ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഭാവി എന്ത്‌?

‘അവൻ അവരെ ഇടയൻ ചെമ്മരി​യാ​ടു​ക​ളെ​യും കോലാ​ടു​ക​ളെ​യും തമ്മിൽ വേർതി​രി​ക്കു​ന്ന​തു​പോ​ലെ വേർതി​രി​ക്കും.’—മത്തായി 25:32.

1, 2. ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയിൽ നാം തത്‌പ​ര​രാ​യി​രി​ക്കേ​ണ്ടത്‌ എന്തു​കൊണ്ട്‌?

യേശു​ക്രി​സ്‌തു തീർച്ച​യാ​യും ഭൂമി​യി​ലെ ഏറ്റവും മഹാനായ പ്രബോ​ധകൻ ആയിരു​ന്നു. (യോഹ​ന്നാൻ 7:46) ഉപമക​ളു​ടെ അഥവാ ദൃഷ്ടാ​ന്ത​ങ്ങ​ളു​ടെ ഉപയോ​ഗം അവന്റെ പഠിപ്പി​ക്കൽ വിധങ്ങ​ളി​ലൊ​ന്നാ​യി​രു​ന്നു. (മത്തായി 13:34, 35) അവ ലളിത​മെ​ങ്കി​ലും ഗഹന​മേ​റിയ ആത്മീയ കാര്യ​ങ്ങ​ളും പ്രാവ​ച​നിക സത്യങ്ങ​ളും പകരു​ന്ന​തിൽ ശക്തമാ​യി​രു​ന്നു.

² ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയിൽ താൻ ഒരു പ്രത്യേക പദവി​യിൽ പ്രവർത്തി​ക്കാൻ പോകുന്ന സമയത്തെ യേശു ചൂണ്ടി​ക്കാ​ട്ടി: “മനുഷ്യ​പു​ത്രൻ തന്റെ തേജ​സ്സോ​ടെ വരു​മ്പോൾ . . .” (മത്തായി 25:31) ഇതു നമ്മെ തത്‌പ​ര​രാ​ക്കണം, എന്തു​കൊ​ണ്ടെ​ന്നാൽ “ഇതെല്ലാം എപ്പോൾ സംഭവി​ക്കും, നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും?” എന്ന ചോദ്യ​ത്തി​നുള്ള തന്റെ ഉത്തരം യേശു ഉപസം​ഹ​രി​ക്കു​ന്നത്‌ ഈ ദൃഷ്ടാ​ന്ത​ത്തോ​ടെ​യാണ്‌. (മത്തായി 24:3, NW) എന്നാൽ അതു നമുക്ക്‌ എന്തർഥ​മാ​ക്കു​ന്നു?

3. മഹോ​പ​ദ്രവം തുടങ്ങി ഉടൻതന്നെ എന്തു വികാസം പ്രാപി​ക്കു​മെ​ന്നാണ്‌ യേശു മുമ്പു തന്റെ വിവര​ണ​ത്തിൽ പറഞ്ഞത്‌?

³ മഹോ​പ​ദ്രവം പൊട്ടി​പ്പു​റ​പ്പെട്ടു “കഴിഞ്ഞ ഉടനെ” വിസ്‌മ​യാ​വ​ഹ​മായ സംഭവ​വി​കാ​സങ്ങൾ, നാം കാത്തി​രി​ക്കുന്ന സംഭവ​വി​കാ​സങ്ങൾ, നടക്കാൻപോ​കു​ന്ന​താ​യി യേശു മുൻകൂ​ട്ടി​പ്പ​റഞ്ഞു. “അപ്പോൾ മനുഷ്യ​പു​ത്രന്റെ അടയാളം” പ്രത്യ​ക്ഷ​പ്പെ​ടു​മെന്ന്‌ അവൻ പറഞ്ഞു. “മനുഷ്യ​പു​ത്രൻ ആകാശ​ത്തി​ലെ മേഘങ്ങ​ളി​ന്മേൽ മഹാശ​ക്തി​യോ​ടും തേജ​സ്സോ​ടും കൂടെ വരുന്നതു കാണു”ന്ന “ഭൂമി​യി​ലെ സകല​ഗോ​ത്രങ്ങ”ളെയും ഇതു ശക്തമായി ബാധി​ക്കും. മനുഷ്യ​പു​ത്രൻ “തന്റെ ദൂതന്മാ”ർ സമേത​മാ​ണു വരാൻ പോകു​ന്നത്‌. (മത്തായി 24:21, 29-31)a ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമ​യെ​ക്കു​റി​ച്ചെന്ത്‌? ആധുനിക ബൈബി​ളു​കൾ അത്‌ 25-ാം അധ്യാ​യ​ത്തി​ലാ​ണു കൊടു​ത്തി​രി​ക്കു​ന്നത്‌. എന്നാൽ താൻ തേജ​സ്സോ​ടെ വരുന്ന​തും “സകല ജാതി​ക​ളെ​യും” ന്യായം​വി​ധി​ക്കു​ന്ന​തും സംബന്ധി​ച്ചു കൂടു​ത​ലായ വിശദാം​ശങ്ങൾ നൽകി​ക്കൊ​ണ്ടുള്ള യേശു​വി​ന്റെ മറുപ​ടി​യു​ടെ ഭാഗമാ​ണത്‌.—മത്തായി 25:32.

ഉപമയി​ലെ ആളുകൾ

4. ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയു​ടെ തുടക്ക​ത്തിൽ യേശു​വി​നെ​ക്കു​റിച്ച്‌ എന്തു സൂചന​യാ​ണു കൊടു​ത്തി​രി​ക്കു​ന്നത്‌, വേറെ​യാ​രെ​ക്കു​റി​ച്ചും സൂചി​പ്പി​ച്ചി​രി​ക്കു​ന്നു?

⁴ “മനുഷ്യ​പു​ത്രൻ . . . വരു​മ്പോൾ” എന്നു പറഞ്ഞു​കൊണ്ട്‌ യേശു ഉപമ തുടങ്ങു​ന്നു. “മനുഷ്യ​പു​ത്രൻ” ആരാ​ണെന്നു നിങ്ങൾക്ക​റി​യാ​മാ​യി​രി​ക്കും. സുവി​ശേഷ എഴുത്തു​കാർ മിക്ക​പ്പോ​ഴും ആ പദപ്ര​യോ​ഗം യേശു​വി​നു ബാധക​മാ​ക്കി. യേശു​ത​ന്നെ​യും അപ്രകാ​രം ചെയ്‌തി​ട്ടുണ്ട്‌. നിസ്സം​ശ​യ​മാ​യും, “ആധിപ​ത്യ​വും മഹത്വ​വും രാജത്വ​വും” കൈപ്പ​റ്റാൻ വയോ​ധി​കനെ സമീപി​ക്കുന്ന “മനുഷ്യ​പു​ത്ര​നോ​ടു സദൃശ​നായ ഒരുത്ത”നെപ്പറ്റി ദാനി​യേ​ലി​നു ലഭിച്ച ദർശനം അവന്റെ മനസ്സി​ലു​ണ്ടാ​യി​രു​ന്നു. (ദാനീ​യേൽ 7:13, 14; മത്തായി 26:63, 64; മർക്കൊസ്‌ 14:61, 62) ഈ ഉപമയി​ലെ മുഖ്യ വ്യക്തി യേശു​വാ​ണെ​ന്നു​വ​രി​കി​ലും അവൻ തനിച്ചല്ല. മത്തായി 24:30, 31-ൽ ഉദ്ധരി​ച്ചി​രി​ക്കു​ന്ന​തു​പോ​ലെ, മനുഷ്യ​പു​ത്രൻ ‘മഹാശ​ക്തി​യോ​ടും തേജ​സ്സോ​ടും കൂടെ’ വരു​മ്പോൾ തന്റെ ദൂതന്മാർ ജീവത്‌പ്ര​ധാ​ന​മായ ഒരു പങ്കു വഹിക്കു​മെന്നു നേരത്തെ ഈ വിവര​ണ​ത്തിൽ അവൻ പറഞ്ഞി​രു​ന്നു. സമാന​മാ​യി, യേശു ന്യായം​വി​ധി​ക്കു​ന്ന​തി​നു​വേണ്ടി ‘തന്റെ തേജസ്സി​ന്റെ സിംഹാ​സ​ന​ത്തിൽ ഇരിക്കു’മ്പോൾ അവനോ​ടൊ​പ്പം ദൂതന്മാ​രു​ണ്ടാ​യി​രി​ക്കു​മെന്നു ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമ കാണി​ക്കു​ന്നു. (മത്തായി 16:27 താരത​മ്യം ചെയ്യുക.) എന്നാൽ ന്യായാ​ധി​പ​തി​യും അവന്റെ ദൂതന്മാ​രും സ്വർഗ​ത്തി​ലാണ്‌. അതു​കൊണ്ട്‌ ഈ ഉപമയിൽ മനുഷ്യ​രെ​പ്പറ്റി ചർച്ച​ചെ​യ്യു​ന്നു​ണ്ടോ?

5. യേശു​വി​ന്റെ “സഹോ​ദ​രന്മാ”രെ നമുക്ക്‌ എങ്ങനെ തിരി​ച്ച​റി​യാം?

⁵ ആ ഉപമയു​ടെ ഒരു ക്ഷണിക​ദൃ​ശ്യം, നാം തിരി​ച്ച​റി​യേണ്ട മൂന്നു വിഭാ​ഗ​ങ്ങളെ വെളി​പ്പെ​ടു​ത്തു​ന്നു. ചെമ്മരി​യാ​ടു​കൾക്കും കോലാ​ടു​കൾക്കും പുറമേ, മനുഷ്യ​പു​ത്രൻ മൂന്നാ​മ​തൊ​രു വിഭാ​ഗത്തെ കൂട്ടി​ച്ചേർക്കു​ന്നു. ചെമ്മരി​യാ​ടു​ക​ളെ​യും കോലാ​ടു​ക​ളെ​യും തിരി​ച്ച​റി​യു​ന്ന​തിന്‌ ആ വിഭാ​ഗ​ത്തി​ന്റെ താദാ​ത്മ്യം മുഖ്യ​മാണ്‌. യേശു ഈ മൂന്നാം വിഭാ​ഗത്തെ സഹോ​ദ​ര​ന്മാർ എന്നു വിളി​ക്കു​ന്നു. (മത്തായി 25:40, 4550) “എന്റെ പിതാ​വി​ന്റെ ഇഷ്ടം ചെയ്യു​ന്നവൻ എന്റെ സഹോ​ദ​ര​നും സഹോ​ദ​രി​യും അമ്മയും ആകുന്നു” എന്ന്‌ യേശു പറഞ്ഞതു​കൊണ്ട്‌ അവർ സത്യാ​രാ​ധ​ക​രാ​യി​രി​ക്കണം. (മത്തായി 12:50; യോഹ​ന്നാൻ 20:17) “അബ്രാ​ഹാ​മി​ന്റെ സന്തതി”യുടെ ഭാഗവും ദൈവ​പു​ത്ര​ന്മാ​രു​മായ ക്രിസ്‌ത്യാ​നി​ക​ളെ​പ്പറ്റി പൗലോസ്‌ കൂടുതൽ സൂക്ഷ്‌മ​മാ​യി എഴുതി. അവൻ അവരെ യേശു​വി​ന്റെ ‘സഹോ​ദ​ര​ന്മാർ’ എന്നും ‘സ്വർഗ്ഗീ​യ​വി​ളി​ക്കു ഓഹരി​ക്കാർ’ എന്നും വിളിച്ചു.—എബ്രായർ 2:9–3:1; ഗലാത്യർ 3:26, 29.

6. യേശു​വി​ന്റെ സഹോ​ദ​ര​ന്മാ​രിൽ “ഏറ്റവും ചെറിയ”വർ ആരാണ്‌?

⁶ യേശു തന്റെ സഹോ​ദ​ര​ന്മാ​രിൽ ‘ഏറ്റവും ചെറിയ’വരെക്കു​റി​ച്ചു സൂചി​പ്പി​ച്ചത്‌ എന്തു​കൊ​ണ്ടാണ്‌? അപ്പോ​സ്‌ത​ല​ന്മാർ യേശു പറയു​ന്ന​താ​യി നേരത്തെ കേട്ടതിന്റെ പ്രതി​ധ്വ​നി​യാണ്‌ ഈ വാക്കുകൾ. സ്വർഗീയ ജീവിതം ആസ്വദി​ക്കാ​നി​രി​ക്കു​ന്ന​വരെ യേശു​വി​നു മുമ്പു മരിക്കുക നിമിത്തം ഭൗമിക പ്രത്യാ​ശ​യുള്ള യോഹ​ന്നാൻ സ്‌നാ​പ​ക​നു​മാ​യി വിപരീ​ത​താ​ര​ത​മ്യം ചെയ്‌ത​പ്പോൾ യേശു ഇങ്ങനെ പറഞ്ഞു: “സ്‌ത്രീ​ക​ളിൽനി​ന്നു ജനിച്ച​വ​രിൽ യോഹ​ന്നാൻസ്‌നാ​പ​ക​നെ​ക്കാൾ വലിയവൻ ആരും എഴു​ന്നേ​റ്റി​ട്ടില്ല; സ്വർഗ്ഗ​രാ​ജ്യ​ത്തിൽ ഏറ്റവും ചെറി​യ​വ​നോ അവനി​ലും വലിയവൻ.” (മത്തായി 11:11) സ്വർഗ​ത്തി​ലേക്കു പോകുന്ന ചിലർ അപ്പോ​സ്‌ത​ല​ന്മാ​രെ​പ്പോ​ലെ സഭയിൽ പ്രമു​ഖ​രാ​യി​രു​ന്നേ​ക്കാം. എന്നാൽ മറ്റുള്ളവർ ചെറി​യ​വ​രാ​യി​രു​ന്നേ​ക്കാം. എങ്കിലും അവരെ​ല്ലാം യേശു​വി​ന്റെ ആത്മീയ സഹോ​ദ​ര​ന്മാ​രാണ്‌. (ലൂക്കൊസ്‌ 16:10; 1 കൊരി​ന്ത്യർ 15:9; എഫെസ്യർ 3:8; എബ്രായർ 8:11) തന്മൂലം, ചിലർ ഭൂമി​യിൽ നിസ്സാ​ര​രാ​യി തോന്നി​ച്ചി​രു​ന്നെ​ങ്കിൽപ്പോ​ലും അവർ യേശു​വി​ന്റെ സഹോ​ദ​ര​ങ്ങ​ളാ​യി​രു​ന്നു, തദനു​സ​രണം അവരോ​ടു പെരു​മാ​റേ​ണ്ട​തു​മു​ണ്ടാ​യി​രു​ന്നു.

ചെമ്മരി​യാ​ടു​ക​ളും കോലാ​ടു​ക​ളും ആരാണ്‌?

7, 8. ചെമ്മരി​യാ​ടു​ക​ളെ​ക്കു​റിച്ച്‌ യേശു എന്താണു പറഞ്ഞത്‌, തന്മൂലം അവരെ​പ്പറ്റി നമുക്ക്‌ എന്തു നിഗമനം ചെയ്യാം?

⁷ ചെമ്മരി​യാ​ടു​കളെ ന്യായം​വി​ധി​ക്കു​ന്നതു സംബന്ധി​ച്ചു നാം ഇങ്ങനെ വായി​ക്കു​ന്നു: “[യേശു] തന്റെ വലത്തു​ള്ള​വ​രോ​ടു അരുളി​ച്ചെ​യ്യും: എന്റെ പിതാ​വി​നാൽ അനു​ഗ്ര​ഹി​ക്ക​പ്പെ​ട്ട​വരേ, വരുവിൻ; ലോക​സ്ഥാ​പ​നം​മു​തൽ നിങ്ങൾക്കാ​യി ഒരുക്കി​യി​രി​ക്കുന്ന രാജ്യം അവകാ​ശ​മാ​ക്കി​ക്കൊൾവിൻ. എനിക്കു വിശന്നു, നിങ്ങൾ ഭക്ഷിപ്പാൻ തന്നു; ദാഹിച്ചു, നിങ്ങൾ കുടി​പ്പാൻ തന്നു; ഞാൻ അതിഥി​യാ​യി​രു​ന്നു, [“അപരി​ചി​ത​നാ​യി​രു​ന്നു,” NW] നിങ്ങൾ എന്നെ ചേർത്തു​കൊ​ണ്ടു; നഗ്നനാ​യി​രു​ന്നു, നിങ്ങൾ എന്നെ ഉടുപ്പി​ച്ചു; രോഗി​യാ​യി​രു​ന്നു, നിങ്ങൾ എന്നെ കാണ്മാൻ വന്നു; തടവിൽ ആയിരു​ന്നു, നിങ്ങൾ എന്റെ അടുക്കൽ വന്നു. അതിന്നു നീതി​മാ​ന്മാർ അവനോ​ടു: കർത്താവേ, ഞങ്ങൾ എപ്പോൾ നിന്നെ വിശന്നു​ക​ണ്ടി​ട്ടു ഭക്ഷിപ്പാൻ തരിക​യോ ദാഹി​ച്ചു​ക​ണ്ടി​ട്ടു കുടി​പ്പാൻ തരിക​യോ ചെയ്‌തു? ഞങ്ങൾ എപ്പോൾ നിന്നെ അതിഥി​യാ​യി [“അപരി​ചി​ത​നാ​യി,” NW] കണ്ടിട്ടു ചേർത്തു​കൊൾക​യോ നഗ്നനായി കണ്ടിട്ടു ഉടുപ്പി​ക്കു​ക​യോ ചെയ്‌തു? നിന്നെ രോഗി​യാ​യി​ട്ടോ തടവി​ലോ എപ്പോൾ കണ്ടിട്ടു ഞങ്ങൾ നിന്റെ അടുക്കൽ വന്നു എന്നു ഉത്തരം പറയും. രാജാവു അവരോ​ടു: എന്റെ ഈ ഏറ്റവും ചെറിയ സഹോ​ദ​ര​ന്മാ​രിൽ ഒരുത്തന്നു നിങ്ങൾ ചെയ്‌തേ​ട​ത്തോ​ളം എല്ലാം എനിക്കു ചെയ്‌തു എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു എന്നു അരുളി​ച്ചെ​യ്യും.” (ചെരി​ച്ചെ​ഴു​ത്തു ഞങ്ങളു​ടേത്‌.)—മത്തായി 25:34-40.

⁸ പ്രസ്‌പ​ഷ്ട​മാ​യും, ആദരവും അംഗീ​കാ​ര​വും ഉള്ളവരെന്ന നിലയിൽ യേശു​വി​ന്റെ വലതു​ഭാ​ഗത്തു നിൽക്കാൻ അർഹത​യു​ള്ള​വ​രാ​യി വിധി​ക്ക​പ്പെ​ട്ടവർ മനുഷ്യ​രു​ടെ ഒരു വിഭാ​ഗത്തെ പ്രതി​നി​ധാ​നം ചെയ്യുന്നു. (എഫെസ്യർ 1:20; എബ്രായർ 1:3) അവർ എന്ത്‌, എപ്പോൾ ചെയ്‌തു? അവർ ദയാപൂർവം, ആദരപൂർവം, ഔദാ​ര്യ​പൂർവം അവനു ഭക്ഷണവും വെള്ളവും വസ്‌ത്ര​വും നൽകി, രോഗ​ബാ​ധി​ത​നാ​യി​രു​ന്ന​പ്പോൾ അല്ലെങ്കിൽ ജയിലി​ലാ​യി​രു​ന്ന​പ്പോൾ അവനെ സഹായി​ക്കു​ക​യും ചെയ്‌തു എന്ന്‌ യേശു പറയുന്നു. തങ്ങൾ അപ്രകാ​രം യേശു​വി​നു നേരിട്ടു ചെയ്‌തി​ല്ലെന്നു ചെമ്മരി​യാ​ടു​കൾ പറയു​മ്പോൾ തന്റെ ആത്മീയ സഹോ​ദ​ര​ങ്ങളെ, അഭിഷിക്ത ക്രിസ്‌ത്യാ​നി​ക​ളു​ടെ ശേഷി​പ്പി​നെ, പിന്തു​ണ​ച്ചു​വെന്ന അർഥത്തിൽ അവർ അതു തനിക്കു​വേണ്ടി ചെയ്‌ത​താ​ണെന്ന്‌ യേശു ചൂണ്ടി​ക്കാ​ട്ടി.

9. ഈ ഉപമ സഹസ്രാ​ബ്ദ​കാ​ല​വു​മാ​യി ബന്ധപ്പെ​ട്ടി​രി​ക്കു​ന്നി​ല്ലാ​ത്തത്‌ എന്തു​കൊണ്ട്‌?

⁹ ഈ ഉപമ സഹസ്രാ​ബ്ദ​കാ​ല​ത്തോ​ടു ബന്ധപ്പെ​ട്ടി​രി​ക്കു​ന്നില്ല. കാരണം അഭിഷി​ക്തർ അന്നു വിശപ്പോ ദാഹമോ രോഗ​മോ തടവോ സഹിക്കുന്ന മനുഷ്യ​രാ​യി​രി​ക്കു​ക​യില്ല. എങ്കിലും അവരി​ല​നേകർ ഈ വ്യവസ്ഥി​തി​യു​ടെ സമാപ​ന​ത്തിൽ അത്തരം കഷ്ടപ്പാ​ടു​കൾ അനുഭ​വി​ച്ചി​ട്ടുണ്ട്‌. സാത്താൻ ഭൂമി​യി​ലേക്ക്‌ എറിയ​പ്പെ​ട്ട​തു​മു​തൽ അവൻ അഭിഷി​ക്ത​രു​ടെ​മേൽ പരിഹാ​സ​വും പീഡന​വും മരണവും വരുത്തി​ക്കൊണ്ട്‌ തന്റെ കോപ​ത്തി​നു പാത്ര​മാ​യി അവരെ പ്രത്യേ​കം നോട്ട​മി​ട്ടി​ട്ടുണ്ട്‌.—വെളി​പ്പാ​ടു 12:17.

10, 11. (എ) യേശു​വി​ന്റെ സഹോ​ദ​ര​ന്മാർക്കു കാരു​ണ്യ​പ്ര​വൃ​ത്തി ചെയ്യു​ന്ന​വ​രെ​ല്ലാം ചെമ്മരി​യാ​ടു​കൾ ആണെന്നു നിഗമനം ചെയ്യു​ന്നതു ന്യായ​യു​ക്ത​മ​ല്ലാ​ത്തത്‌ എന്തു​കൊണ്ട്‌? (ബി) ചെമ്മരി​യാ​ടു​കളെ പ്രതി​നി​ധാ​നം ചെയ്യു​ന്നത്‌ ആരാണ്‌?

¹⁰ തന്റെ സഹോ​ദ​ര​ന്മാ​രി​ലൊ​രു​വന്‌ ഒരു കഷണം റൊട്ടി​യോ ഒരു ഗ്ലാസു വെള്ളമോ നൽകു​ന്ന​തു​പോ​ലുള്ള ഒരു ചെറിയ ദയാ​പ്ര​വൃ​ത്തി ചെയ്യു​ന്ന​വ​രെ​ല്ലാം ചെമ്മരി​യാ​ടു​ക​ളി​ലൊ​ന്നാ​വാൻ യോഗ്യ​രാ​കു​ന്നു​വെ​ന്നാ​ണോ യേശു പറഞ്ഞത്‌? അത്തരം ദയാ​പ്ര​വൃ​ത്തി​കൾ മാനു​ഷിക ദയ പ്രതി​ഫ​ലി​പ്പി​ച്ചേ​ക്കാ​മെ​ന്നു​വ​രികി​ലും വാസ്‌ത​വ​ത്തിൽ അതില​ധി​കം സംഗതി​കൾ ഈ ഉപമയി​ലെ ചെമ്മരി​യാ​ടു​ക​ളു​മാ​യി ബന്ധപ്പെ​ട്ടി​രി​ക്കു​ന്ന​താ​യി തോന്നു​ന്നു. ഉദാഹ​ര​ണ​ത്തിന്‌, തന്റെ സഹോ​ദ​ര​ന്മാ​രി​ലൊ​രാൾക്കു കാരു​ണ്യ​പ്ര​വൃ​ത്തി ചെയ്യാ​നി​ട​യായ നിരീ​ശ്വ​ര​വാ​ദി​ക​ളെ​യോ വൈദി​ക​രെ​യോ പരാമർശി​ക്കു​ക​യാ​യി​രു​ന്നില്ല യേശു. നേരേ​മ​റിച്ച്‌, യേശു ചെമ്മരി​യാ​ടു​കളെ “നീതി​മാ​ന്മാർ” എന്നു രണ്ടു​പ്രാ​വ​ശ്യം വിളിച്ചു. (മത്തായി 25:37, 46) തന്മൂലം, ചെമ്മരി​യാ​ടു​കൾ എന്നു പറയു​ന്നത്‌ ഒരു കാലയ​ള​വിൽ ക്രിസ്‌തു​വി​ന്റെ സഹോ​ദ​ര​ന്മാ​രെ സഹായി​ച്ചി​ട്ടു​ള്ള​വ​രും—സജീവ​മാ​യി പിന്തു​ണ​ച്ചി​ട്ടു​ള്ള​വ​രും—ദൈവ​മു​മ്പാ​കെ നീതി​യുള്ള നില സ്വീക​രി​ക്കാൻ പോന്ന​വണ്ണം വിശ്വാ​സം പ്രകട​മാ​ക്കി​യി​ട്ടു​ള്ള​വ​രു​മാ​യിരി​ക്കണം.

¹¹ നൂറ്റാ​ണ്ടു​ക​ളാ​യി അബ്രഹാ​മി​നെ​പ്പോ​ലുള്ള അനേകർ ഒരു നീതി​യുള്ള നില ആസ്വദി​ച്ചി​രി​ക്കു​ന്നു. (യാക്കോബ്‌ 2:21-23) നോഹ​യും അബ്രഹാ​മും വിശ്വ​സ്‌ത​രായ മറ്റുള്ള​വ​രും ദൈവ​രാ​ജ്യ​ത്തിൻകീ​ഴിൽ പറുദീ​സാ​ഭൂ​മി അവകാ​ശ​മാ​ക്കുന്ന ‘വേറെ ആടുക​ളിൽ’ ഉൾപ്പെ​ടു​ന്നു. സമീപ​കാ​ല​ങ്ങ​ളിൽ ലക്ഷക്കണ​ക്കി​നാ​ളു​കൾ വേറെ ആടുകൾ എന്നനി​ല​യിൽ സത്യാ​രാ​ധന സ്വീക​രി​ക്കു​ക​യും അഭിഷി​ക്ത​രോ​ടൊ​പ്പം “ഒരാട്ടിൻകൂട്ട”മായി​ത്തീ​രു​ക​യും ചെയ്‌തി​രി​ക്കു​ന്നു. (യോഹ​ന്നാൻ 10:16; വെളി​പ്പാ​ടു 7:9) ഭൗമിക പ്രത്യാ​ശ​യുള്ള ഇവർ യേശു​വി​ന്റെ സഹോ​ദ​ര​ന്മാ​രെ രാജ്യ​ത്തി​ന്റെ സ്ഥാനപ​തി​ക​ളാ​യി അംഗീ​ക​രി​ക്കു​ക​യും തന്മൂലം അവരെ അക്ഷരീ​യ​വും ആത്മീയ​വു​മാ​യി സഹായി​ക്കു​ക​യും ചെയ്‌തി​രി​ക്കു​ന്നു. വേറെ ആടുകൾ തന്റെ ഭൂമി​യി​ലുള്ള സഹോ​ദ​ര​ന്മാർക്കു ചെയ്യു​ന്നതു തനിക്കു ചെയ്യു​ന്ന​തു​പോ​ലെ യേശു കണക്കാ​ക്കു​ന്നു. അവൻ ജാതി​കളെ ന്യായം​വി​ധി​ക്കാൻ വരു​മ്പോൾ ജീവി​ച്ചി​രി​ക്കുന്ന അത്തരക്കാർ ചെമ്മരി​യാ​ടു​ക​ളാ​യി ന്യായം​വി​ധി​ക്ക​പ്പെ​ടും.

12. തങ്ങൾ യേശു​വി​നോ​ടു ദയവു കാട്ടി​യ​തെ​ങ്ങ​നെ​യെന്നു ചെമ്മരി​യാ​ടു​കൾ ചോദി​ക്കാ​നി​ട​യു​ള്ളത്‌ എന്തു​കൊണ്ട്‌?

¹² ഇപ്പോൾ വേറെ ആടുകൾ അഭിഷി​ക്ത​രോ​ടൊ​പ്പം സുവാർത്ത പ്രസം​ഗി​ക്കു​ക​യും അവരെ സഹായി​ക്കു​ക​യും ചെയ്യു​ന്ന​തു​കൊണ്ട്‌, “കർത്താവേ, ഞങ്ങൾ എപ്പോൾ നിന്നെ വിശന്നു​ക​ണ്ടി​ട്ടു ഭക്ഷിപ്പാൻ തരിക​യോ ദാഹി​ച്ചു​ക​ണ്ടി​ട്ടു കുടി​പ്പാൻ തരിക​യോ ചെയ്‌തു?” എന്ന്‌ അവർ എന്തിനു ചോദി​ക്കണം? (മത്തായി 25:37) അതിനു പല കാരണങ്ങൾ കാണും. ഇതൊരു ഉപമയാണ്‌. ഇതിലൂ​ടെ യേശു ആത്മീയ സഹോ​ദ​ര​ങ്ങ​ളോ​ടു തനിക്കുള്ള ആഴമായ താത്‌പ​ര്യം പ്രകട​മാ​ക്കു​ന്നു; അവൻ അവരോ​ടൊ​പ്പം കഷ്ടപ്പെ​ടു​ന്നു, അവരോ​ടൊ​പ്പം സഹിക്കു​ന്നു. “നിങ്ങളെ കൈ​ക്കൊ​ള്ളു​ന്നവൻ എന്നെ കൈ​ക്കൊ​ള്ളു​ന്നു; എന്നെ കൈ​ക്കൊ​ള്ളു​ന്നവൻ എന്നെ അയച്ചവനെ കൈ​ക്കൊ​ള്ളു​ന്നു” എന്ന്‌ അവൻ നേരത്തെ പറഞ്ഞി​രു​ന്നു. (മത്തായി 10:40) തന്റെ സഹോ​ദ​ര​ന്മാ​രോ​ടു ചെയ്യു​ന്നത്‌ (നല്ലതാ​യാ​ലും തീയതാ​യാ​ലും) സ്വർഗ​ത്തിൽപോ​ലും എത്തുന്നു​വെന്നു കാണി​ച്ചു​കൊണ്ട്‌ ഈ ഉപമയിൽ യേശു ഒരു തത്ത്വം വ്യക്തമാ​ക്കി; അത്‌ അവനോ​ടു സ്വർഗ​ത്തിൽ ചെയ്‌ത​തു​പോ​ലെ​യാണ്‌. കൂടാതെ, ദൈവ​ത്തി​ന്റെ ന്യായ​വി​ധി അനുകൂ​ല​മാ​യാ​ലും പ്രതി​കൂ​ല​മാ​യാ​ലും വിലയു​ള്ള​തും നീതി​യു​ള്ള​തു​മാ​ണെന്നു കാണി​ച്ചു​കൊണ്ട്‌ ന്യായം​വി​ധി​ക്കു​ന്ന​തി​നുള്ള യഹോ​വ​യു​ടെ മാനദ​ണ്ഡ​ത്തെ​ക്കു​റിച്ച്‌ യേശു ഇവിടെ ഊന്നി​പ്പ​റ​യു​ന്നു. കോലാ​ടു​കൾക്ക്‌, ‘കൊള്ളാം, നിന്നെ ഞങ്ങൾ നേരിട്ടു കണ്ടിരു​ന്നെ​ങ്കിൽ’ എന്ന തൊടു​ന്യാ​യം പറയാ​നാ​വില്ല.

13. കോലാ​ടു​തു​ല്യ​രാ​യവർ യേശു​വി​നെ “കർത്താവേ” എന്ന്‌ അഭിസം​ബോ​ധന ചെയ്യാ​നി​ട​യു​ള്ളത്‌ എന്തു​കൊണ്ട്‌?

¹³ ഈ ഉപമയിൽ കാണി​ച്ചി​രി​ക്കുന്ന ന്യായ​വി​ധി എന്നാണു നടക്കു​ന്നത്‌ എന്നു നാം മനസ്സി​ലാ​ക്കു​മ്പോൾ ഈ കോലാ​ടു​കൾ ആരാ​ണെ​ന്നുള്ള വ്യക്തമായ വീക്ഷണം നമുക്കു ലഭിക്കു​ന്നു. “മനുഷ്യ​പു​ത്രന്റെ അടയാളം ആകാശത്തു വിളങ്ങും; അന്നു ഭൂമി​യി​ലെ സകല​ഗോ​ത്ര​ങ്ങ​ളും പ്രലാ​പി​ച്ചും​കൊ​ണ്ടു, മനുഷ്യ​പു​ത്രൻ . . . മഹാശ​ക്തി​യോ​ടും തേജ​സ്സോ​ടും കൂടെ വരു”ന്ന സമയത്താണ്‌ അതു നിവർത്തി​ക്കു​ന്നത്‌. (ചെരി​ച്ചെ​ഴു​ത്തു ഞങ്ങളു​ടേത്‌.) (മത്തായി 24:29, 30) രാജാ​വി​ന്റെ സഹോ​ദ​ര​ങ്ങ​ളോ​ടു വിദ്വേ​ഷ​പൂർവം പെരു​മാ​റിയ, മഹാബാ​ബി​ലോ​ന്റെ​മേൽ ഉണ്ടാകുന്ന മഹോ​പ​ദ്ര​വത്തെ അതിജീ​വി​ക്കു​ന്നവർ ഇപ്പോൾ തങ്ങളുടെ ജീവൻ രക്ഷിക്ക​പ്പെ​ടു​മെന്ന പ്രത്യാ​ശ​യിൽ ന്യായാ​ധി​പ​തി​യെ “കർത്താവേ” എന്നു ഗതിമു​ട്ടി അഭിസം​ബോ​ധ​ന​ചെ​യ്‌തെ​ന്നു​വ​രാം.—മത്തായി 7:22, 23; വെളി​പ്പാ​ടു 6:15-17 താരത​മ്യം ചെയ്യുക.

14. എന്തടി​സ്ഥാ​ന​ത്തി​ലാ​യി​രി​ക്കും യേശു ചെമ്മരി​യാ​ടു​ക​ളെ​യും കോലാ​ടു​ക​ളെ​യും ന്യായം​വി​ധി​ക്കു​ന്നത്‌?

¹⁴ മുൻ പള്ളിക്കാ​രു​ടെ​യും നിരീ​ശ്വ​ര​വാ​ദി​ക​ളു​ടെ​യും മറ്റുള്ള​വ​രു​ടെ​യും ഗതിമു​ട്ടിയ അവകാ​ശ​വാ​ദ​ങ്ങളെ അടിസ്ഥാ​ന​പ്പെ​ടു​ത്തി​യാ​യി​രി​ക്കു​ക​യില്ല യേശു​വി​ന്റെ ന്യായ​വി​ധി. (2 തെസ്സ​ലൊ​നീ​ക്യർ 1:8) മറിച്ച്‌, ആളുക​ളു​ടെ ഹൃദയ​നി​ല​യെ​യും “[തന്റെ] ഏറ്റവും ചെറിയ [സഹോ​ദ​ര​ന്മാ​രിൽ] ഒരുത്തന്നു” ചെയ്‌ത അവരുടെ കഴിഞ്ഞ​കാല പ്രവർത്ത​ന​ങ്ങ​ളെ​യും ആ ന്യായാ​ധി​പതി പുനര​വ​ലോ​കനം ചെയ്യും. ഭൂമി​യിൽ ശേഷി​ച്ചി​രി​ക്കുന്ന അഭിഷി​ക്ത​രു​ടെ സംഖ്യ കുറഞ്ഞു​വ​രു​ക​യാ​ണെന്നു സമ്മതി​ക്കു​ന്നു. എന്നിരു​ന്നാ​ലും, “വിശ്വ​സ്‌ത​നും വിവേ​കി​യു​മായ അടിമ”യാകുന്ന അഭിഷി​ക്തർ ആത്മീയ ആഹാര​വും മാർഗ​നിർദേ​ശ​വും പ്രദാ​നം​ചെ​യ്യു​ന്നി​ട​ത്തോ​ളം കാലം ഭാവി ചെമ്മരി​യാ​ടു​കൾക്ക്‌ അടിമ​വർഗ​ത്തി​നു നന്മ ചെയ്യു​ന്ന​തി​നുള്ള അവസര​മുണ്ട്‌, ‘സകല ജാതി​ക​ളി​ലും ഗോ​ത്ര​ങ്ങ​ളി​ലും വംശങ്ങ​ളി​ലും​നി​ന്നുള്ള മഹാപു​രു​ഷാ​രം’ ചെയ്‌തി​രി​ക്കു​ന്ന​തു​പോ​ലെ​തന്നെ.—വെളി​പ്പാ​ടു 7:9, 14.

15. (എ) അനേക​രും കോലാ​ടു​തു​ല്യ​രാ​യി​രി​ക്കു​ന്നു​വെന്നു സ്വയം തെളി​യി​ച്ച​തെ​ങ്ങനെ? (ബി) ഒരുവൻ ചെമ്മരി​യാ​ടാ​ണോ കോലാ​ടാ​ണോ എന്നു പ്രസ്‌താ​വി​ക്കു​ന്നതു നാം ഒഴിവാ​ക്കേ​ണ്ടത്‌ എന്തു​കൊണ്ട്‌?

¹⁵ ക്രിസ്‌തു​വി​ന്റെ സഹോ​ദ​ര​ങ്ങൾക്കും ഒരു തൊഴു​ത്തി​ലെ ആടുക​ളെ​ന്ന​പോ​ലെ അവരോ​ടൊ​പ്പം ഏകീഭ​വി​ച്ചി​രി​ക്കുന്ന ലക്ഷക്കണ​ക്കി​നു വേറെ ആടുകൾക്കും എങ്ങനെ​യുള്ള പെരു​മാ​റ്റ​മാ​ണു ലഭിച്ചി​രി​ക്കു​ന്നത്‌? അനേക​രും ക്രിസ്‌തു​വി​ന്റെ പ്രതി​നി​ധി​കളെ വ്യക്തി​പ​ര​മാ​യി ആക്രമി​ച്ചി​ട്ടി​ല്ലാ​യി​രി​ക്കാം. എന്നാൽ അവർ അവന്റെ ആളുക​ളോ​ടു സ്‌നേ​ഹ​പൂർവം പെരു​മാ​റി​യി​ട്ടു​മില്ല. കോലാ​ടു​തു​ല്യ​രായ ആളുകൾ രാജ്യ​സ​ന്ദേ​ശത്തെ, നേരി​ട്ടോ പരോ​ക്ഷ​മാ​യോ കേട്ടാ​ലും തള്ളിക്ക​ള​യു​ന്നു. (1 യോഹ​ന്നാൻ 2:15-17) തീർച്ച​യാ​യും, ഒടുവി​ലത്തെ അപഗ്ര​ഥ​ന​ത്തിൽ ന്യായ​വി​ധി നടപ്പാ​ക്കാൻ നിയോ​ഗി​ക്ക​പ്പെ​ട്ടി​രി​ക്കു​ന്നത്‌ യേശു​വാണ്‌. ചെമ്മരി​യാ​ടു​കൾ ആരാ​ണെ​ന്നും കോലാ​ടു​കൾ ആരാ​ണെ​ന്നും നിർണ​യി​ക്കു​ന്നതു നമ്മളല്ല.—മർക്കൊസ്‌ 2:8; ലൂക്കൊസ്‌ 5:22; യോഹ​ന്നാൻ 2:24, 25; റോമർ 14:10-12; 1 കൊരി​ന്ത്യർ 4:5.

ഓരോ വിഭാ​ഗ​ത്തി​ന്റെ​യും ഭാവി​യെന്ത്‌?

16, 17. ചെമ്മരി​യാ​ടു​ക​ളു​ടെ ഭാവി എന്തായി​രി​ക്കും?

¹⁶ “എന്റെ പിതാ​വി​നാൽ അനു​ഗ്ര​ഹി​ക്ക​പ്പെ​ട്ട​വരേ, വരുവിൻ; ലോക​സ്ഥാ​പ​നം​മു​തൽ നിങ്ങൾക്കാ​യി ഒരുക്കി​യി​രി​ക്കുന്ന രാജ്യം അവകാ​ശ​മാ​ക്കി​ക്കൊൾവിൻ” എന്ന്‌ യേശു ചെമ്മരി​യാ​ടു​കളെ ന്യായം​വി​ധി​ച്ചു. “വരുവിൻ”—എന്തൊരു ഊഷ്‌മ​ള​മായ ക്ഷണം! എന്തി​ലേക്ക്‌? നിത്യ​ജീ​വ​നി​ലേക്ക്‌. അവൻ ഒടുവിൽ ക്രോ​ഡീ​ക​രി​ച്ച​തു​പോ​ലെ, ‘നീതി​മാ​ന്മാർ നിത്യ​ജീ​വ​നി​ലേക്കു [പോകും].’—മത്തായി 25:34, 46.

¹⁷ തന്നോ​ടൊ​പ്പം സ്വർഗ​ത്തിൽ ഭരിക്കാ​നി​രി​ക്കു​ന്ന​വ​രിൽനിന്ന്‌ എന്താണ്‌ ആവശ്യ​പ്പെ​ടു​ന്ന​തെന്നു താലന്തു​ക​ളെ​ക്കു​റി​ച്ചുള്ള ഉപമയിൽ യേശു പ്രകട​മാ​ക്കി. എന്നാൽ ഈ ഉപമയിൽ രാജ്യ​ത്തി​ന്റെ പ്രജക​ളാ​യി​രി​ക്കു​ന്ന​വ​രിൽനിന്ന്‌ എന്താണു പ്രതീ​ക്ഷി​ക്കു​ന്ന​തെന്ന്‌ അവൻ പ്രകട​മാ​ക്കു​ന്നു. (മത്തായി 25:14-23) സ്‌പഷ്ട​മാ​യും യേശു​വി​ന്റെ സഹോ​ദ​ര​ങ്ങൾക്ക്‌ അവർ നൽകിയ അവിഭാ​ജ്യ​മായ പിന്തുണ നിമിത്തം ചെമ്മരി​യാ​ടു​കൾ അവന്റെ രാജ്യ​ത്തി​ന്റെ ഭൗമിക മണ്ഡലത്തിൽ ഒരു സ്ഥാനം അവകാ​ശ​മാ​ക്കു​ന്നു. അവർ ഒരു പറുദീ​സാ ഭൂമി​യിൽ ജീവി​ത​മാ​സ്വ​ദി​ക്കും—വീണ്ടെ​ടു​ക്ക​പ്പെ​ടാ​വു​ന്ന​വർക്കാ​യി ദൈവം “ലോക​സ്ഥാ​പ​നം​മു​തൽ” ഒരുക്കി​യി​രി​ക്കുന്ന പ്രത്യാ​ശ​തന്നെ.—ലൂക്കൊസ്‌ 11:50, 51.

18, 19. (എ) യേശു കോലാ​ടു​കൾക്ക്‌ എന്തു ന്യായ​വി​ധി കൽപ്പി​ക്കും? (ബി) കോലാ​ടു​കൾ നിത്യ​യാ​തന അനുഭ​വി​ക്കു​ക​യി​ല്ലെന്നു നമുക്ക്‌ ഉറപ്പു​ണ്ടാ​യി​രി​ക്കാ​വു​ന്ന​തെ​ങ്ങനെ?

¹⁸ എത്ര വ്യത്യ​സ്‌ത​മായ ന്യായ​വി​ധി​യാ​ണു കോലാ​ടു​ക​ളു​ടെ​മേൽ നടത്ത​പ്പെ​ടു​ന്നത്‌! “പിന്നെ അവൻ ഇടത്തു​ള്ള​വ​രോ​ടു: ശപിക്ക​പ്പെ​ട്ട​വരേ, എന്നെ വിട്ടു പിശാ​ചി​ന്നും അവന്റെ ദൂതന്മാർക്കും ഒരുക്കി​യി​രി​ക്കുന്ന നിത്യാ​ഗ്നി​യി​ലേക്കു പോകു​വിൻ. എനിക്കു വിശന്നു, നിങ്ങൾ ഭക്ഷിപ്പാൻ തന്നില്ല; ദാഹിച്ചു, നിങ്ങൾ കുടി​പ്പാൻ തന്നില്ല. അതിഥി​യാ​യി​രു​ന്നു, [“അപരി​ചി​ത​നാ​യി​രു​ന്നു,” NW] നിങ്ങൾ എന്നെ ചേർത്തു​കൊ​ണ്ടില്ല; നഗ്നനാ​യി​രു​ന്നു, നിങ്ങൾ എന്നെ ഉടുപ്പി​ച്ചില്ല; രോഗി​യും തടവി​ലും ആയിരു​ന്നു, നിങ്ങൾ എന്നെ കാണ്മാൻ വന്നില്ല എന്നു അരുളി​ച്ചെ​യ്യും. അതിന്നു അവർ: കർത്താവേ, ഞങ്ങൾ നിന്നെ വിശക്കു​ന്ന​വ​നോ ദാഹി​ക്കു​ന്ന​വ​നോ അഥിതി​യോ [“അപരി​ചി​ത​നോ,” NW] നഗ്നനോ രോഗി​യോ തടവി​ലോ ആയി എപ്പോൾ കണ്ടു നിനക്കു ശുശ്രൂഷ ചെയ്യാ​തി​രു​ന്നു എന്നു ഉത്തരം പറയും. അവൻ അവരോ​ടു: ഈ ഏറ്റവും ചെറി​യ​വ​രിൽ ഒരുത്തന്നു നിങ്ങൾ ചെയ്യാ​ത്തി​ട​ത്തോ​ള​മെ​ല്ലാം എനിക്കു ആകുന്നു ചെയ്യാ​ഞ്ഞതു എന്നു ഞാൻ സത്യമാ​യി​ട്ടു നിങ്ങ​ളോ​ടു പറയുന്നു എന്നു ഉത്തരം അരുളും.”—മത്തായി 25:41-45.

¹⁹ കോലാ​ടു​തു​ല്യ​രാ​യ​വ​രു​ടെ അമർത്ത്യ ദേഹികൾ ഒരു നിത്യാ​ഗ്നി​യിൽ യാതന​യ​നു​ഭ​വി​ക്കു​മെന്ന്‌ ഇത്‌ അർഥമാ​ക്കു​ന്നി​ല്ലെന്നു ബൈബിൾ വിദ്യാർഥി​കൾക്ക്‌ അറിയാം. മറിച്ച്‌, മനുഷ്യർ ദേഹി​ക​ളാണ്‌; അവർക്ക്‌ അമർത്ത്യ​ദേ​ഹി​കൾ ഇല്ല. (ഉല്‌പത്തി 2:7; സഭാ​പ്ര​സം​ഗി 9:5, 10; യെഹെ​സ്‌കേൽ 18:4) കോലാ​ടു​കളെ “നിത്യാ​ഗ്നി”ക്കു വിധി​ച്ച​തി​ലൂ​ടെ ഭാവി​പ്ര​ത്യാ​ശ​യി​ല്ലാത്ത നാശ​ത്തെ​യാ​ണു ന്യായാ​ധി​പതി അർഥമാ​ക്കി​യത്‌, അത്‌ പിശാ​ചി​ന്റെ​യും ഭൂതങ്ങ​ളു​ടെ​യും ശാശ്വ​ത​നാ​ശ​വും കൂടെ​യാ​യി​രി​ക്കും. (വെളി​പ്പാ​ടു 20:10, 14) അങ്ങനെ യഹോ​വ​യു​ടെ ന്യായാ​ധി​പതി വിപരീത ന്യായ​വി​ധി നടത്തുന്നു. അവൻ ചെമ്മരി​യാ​ടു​ക​ളോട്‌ “വരുവിൻ” എന്നും കോലാ​ടു​ക​ളോട്‌ “എന്നെ വിട്ടു . . . പോകു​വിൻ” എന്നും പറയുന്നു. ചെമ്മരി​യാ​ടു​കൾ ‘നിത്യ​ജീ​വൻ’ അവകാ​ശ​പ്പെ​ടു​ത്തും. കോലാ​ടു​കൾ ‘നിത്യ​ഛേ​ദനം’ അനുഭ​വി​ക്കും.—മത്തായി 25:46, NW.b

ഇതു നമുക്ക്‌ എന്തർഥ​മാ​ക്കു​ന്നു?

20, 21. (എ) ക്രിസ്‌ത്യാ​നി​കൾക്ക്‌ എന്തു പ്രധാന വേല ചെയ്യാ​നുണ്ട്‌? (ബി) എന്തു വിഭജ​ന​മാണ്‌ ഇപ്പോൾ നടന്നു​കൊ​ണ്ടി​രി​ക്കു​ന്നത്‌? (സി) ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമ നിവർത്തി​ക്കാൻ തുടങ്ങു​മ്പോൾ ആളുക​ളു​ടെ അവസ്ഥ എന്തായി​രി​ക്കും?

²⁰ തന്റെ സാന്നി​ധ്യ​വും വ്യവസ്ഥി​തി​യു​ടെ സമാപ​ന​വും സംബന്ധി​ച്ചുള്ള യേശു​വി​ന്റെ മറുപടി കേട്ട അപ്പോ​സ്‌ത​ല​ന്മാ​രെ സംബന്ധി​ച്ചി​ട​ത്തോ​ളം അവർ ഒട്ടേറെ കാര്യങ്ങൾ പരിചി​ന്തി​ക്കേ​ണ്ടി​യി​രു​ന്നു. അവർ ഉണർന്നി​രി​ക്കു​ന്ന​തി​ന്റെ​യും ജാഗരൂ​ക​രാ​യി​രി​ക്കു​ന്ന​തി​ന്റെ​യും ആവശ്യ​മു​ണ്ടാ​യി​രു​ന്നു. (മത്തായി 24:42) മർക്കൊസ്‌ 13:10-ൽ സൂചി​പ്പി​ച്ചി​രി​ക്കുന്ന സാക്ഷ്യ​വേ​ല​യും അവർ ചെയ്യണ​മാ​യി​രു​ന്നു. യഹോ​വ​യു​ടെ സാക്ഷികൾ ഊർജ​സ്വ​ല​ത​യോ​ടെ ഇന്ന്‌ ആ വേലയിൽ ഏർപ്പെ​ട്ടി​രി​ക്കു​ക​യാണ്‌.

²¹ എങ്കിലും, ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമ​യെ​ക്കു​റി​ച്ചുള്ള ഈ പുതിയ ഗ്രാഹ്യം നമുക്ക്‌ എന്തർഥ​മാ​ക്കു​ന്നു? കൊള്ളാം, ആളുകൾ ഇപ്പോൾതന്നെ പക്ഷം​ചേ​രാൻ തുടങ്ങി​യി​രു​ന്നു. ചിലർ ‘നാശത്തി​ലേക്കു പോകുന്ന വിശാ​ല​മായ വഴിയി’ലായി​രി​ക്കെ മറ്റുള്ളവർ ‘ജീവങ്ക​ലേക്കു പോകുന്ന ഞെരു​ക്ക​മുള്ള വഴി’യിലാണ്‌. (മത്തായി 7:13, 14) എന്നാൽ ഉപമയിൽ പരാമർശി​ച്ചി​രി​ക്കുന്ന ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും​മേൽ യേശു അന്തിമ ന്യായ​വി​ധി കൽപ്പി​ക്കുന്ന സമയം വരാൻ പോകു​ന്ന​തേ​യു​ള്ളൂ. മനുഷ്യ​പു​ത്രൻ ന്യായാ​ധി​പ​തി​യു​ടെ റോളിൽ വരു​മ്പോൾ അനേകം സത്യ​ക്രി​സ്‌ത്യാ​നി​കൾ—വാസ്‌ത​വ​ത്തിൽ സമർപ്പിത ചെമ്മരി​യാ​ടു​ക​ളു​ടെ “ഒരു മഹാപു​രു​ഷാ​രം”—“മഹോ​പ​ദ്രവ”ത്തിന്റെ അന്ത്യനാ​ളു​കളെ അതിജീ​വി​ച്ചു പുതിയ ലോക​ത്തി​ലേക്കു കടക്കു​ന്ന​തി​നു യോഗ്യത നേടു​ന്ന​താ​യി അവൻ നിർണ​യി​ക്കും. ആ പ്രത്യാശ ഇപ്പോൾ സന്തോ​ഷ​ത്തി​ന്റെ ഒരു ഉറവി​ട​മാ​യി​രി​ക്കണം. (വെളി​പാട്‌ 7:9, 14, NW) നേരേ​മ​റിച്ച്‌, “സകല ദേശങ്ങ​ളി​ലും”നിന്നുള്ള വലിയ സംഖ്യ ഇണങ്ങാത്ത കോലാ​ടു തുല്യ​രാ​ണെന്നു സ്വയം തെളി​യി​ക്കും. അവർ “നിത്യ​ഛേ​ദ​ന​ത്തി​ലേക്കു” പോകും. അതു ഭൂമിക്ക്‌ എന്തൊ​രാ​ശ്വാ​സ​മാ​യി​രി​ക്കും!

22, 23. ഉപമയു​ടെ നിവൃത്തി ഭാവി​യി​ലാ​ണെ​ന്നു​വ​രി​കി​ലും നമ്മുടെ പ്രസം​ഗ​വേല ഇന്നു ജീവത്‌പ്ര​ധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

²² ഉപമയി​ലെ ന്യായ​വി​ധി സമീപ ഭാവി​യി​ലാ​യി​രി​ക്കെ ഇപ്പോൾ പോലും ജീവത്‌പ്ര​ധാ​ന​മായ ചിലതു സംഭവി​ക്കു​ന്നുണ്ട്‌. ക്രിസ്‌ത്യാ​നി​ക​ളായ നമ്മൾ ജീവരക്ഷാ പ്രവർത്ത​ന​ത്തി​ന്റെ ഭാഗമാ​യി ഒരു സന്ദേശം പ്രഖ്യാ​പി​ക്കു​ന്ന​തിൽ ഏർപ്പെ​ട്ടി​രി​ക്കു​ക​യാണ്‌. ആ സന്ദേശം ആളുക​ളു​ടെ ഇടയിൽ ഭിന്നി​പ്പു​ണ്ടാ​ക്കു​ന്നു. (മത്തായി 10:32-39) ‘“കർത്താ​വി​ന്റെ [“യഹോ​വ​യു​ടെ,” NW] നാമം വിളി​ച്ച​പേ​ക്ഷി​ക്കുന്ന ഏവനും രക്ഷിക്ക​പ്പെ​ടും” എന്നുണ്ട​ല്ലോ. എന്നാൽ അവർ വിശ്വ​സി​ക്കാ​ത്ത​വനെ എങ്ങനെ വിളി​ച്ച​പേ​ക്ഷി​ക്കും? അവർ കേട്ടി​ട്ടി​ല്ലാ​ത്ത​വ​നിൽ എങ്ങനെ വിശ്വ​സി​ക്കും? പ്രസം​ഗി​ക്കു​ന്നവൻ ഇല്ലാതെ എങ്ങനെ കേൾക്കും?’ എന്നു പൗലോസ്‌ എഴുതി. (റോമർ 10:13, 14) ദൈവ​നാ​മ​വും അവന്റെ രക്ഷാസ​ന്ദേ​ശ​വും വഹിച്ചു​കൊ​ണ്ടു നമ്മുടെ പരസ്യ​ശു​ശ്രൂഷ 230-ലധികം രാജ്യ​ങ്ങ​ളി​ലെ ആളുക​ളു​ടെ പക്കൽ എത്തുന്നുണ്ട്‌. ക്രിസ്‌തു​വി​ന്റെ അഭിഷിക്ത സഹോ​ദ​ര​ങ്ങ​ളാണ്‌ ഇന്നും വേലയ്‌ക്കു നേതൃ​ത്വം നൽകു​ന്നത്‌. ഇപ്പോൾ ഏതാണ്ട്‌ 50 ലക്ഷത്തോ​ളം വേറെ ആടുകൾ അവരോ​ടു ചേർന്നി​രി​ക്കു​ന്നു. യേശു​വി​ന്റെ സഹോ​ദ​രങ്ങൾ പ്രഘോ​ഷി​ക്കുന്ന സന്ദേശ​ത്തോ​ടു ലോക​വ്യാ​പ​ക​മാ​യി ആളുകൾ പ്രതി​ക​രി​ക്കു​ക​യാണ്‌.

²³ നാം വീടു​തോ​റു​മോ അനൗപ​ചാ​രി​ക​മോ ആയി പ്രസം​ഗി​ക്കു​മ്പോൾ ആളുകൾ നമ്മുടെ സന്ദേശ​വു​മാ​യി പരിചി​ത​രാ​കു​ന്നു. മറ്റുചി​ലർ യഹോ​വ​യു​ടെ സാക്ഷി​ക​ളെ​ക്കു​റി​ച്ചും നാം എന്തിനെ പ്രതി​നി​ധീ​ക​രി​ക്കു​ന്നു എന്നതി​നെ​ക്കു​റി​ച്ചും നമുക്ക​റി​ഞ്ഞു​കൂ​ടാത്ത വഴിയി​ലൂ​ടെ അറിയു​ന്നു. ന്യായ​വി​ധി സമയം വന്നെത്തു​മ്പോൾ സാമൂ​ഹിക ഉത്തരവാ​ദി​ത്വ​വും കുടുംബ മഹിമ​യും യേശു എത്ര​ത്തോ​ളം കണക്കി​ടും? നമുക്കു പറയാ​നാ​വില്ല, ഊഹി​ച്ചെ​ടു​ക്കു​ന്ന​തു​കൊ​ണ്ടു പ്രയോ​ജ​ന​വു​മില്ല. (1 കൊരി​ന്ത്യർ 7:14 താരത​മ്യം ചെയ്യുക.) അനേക​രും ഇന്നു ദൈവ​ജ​ന​ത്തി​ന്റെ​നേരെ മനഃപൂർവം ചെവി​കൊ​ട്ടി​യ​ട​യ്‌ക്കു​ക​യോ അവരെ പരിഹ​സി​ക്കു​ക​യോ ഇടംവലം നോക്കാ​തെ പീഡി​പ്പി​ക്കു​ക​യോ ചെയ്യുന്നു. തന്മൂലം ഇതൊരു നിർണാ​യക ഘട്ടമാണ്‌; അത്തരക്കാർ കോലാ​ടു​കൾ എന്ന രീതി​യിൽ യേശു വിധി​ക്കു​ന്ന​വ​രാ​യി തീർന്നേ​ക്കാം.—മത്തായി 10:22; യോഹ​ന്നാൻ 15:20; 16:2, 3; റോമർ 2:5, 6.

24. (എ) വ്യക്തികൾ നമ്മുടെ പ്രസം​ഗ​വേ​ല​യോട്‌ അനുകൂ​ല​മാ​യി പ്രതി​ക​രി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? (ബി) ശുശ്രൂ​ഷ​യിൽ വ്യക്തി​പ​ര​മാ​യി എന്തു മനോ​ഭാ​വ​മു​ണ്ടാ​യി​രി​ക്കാ​നാണ്‌ ഈ അധ്യയനം നിങ്ങളെ സഹായി​ച്ചത്‌?

²⁴ സന്തോ​ഷ​ക​ര​മെന്നു പറയട്ടെ, അനേക​രും അനുകൂ​ല​മാ​യി പ്രതി​ക​രി​ക്കു​ക​യും ദൈവ​വ​ചനം പഠിക്കു​ക​യും യഹോ​വ​യു​ടെ സാക്ഷി​ക​ളാ​യി​ത്തീ​രു​ക​യും ചെയ്യു​ന്നുണ്ട്‌. ഇപ്പോൾ കോലാ​ടു​തു​ല്യ​രാ​യി തോന്നി​ക്കുന്ന ചിലർ മാറ്റം വരുത്തി ചെമ്മരി​യാ​ടു​തു​ല്യ​രാ​യി​ത്തീർന്നേ​ക്കാം. ക്രിസ്‌തു​വി​ന്റെ സഹോ​ദ​ര​ങ്ങ​ളു​ടെ ശേഷി​പ്പി​നോ​ടു പ്രതി​ക​രി​ക്കു​ക​യും അവരെ സജീവ​മാ​യി പിന്തു​ണ​യ്‌ക്കു​ക​യും ചെയ്യു​ന്നവർ അതിലൂ​ടെ, സമീപ ഭാവി​യിൽ യേശു ന്യായം​വി​ധി​ക്കാ​നി​രി​ക്കു​മ്പോൾ അവരെ അവന്റെ വലത്തു​ഭാ​ഗത്തു നിർത്തേ​ണ്ട​തിന്‌ അടിസ്ഥാ​നം പ്രദാ​നം​ചെ​യ്യുന്ന തെളിവു നൽകു​ക​യാ​ണി​പ്പോൾ. അവർ ഇപ്പോ​ഴും തുടർന്നും അനുഗൃ​ഹീ​ത​രാ​യി​രി​ക്കും. തന്മൂലം, ക്രിസ്‌തീയ ശുശ്രൂ​ഷാ പ്രവർത്ത​ന​ങ്ങ​ളിൽ കൂടുതൽ തീക്ഷ്‌ണ​ത​യു​ള്ള​വ​രാ​യി​രി​ക്കാൻ ഈ ഉപമ നമുക്കു പ്രചോ​ദനം നൽകണം. രാജ്യ​ത്തി​ന്റെ സുവാർത്ത പ്രഘോ​ഷി​ക്കു​ന്ന​തി​നും അങ്ങനെ മറ്റുള്ള​വർക്കു പ്രതി​ക​രി​ക്കാൻ അവസരം നൽകു​ന്ന​തി​നും ഏറെ വൈകും​മു​മ്പു നമ്മളാൽ ആകുന്ന​തെ​ല്ലാം ചെയ്യാൻ നാം ആഗ്രഹി​ക്കും. അതിനു ശേഷം പ്രതി​കൂ​ല​മാ​യോ അനുകൂ​ല​മാ​യോ ന്യായം​വി​ധി​ക്കു​ക​യെ​ന്നത്‌ യേശു​വി​ന്റെ ധർമമാണ്‌.—മത്തായി 25:46.

[അടിക്കു​റി​പ്പു​കൾ]

നിങ്ങൾ ഓർക്കു​ന്നു​വോ?

◻ ചെമ്മരി​യാ​ടു​ക​ളു​ടെ​യും കോലാ​ടു​ക​ളു​ടെ​യും ഉപമയ്‌ക്കു ഭാവി​നി​വൃ​ത്തി​യു​ണ്ടെന്നു കാണി​ക്കുന്ന എന്തു സമാന്ത​ര​ങ്ങ​ളാ​ണു മത്തായി 24:29-31-നും മത്തായി 25:31-33-നും തമ്മിലു​ള്ളത്‌, അതെന്നാണ്‌?

◻ യേശു​വി​ന്റെ സഹോ​ദ​ര​ന്മാ​രിൽ ‘ഏറ്റവും ചെറിയ’വർ ആരാണ്‌?

◻ “നീതി​മാ​ന്മാർ” എന്ന യേശു​വി​ന്റെ പ്രയോ​ഗം, അത്‌ ആരെ പ്രതി​നി​ധാ​നം ചെയ്യു​ന്നു​വെ​ന്നും ആരെ പ്രതി​നി​ധാ​നം ചെയ്യു​ന്നി​ല്ലെ​ന്നും മനസ്സി​ലാ​ക്കാൻ നമ്മെ സഹായി​ക്കു​ന്ന​തെ​ങ്ങനെ?

◻ ഈ ഉപമ ഭാവി​യി​ലേ നിവൃ​ത്തി​യാ​കു​ക​യു​ള്ളൂ എന്നുവ​രി​കി​ലും നമ്മുടെ പ്രസം​ഗ​വേല ഇപ്പോൾ പ്രധാ​ന​വും അടിയ​ന്തി​ര​വും ആയിരി​ക്കു​ന്ന​തെ​ന്തു​കൊണ്ട്‌?

[24-ാം പേജിലെ ചതുര​വും ചിത്ര​വും]

സമാന്ത​രങ്ങൾ ശ്രദ്ധി​ക്കു​ക

മത്തായി 24:29-31 മത്തായി 25:31-33

മഹോപദ്രവം തുടങ്ങിയ ശേഷം മനുഷ്യ​പു​ത്രൻ വരുന്നു

മനുഷ്യ​പു​ത്രൻ വന്നെത്തു​ന്നു

വലിയ തേജ​സ്സോ​ടെ വരുന്നു തേജ​സ്സോ​ടെ വന്നെത്തു​ന്നു

തന്റെ തേജസ്സി​ന്റെ സിംഹാ​സ​ന​ത്തിൽ ഇരിക്കു​ന്നു

അവനോടൊപ്പം ദൂതന്മാർ സന്നിഹി​തർ ദൂതന്മാർ അവനോ​ടൊ​പ്പം വരുന്നു

ഭൂമിയിലെ സകല ഗോ​ത്ര​ങ്ങ​ളും സകല ജനതക​ളും കൂട്ടി​ച്ചേർക്ക​പ്പെ​ടു​ന്നു;

അവനെ കാണുന്നു കോലാ​ടു​കൾ ന്യായം​വി​ധി​ക്ക​പ്പെ​ടു​ന്നു

ഒടുവിൽ (മഹോ​പ​ദ്രവം അവസാ​നി​ക്കു​ന്നു)

[കടപ്പാട്‌]

Garo Nalbandian