തിരു​വെ​ഴു​ത്തു​ക​ളിൽ നിന്നുള്ള പാഠം: യോവേൽ 1:1—3:21

യഹോ​വ​യു​ടെ നാമം വിളി​ച്ച​പേ​ക്ഷി​ക്ക​യും രക്ഷപെ​ടു​ക​യും ചെയ്യുക!

“ബാധ നിയ​ന്ത്രണം വിട്ടു​പോ​വു​ക​യാ​ണെ​ങ്കിൽ അത്‌ കിഴക്കെ ആഫ്രി​ക്ക​യി​ലേ​ക്കും സമീപ പൂർവ​ദേ​ശ​ത്തേ​ക്കും വ്യാപി​ക്കും. അത്‌ ഒരു അത്യാ​ഹി​തം ആയിരി​ക്കാൻ കഴിയും.” അടുത്ത​കാ​ലത്ത്‌ വടക്കു​പ​ടി​ഞ്ഞാ​റെ ആഫ്രി​ക്കയെ ആക്രമിച്ച അത്യാർത്തി പിടിച്ച കോടി​ക്ക​ണ​ക്കിന്‌ പ്രാണി​കളെ—വെട്ടു​ക്കി​ളി​കളെ—സംബന്ധിച്ച്‌ യു. എൻ. ഭക്ത്യ കാർഷിക സംഘട​ന​യു​ടെ ഒരു ഉദ്യോ​ഗസ്ഥൻ പറഞ്ഞത്‌ അപ്രകാ​ര​മാണ്‌.

ദൈവ​ത്തി​ന്റെ പ്രവാ​ച​ക​നായ യോവേൽ ക്രി. മു. 820 എന്ന വർഷത്തിൽ ഒരു സമാന​മായ ബാധയെ സംബന്ധിച്ച്‌ സംസാ​രി​ച്ചു. സ്‌പഷ്ട​മായ ഭാഷയിൽ കൃത്യ​ത​യെ​യും യാഥാർത്ഥ്യ​ത്തെ​യും ഉല്ലംഘി​ക്കാ​തെ, യഹൂദ രാഷ്‌ട്രം ഒരു ഷട്‌പ​ദ​ത്തി​ന്റെ കടന്നാ​ക്ര​മ​ണ​ത്താൽ എപ്രകാ​രം നശിപ്പി​ക്ക​പ്പെ​ടും എന്ന്‌ അവൻ വിവരി​ച്ചു. എന്നിരു​ന്നാ​ലും, ആ ബാധ ഒരു പരിസ്ഥി​തി​സം​ബ​ന്ധ​മായ ഭീഷണി​യേ​ക്കാൾ വളരെ​യ​ധി​കം പ്രത്യേ​ക​ത​യുള്ള ചിലതി​ന്റെ ചിത്രീ​ക​ര​ണ​മാ​യി​രു​ന്നു. അത്‌ “യഹോ​വ​യു​ടെ ദിവസ​ത്തി​ന്റെ” ഒരു മുന്നോ​ടി​യാ​യി​രു​ന്നു! നമ്മുടെ തലമുറ ആ “ഭീതി​ജ​ന​ക​മായ ദിവസത്തെ”യും അതിന്റെ എല്ലാ വിനാ​ശ​ക​മായ ഉഗ്ര​രോ​ഷ​ത്തെ​യും അഭിമു​ഖീ​ക​രി​ക്കു​ന്നു. രക്ഷയുടെ എന്തു പ്രതീക്ഷ നിലനിൽക്കു​ന്നുണ്ട്‌? യോ​വേ​ലി​ന്റെ പ്രവചന പുസ്‌ത​ക​ത്തിൽ നിന്ന്‌ നമുക്ക്‌ എന്തു പാഠം പഠിക്ക​യും ചെയ്യാം?

ഭീതി​പ്പെ​ടു​ത്തുന്ന ഷട്‌പ​ദ​ത്തി​ന്റെ ആക്രമണം

യഹോ​വ​യു​ടെ ഭീതി​ജ​ന​ക​മായ നാളിൽ രക്ഷക്ക്‌ അനുതാ​പം ആവശ്യ​മാണ്‌. കമ്പിളി​പ്പു​ഴു​ക്ക​ളു​ടെ കൂട്ടങ്ങൾ, വെട്ടു​ക്കി​ളി​കൾ, ചിറകി​ല്ലാത്ത, ഇഴയുന്ന വെട്ടു​ക്കി​ളി​കൾ, പാററകൾ മുതലായ ഷട്‌പ​ദ​ങ്ങ​ളു​ടെ കൂട്ടങ്ങൾ ദേശത്തെ സസ്യജാ​ലത്തെ ശൂന്യ​മാ​ക്കി​യ​തി​നാൽ യോ​വേ​ലി​ന്റെ കണ്ണുക​ളിൽക്കൂ​ടി നാം ഒരു അത്യാ​ഹി​തം കാണുന്നു. യിസ്രാ​യേ​ലി​ലെ പുരോ​ഹി​തൻമാ​രെ​യും മൂപ്പൻമാ​രെ​യും മററു നിവാ​സി​ക​ളെ​യും അനുത​പി​ക്കു​ന്ന​തി​നും “സഹായ​ത്തി​നു​വേണ്ടി യഹോ​വ​യോട്‌ നിലവി​ളി​ക്കു”ന്നതിനും പ്രോൽസാ​ഹി​പ്പി​ക്കു​ന്നു. പണ്ടകശാ​ലകൾ ശൂന്യ​മാ​യി​ക്കി​ട​ക്കു​ക​യും കളപ്പു​രകൾ ഉൽപ്പന്നങ്ങൾ ഇല്ലാതാ​യി​ത്തീർന്ന​തി​നാൽ പൊളി​ച്ചു​ക​ള​യു​ക​യും ചെയ്‌തി​രി​ക്കു​ന്നു. വളർത്തു​മൃ​ഗങ്ങൾ മേച്ചിൽസ്ഥലം അന്വേ​ഷി​ച്ചിട്ട്‌ കാണാതെ അമ്പരന്ന്‌ ചുററി​ന​ടു​ക്കു​ന്നു. സർവശ​ക്ത​നിൽ നിന്നുള്ള ശൂന്യ​മാ​ക്ക​ലി​ന്റെ എന്തോരു നാൾ!—1:1-20.

യഹോ​വ​യു​ടെ നാളിന്റെ സാമീ​പ്യം നമ്മെ വിശു​ദ്ധ​പ്ര​വർത്ത​ന​ങ്ങ​ളി​ലും ദൈവി​ക​പ്ര​വൃ​ത്തി​ക​ളി​ലും ഏർപ്പെ​ടാൻ പ്രേരി​പ്പി​ക്കണം. (2 പത്രോ. 3:10-12) ഇതിനെ അന്ധകാ​ര​ത്തി​ന്റെ​യും കാർമേ​ഘ​ങ്ങ​ളു​ടെ​യും കൂരി​രു​ട്ടി​ന്റെ​യും ദിവസ​മാ​യി കാണാൻ യോവേൽ നമ്മെ പ്രാപ്‌ത​രാ​ക്കു​ന്നു. വെട്ടു​ക്കി​ളി​കൾ ആ ദിവസ​ത്തി​ന്റെ ഭീതി​പ്പെ​ടു​ത്തുന്ന മുന്നോ​ടി​യാണ്‌. അവയുടെ പിന്നാലെ യഹൂദ​യു​ടെ ഏദെൻസ​മാ​ന​മായ ഭൂവി​ഭാ​ഗം ശൂന്യ​മായ ഒരു മരുഭൂ​മി​യാ​യി​ത്തീ​രു​ന്നു. വെട്ടു​ക്കി​ളി​ക​ളു​ടെ ശബ്ദം തന്നേ ഭീഷണ​മാണ്‌, എന്തു​കൊ​ണ്ടെ​ന്നാൽ ഇത്‌ ഒരു രഥം പോ​ലെ​യും കച്ചിയിൽ ഇരച്ചു​ക​യറി ആളിപ്പ​ട​രുന്ന തീയ്‌ പോ​ലെ​യും ആണ്‌. വെട്ടു​ക്കി​ളി​കൾ മുന്നേ​റവെ “യുദ്ധമു​റ​യിൽ അണിനി​ര​ക്കുന്ന ശക്തരായ ജനത്തെ​പ്പോ​ലെ” മതിലു​കൾ ചാടി​ക്ക​ട​ക്കു​ക​യും നഗരങ്ങ​ളി​ലേക്ക്‌ പായു​ക​യും വീടു​ക​ളിൽ പ്രവേ​ശി​ക്ക​യും ചെയ്യുന്നു. ‘യഹോ​വ​യു​ടെ ഭയജന​ക​മായ ദിവസ​ത്തിൽ’ സൂര്യ​നും ചന്ദ്രനും നക്ഷത്ര​ങ്ങ​ളും പോലും ഇരുണ്ടു​പോ​കു​ന്നു.—2:1-11.

രക്ഷയുടെ വഴി

രക്ഷക്ക്‌ നാം ‘യഹോ​വ​യാണ്‌ ദൈവ​മെ​ന്നും മറെറ​രു​ത്ത​നു​മി​ല്ലെ​ന്നും’ സമ്മതി​ക്കണം. “നിങ്ങളു​ടെ മുഴു​ഹൃ​ദ​യ​ത്തോ​ടെ എന്നി​ലേക്ക്‌ തിരി​ഞ്ഞു​വ​രിക” എന്ന്‌ യഹോവ ബുദ്ധി​യു​പ​ദേ​ശി​ക്കു​ന്നു. പ്രായ​മാ​യ​വ​രെ​യും ചെറു​പ്പ​ക്കാ​രെ​യും വിശുദ്ധ സമ്മേള​ന​ത്തിൽ കൂടി​വന്ന്‌ ദിവ്യാം​ഗീ​കാ​ര​ത്തി​നു​വേണ്ടി അപേക്ഷി​ക്കാൻ പ്രേരി​പ്പി​ക്കു​ന്നു. ദൈവം കരുണ കാണി​ക്ക​യും പ്രാണി​കൾ നശിപ്പി​ച്ച​തിന്‌ നഷ്ടപരി​ഹാ​രം നൽകു​ക​യും തന്റെ ജനത്തെ സമൃദ്ധ​മാ​യി അനു​ഗ്ര​ഹി​ക്ക​യും ചെയ്യും. ഏക സത്യ​ദൈ​വ​വും രക്ഷയുടെ ഉറവു​മെന്ന യഹോ​വ​യു​ടെ സ്ഥാനത്തെ അംഗീ​ക​രി​ക്കു​ന്നവർ നാണി​ച്ചു​പോ​ക​യില്ല.—2:12-27.

നമ്മുടെ രക്ഷയും യഹോ​വ​യു​ടെ നാമത്തെ വിശ്വാ​സ​ത്തോ​ടെ വിളി​ച്ച​പേ​ക്ഷി​ക്കു​ന്ന​തി​നെ ആശ്രയി​ച്ചി​രി​ക്കു​ന്നു. “യഹോ​വ​യു​ടെ വലുതും ഭയജന​ക​വു​മായ നാളി”നു മുമ്പ്‌ ദൈവം ‘എല്ലാത്ത​ര​ത്തി​ലു​മുള്ള ജഡത്തിൻമേ​ലും തന്റെ ആത്മാവി​നെ പകരും.’ ചെറു​പ്പ​ക്കാ​രും പ്രായ​മാ​യ​വ​രും പുരു​ഷൻമാ​രും സ്‌ത്രീ​ക​ളും ഒരു പ്രവചി​ക്കൽവേല നടത്തും. അങ്ങനെ ‘യഹോ​വ​യു​ടെ നാമം വിളി​ച്ച​പേ​ക്ഷി​ക്കുന്ന എല്ലാവ​രും രക്ഷപെ​ടും’ എന്ന്‌ അനേകർ അറിയും.—2:28-32.

ജനതക​ളു​ടെ​മേ​ലുള്ള ന്യായ​വി​ധി

യഹോവ ജനതക​ളു​ടെ​മേൽ ന്യായ​വി​ധി നടത്തു​മ്പോൾ തന്റെ വിശ്വ​സ്‌ത​രായ ജനത്തെ രക്ഷിക്കും. (യെഹെ​സ്‌ക്കേൽ 38:18-23; വെളി​പ്പാട്‌ 16:14-16.) സോർ, സീദോൻ, ഫെലി​സ്‌ത്യ എന്നിവ ദൈവ​ജ​ന​ത്തോട്‌ മോശ​മാ​യി പെരു​മാ​റി​യ​തി​നും അവരെ അടിമ​ത്വ​ത്തി​ലേക്ക്‌ വിററ​തി​നും വില ഒടുക്കണം. യഹോവ യഹൂദ​യി​ലെ​യും യരുശ​ലേ​മി​ലെ​യും ബന്ദികളെ മടക്കി​ക്കൊ​ണ്ടു​വ​രും. അവൻ തന്റെ ശത്രു​ക്കളെ ഇപ്രകാ​രം പറഞ്ഞു​കൊണ്ട്‌ വെല്ലു​വി​ളി​ക്കു​ന്നു: “യുദ്ധത്തെ വിശു​ദ്ധീ​ക​രി​പ്പിൻ!” എന്നാൽ പ്രതീ​കാ​ത്മക “യഹോ​ശാ​ഫാത്ത്‌ താഴ്‌വര”യിൽ വെച്ച്‌ അവർക്കെ​തി​രെ ന്യായ​വി​ധി നടത്തുന്ന ദൈവ​ത്തോട്‌ അവർ കിടനിൽക്ക​യില്ല. ആകാശ​വും ഭൂമി​യും കുലു​ങ്ങി​യാ​ലും യഹോവ തന്റെ ജനത്തിന്‌ ഒരു സംരക്ഷ​ണ​മാ​യി​രി​ക്കും. വിശ്വ​സ്‌തർ, ജനതക​ളു​ടെ​മേ​ലുള്ള ന്യായ​വി​ധി​യെ അതിജീ​വി​ക്കു​ക​യും പറുദീ​സാ​വ​സ്ഥ​ക​ളിൻകീ​ഴി​ലെ ജീവിതം ആസ്വദി​ക്ക​യും ചെയ്യും.—3:1-21.

ഓർമ്മി​ക്കു​ന്ന​തി​നുള്ള പാഠങ്ങൾ: ഒരു വ്യക്തി യഹോ​വ​യു​ടെ ഭയജന​ക​മായ ദിവസ​ത്തിൽ രക്ഷപെ​ട​ണ​മെ​ങ്കിൽ മുൻകൂ​ട്ടി അനുത​പി​ക്കേണ്ട ആവശ്യ​മുണ്ട്‌. ആ ദിവസ​ത്തി​ന്റെ സാമീ​പ്യം വിശു​ദ്ധ​പ്ര​വർത്ത​ന​ങ്ങ​ളി​ലും ദൈവി​ക​പ്ര​വൃ​ത്തി​ക​ളി​ലും ഏർപ്പെ​ടാൻ നമ്മെ പ്രേരി​പ്പി​ക്കണം. തീർച്ച​യാ​യും, നമ്മുടെ രക്ഷ യഹോവ മാത്ര​മാണ്‌ ദൈവം എന്ന്‌ സമ്മതി​ക്കു​ന്ന​തി​നെ ആശ്രയി​ച്ചാ​ണി​രി​ക്കു​ന്നത്‌. നാം വിശ്വാ​സ​ത്തോ​ടെ അവന്റെ നാമത്തെ വിളി​ക്കു​ന്നു​വെ​ങ്കിൽ അവൻ രാഷ്‌ട്ര​ങ്ങ​ളു​ടെ​മേൽ ന്യായ​വി​ധി നടത്തു​മ്പോൾ നമ്മെ രക്ഷിക്കും.

യോ​വേ​ലി​ന്റെ പ്രവചനം ചിന്തക്കുള്ള ഇതിലു​മ​ധി​കം വക നൽകുന്നു. എന്തെന്നാൽ, “യഹോ​വ​യു​ടെ വലുതും ഭയജന​ക​വു​മായ ദിവസം” ആസന്നമാ​യി​രി​ക്കു​ന്നു! മനുഷ്യ​വർഗ്ഗ​ത്തിന്‌ മുന്നറി​യിപ്പ്‌ കൊടു​ക്കണം. യോ​വേ​ലി​ന്റെ നാളിലെ വെട്ടു​ക്കി​ളി​ക​ളെ​പ്പോ​ലെ, യഹോ​വ​യു​ടെ സാക്ഷികൾ ക്രൈ​സ്‌ത​വ​ലോ​ക​ത്തി​ന്റെ ആത്മീയ​മായ ശൂന്യാ​വസ്ഥ രൂക്ഷമാ​യി വെളി​പ്പെ​ടു​ത്തി​ക്കൊണ്ട്‌ അവളെ ആക്രമി​ക്കു​ന്നു. ഇത്‌ അവളുടെ നേതാ​ക്കൻമാ​രു​ടെ എതിർപ്പി​ന്റെ ഉഗ്ര​രോ​ഷം ഉണർത്തു​ന്നു, എന്നാൽ പ്രതീ​കാ​ത്മക വെട്ടു​ക്കി​ളി​ക​ളു​ടെ പാതയിൽ അവർ വെക്കാൻ ശ്രമി​ക്കുന്ന ഏത്‌ മതിൽസ​മാന തടസ്സങ്ങ​ളും നിഷ്‌ഫ​ല​മെന്ന്‌ തെളി​യു​ന്നു. യഹോവ തന്റെ ന്യായ​വി​ധി​കൾ പ്രഖ്യാ​പി​ക്കു​ന്ന​തിന്‌ തന്റെ ജനത്തെ ഒരുക്കു​ന്ന​തിന്‌ അവരു​ടെ​മേൽ തന്റെ ആത്മാവി​നെ പകർന്നി​രി​ക്കു​ന്നു. അതു​കൊണ്ട്‌ ദൈവ​ത്തി​ന്റെ ഭയജന​ക​മായ ദിവസ​ത്തി​നു​മുൻപ്‌ അവശേ​ഷി​ച്ചി​രി​ക്കുന്ന ചുരു​ങ്ങിയ കാലത്തി​നു​ള്ളിൽ മററു​ള്ളവർ രക്ഷപ്പെ​ടേ​ണ്ട​തിന്‌ യഹോ​വ​യു​ടെ നാമം വിളി​ച്ച​പേ​ക്ഷി​ക്കാൻ സഹായി​ക്കു​ന്ന​തിൽ നമുക്ക്‌ ഒരു പൂർണ്ണ പങ്കുള്ള​വ​രാ​യി​രി​ക്കാം. (w89 3/15)

[26-ാം പേജിലെ ചതുരം]

ബൈബിൾ വാക്യങ്ങൾ പരി​ശോ​ധി​ക്ക​പ്പെ​ടു​ന്നു

1:2—യോവേൽ ജനതയെ വഴി​തെ​റ​റിച്ച “മൂപ്പൻമാ​രെ” സംബോ​ധന ചെയ്യുന്നു. “ദേശനി​വാ​സി​കൾ ആ വ്യാജ​മായ നേതൃ​ത്വ​ത്തെ പിൻപ​റ​റി​യ​തി​നാൽ അവരും യഹോ​വ​യു​ടെ ദൃഷ്ടി​ക​ളിൽ കണക്കു​ബോ​ധി​പ്പി​ക്കേ​ണ്ട​വ​രാ​യി​രു​ന്നു. ഇന്ന്‌, ക്രൈ​സ്‌ത​വ​ലോ​ക​ത്തി​ലെ മതനേ​താ​ക്കൻമാർ സമാന​മാ​യി തങ്ങളുടെ ആട്ടിൻകൂ​ട്ട​ങ്ങളെ വഴി​തെ​റ​റി​ച്ചി​രി​ക്കു​ന്നു. യോ​വേ​ലി​നെ​പ്പോ​ലെ യഹോ​വ​യു​ടെ സാക്ഷികൾ ആ വൈദി​ക​വർഗ്ഗ​ത്തിന്‌ സന്ദേശങ്ങൾ നൽകി​യി​ട്ടുണ്ട്‌. എന്നാൽ ജനത്തോട്‌ പൊതു​വെ​യും ദൈവ​വ​ചനം പ്രഖ്യാ​പി​ക്കേ​ണ്ട​തുണ്ട്‌, എന്തു​കൊ​ണ്ടെ​ന്നാൽ അവരും യഹോ​വ​യോട്‌ ഒരു കണക്കു​ബോ​ധി​പ്പി​ക്കും.—യെശയ്യാവ്‌ 9:15-17; റോമർ 14:12.

2:1-10, 28—യിസ്രാ​യേ​ല്യർ ദൈവ​ത്തോട്‌ അനുസ​ര​ണ​ക്കേട്‌ കാണി​ച്ചാൽ വെട്ടു​ക്കി​ളി​ക​ളും മററ്‌ ജീവി​ക​ളും അവരുടെ വിളവു​കൾ നശിപ്പി​ക്കും എന്ന്‌ മുന്നറി​യി​പ്പു കൊടു​ക്ക​പ്പെട്ടു. (ആവർത്തനം 28:38-45) യോവേൽ പറഞ്ഞ പരിണാ​മ​ത്തിൽ ഒരു കീടശ​ല്യം കനാനിൽ ഉണ്ടായ​താ​യി തിരു​വെ​ഴു​ത്തു​കൾ രേഖ​പ്പെ​ടു​ത്തു​ന്നി​ല്ലാ​ത്ത​തു​കൊണ്ട്‌, അവൻ വർണ്ണിച്ച ബാധ പ്രത്യ​ക്ഷ​ത്തിൽ ആലങ്കാ​രി​ക​മാ​യി​രു​ന്നു. തെളി​വ​നു​സ​രിച്ച്‌, തങ്ങളുടെ ദൈവ​ദ​ത്ത​മായ സന്ദേശം കൊണ്ട്‌ വ്യാജ​മ​ത​സ്ഥരെ ദണ്ഡിപ്പിച്ച യേശു​വി​ന്റെ അനുഗാ​മി​ക​ളു​ടെ​മേൽ ക്രി.വ. 33-ലെ പെന്ത​ക്കൊ​സ്‌തിൽ യഹോവ ‘തന്റെ ആത്മാവി​നെ പകരാൻ’ തുടങ്ങി​യ​പ്പോൾ ഈ പ്രവചനം നിവൃ​ത്തി​യേ​റാൻ തുടങ്ങി. (പ്രവൃ​ത്തി​കൾ 2:1, 14-21; 5:27-29) യഹോ​വ​യു​ടെ സാക്ഷികൾ ഇപ്പോൾ സമാന​മായ ഒരു വിനാശക പ്രവർത്തനം നടത്തുന്നു.

● 2:12, 13—പുരാ​ത​ന​കാ​ല​ങ്ങ​ളിൽ, ഒരുവന്റെ വസ്‌ത്രം കീറു​ന്നത്‌ ദു:ഖത്തിന്റെ ഒരു ബാഹ്യ​പ്ര​ക​ട​ന​മാ​യി​രു​ന്നു. (ഉൽപ്പത്തി 37:29, 30; 44:13) എന്നാൽ ഇത്‌ ആത്മാർത്ഥ​ത​യി​ല്ലാ​തെ, കപടഭ​ക്തി​പ​ര​മാ​യി ചെയ്യാൻ കഴിയു​മാ​യി​രു​ന്നു. സങ്കടത്തി​ന്റെ ബാഹ്യ​പ്ര​ക​ടനം മതിയാ​ക​യി​ല്ലെന്ന്‌ യോവേൽ വ്യക്തമാ​ക്കി. ജനം ഹൃദയം​ഗ​മ​മായ അനുതാ​പം പ്രകട​മാ​ക്കി​ക്കൊണ്ട്‌ ‘തങ്ങളുടെ ഹൃദയ​ങ്ങളെ കീറണ​മാ​യി​രു​ന്നു.’

● 2:31, 32—യഹോവ യോ​വേ​ലി​ന്റെ കാലത്ത്‌ വിശ്വ​സ്‌ത​രാ​യ​വർക്ക്‌ നാശത്തിൽ നിന്ന്‌ രക്ഷ പ്രദാനം ചെയ്‌തു. ഇപ്പോൾ, ഈ “അന്ത്യനാ​ളു​ക​ളിൽ” ദൈവം യേശു​ക്രി​സ്‌തു​മു​ഖാ​ന്തരം രക്ഷ സാധ്യ​മാ​ക്കി​ത്തീർക്കു​ന്നു. (2 തിമൊ​ഥെ​യോസ്‌ 3:1; റോമർ 5:8, 12; 6:23) എന്നിരു​ന്നാ​ലും പാപി​ക​ളായ മനുഷ്യർ നിത്യ രക്ഷക്കു​വേണ്ടി വിളി​ച്ച​പേ​ക്ഷി​ക്കേ​ണ്ടത്‌ യഹോ​വ​യു​ടെ നാമ​ത്തെ​യാണ്‌. ഇതിന്റെ അർത്ഥം ദിവ്യ​നാ​മം അറിയു​ക​യും അതിനെ പൂർണ്ണ​മാ​യി ബഹുമാ​നി​ക്കു​ക​യും അത്‌ വഹിക്കു​ന്ന​വ​നിൽ പൂർണ്ണ​മാ​യി ആശ്രയി​ക്കു​ക​യും ചെയ്യുക എന്നാണ്‌. അപ്രകാ​രം വിശ്വാ​സ​ത്തോ​ടെ യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നവർ, ദൈവം തന്റെ “വലുതും ഭയജന​ക​വും ആയ ദിവസ​ത്തിൽ” രാഷ്‌ട്ര​ങ്ങ​ളു​ടെ​മേൽ തന്റെ ന്യായ​വി​ധി നിർവ​ഹി​ക്കു​മ്പോൾ “രക്ഷപെ​ടും.”—സെഫന്യാവ്‌ 2:2, 3; 3:12; റോമർ 10:11-13.

● 3:2, 14—“യഹോ​വ​യു​ടെ ദിവസ”ത്തിൽ ദിവ്യ​ന്യാ​യ​വി​ധി നിർവ​ഹി​ക്കാ​നുള്ള പ്രതീ​കാ​ത്മക സ്ഥലം “വിധി​യു​ടെ താഴ്‌വര” എന്നു വിളി​ക്ക​പ്പെ​ടു​ന്നു. അത്‌ “യഹോ​ശാ​ഫാത്ത്‌ താഴ്‌വര” എന്നും വിളി​ക്ക​പ്പെ​ട്ടി​രി​ക്കു​ന്നു. യഹോ​ശാ​ഫാത്ത്‌ എന്ന പേരിന്റെ അർത്ഥം “യഹോവ ന്യായാ​ധി​പതി ആകുന്നു” എന്നായ​തു​കൊണ്ട്‌ ഇത്‌ ഉചിത​മാണ്‌. യഹോ​ശാ​ഫാത്ത്‌ രാജാ​വി​ന്റെ വാഴ്‌ച​ക്കാ​ലത്ത്‌ ദൈവം മോവാ​ബി​ന്റെ​യും അമ്മോ​ന്റെ​യും സേയീർ പർവത പ്രദേ​ശ​ത്തി​ന്റെ​യും സൈന്യ​ങ്ങൾ കുഴഞ്ഞു​പോ​കാ​നും അന്യോ​ന്യം സംഹരി​ക്കാ​നും ഇടയാ​ക്കി​ക്കൊണ്ട്‌ യഹൂദ​യെ​യും യെരു​ശ​ലേ​മി​നെ​യും അവരിൽ നിന്ന്‌ വിടു​വി​ച്ചു. (2 ദിനവൃ​ത്താ​ന്തം 20:1-30) നമ്മുടെ നാളിൽ “യഹോ​ശാ​ഫാത്ത്‌ താഴ്‌വര, യഹോ​വ​യു​ടെ ജനത്തോട്‌ അപമര്യാ​ദ​യാ​യി പെരു​മാ​റു​ന്നത്‌ നിമിത്തം ജനതകൾ മുന്തി​രി​പ്പ​ഴങ്ങൾ പോലെ ഞെരി​ക്ക​പ്പെ​ടുന്ന ഒരു പ്രതീ​കാ​ത്മക മുന്തി​രി​ച്ച​ക്കാ​യി സേവി​ക്കു​ന്നു.

● 3:6—സോറും സീദോ​നും ഫെലി​സ്‌ത്യ​യും യഹൂദ​യി​ലെ​യും യെരു​ശ​ലേ​മി​ലെ​യും ജനങ്ങളെ ഗ്രീക്കു​കാ​രു​ടെ അടിമ​ത്വ​ത്തി​ലേക്ക്‌ വിററ​തിൽ കുററ​ക്കാ​രാ​യി​രു​ന്നു. മററു ജനതകൾ പിടി​ച്ച​ട​ക്കിയ ചില യഹൂദൻമാർ സോരി​ലെ​യും സീദോ​നി​ലെ​യും ഫെലി​സ്‌ത്യ​യി​ലെ​യും അടിമ​ക്ക​ച്ച​വ​ട​ക്കാ​രു​ടെ കൈക​ളിൽ ചെന്നു​ചേർന്നി​രി​ക്കാൻ ഇടയുണ്ട്‌. ഒരുപക്ഷേ ഈ ജനതകൾ ശത്രു​ക്ക​ളിൽ നിന്ന്‌ അഭയം തേടിയ യഹൂദൻമാ​രെ അടിമ​ക​ളാ​ക്കി​യ​താണ്‌ അതിലും മോശം. വാസ്‌ത​വ​മെ​ന്താ​യി​രു​ന്നാ​ലും തന്റെ ജനത്തോട്‌ അപമര്യാ​ദ​യാ​യി പെരു​മാ​റി​യ​തു​നി​മി​ത്തം ദൈവം മനുഷ്യ​ജീ​വന്റെ ആ കള്ളക്കട​ത്തു​കാ​രോട്‌ കണക്കു ചോദി​ച്ചു. ഇത്‌ ഇന്ന്‌ യഹോ​വ​യു​ടെ ദാസൻമാ​രെ പീഡി​പ്പി​ക്കുന്ന ജനതകൾക്ക്‌ എന്ത്‌ സംഭവി​പ്പാ​നി​രി​ക്കു​ന്നു എന്ന്‌ സൂചി​പ്പി​ക്കു​ന്നു.

[27-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.