ഏറെ നല്ല ഒരു ശുശ്രൂ​ഷ​ക്കാ​യി ഞാൻ പൗരോ​ഹി​ത്യം ഉപേക്ഷി​ച്ച​തി​ന്റെ കാരണം

ആയിരത്തിത്തൊള്ളായിരത്തമ്പത്തഞ്ച്‌ ജൂലൈ 31-ന്‌ 24-ാമത്തെ വയസ്സിൽ ഒരു കത്തോ​ലി​ക്കാ പുരോ​ഹി​ത​നാ​യി എനിക്കു പട്ടം കിട്ടി. ഇൻഡ്യ​യിൽ ഗോവ​യി​ലുള്ള മുഖ്യ ഇടവക​യി​ലെ റാക്കോൽ സെമി​നാ​രി​യിൽ ചെലവ​ഴിച്ച 12 നിർണാ​യക വർഷങ്ങ​ളു​ടെ പര്യവ​സാ​ന​മാ​യി​രു​ന്നു അത്‌. ഒരു പുരോ​ഹി​ത​നാ​യി​ത്തീ​രാ​നുള്ള അഭിലാ​ഷം എന്നിൽ ഉളവാ​ക്കി​യത്‌ എന്താണ്‌?

ആയിര​ത്തി​ത്തൊ​ള്ളാ​യി​ര​ത്തി​മു​പ്പത്‌ സെപ്‌റ​റം​ബർ 3-ന്‌ ഇൻഡ്യ​യി​ലെ ബോം​ബെ​യിൽ ഞാൻ ജനിച്ചു. അതിന​ടുത്ത വർഷം എന്റെ പിതാവു ജോലി​യിൽനി​ന്നു വിരമി​ക്കു​ക​യും ഞങ്ങളുടെ കുടും​ബം ഇൻഡ്യ​യു​ടെ തെക്കു​പ​ടി​ഞ്ഞാ​റൻ തീരത്തുള്ള ഗോവ​യി​ലെ ബാർഡി​സിൽ, സാൽവ​ഡോർ ഡോ മുഡോ​യിൽ താമസ​മു​റ​പ്പി​ക്കു​ക​യും ചെയ്‌തു. ഞാൻ നാലു കുട്ടി​ക​ളിൽ ഏററവും ഇളയവ​നാ​യി​രു​ന്നു. പോർച്ചു​ഗൽ ഗോവയെ കോള​നി​യാ​ക്കിയ 1510 മുതൽ അവിടെ നിലനി​ന്നി​രുന്ന പോർച്ചു​ഗീസ്‌ കത്തോ​ലി​ക്കാ പാരമ്പ​ര്യ​ത്തി​ലും സംസ്‌കാ​ര​ത്തി​ലും ശൈശവം മുതൽത്തന്നെ ഞാൻ വളർത്ത​പ്പെട്ടു.

ഓരോ വർഷവും ക്രിസ്‌മ​സും നാല്‌പ്പതു നോയ​മ്പും ഈസ്‌റ​റ​റും കന്യാ​മ​റി​യ​ത്തി​ന്റെ​യും മററ​നേകം “വിശു​ദ്ധൻമാ​രു”ടെയും മഹത്ത്വ​ത്തി​നാ​യി ഉത്സവവി​രു​ന്നു​ക​ളും നടത്തിയ, തങ്ങളുടെ വിശ്വാ​സ​ങ്ങ​ളോ​ടു വിശ്വ​സ്‌ത​രായ, തീക്ഷ്‌ണ​ത​യുള്ള കത്തോ​ലി​ക്ക​രാ​യി​രു​ന്നു എന്റെ മാതാ​പി​താ​ക്കൾ. ഈ ആഘോ​ഷ​ങ്ങ​ളിൽ പങ്കെടുത്ത പുരോ​ഹി​തൻമാർ മിക്ക​പ്പോ​ഴും ഞങ്ങളുടെ ഭവനങ്ങ​ളിൽ താമസി​ച്ചി​രു​ന്നു, ചില​പ്പോൾ അടുപ്പി​ച്ചു പത്തി​ലേറെ ദിവസ​ങ്ങ​ളോ​ളം. അതു​കൊണ്ട്‌ അവരു​മാ​യി ഞങ്ങൾക്കു തുടർച്ച​യായ അടുത്ത ബന്ധം ഉണ്ടായി​രു​ന്നു. ഒരു കുട്ടി​യെന്ന നിലയ്‌ക്ക്‌ എനിക്ക്‌ അവരോ​ടു മതിപ്പു തോന്നി.

ഗോവ​യി​ലെ​യും സലമാ​ങ്ക​യി​ലെ​യും റോമി​ലെ​യും എന്റെ ശുശ്രൂഷ

വലിയ ഉത്സാഹ​ത്തോ​ടെ​യാ​ണു ഞാൻ പൗരോ​ഹി​ത്യ ശുശ്രൂഷ ആരംഭി​ച്ചത്‌. കത്തോ​ലി​ക്കാ സഭയുടെ ഉപദേ​ശ​ങ്ങ​ളു​ടെ​യും അനുഷ്‌ഠാ​ന​ങ്ങ​ളു​ടെ​യും സത്യത സംബന്ധിച്ച്‌ എനിക്ക്‌ ഒരു തരത്തി​ലു​മുള്ള മനസ്സാ​ക്ഷി​ക്കു​ത്തും തോന്നി​യില്ല. ഗോവ​യി​ലെ എന്റെ ശുശ്രൂ​ഷ​യു​ടെ ആദ്യത്തെ ഏഴു വർഷം, ഗോവ​യു​ടെ തലസ്ഥാ​ന​മായ പനാജി​യി​ലെ സെൻറ്‌ തോമസ്‌ പള്ളിയിൽ സാമൂ​ഹി​ക​വും പൗരോ​ഹി​ത്യ​പ​ര​വും ആയ ചുമത​ലകൾ ഞാൻ നിർവ​ഹി​ച്ചു. അതേ സമയം​തന്നെ അപ്പോ​ഴത്തെ പോർച്ചു​ഗീസ്‌ ഗവൺമെൻറി​ന്റെ പോളി​ടെ​ക്‌നിക്‌ ഇൻസ്‌റ​റി​റ​റ്യൂ​ട്ടിൽ രണ്ടു പദവി​ക​ളിൽ ഞാൻ പൊതു​സേ​വ​ന​വും അനുഷ്‌ഠി​ച്ചു—പ്രൊ​ഫ​സ​റും ഇൻസ്‌റ​റി​റ​റ്യൂട്ട്‌ ക്യാമ്പസ്‌ ഡയറക്ട​റും എന്ന നിലക​ളിൽ.

ആയിര​ത്തി​ത്തൊ​ള്ളാ​യി​ര​ത്ത​റു​പ​ത്തി​ര​ണ്ടിൽ സ്‌പെ​യ്‌നി​ലുള്ള സലമാങ്ക സർവക​ലാ​ശാ​ല​യി​ലേക്ക്‌ എന്നെ അയച്ചു. അവി​ടെ​വച്ചു നിയമ​ത​ത്ത്വ​ശാ​സ്‌ത്ര​ത്തി​ലും കാനോ​നിക നിയമ​ത്തി​ലും ഞാൻ ഡോക്ട​റേ​ററ്‌ ബിരുദം (PhD) സമ്പാദി​ച്ചു. നിയമ സംബന്ധ​മായ എന്റെ പരിശീ​ലന കാലയ​ള​വിൽ ഞാൻ പഠിച്ച ചില വിവരങ്ങൾ, പ്രത്യേ​കിച്ച്‌ റോമൻ നിയമ​വും കാനോ​നിക നിയമ​ച​രി​ത്ര​വും, ‘സഭയു​ടെ​മേൽ ഭരണ​മേ​ധാ​വി​ത്വ​മുള്ള’ പത്രോ​സി​ന്റെ പിൻഗാ​മി എന്നനി​ല​യിൽ പാപ്പായെ തിരി​ച്ച​റി​യി​ക്കുന്ന ഘട്ടത്തോ​ളം കത്തോ​ലി​ക്കാ സഭയുടെ ഭരണഘടന എങ്ങനെ രൂപഭാ​വം കൈവ​രി​ച്ചു​യർന്നു എന്നു പരി​ശോ​ധി​ച്ചു നോക്കാൻ എന്നെ പ്രേരി​പ്പി​ച്ചു.

ദൈവ​ശാ​സ്‌ത്ര​പ​ര​മായ ഡോക്ട​റേ​ററ്‌ പഠനങ്ങൾ ഇററലി​യി​ലെ റോമിൽ ആയിരി​ക്കാൻ ആസൂ​ത്ര​ണങ്ങൾ ചെയ്യ​പ്പെ​ട്ട​തിൽ ഞാൻ സന്തുഷ്ട​നാ​യി​രു​ന്നു. അവി​ടെ​വച്ചു സഭയുടെ വൈദിക ഭരണകൂ​ട​ത്തെ​ക്കു​റി​ച്ചു (hierarchy) കൂടുതൽ പഠിക്കാൻ എനിക്ക്‌ അവസരം ലഭിക്കു​മാ​യി​രു​ന്നു. ആയിര​ത്തി​ത്തൊ​ള്ളാ​യി​ര​ത്ത​റു​പ​ത്ത​ഞ്ചി​ലെ വേനൽക്കാ​ലത്തു ഞാൻ റോമി​ലേക്കു പോയി.

ഈ സമയത്തു രണ്ടാം വത്തിക്കാൻ സഭൈക്യ കൗൺസിൽ അതിന്റെ ഉച്ചകോ​ടി​യിൽ എത്തിയി​രു​ന്നു. ഞാൻ എന്റെ ദൈവ​ശാ​സ്‌ത്ര പഠനങ്ങൾ തുടരവേ കൗൺസി​ലി​ലെ യാഥാ​സ്ഥി​തി​കരെ എതിർത്ത പല ദൈവ​ശാ​സ്‌ത്ര​ജ്ഞൻമാ​രു​മാ​യും “കൗൺസിൽ പിതാ​ക്കൻമാ”രുമാ​യും രസാവ​ഹ​മായ ചർച്ചകൾ നടത്തി. അപ്പോൾ വാണി​രുന്ന പാപ്പ, പോൾ ആറാമ​നാ​യി​രു​ന്നു. ഇൻഡ്യൻ പുരോ​ഹി​ത​സ​മൂ​ഹ​ത്തി​ന്റെ റോമി​ലെ വൈസ്‌ പ്രസി​ഡൻറ്‌ എന്ന എന്റെ പദവി​യിൽ അദ്ദേഹ​വു​മാ​യി ഞാൻ വ്യക്തി​പ​ര​മായ സമ്പർക്കം പുലർത്തി​യി​രു​ന്നു.

ആദ്യകാല സംഘർഷ​ങ്ങ​ളും സംശയ​ങ്ങ​ളും

ഈ സമ്പർക്ക​ങ്ങ​ളു​ടെ​യും ഡോക്ട​റേ​ററ്‌ നേടാ​നുള്ള പ്രബന്ധ​ത്തി​നു വേണ്ടി​യുള്ള എന്റെ ഗവേഷ​ണ​പ​ഠ​ന​ങ്ങ​ളു​ടെ​യും കാലത്തു​ട​നീ​ളം കത്തോ​ലി​ക്കാ സഭയുടെ അടിസ്ഥാന ചട്ടക്കൂ​ടി​ന്റെ ചരി​ത്ര​വും വികസ​ന​വും സംബന്ധി​ച്ചു കൂടുതൽ ഉൾക്കാഴ്‌ച നേടാ​നുള്ള അവസരം എനിക്കു ലഭിച്ചി​രു​ന്നു.a പീയൂസ്‌ പന്ത്രണ്ടാ​മന്റെ (1939-58) സമ്പൂർണ ഏകാധി​പ​ത്യ​ഭ​രണം പരിച​യി​ച്ചു​പോന്ന കൗൺസി​ലി​ലെ യാഥാ​സ്ഥി​തി​ക​രു​ടെ വീക്ഷണ​ങ്ങൾക്കു വിരു​ദ്ധ​മാ​യി സഭയുടെ ഡോഗ്മാ​റ​റിക്‌ ഭരണഘ​ട​ന​യ്‌ക്ക്‌ (ലാററിൻ ശീർഷകം, ലൂമെൻ ജെൻറി​യം, ജനതക​ളു​ടെ വെളിച്ചം) സ്വാത​ന്ത്ര്യ​വാ​ദി​കൾ ഒടുവിൽ സമിതി​യു​ടെ അംഗീ​കാ​രം നേടി​യെ​ടു​ത്തു. സഭയുടെ മേലുള്ള പാപ്പാ​യു​ടെ സമ്പൂർണ​വും പരമോ​ന്ന​ത​വും ആയ അധികാ​ര​ത്തിൽ പങ്കുപ​റ​റാ​നുള്ള ബിഷപ്പു​മാ​രു​ടെ അവകാ​ശത്തെ അത്‌ 3-ാം അധ്യാ​യ​ത്തിൽ കൈകാ​ര്യം ചെയ്‌തു. ഈ പഠിപ്പി​ക്കൽ പാരമ്പ​ര്യ​ത്തിൽ ആഴമായി വേരൂ​ന്നി​യ​താ​യി​രു​ന്നു. എന്നാൽ ഇതിനെ യാഥാ​സ്ഥി​തി​കർ പാഷണ്ഡ​പ​ര​വും വിപ്ലവാ​ത്മ​ക​വും ആയി കണക്കാക്കി.

ഇരു വീക്ഷണ​ങ്ങ​ളി​ലും സുവി​ശേ​ഷ​സ​ത്യം ഇല്ലാതി​രു​ന്ന​തി​നാൽ അവ എനിക്ക്‌ അസ്വീ​കാ​ര്യ​മാ​യി​രു​ന്നു. അവ മത്തായി 16:18, 19-ന്റെ ഒരു വളച്ചൊ​ടി​ക്ക​ലാണ്‌. കൂടാതെ സഭയുടെ കഴിഞ്ഞു​പോ​യ​തും വരാനി​രി​ക്കു​ന്ന​തും ആയ എല്ലാ തിരു​വെ​ഴു​ത്തു വിരുദ്ധ ഉപദേ​ശ​ങ്ങൾക്കും പ്രമാ​ണ​ങ്ങൾക്കും അവ അനുമതി നൽകു​ക​യും ചെയ്യുന്നു.b ഈ പാഠത്തിൽ ഉപയോ​ഗി​ച്ചി​രി​ക്കുന്ന ഗ്രീക്കു​പ​ദങ്ങൾ “പാറക്കൂ​ട്ടം” എന്നർഥ​മുള്ള പെട്ര​യും (സ്‌ത്രീ​ലിം​ഗം) “പാറക്ക​ഷണം” എന്നർഥ​മുള്ള പെ​ട്രോ​സ (പുല്ലിം​ഗം) ആണെന്നു ഞാൻ ശ്രദ്ധിച്ചു. ഒരേ അർഥം വഹിക്കുന്ന പര്യാ​യ​പ​ദ​ങ്ങ​ളാ​യി യേശു അവ ഉപയോ​ഗി​ച്ചില്ല. അതിനു​പു​റമേ, ഒരു മൂലക്ക​ല്ലു​പോ​ലുള്ള പാറക്കൂ​ട്ടം എന്ന സ്ഥാനം പത്രോ​സി​നു ലഭിച്ചി​രു​ന്നെ​ങ്കിൽ, പിന്നീടു തങ്ങളു​ടെ​യി​ട​യിൽ ഏററവും വലിയവൻ ആരാ​ണെ​ന്ന​തി​നെ​ച്ചൊ​ല്ലി അപ്പോ​സ്‌ത​ലൻമാ​രു​ടെ ഇടയിൽ യാതൊ​രു തർക്കങ്ങ​ളും ഉണ്ടാകു​മാ​യി​രു​ന്നില്ല. (മർക്കൊസ്‌ 9:33-35; ലൂക്കൊസ്‌ 22:24-26 താരത​മ്യം ചെയ്യുക.) മാത്ര​വു​മല്ല ‘സുവി​ശേ​ഷ​ത്തി​ന്റെ സത്യം അനുസ​രി​ച്ചു ചൊവ്വാ​യി നടക്കാ’ത്തതു നിമിത്തം പത്രോ​സി​നെ പരസ്യ​മാ​യി ശാസി​ക്കാൻ പൗലോസ്‌ ധൈര്യ​പ്പെ​ടു​മാ​യി​രു​ന്നു​മില്ല. (ഗലാത്യർ 2:11-14) യേശു​ക്രി​സ്‌തു അടിസ്ഥാന മൂലക്ക​ല്ലാ​യി​രി​ക്കെ അവിടു​ത്തെ ആത്മജാ​ത​രായ അനുഗാ​മി​ക​ളെ​ല്ലാം കല്ലുകൾ എന്നനി​ല​യിൽ തുല്യ​രാണ്‌ എന്ന നിഗമ​ന​ത്തിൽ ഞാൻ എത്തി​ച്ചേർന്നു.—1 കൊരി​ന്ത്യർ 10:4; എഫെസ്യർ 2:19-22; വെളി​പ്പാ​ടു 21:2, 9-14.

ഞാൻ നേടിയ വിദ്യാ​സം​ബ​ന്ധ​വും പൗരോ​ഹി​ത്യ സംബന്ധ​വും ആയ നിലവാ​ര​ത്തി​ന്റെ തലം എത്രയ​ധി​കം ഉയരു​ക​യും എനിക്കു ലഭിച്ച ആശയങ്ങ​ളു​ടെ കൈമാ​ററം എത്രയ​ധി​കം വർധി​ക്കു​ക​യും ചെയ്‌തു​വോ, കത്തോ​ലി​ക്കാ സഭയുടെ വ്യത്യസ്‌ത പഠിപ്പി​ക്ക​ലു​ക​ളിൽനി​ന്നു മനസ്സു​കൊ​ണ്ടും ഹൃദയം​കൊ​ണ്ടും ഞാൻ അത്രയ​ധി​കം അകലു​ക​യും ചെയ്‌തു. പ്രത്യേ​കിച്ച്‌ “കുർബാന എന്ന വിശുദ്ധ ബലി”യുടെ​യും അപ്പവീ​ഞ്ഞു​ക​ളു​ടെ രൂപാ​ന്ത​രീ​ക​രണം എന്നു വിളി​ക്ക​പ്പെ​ടുന്ന “തിരു​വ​ത്താ​ഴം എന്ന വാഴ്‌ത്ത​പ്പെട്ട കൂദാശ”യുടെ​യും സന്ദർഭ​ത്തിൽ പൗരോ​ഹി​ത്യ പട്ടം​കൊ​ടു​ക്ക​ലി​നോ​ടു ബന്ധപ്പെ​ട്ട​വ​യിൽനിന്ന്‌.

കത്തോ​ലി​ക്കാ രീതി​യിൽ “കുർബാന എന്ന വിശുദ്ധ ബലി” “കുരിശി”ലെ യേശു​വി​ന്റെ ബലിയു​ടെ നിരന്തര ഓർമാ​നു​ഷ്‌ഠാ​ന​വും രക്തരഹി​ത​മായ ആവർത്ത​ന​വും ആണ്‌. പക്ഷേ യേശു​വി​ന്റെ ബലി ഒരു സമ്പൂർണ ബലിയാ​ണെന്ന നിഗമ​ന​ത്തി​ലെ​ത്താൻ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ പൊതു​വെ​യും, എബ്രാ​യർക്കുള്ള പൗലോ​സി​ന്റെ ലേഖനം പ്രത്യേ​കി​ച്ചും, എനിക്കു വേണ്ടത്ര വ്യക്തമാ​യി​രു​ന്നു. അവിടു​ത്തെ വേല തികവു​ള്ള​താ​യി​രു​ന്നു. അത്‌ ഏതെങ്കി​ലും കൂട്ടി​ച്ചേർക്ക​ലു​ക​ളോ ആവർത്ത​ന​മോ മെച്ച​പ്പെ​ടു​ത്ത​ലു​ക​ളോ ആവശ്യ​പ്പെ​ടു​ക​യാ​കട്ടെ, അനുവ​ദി​ക്കു​ക​യാ​കട്ടെ ചെയ്‌തില്ല. ആ യാഗം “എന്നേക്കു​മാ​യി ഒരിക്കൽ” അർപ്പി​ക്ക​പ്പെ​ട്ട​താ​യി​രു​ന്നു.—എബ്രായർ 7:27, 28, NW.

സത്യത്തി​നു വേണ്ടി​യുള്ള എന്റെ അന്വേ​ഷണം തുടരു​ന്നു

എന്നെത്തന്നെ പരീക്ഷി​ച്ചു​നോ​ക്കാ​നെ​ന്നോ​ണം പശ്ചിമ യൂറോ​പ്പി​ലെ പല ഇടവക​കൾക്കും മുഖ്യ ഇടവക​കൾക്കും ന്യൂ​യോർക്കി​ലെ മുഖ്യ ഇടവക​യ്‌ക്കും അലാസ്‌ക​യി​ലെ ഫെയർബാ​ങ്ക്‌സ്‌ ഇടവക​യ്‌ക്കും വേണ്ടി ഞാൻ തുടർന്നു പ്രവർത്തി​ച്ചു. സത്യത്തി​നു വേണ്ടി​യുള്ള എന്റെ അന്വേ​ഷ​ണ​ത്തി​ലെ വേദന നിറഞ്ഞ ഒമ്പതു വർഷത്തെ ഒരു പരി​ശോ​ധന ആയിരു​ന്നു അത്‌. ഭരണപ​ര​മായ കാര്യ​ങ്ങ​ളി​ലും പൗരോ​ഹി​ത്യ നിയമ​ശാ​സ്‌ത്ര​ത്തി​ലും നീതി​ന്യാ​യ നടത്തി​പ്പി​ലും ഞാൻ മുഖ്യ​മാ​യി ഉൾപ്പെട്ടു. കുർബാന സംബന്ധ​മായ ആചാരാ​നു​ഷ്‌ഠാ​ന​ങ്ങ​ളിൽനി​ന്നു ഞാൻ കഴിവ​തും അകന്നു​നി​ന്നു. ദിവസ​വും കുർബാന ചൊല്ലു​ന്ന​താ​യി​രു​ന്നു ഏററവും വലിയ വെല്ലു​വി​ളി. വികാ​ര​വി​ചാ​ര​ങ്ങ​ളു​ടെ ഒരു ഗുരു​ത​ര​മായ സംഘട്ടനം അതു സൃഷ്ടിച്ചു. കാരണം ക്രിസ്‌തു​വി​ന്റെ രക്തരഹിത ബലിയു​ടെ ആവർത്ത​ന​ത്തി​ലോ, അപ്പവീ​ഞ്ഞു​ക​ളു​ടെ രൂപാ​ന്ത​രീ​ക​ര​ണ​ത്തി​ലോ, രൂപാ​ന്ത​രീ​ക​രണം എന്ന “മായാ​ജാ​ലം” നിയമ​ത്തി​ന്റെ സാധു​ത​യോ​ടും അനുമ​തി​യോ​ടും നിർവ​ഹി​ക്കാൻ ആവശ്യ​പ്പെട്ട ഭൂമി​യി​ലെ വിശുദ്ധ പൗരോ​ഹി​ത്യ​ത്തി​ലോ ഞാൻ വിശ്വ​സി​ച്ചില്ല.

രണ്ടാമത്തെ വത്തിക്കാൻ കൗൺസി​ലിൽ ഈ “മായാ​ജാല”ത്തെക്കു​റിച്ച്‌ ഒച്ചപ്പാ​ടു​ണ്ടാ​യി. ഡച്ച്‌ കത്തോ​ലി​ക്കാ മേധാ​വി​ക​ളു​ടെ നേതൃ​ത്വ​ത്തി​ലുള്ള സ്വാത​ന്ത്ര്യ​വാ​ദി​കൾ “അപ്പവീ​ഞ്ഞു​ക​ളു​ടെ പ്രതീ​ക​വ​ത്‌കരണ”ത്തെ, (transignification) അതായത്‌ അപ്പവും വീഞ്ഞും ക്രിസ്‌തു​വി​ന്റെ ശരീര​ത്തെ​യും രക്തത്തെ​യും അർഥമാ​ക്കു​ക​യോ പ്രതീ​ക​പ്പെ​ടു​ത്തു​ക​യോ മാത്രമേ ചെയ്യു​ന്നു​ള്ളു എന്ന ആശയത്തെ മാത്രമേ പിന്താ​ങ്ങി​യു​ള്ളു. മറിച്ച്‌ ഇററലി​യി​ലെ കത്തോ​ലി​ക്കാ മേധാ​വി​കൾ നയിച്ച കടുത്ത യാഥാ​സ്ഥി​തി​കർ “അപ്പവീ​ഞ്ഞു​ക​ളു​ടെ രൂപാ​ന്ത​രീ​കരണ”ത്തെ, (transubstantiation) അതായത്‌ കുർബാ​ന​യു​ടെ സമയത്ത്‌ “വാഴ്‌ത്ത​പ്പെട്ട വാക്കുകൾ” ഉച്ചരി​ക്കു​മ്പോൾ അപ്പവും വീഞ്ഞും ക്രിസ്‌തു​വി​ന്റെ യഥാർഥ ശരീര​വും രക്തവും ആയി മാറുന്നു എന്ന വിശ്വാ​സ​ത്തി​ന​നു​കൂ​ല​മാ​യി ശക്തമായ പ്രതി​വാ​ദം നടത്തി. അതു​കൊണ്ട്‌ ഇങ്ങനെ ഒരു ചൊല്ലു​ണ്ടാ​യി: ‘ഇററലി​യിൽ അപ്പവും വീഞ്ഞും ഒഴികെ ഒന്നും മാറാ​ത്ത​പ്പോൾ ഹോള​ണ്ടിൽ അപ്പവും വീഞ്ഞും ഒഴികെ സകലതും മാറുന്നു.’

ഞാൻ വിട്ടു​പോ​രു​ന്നു

ക്രിസ്‌തു​വി​നെ​യും അവിടു​ത്തെ സുവി​ശേ​ഷ​ത്തെ​യും ഇങ്ങനെ തെററാ​യി പ്രതി​നി​ധാ​നം ചെയ്യു​ന്ന​തി​ന്റെ കാഴ്‌ച​പ്പാ​ടിൽ, ദൈവത്തെ മഹത്ത്വീ​ക​രി​ക്കാ​നും ദേഹി​കളെ രക്ഷിക്കാ​നും ഉള്ള എന്റെ ലക്ഷ്യം തുരങ്കം വയ്‌ക്ക​പ്പെ​ട്ട​തിൽ എനിക്കു ഭയങ്കര​മായ നിരാ​ശ​യും വിഫല​താ​ബോ​ധ​വും തോന്നി. ആയിര​ത്തി​ത്തൊ​ള്ളാ​യി​ര​ത്തെ​ഴു​പത്തി​നാല്‌ ജൂ​ലൈ​യിൽ അനിശ്ചിത കാല​ത്തേ​ക്കുള്ള ഒരു ലീവി​നു​വേണ്ടി അപേക്ഷി​ച്ചു​കൊ​ണ്ടു സജീവ ശുശ്രൂ​ഷ​യിൽനി​ന്നു ഞാൻ ഒടുവിൽ രാജി​വെച്ചു. യാതൊ​രു ബൈബി​ള​ടി​സ്ഥാ​ന​വും ഇല്ലാത്ത ഒരു പൗരോ​ഹി​ത്യ​ത്തിൽനിന്ന്‌ ആനുകൂ​ല്യ​ങ്ങൾ തടയ​പ്പെ​ടാ​ത​വണ്ണം കർത്തവ്യ​വി​മു​ക്ത​നാ​യി​രി​ക്കു​ന്ന​തിന്‌ ആവശ്യ​പ്പെ​ടുക എന്നെ സംബന്ധി​ച്ചി​ട​ത്തോ​ളം ന്യായ​ത്തി​നു നിരക്കാ​ത്ത​തും അസ്വീ​കാ​ര്യ​വും ആയിരു​ന്നു. തത്‌ഫ​ല​മാ​യി 1974 ജൂ​ലൈ​മു​തൽ 1984 ഡിസം​ബർവരെ യാതൊ​രു മതത്തി​ലും ഉൾപ്പെ​ടാ​തെ ഞാൻ നില​കൊ​ണ്ടു. ക്രൈ​സ്‌ത​വ​ലോ​ക​ത്തി​ലെ മറെറാ​രു മതവു​മാ​യി ഞാൻ സഹവസി​ച്ചില്ല, കാരണം ത്രിത്വ​ത്തി​നും ദേഹി​യു​ടെ അമർത്ത്യ​ത​യ്‌ക്കും നീതി​യുള്ള എല്ലാ ആളുകൾക്കും സ്വർഗ​ത്തി​ലെ നിത്യ​ജീ​വൻ കിട്ടുന്നു എന്ന ആശയത്തി​നും ഒരിക്ക​ലും അവസാ​നി​ക്കാത്ത നരകാ​ഗ്നി​ശി​ക്ഷ​യ്‌ക്കും വിരു​ദ്ധ​മായ എന്റെ നിഗമ​നങ്ങൾ ആ മതങ്ങ​ളൊ​ന്നും പങ്കുവ​ച്ചില്ല. ഈ ഉപദേ​ശ​ങ്ങളെ പുറജാ​തീയ വിശ്വാ​സ​ത്തി​ന്റെ ഉത്‌പ​ന്ന​ങ്ങ​ളാ​യി ഞാൻ വീക്ഷിച്ചു.

ആന്തരിക സമാധാ​ന​വും സന്തുഷ്ടി​യും

ആയിര​ത്തി​ത്തൊ​ള്ളാ​യി​ര​ത്തെൺപ​ത്തി​നാല്‌ ഡിസം​ബ​റിൽ മതപര​മായ എന്റെ ഏകാന്ത​വാ​സം അവസാ​നി​ച്ചു. അലാസ്‌ക​യി​ലെ ആങ്കറി​ജി​ലുള്ള ഒരു ബിസി​ന​സ്സി​ന്റെ അക്കൗണ്ട്‌സ്‌ ഡിപ്പാർട്ടു​മെൻറ്‌ മനേജ​രെന്ന നിലയിൽ ഞാൻ ജോലി നോക്കവേ ബാർബ്രാ ലെർമാ എന്ന ഒരു ഉപഭോ​ക്‌താ​വു​മാ​യി പല വിലച്ചീ​ട്ടു​കൾ (invoices) എനിക്കു ചർച്ച ചെയ്യേ​ണ്ട​തു​ണ്ടാ​യി​രു​ന്നു. അവർ ധൃതി​യി​ലാ​യി​രു​ന്നു, അവർക്ക്‌ ഒരു “ബൈബി​ള​ധ്യ​യന”ത്തിൽ സംബന്ധി​ക്കേ​ണ്ട​തു​ണ്ടെ​ന്നും അവർ പറഞ്ഞു. “ബൈബി​ള​ധ്യ​യനം” എന്ന പദപ്ര​യോ​ഗം എന്റെ ശ്രദ്ധയാ​കർഷി​ച്ചു. ഞാൻ അവരോ​ടു ബൈബിൾ സംബന്ധ​മായ ചില ചോദ്യ​ങ്ങൾ ചോദി​ച്ചു. എന്റെ സ്വന്തം സൈദ്ധാ​ന്തിക നിഗമ​ന​ങ്ങ​ളോ​ടു തികച്ചും പൊരു​ത്ത​മുള്ള തിരു​വെ​ഴു​ത്തു​ത്ത​രങ്ങൾ ഉടനുടൻ വളരെ ഫലപ്ര​ദ​മാ​യി അവർ എനിക്കു പറഞ്ഞു തന്നു. എനിക്കു കൂടുതൽ ചോദ്യ​ങ്ങൾ ഉണ്ടെന്നു മനസ്സി​ലാ​ക്കി​യ​പ്പോൾ യഹോ​വ​യു​ടെ സാക്ഷി​ക​ളു​ടെ അലാസ്‌ക​യി​ലെ ബ്രാ​ഞ്ചോ​ഫീ​സി​ലു​ണ്ടാ​യി​രുന്ന ജെറാൾഡ്‌ റാങ്കോ​യു​മാ​യി ബാർബ്രാ എന്നെ പരിച​യ​പ്പെ​ടു​ത്തി.

ബൈബി​ളി​നോ​ടു ബന്ധപ്പെട്ട്‌ തുടർന്നു​ണ്ടായ പരിപു​ഷ്ടി​പ്പെ​ടു​ത്തുന്ന ചർച്ചകൾ എനിക്ക്‌ ആന്തരിക സമാധാ​ന​വും സന്തുഷ്ടി​യും കൈവ​രു​ത്തി. ഞാൻ അന്വേ​ഷി​ച്ചു​കൊ​ണ്ടി​രു​ന്ന​തരം ആളുകൾ—ദൈവ​ത്തി​ന്റെ ആളുകൾ—ഇവരാ​യി​രു​ന്നു. മാർഗ​നിർദേ​ശ​ത്തി​നാ​യി ഞാൻ ദൈവ​ത്തോ​ടു പ്രാർഥി​ച്ചു, തക്കസമ​യത്തു സുവാർത്ത​യു​ടെ സ്‌നാ​പ​ന​മേൽക്കാത്ത ഒരു പ്രസാ​ധ​ക​നാ​യി യഹോ​വ​യു​ടെ സാക്ഷി​ക​ളോ​ടൊ​ത്തു സഹവസി​ക്കാ​നും തുടങ്ങി. ഈ സ്ഥാപന​ത്തി​ന്റെ ആസ്ഥാനം ന്യൂ​യോർക്കി​ലെ ബ്രുക്ക്‌ളി​നി​ലാ​ണു സ്ഥിതി​ചെ​യ്‌തി​രു​ന്നത്‌ എന്നു മനസ്സി​ലാ​ക്കി​യ​പ്പോൾ ഞാൻ സത്യമാ​യും അമ്പരന്നു​പോ​യി. ഐക്യ​രാ​ഷ്‌ട്ര​ങ്ങ​ളു​ടെ പാരീഷ്‌ ചർച്ചിന്റെ സഹപു​രോ​ഹി​ത​നാ​യി (1969, 1971, 1974 എന്നീ വർഷങ്ങ​ളിൽ) ഞാൻ സേവന​മ​നു​ഷ്‌ഠിച്ച മാൻഹാ​ട്ട​ണി​ലെ വിശുദ്ധ കുടും​ബ​പ്പ​ള്ളി​യിൽനി​ന്നും ഏതാനും മൈലു​കൾ മാത്രം അകലെ​യാ​യി​രു​ന്നു അതു സ്ഥിതി​ചെ​യ്‌തി​രു​ന്നത്‌.

സത്യം മനസ്സി​ലാ​ക്കാൻ എന്റെ കുടും​ബത്തെ സഹായി​ക്കൽ

ആങ്കറി​ജിൽ യഹോ​വ​യു​ടെ സാക്ഷി​ക​ളോ​ടൊത്ത്‌ ആറു മാസം സഹവസി​ച്ച​ശേഷം, 1985 ജൂലൈ 31-നു ഞാൻ പെൻസിൽവേ​നി​യ​യി​ലേക്കു മാറി. അവി​ടെ​വെച്ച്‌ എന്റെ സഹോ​ദ​രീ​പു​ത്രി​യായ മിലനെ മെൻഡാ​ന്യ​യോ​ടു യഹോ​വ​യു​ടെ രാജ്യ​ത്തെ​ക്കു​റി​ച്ചുള്ള സുവാർത്ത പങ്കുവ​യ്‌ക്കാ​നുള്ള പദവി എനിക്കു ലഭിച്ചു. സ്‌ക്രാൻഡൻ യൂണി​വേ​ഴ്‌സി​റ​റി​യിൽ ജൈവ​ര​സ​ത​ന്ത്ര​ത്തിൽ അവർ ബിരു​ദ​ത്തി​നു​വേണ്ടി പഠനം നടത്തി​ക്കൊ​ണ്ടി​രി​ക്കു​ക​യാ​യി​രു​ന്നു. ഞാൻ യഹോ​വ​യു​ടെ സാക്ഷി​കളെ അന്വേ​ഷി​ക്കു​ന്നു എന്നു മിലനെ മനസ്സി​ലാ​ക്കി​യ​പ്പോൾ അവർ തീർത്തും അമ്പരന്നു​പോ​യി. ഈ വിഭാഗം ഒരു വിചിത്ര ഭക്തി​പ്ര​സ്ഥാ​നം ആണെന്ന തെററായ വിവര​മാണ്‌ അവർക്കു മുമ്പു ലഭിച്ചി​രു​ന്നത്‌. ആദ്യം അവർ എന്നോട്‌ ഒന്നും പറഞ്ഞില്ല, കാരണം അവർ തന്റെ മാതു​ല​നും ഒരു പുരോ​ഹി​ത​നും എന്ന നിലയ്‌ക്ക്‌ എന്നെ ആദരി​ക്കു​ക​യും വിദ്യാ​രം​ഗ​ത്തും പൗരോ​ഹി​ത്യ​ശു​ശ്രൂ​ഷ​യി​ലും ഞാൻ കൈവ​രിച്ച നേട്ടങ്ങ​ളോട്‌ ഉയർന്ന ബഹുമാ​നം പുലർത്തു​ക​യും ചെയ്‌തി​രു​ന്നു.

പിറേറ ഞായറാഴ്‌ച കുർബാ​ന​യ്‌ക്കാ​യി മിലനെ കത്തോ​ലി​ക്കാ പള്ളിയി​ലേക്കു പോയി, ബൈബിൾ പ്രസം​ഗ​ത്തി​നും വീക്ഷാ​ഗോ​പുര അധ്യയ​ന​ത്തി​നു​മാ​യി ഞാൻ രാജ്യ​ഹാ​ളി​ലേ​ക്കും. അന്നു വൈകു​ന്നേരം ഞങ്ങൾ ഒന്നിച്ചി​രു​ന്നു, അവർ തന്റെ കത്തോ​ലി​ക്കാ ജെറൂ​സ​ലേം ബൈബി​ള​മാ​യും ഞാൻ വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാന്തര[ഇംഗ്ലീഷ്‌]വുമാ​യും. അവരുടെ ബൈബി​ളിൽ യാഹ്‌വെ എന്ന നാമവും പുതി​യ​ലോക ഭാഷാ​ന്ത​ര​ത്തിൽ യഹോവ എന്ന അതിന്റെ തുല്യ​പ​ദ​വും ഞാൻ അവർക്കു കാട്ടി​ക്കൊ​ടു​ത്തു. ദൈവ​ത്തിന്‌ ഒരു പേരു​ണ്ടെ​ന്നും തന്റെ പേരി​നാൽ നാം അവിടു​ത്തെ വിളി​ക്കാൻ അവിടുന്ന്‌ ആഗ്രഹി​ക്കു​ന്നു​വെ​ന്നും മനസ്സി​ലാ​ക്കി​യ​പ്പോൾ അവർ അത്യധി​കം സന്തോ​ഷി​ച്ചു. ത്രിത്വ​ത്തെ​യും അപ്പവീ​ഞ്ഞു​ക​ളു​ടെ രൂപാ​ന്ത​രീ​ക​ര​ണ​ത്തെ​യും ദേഹി​യു​ടെ അമർത്ത്യ​ത​യെ​യും കുറി​ച്ചുള്ള ഉപദേ​ശങ്ങൾ എത്ര തിരു​വെ​ഴു​ത്തു​വി​രു​ദ്ധ​മാ​ണെന്നു ഞാൻ അവരോ​ടു പറയു​ക​യും ബന്ധപ്പെട്ട തിരു​വെ​ഴു​ത്തു​കൾ അവരെ കാണി​ച്ചു​കൊ​ടു​ക്കു​ക​യും ചെയ്‌തു. അവർ തികച്ചും വിസ്‌മ​യി​ച്ചു​പോ​യി!

ഭൂമി​യി​ലെ പറുദീ​സ​യി​ലെ നിത്യ​ജീ​വന്റെ പ്രത്യാ​ശ​യെ​ക്കു​റി​ച്ചു ഞാൻ അവരോ​ടു പറഞ്ഞ​പ്പോൾ മില​നെ​യു​ടെ താത്‌പ​ര്യം കൂടുതൽ വർധിച്ചു. അതിനു​മു​മ്പു മരണത്തി​ങ്കൽ തനി​ക്കെന്തു സംഭവി​ക്കും എന്നതി​നെ​പ്പ​ററി അവർ ഉത്‌ക​ണ്‌ഠ​പ്പെ​ട്ടി​രു​ന്നു. നേരിട്ടു സ്വർഗ​ത്തി​ലേക്കു പോകാൻ മാത്രം താൻ അത്ര പരിശു​ദ്ധ​യ​ല്ലെന്ന്‌ അവർ കരുതി, എന്നാൽ നിത്യ​ന​ര​കാ​ഗ്നി ശിക്ഷയ്‌ക്കു വിധി​ക്ക​പ്പെ​ടാൻ താൻ അത്രയ്‌ക്കു ദുഷ്ടയാ​ണെ​ന്നും അവർ വിചാ​രി​ച്ചില്ല. അതു​കൊണ്ട്‌ അവരുടെ മനസ്സിൽ അവശേ​ഷി​ക്കുന്ന ഒരേ​യൊ​രു ഇടമു​ണ്ടാ​യി​രു​ന്നത്‌ ശുദ്ധീ​ക​ര​ണ​സ്ഥ​ല​മാ​യി​രു​ന്നു. തന്നെ സ്വർഗ​ത്തി​ലേക്കു അയയ്‌ക്കാ​നുള്ള ആളുക​ളു​ടെ പ്രാർഥ​ന​കൾക്കും കുർബാ​ന​കൾക്കും വേണ്ടി അവിടെ അവർ ക്ഷമാപൂർവം കാത്തി​രി​ക്ക​ണ​മാ​യി​രു​ന്നു. ഏതായാ​ലും പറുദീ​സാ​ഭൂ​മി​യി​ലെ നിത്യ​ജീ​വന്റെ പ്രത്യാ​ശ​യെ​ക്കു​റിച്ച്‌ അനവധി തിരു​വെ​ഴു​ത്തു​കൾ ഞാൻ കാണി​ക്കു​ക​യും വിശദീ​ക​രി​ക്കു​ക​യും ചെയ്‌ത​തോ​ടെ ആ അത്ഭുത​ക​ര​മായ സുവാർത്ത​യെ​ക്കു​റി​ച്ചു കൂടുതൽ പഠിക്കാൻ അവർ ആകാം​ക്ഷാ​ഭ​രി​ത​യാ​യി. മിലനെ എന്നോ​ടൊ​പ്പം രാജ്യ​ഹാ​ളി​ലെ യോഗ​ങ്ങൾക്കു ഹാജരാ​യി. പ്രാ​ദേ​ശിക സാക്ഷി​ക​ളോ​ടൊ​പ്പം ഞങ്ങൾ ഒരു ഔപചാ​രിക ബൈബി​ള​ധ്യ​യനം തുടങ്ങി. അനന്തരം താമസി​യാ​തെ യഹോ​വ​യാം ദൈവ​ത്തി​നു ഞങ്ങൾ സമർപ്പണം നടത്തു​ക​യും 1986 മേയ്‌ 31-നു സ്‌നാ​പ​ന​മേൽക്കു​ക​യും ചെയ്‌തു.

ഞാൻ പൗരോ​ഹി​ത്യം ഉപേക്ഷിച്ച വാർത്ത​യിൽ എന്റെ കുടും​ബ​ത്തി​ലു​ള്ളവർ പരി​ഭ്രാ​ന്ത​രാ​യി​പ്പോ​യി​രു​ന്നു, പ്രത്യേ​കിച്ച്‌ എന്റെ മൂത്ത സഹോ​ദ​ര​നായ ഒർലാൻഡോ. അദ്ദേഹം എന്റെ മൂത്ത സഹോ​ദ​രി​യായ മൈരാ ലോബോ മെൻഡാ​ന്യ​യെ ചെന്നു​കണ്ടു. “വളരെ നല്ല ഒരു കാരണ​മി​ല്ലെ​ങ്കിൽ 43 വർഷത്തെ കഠിന വേലയി​ലൂ​ടെ സമ്പാദി​ച്ച​തെ​ല്ലാം അലിനി​യോ പരിത്യ​ജി​ക്കു​ക​യില്ല, അതു​കൊണ്ട്‌ ഇക്കാര്യ​ത്തെ​ച്ചൊ​ല്ലി നമുക്ക്‌ അസ്വസ്ഥ​രാ​കാ​തി​രി​ക്കാം” എന്നു പറഞ്ഞു​കൊണ്ട്‌ അവർ അദ്ദേഹത്തെ ശാന്തനാ​ക്കി. ആയിര​ത്തി​ത്തൊ​ള്ളാ​യി​ര​ത്തെൺപ​ത്തേഴ്‌ സെപ്‌റ​റം​ബ​റിൽ മൈരാ​യും അവരുടെ കുടും​ബ​വും അമേരി​ക്ക​യി​ലെ വിസ്‌ക്കോൺസ​നിൽ എന്നോ​ടൊ​പ്പം ചേർന്നു. കത്തോ​ലി​ക്കാ ഉപദേ​ശ​ങ്ങ​ളു​ടെ​യും അനുഷ്‌ഠാ​ന​ങ്ങ​ളു​ടെ​യും തിരു​വെ​ഴു​ത്തു​വി​രു​ദ്ധ​മായ സ്വഭാവം അവരെ കാട്ടി​ക്കൊ​ടു​ക്കു​ന്ന​തിൽ എനിക്കു യാതൊ​രു വിഷമ​വും ഉണ്ടായി​രു​ന്നില്ല. ബൈബിൾ സത്യം പഠിക്കാൻ അവർ അത്യന്തം ഉത്സുക​രാ​യി​രു​ന്നു. പെട്ടെ​ന്നു​തന്നെ മില​നെ​യും ഞാനും അവരോ​ടൊ​പ്പം ഒരു ബൈബി​ള​ധ്യ​യനം ആരംഭി​ച്ചു. ഫ്‌ളോ​റി​ഡ​യി​ലെ ഓർലാൻഡോ​യി​ലേക്കു മാറി​യ​പ്പോൾ അവർ പഠനം തുടർന്നു.

കാനഡ​യി​ലെ ടൊറാ​ന്റോ​യിൽ താമസി​ക്കുന്ന എന്റെ ഏററവും മൂത്ത സഹോ​ദ​രി​യായ ജെസ്സി​യു​മാ​യി യഹോ​വ​യു​ടെ രാജ്യ​ത്തെ​ക്കു​റി​ച്ചുള്ള സുവാർത്ത പങ്കുവ​യ്‌ക്കാൻ ഞങ്ങൾ എല്ലാവ​രും ആസ്വദിച്ച സമാധാ​ന​വും സന്തുഷ്ടി​യും ഞങ്ങളെ പ്രേരി​പ്പി​ച്ചു. ആയിര​ത്തി​ത്തൊ​ള്ളാ​യി​ര​ത്തെൺപ​ത്തിമൂ​ന്നിൽ അവർക്കു സാക്ഷ്യം ലഭിച്ചി​രു​ന്നു. എന്നിരു​ന്നാ​ലും ഒരു പുരോ​ഹി​ത​നാ​യിട്ട്‌ ഒരു സഹോ​ദരൻ ഉണ്ടായി​രു​ന്ന​തു​കൊ​ണ്ടു യാതൊ​ന്നും തന്റെ വിശ്വാ​സത്തെ മാററു​ക​യില്ല എന്ന്‌ അവർ വിശ്വ​സി​ച്ചി​രു​ന്നു. യഹോ​വ​യു​ടെ സാക്ഷി​ക​ളു​മാ​യുള്ള ആ ആദ്യ സംഭാ​ഷ​ണ​ത്തി​നു​ശേഷം നാലു വർഷം കഴിഞ്ഞ്‌, ഞാൻ യഹോ​വ​യു​ടെ ഒരു സാക്ഷി​യാ​യി​ത്തീർന്നി​രി​ക്കു​ന്നെ​ന്നും മൈരാ​യും അവരുടെ കുടും​ബ​വും സുവാർത്താ​ഘോ​ഷ​ക​രാ​ണെ​ന്നും മനസ്സി​ലാ​ക്കി​യ​പ്പോൾ അവർ ഒരു സാക്ഷി​യു​മാ​യി ബന്ധപ്പെട്ടു, ആ സാക്ഷി സത്വരം ഒരു ബൈബി​ള​ധ്യ​യനം ക്രമീ​ക​രി​ക്കു​ക​യും ചെയ്‌തു. ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂറ്‌ ഏപ്രിൽ 14-ന്‌ ജെസ്സി സ്‌നാ​പ​ന​മേ​ററു; മൈരാ​യും എന്റെ അളിയ​നായ ഓസ്‌വാൾഡും എന്റെ സഹോ​ദ​രീ​പു​ത്രി​യായ ഗ്ലിനി​സും 1991 ഫെബ്രു​വരി 2-ന്‌ സ്‌നാ​പ​ന​മേ​ററു. അത്യു​ന്ന​ത​നായ യഹോ​വ​യാം ദൈവത്തെ സേവി​ക്കാൻ അവർ അതീവ സന്തോ​ഷ​മു​ള്ള​വ​രാണ്‌.

കത്തോ​ലി​ക്കാ സഭയിലെ യാഥാ​സ്ഥി​തിക പാരമ്പ​ര്യ​വാ​ദി​ക​ളും സ്വത​ന്ത്ര​ചി​ന്താ​ഗ​തി​ക്കാ​രായ പുരോ​ഗ​മ​ന​വാ​ദി​ക​ളും തീർച്ച​യാ​യും ബുദ്ധി​യുള്ള ആളുക​ളാണ്‌. തങ്ങൾ ദൈ​വേ​ഷ്ട​മാ​ണു ചെയ്യു​ന്ന​തെന്ന്‌ അവർ വിശ്വ​സി​ക്കു​ന്നു. എന്നിരു​ന്നാ​ലും “ദൈവ​പ്ര​തി​മ​യായ ക്രിസ്‌തു​വി​ന്റെ തേജസ്സുള്ള സുവി​ശേ​ഷ​ത്തി​ന്റെ പ്രകാ​ശനം ശോഭി​ക്കാ​തി​രി​പ്പാൻ ഈ ലോക​ത്തി​ന്റെ ദൈവം അവിശ്വാ​സി​ക​ളു​ടെ മനസ്സു കുരു​ടാ​ക്കി” എന്ന വസ്‌തുത നാം അവഗണി​ക്ക​രുത്‌. (2 കൊരി​ന്ത്യർ 4:4) അതു​കൊണ്ട്‌ ഈ വ്യവസ്ഥി​തി​യു​ടെ ജ്ഞാനം ദൈവ​ത്തി​നു ഭോഷ​ത്വ​മാ​ണെന്നു വ്യക്തമാണ്‌. (1 കൊരി​ന്ത്യർ 3:18, 19) യഹോവ തന്റെ വചനത്തി​ന്റെ സൂക്ഷ്‌മ പരിജ്ഞാ​ന​ത്തി​ലൂ​ടെ “അനുഭ​വ​പ​രി​ച​യ​മി​ല്ലാ​ത്ത​വനെ ജ്ഞാനി”യാക്കു​ന്ന​തിൽ ഞാൻ എത്ര നന്ദിയും സന്തോ​ഷ​വും ഉള്ളവനാ​ണെ​ന്നോ.—സങ്കീർത്തനം 19:7, NW.

ഒരു കത്തോ​ലി​ക്കാ പുരോ​ഹി​തൻ എന്ന നിലയ്‌ക്കുള്ള 19 വർഷത്തെ എന്റെ സേവനം കഴിഞ്ഞ​കാല കഥയാണ്‌. ഇപ്പോൾ ഞാൻ ഒരു യഹോ​വ​യു​ടെ സാക്ഷി​യാണ്‌. യഹോ​വ​യു​ടെ വഴിക​ളിൽ നടന്ന്‌ അവിടു​ത്തെ പുത്ര​നും നമ്മുടെ രാജാ​വും രക്ഷിതാ​വും ആയ യേശു​ക്രി​സ്‌തു​വി​നെ പിന്തു​ട​രു​ക​യെ​ന്നത്‌ എന്റെ ആഗ്രഹ​മാണ്‌. ഒരു പറുദീ​സാ​ഭൂ​മി​യി​ലെ നിത്യ​ജീ​വൻ എന്ന സമ്മാന​ത്തി​നു യോഗ്യ​രാ​കാ​നും സത്യ​ദൈ​വ​മായ യഹോ​വ​യു​ടെ മഹത്ത്വ​ത്തി​നു വേണ്ടി​യും യഹോ​വയെ അറിയു​ന്ന​തി​നു മററു​ള്ള​വരെ സഹായി​ക്കാൻ ഞാൻ ആഗ്രഹി​ക്കു​ന്നു.—അലിനി​യോ ഡി സാൻറാ റീററാ ലോബോ പറഞ്ഞ​പ്ര​കാ​രം. (g93 9/8)

[അടിക്കു​റി​പ്പു​കൾ]

[21-ാം പേജിലെ ചതുരം]

രാജ്യത്തിന്റെ താക്കോ​ലു​കൾ

“സ്വർഗ​രാ​ജ്യ​ത്തി​ന്റെ താക്കോ​ലുക”ളെ സംബന്ധി​ച്ചാ​ണെ​ങ്കിൽ, യേശു മതനേ​താ​ക്കൻമാർക്കു നൽകിയ താക്കീ​തി​നെ​ക്കു​റി​ച്ചു പരിചി​ന്തി​ക്കു​മ്പോൾ അതിന്റെ അർഥം വ്യക്തമാ​യി​ത്തീ​രു​ന്നു: “നിങ്ങൾ പരിജ്ഞാ​ന​ത്തി​ന്റെ താക്കോൽ എടുത്തു​ക​ളഞ്ഞു; നിങ്ങൾ തന്നേ കടന്നില്ല; കടക്കു​ന്ന​വരെ തടുത്തും​ക​ളഞ്ഞു.” (ലൂക്കൊസ്‌ 11:52) “കടക്കുക” എന്നുള്ളത്‌ “സ്വർഗ്ഗ​രാ​ജ്യ”ത്തിലേ​ക്കുള്ള പ്രവേ​ശ​നത്തെ സൂചി​പ്പി​ക്കു​ന്ന​താ​യി മത്തായി 23:13 കൂടു​ത​ലാ​യി വിശദ​മാ​ക്കു​ന്നു.

യേശു പത്രോ​സി​നു വാഗ്‌ദത്തം ചെയ്‌ത താക്കോ​ലു​ക​ളിൽ സ്വർഗ​രാ​ജ്യ​ത്തി​ലേക്കു കടക്കാൻ വ്യക്തി​കൾക്കു പ്രത്യേക അവസരങ്ങൾ തുറന്നു കൊടു​ക്കുന്ന അനുപ​മ​മായ ഒരു വിദ്യാ​ഭ്യാ​സ​വേല ഉൾപ്പെ​ട്ടി​രു​ന്നു. മൂന്നു സന്ദർഭ​ങ്ങ​ളി​ലാ​യി യഹൂദൻമാ​രെ​യും ശമര്യ​രെ​യും വിജാ​തീ​യ​രെ​യും സഹായി​ച്ചു​കൊ​ണ്ടു പത്രോസ്‌ ഈ പദവി ഉപയോ​ഗ​പ്പെ​ടു​ത്തി.—പ്രവൃ​ത്തി​കൾ 2:1-41; 8:14-17; 10:1-48; 15:7-9.

ഈ വാഗ്‌ദ​ത്ത​ത്തി​ന്റെ ഉദ്ദേശ്യം എന്തു കെട്ട​പ്പെ​ട​ണ​മെ​ന്നോ എന്ത്‌ അഴിയ​പ്പെ​ട​ണ​മെ​ന്നോ സംബന്ധി​ച്ചു പത്രോസ്‌ സ്വർഗ​ത്തോട്‌ ആജ്ഞാപി​ക്കുക എന്നതാ​യി​രു​ന്നില്ല, പിന്നെ​യോ മൂന്നു പ്രത്യേക നിയമ​ന​ങ്ങൾക്കാ​യി സ്വർഗ​ത്തി​ന്റെ ഉപകര​ണ​മെ​ന്നോ​ണം പത്രോസ്‌ ഉപയോ​ഗി​ക്ക​പ്പെ​ടുക ആയിരു​ന്നു. വാസ്‌തവം അതാണ്‌, കാരണം സഭയുടെ യഥാർഥ ശിരസ്സാ​യി യേശു നില​കൊ​ണ്ടു.—1 കൊരി​ന്ത്യർ 11:3; എഫെസ്യർ 4:15, 16; 5:23; കൊ​ലൊ​സ്സ്യർ 2:8-10; എബ്രായർ 8:6-13 താരത​മ്യം ചെയ്യുക.

[22-ാം പേജിലെ ചിത്രം]

അലിനിയോ ഡി സാൻറാ റീററാ ലോബോ ഇപ്പോൾ ഒരു സാക്ഷി