശയ്യാ​പ്ര​വ​ച​ന​ത്തി​ന്റെ ഈ ഭാഗത്തി​നു നാം ഒരു ആത്മീയ​ബാ​ധ​ക​മാ​ക്കൽ നടത്തു​ന്ന​തി​ന്റെ സാധു​തയെ പിന്താ​ങ്ങി​ക്കൊ​ണ്ടു പൗലോസ്‌ എബ്രായർ 12:12-ൽ ഒരു ആലങ്കാ​രി​കാർഥ​ത്തിൽ യെശയ്യാ​വു 35:3 ബാധക​മാ​ക്കി.

⁸ യുദ്ധാ​നന്തര കാലഘ​ട്ട​ത്തിൽ, ആത്മീയ ഇസ്രാ​യേ​ലിൽ ശേഷിച്ച അഭിഷി​ക്തർ, ആലങ്കാ​രി​ക​മാ​യി പറഞ്ഞാൽ, അടിമ​ത്ത​ത്തിൽനി​ന്നു പുറത്തു​വന്നു. അവരെ വിമോ​ചി​പ്പി​ക്കാൻ യഹോ​വ​യാം ദൈവം വലിപ്പ​മേ​റിയ കോ​രേ​ശായ യേശു​ക്രി​സ്‌തു​വി​നെ ഉപയോ​ഗി​ച്ചു. അങ്ങനെ, യെരു​ശ​ലേ​മിൽ അക്ഷരീ​യാ​ലയം പുനർനിർമി​ക്കു​ന്ന​തി​നു സ്വദേ​ശ​ത്തേക്കു മടങ്ങി​പ്പോയ പുരാതന യഹൂദൻമാ​രു​ടെ ശേഷി​പ്പി​ന്റെ വേല​യോ​ടു താരത​മ്യ​പ്പെ​ടു​ത്താ​വുന്ന ഒരു പുനർനിർമാ​ണ​വേല ഈ ശേഷി​പ്പി​നു ചെയ്യാൻ കഴിഞ്ഞു. തന്നെയു​മല്ല, ആധുനി​ക​കാ​ല​ങ്ങ​ളി​ലെ ഈ ആത്മീയ ഇസ്രാ​യേ​ല്യർക്കു തഴച്ചു​വ​ള​രുന്ന ഒരു ആത്മീയ പറുദീസ, ഒരു ആലങ്കാ​രിക ഏദെൻതോ​ട്ടം, നട്ടുപി​ടി​പ്പി​ച്ചു​തു​ട​ങ്ങാൻ കഴിഞ്ഞു.

9. യെശയ്യാ​വു 35:1, 2, 5-7-ൽ വർണി​ച്ചി​രി​ക്കു​ന്ന​തു​പോ​ലെ ഒരു സംഗതി നമ്മുടെ കാലത്തു വികാസം പ്രാപി​ച്ച​തെ​ങ്ങനെ?

⁹ മേൽപ്ര​സ്‌താ​വി​ച്ചതു മനസ്സിൽ വെച്ചു​കൊണ്ട്‌, നമുക്ക്‌ ഒരിക്കൽകൂ​ടെ യെശയ്യാ​വു 35-ാം അധ്യായം പരിചി​ന്തി​ക്കു​ക​യും 1-ഉം 2-ഉം വാക്യങ്ങൾ ആദ്യം​തന്നെ നോക്കു​ക​യും ചെയ്യാം. വെള്ളമി​ല്ലാ​ത്ത​താ​യി തോന്നിയ ഒരു പ്രദേശം വാസ്‌ത​വ​മാ​യി പുഷ്‌പി​ക്കാ​നും പുരാതന ശാരോൻസ​മ​ത​ല​ങ്ങൾപോ​ലെ ഫലവത്താ​കാ​നും തുടങ്ങി. ഇനി 5 മുതൽ 7 വരെയുള്ള വാക്യങ്ങൾ നോക്കുക. ശേഷി​പ്പി​ന്റെ വിവേ​ക​ക്ക​ണ്ണു​കൾ തുറന്നു, അവരിൽ പലരും ഇപ്പോ​ഴും ജീവി​ച്ചി​രി​ക്കു​ക​യും യഹോ​വ​യു​ടെ സേവന​ത്തിൽ കർമനി​ര​ത​രാ​യി​രി​ക്ക​യും ചെയ്യുന്നു. 1914-ലും പിന്നീ​ടും സംഭവി​ച്ചി​രു​ന്ന​തി​ന്റെ അർഥം അവർക്കു മെച്ചമാ​യി കാണാൻ കഴിഞ്ഞു. അതിന്‌ ഇപ്പോൾ ശേഷി​പ്പി​നോ​ടൊ​ത്തു സേവി​ക്കുന്ന “മഹാപു​രു​ഷാര”മായി​രി​ക്കുന്ന നമ്മില​നേ​ക​രു​ടെ​മേ​ലും ഒരു സ്വാധീ​ന​മു​ണ്ടാ​യി​രു​ന്നി​ട്ടുണ്ട്‌.—വെളി​പ്പാ​ടു 7:9.

നിങ്ങൾ നിവൃ​ത്തി​യിൽ ഉൾപ്പെ​ടു​ന്നു​വോ?

10, 11. (എ) യെശയ്യാ​വു 35:5-7-ന്റെ നിവൃ​ത്തി​യിൽ നിങ്ങൾ ഉൾപ്പെ​ട്ടി​രി​ക്കു​ന്നത്‌ എങ്ങനെ? (ബി) ഈ മാററങ്ങൾ സംബന്ധി​ച്ചു നിങ്ങൾ വ്യക്തി​പ​ര​മാ​യി എങ്ങനെ വിചാ​രി​ക്കു​ന്നു?

¹⁰ നിങ്ങ​ളെ​ത്തന്നെ ദൃഷ്ടാ​ന്ത​മാ​യി എടുക്കുക. നിങ്ങൾ യഹോ​വ​യു​ടെ സാക്ഷി​ക​ളു​മാ​യി സമ്പർക്ക​ത്തിൽ വരുന്ന​തി​നു​മുമ്പ്‌, ബൈബിൾ ക്രമമാ​യി വായി​ച്ചി​രു​ന്നു​വോ? വായി​ച്ചി​രു​ന്നെ​ങ്കിൽതന്നെ നിങ്ങൾക്ക്‌ എന്തുമാ​ത്രം ഗ്രാഹ്യം ലഭിച്ചി​രു​ന്നു? ഉദാഹ​ര​ണ​ത്തിന്‌, നിങ്ങൾക്ക്‌ ഇപ്പോൾ മരിച്ച​വ​രു​ടെ അവസ്ഥ​യെ​ക്കു​റി​ച്ചുള്ള സത്യം അറിയാം. സാധ്യ​ത​യ​നു​സ​രിച്ച്‌ ഈ സംഗതി​യിൽ താത്‌പ​ര്യ​മുള്ള ഒരാളെ ഉല്‌പത്തി അധ്യായം 2, സഭാ​പ്ര​സം​ഗി അധ്യായം 9, യെഹെ​സ്‌കേൽ അധ്യായം 18 എന്നിവി​ട​ങ്ങ​ളി​ലെ പ്രസക്ത​വാ​ക്യ​ങ്ങ​ളി​ലേ​ക്കും മററ​നേകം തിരു​വെ​ഴു​ത്തു​ക​ളി​ലേ​ക്കും നയിക്കാൻ നിങ്ങൾക്കു കഴിയും. അതെ, പല വിഷയ​ങ്ങ​ളോ പ്രശ്‌ന​ങ്ങ​ളോ സംബന്ധി​ച്ചു ബൈബിൾ പഠിപ്പി​ക്കു​ന്നതു നിങ്ങൾക്കു മനസ്സി​ലാ​കു​ന്നു​ണ്ടാ​കാം. ലളിത​മാ​യി പറഞ്ഞാൽ, ബൈബിൾ നിങ്ങൾക്ക്‌ അർഥവ​ത്താണ്‌, നിസ്സം​ശ​യ​മാ​യി നിങ്ങൾ ചെയ്‌തി​ട്ടു​ള്ള​തു​പോ​ലെ അതിൽ അധിക​വും മററു​ള്ള​വർക്കു വിശദീ​ക​രി​ച്ചു​കൊ​ടു​ക്കാൻ നിങ്ങൾക്കു കഴിയും.

¹¹ എന്നിരു​ന്നാ​ലും, ‘ബൈബിൾസ​ത്യം സംബന്ധിച്ച്‌ എനിക്ക്‌ അറിയാ​വു​ന്ന​തെ​ല്ലാം ഞാൻ എങ്ങനെ പഠിച്ചു? യഹോ​വ​യു​ടെ ജനത്തോ​ടു​കൂ​ടെ പഠിക്കു​ന്ന​തി​നു മുമ്പ്‌ ഇപ്പോൾ പറഞ്ഞ തിരു​വെ​ഴു​ത്തു​ക​ളെ​ല്ലാം ഞാൻ കണ്ടുപി​ടി​ച്ചി​രു​ന്നോ? അവയുടെ അർഥം എനിക്കു മനസ്സി​ലാ​കു​ക​യും അവയുടെ പ്രാധാ​ന്യം സംബന്ധി​ച്ചു ശരിയായ നിഗമ​ന​ങ്ങ​ളി​ലെ​ത്തു​ക​യും ചെയ്‌തി​രു​ന്നോ?’ എന്നു നാമോ​രു​ത്ത​രും ചോദി​ക്കു​ന്നത്‌ ഉചിത​മാണ്‌. ഈ ചോദ്യ​ങ്ങൾക്കുള്ള നിർവ്യാ​ജ​മായ ഉത്തരം ഇല്ല എന്നായി​രി​ക്കാ​നി​ട​യുണ്ട്‌. ഇത്തര​മൊ​രു പ്രസ്‌താ​വ​ന​യിൽ ആരും മുഷി​യ​രുത്‌, എന്നാൽ ഈ വാക്യ​ങ്ങ​ളും അവയുടെ അർഥവും സംബന്ധി​ച്ചു നിങ്ങൾ അടിസ്ഥാ​ന​പ​ര​മാ​യി, അന്ധരാ​യി​രു​ന്നു എന്നു പറയാ​വു​ന്ന​താണ്‌. അങ്ങനെ​യല്ലേ? അവ ബൈബി​ളി​ലു​ണ്ടാ​യി​രു​ന്നു, എന്നാൽ നിങ്ങൾക്ക്‌ അവയെ തിരി​ച്ച​റി​യാ​നോ അവയുടെ അർഥം ഗ്രഹി​ക്കാ​നോ കഴിഞ്ഞി​രു​ന്നില്ല. അപ്പോൾ നിങ്ങളു​ടെ കണ്ണുകൾ ആത്മീയ​മാ​യി എങ്ങനെ തുറക്ക​പ്പെട്ടു? അത്‌ അഭിഷിക്ത ശേഷി​പ്പിൻമേൽ യെശയ്യാ​വു 35:5 നിവർത്തി​ക്കു​ന്ന​തിൽ യഹോവ ചെയ്‌തി​രി​ക്കു​ന്നതു മുഖേ​ന​യാണ്‌. ക്രമത്തിൽ, നിങ്ങളു​ടെ കണ്ണു തുറന്നു​കി​ട്ടി. നിങ്ങൾ മേലാൽ ആത്മീയ​മായ ഇരുട്ടി​ലല്ല. നിങ്ങൾക്കു കാണാൻ കഴിയും.—വെളി​പ്പാ​ടു 3:17, 18 താരത​മ്യം ചെയ്യുക.

12. (എ) ഇത്‌ അത്ഭുത​ക​ര​മായ ശാരീ​രി​ക​സൗ​ഖ്യ​മാ​ക്ക​ലി​നുള്ള സമയമ​ല്ലെന്നു നമുക്കു പറയാ​നാ​വു​ന്ന​തെ​ന്തു​കൊണ്ട്‌? (ബി) എഫ്‌. ഡബ്ലിയൂ. ഫ്രാൻസ്‌ സഹോ​ദ​രന്റെ കാര്യം നമ്മുടെ കാലത്തു യെശയ്യാ​വു 35:5 നിവർത്തി​ക്കു​ന്ന​തി​ന്റെ വിധത്തെ ചിത്രീ​ക​രി​ക്കു​ന്നത്‌ എങ്ങനെ?

¹² ബൈബി​ളും നൂററാ​ണ്ടു​ക​ളി​ലെ ദൈവ​ത്തി​ന്റെ ഇടപെ​ട​ലു​ക​ളും സൂക്ഷ്‌മ​മാ​യി പഠിക്കു​ന്ന​വർക്ക്‌ ഇതു ശാരീ​രി​ക​സൗ​ഖ്യ​മാ​ക്ക​ലി​ന്റെ അത്ഭുത​ങ്ങൾക്കുള്ള ചരി​ത്ര​കാ​ല​ഘ​ട്ട​മ​ല്ലെന്ന്‌ അറിയാം. (1 കൊരി​ന്ത്യർ 13:8-10) അതു​കൊ​ണ്ടു യേശു​ക്രി​സ്‌തു താൻ ദൈവ​ത്തി​ന്റെ പ്രവാ​ച​ക​നായ മിശി​ഹാ​യാ​ണെന്നു തെളി​യി​ച്ചു​കൊ​ണ്ടു കുരു​ട്ടു​ക​ണ്ണു​കൾ തുറക്കാൻ നാം പ്രതീ​ക്ഷി​ക്കു​ന്നില്ല. (യോഹ​ന്നാൻ 9:1-7, 30-33) വീണ്ടും കേൾക്കാൻ അവൻ സകല ബധിര​രെ​യും പ്രാപ്‌ത​രാ​ക്കു​ന്നു​മില്ല. അഭിഷി​ക്ത​രിൽ ഒരാളും വാച്ച്‌ടവർ സൊ​സൈ​റ​റി​യു​ടെ പ്രസി​ഡ​ണ്ടു​മാ​യി​രുന്ന ഫ്രെഡ​റിക്‌ ഡബ്ലിയൂ. ഫ്രാൻസ്‌ 100 വയസ്സി​നോ​ട​ടു​ത്ത​പ്പോൾ നിയമ​പ​ര​മാ​യി അന്ധനാ​യി​രു​ന്നു, ശ്രവണ​സ​ഹാ​യി​യും ഉപയോ​ഗി​ക്കേ​ണ്ടി​വന്നു. കുറേ വർഷ​ത്തേക്കു വായി​ക്കു​ന്ന​തി​നു മേലാൽ അദ്ദേഹ​ത്തി​നു കാണാൻ കഴിഞ്ഞി​രു​ന്നില്ല; എന്നിരു​ന്നാ​ലും യെശയ്യാ​വു 35:5-ലെ അർഥത്തിൽ അദ്ദേഹം അന്ധനോ ബധിര​നോ ആയിരു​ന്ന​താ​യി ആർക്കു ചിന്തി​ക്കാൻ കഴിയു​മാ​യി​രു​ന്നു? അദ്ദേഹ​ത്തി​ന്റെ സൂക്ഷ്‌മ​മായ ആത്മീയ കാഴ്‌ച ഭൂവ്യാ​പ​ക​മാ​യുള്ള ദൈവ​ജ​ന​ത്തിന്‌ ഒരു അനു​ഗ്ര​ഹ​മാ​യി​രു​ന്നു.

13. ദൈവ​ത്തി​ന്റെ ആധുനി​ക​കാല ജനത്തിന്‌ ഏതു മാററം അല്ലെങ്കിൽ പുനഃ​സ്ഥാ​പനം അനുഭ​വ​പ്പെട്ടു?

¹³ അല്ലെങ്കിൽ നിങ്ങളു​ടെ നാവി​നെ​സം​ബ​ന്ധി​ച്ചെന്ത്‌? ദൈവ​ത്തി​ന്റെ അഭിഷി​ക്തർ തങ്ങളുടെ ആത്മീയ അടിമ​ത്ത​ത്തി​ന്റെ കാലത്ത്‌ ഊമരാ​ക്ക​പ്പെ​ട്ടി​രി​ക്കാം. എന്നാൽ ദൈവം ആ അവസ്ഥക്കു മാററം​വ​രു​ത്തി​യ​പ്പോൾ ദൈവ​ത്തി​ന്റെ സ്ഥാപി​ത​രാ​ജ്യ​ത്തെ​ക്കു​റി​ച്ചും ഭാവി​യെ​സം​ബ​ന്ധിച്ച വാഗ്‌ദ​ത്ത​ങ്ങ​ളെ​ക്കു​റി​ച്ചും തങ്ങൾ അറിഞ്ഞ​തു​സം​ബ​ന്ധിച്ച്‌ അവരുടെ നാവുകൾ സന്തോ​ഷി​ച്ചാർക്കാൻ തുടങ്ങി. നിങ്ങളു​ടെ നാവിന്റെ കെട്ടഴി​ക്കാ​നും അവർ നിങ്ങളെ സഹായി​ച്ചി​രി​ക്കാം. കഴിഞ്ഞ കാലത്തു നിങ്ങൾ മററു​ള്ള​വ​രോട്‌ എത്ര​ത്തോ​ളം ബൈബിൾ സത്യം സംസാ​രി​ച്ചി​രു​ന്നു? ഏതെങ്കി​ലും ഘട്ടത്തിൽ, ‘പഠനം എനിക്കു രസമാണ്‌, എന്നാൽ ഞാൻ ഒരിക്ക​ലും പോയി അപരി​ചി​ത​രോ​ടു സംസാ​രി​ക്കു​ക​യില്ല’ എന്നു നിങ്ങൾ വിചാ​രി​ച്ചി​രി​ക്കാം. എന്നാൽ ഇപ്പോൾ “ഊമന്റെ നാവു” ‘ഉല്ലസിച്ചു ഘോഷി​ക്കു​ന്നു’വെന്നതു സത്യമല്ലേ?—യെശയ്യാ​വു 35:6.

14, 15. അനേകർ നമ്മുടെ കാലത്ത്‌ എങ്ങനെ “വിശു​ദ്ധ​വഴി”യിലൂടെ നടന്നി​രി​ക്കു​ന്നു?

¹⁴ ബാബി​ലോ​നിൽനി​ന്നു വിമോ​ചി​ത​രായ പുരാതന യഹൂദൻമാർ തങ്ങളുടെ സ്വദേ​ശ​ത്തേക്കു ദീർഘ​യാ​ത്ര നടത്തേ​ണ്ട​തു​ണ്ടാ​യി​രു​ന്നു. അതു നമ്മുടെ കാലത്ത്‌ എന്തി​നോട്‌ ഒത്തുവ​രു​ന്നു? ശരി, യെശയ്യാ​വു 35:8-ൽ നോക്കുക: “അവിടെ ഒരു പെരു​വ​ഴി​യും പാതയും ഉണ്ടാകും; അതിന്നു വിശു​ദ്ധ​വഴി എന്നു പേരാ​കും; ഒരു അശുദ്ധ​നും അതിൽകൂ​ടി കടന്നു​പോ​ക​യില്ല.”

¹⁵ ആത്മീയ അടിമ​ത്ത​ത്തിൽനി​ന്നുള്ള തങ്ങളുടെ വിമോ​ച​ന​ത്തി​നു​ശേഷം അഭിഷി​ക്ത​ശേ​ഷിപ്പ്‌ ഇപ്പോൾ വേറെ ആടുക​ളി​ലെ ലക്ഷങ്ങ​ളോ​ടൊ​പ്പം ഒരുവനെ ആത്മീയ പറുദീ​സ​യി​ലേക്കു നയിക്കുന്ന ഒരു ആലങ്കാ​രി​ക​പെ​രു​വ​ഴി​യി​ലേക്ക്‌, നിർമ​ല​മായ ഒരു വിശു​ദ്ധ​വ​ഴി​യി​ലേക്ക്‌, മഹാബാ​ബി​ലോ​നിൽനി​ന്നു പുറത്തു​വ​ന്നി​രി​ക്കു​ന്നു. വിശു​ദ്ധി​യു​ടെ ഈ പെരു​വ​ഴി​യിൽ കടക്കാൻ യോഗ്യത പ്രാപി​ക്കാ​നും അതിൽ നിലനിൽക്കാ​നും നാം സകല ശ്രമവും ചെയ്‌തു​കൊ​ണ്ടി​രി​ക്ക​യാണ്‌. നിങ്ങ​ളെ​ക്കു​റി​ച്ചു​തന്നെ ചിന്തി​ക്കുക. ഇപ്പോൾ നിങ്ങളു​ടെ ധാർമി​ക​നി​ല​വാ​ര​ങ്ങ​ളും നിങ്ങൾ പററി​നിൽക്കുന്ന തത്ത്വങ്ങ​ളും നിങ്ങൾ ലോക​ത്തി​ലാ​യി​രു​ന്ന​പ്പോ​ഴ​ത്തേ​തി​നെ​ക്കാൾ വളരെ​യ​ധി​കം ഉയർന്ന​തല്ലേ? നിങ്ങളു​ടെ ചിന്തയും നടത്തയും ദൈവ​ത്തി​ന്റേ​തി​നോട്‌ അനുരൂ​പ​പ്പെ​ടു​ത്താൻ നിങ്ങൾ കൂടിയ ശ്രമം ചെലു​ത്തു​ന്നി​ല്ലേ?—റോമർ 8:12, 13; എഫെസ്യർ 4:22-24.

16. നാം വിശു​ദ്ധ​വ​ഴി​യി​ലൂ​ടെ നടക്കു​മ്പോൾ ഏത്‌ അവസ്ഥകൾ നമുക്ക്‌ ആസ്വദി​ക്കാൻ കഴിയും?

¹⁶ ഈ വിശു​ദ്ധ​വ​ഴി​യിൽ നിങ്ങൾ യാത്ര തുടരു​മ്പോൾ മൃഗതു​ല്യ​രായ മനുഷ്യ​രെ നിങ്ങൾക്ക്‌ അടിസ്ഥാ​ന​പ​ര​മാ​യി ഭയമില്ല. ലോക​ത്തിൽ അത്യാ​ഗ്ര​ഹി​ക​ളോ വിദ്വേ​ഷം നിറഞ്ഞ​വ​രോ ആയ ആളുകൾ നിങ്ങളെ ആലങ്കാ​രി​ക​മാ​യി ജീവ​നോ​ടെ വിഴു​ങ്ങാ​തി​രി​ക്കാൻ സൂക്ഷി​ക്കേ​ണ്ട​തുണ്ട്‌ എന്നതു സത്യം. മററു​ള്ള​വ​രോട്‌ ഇടപെ​ടു​ന്ന​തിൽ അനേകർ അത്യാർത്തി​യു​ള്ള​വ​രാണ്‌. ദൈവ​ജ​ന​ത്തി​ന്റെ ഇടയിൽ എന്തൊരു അന്തരം! അവിടെ നിങ്ങൾ ഒരു സംരക്ഷിത ചുററു​പാ​ടി​ലാണ്‌. തീർച്ച​യാ​യും, നിങ്ങളു​ടെ സഹക്രി​സ്‌ത്യാ​നി​കൾ പൂർണരല്ല; ചില​പ്പോൾ ചിലർ ഒരു തെററു ചെയ്യു​ക​യോ ഇടർച്ച​ക്കി​ട​യാ​ക്കു​ക​യോ ചെയ്യുന്നു. എന്നാൽ നിങ്ങളു​ടെ സഹോ​ദ​രൻമാർ നിങ്ങളെ ഉപദ്ര​വി​ക്കാ​നോ വിഴു​ങ്ങി​ക്ക​ള​യാ​നോ മനഃപൂർവം ശ്രമി​ക്കു​ക​യ​ല്ലെന്നു നിങ്ങള​റി​യു​ന്നു. (സങ്കീർത്തനം 57:4; യെഹെ​സ്‌കേൽ 22:25; ലൂക്കൊസ്‌ 20:45-47; പ്രവൃ​ത്തി​കൾ 20:29; 2 കൊരി​ന്ത്യർ 11:19, 20; ഗലാത്യർ 5:15) പകരം, അവർ നിങ്ങളിൽ താത്‌പ​ര്യം പ്രകട​മാ​ക്കു​ന്നു; അവർ നിങ്ങളെ സഹായി​ച്ചി​രി​ക്കു​ന്നു; അവർ നിങ്ങ​ളോ​ടൊ​പ്പം സേവി​ക്കാ​നാ​ഗ്ര​ഹി​ക്കു​ന്നു.

17, 18. ഇപ്പോൾ ഏതർഥ​ത്തിൽ ഒരു പറുദീസ സ്ഥിതി​ചെ​യ്യു​ന്നു, ഇതിനു നമ്മു​ടെ​മേ​ലുള്ള ഫലമെന്ത്‌?

¹⁷ അതു​കൊണ്ട്‌, 1 മുതൽ 8 വരെയുള്ള വാക്യ​ങ്ങ​ളു​ടെ ഇപ്പോ​ഴത്തെ നിവൃത്തി മനസ്സിൽ പിടി​ച്ചു​കൊ​ണ്ടു നമുക്കു യെശയ്യാ​വു 35-ാം അധ്യാ​യ​ത്തി​ലേക്കു നോക്കാ​വു​ന്ന​താണ്‌. ശരിയാ​യി​ത്തന്നെ ആത്മീയ പറുദീ​സ​യെന്നു വിളി​ക്കു​ന്നതു നാം കണ്ടെത്തി​യി​രി​ക്കു​ന്നു​വെന്നു വ്യക്തമല്ലേ? ശരി, അതു പൂർണമല്ല—ഇപ്പോ​ഴും. എന്നാൽ അതു സത്യമാ​യി ഒരു പറുദീ​സ​യാണ്‌, എന്തെന്നാൽ ഇവിടെ നമുക്ക്‌, 2-ാം വാക്യ​ത്തിൽ പ്രസ്‌താ​വി​ച്ച​തു​പോ​ലെ, ഇപ്പോൾത്തന്നെ “യഹോ​വ​യു​ടെ മഹത്വ​വും നമ്മുടെ ദൈവ​ത്തി​ന്റെ തേജസ്സും” കാണാ​നാ​വും. ഫലമെ​ന്താണ്‌? 10-ാം വാക്യം പറയുന്നു: “യഹോ​വ​യാൽ വീണ്ടെ​ടു​ക്ക​പ്പെ​ട്ടവർ മടങ്ങി ഉല്ലാസ​ഘോ​ഷ​ത്തോ​ടെ സീയോ​നി​ലേക്കു വരും; നിത്യാ​നന്ദം അവരുടെ തലമേൽ ഉണ്ടായി​രി​ക്കും; അവർ ആനന്ദവും സന്തോ​ഷ​വും പ്രാപി​ക്കും; ദുഃഖ​വും നെടു​വീർപ്പും ഓടി​പ്പോ​കും.” സത്യമാ​യി, നാം വ്യാജ​മ​ത​ത്തിൽനി​ന്നു പുറത്തു​പോ​ന്നി​രി​ക്കു​ന്ന​തും ദൈവ​പ്രീ​തി​യോ​ടെ സത്യാ​രാ​ധ​ന​യിൽ ഏർപ്പെ​ടു​ന്ന​തും സന്തോ​ഷ​പ്ര​ചോ​ദ​ക​മാണ്‌.

¹⁸ സത്യാ​രാ​ധ​ന​യോ​ടു ബന്ധപ്പെട്ട സന്തോഷം വർധി​ച്ചു​കൊ​ണ്ടേ​യി​രി​ക്ക​യാണ്‌, അല്ലേ? പുതിയ താത്‌പ​ര്യ​ക്കാർ മാററങ്ങൾ വരുത്തു​ന്ന​തും ബൈബിൾ സത്യത്തിൽ ഉറച്ചവ​രാ​യി​ത്തീ​രു​ന്ന​തും നിങ്ങൾ കാണുന്നു. യുവജ​നങ്ങൾ വളർന്നു സഭയിൽ ആത്മീയ പുരോ​ഗതി നേടു​ന്നതു നിങ്ങൾ നിരീ​ക്ഷി​ക്കു​ന്നു. സ്‌നാ​പ​നങ്ങൾ നടക്കുന്നു, അവിടെ നിങ്ങൾക്ക​റി​യാ​വു​ന്നവർ സ്‌നാ​പ​ന​മേൽക്കു​ന്നതു നിങ്ങൾ കാണുന്നു. അവ ഇന്നു സന്തോ​ഷ​ത്തിന്‌, സമൃദ്ധ​മായ സന്തോ​ഷ​ത്തിന്‌, കാരണ​മല്ലേ? അതേ, നമ്മുടെ ആത്മീയ സ്വാത​ന്ത്ര്യ​ത്തി​ലും പറുദീ​സാ​യ​വ​സ്ഥ​ക​ളി​ലും മററു​ള്ളവർ നമ്മോടു ചേരു​ന്നത്‌ എന്തു സന്തോ​ഷ​മാണ്‌!

ഭാവി​യിൽ ഒരു നിവൃത്തി!

19. യെശയ്യാ​വു 35-ാം അധ്യായം ഏത്‌ ആശാവ​ഹ​മായ പ്രതീക്ഷ നമ്മിൽ നിറയ്‌ക്കു​ന്നു?

¹⁹ നാം ഇത്ര​ത്തോ​ളം പരിചി​ന്തി​ച്ചതു യഹൂദൻമാ​രു​ടെ മടങ്ങി​പ്പോ​ക്കോ​ടെ നടന്ന യെശയ്യാ​വു 35-ാം അധ്യാ​യ​ത്തി​ന്റെ ആദ്യനി​വൃ​ത്തി​യും ഇന്നു തുടർന്നു​കൊ​ണ്ടി​രി​ക്കുന്ന ആത്മീയ നിവൃ​ത്തി​യു​മാണ്‌. എന്നാൽ അവസാനം അതല്ല. വളരെ​യ​ധി​കം​കൂ​ടെ​യുണ്ട്‌. അതു ഭൂമി​യിൽ വരാനി​രി​ക്കുന്ന അക്ഷരീയ പറുദീ​സാ​യ​വ​സ്ഥ​ക​ളു​ടെ പുനഃ​സ്ഥാ​പനം സംബന്ധിച്ച ബൈബിൾപ​ര​മായ ഉറപ്പി​നോ​ടു ബന്ധപ്പെ​ട്ടി​രി​ക്കു​ന്നു.—സങ്കീർത്തനം 37:10, 11; വെളി​പ്പാ​ടു 21:4, 5.

20, 21. യെശയ്യാ​വു 35-ാം അധ്യാ​യ​ത്തിന്‌ ഇനി മറെറാ​രു നിവൃത്തി ഉണ്ടായി​രി​ക്കു​മെന്നു വിശ്വ​സി​ക്കു​ന്നതു യുക്തി​യു​ക്ത​വും തിരു​വ​ച​നാ​നു​സൃ​ത​വു​മാ​യി​രി​ക്കു​ന്നത്‌ എന്തു​കൊണ്ട്‌?

²⁰ ഒരു പറുദീ​സ​യു​ടെ ഉജ്ജ്വല​മായ വർണനകൾ നൽകി​യിട്ട്‌ അതിന്റെ നിവൃ​ത്തി​കൾ ആത്മീയ കാര്യ​ങ്ങൾക്കു പരിമി​ത​പ്പെ​ടു​ത്തു​ന്നതു യഹോ​വ​യെ​സം​ബ​ന്ധി​ച്ചു പൊരു​ത്ത​പ്പെ​ടു​ന്ന​താ​യി​രി​ക്ക​യില്ല. തീർച്ച​യാ​യും, ആത്മീയ നിവൃ​ത്തി​കൾ അപ്രധാ​ന​മാ​ണെന്നല്ല ഈ പറയു​ന്നത്‌. ഒരു അക്ഷരീയ പറുദീസ സ്ഥാപി​ച്ചാ​ലും മനോ​ഹ​ര​മായ പ്രകൃ​തി​ദൃ​ശ്യ​ങ്ങ​ളു​ടെ​യും ശാന്തത​യുള്ള മൃഗങ്ങളു​ടെ​യും ഇടയിൽ നാം ആത്മീയ​മാ​യി ദുഷിച്ച ആളുക​ളാൽ, കാട്ടു​മൃ​ഗ​ങ്ങ​ളെ​പ്പോ​ലെ വർത്തി​ക്കുന്ന മനുഷ്യ​രാൽ, ചുററ​പ്പെ​ടു​ന്നു​വെ​ങ്കിൽ അതു നമ്മെ തൃപ്‌ത​രാ​ക്കു​ക​യില്ല. (തീത്തൊസ്‌ 1:12 താരത​മ്യം ചെയ്യുക.) അതേ, ആത്മീയം ആദ്യം വരണം, കാരണം അതാണ്‌ ഏററം പ്രധാനം.

²¹ എന്നിരു​ന്നാ​ലും, വരാനി​രി​ക്കുന്ന പറുദീസ നാം ഇപ്പോൾ ആസ്വദി​ക്കു​ന്ന​തും ഇനി ഭാവി​യിൽ കൂടു​ത​ലാ​യി​പ്പോ​ലും ആസ്വദി​ക്കാ​നി​രി​ക്കു​ന്ന​തു​മായ ആത്മീയ​വ​ശ​ങ്ങൾകൊണ്ട്‌ അവസാ​നി​ക്കു​ന്നില്ല. യെശയ്യാ​വു 35-ാം അധ്യായം പോലുള്ള പ്രവച​ന​ങ്ങ​ളു​ടെ ഒരു അക്ഷരീയ നിവൃത്തി പ്രതീ​ക്ഷി​ക്കു​ന്ന​തി​നു നമുക്കു നല്ല കാരണ​മുണ്ട്‌. എന്തു​കൊണ്ട്‌? ശരി, 65-ാം അധ്യാ​യ​ത്തിൽ യെശയ്യാവ്‌ “പുതിയ ആകാശ​വും പുതിയ ഭൂമി​യും” മുൻകൂ​ട്ടി​പ്പ​റഞ്ഞു. യഹോ​വ​യു​ടെ ദിവസത്തെ തുടർന്നു​വ​രുന്ന കാര്യ​ങ്ങളെ വർണി​ച്ച​പ്പോൾ അപ്പോ​സ്‌ത​ല​നായ പത്രോസ്‌ ആ തിരു​വെ​ഴു​ത്തു ബാധക​മാ​ക്കി. (യെശയ്യാ​വു 65:17, 18; 2 പത്രൊസ്‌ 3:10-13) “പുതിയ ഭൂമി” ഒരു യാഥാർഥ്യ​മാ​യി​ത്തീ​രു​മ്പോൾ യെശയ്യാവ്‌ വർണിച്ച സവി​ശേ​ഷ​തകൾ യഥാർഥ​ത്തിൽ സ്ഥിതി​ചെ​യ്യു​മെന്നു പത്രോസ്‌ സൂചി​പ്പി​ക്കു​ക​യാ​യി​രു​ന്നു. അതിൽ നിങ്ങൾക്കു പരിചി​ത​മാ​യി​രി​ക്കാ​വുന്ന വർണനകൾ ഉൾപ്പെ​ടു​ന്നു—വീടുകൾ പണിത്‌ അതിൽ പാർക്കു​ന്നത്‌; മുന്തി​രി​ത്തോ​ട്ടം നട്ടുണ്ടാ​ക്കി ഫലം ഭക്ഷിക്കു​ന്നത്‌; ഒരുവന്റെ കൈക​ളു​ടെ പ്രവൃത്തി ദീർഘ​നാൾ ആസ്വദി​ക്കു​ന്നത്‌; ചെന്നാ​യും കുഞ്ഞാ​ടും ഒരുമി​ച്ചു വസിക്കു​ന്നത്‌; ഭൂവ്യാ​പ​ക​മാ​യി യാതൊ​രു ദോഷ​വും ഭവിക്കാ​തി​രി​ക്കു​ന്നത്‌. മററു​വാ​ക്കു​ക​ളിൽ പറഞ്ഞാൽ, ദീർഘാ​യുസ്സ്‌, സുരക്ഷി​ത​ഭ​വ​നങ്ങൾ, സമൃദ്ധ​മായ ആഹാരം, സംതൃ​പ്‌തി​ക​ര​മായ ജോലി, മൃഗങ്ങ​ളു​ടെ ഇടയി​ലും മൃഗങ്ങ​ളും മനുഷ്യ​രും തമ്മിലു​മുള്ള സമാധാ​നം.

22, 23. യെശയ്യാ​വു 35-ാം അധ്യാ​യ​ത്തി​ന്റെ ഭാവി നിവൃ​ത്തി​യിൽ സന്തോ​ഷ​ത്തിന്‌ എന്തടി​സ്ഥാ​ന​മു​ണ്ടാ​യി​രി​ക്കും?

²² ആ പ്രത്യാശ നിങ്ങളെ സന്തോ​ഷം​കൊ​ണ്ടു നിറയ്‌ക്കു​ന്നി​ല്ലേ? നിറയ്‌ക്കണം, കാരണം അങ്ങനെ ജീവി​ക്കാ​നാ​ണു ദൈവം നമ്മെ സൃഷ്ടി​ച്ചത്‌. (ഉല്‌പത്തി 2:7-9) അതു​കൊണ്ട്‌, നാം പരിചി​ന്തി​ക്കുന്ന യെശയ്യാ​വു 35-ാം അധ്യാ​യ​ത്തി​ലെ പ്രവചനം സംബന്ധിച്ച്‌ അത്‌ എന്തർഥ​മാ​ക്കു​ന്നു? സന്തോ​ഷ​ത്താൽ ആർത്തു​ഘോ​ഷി​ക്കു​ന്ന​തി​നു നമുക്കു കൂടു​ത​ലായ കാരണ​മു​ണ്ടെന്ന്‌ അതർഥ​മാ​ക്കു​ന്നു. അക്ഷരീയ മരുഭൂ​മി​ക​ളും വെള്ളമി​ല്ലാത്ത പ്രദേ​ശ​ങ്ങ​ളും നാം സന്തോ​ഷി​ക്കാ​നി​ട​യാ​ക്കി​ക്കൊ​ണ്ടു പൂവണി​യും. അന്നു നീലയോ തവിട്ടു​നി​റ​മോ ഉല്ലാസ​പ്ര​ദ​മായ മറേറ​തെ​ങ്കി​ലും നിറമോ ഉള്ള കണ്ണുള്ളവർ, എന്നാൽ ഇപ്പോൾ കുരു​ട​രാ​യി​രി​ക്കു​ന്നവർ, കാണാൻ പ്രാപ്‌ത​രാ​കും. ബധിര​രാ​യി​രി​ക്കുന്ന നമ്മുടെ സഹക്രി​സ്‌ത്യാ​നി​ക​ളോ നമ്മിൽ കേൾവി​ക്കു​റ​വു​ള്ള​വർപോ​ലു​മോ വ്യക്തമാ​യി കേൾക്കാൻ പ്രാപ്‌ത​രാ​യി​ത്തീ​രും. ദൈവ​വ​ചനം വായി​ക്കു​ന്ന​തും വിശദീ​ക​രി​ക്കു​ന്ന​തും കേൾക്കാ​നും വൃക്ഷങ്ങ​ളി​ലെ കാററി​ന്റെ ശബ്ദങ്ങളും ഒരു കുട്ടി​യു​ടെ ചിരി​യും ഒരു പക്ഷിയു​ടെ പാട്ടും ശ്രദ്ധി​ക്കാ​നും ആ പ്രാപ്‌തി ഉപയോ​ഗി​ക്കു​ന്നത്‌ എന്തൊരു സന്തോ​ഷ​മാ​യി​രി​ക്കും!

²³ ഇപ്പോൾ സന്ധിവാ​തം ബാധി​ച്ചവർ ഉൾപ്പെടെ മുടന്തർ വേദന​യി​ല്ലാ​തെ സഞ്ചരി​ക്കു​മെ​ന്നും അതർഥ​മാ​ക്കും. എന്തൊ​രാ​ശ്വാ​സം! അന്നു മരുഭൂ​മി​യി​ലൂ​ടെ വെള്ളത്തി​ന്റെ അക്ഷരീയ കുത്തൊ​ഴു​ക്കു​കൾ പൊട്ടി​പ്പു​റ​പ്പെ​ടും. നാം തിരയ​ടി​ക്കുന്ന വെള്ളം കാണു​ക​യും അതിന്റെ ഗുളു​ഗു​ളു​ശബ്ദം കേൾക്കു​ക​യും ചെയ്യും. നമുക്ക്‌ അവിടെ നടക്കാ​നും പച്ചപ്പു​ല്ലി​ലും ഞാങ്ങണ​ച്ചെ​ടി​യി​ലും തൊടാ​നും കഴിയും. അതു വാസ്‌ത​വ​ത്തിൽ പുനഃ​സ്ഥാ​പി​ക്ക​പ്പെട്ട പറുദീ​സ​യാ​യി​രി​ക്കും. ഭയലേ​ശ​മെ​ന്യേ ഒരു സിംഹ​ത്തോ​ടു​കൂ​ടെ​യോ അത്തരം മറ്റേ​തെ​ങ്കി​ലും മൃഗ​ത്തോ​ടു​കൂ​ടെ​യോ ആയിരി​ക്കു​ന്ന​തി​ന്റെ സന്തോഷം സംബന്ധി​ച്ചെന്ത്‌? നാം അതു വർണി​ച്ചു​തു​ട​ങ്ങേ​ണ്ട​തില്ല, കാരണം നമ്മളെ​ല്ലാം ആ രംഗം ഇപ്പോൾത്തന്നെ സങ്കൽപ്പി​ച്ചാ​സ്വ​ദി​ച്ചി​ട്ടുണ്ട്‌.

24. യെശയ്യാ​വു 35:10-ലെ പ്രസ്‌താ​വ​ന​യോ​ടു നിങ്ങൾക്കു യോജി​ക്കാ​വു​ന്നത്‌ എന്തു​കൊണ്ട്‌?

²⁴ യെശയ്യാ​വു നമുക്ക്‌ ഇങ്ങനെ ഉറപ്പു​നൽകു​ന്നു: “യഹോ​വ​യാൽ വീണ്ടെ​ടു​ക്ക​പ്പെ​ട്ടവർ മടങ്ങി ഉല്ലാസ​ഘോ​ഷ​ത്തോ​ടെ സീയോ​നി​ലേക്കു വരും; നിത്യാ​നന്ദം അവരുടെ തലമേൽ ഉണ്ടായി​രി​ക്കും.” അതു​കൊണ്ട്‌ നമുക്കു സന്തോ​ഷ​ത്താൽ ആർത്തു​ഘോ​ഷി​ക്കു​ന്ന​തി​നു കാരണ​മു​ണ്ടെന്നു സമ്മതി​ക്കാം. നമ്മുടെ ആത്മീയ പറുദീ​സ​യി​ലെ തന്റെ ജനത്തി​നു​വേണ്ടി യഹോവ ഇപ്പോൾത്തന്നെ ചെയ്‌തു​കൊ​ണ്ടി​രി​ക്കു​ന്ന​തി​നെ പ്രതി​യുള്ള സന്തോ​ഷ​ത്താ​ലും സമീപി​ച്ചി​രി​ക്കുന്ന അക്ഷരീയ പറുദീ​സ​യിൽ നമുക്കു പ്രതീ​ക്ഷി​ക്കാ​വു​ന്ന​തി​നെ​പ്ര​തി​യുള്ള സന്തോ​ഷ​ത്താ​ലും തന്നെ. സന്തോ​ഷ​മു​ള്ള​വ​രെ​ക്കു​റിച്ച്‌—നമ്മെക്കു​റിച്ച്‌—യെശയ്യാവ്‌ എഴുതു​ന്നു: “അവർ ആനന്ദവും സന്തോ​ഷ​വും പ്രാപി​ക്കും; ദുഃഖ​വും നെടു​വീർപ്പും ഓടി​പ്പോ​കും.”—യെശയ്യാ​വു 35:10.

നിങ്ങൾ ശ്രദ്ധി​ച്ചോ?

◻ യെശയ്യാ​വു 35-ാം അധ്യാ​യ​ത്തിന്‌ ഏതു രണ്ടാം നിവൃത്തി ഉണ്ടായി​ട്ടുണ്ട്‌?

◻ യെശയ്യാ​വു മുൻകൂ​ട്ടി​പ്പറഞ്ഞ അത്ഭുത​ക​ര​മായ മാററ​ങ്ങ​ളോട്‌ ആത്മീയ​മാ​യി ഒത്തുവ​രു​ന്നത്‌ എന്ത്‌?

◻ ഈ പ്രവച​ന​ത്തി​ന്റെ ഒരു നിവൃ​ത്തി​യിൽ നിങ്ങൾ പങ്കുപ​റ​റി​യി​രി​ക്കു​ന്നത്‌ എങ്ങനെ?

◻ യെശയ്യാ​വു 35-ാം അധ്യായം നമ്മിൽ ഭാവി​പ്ര​ത്യാ​ശ നിറയ്‌ക്കു​ന്നു​വെന്നു പറയാ​വു​ന്നത്‌ എന്തു​കൊണ്ട്‌?

[15-ാം പേജിലെ ചിത്രം]

1918 ജൂണിൽ ഏഴു പ്രമുഖ സഹോ​ദ​രൻമാർ തടവി​ലാ​ക്ക​പ്പെ​ട്ടി​രുന്ന ന്യൂ​യോർക്കി​ലുള്ള ബ്രുക്ലി​നി​ലെ റെയ്‌മണ്ട്‌ സ്‌ട്രീ​ററ്‌ ജയിൽ

[16-ാം പേജിലേ ചിത്രം]

ഫ്രാൻസ്‌ സഹോ​ദരൻ തന്റെ പിൽക്കാല വർഷങ്ങ​ളിൽ നിയമ​പ​ര​മാ​യി അന്ധനാ​യി​രു​ന്നെ​ങ്കി​ലും അദ്ദേഹ​ത്തി​ന്റെ ആത്മീയ കാഴ്‌ച ശക്തമായി നിലനി​ന്നു

[17-ാം പേജിലെ ചിത്രം]

ആത്മീയ വളർച്ച​യും പുരോ​ഗ​തി​യും സന്തോ​ഷ​ത്തി​നുള്ള കാരണ​ങ്ങ​ളാണ്‌