ഭൂകമ്പ​ങ്ങ​ളും ബൈബിൾ പ്രവച​ന​വും നിങ്ങളും

യേശു തന്റെ മരണത്തി​നു മുമ്പായി ഈ “വ്യവസ്ഥി​തി​യു​ടെ സമാപന”ത്തെ കുറി​ക്കുന്ന സംഭവ​ങ്ങ​ളും സാഹച​ര്യ​ങ്ങ​ളും മുൻകൂ​ട്ടി പറയു​ക​യു​ണ്ടാ​യി. പകർച്ച​വ്യാ​ധി​കൾ, ഭക്ഷ്യക്ഷാ​മം, വ്യാപ​ക​മായ യുദ്ധം എന്നിവ ആ കാലഘ​ട്ടത്തെ തിരി​ച്ച​റി​യി​ക്കു​മെന്ന്‌ അവൻ പറഞ്ഞു. അക്കൂട്ട​ത്തിൽ ‘വലിയ ഭൂകമ്പങ്ങൾ അവിട​വി​ടെ ഉണ്ടാകു’മെന്നും അവൻ പറഞ്ഞു. (മത്തായി 24:3, 7; ലൂക്കൊസ്‌ 21:10, 11) യേശു നമ്മുടെ കാലത്തെ പരാമർശി​ക്കു​ക​യാ​യി​രു​ന്നോ?

അല്ല എന്നു പലരും അഭി​പ്രാ​യ​പ്പെ​ടു​ന്നു. ഭൂകമ്പ​ങ്ങ​ളു​ടെ എണ്ണത്തിൽ അടുത്ത ദശകങ്ങ​ളിൽ ശ്രദ്ധാർഹ​മായ വർധന​യൊ​ന്നും ഉണ്ടായി​ട്ടില്ല എന്ന്‌ അവർ പറയുന്നു. ‘യു.എസ്‌. ദേശീയ ഭൂകമ്പ വിവര കേന്ദ്ര’ത്തിന്റെ റിപ്പോർട്ട​നു​സ​രി​ച്ചാ​ണെ​ങ്കിൽ 7-ഓ അതില​ധി​ക​മോ പരിമാണ തോതുള്ള ഭൂകമ്പ​ങ്ങ​ളു​ടെ എണ്ണത്തിൽ 20-ാം നൂറ്റാ​ണ്ടിൽ ഉടനീളം “കാര്യ​മായ മാറ്റ​മൊ​ന്നും ഉണ്ടായി​ട്ടില്ല.”a

എന്നാൽ യേശു​വി​ന്റെ പ്രവച​ന​ത്തി​ന്റെ നിവൃ​ത്തിക്ക്‌ ഭൂകമ്പ​ങ്ങ​ളു​ടെ എണ്ണം അല്ലെങ്കിൽ ശക്തി വർധി​ക്കേ​ണ്ട​തി​ല്ലെന്നു ശ്രദ്ധി​ക്കുക. വലിയ ഭൂകമ്പങ്ങൾ അവിട​വി​ടെ ഉണ്ടാകു​മെന്നു മാത്രമേ യേശു പറഞ്ഞുള്ളൂ. ഈ സംഭവങ്ങൾ ‘കഠോര വേദന​യു​ടെ തുടക്കത്തെ’ കുറി​ക്കു​മെ​ന്നും അവൻ പറഞ്ഞു. (മത്തായി 24:8, NW) ഭൂകമ്പ​ങ്ങ​ളു​ടെ എണ്ണമോ റിക്ടർ പരിമാണ തോതോ അല്ല, മറിച്ച്‌ മനുഷ്യ​രെ അത്‌ എത്രമാ​ത്രം ബാധി​ക്കു​ന്നു എന്നതാണ്‌ വേദന അളക്കു​ന്ന​തി​നുള്ള അടിസ്ഥാ​നം.

ഭൂകമ്പങ്ങൾ തീർച്ച​യാ​യും നമ്മുടെ കാലത്തു വളരെ​യ​ധി​കം വേദന​യ്‌ക്ക്‌ ഇടയാ​ക്കി​യി​ട്ടുണ്ട്‌. 20-ാം നൂറ്റാ​ണ്ടിൽ ദശലക്ഷ​ക്ക​ണ​ക്കിന്‌ ആളുകൾ ഈ വിപത്തു​ക​ളു​ടെ ഫലമായി കൊല്ല​പ്പെ​ടു​ക​യോ ഭവനര​ഹി​ത​രാ​ക്ക​പ്പെ​ടു​ക​യോ ചെയ്‌തി​രി​ക്കു​ന്നു. ഈ മരണങ്ങ​ളിൽ മിക്കതും ഒഴിവാ​ക്കാൻ കഴിയു​ന്നവ ആയിരു​ന്നു എന്നാണു വിദഗ്‌ധ​രു​ടെ അഭി​പ്രാ​യം. ബിബിസി ന്യൂസ്‌ റിപ്പോർട്ടു ചെയ്യുന്നു: “വികസ്വര രാഷ്‌ട്ര​ങ്ങ​ളിൽ ത്വരി​ത​ഗ​തി​യി​ലുള്ള നഗരവ​ത്‌ക​രണം ചെലവു​കു​റഞ്ഞ വീടുകൾ പെട്ടെന്നു പണി​യേ​ണ്ടത്‌ ആവശ്യ​മാ​ക്കി​ത്തീർക്കു​മ്പോൾ നിർമാ​ണ​ച്ച​ട്ട​ങ്ങ​ളൊ​ക്കെ രണ്ടാം സ്ഥാന​ത്തേക്കു പിന്തള്ള​പ്പെ​ടു​ന്നു.” നഗരങ്ങ​ളി​ലെ വിപത്തു​കൾ വിശക​ലനം ചെയ്യുന്ന ബെൻ വിൻസർ സമീപ​കാ​ലത്ത്‌ ഉണ്ടായ രണ്ടു ദുരന്ത​ങ്ങളെ കുറിച്ച്‌ ഇപ്രകാ​രം അഭി​പ്രാ​യ​പ്പെട്ടു: “ആളുക​ളു​ടെ മരണത്തിന്‌ ഇടയാ​ക്കി​യതു ഭൂകമ്പങ്ങൾ ആയിരു​ന്നില്ല. മറിച്ച്‌ മനുഷ്യ​ന്റെ പിഴവു​ക​ളും നിസ്സം​ഗ​ത​യും അഴിമ​തി​യും അത്യാ​ഗ്ര​ഹ​വും ഒക്കെയാ​യി​രു​ന്നു.”

അതേ, ചിലസ​മ​യ​ങ്ങ​ളിൽ ഒരു ഭൂകമ്പത്തെ മാരക​മാ​ക്കി​ത്തീർക്കുന്ന ഏറ്റവും പ്രധാന ഘടകങ്ങൾ മനുഷ്യ​ന്റെ സ്വാർഥ​ത​യും അശ്രദ്ധ​യു​മാണ്‌. ‘അന്ത്യകാല’ത്തെ കുറി​ച്ചുള്ള മറ്റൊരു ബൈബിൾ പ്രവച​ന​ത്തിൽ ഇത്തരം ദുർഗു​ണങ്ങൾ പരാമർശി​ച്ചി​രി​ക്കു​ന്നു എന്നതു താത്‌പ​ര്യ​ജ​ന​ക​മാണ്‌. ആ സമയത്ത്‌ ആളുകൾ ‘സ്വാർത്ഥ​രും ദ്രവ്യാ​ഗ്ര​ഹി​ക​ളും വാത്സല്യ​മി​ല്ലാ​ത്ത​വ​രും’ ആയിരി​ക്കു​മെന്നു ബൈബിൾ പറയുന്നു. (2 തിമൊ​ഥെ​യൊസ്‌ 3:1-5, NW) വ്യവസ്ഥി​തി​യു​ടെ സമാപ​നത്തെ കുറി​ച്ചുള്ള യേശു​വി​ന്റെ പ്രസ്‌താ​വ​ന​യോ​ടൊ​പ്പം ഈ പ്രവച​ന​വും യാതന അനുഭ​വി​ക്കുന്ന മനുഷ്യ​വർഗ​ത്തിന്‌ ആശ്വാസം കൈവ​രു​ത്താ​നുള്ള ദൈവ​ത്തി​ന്റെ സമയം അടുത്തു വരിക​യാ​ണെ​ന്നു​ള്ള​തി​നു വ്യക്തമായ തെളിവു നൽകുന്നു. അപ്പോൾ, ഭൂകമ്പങ്ങൾ ഉൾപ്പെടെ ഇന്നു വേദന​യ്‌ക്കും കഷ്ടപ്പാ​ടി​നും ഇടയാ​ക്കുന്ന എല്ലാ സംഗതി​ക​ളും പൊയ്‌പോ​യി​രി​ക്കും.—സങ്കീർത്തനം 37:11.

ഈ ബൈബി​ള​ധി​ഷ്‌ഠിത പ്രത്യാ​ശയെ കുറിച്ചു കൂടുതൽ അറിയാൻ നിങ്ങൾ ആഗ്രഹി​ക്കു​ന്നു​വോ? നിങ്ങളു​ടെ പ്രദേ​ശ​ത്തുള്ള യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടു​ക​യോ 5-ാം പേജിലെ ഉചിത​മായ മേൽവി​ലാ​സ​ത്തിൽ എഴുതു​ക​യോ ചെയ്യുക. (g02 3/22)

[അടിക്കു​റിപ്പ്‌]