8. മിശി​ഹാ​യു​ടെ സ്വന്തം ജനം അവനോ​ടു പ്രതി​ക​രി​ച്ചത്‌ എങ്ങനെ, തന്റെ വിജയം അളക്കാൻ മിശിഹാ ആരി​ലേക്കു നോക്കു​ന്നു?

⁸ സ്വന്തം ജനത്തിൽ ഭൂരി​ഭാ​ഗ​വും യേശു​വി​നെ നിന്ദി​ക്കു​ക​യും തിരസ്‌ക​രി​ക്കു​ക​യും ചെയ്‌തു​വെ​ന്നതു ശരിയല്ലേ? അതേ. മൊത്ത​ത്തിൽ ഇസ്രാ​യേൽ ജനത യേശു​വി​നെ തിരസ്‌ക​രി​ക്കു​ക​യാ​ണു ചെയ്‌തത്‌. (യോഹ​ന്നാൻ 1:11) ഭൂമി​യിൽ ആയിരു​ന്ന​പ്പോൾ യേശു ചെയ്‌ത കാര്യ​ങ്ങ​ളെ​യെ​ല്ലാം ഒട്ടും മൂല്യ​മി​ല്ലാത്ത, വെറും നിസ്സാ​ര​മായ കാര്യ​ങ്ങ​ളാ​യാണ്‌ സമകാ​ലി​കർ കണ്ടത്‌. പ്രത്യ​ക്ഷ​ത്തിൽ പരാജ​യ​മാ​യി തോന്നിച്ച ആ ശുശ്രൂ​ഷയെ കുറി​ച്ചാണ്‌ മിശിഹാ അടുത്ത​താ​യി പറയു​ന്നത്‌. “ഞാനോ; ഞാൻ വെറുതെ അദ്ധ്വാ​നി​ച്ചു; എന്റെ ശക്തിയെ വ്യർത്ഥ​മാ​യും നിഷ്‌ഫ​ല​മാ​യും ചെലവ​ഴി​ച്ചി​രി​ക്കു​ന്നു.” (യെശയ്യാ​വു 49:4എ) നിരു​ത്സാ​ഹി​തൻ ആയതു​കൊ​ണ്ടല്ല മിശിഹാ ഈ പ്രസ്‌താ​വ​നകൾ നടത്തി​യത്‌. അടുത്ത​താ​യി അവൻ പറയു​ന്നതു കേൾക്കുക: “എന്റെ ന്യായം യഹോ​വ​യു​ടെ പക്കലും എന്റെ പ്രതി​ഫലം എന്റെ ദൈവ​ത്തി​ന്റെ പക്കലും ഇരിക്കു​ന്നു.” (യെശയ്യാ​വു 49:4ബി) മിശി​ഹാ​യു​ടെ വിജയം അളക്കേ​ണ്ടത്‌ മനുഷ്യ​രല്ല മറിച്ച്‌, ദൈവ​മാണ്‌.

¹⁰ തങ്ങൾ അധ്വാ​നി​ക്കു​ന്നതു വൃഥാ​വാ​ണെന്ന്‌ ഇന്ന്‌ യേശു​വി​ന്റെ ശിഷ്യ​ന്മാർക്കു ചില​പ്പോ​ഴൊ​ക്കെ തോന്നി​യേ​ക്കാം. ചിലയി​ട​ങ്ങ​ളിൽ ശുശ്രൂ​ഷ​യിൽ ചെലവ​ഴി​ക്കുന്ന സമയ​ത്തോ​ടും ശ്രമ​ത്തോ​ടും ഉള്ള താരത​മ്യ​ത്തിൽ ഫലം തീരെ കുറവാ​ണെന്നു കാണ​പ്പെ​ട്ടേ​ക്കാം. എങ്കിലും, യേശു​വി​ന്റെ മാതൃ​ക​യിൽനി​ന്നു പ്രോ​ത്സാ​ഹനം നേടുന്ന അവർ സഹിച്ചു​നിൽക്കു​ന്നു. പൗലൊസ്‌ അപ്പൊ​സ്‌ത​ലന്റെ പിൻവ​രുന്ന വാക്കു​ക​ളും അവർക്കു ബലമേ​കു​ന്നു: “ആകയാൽ എന്റെ പ്രിയ സഹോ​ദ​ര​ന്മാ​രേ, നിങ്ങൾ ഉറപ്പു​ള​ള​വ​രും കുലു​ങ്ങാ​ത്ത​വ​രും നിങ്ങളു​ടെ പ്രയത്‌നം കർത്താ​വിൽ വ്യർത്ഥമല്ല എന്നു അറിഞ്ഞി​രി​ക്ക​യാൽ കർത്താ​വി​ന്റെ വേലയിൽ എപ്പോ​ഴും വർദ്ധി​ച്ചു​വ​രു​ന്ന​വ​രും ആകുവിൻ.”—1 കൊരി​ന്ത്യർ 15:58.