ഇവ വാസ്‌ത​വ​മാ​യും അന്ത്യനാ​ളു​ക​ളോ?

നിങ്ങൾ ഒരു വഞ്ചിയു​ടെ അണിയത്തു നിൽക്കു​ക​യാണ്‌. നദിയു​ടെ ദുഷ്‌ക​ര​മായ ഭാഗ​ത്തേക്കു പ്രവേ​ശി​ക്കു​ന്നു. ചീറി​പ്പ​ത​ഞ്ഞുള്ള ഒഴുക്ക്‌. കൂറ്റൻ പാറകൾ ദൃശ്യ​മാ​യി​വ​രു​ന്നു. അതിൽ ചെന്നു​ക​യ​റാ​തി​രി​ക്കാൻ നിങ്ങൾ ആഞ്ഞു തുഴയു​ക​യാണ്‌. നിങ്ങൾക്കു പിന്നിൽ അമരത്ത്‌ ഒരാളുണ്ട്‌, പക്ഷേ അയാൾക്ക്‌ അനുഭ​വ​പ​രി​ച​യ​മില്ല. ഗതി​കേ​ടി​നു നിങ്ങളു​ടെ പക്കൽ മാപ്പും ഇല്ല. അതു​കൊണ്ട്‌ ഈ ഒഴുക്കു ചെന്നവ​സാ​നി​ക്കു​ന്നതു ശാന്തമായ ഒരു ജലാശ​യ​ത്തി​ലോ വെള്ളച്ചാ​ട്ട​ത്തി​ലോ എന്നറി​യാൻ നിങ്ങൾക്കു യാതൊ​രു മാർഗ​വു​മില്ല.

രംഗം അത്ര പന്തിയല്ല, അല്ലേ? അതു​കൊ​ണ്ടു നമുക്ക​തി​നു മാറ്റം വരുത്താം. നിങ്ങ​ളോ​ടൊ​പ്പം അനുഭ​വ​സ​മ്പ​ന്ന​നായ ഒരു വഴികാ​ട്ടി​യു​ണ്ടെന്നു സങ്കൽപ്പി​ക്കുക. അയാൾക്കു നദിയി​ലുള്ള ഓരോ പാറയും നദിയു​ടെ ഓരോ തിരി​വും നിശ്ചയ​മുണ്ട്‌. പതഞ്ഞൊ​ഴുക്ക്‌ അടുത്തു​വ​രു​ന്നു​ണ്ടെ​ന്നും എവിടെ അവസാ​നി​ക്കും എന്നു​മെ​ല്ലാം അയാൾക്കു മുന്നമേ അറിയാം. മാത്ര​വു​മല്ല, വഞ്ചി എങ്ങനെ തുഴഞ്ഞു മുന്നോ​ട്ടു​കൊ​ണ്ടു​പോ​കാ​മെ​ന്നും അയാൾക്ക​റി​യാം. നിങ്ങൾക്കു കൂടുതൽ സുരക്ഷി​ത​ത്വം തോന്നു​ക​യി​ല്ലേ?

വാസ്‌ത​വ​ത്തിൽ, നാമെ​ല്ലാ​വ​രും സമാന​മാ​യൊ​രു വിഷമ​സ​ന്ധി​യി​ലാണ്‌. നമ്മുടെ കുറ്റം​കൊ​ണ്ട​ല്ലെ​ങ്കി​ലും, മനുഷ്യ ചരി​ത്ര​ത്തി​ലെ പരുക്കൻ കാലഘ​ട്ട​ത്തി​ലാണ്‌ നാം എത്തിയി​രി​ക്കു​ന്നത്‌. സംഗതി​കൾ എത്രനാൾ ഇതു​പോ​ലെ തുടരും, സ്ഥിതി​ഗ​തി​കൾ മെച്ച​പ്പെ​ടു​മോ, അതിനി​ട​യിൽ ഏറ്റം നന്നായി എങ്ങനെ അതിജീ​വി​ക്കാം എന്നിവ​യെ​ക്കു​റി​ച്ചൊ​ന്നും മിക്കവർക്കും ഒരു പിടി​യു​മില്ല. എന്നാൽ ഗതിമു​ട്ടി​യെ​ന്നോ നിസ്സഹാ​യ​രാ​യെ​ന്നോ നാം വിചാ​രി​ക്കേ​ണ്ട​തില്ല. നമ്മുടെ സ്രഷ്ടാവ്‌ ഒരു വഴികാ​ട്ടി​യെ പ്രദാനം ചെയ്‌തി​ട്ടുണ്ട്‌. അതു ചരി​ത്ര​ത്തി​ന്റെ ഈ ഇരുണ്ട ഘട്ടത്തെ​ക്കു​റി​ച്ചു മുൻകൂ​ട്ടി​പ്പ​റ​ഞ്ഞി​രു​ന്നു, അതെങ്ങനെ അവസാ​നി​ക്കു​മെന്നു മുൻകൂ​ട്ടി​പ്പ​റ​യു​ന്നു​വെന്നു മാത്രമല്ല, നമ്മുടെ അതിജീ​വ​ന​ത്തി​നാ​വ​ശ്യ​മായ മാർഗ​ദർശനം നൽകു​ക​യും ചെയ്യുന്നു. ആ വഴികാ​ട്ടി ഒരു ഗ്രന്ഥമാണ്‌. ബൈബിൾ. അതിന്റെ രചയി​താ​വായ യഹോ​വ​യാം ദൈവം സ്വയം വിശേ​ഷി​പ്പി​ക്കു​ന്നതു മഹാ​പ്ര​ബോ​ധകൻ എന്നാണ്‌. യെശയ്യാ​വി​ലൂ​ടെ അവൻ ഉറപ്പേ​കി​ക്കൊ​ണ്ടു പറയുന്നു: “നിങ്ങൾ വലത്തോ​ട്ടോ ഇടത്തോ​ട്ടോ തിരി​യു​മ്പോൾ: വഴി ഇതാകു​ന്നു, ഇതിൽ നടന്നു​കൊൾവിൻ എന്നൊരു വാക്കു പിറകിൽനി​ന്നു കേൾക്കും.” (യെശയ്യാ​വു 30:20, 21) നിങ്ങൾ അത്തരം മാർഗ​ദർശനം സ്വാഗതം ചെയ്യു​മോ? എങ്കിൽ നമ്മുടെ നാളുകൾ എങ്ങനെ​യാ​യി​രി​ക്കും എന്നു ബൈബിൾ യഥാർഥ​ത്തിൽ മുൻകൂ​ട്ടി​പ്പ​റ​ഞ്ഞി​രു​ന്നോ എന്നു നമുക്കു പരി​ശോ​ധി​ക്കാം.

യേശു​വി​ന്റെ അനുഗാ​മി​കൾ അർഥവ​ത്തായ ഒരു ചോദ്യം ചോദി​ക്കു​ന്നു

യേശു​വി​ന്റെ അനുഗാ​മി​കൾ ആശ്ചര്യ​പ്പെ​ട്ടി​രി​ക്കണം. യെരൂ​ശ​ലേ​മി​ലെ പ്രൗഢ​ഗം​ഭീ​ര​മായ ആലയസ​മു​ച്ചയം പൂർണ​മാ​യും നശിപ്പി​ക്ക​പ്പെ​ടു​മെന്നു വ്യക്തമായ ഭാഷയിൽ യേശു അവരോ​ടു പറഞ്ഞതേ ഉണ്ടായി​രു​ന്നു​ള്ളൂ! അത്തര​മൊ​രു പ്രവചനം വിസ്‌മ​യാ​വ​ഹം​തന്നെ. അൽപ്പം കഴിഞ്ഞ്‌ അവർ ഒലീവു മലയിൽ ഇരിക്കു​മ്പോൾ, ശിഷ്യ​ന്മാ​രിൽ നാലു പേർ യേശു​വി​നോ​ടു ചോദി​ച്ചു: “ഇവ എപ്പോ​ഴാ​യി​രി​ക്കു​മെ​ന്നും നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കു​മെ​ന്നും ഞങ്ങളോ​ടു പറഞ്ഞാ​ലും.” (മത്തായി 24:3, NW; മർക്കൊസ്‌ 13:1-4) അവർ അതു തിരി​ച്ച​റി​ഞ്ഞോ ഇല്ലയോ എന്നറി​യി​ല്ലെ​ങ്കി​ലും യേശു​വി​ന്റെ ഉത്തരം ഒന്നില​ധി​കം സംഗതി​കൾക്കു ബാധക​മാ​കു​ന്ന​താ​യി​രു​ന്നു.

യെരൂ​ശ​ലേം ആലയത്തി​ന്റെ നാശവും യഹൂദ വ്യവസ്ഥി​തി​യു​ടെ അന്ത്യവും, അതു​പോ​ലെ​തന്നെ ക്രിസ്‌തു​വി​ന്റെ സാന്നി​ധ്യ​വും മുഴു​ലോക വ്യവസ്ഥി​തി​യു​ടെ​യും നാശവും സംഭവി​ക്കേ​ണ്ടി​യി​രു​ന്നത്‌ ഒരേ സമയത്ത​ല്ലാ​യി​രു​ന്നു. എന്നിരു​ന്നാ​ലും, തന്റെ ദീർഘ​മായ ഉത്തരത്തിൽ, യേശു ചോദ്യ​ത്തി​ന്റെ എല്ലാ വശങ്ങൾക്കും വിദഗ്‌ധ​മാ​യി ഉത്തരം നൽകി. യെരൂ​ശ​ലേ​മി​ന്റെ നാശത്തി​നു മുമ്പുള്ള സ്ഥിതി​വി​ശേഷം എന്തായി​രി​ക്കു​മെന്ന്‌ അവൻ അവരോ​ടു പറഞ്ഞു; താൻ സ്വർഗ​ത്തിൽ രാജാ​വാ​യി വാഴു​ക​യും മുഴു ലോക​വ്യ​വ​സ്ഥി​തി​യെ​യും അവസാ​നി​പ്പി​ക്കാൻ പോകു​ക​യും ചെയ്യുന്ന തന്റെ സാന്നി​ധ്യ​കാ​ലത്ത്‌ ലോക​ത്തി​ന്റെ സ്ഥിതി​വി​ശേഷം എന്തായി​രി​ക്കു​മെന്നു പ്രതീ​ക്ഷി​ക്ക​ണ​മെ​ന്നും അവൻ അവരോ​ടു പറഞ്ഞു.

യെരൂ​ശ​ലേ​മി​ന്റെ അന്ത്യം

യേശു യെരൂ​ശ​ലേ​മി​നെ​യും അതിലെ ആലയ​ത്തെ​യും കുറിച്ചു പറഞ്ഞത്‌ എന്തെന്ന്‌ ആദ്യം പരിചി​ന്തി​ക്കുക. മൂന്നു പതിറ്റാ​ണ്ടി​ലേറെ മുമ്പു​തന്നെ, അവൻ ലോക​ത്തി​ലെ ഏറ്റവും വലിയ നഗരങ്ങ​ളി​ലൊ​ന്നി​നു ഭയങ്കര പ്രയാ​സ​സ​മയം വരു​മെന്നു മുൻകൂ​ട്ടി​പ്പ​റഞ്ഞു. ലൂക്കൊസ്‌ 21:20, 21-ൽ രേഖ​പ്പെ​ടു​ത്തി​യി​രി​ക്കുന്ന അവന്റെ വാക്കുകൾ വിശേ​ഷാൽ ശ്രദ്ധി​ക്കുക: “സൈന്യ​ങ്ങൾ യെരൂ​ശ​ലേ​മി​നെ വളഞ്ഞി​രി​ക്കു​ന്നതു കാണു​മ്പോൾ അതിന്റെ ശൂന്യ​കാ​ലം അടുത്തി​രി​ക്കു​ന്നു എന്നു അറിഞ്ഞു​കൊൾവിൻ. അന്നു യെഹൂ​ദ്യ​യി​ലു​ള്ളവർ മലകളി​ലേക്കു ഓടി​പ്പോ​കട്ടെ; അതിന്റെ നടുവി​ലു​ള്ളവർ പുറ​പ്പെ​ട്ടു​പോ​കട്ടെ; നാട്ടു​പു​റ​ങ്ങ​ളി​ലു​ള്ളവർ അതിൽ കടക്കരു​തു.” പാളയ​മ​ടി​ച്ചി​രി​ക്കുന്ന സൈന്യം യെരൂ​ശ​ലേ​മി​നെ വളഞ്ഞി​രി​ക്കു​മ്പോൾ “അതിന്റെ നടുവി​ലു​ള്ളവർ”ക്കു യേശു​ക്രി​സ്‌തു കൽപ്പി​ച്ച​തു​പോ​ലെ എങ്ങനെ​യാ​ണു “പുറ​പ്പെ​ട്ടു​പോ​കാ”നാകുക? വ്യക്തമാ​യും, അവസര​ത്തി​ന്റെ ഒരു വാതാ​യനം തുറന്നു​കി​ട്ടു​മെ​ന്നാ​യി​രു​ന്നു യേശു അർഥമാ​ക്കി​യത്‌. അതു സംഭവി​ച്ചു​വോ?

പൊ.യു. (പൊതു​യു​ഗം) 66-ൽ, സെസ്റ്റ്യസ്‌ ഗാലസി​നു കീഴിൽ റോമാ സൈന്യം യഹൂദ കലാപ​കാ​രി​കളെ യെരൂ​ശ​ലേ​മി​ലേക്കു തിരി​ച്ചോ​ടിച്ച്‌ നഗരത്തി​ന​കത്ത്‌ തളച്ചി​ട്ടി​രു​ന്നു. നഗരത്തി​ലേക്കു പിന്നെ​യും മുന്നേ​റിയ റോമാ സൈന്യം ആലയമ​തിൽവരെ എത്തി. എന്നാൽ ശരിക്കും അന്ധാളി​പ്പി​ക്കുന്ന ഒരു സംഗതി ചെയ്യാ​നാ​യി​രു​ന്നു തുടർന്നു ഗാലസ്‌ സൈന്യ​ത്തോ​ടു പറഞ്ഞത്‌. പിൻവാ​ങ്ങാ​നുള്ള കൽപ്പന! പിൻവാ​ങ്ങി​പ്പോ​കുന്ന റോമാ സൈന്യ​ത്തെ യഹൂദ പടയാ​ളി​കൾ ആഹ്ലാദ​ത്തി​മിർപ്പിൽ പിന്തു​ടർന്ന്‌ അവർക്കു നാശന​ഷ്ടങ്ങൾ വരുത്തി. അങ്ങനെ, യേശു മുൻകൂ​ട്ടി​പ്പ​റ​ഞ്ഞി​രുന്ന അവസര​ത്തി​ന്റേ​തായ വാതാ​യനം തുറന്നു​കി​ട്ടി. അവന്റെ മുന്നറി​യിപ്പ്‌ അനുസ​രിച്ച സത്യ​ക്രി​സ്‌ത്യാ​നി​കൾ യെരൂ​ശ​ലേ​മിൽനി​ന്നു പുറത്തു​ക​ടന്നു. ഇതു ബുദ്ധി​പൂർവ​ക​മായ തീരു​മാ​ന​മാ​യി​രു​ന്നു, കാരണം കേവലം നാലു​വർഷം കഴിഞ്ഞ​പ്പോൾ, സൈന്യാ​ധി​പ​നായ ടൈറ്റ​സി​ന്റെ കീഴിൽ റോമാ സൈന്യം തിരി​ച്ചെത്തി. ഇപ്രാ​വ​ശ്യം രക്ഷപ്പെടൽ സാധ്യ​മാ​യി​രു​ന്നില്ല.

റോമാ സൈന്യം യെരൂ​ശ​ലേ​മി​നെ പിന്നെ​യും വളഞ്ഞു; അവർ അതിനു​ചു​റ്റും പത്തലുകൾ നാട്ടി ഉപരോ​ധം ഏർപ്പെ​ടു​ത്തി. യെരൂ​ശ​ലേ​മി​നെ​ക്കു​റിച്ച്‌ യേശു ഇങ്ങനെ പ്രവചി​ച്ചി​രു​ന്നു: “ശത്രുക്കൾ നിനക്കു​ചു​റ്റും പാളയ​മ​ടി​ച്ചു നിന്നെ വളയു​ക​യും, എല്ലാ ഭാഗത്തും​നി​ന്നു നിന്നെ ഞെരു​ക്കു​ക​യും ചെയ്യുന്ന ദിവസങ്ങൾ വരും.”a (ലൂക്കൊസ്‌ 19:43, പി.ഒ.സി. ബൈബിൾ) അധികം താമസി​യാ​തെ​തന്നെ യെരൂ​ശ​ലേം വീണു; അതിന്റെ മഹനീയ ആലയം ചാരക്കൂ​മ്പാ​ര​മാ​യി മാറി. യേശു​വി​ന്റെ വാക്കുകൾ അതിന്റെ സകല വിശദാം​ശ​ത്തി​ലും നിറ​വേറി!

എന്നിരു​ന്നാ​ലും, യെരൂ​ശ​ലേ​മി​ന്റെ നാശ​ത്തെ​ക്കാൾ വളരെ​യ​ധി​കം കാര്യങ്ങൾ യേശു​വി​ന്റെ മനസ്സി​ലു​ണ്ടാ​യി​രു​ന്നു. അവന്റെ സാന്നി​ധ്യ​ത്തി​ന്റെ അടയാ​ള​ത്തെ​ക്കു​റി​ച്ചും അവന്റെ ശിഷ്യ​ന്മാർ ചോദി​ച്ചി​രു​ന്നു. അവർക്ക്‌ അതിന്റെ വ്യാപ്‌തി​യെ​ക്കു​റിച്ച്‌ അന്ന്‌ അറിയാ​മാ​യി​രു​ന്നി​ല്ലെ​ങ്കി​ലും യേശു സ്വർഗ​ത്തിൽ രാജാ​വാ​യി വാഴി​ക്ക​പ്പെ​ടുന്ന സമയത്തെ അതു പരാമർശി​ച്ചു. അവൻ എന്തു മുൻകൂ​ട്ടി​പ്പ​റഞ്ഞു?

അന്ത്യനാ​ളു​ക​ളിൽ യുദ്ധം

നിങ്ങൾ മത്തായി 24, 25 അധ്യാ​യ​ങ്ങ​ളും മർക്കൊസ്‌ 13-ാം അധ്യാ​യ​വും ലൂക്കൊസ്‌ 21-ാം അധ്യാ​യ​വും വായി​ക്കു​ന്നെ​ങ്കിൽ, യേശു​ക്രി​സ്‌തു നമ്മുടെ സ്വന്തം കാലഘ​ട്ട​ത്തെ​ക്കു​റി​ച്ചു പറയു​ക​യാ​യി​രു​ന്നു​വെ​ന്ന​തി​നു നിങ്ങൾക്കു സുവ്യ​ക്ത​മായ തെളിവു കിട്ടും. മനുഷ്യ ചരി​ത്രത്തെ എല്ലായ്‌പോ​ഴും കളങ്ക​പ്പെ​ടു​ത്തി​യി​ട്ടുള്ള കേവലം “യുദ്ധങ്ങ​ളെ​യും യുദ്ധ​ശ്രു​തി​ക​ളെ​യും” കുറിച്ചല്ല, യുദ്ധങ്ങ​ളു​ടെ ഒരു കാലഘ​ട്ട​ത്തെ​ക്കു​റിച്ച്‌, ‘ജാതി ജാതി’ക്കെതി​രെ​യും ‘രാജ്യം രാജ്യത്തി’നെതി​രെ​യും തിരി​ഞ്ഞി​രി​ക്കുന്ന യുദ്ധങ്ങ​ളെ​ക്കു​റിച്ച്‌—അതേ, സാർവ​ദേ​ശീയ യുദ്ധങ്ങ​ളെ​ക്കു​റിച്ച്‌—അവൻ മുൻകൂ​ട്ടി​പ്പ​റഞ്ഞു.—മത്തായി 24:6-8.

നമ്മുടെ നൂറ്റാ​ണ്ടിൽ യുദ്ധങ്ങൾക്ക്‌ എങ്ങനെ മാറ്റം​ഭ​വി​ച്ചി​രി​ക്കു​ന്നു​വെന്ന്‌ ഒരു നിമിഷം ചിന്തി​ക്കുക. യുദ്ധം എതിരി​ടുന്ന രണ്ടു രാഷ്‌ട്ര​ങ്ങളെ പ്രതി​നി​ധാ​നം ചെയ്യുന്ന സൈന്യ​ങ്ങൾ തമ്മിലുള്ള ഏറ്റുമു​ട്ട​ലാ​യി​രുന്ന കാലത്ത്‌, യുദ്ധസ്ഥ​ലത്ത്‌ വാളു​കൾകൊ​ണ്ടു പരസ്‌പരം വെട്ടു​ന്ന​തോ വെടി​വെ​ക്കു​ന്ന​തോ പോലും ഭയാന​ക​മാ​യി​രു​ന്നു. എന്നാൽ 1914-ൽ മഹായു​ദ്ധം പൊട്ടി​പ്പു​റ​പ്പെട്ടു. ‘മുൻപേ ഗമിച്ചീ​ടിന ഗോവു​തന്റെ പിൻപേ ഗമിക്കും ബഹു​ഗോ​ക്ക​ളെ​ല്ലാം’ എന്നു പറയു​ന്ന​മാ​തി​രി, രാഷ്‌ട്രങ്ങൾ ഒന്നിനു പുറകേ ഒന്നായി അഗ്നി​പ്ര​ള​യ​ത്തി​ലാ​ണ്ടു. അങ്ങനെ അത്‌ ആദ്യത്തെ ആഗോള യുദ്ധമാ​യി. അധിക​മ​ധി​കം ആളുകളെ കൂടു​തൽക്കൂ​ടു​തൽ അകലത്തിൽനി​ന്നു​കൊ​ണ്ടു കൊല്ലു​ന്ന​തി​നു സ്വയം പ്രവർത്തക ആയുധങ്ങൾ രൂപകൽപ്പന ചെയ്‌തു. ഭയങ്കര കാര്യ​ക്ഷ​മ​ത​യോ​ടെ വെടി​യു​ണ്ടകൾ വർഷിച്ച യന്ത്ര​ത്തോ​ക്കു​കൾ; ആളുകളെ ചുട്ടെ​രി​ക്കു​ക​യും കൊടും​വേ​ദ​ന​യി​ലാ​ഴ്‌ത്തു​ക​യും അനേകർക്ക്‌ അംഗ​വൈ​ക​ല്യം വരുത്തു​ക​യും ആയിര​ക്ക​ണ​ക്കി​നു പടയാ​ളി​കളെ കൊ​ന്നൊ​ടു​ക്കു​ക​യും ചെയ്‌ത മസ്റ്റാർഡ്‌ ഗ്യാസ്‌; തീതു​പ്പി​ക്കൊണ്ട്‌ ശത്രു​നി​ര​ക​ളി​ലൂ​ടെ നിർദാ​ക്ഷി​ണ്യം നീങ്ങിയ ടാങ്കുകൾ; യുദ്ധരം​ഗ​ത്തേക്കു കന്നി​പ്ര​വേശം നടത്തിയ വിമാ​ന​ങ്ങ​ളും അന്തർവാ​ഹി​നി​ക​ളും; ഇവയെ​ല്ലാം സംഭവി​ക്കാ​നി​രു​ന്ന​വ​യു​മാ​യുള്ള താരത​മ്യ​ത്തിൽ കേവലം മുന്നോ​ടി​കൾ മാത്ര​മാ​യി​രു​ന്നു.

ഭാവന​യ്‌ക്ക്‌ അതീത​മായ കാര്യ​ങ്ങ​ളാ​യി​രു​ന്നു രണ്ടാം ലോക​മ​ഹാ​യു​ദ്ധ​ത്തിൽ അരങ്ങേ​റി​യത്‌—കോടി​ക്ക​ണ​ക്കി​നാ​ളു​കളെ കശാപ്പു​ചെയ്‌ത ഈ യുദ്ധം അതിന്റെ മുൻഗാ​മി​യെ ശരിക്കും കടത്തി​വെട്ടി. ഏതാണ്ട്‌ ഒരു ഒഴുകുന്ന നഗര​മെന്നു പറയാ​വുന്ന കൂറ്റൻ വിമാ​ന​വാ​ഹി​നി കപ്പലുകൾ സമു​ദ്ര​ത്തിൽ സ്വൈ​ര​വി​ഹാ​രം നടത്തി. അവയിൽനിന്ന്‌ ഉയർന്ന യുദ്ധവി​മാ​നങ്ങൾ ശത്രു​ല​ക്ഷ്യ​ങ്ങ​ളിൽ മരണം വർഷിച്ചു. അന്തർവാ​ഹി​നി​കൾ ശത്രു​വി​ന്റെ കപ്പലു​കൾക്കു ടോർപി​ഡോ വെച്ചു. അണു​ബോം​ബു​കൾ വർഷി​ക്ക​പ്പെട്ടു. ഓരോ പ്രാവ​ശ്യ​വും അത്‌ ആയിര​ക്ക​ണ​ക്കിന്‌ ആളുകളെ കൊന്നു! യേശു പ്രവചി​ച്ചി​രു​ന്ന​തു​പോ​ലെ, യുദ്ധകാ​ല​ഘ​ട്ട​ത്തി​ന്റെ അടയാ​ള​മാ​യി “ഭയങ്കര​കാ​ഴ്‌ച​ക​ളും” തീർച്ച​യാ​യു​മു​ണ്ടാ​യി​രു​ന്നു.—ലൂക്കൊസ്‌ 21:11.

രണ്ടാം ലോക​മ​ഹാ​യു​ദ്ധ​ത്തി​നു​ശേഷം യുദ്ധം കുറഞ്ഞി​ട്ടു​ണ്ടോ? അശേഷ​മില്ല. ചില​പ്പോൾ ഒരൊറ്റ വർഷത്തിൽത്തന്നെ ഡസൻക​ണ​ക്കി​നു യുദ്ധങ്ങൾ നടക്കുന്നു—1990-കളുടെ ഈ പതിറ്റാ​ണ്ടിൽത്തന്നെ ലക്ഷക്കണ​ക്കി​നാ​ളു​ക​ളു​ടെ ജീവൻ ഒടുങ്ങി. യുദ്ധങ്ങ​ളിൽ സാധാ​ര​ണ​മാ​യി ഇരയാ​കു​ന്ന​വ​രു​ടെ കാര്യ​ത്തി​ലും മാറ്റം വന്നിട്ടുണ്ട്‌. മുഖ്യ​മാ​യും പടയാ​ളി​കളല്ല കൊല്ല​പ്പെ​ടു​ന്നത്‌. വാസ്‌ത​വ​ത്തിൽ ഇന്ന്‌ യുദ്ധഹ​ത​ന്മാർ 90 ശതമാ​ന​ത്തി​ല​ധി​ക​വും സാധാരണ പൗരന്മാ​രാണ്‌.

അടയാ​ള​ത്തി​ന്റെ മറ്റു സവി​ശേ​ഷ​ത​കൾ

യേശു പറഞ്ഞ അടയാ​ള​ത്തി​ന്റെ ഒരു വശം മാത്ര​മാണ്‌ യുദ്ധം. “ഭക്ഷ്യക്ഷാ​മങ്ങൾ” ഉണ്ടായി​രി​ക്കു​മെ​ന്നും അവൻ മുൻകൂ​ട്ടി​പ്പ​റ​ഞ്ഞി​രു​ന്നു. (മത്തായി 24:7, NW) അതും സംഭവി​ച്ചു. വിരോ​ധാ​ഭാ​സം​തന്നെ, കാരണം കാർഷിക ശാസ്‌ത്രം മനുഷ്യ ചരി​ത്ര​ത്തി​ലെ​ന്ന​ത്തെ​ക്കാ​ളും കൂടുതൽ പുരോ​ഗതി നേടി​യി​ട്ടു​ള്ള​തി​നാൽ സകല മനുഷ്യ​വർഗ​ത്തെ​യും തീറ്റി​പ്പോ​റ്റാൻ ആവശ്യ​മാ​യ​തി​ല​ധി​കം ഭക്ഷണം ഭൂമി ഉത്‌പാ​ദി​പ്പി​ക്കു​ന്നുണ്ട്‌. മാത്ര​മോ ലോക​ത്തി​ന്റെ ഏതു കോണി​ലും അവ കൊ​ണ്ടെ​ത്തി​ക്കാൻ തക്കവണ്ണം വേഗത​യും കാര്യ​ക്ഷ​മ​ത​യു​മുള്ള ഗതാഗ​ത​മാർഗ​ങ്ങ​ളു​മുണ്ട്‌. എന്നിട്ടും ലോക​ത്തി​ലെ ജനങ്ങളിൽ അഞ്ചി​ലൊ​ന്നു ദിവസേന പട്ടിണി​യി​ലാണ്‌.

“മഹാവ്യാ​ധി​ക​ളും അവിട​വി​ടെ ഉണ്ടാകു”മെന്നും യേശു മുൻകൂ​ട്ടി​പ്പ​റഞ്ഞു. (ലൂക്കൊസ്‌ 21:11) ഇവി​ടെ​യും, നമ്മുടെ യുഗം ഒരു അസാധാ​രണ വിരോ​ധാ​ഭാ​സ​ത്തി​നു സാക്ഷ്യം വഹിച്ചി​രി​ക്കു​ന്നു. പൂർവാ​ധി​കം മെച്ചപ്പെട്ട വൈദ്യ​സം​ര​ക്ഷണം, സാങ്കേ​തിക വിപ്ലവങ്ങൾ, സാധാ​ര​ണ​മായ അനേകം രോഗങ്ങൾ തടയു​ന്ന​തി​നുള്ള പ്രതി​രോധ മരുന്നു​കൾ. എന്നിട്ടും പകർച്ച​വ്യാ​ധി​കൾ പൂർവാ​ധി​കം ശക്തിയിൽത്തന്നെ. ഒന്നാം ലോക​മ​ഹാ​യു​ദ്ധ​ത്തിൽ കൊല്ല​പ്പെ​ട്ട​വ​രെ​ക്കാൾ കൂടുതൽ ആളുകളെ അതിനു പിന്നാലെ എത്തിയ സ്‌പാ​നിഷ്‌ ഇൻഫ്‌ളു​വൻസ കൊ​ന്നൊ​ടു​ക്കി. ഈ പകർച്ച​വ്യാ​ധി​യു​ടെ കാഠി​ന്യം ഭയാന​ക​മാ​യി​രു​ന്നു, കാരണം ന്യൂ​യോർക്കു പോലുള്ള നഗരങ്ങ​ളിൽ കേവലം ഒന്നു തുമ്മി​യാൽ പിഴ ഒടു​ക്കേ​ണ്ടി​വ​രു​ക​യോ ജയിലിൽ പോകു​ക​യോ ചെയ്യണ​മാ​യി​രു​ന്നു! ഇന്ന്‌, അർബു​ദ​വും ഹൃ​ദ്രോ​ഗ​ങ്ങ​ളും വർഷം​തോ​റും ലക്ഷക്കണ​ക്കിന്‌ ആളുക​ളു​ടെ ജീവൻ അപഹരി​ക്കു​ന്നുണ്ട്‌—ശരിക്കും മഹാവ്യാ​ധി​കൾതന്നെ. കൂടാതെ ആളുകളെ കൊ​ന്നൊ​ടു​ക്കു​ന്ന​തിൽ തുടരുന്ന എയ്‌ഡ്‌സി​നെ തടയാൻ അടിസ്ഥാ​ന​പ​ര​മാ​യി വൈദ്യ​ശാ​സ്‌ത്ര​ത്തി​നു കഴിഞ്ഞി​ട്ടില്ല.

യേശു അന്ത്യനാ​ളു​ക​ളെ​ക്കു​റി​ച്ചു ചർച്ച​ചെ​യ്‌തത്‌ ഏറിയ​കൂ​റും വ്യാപ​ക​മായ ചരിത്ര, രാഷ്‌ട്രീയ അവസ്ഥക​ളു​മാ​യി ബന്ധപ്പെ​ടു​ത്തി​യാ​ണെ​ങ്കിൽ, പൗലൊസ്‌ അപ്പോ​സ്‌തലൻ കൂടുതൽ ശ്രദ്ധ കേന്ദ്രീ​ക​രി​ച്ചത്‌ സാമൂ​ഹിക പ്രശ്‌ന​ങ്ങ​ളി​ലും പ്രബല​മായ മനോ​ഭാ​വ​ങ്ങ​ളി​ലു​മാണ്‌. അവൻ എഴുതി​യ​തി​ന്റെ ഒരു ഭാഗം ഇങ്ങനെ പറയുന്നു: “അന്ത്യകാ​ലത്തു ദുർഘ​ട​സ​മ​യങ്ങൾ വരും എന്നറിക. മനുഷ്യർ സ്വസ്‌നേ​ഹി​ക​ളും . . . അശുദ്ധ​രും വാത്സല്യ​മി​ല്ലാ​ത്ത​വ​രും ഇണങ്ങാ​ത്ത​വ​രും . . . അജി​തേ​ന്ദ്രി​യ​ന്മാ​രും ഉഗ്രന്മാ​രും സൽഗു​ണ​ദ്വേ​ഷി​ക​ളും ദ്രോ​ഹി​ക​ളും ധാർഷ്ട്യ​ക്കാ​രും നിഗളി​ക​ളു​മാ​യി ദൈവ​പ്രി​യ​മി​ല്ലാ​തെ ഭോഗ​പ്രി​യ​രാ​യി ഭക്തിയു​ടെ വേഷം ധരിച്ചു അതിന്റെ ശക്തി ത്യജി​ക്കു​ന്ന​വ​രു​മാ​യി​രി​ക്കും.”—2 തിമൊ​ഥെ​യൊസ്‌ 3:1-5.

ആ വാക്കുകൾ നിങ്ങൾക്കു സുപരി​ചി​ത​മാ​യി തോന്നു​ന്നു​ണ്ടോ? ഇന്നത്തെ ലോക​ത്തി​ലെ സാമൂ​ഹിക അധഃപ​ത​ന​ത്തി​ന്റെ ഒരു വശം മാത്രം പരിചി​ന്തി​ക്കുക—കുടുംബ ശിഥി​ലീ​ക​രണം. തകരുന്ന കുടും​ബ​ങ്ങ​ളു​ടെ​യും, മർദി​ക്ക​പ്പെ​ടുന്ന ഇണകളു​ടെ​യും ദുഷ്‌പെ​രു​മാ​റ്റ​ത്തി​നു വിധേ​യ​രാ​കുന്ന കുട്ടി​ക​ളു​ടെ​യും അവഗണി​ക്ക​പ്പെ​ടുന്ന വൃദ്ധ മാതാ​പി​താ​ക്ക​ളു​ടെ​യും സംഖ്യ ഭയങ്കരം​തന്നെ. ആളുകൾ “വാത്സല്യ​മി​ല്ലാ​ത്ത​വ​രും” “ഉഗ്രന്മാ​രും” “ദ്രോ​ഹി​ക​ളും” “സൽഗു​ണ​ദ്വേ​ഷി​ക​ളും” ആണെന്ന്‌ ഇത്‌ എത്ര നന്നായി പ്രകട​മാ​ക്കു​ന്നു! അതേ, ഒരു പകർച്ച​വ്യാ​ധി​പോ​ലെ​യാ​ണു നാമിന്ന്‌ ഈ സ്വഭാ​വ​വി​ശേ​ഷങ്ങൾ കാണു​ന്നത്‌.

മുൻകൂ​ട്ടി​പ്പ​റ​ഞ്ഞി​രി​ക്കു​ന്നത്‌ നമ്മുടെ തലമു​റ​യെ​യാ​ണോ?

എന്നിരു​ന്നാ​ലും, നിങ്ങൾ ചിന്തി​ച്ചേ​ക്കാം, ‘മനുഷ്യ​വർഗ​ത്തിന്‌ ഈ അവസ്ഥകൾ എന്നും ദുരി​തങ്ങൾ സൃഷ്ടി​ച്ചി​ട്ടി​ല്ലേ? ഈ പുരാതന പ്രവച​ന​ങ്ങ​ളിൽ മുൻകൂ​ട്ടി​പ്പ​റ​ഞ്ഞി​രി​ക്കു​ന്നതു നമ്മുടെ ആധുനിക തലമു​റ​യെ​ത്ത​ന്നെ​യാ​ണെന്നു നമുക്ക്‌ എങ്ങനെ അറിയാം?’ യേശു നമ്മുടെ നാളു​ക​ളെ​ക്കു​റി​ച്ചു സംസാ​രി​ക്കു​ക​യാ​ണെന്നു തെളി​യി​ക്കു​ന്ന​തി​നു നമുക്കു മൂന്നു​നിര തെളി​വു​കൾ പരിചി​ന്തി​ക്കാം.

ഒന്ന്‌, യെരൂ​ശ​ലേ​മി​ന്റെ​യും അതിലെ ആലയത്തി​ന്റെ​യും നാശത്തിൽ ഭാഗി​ക​മായ, ആദ്യകാല നിവൃ​ത്തി​യു​ണ്ടാ​യി​രു​ന്നെ​ങ്കി​ലും, യേശു​വി​ന്റെ വാക്കുകൾ തീർച്ച​യാ​യും ആ നാളു​കൾക്കു​മ​പ്പു​റ​മുള്ള ഭാവി​യി​ലേക്കു വിരൽ ചൂണ്ടി. ആ കൊടിയ വിപത്തിൽ യെരൂ​ശ​ലേം നശിച്ച്‌ ഏതാണ്ട്‌ 30 വർഷം കഴിഞ്ഞ​പ്പോൾ, ലോക​വ്യാ​പ​ക​മാ​യി സംഭവി​ക്കേ​ണ്ടി​യി​രുന്ന യുദ്ധം, ക്ഷാമം, മഹാവ്യാ​ധി​കൾ, തത്‌ഫ​ല​മാ​യുള്ള മരണം എന്നിങ്ങ​നെ​യുള്ള അവസ്ഥകൾ പ്രവച​ന​രൂ​പ​ത്തിൽ അവതരി​പ്പി​ക്കുന്ന ഒരു ദർശനം യേശു വൃദ്ധനായ യോഹ​ന്നാൻ അപ്പോ​സ്‌ത​ലനു നൽകി. അതേ, ഈ അരിഷ്ട​തകൾ ഏതെങ്കി​ലും ഒരു പ്രദേ​ശത്തു മാത്രമല്ല, മുഴു“ഭൂമി”യിലും സംഭവി​ക്കു​മാ​യി​രു​ന്നു.—വെളി​പ്പാ​ടു 6:2-8.

രണ്ട്‌, അങ്ങേയ​റ്റത്തെ വ്യാപ്‌തി​യെന്നു പറയാ​വുന്ന അളവി​ലാണ്‌ യേശു​വി​ന്റെ അടയാ​ള​ത്തി​ന്റെ ചില സവി​ശേ​ഷ​തകൾ ഈ നൂറ്റാ​ണ്ടിൽ നിറ​വേ​റി​ക്കൊ​ണ്ടി​രി​ക്കു​ന്നത്‌. ഉദാഹ​ര​ണ​ത്തിന്‌, 1914 മുതൽ സംഭവി​ച്ചി​രി​ക്കു​ന്ന​തി​നെ​ക്കാൾ മോശ​മായ യുദ്ധങ്ങൾക്ക്‌ ഇനിയും സാധ്യ​ത​യു​ണ്ടോ? ഒരു മൂന്നാം ലോക മഹായു​ദ്ധം സംഭവി​ക്കു​ന്നെ​ങ്കിൽ, ഇന്നത്തെ എല്ലാ ന്യൂക്ലി​യർ ശക്തിക​ളും തങ്ങളുടെ ആയുധങ്ങൾ പ്രയോ​ഗി​ക്കു​ന്നെ​ങ്കിൽ, ഈ ഭൂമി കത്തിച്ചാ​മ്പ​ലായ ഒരു പാഴ്‌നി​ല​മാ​യി​ത്തീർന്നേ​ക്കാം—ഡോഡോ പക്ഷി​യെ​പ്പോ​ലെ മനുഷ്യ​രാ​ശി​ക്കും വർഗനാ​ശം സംഭവി​ക്കാം. അതു​പോ​ലെ​തന്നെ, രാഷ്‌ട്രങ്ങൾ “കോപി”ക്കുന്ന ഈ നാളു​ക​ളിൽ മനുഷ്യ​വർഗം “ഭൂമിയെ നശിപ്പി”ച്ചുകൊ​ണ്ടി​രി​ക്കു​മെന്നു വെളി​പ്പാ​ടു 11:18 മുൻകൂ​ട്ടി​പ്പ​റഞ്ഞു. ചരി​ത്ര​ത്തി​ലാ​ദ്യ​മാ​യി, പരിസ്ഥി​തി​യു​ടെ മലിനീ​ക​ര​ണ​വും അവശോ​ഷ​ണ​വും ഇപ്പോൾ ഈ ഗ്രഹത്തി​ന്റെ നിവാ​സ​യോ​ഗ്യ​ത​യെ​ത്തന്നെ ഭീഷണി​പ്പെ​ടു​ത്തു​ക​യാണ്‌! അതു​കൊണ്ട്‌, ഈ സവി​ശേ​ഷ​ത​യും അതിന്റെ അങ്ങേയ​റ്റത്തെ അളവി​ലോ അതിന​ടു​ത്തോ നിറ​വേ​റി​ക്കൊ​ണ്ടി​രി​ക്കു​ക​യാണ്‌. മനുഷ്യൻ തന്നെത്ത​ന്നെ​യും ഈ ഗ്രഹ​ത്തെ​യും നശിപ്പി​ക്കുന്ന ഘട്ടത്തോ​ളം യുദ്ധങ്ങ​ളും മലിനീ​ക​ര​ണ​വും വഷളാ​കു​ന്ന​തിൽ തുടരു​മോ? ഇല്ല; എന്തെന്നാൽ ഭൂമി എന്നേക്കും നിലനിൽക്കു​മെ​ന്നും അതിൽ നീതി​ഹൃ​ദ​യ​രായ മനുഷ്യർ ജീവി​ക്കു​മെ​ന്നും ബൈബിൾതന്നെ പറയു​ന്നുണ്ട്‌.—സങ്കീർത്തനം 37:29; മത്തായി 5:5.

മൂന്ന്‌, മൊത്ത​ത്തി​ലെ​ടു​ക്കു​മ്പോൾ അന്ത്യനാ​ളു​ക​ളെ​ക്കു​റി​ച്ചുള്ള അടയാളം വിശേ​ഷാൽ ബോധ്യം വരുത്തു​ന്ന​താണ്‌. ആകമാ​ന​വീ​ക്ഷ​ണ​ത്തിൽ, മൂന്നു സുവി​ശേ​ഷ​ങ്ങ​ളി​ലാ​യി യേശു പരാമർശിച്ച സവി​ശേ​ഷ​ത​ക​ളും പൗലൊ​സി​ന്റെ ലേഖന​ങ്ങ​ളി​ലും വെളി​പ്പാ​ടി​ലു​മു​ള്ള​വ​യു​മെ​ല്ലാം നാം പരിഗ​ണി​ക്കു​മ്പോൾ, ഈ അടയാ​ള​ത്തി​നു ഡസൻക​ണ​ക്കി​നു സവി​ശേ​ഷ​ത​ക​ളുണ്ട്‌. അവയിൽ ഓരോ സവി​ശേ​ഷ​ത​യെ​യും കുറിച്ചു സമാന​മായ പ്രശ്‌നങ്ങൾ മറ്റു യുഗങ്ങ​ളി​ലു​മു​ണ്ടാ​യി​ട്ടുണ്ട്‌ എന്നു വാദി​ച്ചു​കൊണ്ട്‌ ആരെങ്കി​ലും ഒഴിക​ഴി​വു പറഞ്ഞേ​ക്കാം. എന്നാൽ അവയെ​ല്ലാം ഒരുമി​ച്ചെ​ടു​ക്കു​ന്നെ​ങ്കിൽ, അവ കൃത്യ​മാ​യും വിരൽചൂ​ണ്ടു​ന്നത്‌ ഒരേ​യൊ​രു കാലഘ​ട്ട​ത്തി​ലേ​ക്കാണ്‌—നമ്മുടെ കാലഘട്ടം.

അപ്പോൾ, എന്താണ്‌ ഇതെല്ലാം അർഥമാ​ക്കു​ന്നത്‌? ബൈബിൾ നമ്മുടെ കാലഘ​ട്ടത്തെ ചിത്രീ​ക​രി​ക്കു​ന്നത്‌ കേവലം ഗതി​കെ​ട്ട​തും പ്രത്യാ​ശ​യി​ല്ലാ​ത്ത​തു​മായ ഒരു സമയമാ​യി​ട്ടോ? തീർച്ച​യാ​യു​മല്ല!

സുവാർത്ത

അന്ത്യനാ​ളു​ക​ളെ​ക്കു​റി​ച്ചുള്ള അടയാ​ള​ത്തി​ന്റെ ഏറ്റവും ശ്രദ്ധേ​യ​മായ സവി​ശേ​ഷ​ത​ക​ളി​ലൊന്ന്‌ മത്തായി 24:14-ൽ രേഖ​പ്പെ​ടു​ത്തി​യി​രി​ക്കു​ന്നു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” ഈ നൂറ്റാ​ണ്ടിൽ, യഹോ​വ​യു​ടെ സാക്ഷികൾ മനുഷ്യ ചരി​ത്ര​ത്തിൽ അനുപ​മ​മായ ഒരു വേല നിവർത്തി​ച്ചി​രി​ക്കു​ന്നു. യഹോ​വ​യാം ദൈവ​ത്തി​ന്റെ രാജ്യം എന്താണ്‌, അതിന്റെ ഭരണവി​ധം, അതെന്തു നിവർത്തി​ക്കും എന്നിവ​യെ​ക്കു​റി​ച്ചെ​ല്ലാ​മുള്ള ബൈബിൾ സന്ദേശം അവർ സ്വീക​രി​ക്കു​ക​യും ഭൂമി​യി​ലെ​ങ്ങും ആ സന്ദേശം പരത്തു​ക​യും ചെയ്‌തി​രി​ക്കു​ന്നു. ഈ വിഷയ​വു​മാ​യി ബന്ധപ്പെട്ട്‌ 300-ലധികം ഭാഷക​ളിൽ അവർ സാഹി​ത്യ​ങ്ങൾ പ്രസി​ദ്ധീ​ക​രി​ക്കു​ക​യും ഭൂമി​യിൽ മിക്കവാ​റു​മെല്ലാ നാടു​ക​ളി​ലും വീടു​ക​ളി​ലും തെരു​വു​ക​ളി​ലും ബിസി​നസ്‌ സ്ഥലങ്ങളി​ലും ആളുകൾക്ക്‌ അത്‌ എത്തിച്ചു​കൊ​ടു​ക്കു​ക​യും ചെയ്‌തി​രി​ക്കു​ന്നു.

അങ്ങനെ ചെയ്യു​ക​വഴി, അവർ ഈ പ്രവചനം നിവർത്തി​ച്ചു​കൊ​ണ്ടി​രി​ക്കു​ക​യാണ്‌. എന്നാൽ അവർ പ്രത്യാ​ശ​യും പ്രചരി​പ്പി​ക്കു​ന്നുണ്ട്‌. യേശു ഇതിനെ മോശ​മായ വാർത്ത എന്നല്ല, “സുവി​ശേഷം” എന്നു വിളി​ച്ചു​വെ​ന്നതു ശ്രദ്ധി​ക്കുക. ഈ ഇരുണ്ട കാലഘ​ട്ടത്ത്‌ അതെങ്ങനെ ശരിയാ​കും? എന്തെന്നാൽ, ബൈബി​ളി​ന്റെ മുഖ്യ സന്ദേശം ഈ പഴയ ലോക​ത്തി​ന്റെ അവസാന ഘട്ടത്തിൽ സംഗതി​കൾ എത്ര വഷളാ​യി​രി​ക്കും എന്നതല്ല. ദൈവ​രാ​ജ്യ​ത്തെ കേന്ദ്രീ​ക​രി​ച്ചു​ള്ള​താണ്‌ അതിന്റെ മുഖ്യ സന്ദേശം. ആ രാജ്യം വാഗ്‌ദാ​നം ചെയ്യു​ന്ന​തോ, സമാധാന പ്രേമി​ക​ളായ സകലരു​ടെ​യും ഹൃദയ​ങ്ങൾക്ക്‌ അമൂല്യ​മാ​യി​ട്ടുള്ള ഒരു സംഗതി​യാണ്‌—വിമോ​ചനം.

ആ വിമോ​ചനം എന്താണ്‌, അതെങ്ങനെ നിങ്ങൾക്കു ലഭിക്കും? ഈ വിഷയ​ത്തെ​ക്കു​റി​ച്ചുള്ള പിൻവ​രുന്ന ലേഖനങ്ങൾ ദയവായി പരിചി​ന്തി​ക്കുക.

[അടിക്കു​റി​പ്പു​കൾ]

[5-ാം പേജിലെ ആകർഷ​ക​വാ​ക്യം]

സംഗതികൾ ഇത്ര വഷളാ​യി​രി​ക്കു​ന്ന​തെ​ന്തു​കൊണ്ട്‌, മനുഷ്യ​വർഗ​ത്തിന്‌ എന്താണു സംഭവി​ക്കാൻ പോകു​ന്നത്‌ എന്നിങ്ങ​നെ​യുള്ള കുഴപ്പി​ക്കുന്ന ചോദ്യ​ങ്ങൾക്ക്‌ ഉത്തരം തേടു​ക​യാണ്‌ ആളുകൾ

[6-ാം പേജിലെ ആകർഷ​ക​വാ​ക്യം]

ഇന്ന്‌, യുദ്ധഹ​ത​ന്മാ​രിൽ 90 ശതമാ​ന​ത്തി​ല​ധി​ക​വും സാധാരണ പൗരന്മാ​രാണ

[7-ാം പേജിലെ ചിത്രം]

യെരൂശലേമിന്റെ നാശ​ത്തെ​ക്കു​റി​ച്ചുള്ള യേശു​വി​ന്റെ പ്രവചനം അതിന്റെ സകല വിശദാം​ശ​ത്തി​ലും നിറ​വേ​റി