ക്ഷീണി​ക്കാ​തെ വീണ്ടും ശക്തിയാർജ്ജി​ക്കു​ക

“അവൻ ക്ഷീണി​തനു ശക്തിനൽകു​ന്നു; ചലനാ​ത്മ​ക​മായ ഊർജ്ജം ഇല്ലാത്ത​വന്‌ അവൻ തികഞ്ഞ ശക്തി സമൃദ്ധ​മാ​ക്കി​ത്തീർക്കു​ന്നു.”—യെശയ്യാവ്‌ 40:29.

1, 2. ക്രിസ്‌ത്യാ​നി​കൾക്കു പൊതു​വി​ലുള്ള കാര്യ​ങ്ങളെ നിങ്ങൾ മാര​ത്തോൺ ഓട്ടക്കാ​രു​മാ​യി എങ്ങനെ ദൃഷ്ടാ​ന്തീ​ക​രി​ക്കും?

ആയിര​ത്തി​ത്തൊ​ള്ളാ​യി​രത്തി എൺപത്തി​നാല്‌ ഒക്‌ടോ​ബ​റി​ലെ ഒരു പ്രഭാ​ത​ത്തിൽ 16,000-ത്തോളം പോരാ​ളി​ക​ളു​ടെ ഒരു മനുഷ്യ​സ​മു​ദ്രം ന്യൂ​യോർക്ക്‌ സിററി മാര​ത്തോ​ണി​ന്റെ തുടക്ക​ത്തി​നു വേണ്ടി തെരു​വു​ക​ളി​ലേക്ക്‌ ഇരമ്പി​ക്ക​യറി. ഫിനീഷ്‌ ലൈൻ ഏതാണ്ട്‌ 26.6 മൈൽ (42.2.കി.മീ.) അകലെ​യാ​യി​രു​ന്നു. കാലാ​നു​സൃ​ത​മ​ല്ലാഞ്ഞ ആ ശരൽക്കാല ചൂടും ഉയർന്ന അന്തരീ​ക്ഷ​ക്ലീ​ന്ന​ത​യും ഓട്ടക്കാ​രു​ടെ ഊർജ്ജത്തെ കുറയ്‌ക്കു​ക​യും സഹനത്തെ പരീക്ഷി​ക്കു​ക​യും ചെയ്‌തു. ഏററവും നല്ല കായി​കാ​ഭ്യാ​സി​കൾക്കു​പോ​ലും ആ ഓട്ടം ക്ഷീണി​പ്പി​ക്കുന്ന ഒരു പോരാ​ട്ട​മാ​യി​ത്തീർന്നു. അനേകം ഓട്ടക്കാർ ക്ഷീണി​ത​രാ​യി ഓട്ടത്തിൽനി​ന്നു പിൻമാ​റി, 2000-ത്തോളം പേർ പൂർത്തി​യാ​ക്കി​യില്ല പൂർത്തി​യാ​ക്കി​യവർ വളരെ പ്രയാ​സ​ക​ര​മായ അവസ്ഥകളെ തരണം ചെയ്‌തി​രു​ന്നു.

² ക്രിസ്‌ത്യാ​നി​ക​ളും ഒരു ഓട്ടത്തി​ലാണ്‌. സമ്മാന​മോ? നിത്യ​ജീ​വൻ. മാര​ത്തോൺ ഓട്ടക്കാ​ര​നെ​പ്പോ​ലെ അവർ അവസാ​ന​ത്തോ​ളം പോരാ​ടേ​ണ്ട​താണ്‌. സഹനം ആവശ്യ​മാണ്‌. ശക്തി നിലനിർത്തു​ക​യും ക്ഷീണം ഒഴിവാ​ക്കു​ക​യും വേണം. ജീവനു​വേ​ണ്ടി​യുള്ള നമ്മുടെ ഓട്ടം ഒരു ചെറിയ ഹ്രസ്വ​ദൂര ഓട്ടം​പോ​ലെയല്ല, പിന്നെ​യോ ഒരു ദീർഘ​ദൂര ഓട്ടം പോ​ലെ​യാണ്‌. പൗലോസ്‌ കൊരി​ന്തി​ലെ സഹക്രി​സ്‌ത്യാ​നി​കൾക്ക്‌ എഴുതി: “ഒരു ഓട്ടത്തിൽ ഓട്ടക്കാ​രെ​ല്ലാം ഓടു​ന്നു​വെ​ന്നും എന്നാൽ ഒരാൾക്കു മാത്രം സമ്മാനം കിട്ടു​ന്നു​വെ​ന്നും നിങ്ങൾക്ക്‌ അറിയാൻ പാടില്ലേ? നിങ്ങൾക്ക്‌ അത്‌ ലഭിക്ക​ത്ത​ക്ക​വണ്ണം ഓടുക.” (1 കൊരി​ന്ത്യർ 9:24) ക്രിസ്‌ത്യാ​നി​കൾ ഓടു​ന്നത്‌ തീവ്ര​യ​ത്‌നം നടത്തി​ക്കൊ​ണ്ടാണ്‌.—ലൂക്കോസ്‌ 13:24.

3. ഓട്ടം പൂർത്തി​യാ​ക്കു​ന്ന​തു​വരെ ക്രിസ്‌ത്യാ​നി​കൾക്ക്‌ എങ്ങനെ മാത്രമേ ഊർജ്ജ​സ്വ​ല​മായ ഗതി​വേഗം നിലനിർത്താൻ കഴിയൂ?

³ എന്നാൽ ഓട്ടം പൂർത്തി​യാ​ക്കു​ന്ന​തിന്‌ ‘ആർക്ക്‌ ആ ഗതി​വേഗം നിലനിർത്താൻ കഴിയും?’ എന്നു നിങ്ങൾ സംശയി​ച്ചേ​ക്കാം. നമ്മുടെ സ്വന്തം ശക്തിയിൽ നമ്മിലാർക്കും സാദ്ധ്യമല്ല. സമ്മാനം നേടു​ന്ന​തിന്‌ ചലനാ​ത്മ​ക​ശ​ക്തി​യു​ടെ ഉറവു​ത​ന്നെ​യായ യഹോ​വ​യാം ദൈവ​ത്തിൽനിന്ന്‌ നാം ചോർത്തി​യെ​ടു​ക്കേ​ണ്ടി​യി​രി​ക്കു​ന്നു.—ഇയ്യോബ്‌ 36:22; സങ്കീർത്തനം 108:13.

യഹോവ—ചലനാ​ത്മ​ക​മായ ഊർജ്ജ​ത്തി​ന്റെ ഉറവ്‌

4. യെശയ്യാ​പ്ര​വാ​ചകൻ പറയു​ന്ന​ത​നു​സ​രിച്ച്‌, തന്റെ ദാസൻമാ​രെ പുലർത്താ​നുള്ള യഹോ​വ​യു​ടെ പ്രാപ്‌തി​യിൽ നമുക്ക്‌ വിശ്വാ​സ​മു​ണ്ടാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

⁴ നിസ്സം​ശ​യ​മാ​യി യഹോ​വക്കു തന്റെ ദാസൻമാ​രെ പുലർത്താൻ കഴിയും. തന്റെ പ്രവാ​ച​ക​നായ യെശയ്യാ​വി​ന്റെ വായ്‌ മുഖാ​ന്തരം സർവ്വശക്തൻ തന്റെ പ്രാപ്‌തി​ക​ളു​ടെ അതിരി​ല്ലാ​യ്‌മ​യെ​യും തന്റെ വീര്യ​പ്ര​വൃ​ത്തി​ക​ളു​ടെ നിസ്‌തു​ല​ത​യേ​യും കുറിച്ച്‌ പ്രസ്‌താ​വി​ച്ചു. “നിന്റെ കണ്ണുകൾ മേല്‌പ്പോട്ട്‌ ഉയർത്തി കാണുക. ഇവയെ​യെ​ല്ലാം ആർ സൃഷ്ടി​ച്ചി​രി​ക്കു​ന്നു? അത്‌ അവയുടെ സൈന്യ​ത്തെ സംഖ്യ​യ​നു​സ​രി​ച്ചു​തന്നെ പുറ​പ്പെ​ടു​വി​ക്കു​ന്ന​വ​നാണ്‌, അവയെ​യെ​ല്ലാം അവൻ പേർ ചൊല്ലി​ത്തന്നെ വിളി​ക്കു​ന്നു. ചലനാ​ത്മ​ക​മായ ഊർജ്ജ​ത്തി​ന്റെ സമൃദ്ധി​യാ​ലും, അവൻ ബലത്തിൽ ഊർജ്ജ​സ്വ​ല​നാ​ക​യാ​ലും, അവയി​ലൊ​ന്നും നഷ്ടപ്പെ​ടു​ന്നില്ല. . . . നിങ്ങൾ അറിയാ​നി​ട​യാ​യി​ട്ടി​ല്ലേ, അല്ലെങ്കിൽ കേട്ടി​ട്ടി​ല്ലേ? ഭൂമി​യു​ടെ അറുതി​ക​ളു​ടെ സ്രഷ്ടാ​വായ യഹോവ അനിശ്ചി​ത​കാ​ല​ത്തോ​ളം ഒരു ദൈവ​മാ​കു​ന്നു. അവൻ ക്ഷീണി​ക്കു​ക​യോ തളർന്നു​പോ​കു​ക​യോ ചെയ്യു​ന്നില്ല. അവന്റെ വിവേ​ക​ത്തി​ന്റെ ആരായ​ലില്ല.”—യെശയ്യാവ്‌ 40:26-28.

5, 6. യഹോ​വ​യു​ടെ ചലനാ​ത്മ​ക​മായ ഊർജ്ജ​ത്തി​ന്റെ തെളി​വു​ക​ളു​ടെ ദൃഷ്ടാ​ന്തങ്ങൾ നൽകുക.

⁵ പരിഛി​ന്ന​മാ​യതു മുതൽ അപരി​ഛി​ന്ന​മാ​യതു വരെയുള്ള യഹോ​വ​യു​ടെ സൃഷ്ടി​പ​ര​മായ ശക്തി ഭയാവ​ഹ​മാണ്‌! ദൃഷ്ടാ​ന്ത​ത്തിന്‌, നാം ഉൾപ്പെ​ടെ​യുള്ള സകല ദ്രവ്യ​വും നിർമ്മി​ക്ക​പ്പെ​ട്ടി​രി​ക്കുന്ന നിർമ്മാണ വസ്‌തു​ക്ക​ളെ​ക്കു​റിച്ച്‌—പരമാ​ണു​ക്ക​ളെ​ക്കു​റി​ച്ചു—ചിന്തി​ക്കുക. ഒരു തുള്ളി വെള്ളത്തിൽ 10,000 കോടി ബില്യൻ (അമേരി​ക്കൻ കണക്കു കൂട്ടല​നു​സ​രിച്ച്‌) പരമാ​ണു​ക്കൾ ഉൾക്കൊ​ണ്ടി​രി​ക്ക​ത്ത​ക്ക​വണ്ണം അവ അത്ര ചെറു​താണ്‌. എന്നിരു​ന്നാ​ലും, ഭൂമി​യിൽ 32 നില ആഴത്തി​ലും കാൽ മൈൽ വീതി​യി​ലും ഒരു ഗർത്തം ഉളവാ​ക്കത്തക്ക ശക്തിയുള്ള സ്‌ഫോ​ട​ന​ത്തി​നു മതിയായ ഊർജ്ജം പരമാ​ണു​ക്ക​ളു​ടെ ന്യൂക്ലി​യ​സിൽ അടങ്ങി​യി​രി​ക്കു​ന്നു.

⁶ വലിപ്പ​ത്തി​ന്റെ എതിര​റ​റത്ത്‌ സൂര്യ​നെ​ക്കു​റി​ച്ചു ചിന്തി​ക്കുക. ശതകോ​ടി​ക്ക​ണ​ക്കി​നു ടൺ തൂക്കമുള്ള ഈ ബൃഹത്തായ ന്യൂക്ലി​യർ ചൂളയാണ്‌ നമ്മുടെ സൗരയൂ​ഥ​ത്തിന്‌ ചൂടു നൽകു​ന്നത്‌. ചെറിയ പരമാ​ണു​ക്ക​ളിൽനിന്ന്‌ സിദ്ധി​ക്കുന്ന ഊർജ്ജ​മാണ്‌ അതിന്റെ ഇന്ധനം. ഭൂമി​യി​ലെ സകല ജീവനും—സസ്യങ്ങ​ളും മൃഗങ്ങ​ളും മനുഷ്യ​രും—ആ ബൃഹത്തായ ആകാശ പവർ പ്ലാൻറ്‌ പ്രസരി​പ്പി​ക്കുന്ന ഊർജ്ജ​ത്തെ​യാണ്‌ ആശ്രയി​ക്കു​ന്ന​തെ​ങ്കി​ലും സൂര്യ​നി​ലെ ഊർജ്ജ​ത്തി​ന്റെ ഒരു ചെറിയ അളവു മാത്രമേ യഥാർത്ഥ​ത്തിൽ ഭൂമി​യി​ലെ​ത്തു​ന്നു​ള്ളു. എന്നിരു​ന്നാ​ലും, ജീവൻ നിലനിർത്തു​ന്ന​തിന്‌ അതു മതിയാ​യ​താണ്‌. ജ്യോ​തി​ശാ​സ്‌ത്ര​ജ്ഞ​നായ ഫ്രെഡ്‌ ഹോയൽ ജ്യോ​തി​ശാ​സ്‌ത്രം എന്ന തന്റെ പുസ്‌ത​ക​ത്തിൽ ഇങ്ങനെ എഴുതു​ന്നു: “ഭൂമി​യിൽ എത്തുന്ന സൗരോർജ്ജ​ത്തി​ന്റെ വളരെ ചെറിയ അംശം​തന്നെ—പത്തു കോടി ദശലക്ഷ​ത്തി​ന്റെ ഏതാണ്ട്‌ അഞ്ചു ഭാഗങ്ങൾ എന്നു കണക്കാ​ക്ക​പ്പെ​ടന്നു—ലോക വ്യവസാ​യ​ങ്ങ​ളിൽ ഉപയോ​ഗി​ക്ക​പ്പെ​ടുന്ന മുഴു ഊർജ്ജ​ത്തെ​ക്കാൾ 1,00,000-ത്തോളം മടങ്ങു വലുതാണ്‌.”

7. യഹോ​വ​യു​ടെ സൃഷ്ടി​യിൽ പ്രകട​മാ​യി​രി​ക്കുന്ന ശക്തി​യെ​ക്കു​റിച്ച്‌ വിചി​ന്തനം ചെയ്‌ത​ശേഷം നാം അവനെ​ക്കു​റിച്ച്‌ എങ്ങനെ വിചാ​രി​ക്കണം?

⁷ എന്നിരു​ന്നാ​ലും, സൂര്യൻ നമ്മുടെ ക്ഷീരപ​ഥ​താ​രാ​പം​ക്തി​യി​ലെ ശതകോ​ടി​ക്ക​ണ​ക്കിന്‌ നക്ഷത്ര​ങ്ങ​ളിൽ ഒന്നു മാത്ര​മാണ്‌—അത്‌ മദ്ധ്യവ​ലി​പ്പ​ത്തി​ലുള്ള ഒരു നക്ഷത്ര​വു​മാണ്‌. മാത്ര​വു​മല്ല, അറിയ​പ്പെ​ടുന്ന പ്രപഞ്ച​ത്തിൽ ഏതാണ്ട്‌ 10,000 കോടി താരാ​പം​ക്തി​ക​ളു​ണ്ടെന്ന്‌ ജ്യോ​തി​ശാ​സ്‌ത്ര​ജ്ഞൻമാർ കണക്കാ​ക്കു​ന്നു. ഇത്‌ ചിന്തി​ക്കു​മ്പോൾത്തന്നെ ഞെട്ടലു​ള​വാ​ക്കു​ന്ന​താണ്‌, അല്ലേ? ‘യഹോവ തനിയെ ആകാശ​ങ്ങളെ വിരിച്ച’തിനെ​ക്കു​റി​ച്ചു വിചി​ന്തനം ചെയ്‌ത​ശേഷം, ദൈവം “ആരായാൻ കഴിയാത്ത വലിയ കാര്യ​ങ്ങ​ളും അസംഖ്യം അത്ഭുത​കാ​ര്യ​ങ്ങ​ളും ചെയ്യുന്നു”വെന്ന്‌ ഇയ്യോബ്‌ എന്ന മനുഷ്യൻ പറഞ്ഞത്‌ ആശ്ചര്യമല്ല.—ഇയ്യോബ്‌ 9:8-10.

യഹോ​വക്കു നിങ്ങളെ ഊർജ്ജ​സ്വ​ല​രാ​ക്കാൻ കഴിയും

8. (എ) ആർക്കു മാത്രമേ യഹോ​വ​യു​ടെ ശക്തിയിൽനിന്ന്‌ പൂർണ്ണ​മായ ശക്തിയാർജ്ജി​ക്കാൻ കഴിയൂ? (ബി) യെശയ്യാ 40:29-31-ലെ വാഗ്‌ദത്തം വിശ്വാ​സത്തെ ബലപ്പെ​ടു​ത്തു​ന്ന​താ​യി​രി​ക്കു​ന്ന​തെ​ങ്ങനെ?

⁸ യഹോ​വ​യു​ടെ സത്യാ​രാ​ധ​കർക്ക്‌ പ്രപഞ്ചത്തെ സൃഷ്ടി​ക്കു​ക​യും നിലനിർത്തു​ക​യും ചെയ്യുന്ന ചലനാത്മക ഊർജ്ജ​ത്തി​ന്റെ ഈ ഉറവിൻനിന്ന്‌ യഥേഷ്ട​വും പൂർണ്ണ​മാ​യും ശക്തിയാർജ്ജി​ക്കാൻ കഴിയും. യഹോ​വ​യു​ടെ ദാസൻമാർക്ക്‌ ഊർജ്ജ ദൗർല​ഭ്യ​ത്തി​ന്റെ ഭീതി​കൂ​ടാ​തെ ‘അവന്റെ പരിശു​ദ്ധാ​ത്മാ​വു മുഖേ​ന​യുള്ള ശക്തിയാൽ ബലിഷ്‌ഠ’രാക്ക​പ്പെ​ടാൻ കഴിയും. (എഫേസ്യർ 3:16; സങ്കീർത്തനം 84:4, 5) യഥാർത്ഥ​ത്തിൽ, ജീവനു​വേ​ണ്ടി​യുള്ള ഓട്ടത്തി​ലെ നമ്മുടെ വിജയം ദൈവ​ത്തി​ന്റെ ബലിഷ്‌ഠ​ക​ര​ത്തിന്‌ നമ്മെ ഫിനീഷ്‌ ലൈനി​ന​പ്പു​റ​ത്തേക്ക്‌ തള്ളിനീ​ക്കാൻ കഴിയു​മെ​ന്നുള്ള സമ്പൂർണ്ണ​വി​ശ്വാ​സത്തെ ആശ്രയി​ച്ചി​രി​ക്കു​ന്നു. അവന്‌ നമ്മെ ഊർജ്ജ​സ്വ​ല​രാ​ക്കാൻ കഴിയും. യെശയ്യാ പ്രവാ​ചകൻ യഹോ​വ​യെ​ക്കു​റിച്ച്‌ പറയുന്ന പ്രകാരം: “അവൻ ക്ഷീണി​തനു ശക്തിനൽകു​ന്നു; ചലനാ​ത്മ​ക​മായ ഊർജ്ജം ഇല്ലാത്ത​വന്‌ അവൻ തികഞ്ഞ ശക്തി സമൃദ്ധ​മാ​ക്കി​ത്തീർക്കു​ന്നു. ബാലൻമാർ ക്ഷീണി​ക്കു​ക​യും തളർന്നു​പോ​കു​ക​യും ചെയ്യും, യുവാ​ക്കൻമാർതന്നെ കണിശ​മാ​യും ഇടറും, എന്നാൽ യഹോ​വ​യിൽ പ്രത്യാ​ശി​ക്കു​ന്നവർ വീണ്ടും ശക്തിയാർജ്ജി​ക്കും. കഴുകൻമാ​രെ​പ്പോ​ലെ അവർ ചിറക​ടി​ച്ചു കയറും. അവർ തളർന്നു​പോ​കാ​തെ ഓടും; അവർ ക്ഷീണി​ച്ചു​പോ​കാ​തെ നടക്കും.” (യെശയ്യാവ്‌ 40:29-31) എന്തിന്‌, ആ വാക്കു​ക​ളു​ടെ വായന​തന്നെ നമ്മുടെ ചൈത​ന്യ​ത്തെ ജ്വലി​പ്പി​ക്കും!

9. യഹോ​വ​യ്‌ക്കു നിങ്ങളു​ടെ ‘പർവ്വത​സ​മാ​ന​മായ’ പ്രശ്‌ന​ങ്ങ​ളിൽ സഹായി​ക്കാൻ കഴിയു​ന്ന​തെ​ങ്ങനെ?

⁹ സത്യാ​രാ​ധ​ന​യ്‌ക്കു വേണ്ടി​യുള്ള നമ്മുടെ തീഷ്‌ണ​തയെ തടസ്സ​പ്പെ​ടു​ത്തു​മെന്നു ഭിഷണി​പ്പെ​ടു​ത്തുന്ന വമ്പിച്ച​താ​യി തോന്നുന്ന പ്രശ്‌ന​ങ്ങളെ അഭിമു​ഖീ​ക​രി​ക്കു​മ്പോൾ നിങ്ങൾ ചെറി​യ​വ​രും നിസ്സാ​രൻമാ​രു​മെന്ന്‌ വിചാ​രി​ച്ചേ​ക്കാം. നിരാ​ശ​പ്പെ​ട​രുത്‌. നിങ്ങളു​ടെ സർവ്വ ശക്തനായ സ്വർഗ്ഗീയ പിതാ​വി​ലേക്കു തിരി​യുക. ‘തന്നിൽ പ്രത്യാ​ശി​ക്കുന്ന എല്ലാവ​രെ​യും’ അവൻ ബലപ്പെ​ടു​ത്തു​ന്നു. പരമാ​ണു​വി​ന്റെ സ്രഷ്ടാ​വിന്‌ ആ ‘പർവ്വത​ങ്ങളെ’ നീക്കാൻ ശക്തിയുള്ള ചലനാത്മക ഊർജ്ജം കൊണ്ട്‌ പ്രചോ​ദി​പ്പി​ക്കാൻ കഴിക​യി​ല്ലേ? തീർച്ച​യാ​യും അവനു കഴിയും!—മർക്കോസ്‌ 11:23.

10. (എ) ഏതു കാര്യ​ങ്ങൾക്ക്‌ ക്രിസ്‌തീയ ഓട്ടക്കാ​രെ ക്ഷീണി​പ്പി​ക്കാൻ കഴിയും? (ബി) സാത്താൻ നിങ്ങ​ളോട്‌ എന്തു ചെയ്യാ​നാ​ഗ്ര​ഹി​ക്കു​ന്നു?

¹⁰ മറിച്ച്‌, ക്രീസ്‌തീ​യ​ത​ത്വ​ങ്ങ​ളോ​ടുള്ള അനാദ​രവ്‌ പ്രകട​മാ​ക്കുന്ന ഒരു ലോക​ത്തിൽനി​ന്നുള്ള സമ്മർദ്ദ​ങ്ങൾക്കെ​തി​രെ​യുള്ള അനുദി​ന​പോ​രാ​ട്ട​ത്താൽ വളരെ ക്ഷീണി​ത​രാ​കുക നിമിത്തം ജീവനു​വേ​ണ്ടി​യുള്ള ഓട്ടത്തിൽ മന്ദീഭ​വി​ക്കാ​മെ​ന്നോ നിർത്താ​മെ​ന്നു​പോ​ലു​മോ ചില ക്രിസ്‌ത്യാ​നി​കൾ വിചാ​രി​ച്ചേ​ക്കാം. രോഗ​ത്തി​നും സാമ്പത്തിക തിരി​ച്ച​ടി​കൾക്കും കുടും​ബ​പ്ര​ശ്‌ന​ങ്ങൾക്കും ഏകാന്ത​ത​ക്കും അല്ലെങ്കിൽ മററു പ്രയാ​സ​ങ്ങ​ള​ക്കും നിരു​ത്സാ​ഹ​ത്തി​നി​ട​യാ​ക്കാൻ കഴിയും. നിരു​ത്സാ​ഹ​ത്തിന്‌ പെട്ടെ​ന്നു​തന്നെ ഒരു ക്രിസ്‌ത്യാ​നി​യു​ടെ ശക്തിയെ കുറയ്‌ക്കാൻ കഴിയും, അത്യു​ഷ്‌ണ​മുള്ള ഒരു ദിവസ​ത്തിന്‌ ഒരു മാര​ത്തോൺ ഓട്ടക്കാ​രന്റെ ഊർജ്ജത്തെ സത്വരം വററി​ച്ചു​ക​ള​യാൻ കഴിയു​ന്ന​തു​പോ​ലെ​തന്നെ. വലിയ ശത്രു​വായ പിശാ​ചായ സാത്താൻ, യഹോ​വ​യു​ടെ ദാസനെന്ന നിലയി​ലുള്ള നിങ്ങളു​ടെ നിർമ്മ​ല​തയെ തകർക്കാൻ ശ്രമി​ക്കു​ന്ന​തിന്‌ അത്തരം കാര്യങ്ങൾ ഉപയോ​ഗി​ക്കു​ന്നു. (1 പത്രോസ്‌ 5:8) അതു ചെയ്യാൻ പിശാ​ചി​നെ അനുവ​ദി​ക്ക​രുത്‌! നിങ്ങളു​ടെ ആത്മീയ ഊർജ്ജ​ശേ​ഖരം വീണ്ടും നിറയ്‌ക്കു​ന്ന​തിന്‌ ആ കോടി​ക്ക​ണ​ക്കി​നുള്ള താരാ​പം​ക്തി​ക​ളു​ടെ സ്രഷ്ടാ​വി​ലേക്കു നോക്കുക. യഹോ​വ​യ്‌ക്കു നിങ്ങളെ പിന്തു​ണ​യ്‌ക്കാൻ കഴിയും.—സങ്കീർത്തനം 37:17; 54:4.

11. ദാവീദ്‌ പ്രതി​ബ​ന്ധ​ങ്ങളെ തരണം ചെയ്‌ത വിധത്തിൽനിന്ന്‌ നമുക്ക്‌ എന്തു പഠിക്കാൻ കഴിയും?

¹¹ പ്രതി​ബ​ന്ധ​ങ്ങളെ അഭിമു​ഖി​ക​രി​ച്ച​പ്പോൾ ദാവീദ്‌ എല്ലായ്‌പ്പോ​ഴും യഹോവ പുതു​വീ​ര്യ​ത്തി​ന്റെ ഉറവാ​ണെന്ന്‌ കണ്ടെത്തി. പരിശു​ദ്ധാ​ത്മാ​വി​നാൽ പുതു ജീവൻ ലഭിച്ച​തി​നാൽ ദാവീ​ദിന്‌ ഏത്‌ എതിർപ്പി​നും മീതെ ‘കയറാൻ’ കഴിഞ്ഞു. “നീ നിമിത്തം എനിക്ക്‌ ഒരു കവർച്ച സംഘത്തി​നെ​തി​രെ ഓടാൻ കഴിയും; എന്റെ ദൈവം നിമിത്തം എനിക്ക്‌ ഒരു മതിൽ കയറാൻ കഴിയും.” ദാവീദ്‌ ഇങ്ങനെ​യും പ്രഖ്യാ​പി​ച്ചു: “ദൈവ​ത്തി​ലൂ​ടെ ഞങ്ങൾ ജീവശക്തി നേടും, അവൻതന്നെ ഞങ്ങളുടെ ശത്രു​ക്കളെ ചവിട്ടി​മെ​തി​ക്കും.” (സങ്കീർത്തനം 18:29; 60:12) യഹോ​വ​യ്‌ക്കു അതുതന്നെ നിങ്ങൾക്ക്‌ വേണ്ടി ചെയ്യാൻ കഴിയും.

ആത്മീയ ക്ഷീണ​ത്തോ​ടു പോരാ​ടു​ക

12. (എ)ആത്മീയ ക്ഷീണത്തെ പെട്ടെന്ന്‌ ഒഴിവാ​ക്കേ​ണ്ട​തെ​ന്തു​കൊണ്ട്‌? (ബി) ആത്മീയ ക്ഷീണത്തി​ന്റെ ലക്ഷണങ്ങ​ളേവാ? (സി) ആത്മീയ​മാ​യി ക്ഷീണി​ത​രാ​യ​വരെ പുനരു​ജ്ജീ​വി​പ്പി​ക്കാൻ യഹോവ എന്തു കരുത​ലു​കൾ ചെയ്‌തി​രി​ക്കു​ന്നു?

¹² നാം ആത്മീയ ക്ഷീണത്തി​ന്റെ ലക്ഷണങ്ങൾ കാണു​ന്ന​തിൽ വേഗത​യു​ള്ള​വ​രാ​യി​രി​ക്കണം. അത്രതന്നെ വേഗത്തിൽ നാം അവയെ നേരി​ടു​ക​യും വേണം. എന്തു​കൊണ്ട്‌? എന്തു​കൊ​ണ്ടെ​ന്നാൽ ‘ഇടുക്കു വാതി​ലി​ലൂ​ടെ കടക്കാൻ തീവ്ര​യ​ത്‌നം നടത്തുന്ന’ ചുരുക്കം ചിലർ മാത്ര​മാണ്‌, അല്ലെങ്കിൽ ഫിനീഷ്‌ ലൈൻ കടക്കുന്ന ഓട്ടക്കാർ മാത്ര​മാണ്‌ നിത്യ​ജീ​വ​നാ​കുന്ന സമ്മാനം നേടു​ന്നത്‌. (ലൂക്കോസ്‌ 13:24; ഫിലി​പ്യർ 3:12, 13) “ആത്മീയ ക്ഷീണ​ത്തോ​ടു പോരാ​ടാ​നുള്ള ചില മാർഗ്ഗങ്ങൾ” എന്ന പേരിൽ തുടർന്നു ചേർത്തി​രി​ക്കുന്ന ചതുരം പരി​ശോ​ധി​ക്കുക. നിങ്ങൾ നിങ്ങളിൽത​ന്നെ​യോ ഒരു കുടും​ബാം​ഗ​ത്തി​ലോ ഈ ലക്ഷണങ്ങ​ളിൽ ചിലത്‌ ഉള്ളതായി തിരി​ച്ച​റി​യു​ന്നു​വോ? എങ്കിൽ ക്രമീ​ക​ര​ണങ്ങൾ വരുത്താൻ സത്വരം നടപടി​കൾ സ്വീക​രി​ക്കുക. ലിസ്‌ററു ചെയ്‌തി​രി​ക്കുന്ന യഹോ​വ​യു​ടെ കരുത​ലു​ക​ളിൽനിന്ന്‌ ശക്തി ആർജ്ജി​ച്ചു​കൊണ്ട്‌ നിങ്ങളു​ടെ ആത്മീയ​ത​യ്‌ക്ക്‌ നവജീവൻ പകരുക.

13, 14. (എ) നമ്മുടെ ആത്മീയ ശക്തിയെ പുതു​ക്കു​ന്ന​തിന്‌ ഏതു ദൃഷ്ടാ​ന്ത​ങ്ങൾക്ക്‌ സഹായി​ക്കാൻ കഴിയും? (ബി) ദീർഘ​കാ​ല​മാ​യി യഹോ​വ​യു​ടെ ഒരു ദാസനാ​യി​രി​ക്കുന്ന ഒരാളിൽനി​ന്നുള്ള ബുദ്ധി​യു​പ​ദേ​ശ​ത്തിന്‌ ഓട്ടത്തിൽ നിലനിൽക്കാൻ നമ്മെ എങ്ങനെ സഹായി​ക്കാൻ കഴിയും?

¹³ ബൈബിൾ രേഖയി​ലെ ജയശാ​ലി​ക​ളാ​യി​രുന്ന ദൈവ​ദാ​സൻമാ​രു​ടെ ദൃഷ്ടാ​ന്തങ്ങൾ അനുക​രി​ച്ചു​കൊണ്ട്‌, ക്ഷീണി​ത​നാ​കാ​നുള്ള പ്രവണ​തയെ നിങ്ങൾക്ക്‌ ചെറു​ത്തു​നിൽക്കാൻ കഴിയും. അവസാ​ന​ത്തോ​ളം സഹിച്ചു നിന്ന അനേകം സ്‌ത്രീ പുരു​ഷൻമാ​രും ചെറു​പ്പ​ക്കാ​രും പ്രായ​മു​ള്ള​വ​രു​മു​ണ്ടാ​യി​രു​ന്നു. എബ്രായർ 11:4-40 പോ​ലെ​യുള്ള തിരു​വെ​ഴു​ത്തു​ക​ളിൽ അവരെ​ക്കു​റി​ച്ചു വായി​ക്കുക. അതു​പോ​ലെ​തന്നെ ആധുനിക കാലങ്ങ​ളിൽ യഹോ​വയെ സേവി​ക്കു​ന്ന​തിൽ തുടരുന്ന അനേകം പ്രിയ​പ്പെട്ട സഹോ​ദ​രീ​സ​ഹോ​ദ​രൻമാർ നമുക്കുണ്ട്‌.

¹⁴ അമേരി​ക്കൻ ഐക്യ​നാ​ടു​ക​ളു​ടെ തെക്കു ഭാഗത്തു ജീവി​ക്കുന്ന ജോർജ്ജ്‌ ക്ഷീണി​ത​നാ​കാത്ത ഒരു ക്രിസ്‌തീയ ഓട്ടക്കാ​രന്റെ ദൃഷ്ടാ​ന്ത​മാണ്‌. നിത്യ​ജീ​വ​നു​വേ​ണ്ടി​യുള്ള 50-തിലധി​കം വർഷത്തെ ഓട്ടത്തി​നു​ശേഷം അയാൾ ഇപ്പോ​ഴും ബലിഷ്‌ഠ​നാ​യി നില​കൊ​ള്ളു​ക​യാണ്‌. അയാൾ നമുക്ക്‌ എന്തു ബുദ്ധി​യു​പ​ദേ​ശ​മാ​ണു നൽകു​ന്നത്‌?

“ഞാൻ ദൃഢമാ​യി പറയുന്നു, സ്ഥാപന​ത്തോ​ടു പററി​നിൽക്കുക. യഹോ​വ​യു​ടെ നിയമി​തൻ എന്ന നിലയിൽ യേശു​ക്രി​സ്‌തു സ്ഥാപനത്തെ നടത്തി​ക്കൊ​ണ്ടി​രി​ക്കു​ന്നു. അതു​കൊണ്ട്‌ നിങ്ങ​ളോ​ടു വളരെ അടുപ്പ​മുള്ള ഒരുവൻ അവിശ്വ​സ്‌ത​നാ​യി​ത്തീ​രു​ന്നു​വെ​ങ്കിൽ നിരു​ത്സാ​ഹ​പ്പെ​ട​രുത്‌. നിങ്ങൾക്കു പൂർണ്ണ​മാ​യി മനസ്സി​ലാ​കാ​ത്ത​തോ അംഗീ​ക​രി​ക്കാൻ പ്രയാ​സ​മു​ള്ള​തോ ആയ എന്തെങ്കി​ലു​മു​ണ്ടെ​ങ്കിൽ അത്‌ കുറെ കാലത്തി​നു​ശേഷം വ്യക്തമാ​കു​മെന്ന്‌ വിശ്വ​സി​ക്കുക. യഹോ​വ​യു​ടെ സ്ഥാപനം നമ്മെ ഇത്ര​ത്തോ​ളം കൊണ്ടു​വ​ന്നി​രി​ക്കു​ന്നു. അതു നമ്മെ പുതിയ വ്യവസ്ഥി​തി​യി​ലേക്കു നയിക്കു​മെന്ന്‌ വിശ്വ​സി​ക്കുക.”—യോഹ​ന്നാൻ 6:66-68.

15. നല്ല ദൃഷ്ടാ​ന്തങ്ങൾ നമ്മുടെ ആത്മാവി​നു നവോ​ത്തേ​ജനം നൽകണ​മെ​ങ്കിൽ നാം എന്തു ചെയ്യണം?

¹⁵ ഈ വില​യേ​റി​യ​വ​രിൽ ചിലർ നിങ്ങളു​ടെ സഭയി​ലു​ണ്ടാ​യി​രി​ക്കാം. അല്ലെങ്കിൽ നിങ്ങൾക്ക്‌ അവരെ സർക്കിട്ട്‌ സമ്മേള​ന​ത്തിൽ കണ്ടുമു​ട്ടാൻ കഴിയും. അവരോ​ടു സംസാ​രി​ക്കുക. അവരിൽനി​ന്നു പഠിക്കുക. തന്നെയു​മല്ല, മററു വിശ്വ​സ്‌ത​രു​ടെ ദൃഷ്ടാ​ന്തങ്ങൾ വാർഷിക പുസ്‌ത​ക​ത്തി​ലും വീക്ഷാ​ഗോ​പു​ര​ത്തി​ലും മററു വാച്ച്‌റ​റവർ പ്രസി​ദ്ധീ​ക​ര​ണ​ങ്ങ​ളി​ലും കാണ​പ്പെ​ടു​ന്നു. ഈ വിവര​ണങ്ങൾ വായി​ക്കുക. ആ അനുഭ​വ​ങ്ങ​ളിൽനിന്ന്‌ നിങ്ങൾക്ക്‌ എങ്ങനെ ശക്തിയാർജ്ജി​ക്കാൻ കഴിയു​മെന്നു കാണുക.

മൂപ്പൻമാർ—‘ബലപ്പെ​ടു​ത്തുന്ന സഹായങ്ങൾ’ആയിരി​ക്കു​ക

16. (എ) വീണ്ടും ശക്തിയാർജ്ജി​ക്കു​ന്ന​തിന്‌ മൂപ്പൻമാർക്ക്‌ സഹക്രി​സ്‌ത്യാ​നി​കളെ എങ്ങനെ സഹായി​ക്കാൻ കഴിയും? (ബി) പ്രോ​ത്സാ​ഹ​ന​വും ബുദ്ധി​യു​പ​ദേ​ശ​വും കൊടു​ക്കു​മ്പോൾ മൂപ്പൻമാർ എന്തു ജാഗ്ര​ത​പു​ലർത്തേണ്ട ആവശ്യ​മുണ്ട്‌?

¹⁶ വിശേ​ഷിച്ച്‌ സഭാമൂ​പ്പൻമാർ ഇടറു​ന്ന​തി​ന്റെ ജാഗ്ര​ത​യു​ള്ള​വ​രാ​യി​രി​ക്കണം. “ജനങ്ങളേ, ദുർബ്ബ​ല​ക​ര​ങ്ങളെ ബലപ്പെ​ടു​ത്തുക, കുഴയുന്ന മുഴങ്കാ​ലു​കളെ ഉറപ്പി​ക്കുക” എന്ന്‌ പറയു​മ്പോൾ യെശയ്യാവ്‌ 35:3 നല്ല ബുദ്ധി​യു​പ​ദേ​ശ​മാണ്‌ നൽകു​ന്നത്‌. എന്നാൽ മൂപ്പൻമാ​രായ നിങ്ങൾക്ക്‌ അതിൽ നിങ്ങളു​ടെ പങ്ക്‌ എങ്ങനെ നിർവ്വ​ഹി​ക്കാൻ കഴിയും? ഒരു സംഗതി നിരീ​ക്ഷ​ണ​പ​ടു​ക്ക​ളാ​യി​രി​ക്കുക എന്നതാണ്‌. പ്രത്യ​ക്ഷ​ത്തി​ലുള്ള ഒരു മന്ദീഭാ​വ​ത്തി​ന്റെ യഥാർത്ഥ കാരണം കണ്ടുപി​ടി​ക്കുക. ആ വ്യക്തി​ക്കു​വേണ്ടി പ്രത്യേ​കം തയ്യാർ ചെയ്‌ത തിരു​വെ​ഴു​ത്തു നിർദ്ദേ​ശങ്ങൾ കൊടു​ക്കുക. ശ്രദ്ധയു​ള്ള​വ​രാ​യി​രി​ക്കുക. നിങ്ങൾ നിങ്ങളു​ടെ സഹോ​ദ​രനെ നിരു​ത്സാ​ഹ​പ്പെ​ടു​ത്താ​നല്ല, പ്രോ​ത്സാ​ഹി​പ്പി​ക്കാ​നാ​ണാ​ഗ്ര​ഹിക്കു​ന്നത്‌.a അതു​കൊണ്ട്‌ നിങ്ങളു​ടെ മനഃസാ​ക്ഷി​യെ മറെറാ​രാ​ളു​ടെ​മേൽ അടി​ച്ചേൽപ്പി​ക്ക​രുത്‌ അല്ലെങ്കിൽ നിങ്ങളു​ടെ പരിഹാ​ര​മാർഗ്ഗം സ്വീക​രി​ക്കാൻ വ്യക്തി​യു​ടെ​മേൽ സമ്മർദ്ദം ചെലു​ത്ത​രുത്‌, അല്ലെങ്കിൽ നിങ്ങളു​ടെ വ്യക്തി​പ​ര​മായ വീക്ഷണം സ്വീക​രി​ക്കാൻ അയാൾ വിമുഖത കാട്ടു​ന്നു​വെ​ങ്കിൽ അയാളെ ഒരു പക്വത​യി​ല്ലാത്ത ക്രിസ്‌ത്യാ​നി​യാ​യി മുദ്ര​യ​ടി​ക്ക​രുത്‌. മൂപ്പൻമാർ തങ്ങളുടെ ബുദ്ധി​യു​പ​ദേ​ശ​ത്തെ​യും പ്രോ​ത്സാ​ഹ​ന​ത്തെ​യും ബൈബി​ളിൽ അടിസ്ഥാ​ന​പ്പെ​ടു​ത്തണം. തങ്ങളുടെ സഹ ഓട്ടക്കാ​രു​ടെ​മേൽ അനാവ​ശ്യ​മായ സഭാച​ട്ടങ്ങൾ കുന്നി​ച്ചു​കൊണ്ട്‌ അവരെ മന്ദീഭ​വി​പ്പി​ക്കാൻ മൂപ്പൻമാർ ആഗ്രഹി​ക്കു​ക​യില്ല.—മത്തായി 11:28, 29-നെ മത്തായി 23:2-4-നോടു താരത​മ്യ​പ്പെ​ടു​ത്തുക.

17. സഹക്രി​സ്‌ത്യാ​നി​കളെ മന്ദീഭ​വി​പ്പി​ക്കാൻ ലക്ഷ്യം​വെ​ച്ചി​ട്ടുള്ള സാത്താന്റെ തന്ത്രങ്ങ​ളോട്‌ മൂപ്പൻമാർക്ക്‌ എങ്ങനെ എതിരി​ടാൻ കഴിയും?

¹⁷ സഭാം​ഗ​ങ്ങളെ അഭിന​ന്ദി​ക്കു​ന്ന​തിൽ വേഗത​യു​ള്ള​വ​രാ​യി​രി​ക്കു​ന്ന​തി​നാൽ മൂപ്പൻമാർക്ക്‌ ക്രിസ്‌തു​വി​ന്റെ അനുഗാ​മി​ക​ളെന്ന നിലയിൽ നല്ല ദൃഷ്ടാന്തം വെക്കാൻ കഴിയും. ആത്മാർത്ഥ​മാ​യി അവർ വേണ്ട​പ്പെ​ട്ട​വ​രാ​ണെ​ന്നുള്ള തോന്നൽ ഉളവാ​ക്കുക! സാത്താന്റെ വ്യവസ്ഥി​തി ക്രിസ്‌ത്യാ​നി​യെ അപര്യാ​പ്‌ത​നെന്നു തോന്നി​ക്കാൻ എല്ലായ്‌പ്പോ​ഴും തയ്യാറാ​യി നിൽക്കു​ക​യാണ്‌. ജീവനു​വേ​ണ്ടി​യുള്ള ഓട്ടത്തി​ലെ ഈ ഘട്ടത്തിൽ നമ്മുടെ സഹോ​ദ​രൻമാർക്ക്‌ ആവശ്യ​മാ​യി​രി​ക്കു​ന്നത്‌ വിമർശ​ക​രെയല്ല, പിന്നെ​യോ വിജയ​ത്തി​ലേക്ക്‌ അവരെ പ്രോ​ത്സാ​ഹി​പ്പി​ക്കാൻ സുഹൃ​ത്തു​ക്ക​ളെ​യാണ്‌. ദൃഷ്ടാ​ന്ത​മാ​യി, ഒരു മദ്ധ്യവ​യ​സ്‌ക്ക​യായ സഹോ​ദ​രിക്ക്‌ പയനി​യ​റിംഗ്‌ നിർത്തേ​ണ്ടി​വ​ന്ന​പ്പോൾ അവളുടെ ഹൃദയം മുഴു​സ​മ​യ​സേ​വ​ന​ത്തി​ലേക്കു തിരി​ച്ചു​വ​രാ​നുള്ള ആഗ്രഹ​ത്താൽ ജ്വലി​ക്കു​ക​യാ​യി​രു​ന്നു. എന്നാൽ സാമ്പത്തിക സാഹച​ര്യ​ങ്ങൾ നിമിത്തം അവൾക്കു കഴിഞ്ഞില്ല. ഒരു മൂപ്പൻ സദു​ദ്ദേ​ശ്യ​ത്തോ​ടെ​യാ​യി​രു​ന്നെങ്കി​ലും ഒരു വിമർശ​നാ​ത്മ​ക​രീ​തി​യിൽ “നിങ്ങൾ എന്നാണ്‌ വീണ്ടും പയനി​യ​റിംഗ്‌ നടത്തു​ന്നത്‌?” എന്നു ചോദി​ച്ചു. “എന്റെ ഭർത്താ​വിന്‌ വാടക കൊടു​ക്കാൻ കഴിയു​മ്പോൾ” എന്ന അവളുടെ ഹ്രസ്വ​മായ മറുപടി അയാളെ അതിശ​യി​പ്പി​ച്ചു. മുഖ്യ​മാ​യി അവളുടെ ഭർത്താ​വി​ന്റെ വരുമാ​നം കൊണ്ടാ​യി​രു​ന്നു അവൾ പയനി​യ​റിംഗ്‌ നടത്തി​ക്കൊ​ണ്ടി​രു​ന്നത്‌. പിന്നീട്‌ മനസ്സി​ലാ​ക്കി​യെ​ങ്കി​ലും ഇതു തിരി​ച്ച​റി​യു​ന്ന​തിൽ മൂപ്പൻ പരാജ​യ​പ്പെ​ട്ടി​രു​ന്നു. എന്നാൽ ഭർത്താ​വി​ന്റെ മുതലാ​ളി ഒരു ക്രിസ്‌ത്യാ​നിക്ക്‌ പാടി​ല്ലാ​ത്ത​തെന്നു സംശയ​മുള്ള കൂടുതൽ കൂടുതൽ ജോലി ഏറെറ​ടു​ത്ത​പ്പോൾ, അയാളു​ടെ മനഃസാ​ക്ഷി വേറെ തൊഴിൽ തേടാൻ അയാളെ പ്രേരി​പ്പി​ച്ചു. അയാളു​ടെ പ്രായ​ത്തിൽ ജോലി കണ്ടെത്തുക എളുപ്പ​മാ​യി​രു​ന്നില്ല. അതു​കൊണ്ട്‌ വളരെ ശമ്പളം കുറഞ്ഞ ഒരു ജോലി സ്വീക​രി​ക്കേ​ണ്ടി​വന്നു; തന്നിമി​ത്തം അയാളു​ടെ ഭാര്യ മുഴു സമയവും ജോലി​ക്കു​പോ​കേ​ണ്ട​താ​വ​ശ്യ​മാ​യി​രു​ന്നു.

18. മൂപ്പൻമാർക്ക്‌ ഏതു വിധത്തിൽ ഒരു “ബലപ്പെ​ടു​ത്തുന്ന സഹായം” ആയിരി​ക്കാൻ കഴിയും?

¹⁸ മേൽപ്പറഞ്ഞ അനുഭ​വ​ത്തിൽ നിന്ന്‌ മൂപ്പൻമാർ സഹക്രി​സ്‌ത്യാ​നി​കളെ ബുദ്ധി​യു​പ​ദേ​ശി​ക്കു​ന്ന​തിൽ വിമു​ഖ​രാ​യി​രി​ക്ക​ണ​മെ​ന്നാ​ണോ നാം മനസ്സി​ലാ​ക്കേ​ണ്ടത്‌? അല്ല. പകരം ബുദ്ധി​യു​പ​ദേ​ശ​മോ പ്രോ​ത്സാ​ഹ​ന​മോ ആവശ്യ​മാ​യി​രി​ക്കു​മ്പോൾ മൂപ്പൻമാർ ബാഹ്യ​പ്ര​ത്യ​ക്ഷ​ത​ക​ളിൽ മാത്രം നോക്കാ​തെ സഹോ​ദ​ര​ങ്ങ​ളു​ടെ യഥാർത്ഥ സാഹച​ര്യ​ങ്ങൾ തിരി​ച്ച​റി​യണം. (യാക്കോബ്‌ 2:15, 16) ഈ വിധത്തിൽ, മൂപ്പൻമാർക്ക്‌ തങ്ങളുടെ സഭയിൽ ഒരു “ബലപ്പെ​ടു​ത്തുന്ന സഹായം” ആയിരി​ക്കാൻ കഴിയും.—കൊ​ലോ​സ്യർ 4:11.

19. ക്ഷീണി​ത​രാ​കാ​തി​രി​ക്കാൻ പയനി​യർമാ​രെ സഹായി​ക്കു​ന്ന​തിന്‌ നിങ്ങൾക്ക്‌ എന്തു ചെയ്യാൻ കഴിയും?

¹⁹ രാജ്യ​പ്ര​സാ​ധ​ക​രു​ടെ വർദ്ധി​ച്ചു​വരന്ന ഒരു സംഖ്യ തങ്ങളുടെ ഗതി​വേഗം കൂട്ടി ഇപ്പോൾ നിരന്തര പയനി​യർമാർ ആയിത്തീർന്നി​രി​ക്കു​ന്നു. ജനക്കൂ​ട്ട​ത്തി​ന്റെ ആർപ്പി​ട​ലിന്‌ വീണ്ടും ശക്തിയാർജ്ജി​ക്കാൻ മാര​ത്തോൻ ഓട്ടക്കാ​രെ പ്രോ​ത്സാ​ഹി​പ്പി​ക്കാൻ കഴിയും. അതു​കൊണ്ട്‌, നിങ്ങളു​ടെ സഭയിലെ പയനി​യർമാ​രെ വിജയ​ത്തി​നു പ്രോ​ത്സാ​ഹി​പ്പി​ക്കാൻ നിങ്ങൾ എന്തു ചെയ്യുന്നു? ഡഗ്ഗും ജോവാ​നും മുഴു സമയ​സേ​വ​നത്തെ തങ്ങളുടെ ജീവി​ത​വൃ​ത്തി​യാ​ക്കി​യി​രി​ക്കു​ന്നു. “നിങ്ങൾക്ക്‌ എന്നാണ്‌ കുട്ടികൾ ഉണ്ടാകു​ന്നത്‌?” എന്നോ “നിങ്ങൾ ഒടുവിൽ എന്നാണ്‌ സ്ഥിരതാ​മ​സ​മു​റ​പ്പി​ക്കു​ന്നത്‌?” എന്നോ മററു​ള്ളവർ ചോദി​ക്കു​ന്നത്‌ നിരു​ത്സാ​ഹ​പ്ര​ദ​മാ​യി​രി​ക്കാൻ കഴിയും. എന്നിരു​ന്നാ​ലും, “നല്ല വേല തുടരുക. നിങ്ങൾ ഞങ്ങളുടെ സഭയിൽ പയനി​യർമാ​രാ​യി സേവി​ക്കു​ന്ന​തിൽ ഞങ്ങൾക്ക്‌ സന്തോ​ഷ​മുണ്ട്‌” എന്നു പറഞ്ഞു​കൊണ്ട്‌ സഹസാ​ക്ഷി​കൾ ധാർമ്മിക പിന്തു​ണ​കൊ​ടു​ക്കു​മ്പോൾ എന്തു സംഭവി​ക്കു​ന്നു? എന്തിന്‌, അവർ ആത്മീയ​ക്ഷീ​ണം ഒഴിവാ​ക്കുക മാത്രമല്ല, തങ്ങളുടെ പയനി​യർസേ​വ​ന​ത്തിൽ കഴുക​മാ​രെ​പ്പോ​ലെ ചിറക​ടി​ച്ചു​ക​യ​റാൻ സഹായി​ക്ക​പ്പെ​ടു​ക​യും ചെയ്യുന്നു.—യെശയ്യാവ്‌ 40:31 താരത​മ്യ​പ്പെ​ടു​ത്തുക.

പയനി​യർമാർക്ക്‌ വീണ്ടും ശക്തിയാർജ്ജി​ക്കാൻ കഴിയുന്ന വിധം

20, 21. മുഴു​സ​മ​യ​സേ​വ​ന​ത്തി​ലുള്ള ചിലർ വീണ്ടും ശക്തിയാർജ്ജി​ച്ചി​രി​ക്കു​ന്ന​തെ​ങ്ങനെ?

²⁰ ഭാര്യാ​ഭർത്താ​ക്കൻമാ​രായ ഫ്രെഡ​റി​ക്കും മേരി​യ​നും പറയു​ന്നതു ശ്രദ്ധി​ക്കുക. ശക്തി പുനരാർജ്ജി​ക്കാൻ അവർക്ക​റി​യാം. രണ്ടു​പേ​രും ഒരു മദ്ധ്യാ​ഫ്രി​ക്കൻ രാജ്യത്ത്‌ മിഷന​റി​മാ​രാ​യി സേവി​ക്കു​ക​യാണ്‌, രണ്ടു​പേ​രും അവരുടെ 70-കളിലാണ്‌. അയാൾ 1946-ലാണ്‌ മിഷന​റി​സേ​വനം തുടങ്ങി​യത്‌, അവർ 1950-ലും. അവരെ യഹോ​വ​യു​ടെ സേവന​ത്തിൽ നിലനിർത്തു​ന്ന​തെ​ന്താണ്‌? ഫ്രെഡ​റിക്ക്‌ ഉത്തരം പറയുന്നു: “യഹോ​വ​യോ​ടുള്ള സ്‌നേ​ഹ​ത്തി​നും മററു​ള്ള​വരെ സഹായി​ക്കു​ന്ന​തി​നുള്ള ആഗ്രഹ​ത്തി​നും പുറമേ, നിത്യ​ജീ​വന്റെ ലാക്ക്‌ മനസ്സിൽ പിടി​ച്ചി​രി​ക്കു​ന്ന​തു​മാണ്‌.” ‘ദൈവ​ത്തി​ന്റെ വാഗ്‌ദ​ത്തങ്ങൾ ഞങ്ങളെ നിലനിർത്തി​യി​രി​ക്കു​ന്നു’ എന്ന്‌ അയാളു​ടെ ഭാര്യ മറുപടി പറയുന്നു. അവർ ക്ഷീണി​ത​രാ​കാ​തി​രി​ക്കു​ന്ന​തെ​ങ്ങനെ​യാണ്‌? “നിങ്ങളു​ടെ നിയമനം എന്തു തന്നെയാ​യി​രു​ന്നാ​ലും, അതിൽ തിര​ക്കോ​ടെ ഏർപ്പെ​ടുക” എന്ന്‌ അയാൾ ബുദ്ധി​യു​പ​ദേ​ശി​ക്കു​ന്നു. അവർ “ദിവ്യാ​ധി​പ​ത്യ​വേ​ല​യി​ലെ നിരന്തരത” ശുപാർശ​ചെ​യ്യു​ക​യും ഇങ്ങനെ കൂട്ടി​ച്ചേർക്കു​ക​യും ചെയ്യുന്നു: “നിങ്ങൾക്ക്‌ പ്രായം കൂടു​മ്പോൾ നിങ്ങളാ​ഗ്ര​ഹി​ക്കു​ന്ന​തെ​ല്ലാം ചെയ്യാൻ കഴിവില്ല അതിന്‌ എന്നെ അസഹ്യ​പ്പെ​ടു​ത്താൻ കഴിയും, എന്നാൽ ഞാൻ അതി​നെ​ക്കു​റി​ച്ചു പ്രാർത്ഥ​ന​യിൽ യഹോ​വ​യോ​ടു സംസാ​രി​ക്കു​ന്നു.” ഫ്രെഡ​റിക്ക്‌ ഈ നല്ല സദുപ​ദേശ ശകല​ത്തോ​ടെ ഉപസം​ഹ​രി​ക്കു​ന്നു: “ഞങ്ങൾ എല്ലാ രാത്രി​യി​ലും പ്രാർത്ഥി​ക്കു​ക​യും ഞങ്ങളെ സഹായി​ക്കാൻ യഹോ​വ​യോട്‌ അപേക്ഷി​ക്കു​ക​യും ചെയ്യുന്നു.”—1 പത്രോസ്‌ 4:7.

²¹ ലവോ​ണി​യാ​യിക്ക്‌ 67 വയസ്സായി. കഴിഞ്ഞ 20 വർഷമാ​യി നിരന്ത​ര​പ​യ​ണി​യ​റാണ്‌. കഴിഞ്ഞ​വർഷം അവർ 15 ദിവസം ആശുപ​ത്രി​യിൽ ചെലവ​ഴി​ച്ചു. ഇപ്പോൾ ഹൃ​ദ്രോ​ഗ​ത്തിന്‌ മരുന്നു കഴിച്ചു​കൊ​ണ്ടി​രി​ക്കു​ക​യാണ്‌. അവരുടെ ഭർത്താ​വും പിതാ​വും ഉൾപ്പെ​ടെ​യുള്ള പല കുടും​ബാം​ഗ​ങ്ങ​ളു​ടെ​യും മരണം അവർക്ക്‌ വൈകാ​രി​ക​മായ ക്ഷീണം കൈവ​രു​ത്തി. എന്നിട്ടും അവർ തീവ്ര​യ​ത്‌നം നടത്തുന്നു. അവർ എങ്ങനെ ശക്തി പുനരാർജ്ജി​ച്ചു? “പ്രസം​ഗ​വേ​ല​യിൽ കൂടുതൽ പൂർണ്ണ​മാ​യി ഏർപ്പെ​ടാൻ കഴിഞ്ഞത്‌ യഥാർത്ഥ​ത്തിൽ ഒരു സഹായ​മാ​യി​രു​ന്നു, എന്തു​കൊ​ണ്ടെ​ന്നാൽ യഹോ​വ​യെ​ക്കു​റി​ച്ചു മററു​ള്ള​വ​രോ​ടു സംസാ​രി​ക്കാൻ എനിക്കു സാധി​ക്കു​മ്പോൾ, അത്‌ എന്റെ മനസ്സിനെ പ്രശ്‌ന​ങ്ങ​ളിൽനിന്ന്‌ അകററു​ക​യും എനിക്ക്‌ ജീവി​തത്തെ ജീവി​ത​യോ​ഗ്യ​മാ​ക്കി​ത്തീർക്കുന്ന മനോ​സ​മാ​ധാ​ന​വും സന്തോ​ഷ​വും നൽകു​ക​യും ചെയ്യുന്നു”വെന്ന്‌ അവർ പറയുന്നു. അവർ പയനി​യ​റിംഗ്‌ നിർത്താ​നും പ്ലാൻ ചെയ്യു​ന്നില്ല. എന്നാൽ അവർ പറയുന്നു: “യഹോ​വ​യെ​ക്കു​റി​ച്ചും അവന്റെ മഹത്തായ ഉദ്ദേശ്യ​ങ്ങ​ളെ​ക്കു​റി​ച്ചും മററു​ള്ളവർ പഠിക്കു​ന്നതു കാണു​ന്നത്‌ എനിക്കു വളരെ സന്തോഷം നൽകു​ന്ന​തു​കൊണ്ട്‌ പയനിയർ സേവനം നിർത്തു​ന്ന​തി​നെ​ക്കു​റി​ച്ചു ഞാൻ ചിന്തി​ക്കു​ക​പോ​ലു​മില്ല.”—പ്രവൃ​ത്തി​കൾ 20:35.

22. നിത്യ​ജീ​വ​നു​വേ​ണ്ടി​യുള്ള ഓട്ടത്തിൽ വിജയി​ക്കു​ന്ന​തിന്‌ നാം എന്തു ചെയ്യു​ന്ന​തിൽ തുടരണം?

²² ജീവി​ത​ത്തി​ലെ ഈ ഘട്ടത്തിൽ നമുക്ക്‌ പയനി​യർമാർ എന്ന നിലയിൽ തീവ്ര​യ​ത്‌നം നടത്താൻ സാധി​ച്ചാ​ലും ഇല്ലെങ്കി​ലും നമു​ക്കെ​ല്ലാം ചലനാത്മക ഊർജ്ജ​ത്തി​ന്റെ ഉറവായ യഹോ​വ​യോ​ടും അവന്റെ സ്ഥാപന​ത്തോ​ടും അടുത്തു നിൽക്കാൻ കഴിയും. ദൈവത്തെ വിശ്വ​സ്‌ത​മാ​യി സേവി​ച്ചു​കൊണ്ട്‌ നമുക്ക്‌ വീണ്ടും ശക്തിയാർജ്ജി​ക്കു​ന്ന​തിൽ തുടരാം. അപ്പോൾ ഹബക്കൂ​ക്കി​നെ​പ്പോ​ലെ നമുക്ക്‌ ഇങ്ങനെ പറയാൻ കഴിയും. “പരമാ​ധി​കാര കർത്താ​വാം യഹോ​വ​യാണ്‌ എന്റെ ജീവോർജ്ജം; അവൻ എന്റെ പാദങ്ങളെ മാൻപേ​ട​ക​ളു​ടേ​തു​പോ​ലെ​യാ​ക്കും.” (ഹബക്കൂക്ക്‌ 3:19) അങ്ങനെ നാം ക്ഷീണി​ക്കു​ക​യോ തളർന്നു​പോ​കു​ക​യോ ഇല്ല. ഓട്ടം മിക്കവാ​റും പൂർത്തി​യാ​യി​രി​ക്കു​ക​യാ​ണെ​ന്നോർക്കുക. നാം ലക്ഷ്യ​ത്തോട്‌ അടുത്തി​രി​ക്കു​ക​യാണ്‌! (w86 1/15)

[അടിക്കു​റി​പ്പു​കൾ]

പുനരവലോകന ചോദ്യ​ങ്ങൾ

◻ ആർക്കു മാത്രമേ യഹോ​വ​യു​ടെ ചലനാത്മക ഊർജ്ജ​ത്തിൽനിന്ന്‌ യഥേഷ്ടം ശക്തിയാർജ്ജി​ക്കാൻ കഴിയൂ?

◻ ആത്മീയ ക്ഷീണത്തി​ന്റെ ചില ലക്ഷണങ്ങ​ളേവ?

◻ യഹോ​വ​യു​ടെ ഏതു കരുത​ലു​കൾക്ക്‌ വീണ്ടും ശക്തിയാർജ്ജി​ക്കാൻ നമ്മെ സഹായി​ക്കാൻ കഴിയും?

◻ മൂപ്പൻമാർക്കും സഭയിലെ മററു​ള്ള​വർക്കും “ഓട്ട”ത്തിൽ നിലനിൽക്കാൻ പയനിർമാ​രെ എങ്ങനെ സഹായി​ക്കാൻ കഴിയും?

[24-ാം പേജിലെ ചതുരം]

ആത്മീയ ക്ഷീണ​ത്തോ​ടു പോരാ​ടാ​നുള്ള ചില മാർഗ്ഗങ്ങൾ

ക്ഷീണത്തിന്റെ ലക്ഷണങ്ങൾ

◻ തീററി​യി​ലും കുടി​യി​ലും ഉല്ലാസ​ങ്ങ​ളി​ലു​മുള്ള ആത്മനി​യ​ന്ത്ര​ണ​ത്തി​ന്റെ അഭാവം

◻ സത്യത്തി​ലുള്ള ഉത്സാഹ​ക്കു​റവ്‌, അലംഭാവ മനോ​ഭാ​വം

◻ ഗുരു​ത​ര​വും തങ്ങിനിൽക്കു​ന്ന​തു​മായ സംശയങ്ങൾ പുലർത്തൽ

◻ സഭാമീ​റ​റിം​ഗു​ക​ളി​ലെ സഹവാ​സത്തെ അവഗണി​ക്കൽ

◻ വയൽശു​ശ്രൂ​ഷ​യി​ലെ തീക്ഷണു​ത​യു​ടെ​യും സന്തോ​ഷ​ത്തി​ന്റെ​യും അഭാവം

◻ മൂപ്പൻമാ​രെ​യും സ്ഥാപന​ത്തെ​യും അതിർക​ടന്നു വിമർശി​ക്കൽ

സഹിഷ്‌ണുതക്കുള്ള സഹായങ്ങൾ

◻ പരിശു​ദ്ധാ​ത്മ​സ​ഹാ​യ​ത്തി​നു വേണ്ടി പ്രാർത്ഥന—ലൂക്കോസ്‌ 11:13; ഗലാത്യർ 5:22, 23; 1 പത്രോസ്‌ 4:7

◻ വ്യക്തി​പ​ര​മായ പഠനം—സങ്കീർത്തനം 1:1, 2

◻ തിരു​വെ​ഴു​ത്ത​കാ​ര്യ​ങ്ങ​ളു​ടെ ധ്യാനം—സങ്കീർത്തനം 77:12

◻ യോഗ​ങ്ങ​ളി​ലെ​യും സമ്മേള​ന​ങ്ങ​ളി​ലെ​യും നിരന്ത​ര​ഹാ​ജർ—നെഹെമ്യാവ്‌ 8:1-3, 8, 10; എബ്രായർ 10:23-25

◻ വയൽസേ​വ​ന​ത്തി​ലെ നിരന്തര പങ്കുപ​ററൽ—പ്രവൃ​ത്തി​കൾ 20:18-21

◻ സഭാമൂ​പ്പൻമാ​രിൽനി​ന്നും സഞ്ചാര​മേൽവി​ചാ​ര​കൻമാ​രിൽ നിന്നു​മുള്ള ആത്മീയ സഹായം—റോമർ 1:11, 12; എബ്രായർ 13:17

[17-ാം പേജിലെ ചിത്രങ്ങൾ]

പ്രപഞ്ചത്തിന്റെ സ്രഷ്ടാ​വായ യഹോവ വീണ്ടും ശക്തിയാർജ്ജി​ക്കാൻ തന്റെ സാക്ഷി​കളെ സഹായി​ക്കു​ന്നു.

[കടപ്പാട്‌]

NASA photo