വായന​ക്കാ​രിൽനി​ന്നുള്ള ചോദ്യ​ങ്ങൾ

“ഉപദ്ര​വ​ത്തി​ന്റെ അന്തിമ​ഭാ​ഗത്ത്‌, യഹോ​വ​യു​ടെ പക്ഷത്തേക്കു പലായനം ചെയ്‌തി​രി​ക്കുന്ന ‘ജഡം’ രക്ഷിക്ക​പ്പെ​ടും” എന്ന്‌ 1996 ആഗസ്റ്റ്‌ 15-ലെ “വീക്ഷാ​ഗോ​പു​രം” പ്രസ്‌താ​വി​ക്കു​ക​യു​ണ്ടാ​യി. മഹോ​പ​ദ്ര​വ​ത്തി​ന്റെ ആദ്യ ഘട്ടത്തി​നു​ശേഷം പുതിയ പലരും ദൈവ​ത്തി​ന്റെ പക്ഷത്തേക്കു വരു​മെ​ന്നാ​ണോ അതു സൂചി​പ്പി​ക്കു​ന്നത്‌?

അതായി​രു​ന്നില്ല ഉദ്ദേശിച്ച സംഗതി.

മത്തായി 24:22-ൽ കാണുന്ന യേശു​വി​ന്റെ വാക്കുകൾ ഭാവി​യിൽ പ്രാഥ​മി​ക​മാ​യി നിവർത്തി​ക്ക​പ്പെ​ടു​ന്നത്‌, വരാനി​രി​ക്കുന്ന മഹോ​പ​ദ്ര​വ​ത്തി​ന്റെ ആദ്യ ഘട്ടത്തി​ലൂ​ടെ​യുള്ള, അതായത്‌ മതത്തി​ന്മേ​ലുള്ള ആക്രമ​ണ​സ​മ​യത്തെ രക്ഷ മുഖാ​ന്ത​ര​മാ​യി​രി​ക്കും. ആ ലേഖനം ഇങ്ങനെ പറയു​ക​യു​ണ്ടാ​യി: ‘ഉപദ്ര​വ​ത്തി​ന്റെ ആദ്യഘ​ട്ട​ത്തിൽ മഹാബാ​ബി​ലോൻ വേഗത്തി​ലും പൂർണ​മാ​യും നിലം​പ​തി​ക്കു​മ്പോൾതന്നെ അഭിഷിക്ത ശേഷി​പ്പും “മഹാപു​രു​ഷാര”വുമാ​കുന്ന “ജഡം” രക്ഷിക്ക​പ്പെ​ട്ടി​രി​ക്കു​മെന്ന്‌ ഓർമി​ക്കുക.’

ഉപദ്ര​വ​ത്തി​ന്റെ അന്തിമ ഭാഗത്തു യേശു​വും അവന്റെ സ്വർഗീയ സൈന്യ​വും നടപടി​യെ​ടു​ക്കു​മ്പോൾ അത്തരം വിശ്വ​സ്‌തർ യാതൊ​രു തരത്തി​ലു​മുള്ള അപകടാ​വ​സ്ഥ​യി​ലാ​യി​രി​ക്കു​ക​യില്ല. എന്നാൽ ഉപദ്ര​വ​ത്തി​ന്റെ ആ ഘട്ടത്തെ അതിജീ​വി​ക്കു​ന്നവർ ആരായി​രി​ക്കും? ഭൗമിക പ്രത്യാ​ശ​യുള്ള ഒരു മഹാപു​രു​ഷാ​ര​മാ​യി​രി​ക്കും അതിജീ​വി​ക്കു​ന്ന​തെന്നു വെളി​പ്പാ​ടു 7:9, 14 പ്രകട​മാ​ക്കു​ന്നു. ആത്മാഭി​ഷിക്ത ക്രിസ്‌ത്യാ​നി​ക​ളു​ടെ കാര്യ​മോ? അഭിഷി​ക്ത​രു​ടെ ശേഷിപ്പ്‌ സ്വർഗ​ത്തി​ലേക്ക്‌ എടുക്ക​പ്പെ​ടു​ന്നത്‌ എപ്പോ​ഴാ​യി​രി​ക്കു​മെ​ന്നതു സംബന്ധിച്ച്‌ നമുക്കു തീർത്തു പറയാ​നാ​വാ​ത്ത​തി​ന്റെ കാരണം 1990 ആഗസ്റ്റ്‌ 15-ലെ വീക്ഷാ​ഗോ​പു​ര​ത്തി​ലെ (ഇംഗ്ലീഷ്‌) “വായന​ക്കാ​രിൽനി​ന്നുള്ള ചോദ്യ​ങ്ങൾ” ചർച്ച ചെയ്യു​ക​യു​ണ്ടാ​യി. അതു​കൊണ്ട്‌ അടുത്ത കാലത്തെ ലേഖനം (ആഗസ്റ്റ്‌ 15, 1996), “സമാന​മാ​യി, ഉപദ്ര​വ​ത്തി​ന്റെ അന്തിമ​ഭാ​ഗത്ത്‌, യഹോ​വ​യു​ടെ പക്ഷത്തേക്കു പലായനം ചെയ്‌തി​രി​ക്കുന്ന ‘ജഡം’ രക്ഷിക്ക​പ്പെ​ടും” എന്ന പൊതു​വായ പ്രസ്‌താ​വന നടത്തി​ക്കൊണ്ട്‌ പ്രസ്‌തുത കാര്യത്തെ അനിശ്ചി​ത​മാ​യി വിടു​ക​യാ​ണു ചെയ്‌തത്‌.

മഹോ​പ​ദ്ര​വം തുടങ്ങി​യ​തി​നു​ശേഷം പുതിയ ആർക്കെ​ങ്കി​ലും സത്യം പഠിക്കാ​നും ദൈവ​ത്തി​ന്റെ പക്ഷത്തേക്കു വരാനും സാധി​ക്കു​മോ എന്നതു സംബന്ധിച്ച്‌, മത്തായി 24:29-31-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കുകൾ ശ്രദ്ധി​ക്കുക. ആ ഉപദ്രവം പൊട്ടി​പ്പു​റ​പ്പെ​ട്ട​തി​നു​ശേഷം, മനുഷ്യ​പു​ത്രന്റെ അടയാളം ദൃശ്യ​മാ​കും. ഭൂമി​യി​ലെ സകല ഗോ​ത്ര​ങ്ങ​ളും തങ്ങളെ​ത്തന്നെ പ്രഹരി​ക്കു​മെ​ന്നും പ്രലാ​പി​ക്കു​മെ​ന്നും യേശു പറഞ്ഞു. ആ സ്ഥിതി​വി​ശേഷം സംബന്ധിച്ച്‌ ആളുകൾ ഉണർവു​ള്ള​വ​രാ​യി അനുത​പി​ക്കു​ക​യും ദൈവ​ത്തി​ന്റെ പക്ഷത്തേക്കു വരുക​യും ചെയ്‌തു​കൊ​ണ്ടു യഥാർഥ ശിഷ്യ​ന്മാ​രാ​യി​ത്തീ​രു​ന്ന​തി​നെക്കു​റിച്ച്‌ അവൻ ഒന്നും പറഞ്ഞില്ല.

സമാന​മാ​യി, ചെമ്മരി​യാ​ടു​ക​ളെ​യും കോലാ​ടു​ക​ളെ​യും സംബന്ധിച്ച ഉപമയിൽ, മനുഷ്യ​പു​ത്രൻ പ്രത്യ​ക്ഷ​പ്പെട്ട്‌ ആളുകൾ കഴിഞ്ഞ കാലത്തു ചെയ്‌ത​തും ചെയ്യാ​തി​രു​ന്ന​തു​മായ കാര്യ​ങ്ങ​ളു​ടെ അടിസ്ഥാ​ന​ത്തിൽ അവരെ നീതി​ന്യാ​യ​പ​ര​മാ​യി വേർതി​രി​ക്കു​ന്നു. ദീർഘ​കാ​ലം കോലാ​ടു​തു​ല്യ സ്വഭാ​വങ്ങൾ കാട്ടിയ ആളുകൾ പെട്ടെന്ന്‌ മനംതി​രിഞ്ഞ്‌ ചെമ്മരിയാടുതുല്യരായിത്തീരുന്നതിനെക്കുറിച്ചു യേശു ഒന്നും പറഞ്ഞില്ല. അതി​നോ​ടകം ആളുകൾ എന്താ​ണെന്നു തെളി​ഞ്ഞി​രി​ക്കു​ന്നു​വോ അതിന്റെ അടിസ്ഥാ​ന​ത്തി​ലാ​യി​രി​ക്കും അവൻ ന്യായം വിധി​ക്കാൻ എത്തുക.—മത്തായി 25:31-46.

എന്നാൽ, പിന്നെ​യും ഇക്കാര്യം സംബന്ധിച്ച്‌ ഒരഭി​പ്രാ​യം തീർത്തു പറയു​ന്ന​തി​നു യാതൊ​രു കാരണ​വു​മില്ല. ഇപ്പോൾ ചെയ്യേ​ണ്ടത്‌ എന്താ​ണെന്ന്‌ അഭിഷി​ക്ത​രി​ലും മഹാപു​രു​ഷാ​ര​ത്തി​ലും പെട്ട ദൈവ​ജ​ന​ത്തിന്‌ അറിയാം, പ്രസം​ഗി​ക്കു​ക​യും ശിഷ്യരെ ഉളവാ​ക്കു​ക​യും ചെയ്യുക എന്നുള്ള​താണ്‌ അത്‌. (മത്തായി 28:19, 20; മർക്കൊസ്‌ 13:10) നമ്മെ സംബന്ധി​ച്ചി​ട​ത്തോ​ളം പിൻവ​രുന്ന ഉദ്‌ബോ​ധനം ഗൗരവ​പൂർവം എടുക്കു​ന്ന​തി​നുള്ള സമയമാ​ണി​പ്പോൾ: ‘നിങ്ങൾക്കു ദൈവ​ത്തി​ന്റെ കൃപ ലഭിച്ചതു വ്യർത്ഥ​മാ​യി​ത്തീ​ര​രു​തു എന്നു ഞങ്ങൾ സഹപ്ര​വൃ​ത്തി​ക്കാ​രാ​യി നിങ്ങളെ പ്രബോ​ധി​പ്പി​ക്കു​ന്നു. “പ്രസാ​ദ​കാ​ലത്തു ഞാൻ നിനക്കു ഉത്തരം അരുളി; രക്ഷാദി​വ​സ​ത്തിൽ ഞാൻ നിന്നെ സഹായി​ച്ചു” എന്നു അവൻ അരുളി​ച്ചെ​യ്യു​ന്നു​വ​ല്ലോ. ഇപ്പോൾ ആകുന്നു സുപ്ര​സാ​ദ​കാ​ലം; ഇപ്പോൾ ആകുന്നു രക്ഷാദി​വസം.’—2 കൊരി​ന്ത്യർ 6:1, 2.