അമൂല്യ നിക്ഷേ​പങ്ങൾ പങ്കു​വെ​ക്കു​ക

¹ നാം അതിയാ​യി വിലമ​തി​ക്കുന്ന ആത്മീയ നിക്ഷേ​പ​ങ്ങ​ളാൽ സമൃദ്ധ​മാണ്‌ ദൈവ​വ​ചനം. (സങ്കീ. 12:6; 119:11, 14) ഒരവസ​ര​ത്തിൽ, ദൈവ​രാ​ജ്യ​ത്തി​ന്റെ വ്യത്യസ്‌ത വശങ്ങൾ ചിത്രീ​ക​രി​ക്കുന്ന ചില ഉപമകൾ പറഞ്ഞ​ശേഷം യേശു തന്റെ ശിഷ്യ​ന്മാ​രോട്‌ “ഇതെല്ലാം ഗ്രഹി​ച്ചു​വോ?” എന്നു ചോദി​ച്ചു. അവർ ‘ഉവ്വ്‌’ എന്നു മറുപടി പറഞ്ഞ​പ്പോൾ അവൻ ഇങ്ങനെ പറഞ്ഞു: “അതു​കൊ​ണ്ടു സ്വർഗ്ഗ​രാ​ജ്യ​ത്തി​ന്നു ശിഷ്യ​നാ​യി​ത്തീർന്ന ഏതു ശാസ്‌ത്രി​യും തന്റെ നിക്ഷേ​പ​ത്തിൽനി​ന്നു പുതി​യ​തും പഴയതും എടുത്തു കൊടു​ക്കുന്ന ഒരു വീട്ടു​ട​യ​വ​നോ​ടു സദൃശ​നാ​കു​ന്നു.”—മത്താ. 13:1-52.

² ബൈബിൾ പഠിക്കാൻ തുടങ്ങി​യ​പ്പോൾ നാം മനസ്സി​ലാ​ക്കിയ സത്യങ്ങളെ പഴയ നിക്ഷേ​പ​ങ്ങ​ളാ​യി കരുതാ​വു​ന്ന​താണ്‌. ദൈവ​വ​ച​ന​ത്തി​ലെ ആഴമേ​റിയ കാര്യങ്ങൾ വ്യക്തി​പ​ര​മാ​യി പഠിക്കു​ന്ന​തിൽ മുന്നേ​റവെ മറ്റു ബൈബിൾ സത്യങ്ങ​ളും നമുക്കു കണ്ടെത്താ​നാ​യി. നമ്മെ സംബന്ധി​ച്ചി​ട​ത്തോ​ളം അവ പുതിയ നിക്ഷേ​പ​ങ്ങ​ളാണ്‌. (1 കൊരി. 2:7) വിശ്വ​സ്‌ത​നും വിവേ​കി​യു​മായ അടിമ​യി​ലൂ​ടെ​യും നമുക്കു പുതിയ നിക്ഷേ​പങ്ങൾ ലഭിക്കു​ന്നു.—മത്താ. 24:45.

³ പഴയതും പുതി​യ​തു​മായ ഈ ആത്മീയ നിക്ഷേ​പ​ങ്ങളെ നാം അമൂല്യ​മാ​യി കരുതു​ന്നു. അതാകട്ടെ, നാം പഠിച്ചി​രി​ക്കുന്ന അമൂല്യ സത്യങ്ങൾ മറ്റുള്ള​വ​രു​മാ​യി ഉദാര​മാ​യി പങ്കു​വെ​ച്ചു​കൊണ്ട്‌ ദൈവ​വ​ചനം പഠിപ്പി​ക്കു​ന്ന​തിൽ പരിശീ​ല​ന​വും അനുഭ​വ​പ​രി​ച​യ​വും നേടാൻ നമുക്കു പ്രചോ​ദ​ന​മേ​കു​ന്നു.

⁴ യേശു​വി​ന്റെ ദൃഷ്ടാ​ന്ത​ത്തിൽനി​ന്നു പഠിക്കുക: ഈ നിക്ഷേ​പങ്ങൾ മറ്റുള്ള​വ​രു​മാ​യി പങ്കു​വെ​ക്കാൻ കഠിന​ശ്രമം ചെയ്‌തു​കൊണ്ട്‌ താൻ അവയെ എങ്ങനെ​യാണ്‌ വീക്ഷി​ക്കു​ന്ന​തെന്ന്‌ യേശു പ്രകട​മാ​ക്കി. ക്ഷീണി​ത​നാ​യി​രു​ന്ന​പ്പോൾപ്പോ​ലും തന്റെ ‘നിക്ഷേ​പ​ത്തിൽനിന്ന്‌ എടുത്തു​കൊ​ടു​ക്കു​ന്ന​തിന്‌’ അവൻ മടിച്ചില്ല.—യോഹ. 4:6-14.

⁵ മോശ​മായ ആത്മീയ അവസ്ഥയി​ലു​ള്ള​വ​രോ​ടുള്ള സ്‌നേഹം ദൈവ​വ​ച​ന​ത്തി​ലെ ജീവദാ​യ​ക​മായ നിക്ഷേ​പങ്ങൾ അവരു​മാ​യി പങ്കു​വെ​ക്കാൻ യേശു​വി​നെ പ്രേരി​പ്പി​ച്ചു. (സങ്കീ. 72:13) ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറിച്ച്‌ അറിയാൻ ആഗ്രഹി​ച്ച​വ​രോട്‌ അവന്‌ മനസ്സലി​വു തോന്നി. അവരെ ‘പലതും ഉപദേ​ശി​ക്കാൻ’ അത്‌ അവനെ പ്രേരി​പ്പി​ച്ചു.—മർക്കൊ. 6:34.

⁶ യേശു​വി​നെ അനുക​രി​ക്കുക: ആത്മീയ നിക്ഷേ​പ​ങ്ങളെ അതിയാ​യി വിലമ​തി​ക്കു​ന്നു​ണ്ടെ​ങ്കിൽ നാമും യേശു​വി​നെ​പ്പോ​ലെ ആളുകൾക്കു ബൈബി​ളിൽനിന്ന്‌ ആത്മീയ രത്‌നങ്ങൾ കാണി​ച്ചു​കൊ​ടു​ക്കാൻ ശുഷ്‌കാ​ന്തി​യു​ള്ള​വ​രാ​യി​രി​ക്കും. (സദൃ. 2:1-5) ചില​പ്പോ​ഴൊ​ക്കെ നാം ക്ഷീണി​ത​രാ​യി​രു​ന്നേ​ക്കാം. എങ്കിൽപ്പോ​ലും തിരു​വെ​ഴു​ത്തു സത്യങ്ങ​ളെ​ക്കു​റിച്ച്‌ നാം അത്യന്തം ഉത്സാഹ​ത്തോ​ടെ സംസാ​രി​ക്കും. (മർക്കൊ. 6:31-34) നമ്മുടെ പക്കലുള്ള നിക്ഷേ​പ​ങ്ങ​ളോ​ടുള്ള വിലമ​തിപ്പ്‌ ശുശ്രൂ​ഷ​യിൽ ആവുന്ന​തെ​ല്ലാം ചെയ്യാൻ നമ്മെ പ്രേരി​പ്പി​ക്കും; അതെ, ശുശ്രൂ​ഷ​യിൽ ഒരു പൂർണ പങ്കുണ്ടാ​യി​രി​ക്കാൻ നാം ശ്രമി​ക്കും.