ഭൂമി സൗമ്യ​ത​യു​ള്ള​വർക്ക്‌ ഒരു നിത്യാ​വ​കാ​ശം

“സ്വർഗ്ഗം എന്റെ സിംഹാ​സ​ന​വും ഭൂമി എന്റെ പാദപീ​ഠ​വും ആകുന്നു” എന്ന്‌ യഹോവ പറയുന്നു. തന്റെ പാദപീ​ഠ​ത്തെ​ക്കു​റിച്ച്‌ യഹോവ ഇങ്ങനെ വാഗ്‌ദത്തം ചെയ്യുന്നു: “എന്റെ പാദസ്ഥാ​നത്തെ ഞാൻ മഹത്വ​പൂർണ്ണ​മാ​ക്കും.” (യെശയ്യാവ്‌ 66:1; 60:13 റോതർഹാം) അതിനെ അവകാ​ശ​മാ​ക്കാ​നി​രി​ക്കുന്ന സൗമ്യ​ത​യു​ള്ള​വർക്കു​വേണ്ടി അവനിതു ചെയ്യും. അവരുടെ വിലമ​തി​പ്പാർന്ന പരിലാ​ള​ന​യിൽ ഭൂമി പറുദീ​സാ​തു​ല്യ സൗന്ദര്യ​ത്തി​ന്റെ ഒരു സ്ഥലവും തദ്വാരാ അതിന്റെ സ്രഷ്ടാ​വായ യഹോ​വക്ക്‌ മഹത്വ​കാ​ര​ണ​വും ആയിത്തീ​രും.

ചിലർ ഇങ്ങനെ വാദി​ച്ചേ​ക്കാം: ‘സൗമ്യ​ത​യു​ള്ള​വ​രാ​ണോ ഭൂമിയെ കൈവ​ശ​മാ​ക്കു​ന്നത്‌? സൗമ്യ​രായ ആളുകൾ ദുർബ്ബ​ല​രാണ്‌! ഭൂമി​മേൽ ആധിപ​ത്യം പുലർത്താ​നുള്ള കരുത്ത്‌ അവർക്കെ​ങ്ങ​നെ​യു​ണ്ടാ​കും?’ തിരു​വെ​ഴു​ത്തു​ക​ളിൽ “സൗമ്യർ” എന്ന പദം മാന്യ​ത​യും ദയയും മൃദു​ല​ഭാ​വ​വും പുലർത്തവെ തന്നെ ഉരുക്കി​ന്റെ കരുത്ത്‌ കാത്തു​കൊ​ള്ളു​ന്ന​വ​രെ​യാണ്‌ പരാമർശി​ക്കു​ന്നത്‌. അത്‌ നന്നായി മെരു​ക്ക​പ്പെ​ട്ട​തെ​ങ്കി​ലും പിന്നെ​യും കരുത്താർന്ന ഒരു കാട്ടു​മൃ​ഗ​ത്തി​നു​വേണ്ടി ഉപയോ​ഗി​ക്ക​പ്പെട്ട പദമാണ്‌.

ഗ്രീക്കു പദങ്ങൾക്കുള്ള വൈനി​ന്റെ നിഘണ്ടു സൗമ്യർ എന്നതിനെ ഇങ്ങനെ നിർവ​ചി​ക്കു​ന്നു: “ഇത്‌ ആത്മാവിൽ ഇഴുകി​ചേർന്നി​രി​ക്കുന്ന ഒരു കാരു​ണ്യ​ഭാ​വ​മാണ്‌; അത്‌ മുഖ്യ​മാ​യും ആദ്യമാ​യും ദൈവ​ത്തോ​ടു പുലർത്ത​പ്പെ​ടു​ന്നു. ആത്‌മാ​വി​ന്റെ ഈ വികാ​ര​ത്തോ​ടെ​യാണ്‌ നമ്മോ​ടുള്ള അവന്റെ ഇടപെ​ട​ലു​കളെ നാം നല്ലതായി അംഗീ​ക​രി​ക്കു​ന്ന​തും തന്നിമി​ത്തം എതിർപ്പോ ഭിന്നത​യോ കൂടാതെ കഴിയു​ന്ന​തും.” സൗമ്യ​ത​യു​ള്ളവർ ദൈവ​വ​ച​ന​ത്തോ​ടു കൂട്ടു​ചേർക്കു​ക​യോ അതിൽ നിന്നു കുറക്കു​ക​യോ അതിൽ വെള്ളം ചേർക്ക​യോ അതിനെ കോട്ടി​മാ​ട്ടു​ക​യോ ചെയ്‌ക​യില്ല—തങ്ങളുടെ അധാർമ്മിക വൃത്തിക്ക്‌ ഇടം നൽകാൻ മററു ചിലർ ചെയ്യു​ന്ന​തു​പോ​ലെ.—ആവർത്തനം 4:2; 2 പത്രോസ്‌ 3:16; വെളി​പ്പാട്‌ 22:18, 19.

“മോശെ ഭൂതല​ത്തി​ലുള്ള സകല മനുഷ്യ​രി​ലും വെച്ച്‌ അതിസൗ​മ്യൻ ആയിരു​ന്നു.” (സംഖ്യാ​പു​സ്‌തകം 12:3) എന്നാൽ അവൻ ദുർബ​ല​നാ​യി​രു​ന്നോ? അവൻ ഈജി​പ്‌റ​റി​ലെ ശക്തനായ ഫറവോ​ന്റെ മുമ്പിൽ പ്രത്യ​ക്ഷ​പ്പെട്ട്‌ അടിമ​ത്ത​ത്തി​ലാ​യി​രുന്ന എബ്രാ​യരെ പോകാൻ അവൻ അനുവ​ദി​ക്ക​ണ​മെന്ന്‌ ആവശ്യ​പ്പെട്ടു. ഫറവോൻ ഇല്ല എന്നുത്തരം നൽകി​ക്കൊണ്ട്‌ വിട്ടു​വീ​ഴ്‌ച​യി​ല്ലാ​ത്ത​വ​നാ​യി നില​കൊ​ണ്ടു! എന്നാൽ മോശെ ഈജി​പ്‌റ​റു​കാ​രു​ടെ മേൽ ബാധവ​രാ​നി​രി​ക്ക​യാ​ണെന്നു വിളം​ബരം ചെയ്‌തു​കൊണ്ട്‌ വീണ്ടും സമീപി​ക്കു​ന്ന​തിൽ അചഞ്ചല​നാ​യി തുടർന്നു. (പുറപ്പാട്‌ 7-11 വരെയുള്ള അദ്ധ്യാ​യങ്ങൾ) സൗമ്യ​നോ, അതെ; എന്നാൽ ദുർബ​ല​നോ? അസാദ്ധ്യം!

യേശു​ക്രി​സ്‌തു സൗമ്യ​നാ​യി​രു​ന്നു. എന്നാൽ അവൻ തന്റെ നാളിലെ മത എതിരാ​ളി​കൾക്കെ​തി​രെ നില​കൊ​ണ്ടു, അവർ അവനെ പീഡി​പ്പി​ക്കു​ക​യും കൊല്ലു​ക​യും ചെയ്യു​മെന്ന്‌ അവന്‌ അറിയാ​മാ​യി​രു​ന്നി​ട്ടു​പോ​ലും! “നാമി​പ്പോൾ യരുശ​ലേ​മി​ലേക്കു പോകു​ക​യാണ്‌. മനുഷ്യ​പു​ത്രൻ മുഖ്യ​പു​രോ​ഹി​തൻമാ​രു​ടെ​യും ശാസ്‌ത്രി​മാ​രു​ടെ​യും കൈക​ളിൽ ഏൽപ്പി​ക്ക​പ്പെ​ടു​ക​യും അവർ അവനെ മരണശി​ക്ഷക്കു വിധി​ക്കു​ക​യും ജനതക​ളി​ലെ ആളുകൾക്ക്‌ ഏൽപ്പി​ക്കു​ക​യും അവർ അവനെ കളിയാ​ക്കു​ക​യും അവന്റെ​മേൽ തുപ്പു​ക​യും അവനെ അപമാ​നി​ക്ക​യും കൊല്ലു​ക​യും ചെയ്യും.” (മർക്കോസ്‌ 10:33, 34) ഇതെല്ലാം അവർ അവനോ​ടു ചെയ്‌തു. എന്നാൽ അവൻ ദൈവ​ത്തോ​ടുള്ള തന്റെ നിർമ്മ​ല​ത​യിൽ നിന്ന്‌ വ്യതി​ച​ലി​ച്ചില്ല. സൗമ്യ​നോ, അതെ; ദുർബ​ല​നോ? അസാദ്ധ്യം!

അതു​കൊണ്ട്‌ തിരു​വെ​ഴു​ത്തു പ്രകാ​ര​മുള്ള സൗമ്യർക്കാണ്‌ യഹോവ ഭൂമി നൽകു​ന്നത്‌. ശാസ്‌ത്ര​ജ്ഞൻമാ​രു​ടെ സൈദ്ധാ​ന്തീ​ക​ര​ണ​ങ്ങൾക്കും വ്യാജ​മ​ത​ത്തി​ന്റെ പഠിപ്പി​ക്ക​ലു​കൾക്കും വിപരീ​ത​മാ​യി ഭൂമി “അനിശ്ചിത കാല​ത്തേക്ക്‌ അഥവാ സദാകാ​ല​ത്തേ​ക്കും” നിലനിൽക്കും. (സങ്കീർത്തനം 104:5) യഹോവ “വെറും വ്യർത്ഥ​മാ​യി​ട്ടല്ല അതിനെ സൃഷ്ടി​ച്ചത്‌.” അവൻ “നിവസി​ക്ക​പ്പെ​ടാൻ തന്നെ അതിനു രൂപം നൽകി.” (യെശയ്യാവ്‌ 45:18) ജീവിതം അന്ന്‌ എത്ര ആഹ്ലാദ​ക​ര​മാ​യി​രി​ക്കും! ദൈവം “അവരുടെ കണ്ണിൽനിന്ന്‌ കണ്ണുനീ​രെ​ല്ലാം തുടച്ചു നീക്കും, മരണം മേലാൽ ഉണ്ടായി​രി​ക്ക​യില്ല. വിലാ​പ​മോ മുറവി​ളി​യോ വേദന​യോ മേലാൽ ഉണ്ടാകു​ക​യില്ല. മുൻകാ​ര്യ​ങ്ങ​ളെ​ല്ലാം കഴിഞ്ഞു​പോ​യി​രി​ക്കു​ന്നു.”—വെളി​പ്പാട്‌ 21:4.

ഭൂമിയെ രോഗ​ബാ​ധി​ത​യാ​ക്കിയ പ്രദൂ​ഷ​ക​രെ​ല്ലാം അന്നു പൊയ്‌പ്പോ​യി​രി​ക്കും! അപ്പോൾ “സൗമ്യ​ത​യു​ള്ളവർ തന്നെ ഭൂമിയെ അവകാ​ശ​മാ​ക്കു​ക​യും സമാധാന സമൃദ്ധി​യിൽ അവർ തങ്ങളുടെ പരമാ​നന്ദം കണ്ടെത്തു​ക​യും ചെയ്യും.” (സദൃശ​വാ​ക്യ​ങ്ങൾ 2:21, 22; സങ്കീർത്തനം 37:11) നിങ്ങളും തിരു​വെ​ഴു​ത്തു​ക​ള​നു​സ​രിച്ച്‌ സൗമ്യ​രി​ലൊ​രാ​ളാ​യി​തീ​രു​വാൻ മതിയായ യോഗ്യത പ്രാപി​ക്കാൻ തക്കവണ്ണം ശക്തനെ​ങ്കിൽ നിങ്ങളും ആ പറുദീ​സാ ഭൂമി​യി​ലെ നിത്യ​ജീ​വൻ ആസ്വദി​ച്ചേ​ക്കാം. (g89 1/22)