പ്രകൃ​തി​വി​പ​ത്തു​കൾ കാലത്തി​ന്റെ ഒരു അടയാ​ള​മോ?

“ജാതി ജാതി​യോ​ടും രാജ്യം രാജ്യ​ത്തോ​ടും എതിർക്കും; ക്ഷാമവും ഭൂകമ്പ​വും അവിട​വി​ടെ ഉണ്ടാകും. എങ്കിലും ഇതൊ​ക്കെ​യും ഈററു​നോ​വി​ന്റെ ആരംഭ​മ​ത്രേ.” വിപൽക്ക​ര​മായ ഇത്തരം സംഭവങ്ങൾ, നിയമ​രാ​ഹി​ത്യ​ത്തി​ന്റെ വർധനവ്‌, ദൈവ​രാ​ജ്യ​ത്തി​ന്റെ ലോക​വ്യാ​പ​ക​മായ സുവാർത്താ ഘോഷണം ഇവയൊ​ക്കെ​യും ഒത്തു​ചേർന്ന്‌ “വ്യവസ്ഥി​തി​യു​ടെ സമാപന”ത്തെ തിരി​ച്ച​റി​യി​ക്കുന്ന ഒരു സംയുക്ത അടയാ​ള​മാ​യി ഭവിക്കു​മെന്നു 19 നൂററാ​ണ്ടു​കൾക്കു മുമ്പ്‌ യേശു​ക്രി​സ്‌തു തന്റെ ശിഷ്യൻമാ​രോ​ടു വിശദീ​ക​രി​ച്ചത്‌ ഈ വാക്കു​ക​ളി​ലാ​യി​രു​ന്നു.—മത്തായി 24:3-14, NW.

ഇതിന്റെ വീക്ഷണ​ത്തിൽ, കഴിഞ്ഞ തലമു​റ​ക​ളിൽ സംഭവി​ച്ച​തി​നെ​ക്കാൾ കൂടുതൽ വിപൽക്ക​ര​മായ ഭൂകമ്പ​ങ്ങ​ളും കൊടു​ങ്കാ​റ​റു​ക​ളും പ്രളയ​ങ്ങ​ളും വരൾച്ച​ക​ളും ക്ഷാമങ്ങ​ളും നാം കാണു​ന്നു​ണ്ടോ എന്നു നമ്മൾ ചോദി​ക്കണം. ശാസ്‌ത്ര​ത്തി​ലും സാങ്കേ​തി​ക​വി​ദ്യ​യി​ലും പുരോ​ഗ​തി​കൾ കൈവ​രി​ച്ചി​ട്ടു​ണ്ടെ​ങ്കി​ലും അതിന്റെ ഫലമായി ആനുപാ​തി​ക​മാ​യി കൂടുതൽ ആളുകൾ കഷ്ടപ്പെ​ടു​ന്നു​ണ്ടോ?

ഉവ്വ്‌ എന്നാണ്‌ പലരു​ടെ​യും ഉത്തരം. ഉദാഹ​ര​ണ​ത്തിന്‌, “കഴിഞ്ഞ ദശകങ്ങ​ളിൽ ഉണ്ടായ​തി​നെ​ക്കാൾ കൂടുതൽ വിപത്തു​കൾ 1990-കളിൽ ലോക​ത്തി​നു പ്രതീ​ക്ഷി​ക്കാ​വുന്ന”താണെന്ന്‌ ന്യൂ സയൻറി​സ്‌ററ്‌ മാഗസിൻ മുന്നറി​യി​പ്പു നൽകുന്നു. അതു​പോ​ലെ, 1991 ജൂണിലെ യുഎൻ ക്രോ​ണി​ക്കി​ളിൽ ലോക കാലാ​വ​സ്ഥാ​പഠന സംഘട​ന​യു​ടെ ഡയറക്ടർ ഇങ്ങനെ പ്രസ്‌താ​വി​ച്ചു: “പ്രവണത തികച്ചും വ്യക്തമാണ്‌. . . . 1960-കൾ മുതൽ 1980-കൾ വരെ, വലിയ പ്രകൃ​തി​വി​പ​ത്തു​ക​ളു​ടെ ആവർത്ത​ന​സ്വ​ഭാ​വ​ത്തി​ലു​ണ്ടായ വർധനവ്‌ അഞ്ചിര​ട്ടി​യും മൊത്തം സാമ്പത്തിക നഷ്ടത്തി​ലു​ണ്ടായ വർധനവു മൂന്നി​ര​ട്ടി​യു​മാ​യി​രു​ന്നു.” യുഎൻ ലോകാ​രോ​ഗ്യ സംഘട​ന​യു​ടെ വേൾഡ്‌ ഹെൽത്ത്‌ മാഗസിൻ ഈ വിഷയം സംബന്ധി​ച്ചുള്ള കാഴ്‌ച​പ്പാട്‌ അവതരി​പ്പി​ച്ചു​കൊണ്ട്‌ ഇപ്രകാ​രം നിരീ​ക്ഷി​ച്ചു: “പ്രകൃ​തി​വി​പ​ത്തു​ക​ളു​ടെ​യും അവയുടെ വിനാ​ശ​ഫ​ല​ങ്ങ​ളു​ടെ​യും ഉദാഹ​ര​ണങ്ങൾ ചരി​ത്ര​ത്തി​ലു​ട​നീ​ളം ദൃശ്യ​മാണ്‌. എങ്കിലും 21-ാം നൂററാ​ണ്ടു വന്നടു​ക്കു​ന്തോ​റും നാം ദർശി​ക്കു​ന്നതു ജനസം​ഖ്യാ​പ​ര​വും പരിസ്ഥി​തി​പ​ര​വും സാങ്കേ​തി​ക​പ​ര​വു​മായ അവസ്ഥക​ളു​ടെ സ്ഥിരത​യി​ല്ലാത്ത ഒരു കൂടി​ക്കു​ഴ​യ​ലാണ്‌, ഇത്‌ അനേകരെ പ്രകൃ​തി​വി​പ​ത്തു​കൾക്കും മനുഷ്യ​നിർമി​ത​വി​പ​ത്തു​കൾക്കും കൂടുതൽ അടിമ​പ്പെ​ടാൻ ഇടയാ​ക്കും.”

വർത്തമാന സംഭവങ്ങൾ ശ്രദ്ധി​ക്കുന്ന ഒരാളും അത്തരം പ്രസ്‌താ​വ​ന​ക​ളിൽ അത്ഭുത​പ്പെ​ടാ​റില്ല. വാർത്താ​മാ​ധ്യ​മ​ങ്ങൾക്കു സംഭ്ര​മി​പ്പി​ക്കുന്ന സംഭവ​ങ്ങ​ളു​ടെ ദൗർല​ഭ്യം ഒരിക്ക​ലും നേരി​ടു​ന്നില്ല. അതു ചില​പ്പോൾ ഫിലി​പ്പീൻസി​ലെ അഗ്നിപർവത സ്‌ഫോ​ട​ന​മോ കാലി​ഫോർണി​യ​യി​ലെ ഭൂകമ്പ​മോ ബംഗ്ലാ​ദേ​ശി​ലെ പ്രളയ​മോ സൊമാ​ലി​യ​യി​ലെ ക്ഷാമമോ ഹവായി​യി​ലെ കൊടു​ങ്കാ​റേറാ നിക്കാ​രാ​ഗ്വ​യി​ലെ കടലാ​ക്ര​മ​ണ​മോ ഒക്കെയാ​കാം. ലോക​ത്തി​ന്റെ ഏതെങ്കി​ലു​മൊ​രു കോണിൽ സംഭവിച്ച ഒരു ദുരന്ത​ത്തി​ന്റെ റിപ്പോർട്ടി​ല്ലാത്ത ഒരു മാസം പോലു​മി​ല്ലെന്നു പറയാം.

ചിലയാ​ളു​കൾ ഇതു നിസ്സാ​ര​മാ​യി തള്ളിക്ക​ള​യു​ന്നു. നമ്മുടെ നാളിൽ വിപത്തു​കൾ വർധി​ച്ചി​ട്ടു​ണ്ടെന്നു തോന്നു​ന്നെ​ങ്കിൽ അതിനു കാരണം റിപ്പോർട്ടു ചെയ്യു​ന്ന​തിൽ അഥവാ രേഖ സൂക്ഷി​ക്കു​ന്ന​തിൽ നേടിയ കേവല പുരോ​ഗതി മാത്ര​മാ​ണെന്ന്‌ അവർ വാദി​ക്കു​ന്നു. ആളുകൾ കൂടു​ത​ലു​ള്ള​തു​കൊ​ണ്ടാ​ണു വിപത്തു​ക​ളാൽ കൂടുതൽ ആളുകൾ കഷ്ടപ്പെ​ടു​ന്നത്‌ എന്നുകൂ​ടി അവർ വാദി​ക്കു​ന്നു. ഈ വാദഗ​തി​കൾ കാര്യ​ങ്ങ​ളു​ടെ മുഴു​ചി​ത്ര​വും നൽകു​ന്നു​ണ്ടോ?

മുന്നമേ ഉദ്ധരിച്ച ന്യൂ സയൻറി​സ്‌ററ്‌ ലേഖന​ത്തിൽ കൂടു​ത​ലാ​യി പറഞ്ഞി​രി​ക്കു​ന്നതു ശ്രദ്ധി​ക്കുക. “1960-കളിൽ 523-ഉം 1970-കളിൽ 767-ഉം വിപത്തു​കൾ റിപ്പോർട്ടു ചെയ്‌തി​രു​ന്നു. 1980-കൾ ആയപ്പോ​ഴേ​ക്കും എണ്ണം 1387 ആയി.” തുടർന്ന്‌ അത്‌ ഇങ്ങനെ വിശദീ​ക​രി​ക്കു​ന്നു: “ചൈന​യി​ലെ​യും സോവി​യ​ററ്‌ യൂണി​യ​നി​ലെ​യും വിപത്തു​ക​ളെ​ക്കു​റി​ച്ചുള്ള കൂടുതൽ സത്യസ​ന്ധ​മായ റിപ്പോർട്ടു​കൾ ലഭിച്ചതു കഴിഞ്ഞ ദശകത്തിൽ പ്രകട​മായ വർധന​വിന്‌ ഒരു കാരണ​മാ​യി​പ്പ​റ​യാ​വു​ന്ന​താണ്‌.” എന്നിട്ട്‌ അത്‌ ഇങ്ങനെ കൂട്ടി​ച്ചേർക്കു​ന്നു: “എങ്കിൽക്കൂ​ടി എണ്ണം കൂടി​ക്കൊ​ണ്ടു​ത​ന്നെ​യി​രി​ക്കു​ക​യാണ്‌.” വിപത്തു​ക​ളു​ടെ എണ്ണത്തിൽ ഉണ്ടായി​ട്ടുള്ള കുത്ത​നെ​യുള്ള വർധനവു കേവലം റിപ്പോർട്ടു ചെയ്യു​ന്ന​തി​ലെ​യോ രേഖ സൂക്ഷി​ക്കു​ന്ന​തി​ലെ​യോ പുരോ​ഗ​തി​കൊ​ണ്ടു മാത്ര​മാ​ണെന്നു പറഞ്ഞു നിസ്സാ​ര​മാ​യി തള്ളിക്ക​ള​യാ​വു​ന്നതല്ല.

കൂടാതെ, “കഴിഞ്ഞ രണ്ടു ദശകങ്ങ​ളി​ലാ​യി പ്രകൃ​തി​വി​പ​ത്തു​കൾ വരുത്തി​വെച്ച ‘കെടു​തി​ക​ളും ദുരി​ത​ങ്ങ​ളും യാതന​ക​ളും’ നിമിത്തം ഏതാണ്ടു 30 ലക്ഷം ആളുകൾ മരിച്ചു, അതു മുഖാ​ന്തരം കഷ്ടപ്പെ​ട്ട​വ​രാ​ണെ​ങ്കി​ലോ 80 കോടി​യ​ല​ധി​കം വരും” എന്ന്‌ 1992 മാർച്ചി​ലെ യുഎൻ ക്രോ​ണി​ക്കിൾ റിപ്പോർട്ടു ചെയ്യുന്നു. ഇതിന്റെ അർഥം ഭൂമി​യിൽ ജീവി​ക്കുന്ന ഏഴു പേരിൽ ഒരാൾവീ​തം ഏതെങ്കി​ലും വിപത്തി​നോ ദുരന്ത​ത്തി​നോ ഇരയായി എന്നാണ്‌. അതു വാസ്‌ത​വ​ത്തിൽ അമ്പരപ്പി​ക്കു​ന്ന​തു​തന്നെ. ക്രമരാ​ഹി​ത്യ​ത്തി​ന്റെ​യും അസ്വസ്ഥ​ത​യു​ടെ​യും ഒരു കാലഘ​ട്ട​മാ​ണു നമ്മു​ടേത്‌ എന്നതിന്‌ ഒരു സംശയ​വും വേണ്ട.

കൊടും വേദന​ക​ളു​ടെ അത്തര​മൊ​രു കാലഘട്ടം ബൈബിൾ മുൻകൂ​ട്ടി​പ്പ​റ​യു​ന്ന​തു​കൊ​ണ്ടു വിപത്തു​കൾക്കും അവ ഉളവാ​ക്കുന്ന കഷ്ടങ്ങൾക്കും ഉത്തരവാ​ദി ദൈവ​മാ​ണെന്ന്‌ അതിനർഥ​മു​ണ്ടോ? അനേക​രും അങ്ങനെ​യാ​ണു ചിന്തി​ക്കു​ന്നത്‌. എന്നാൽ വസ്‌തു​തകൾ എന്താണു പ്രകട​മാ​ക്കു​ന്നത്‌? അതിലും പ്രധാ​ന​മാ​യി ബൈബിൾ എന്താണു പ്രകട​മാ​ക്കു​ന്നത്‌?

[2-ാം പേജിലെ ചിത്ര​ത്തി​നു കടപ്പാട്‌]

Cover: W. Faidley/Weatherstock

[3-ാം പേജിലെ ചിത്ര​ത്തി​നു കടപ്പാട്‌]

Middle photo: Mark Peters/Sipa Press

WHO/League of Red Cross