“ആകാശ​ത്തു​നിന്ന്‌ ഒരു അടയാളം”

ഒരു കവിത ഇപ്രകാ​രം പറയുന്നു: “ഇരവിലെ ചെമ്മാനം നാവി​കർക്കാ​നന്ദം, പ്രഭാ​ത​ചെ​മ്മാ​നം നാവി​കർക്കു മുന്നറി​യിപ്പ്‌.” ഇന്നു കാലാ​വസ്ഥാ പ്രവചനം നടത്തു​ന്ന​തിന്‌ ഉപഗ്ര​ഹ​ങ്ങ​ളും കമ്പ്യൂ​ട്ട​റി​നാൽ മൂല്യം വർധി​പ്പിച്ച താപനി​ലാ പഠനങ്ങ​ളും ഡോപ്ലർ റഡാറും മററു ശാസ്‌ത്രീയ മാർഗ​ങ്ങ​ളും ഉപയോ​ഗി​ക്കു​ന്നു. പ്രവച​നങ്ങൾ പലപ്പോ​ഴും മുകളിൽ ഉദ്ധരി​ച്ചി​രി​ക്കുന്ന കവിത​യോ​ടു ചേർച്ച​യി​ലാണ്‌.

യേശു​ക്രി​സ്‌തു മിശിഹ ആണെന്നു തെളി​യി​ക്കു​ന്ന​തിന്‌ ഒരു അസാധാ​രണ പ്രകട​ന​മെ​ന്ന​നി​ല​യിൽ “ആകാശ​ത്തു​നി​ന്നു ഒരു അടയാളം” മത​വൈ​രി​കൾ യേശു​വിൽനിന്ന്‌ ആവശ്യ​പ്പെട്ടു. “സന്ധ്യാ​സ​മ​യത്തു ആകാശം ചുവന്നു​ക​ണ്ടാൽ നല്ല തെളി​വാ​കും എന്നും രാവിലെ ആകാശം മൂടി ചുവന്നു​ക​ണ്ടാൽ ഇന്നു മഴക്കോൾ ഉണ്ടാകും എന്നും നിങ്ങൾ പറയുന്നു. ആകാശ​ത്തി​ന്റെ ഭാവം വിവേ​ചി​പ്പാൻ നിങ്ങൾ അറിയു​ന്നു; എന്നാൽ കാലല​ക്ഷ​ണ​ങ്ങളെ വിവേ​ചി​പ്പാൻ കഴിയു​ക​യി​ല്ല​യോ? ദോഷ​വും വ്യഭി​ചാ​ര​വു​മുള്ള തലമുറ അടയാളം തിരയു​ന്നു; യോന​യു​ടെ അടയാ​ള​മ​ല്ലാ​തെ അതിന്നു അടയാളം ലഭിക്ക​യില്ല” എന്ന്‌ അവിടു​ന്നു പറഞ്ഞു.—മത്തായി 16:1-4.

യേശു​വി​ന്റെ ശത്രു​ക്കൾക്കു കാലാവസ്ഥ മുൻകൂ​ട്ടി​പ്പ​റ​യാൻ കഴിയു​മാ​യി​രു​ന്നു. എന്നാൽ ആത്മീയ കാര്യങ്ങൾ ഗ്രഹി​ക്കാൻ പ്രാപ്‌ത​ര​ല്ലാ​യി​രു​ന്നു. ദൃഷ്ടാ​ന്ത​ത്തിന്‌, “യോന​യു​ടെ അടയാള”ത്തെപ്പറ​റി​യെന്ത്‌? ഒരു വലിയ മത്സ്യത്തി​ന്റെ വയററിൽ മൂന്നു ദിവസം ചെലവ​ഴി​ച്ച​ശേഷം ദൈവ​ത്തി​ന്റെ പ്രവാ​ച​ക​നായ യോന നിന​വേ​യിൽ പ്രസം​ഗി​ക്കു​ക​യും അങ്ങനെ അസീറി​യ​യു​ടെ ആ തലസ്ഥാ​ന​ന​ഗ​രിക്ക്‌ ഒരു അടയാ​ള​മാ​യി​ത്തീ​രു​ക​യും ചെയ്‌തു. ക്രിസ്‌തു ശവക്കു​ഴി​യിൽ മൂന്നു ദിവസ​ങ്ങ​ളു​ടെ ഭാഗങ്ങൾ ചെലവ​ഴി​ക്കു​ക​യും ഉയിർപ്പി​ക്ക​പ്പെ​ടു​ക​യും ചെയ്‌ത​പ്പോൾ യേശു​വി​ന്റെ തലമു​റ​യ്‌ക്കു “യോന​യു​ടെ അടയാളം” ലഭിച്ചു. യേശു​വി​ന്റെ ശിഷ്യൻമാർ ആ സംഭവ​ത്തി​ന്റെ തെളിവു പ്രഖ്യാ​പി​ച്ചു, അങ്ങനെ യേശു ആ തലമു​റ​യ്‌ക്ക്‌ ഒരു അടയാ​ള​മാ​യി​ത്തീർന്നു.—മത്തായി 12:39-41.

മറെറാ​ര​വ​സ​ര​ത്തിൽ യേശു​വി​ന്റെ ശിഷ്യൻമാർ രാജ്യ അധികാ​ര​ത്തി​ലുള്ള തന്റെ ഭാവി​യി​ലെ “സാന്നിധ്യ”ത്തിന്റെ “അടയാളം” ചോദി​ച്ചു. മറുപ​ടി​യാ​യി യേശു, അതുല്യ​മായ യുദ്ധങ്ങ​ളും വലിയ ഭൂകമ്പ​ങ്ങ​ളും ഭക്ഷ്യക്ഷാ​മ​ങ്ങ​ളും ദൈവ​ത്തി​ന്റെ സ്ഥാപിത സ്വർഗീയ രാജ്യത്തെ സംബന്ധി​ച്ചുള്ള ഭൂവ്യാ​പ​ക​മായ പ്രസം​ഗ​വും ഉൾപ്പെടെ വ്യത്യസ്‌ത ഘടകങ്ങ​ള​ട​ങ്ങിയ ഒരു സംയുക്ത അടയാളം നൽകി.—മത്തായി 24:3-14.

അദൃശ്യ സ്വർഗീയ രാജാ​വാ​യുള്ള യേശു​വി​ന്റെ സാന്നി​ധ്യ​ത്തി​ന്റെ അടയാളം നിങ്ങൾ തിരി​ച്ച​റി​യു​ന്നു​വോ? അതിന്റെ സവി​ശേ​ഷ​തകൾ ഈ തലമു​റ​യു​ടെ​മേൽ നിവർത്തി​ച്ചു​കൊ​ണ്ടി​രി​ക്കു​ക​യാണ്‌. (മത്തായി 24:34) ഭാവിയെ സംബന്ധി​ച്ചെന്ത്‌? ബൈബിൾ ഈ ദുഷ്ടവ്യ​വ​സ്ഥി​തി​യു​ടെ അവസാനം അടു​ത്തെ​ത്തി​യി​രി​ക്കു​ന്നു​വെന്നു വെളി​പ്പെ​ടു​ത്തുക മാത്രമല്ല മനുഷ്യ​വർഗ​ത്തി​നു​വേണ്ടി വ്യക്തമാ​യും ശോഭ​ന​മാ​യും ഉദിക്കാ​നുള്ള ദൈവ​ത്തി​ന്റെ നൂതന വാഗ്‌ദ​ത്ത​ദി​വ​സത്തെ മുൻകൂ​ട്ടി പറയു​ക​യും ചെയ്യുന്നു.—2 പത്രൊസ്‌ 3:13.