യഹോ​വ​യു​ടെ ദിവസ​ത്തി​നാ​യി നിങ്ങൾ ഒരുങ്ങി​യി​രി​ക്കു​ന്നു​വോ?

“യഹോ​വ​യു​ടെ മഹാദി​വസം അടുത്തി​രി​ക്കു​ന്നു; അതു അടുത്തു അത്യന്തം ബദ്ധപ്പെ​ട്ടു​വ​രു​ന്നു.”—സെഫന്യാ​വു 1:14.

1. തിരു​വെ​ഴു​ത്തു​കൾ യഹോ​വ​യു​ടെ ദിവസത്തെ വർണി​ക്കു​ന്ന​തെ​ങ്ങനെ?

ഈ ദുഷ്ട വ്യവസ്ഥി​തി​യു​ടെ​മേൽ “യഹോ​വ​യു​ടെ വലുതും ഭയങ്കര​വു​മാ​യുള്ള ദിവസം” ഉടനെ​തന്നെ വന്നെത്തും. യുദ്ധം, അന്ധകാരം, കോപം, അരിഷ്ടത, കൊടും​വേദന, ഭയാ​ക്രോ​ശം, ശൂന്യ​മാ​ക്കൽ എന്നിവ​യെ​യെ​ല്ലാം യഹോ​വ​യു​ടെ ദിവസ​ത്തി​ന്റെ പ്രത്യേ​ക​ത​ക​ളാ​യി തിരു​വെ​ഴു​ത്തു​കൾ വർണി​ക്കു​ന്നു. എങ്കിലും, അതിജീ​വ​ക​രു​ണ്ടാ​യി​രി​ക്കും. എന്തെന്നാൽ “യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നവൻ ഏവനും രക്ഷിക്ക​പ്പെ​ടും.” (യോവേൽ 2:30-32; ആമോസ്‌ 5:18-20) അതേ, അപ്പോൾ ദൈവം തന്റെ ശത്രു​ക്കളെ നശിപ്പി​ക്കു​ക​യും തന്റെ ജനത്തെ രക്ഷിക്കു​ക​യും ചെയ്യും.

2. യഹോ​വ​യു​ടെ ദിവസ​ത്തെ​ക്കു​റി​ച്ചു നമുക്ക്‌ ഒരു അടിയ​ന്തി​ര​താ​ബോ​ധം ഉണ്ടായി​രി​ക്കേ​ണ്ടത്‌ എന്തു​കൊണ്ട്‌?

² ദൈവ​ത്തി​ന്റെ പ്രവാ​ച​ക​ന്മാർ യഹോ​വ​യു​ടെ ദിവസ​ത്തിന്‌ ഒരു അടിയ​ന്തി​ര​താ​ബോ​ധം കൽപ്പി​ച്ചി​രു​ന്നു. ഉദാഹ​ര​ണ​ത്തിന്‌, സെഫന്യാവ്‌ എഴുതി: “യഹോ​വ​യു​ടെ മഹാദി​വസം അടുത്തി​രി​ക്കു​ന്നു; അതു അടുത്തു അത്യന്തം ബദ്ധപ്പെ​ട്ടു​വ​രു​ന്നു.” (സെഫന്യാ​വു 1:14) സ്ഥിതി​വി​ശേ​ഷ​ത്തിന്‌ ഇന്ന്‌ അന്നത്തെ​തി​നെ​ക്കാൾ അടിയ​ന്തി​ര​ത​യുണ്ട്‌, കാരണം ദൈവ​ത്തി​ന്റെ മുഖ്യ വധാധി​കൃത രാജാ​വാം യേശു​ക്രി​സ്‌തു ‘സത്യവും സൗമ്യ​ത​യും നീതി​യും പാലി​ക്കാൻ തന്റെ വാൾ അരെക്കു കെട്ടാൻ’ പോകു​ക​യാണ്‌. (സങ്കീർത്തനം 45:3, 4) ആ ദിവസ​ത്തി​നാ​യി നിങ്ങൾ ഒരുങ്ങി​യി​രി​ക്കു​ന്നു​വോ?

അവർക്കു വലിയ പ്രതീ​ക്ഷ​ക​ളു​ണ്ടാ​യി​രു​ന്നു

3. തെസ്സ​ലൊ​നീ​ക്യ​യി​ലെ ചില ക്രിസ്‌ത്യാ​നി​കൾക്ക്‌ എന്തു പ്രതീ​ക്ഷകൾ ഉണ്ടായി​രു​ന്നു, അവർക്കു തെറ്റു​പ​റ്റി​യ​തി​നുള്ള രണ്ടു കാരണങ്ങൾ ഏവ?

³ യഹോ​വ​യു​ടെ ദിവസ​ത്തെ​ക്കു​റി​ച്ചുള്ള അനേക​രു​ടെ​യും പ്രതീ​ക്ഷകൾ നിവൃ​ത്തി​യേ​റാ​തെ പോയി. തെസ്സ​ലൊ​നീ​ക്യ​യി​ലെ ചില ആദിമ ക്രിസ്‌ത്യാ​നി​കൾ പറഞ്ഞു, ‘ഇതാ, യഹോ​വ​യു​ടെ നാൾ വന്നെത്തി​യി​രി​ക്കു​ന്നു!’ (2 തെസ്സ​ലൊ​നീ​ക്യർ 2:2, NW) എന്നാൽ അതു സമീപി​ച്ചി​ട്ടി​ല്ലാ​യി​രു​ന്നു​വെ​ന്ന​തിന്‌ അടിസ്ഥാ​ന​പ​ര​മായ രണ്ടു കാരണ​ങ്ങ​ളു​ണ്ടാ​യി​രു​ന്നു. അവയി​ലൊ​ന്നു പരാമർശി​ച്ചു​കൊണ്ട്‌, പൗലൊസ്‌ അപ്പോ​സ്‌തലൻ പ്രസ്‌താ​വി​ച്ചു: “അവർ സമാധാ​ന​മെ​ന്നും നിർഭ​യ​മെ​ന്നും പറയു​മ്പോൾ ഗർഭി​ണി​ക്കു പ്രസവ​വേദന വരും​പോ​ലെ അവർക്കു പെട്ടെന്നു നാശം വന്നു ഭവിക്കും.” (1 തെസ്സ​ലൊ​നീ​ക്യർ 5:1-6) ഈ “അന്ത്യകാല”ത്ത്‌, ആ വാക്കു​ക​ളു​ടെ നിവൃ​ത്തി​ക്കാ​യി നാമും കാത്തി​രി​ക്കു​ക​യാണ്‌. (ദാനീ​യേൽ 12:4) യഹോ​വ​യു​ടെ മഹാദി​വസം എത്തി​യെ​ന്ന​തി​നുള്ള മറ്റേ തെളി​വും തെസ്സ​ലൊ​നീ​ക്യർക്ക്‌ ഇല്ലാ​തെ​പോ​യി. കാരണം പൗലൊസ്‌ അവരോ​ടു പറഞ്ഞു: “ആദ്യം വിശ്വാ​സ​ത്യാ​ഗം സംഭവി​ക്കാ​തെ അതു വരുക​യില്ല.” (2 തെസ്സ​ലൊ​നീ​ക്യർ 2:3, NW) പൗലൊസ്‌ ആ വാക്കുകൾ എഴുതി​യ​പ്പോൾ (ഏതാണ്ട്‌ പൊ.യു. [പൊതു​യു​ഗം] 51-ൽ), സത്യ​ക്രി​സ്‌ത്യാ​നി​ത്വ​ത്തിൽനി​ന്നുള്ള “വിശ്വാ​സ​ത്യാ​ഗം” പൂർണ​മാ​യും വികാസം പ്രാപി​ച്ചി​ട്ടി​ല്ലാ​യി​രു​ന്നു. ഇന്ന്‌, അതു ക്രൈ​സ്‌ത​വ​ലോ​ക​ത്തിൽ പൂർണ​വി​കാ​സം പ്രാപി​ച്ചി​രി​ക്കു​ന്ന​താ​യി നമുക്കു കാണാം. തെസ്സ​ലൊ​നീ​ക്യ​യി​ലെ വിശ്വസ്‌ത അഭിഷി​ക്ത​രു​ടെ പ്രതീ​ക്ഷകൾ നിവൃ​ത്തി​യേ​റി​യി​ല്ലെ​ങ്കി​ലും, മരണം​വരെ ദൈവത്തെ വിശ്വ​സ്‌ത​യോ​ടെ സേവിച്ച അവർക്ക്‌ അവസാനം സ്വർഗീയ പ്രതി​ഫലം ലഭിച്ചു. (വെളി​പ്പാ​ടു 2:10) യഹോ​വ​യു​ടെ ദിവസ​ത്തി​നാ​യി കാത്തി​രി​ക്കവെ, വിശ്വ​സ്‌ത​രാ​യി നില​കൊ​ള്ളു​ന്നെ​ങ്കിൽ നമുക്കും പ്രതി​ഫലം ലഭിക്കും.

4. (എ) 2 തെസ്സ​ലൊ​നീ​ക്യർ 2:1, 2-ൽ യഹോ​വ​യു​ടെ ദിവസത്തെ എന്തുമാ​യി ബന്ധപ്പെ​ടു​ത്തി​യി​രി​ക്കു​ന്നു? (ബി) ക്രിസ്‌തു​വി​ന്റെ തിരി​ച്ചു​വ​ര​വും ബന്ധപ്പെട്ട സംഗതി​ക​ളും സംബന്ധി​ച്ചു സഭാപി​താ​ക്ക​ന്മാർ എന്നു വിളി​ക്ക​പ്പെ​ടു​ന്ന​വർക്ക്‌ എന്തെല്ലാം വീക്ഷണങ്ങൾ ഉണ്ടായി​രു​ന്നു?

⁴ ബൈബിൾ “യഹോ​വ​യു​ടെ മഹാദി​വസ”ത്തെ “നമ്മുടെ കർത്താ​വായ യേശു​ക്രി​സ്‌തു​വി​ന്റെ സാന്നിധ്യ”വുമായി ബന്ധപ്പെ​ടു​ത്തു​ന്നു. (2 തെസ്സ​ലൊ​നീ​ക്യർ 2:1, 2, NW) സഭാപി​താ​ക്ക​ന്മാർ എന്നു വിളി​ക്ക​പ്പെ​ടു​ന്ന​വർക്ക്‌ യേശു​വി​ന്റെ തിരി​ച്ചു​വ​ര​വി​നെ​യും സാന്നി​ധ്യ​ത്തെ​യും സഹസ്രാ​ബ്ദ​വാ​ഴ്‌ച​യെ​യും കുറിച്ചു പലവിധ ധാരണ​ക​ളു​മു​ണ്ടാ​യി​രു​ന്നു. (വെളി​പ്പാ​ടു 20:4) പൊ.യു. രണ്ടാം നൂറ്റാ​ണ്ടിൽ, ഹിയര​പൊ​ലി​യി​ലെ പേപ്പി​യസ്‌ ക്രിസ്‌തു​വി​ന്റെ സഹസ്രാ​ബ്ദ​വാ​ഴ്‌ച​ക്കാ​ലത്തു ഭൂമി​യിൽ വൻവി​ളവ്‌ ഉണ്ടായി​രി​ക്കു​മെന്ന പ്രതീക്ഷ വെച്ചു​പു​ലർത്തി​യി​രു​ന്നു. യേശു​വി​ന്റെ സാന്നി​ധ്യ​ത്തെ​ക്കു​റിച്ച്‌ ആവർത്തി​ച്ചു സംസാ​രിച്ച ജസ്റ്റിൻ മാർട്ടർ പുനഃ​സ്ഥാ​പിത യെരൂ​ശ​ലേം ആയിരി​ക്കും അവന്റെ ഭരണത്തി​ന്റെ കേന്ദ്ര​സ്ഥാ​നം എന്നു ധരിച്ചു. റോമാ സാമ്രാ​ജ്യം നശിപ്പി​ക്ക​പ്പെ​ട്ട​തി​നു​ശേഷം, യേശു ദൃശ്യ​മാ​യി പ്രത്യ​ക്ഷ​പ്പെ​ടു​മെ​ന്നും സാത്താനെ ബന്ധിക്കു​മെ​ന്നും, തുടർന്നു ഭൗമിക യെരൂ​ശ​ലേ​മിൽ വാഴു​മെ​ന്നും ലിയോൺസി​ലെ ഐറേ​നി​യസ്‌ പഠിപ്പി​ച്ചു.

5. ക്രിസ്‌തു​വി​ന്റെ “രണ്ടാം വരവി”നെയും അവന്റെ സഹസ്രാ​ബ്ദ​വാ​ഴ്‌ച​യെ​യും കുറിച്ചു ചില പണ്ഡിത​ന്മാർ എന്താണു പറഞ്ഞി​രി​ക്കു​ന്നത്‌?

⁵ പൊ.യു. 325-ലെ നിഖ്യാ സുനഹ​ദോ​സി​നു​മു​മ്പുള്ള കാലഘ​ട്ട​ത്തി​ലെ “ഏറ്റവും ശ്രദ്ധേ​യ​മായ വിശ്വാ​സം പൊതു​വായ പുനു​രു​ത്ഥാ​ന​ത്തി​നും ന്യായ​വി​ധി​ക്കും മുമ്പായി ക്രിസ്‌തു, പുനരു​ത്ഥാ​നം പ്രാപിച്ച വിശു​ദ്ധ​ന്മാ​രോ​ടൊ​പ്പം, ഭൂമി​യിൽ ആയിരം വർഷം ദൃശ്യ​മാ​യി വാഴ്‌ച നടത്തും എന്ന വിശ്വാസ”മായി​രു​ന്നു​വെന്നു ഫിലിപ്പ്‌ ഷാഫ്‌ എന്ന ചരി​ത്ര​കാ​രൻ പ്രസ്‌താ​വി​ക്കു​ന്നുണ്ട്‌. ജയിംസ്‌ ഹേസ്റ്റി​ങ്‌സ്‌ എഡിറ്റു​ചെയ്‌ത ഒരു ബൈബിൾ നിഘണ്ടു (ഇംഗ്ലീഷ്‌) പ്രസ്‌താ​വി​ക്കു​ന്നു: “തെർത്തു​ല്യൻ, ഐറേ​നി​യസ്‌, ഹിപ്പോ​ല​റ്റസ്‌ എന്നിവർ [യേശു​ക്രി​സ്‌തു​വി​ന്റെ] പെട്ടെ​ന്നുള്ള വരവി​നാ​യി കാത്തി​രി​ക്കു​ന്നു; എന്നാൽ അലക്‌സാ​ണ്ട്രി​യൻ പിതാ​ക്ക​ന്മാ​രു​ടെ കാലഘ​ട്ട​മാ​യ​പ്പോ​ഴേ​ക്കും നാം ഒരു പുതിയ ചിന്താ​ധാ​ര​യി​ലേക്കു കടക്കു​ക​യാണ്‌. . . . അഗസ്റ്റിൻ സഹസ്രാ​ബ്ദത്തെ സഭാം​ഗ​ങ്ങ​ളു​ടെ ഭൗമി​ക​ജീ​വി​ത​കാ​ല​ഘ​ട്ട​മാ​യി തിരി​ച്ച​റി​യി​ച്ച​തോ​ടെ, രണ്ടാം വരവ്‌ വിദൂ​ര​ഭാ​വി​യി​ലേക്കു മാറ്റ​പ്പെട്ടു.”

യഹോ​വ​യു​ടെ ദിവസ​വും യേശു​വി​ന്റെ സാന്നി​ധ്യ​വും

6. യഹോ​വ​യു​ടെ ദിവസം ഇനിയും വളരെ അകലെ​യാ​ണെന്നു നാം നിഗമനം ചെയ്യാൻ പാടി​ല്ലാ​ത്തത്‌ എന്തു​കൊണ്ട്‌?

⁶ തെറ്റി​ദ്ധാ​ര​ണകൾ നിരാ​ശ​യു​ള​വാ​ക്കി, എന്നാൽ യഹോ​വ​യു​ടെ ദിവസം ഇനിയും വളരെ അകലെ​യാ​ണെന്നു നാം വിചാ​രി​ക്കേ​ണ്ട​തില്ല. യഹോ​വ​യു​ടെ ദിവസ​വു​മാ​യി തിരു​വെ​ഴു​ത്തു​പ​ര​മാ​യി ബന്ധപ്പെ​ട്ടി​രി​ക്കുന്ന യേശു​വി​ന്റെ അദൃശ്യ സാന്നി​ധ്യം ഇതി​നോ​ട​കം​തന്നെ ആരംഭി​ച്ചി​രി​ക്കു​ക​യാണ്‌. വീക്ഷാ​ഗോ​പു​ര​വും യഹോ​വ​യു​ടെ സാക്ഷി​ക​ളു​ടെ മറ്റു പ്രസി​ദ്ധീ​ക​ര​ണ​ങ്ങ​ളും ക്രിസ്‌തു​വി​ന്റെ സാന്നി​ധ്യം 1914 എന്ന വർഷത്തിൽ ആരംഭി​ച്ചു എന്നതി​നുള്ള തിരു​വെ​ഴു​ത്തു തെളി​വു​കൾ പലപ്പോ​ഴും പ്രദാനം ചെയ്‌തി​ട്ടുണ്ട്‌.a അതു​കൊണ്ട്‌, തന്റെ സാന്നി​ധ്യ​ത്തെ​ക്കു​റിച്ച്‌ യേശു എന്താണു പറഞ്ഞത്‌?

7. (എ) യേശു​വി​ന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാ​ള​ത്തി​ന്റെ ചില സവി​ശേ​ഷ​തകൾ ഏതെല്ലാം? (ബി) നാം എങ്ങനെ രക്ഷിക്ക​പ്പെ​ട്ടേ​ക്കാം?

⁷ യേശു​വി​ന്റെ മരണത്തി​നു തൊട്ടു​മുമ്പ്‌, അവന്റെ സാന്നി​ധ്യം ചർച്ചാ​വി​ഷ​യ​മാ​യി. യെരൂ​ശ​ലേം ദേവാ​ല​യ​ത്തി​ന്റെ നാശം മുൻകൂ​ട്ടി​പ്പ​റ​ഞ്ഞതു കേട്ട അവന്റെ അപ്പോ​സ്‌ത​ല​ന്മാ​രായ പത്രൊസ്‌, യാക്കോബ്‌, യോഹ​ന്നാൻ, അന്ത്രെ​യാസ്‌ എന്നിവർ ചോദി​ച്ചു: “ഇവ എപ്പോ​ഴാ​യി​രി​ക്കും, നിന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാളം എന്തായി​രി​ക്കും?” (മത്തായി 24:1-3, NW; മർക്കൊസ്‌ 13:3, 4) മറുപ​ടി​യാ​യി, യേശു യുദ്ധങ്ങ​ളെ​യും ക്ഷാമങ്ങ​ളെ​യും ഭൂകമ്പ​ങ്ങ​ളെ​യും തന്റെ സാന്നി​ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും “അടയാള”ത്തിന്റെ മറ്റു സവി​ശേ​ഷ​ത​ക​ളെ​യും കുറിച്ചു മുൻകൂ​ട്ടി​പ്പ​റഞ്ഞു. എന്നിട്ട്‌, “അവസാ​ന​ത്തോ​ളം സഹിച്ചു​നി​ല്‌ക്കു​ന്നവൻ രക്ഷിക്ക​പ്പെടു”മെന്നും അവൻ പറഞ്ഞു. (മത്തായി 24:13) നമ്മുടെ ഈ ജീവി​ത​ത്തി​ന്റെ അവസാ​ന​ത്തോ​ളം, അല്ലെങ്കിൽ ഈ ദുഷ്ട വ്യവസ്ഥി​തി​യു​ടെ അവസാ​ന​ത്തോ​ളം വിശ്വ​സ്‌ത​ത​യോ​ടെ സഹിച്ചു​നിൽക്കു​ന്നെ​ങ്കിൽ, നാം രക്ഷിക്ക​പ്പെ​ടും.

8. യഹൂദ വ്യവസ്ഥി​തി​യു​ടെ അന്ത്യത്തി​നു​മുമ്പ്‌ എന്തു നിർവ​ഹി​ക്കേ​ണ്ടി​യി​രു​ന്നു, അക്കാര്യ​ത്തിൽ ഇന്ന്‌ എന്തു നിർവ​ഹി​ക്ക​പ്പെ​ടു​ന്നു?

⁸ അന്ത്യത്തി​നു​മുമ്പ്‌, യേശു​വി​ന്റെ സാന്നി​ധ്യ​ത്തി​ന്റെ ഒരു സവി​ശേ​ഷ​ഭാ​ഗം നിറ​വേ​റണം. അതി​നെ​ക്കു​റിച്ച്‌ അവൻ പറഞ്ഞു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.” (ചെരി​ച്ചെ​ഴു​ത്തു ഞങ്ങളു​ടേത്‌.) (മത്തായി 24:14) പൊ.യു. 70-ൽ റോമാ​ക്കാർ യെരൂ​ശ​ലേ​മി​നെ നശിപ്പിച്ച്‌ യഹൂദ വ്യവസ്ഥി​തി അവസാ​നി​പ്പി​ക്കു​ന്ന​തി​നു​മുമ്പ്‌, സുവി​ശേഷം “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ ഘോഷി”ക്കപ്പെട്ടി​രി​ക്കു​ന്നു​വെന്നു പൗലൊ​സി​നു പറയാൻ കഴിഞ്ഞു. (കൊ​ലൊ​സ്സ്യർ 1:23) എന്നാൽ, ഇന്ന്‌ അതി​നെ​ക്കാൾ വളരെ വിപു​ല​മായ പ്രസം​ഗ​വേല യഹോ​വ​യു​ടെ സാക്ഷികൾ “ഭൂലോ​ക​ത്തിൽ ഒക്കെയും” നിർവ​ഹി​ക്കു​ന്നുണ്ട്‌. കഴിഞ്ഞ ഏതാനും വർഷങ്ങ​ളിൽ, പൂർവ യൂറോ​പ്പിൽ വമ്പിച്ച സാക്ഷ്യം കൊടു​ക്കു​ന്ന​തി​നു ദൈവം വഴി​യൊ​രു​ക്കി​യി​രി​ക്കു​ക​യാണ്‌. ലോക​വ്യാ​പ​ക​മാ​യുള്ള അച്ചടി​സൗ​ക​ര്യ​ങ്ങ​ളും മറ്റു സൗകര്യ​ങ്ങ​ളും ഉപയോ​ഗി​ച്ചു​കൊണ്ട്‌, യഹോ​വ​യു​ടെ സ്ഥാപനം വർധിച്ച പ്രവർത്ത​ന​ത്തിന്‌, “സ്‌പർശി​ച്ചി​ട്ടി​ല്ലാത്ത പ്രദേ​ശത്തു”പോലും പ്രവർത്തി​ക്കു​ന്ന​തിന്‌, തയ്യാ​റെ​ടു​ത്തി​രി​ക്കു​ക​യാണ്‌. (റോമർ 15:22, 23, NW) അന്ത്യം വരുന്ന​തി​നു​മു​മ്പു സാക്ഷ്യം കൊടു​ക്കു​ന്ന​തിൽ നിങ്ങൾക്കാ​വു​ന്ന​ത്ര​യും ചെയ്യാൻ ഹൃദയം നിങ്ങളെ പ്രേരി​പ്പി​ക്കു​ന്നു​ണ്ടോ? ഉണ്ടെങ്കിൽ, ഇനിയുള്ള വേലയിൽ പ്രതി​ഫ​ല​ദാ​യ​ക​മായ പങ്കുണ്ടാ​യി​രി​ക്കാൻ ദൈവ​ത്തി​നു നിങ്ങളെ ശക്തീക​രി​ക്കാ​നാ​കും.—ഫിലി​പ്പി​യർ 4:13; 2 തിമൊ​ഥെ​യൊസ്‌ 4:17.

9. മത്തായി 24:36-ൽ രേഖ​പ്പെ​ടു​ത്തി​യി​രി​ക്കുന്ന പ്രകാരം, യേശു ഏതു സംഗതി വ്യക്തമാ​ക്കി?

⁹ മുൻകൂ​ട്ടി​പ്പറഞ്ഞ രാജ്യ​പ്ര​സം​ഗ​വേ​ല​യും യേശു​വി​ന്റെ സാന്നി​ധ്യ​ത്തി​ന്റെ അടയാ​ള​ത്തി​ന്റെ മറ്റു സവി​ശേ​ഷ​ഭാ​ഗ​ങ്ങ​ളും ഇപ്പോൾ നിറ​വേ​റി​ക്കൊ​ണ്ടി​രി​ക്കു​ക​യാണ്‌. അതു​കൊണ്ട്‌, ഈ ദുഷ്ടവ്യ​വ​സ്ഥി​തി​യു​ടെ അന്ത്യം അടുത്തി​രി​ക്കു​ക​യാണ്‌. “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതൻമാ​രും പുത്ര​നും കൂടെ അറിയു​ന്നില്ല” എന്ന്‌ യേശു പറഞ്ഞതു സത്യം​ത​ന്നെ​യെ​ങ്കി​ലും, യേശു​വി​ന്റെ പ്രവച​ന​ത്തിന്‌ ‘ആ നാളി​നും നാഴി​ക​യ്‌ക്കും’വേണ്ടി ഒരുങ്ങി​യി​രി​ക്കാൻ നമ്മെ സഹായി​ക്കാ​നാ​കും.—മത്തായി 24:4-14, 36.

അവർ ഒരുങ്ങി​യി​രു​ന്നു

10. ആത്മീയ​മാ​യി ഉണർവു​ള്ള​വ​രാ​യി നില​കൊ​ള്ളുക സാധ്യ​മാ​ണെന്നു നമു​ക്കെ​ങ്ങനെ അറിയാം?

¹⁰ യഹോ​വ​യു​ടെ മഹാദി​വ​സത്തെ അതിജീ​വി​ക്കു​ന്ന​തിന്‌, നാം ആത്മീയ​മാ​യി ഉണർവു​ള്ള​വ​രാ​യും സത്യാ​രാ​ധ​ന​യു​ടെ കാര്യ​ത്തിൽ അചഞ്ചല​രാ​യും നില​കൊ​ള്ളണം. (1 കൊരി​ന്ത്യർ 16:13) അത്തരം സഹിഷ്‌ണുത സാധ്യ​മാ​ണെന്നു നമുക്ക​റി​യാം, എന്തെന്നാൽ സഹിഷ്‌ണുത കാട്ടിയ ദൈവ​ഭ​ക്തി​യുള്ള ഒരു കുടും​ബം പൊ.യു.മു. (പൊതു​യു​ഗ​ത്തി​നു​മുമ്പ്‌) 2370-ൽ ദുഷ്ടമ​നു​ഷ്യ​രെ നശിപ്പിച്ച പ്രളയത്തെ അതിജീ​വി​ക്കു​ക​യു​ണ്ടാ​യി. ആ കാലഘ​ട്ടത്തെ തന്റെ സാന്നി​ധ്യ​വു​മാ​യി താരത​മ്യം ചെയ്‌തു​കൊണ്ട്‌, യേശു പറഞ്ഞു: “നോഹ​യു​ടെ കാലം​പോ​ലെ തന്നേ മനുഷ്യ​പു​ത്രന്റെ വരവും ആകും. ജലപ്ര​ള​യ​ത്തി​ന്നു മുമ്പുള്ള കാലത്തു നോഹ പെട്ടക​ത്തിൽ കയറി​യ​നാൾവരെ അവർ നിന്നും കുടി​ച്ചും വിവാഹം കഴിച്ചും വിവാ​ഹ​ത്തി​ന്നു കൊടു​ത്തും പോന്നു; ജലപ്ര​ളയം വന്നു എല്ലാവ​രെ​യും നീക്കി​ക്ക​ള​യു​വോ​ളം അവർ അറിഞ്ഞ​തു​മില്ല [“ഗൗനി​ച്ചില്ല,” NW]; മനുഷ്യ​പു​ത്രന്റെ വരവും അങ്ങനെ തന്നേ ആകും.”—മത്താ. 24:37-39.

11. തന്റെ നാളിൽ അക്രമം നിലനി​ന്നി​രു​ന്നി​ട്ടും നോഹ ഏതു ഗതി പിൻപറ്റി?

¹¹ നമ്മെ​പ്പോ​ലെ, നോഹ​യും കുടും​ബ​വും അക്രമാ​സ​ക്ത​മായ ഒരു ലോക​ത്തി​ലാ​ണു ജീവി​ച്ചി​രു​ന്നത്‌. അനുസ​ര​ണം​കെട്ട ദൂത “ദൈവ​പു​ത്ര​ന്മാർ” ശരീരം ധരിച്ചു​വന്നു ഭാര്യ​മാ​രെ എടുത്തു കുപ്ര​സിദ്ധ നെഫി​ലി​മു​കൾക്കു ജന്മമേകി. സ്ഥിതി​വി​ശേഷം കൂടുതൽ അക്രമാ​സ​ക്ത​മാ​ക്കി​യതു നിസ്സം​ശ​യ​മാ​യും ഈ മുട്ടാ​ള​ന്മാർ ആയിരു​ന്നു. (ഉല്‌പത്തി 6:1, 2, 4; 1 പത്രൊസ്‌ 3:19, 20) എന്നിരു​ന്നാ​ലും, വിശ്വാ​സ​ത്തിൽ “നോഹ ദൈവ​ത്തോ​ടു​കൂ​ടെ നടന്നു.” അവൻ “നീതി​മാ​നും തന്റെ തലമു​റ​യിൽ നിഷ്‌ക​ള​ങ്ക​നു​മാ​യി​രു​ന്നു.” (ഉല്‌പത്തി 6:9-11) ദൈവ​ത്തിൽ പ്രാർഥ​നാ​നിർഭ​ര​മായ ആശ്രയം പ്രകട​മാ​ക്കി​ക്കൊണ്ട്‌, യഹോ​വ​യു​ടെ ദിവസ​ത്തി​നാ​യി കാത്തി​രി​ക്കവെ അക്രമാ​സ​ക്ത​വും ദുഷ്ടവു​മായ ഈ ലോക​ത്തിൽ നമുക്കും നോഹ​യെ​പ്പോ​ലെ ആയിരി​ക്കാ​വു​ന്ന​താണ്‌.

12. (എ) പെട്ടകം പണിയു​ന്നതു കൂടാതെ നോഹ​യ്‌ക്കു വേറെ ഏതു വേലയു​മു​ണ്ടാ​യി​രു​ന്നു? (ബി) നോഹ​യു​ടെ പ്രസം​ഗ​വേ​ല​യോട്‌ ആളുകൾ പ്രതി​ക​രി​ച്ച​തെ​ങ്ങനെ, അവർക്കു നേരിട്ട പരിണ​ത​ഫ​ലങ്ങൾ എന്തൊ​ക്കെ​യാ​യി​രു​ന്നു?

¹² ജലപ്ര​ള​യ​ത്തിൽ ജീവൻ സംരക്ഷി​ക്കു​ന്ന​തി​നുള്ള പെട്ടകം പണിതവൻ എന്നനി​ല​യിൽ നോഹ പ്രശസ്‌ത​നാണ്‌. അവൻ “ഒരു നീതി​പ്ര​സം​ഗി”യുമാ​യി​രു​ന്നു. എന്നാൽ അവന്റെ ദൈവദത്ത സന്ദേശത്തെ സമകാ​ലീ​നർ “ഗൗനി​ച്ചില്ല.” പ്രളയം അവരെ​യെ​ല്ലാം തുടച്ചു​നീ​ക്കു​ന്ന​തു​വരെ, അവർ തിന്നും കുടി​ച്ചും വിവാഹം ചെയ്‌തും കുട്ടി​കളെ ജനിപ്പി​ച്ചും അനുദിന ജീവിത കാര്യ​ങ്ങ​ളിൽ മുഴു​കി​യും കഴിഞ്ഞു​പോ​ന്നു. (2 പത്രൊസ്‌ 2:5; ഉല്‌പത്തി 6:14) “ദൈവ​ത്തി​ങ്ക​ലേ​ക്കുള്ള മാനസാ​ന്തര”ത്തെയും ക്രിസ്‌തു​വി​ലുള്ള വിശ്വാ​സ​ത്തെ​യും നീതി​യെ​യും “വരുവാ​നുള്ള ന്യായ​വി​ധി”യെയും കുറിച്ചു യഹോ​വ​യു​ടെ സാക്ഷികൾ പറയു​മ്പോൾ ഇന്നത്തെ ദുഷ്ടത​ല​മുറ മുഖം​തി​രി​ച്ചു​ക​ള​യു​ന്ന​തു​പോ​ലെ, ശരിയായ നടത്ത​യെ​യും സംസാ​ര​ത്തെ​യും കുറിച്ചു കേൾക്കാൻ അവർ ആഗ്രഹി​ച്ചില്ല. (പ്രവൃ​ത്തി​കൾ 20:20, 21; 24:24, 25) നോഹ ദൈവ​ത്തി​ന്റെ സന്ദേശം പ്രഖ്യാ​പി​ക്കുന്ന സമയത്തു ഭൂമി​യിൽ എത്ര ആളുകൾ ജീവി​ച്ചി​രു​ന്നു​വെ​ന്ന​തി​നു രേഖകൾ ലഭ്യമല്ല. പക്ഷേ ഒരു സംഗതി ഉറപ്പാണ്‌, പൊ.യു.മു. 2370-ൽ ഭൂമി​യി​ലെ ജനസംഖ്യ പെട്ടെന്നു ചുരുങ്ങി! ജലപ്ര​ളയം ആ ദുഷ്ടത​ല​മു​റയെ തുടച്ചു​നീ​ക്കി. അതിജീ​വി​ച്ചതു ദൈവ​ത്തി​ന്റെ ആ പ്രവൃ​ത്തി​ക്കാ​യി ഒരുങ്ങി​യി​രു​ന്നവർ മാത്രം—നോഹ​യും അവന്റെ കുടും​ബ​ത്തി​ലെ മറ്റ്‌ ഏഴ്‌ അംഗങ്ങ​ളും.—ഉല്‌പത്തി 7:19-23; 2 പത്രൊസ്‌ 3:5, 6.

13. നോഹ ഏതു നീതി​ന്യാ​യ തീർപ്പിൽ തികഞ്ഞ ഉറപ്പു പ്രകട​മാ​ക്കി, ഇതി​നോ​ടുള്ള യോജി​പ്പിൽ അവൻ എങ്ങനെ പ്രവർത്തി​ച്ചു?

¹³ ദൈവം പ്രളയ​ത്തി​ന്റെ കൃത്യ ദിവസ​വും മണിക്കൂ​റും സംബന്ധി​ച്ചു വർഷങ്ങൾക്കു​മു​മ്പു​തന്നെ നോഹ​യ്‌ക്കു വിവരം നൽകി​യില്ല. എന്നിരു​ന്നാ​ലും, നോഹ​യ്‌ക്കു 480 വയസ്സാ​യ​പ്പോൾ, യഹോവ കൽപ്പിച്ചു: “മനുഷ്യ​നിൽ എന്റെ ആത്മാവു സദാകാ​ല​വും വാദി​ച്ചു​കൊ​ണ്ടി​രി​ക്ക​യില്ല; അവൻ ജഡം തന്നേയ​ല്ലോ; എങ്കിലും അവന്റെ കാലം നൂററി​രു​പതു സംവത്സ​ര​മാ​കും.” (ഉല്‌പത്തി 6:3) നീതി​ന്യാ​യ​പ​ര​മായ ഈ ദിവ്യ തീർപ്പിൽ നോഹ തികഞ്ഞ ഉറപ്പു പ്രകട​മാ​ക്കി. നോഹ​യ്‌ക്കു 500 വയസ്സായ ശേഷം അവൻ “ശേമി​നെ​യും ഹാമി​നെ​യും യാഫെ​ത്തി​നെ​യും” ജനിപ്പി​ച്ചു. അന്നത്തെ ആചാര​മ​നു​സ​രി​ച്ചു പുത്ര​ന്മാ​രു​ടെ വിവാഹം 50-60 വയസ്സു കഴിഞ്ഞാ​ണു നടന്നി​രു​ന്നത്‌. ജലപ്ര​ള​യത്തെ അതിജീ​വി​ക്കു​ന്ന​തി​നു പെട്ടകം പണിയാൻ നോഹ​യോ​ടു കൽപ്പി​ച്ച​പ്പോൾ, ഈ പുത്ര​ന്മാ​രും അവരുടെ ഭാര്യ​മാ​രും വ്യക്തമാ​യും ആ ഉദ്യമ​ത്തിൽ അവനെ സഹായി​ച്ചു. പെട്ടക​നിർമാ​ണ​വും “നീതി​പ്ര​സം​ഗി”യായുള്ള അവന്റെ സേവന​വും ഒരുമി​ച്ചു നടത്തി​യി​രി​ക്കാ​നാ​ണു സാധ്യത. അങ്ങനെ ജലപ്ര​ള​യ​ത്തി​നു​മു​മ്പുള്ള 40-ഓ 50-ഓ വർഷം അവനു തിരക്കു​പി​ടിച്ച വേലയാ​യി​രു​ന്നു. (ഉല്‌പത്തി 5:32; 6:13-22) ആ വർഷങ്ങ​ളി​ലെ​ല്ലാം, അവനും കുടും​ബ​വും വിശ്വാ​സ​ത്തോ​ടെ പ്രവർത്തി​ച്ചു. നാം സുവാർത്ത പ്രസം​ഗി​ക്കു​ക​യും യഹോ​വ​യു​ടെ ദിവസ​ത്തി​നാ​യി കാത്തി​രി​ക്കു​ക​യും ചെയ്യവെ, നമുക്കും വിശ്വാ​സം പ്രകട​മാ​ക്കാം.—എബ്രായർ 11:7.

14. യഹോവ അവസാനം നോഹ​യോട്‌ എന്തു പറഞ്ഞു, എന്തു​കൊണ്ട്‌?

¹⁴ പെട്ടക​ത്തി​ന്റെ പണി പൂർത്തി​യാ​കാ​റാ​യ​പ്പോൾ, ജലപ്ര​ളയം എപ്പോൾ സംഭവി​ക്കു​മെന്നു കൃത്യ​മാ​യി അറിയി​ല്ലെ​ങ്കി​ലും അത്‌ ആസന്നമാ​യി​രി​ക്കു​ന്നു​വെന്നു നോഹ വിചാ​രി​ച്ചി​ട്ടു​ണ്ടാ​കാം. എന്നാൽ അവസാനം യഹോവ അവനോ​ടു പറയു​ക​തന്നെ ചെയ്‌തു: “ഇനി ഏഴു ദിവസം കഴിഞ്ഞി​ട്ടു ഞാൻ ഭൂമി​യിൽ നാല്‌പതു രാവും നാല്‌പതു പകലും മഴ പെയ്യി​ക്കും.” (ഉല്‌പത്തി 7:4) അതു മുഖാ​ന്തരം പ്രളയം ആരംഭി​ക്കു​ന്ന​തി​നു​മു​മ്പാ​യി എല്ലാവിധ മൃഗങ്ങ​ളെ​യും​കൊ​ണ്ടു പെട്ടക​ത്തിൽ പ്രവേ​ശി​ക്കു​ന്ന​തി​നു നോഹ​യ്‌ക്കും കുടും​ബ​ത്തി​നും മതിയായ സമയം കിട്ടി. എന്നാൽ ഈ വ്യവസ്ഥി​തി​യു​ടെ നാശം തുടങ്ങു​ന്ന​തി​നുള്ള ദിവസ​മോ മണിക്കൂ​റോ നാം അറി​യേ​ണ്ട​തില്ല; കാരണം മൃഗങ്ങ​ളു​ടെ അതിജീ​വനം നമ്മെ ഏൽപ്പി​ച്ചി​ട്ടില്ല. തന്നെയു​മല്ല അതിജീ​വി​ക്കാൻ സാധ്യ​ത​യുള്ള മനുഷ്യർ ഇതി​നോ​ട​കം​തന്നെ പ്രതീ​കാ​ത്മക പെട്ടക​ത്തിൽ, ദൈവ​ജ​ന​ത്തി​ന്റെ ആത്മീയ പറുദീ​സ​യിൽ, പ്രവേ​ശി​ച്ചു​കൊ​ണ്ടി​രി​ക്കു​ന്നു.

‘ഉണർന്നി​രി​പ്പിൻ’

15. (എ) മത്തായി 24:40-44-ൽ കാണുന്ന യേശു​വി​ന്റെ വാക്കുകൾ നിങ്ങൾ സ്വന്തം വാക്കു​ക​ളിൽ എങ്ങനെ വിശദീ​ക​രി​ക്കും? (ബി) ദൈവ​ത്തി​ന്റെ പ്രതി​കാ​രം നിർവ​ഹി​ക്കാൻ യേശു വരുന്നത്‌ എപ്പോ​ഴെന്നു കൃത്യ​മാ​യി അറിയാ​നാ​വാ​ത്ത​തു​കൊണ്ട്‌ എന്തു ഫലമാ​ണു​ള്ളത്‌?

¹⁵ തന്റെ സാന്നി​ധ്യ​ത്തെ​ക്കു​റിച്ച്‌ യേശു വിശദ​മാ​ക്കി: “അന്നു രണ്ടുപേർ വയലിൽ ഇരിക്കും [ജോലി​ചെ​യ്യു​ക​യാ​യി​രി​ക്കും]; ഒരുത്തനെ കൈ​ക്കൊ​ള്ളും, മററവനെ ഉപേക്ഷി​ക്കും. രണ്ടുപേർ ഒരു തിരി​ക്ക​ല്ലിൽ [ധാന്യം] പൊടി​ച്ചു​കൊ​ണ്ടി​രി​ക്കും; ഒരുത്തി​യെ കൈ​ക്കൊ​ള്ളും, മററവളെ ഉപേക്ഷി​ക്കും. നിങ്ങളു​ടെ കർത്താവു ഏതു ദിവസ​ത്തിൽ വരുന്നു എന്നു നിങ്ങൾ അറിയാ​യ്‌ക​കൊ​ണ്ടു ഉണർന്നി​രി​പ്പിൻ. കള്ളൻ വരുന്ന യാമം ഇന്നതെന്നു വീട്ടു​ട​യവൻ അറിഞ്ഞു എങ്കിൽ അവൻ ഉണർന്നി​രി​ക്ക​യും തന്റെ വീടു തുരക്കു​വാൻ സമ്മതി​ക്കാ​തി​രി​ക്ക​യും ചെയ്യും എന്നു അറിയു​ന്നു​വ​ല്ലോ. അങ്ങനെ നിങ്ങൾ നിനെ​ക്കാത്ത നാഴി​ക​യിൽ മനുഷ്യ​പു​ത്രൻ വരുന്ന​തു​കൊ​ണ്ടു നിങ്ങളും ഒരുങ്ങി​യി​രി​പ്പിൻ.” (മത്തായി 24:40-44; ലൂക്കൊസ്‌ 17:34, 35) ദൈവ​ത്തി​ന്റെ പ്രതി​കാ​രം നിർവ​ഹി​ക്കാൻ യേശു വരുന്നത്‌ എപ്പോ​ഴെന്നു കൃത്യ​മാ​യി അറിയാ​ത്തതു നമ്മെ ജാഗരൂ​ക​രാ​യി നില​കൊ​ള്ളാൻ പ്രേരി​പ്പി​ക്കു​ക​യും നാം യഹോ​വയെ സേവി​ക്കു​ന്ന​തിൽ സ്വാർഥ​മായ ആന്തരങ്ങ​ളി​ല്ലെന്നു തെളി​യി​ക്കാൻ നമുക്ക്‌ അനുദി​നം അവസരം നൽകു​ക​യും ചെയ്യുന്നു.

16. “ഉപേക്ഷിക്ക”പ്പെടുന്ന വ്യക്തി​കൾക്കും “കൈ​ക്കൊള്ള”പ്പെടു​ന്ന​വർക്കും എന്തു സംഭവി​ക്കും?

¹⁶ ദുഷ്ടന്മാ​രോ​ടൊ​പ്പം നാശത്തി​നാ​യി “ഉപേക്ഷിക്ക”പ്പെടു​ന്ന​വ​രിൽ ഒരിക്കൽ സത്യത്തി​ലാ​യി​രു​ന്നി​ട്ടു സ്വാർഥ​ജീ​വി​ത​രീ​തി​യിൽ മുങ്ങി​പ്പോ​യ​വ​രും ഉൾപ്പെ​ടും. “കൈ​ക്കൊള്ള”പ്പെടു​ന്ന​വ​രു​ടെ കൂട്ടത്തിൽ, യഹോ​വ​യ്‌ക്കു പൂർണ​മാ​യി അർപ്പി​ച്ചി​രി​ക്കു​ന്ന​വ​രും “വിശ്വ​സ്‌ത​നും വിവേ​കി​യു​മായ അടിമ”യിലൂ​ടെ​യുള്ള അവന്റെ ആത്മീയ കരുത​ലു​ക​ളോ​ടു യഥാർഥ​ത്തിൽ നന്ദിയു​ള്ള​വ​രു​മാ​യ​വ​രു​ടെ കൂട്ടത്തിൽ നിങ്ങളും ഉണ്ടായി​രി​ക്കട്ടെ. (മത്തായി 24:45-47, NW) “ശുദ്ധഹൃ​ദയം, നല്ല മനസ്സാക്ഷി, നിർവ്യാ​ജ വിശ്വാ​സം എന്നിവ​യാൽ ഉളവാ​കുന്ന സ്‌നേഹ”ത്തോടെ അവസാ​ന​ത്തോ​ളം നമുക്കു ദൈവത്തെ സേവി​ക്കാം.—1 തിമൊ​ഥെ​യൊസ്‌ 1:5.

വിശുദ്ധ പ്രവൃ​ത്തി​കൾ അത്യന്താ​പേ​ക്ഷി​തം

17. (എ) 2 പത്രൊസ്‌ 3:10-ൽ എന്തു മുൻകൂ​ട്ടി​പ്പ​റ​ഞ്ഞി​രി​ക്കു​ന്നു? (ബി) 2 പത്രൊസ്‌ 3:11, 12-ൽ പ്രോ​ത്സാ​ഹി​പ്പി​ച്ചി​രി​ക്കുന്ന ചില പ്രവൃ​ത്തി​കൾ എന്തെല്ലാം?

¹⁷ പത്രൊസ്‌ അപ്പോ​സ്‌തലൻ എഴുതി: “കർത്താ​വി​ന്റെ ദിവസ​മോ കള്ളനെ​പ്പോ​ലെ വരും. അന്നു ആകാശം കൊടു​മ്മു​ഴ​ക്ക​ത്തോ​ടെ ഒഴിഞ്ഞു​പോ​കും; മൂലപ​ദാർത്ഥങ്ങൾ കത്തിയ​ഴി​ക​യും ഭൂമി​യും അതിലുള്ള പണിക​ളും വെന്തു​പോ​ക​യും ചെയ്യും.” (2 പത്രൊസ്‌ 3:10) പ്രതീ​കാ​ത്മക ആകാശ​വും ഭൂമി​യും ദൈവ​ത്തി​ന്റെ ജ്വലി​ക്കുന്ന കോപാ​ഗ്നി​യെ അതിജീ​വി​ക്കു​ക​യില്ല. അതു​കൊണ്ട്‌ പത്രൊസ്‌ തുടരു​ന്നു: “ഇവ ഒക്കെയും അഴിവാ​നു​ള്ള​താ​യി​രി​ക്ക​യാൽ . . . നിങ്ങൾ എത്ര വിശു​ദ്ധ​ജീ​വ​ന​വും ഭക്തിയും ഉള്ളവർ ആയിരി​ക്കേണം!” (2 പത്രൊസ്‌ 3:11, 12) ക്രിസ്‌തീയ യോഗ​ങ്ങ​ളിൽ മുടങ്ങാ​തെ സംബന്ധി​ക്കു​ന്ന​തും മറ്റുള്ള​വർക്കു നന്മ ചെയ്യു​ന്ന​തും സുവാർത്ത പ്രസം​ഗി​ക്കു​ന്ന​തിൽ സാരമായ പങ്കുണ്ടാ​യി​രി​ക്കു​ന്ന​തും ഈ പ്രവൃ​ത്തി​ക​ളിൽപ്പെ​ടു​ന്നു.—മത്തായി 24:14; എബ്രായർ 10:24, 25; 13:16.

18. നമുക്കു ലോക​ത്തോ​ടു സ്‌നേഹം വളർന്നു​വ​രു​ന്നു​ണ്ടെ​ങ്കിൽ നാം എന്തു ചെയ്യണം?

¹⁸ “വിശു​ദ്ധ​ജീ​വന”വും “ഭക്തി”യും സാധ്യ​മാ​ക​ണ​മെ​ങ്കിൽ നാം ‘ലോക​ത്താ​ലുള്ള കളങ്കം പററാ​ത​വണ്ണം നമ്മെത്തന്നെ കാത്തു​കൊള്ള’ണം. (യാക്കോബ്‌ 1:27) നമുക്ക്‌ ഈ ലോക​ത്തോ​ടു സ്‌നേഹം വളർന്നു​വ​രു​ന്നെ​ങ്കി​ലോ? ഒരുപക്ഷേ അശുദ്ധ​മായ വിനോ​ദങ്ങൾ തേടി​ക്കൊ​ണ്ടോ ഈ ലോക​ത്തി​ന്റെ അഭക്ത ആത്മാവി​നെ ഉന്നമി​പ്പി​ക്കുന്ന സംഗീ​ത​മോ പാട്ടു​ക​ളോ ശ്രവി​ച്ചു​കൊ​ണ്ടോ നാം ദൈവ​മു​മ്പാ​കെ അപകട​ക​ര​മായ ഒരു സ്ഥാന​ത്തേക്കു വശീക​രി​ക്ക​പ്പെ​ടു​ന്നു​ണ്ടാ​കാം. (2 കൊരി​ന്ത്യർ 6:14-18) സംഗതി അതാ​ണെ​ങ്കിൽ, ലോക​ത്തോ​ടൊ​പ്പം ഒഴിഞ്ഞു​പോ​കാ​തെ മനുഷ്യ​പു​ത്രന്റെ മുമ്പാകെ അംഗീ​കൃത നിലയു​ണ്ടാ​യി​രി​ക്കു​ന്ന​തി​നു നമുക്കു പ്രാർഥ​ന​യി​ലൂ​ടെ ദൈവ​ത്തി​ന്റെ സഹായം തേടാം. (ലൂക്കൊസ്‌ 21:34-36; 1 യോഹ​ന്നാൻ 2:15-17) നാം ദൈവ​ത്തി​നു സമർപ്പണം നടത്തി​യി​ട്ടു​ണ്ടെ​ങ്കിൽ, അവനു​മാ​യി ഒരു ഊഷ്‌മള ബന്ധം സ്ഥാപിച്ച്‌ അതു നിലനിർത്തു​ന്ന​തിന്‌ ആവതു ചെയ്യാ​നും അങ്ങനെ യഹോ​വ​യു​ടെ വലുതും ഭയങ്കര​വു​മായ ദിവസ​ത്തി​നാ​യി ഒരുങ്ങി​യി​രി​ക്കാ​നും നാം തീർച്ച​യാ​യും ആഗ്രഹി​ക്കും.

19. രാജ്യ​പ്ര​ഘോ​ഷക വൃന്ദത്തിന്‌ ഈ ദുഷ്ട വ്യവസ്ഥി​തി​യു​ടെ സമാപ​നത്തെ അതിജീ​വി​ക്കാൻ പ്രതീ​ക്ഷി​ക്കാ​വു​ന്ന​തെ​ന്തു​കൊണ്ട്‌?

¹⁹ പുരാതന ലോകത്തെ നശിപ്പിച്ച പ്രളയത്തെ ദൈവ​ഭ​ക്തി​യു​ണ്ടാ​യി​രുന്ന നോഹ​യും കുടും​ബ​വും അതിജീ​വി​ച്ചു. നീതി​നി​ഷ്‌ഠർ പൊ.യു. 70-ലെ യഹൂദ വ്യവസ്ഥി​തി​യു​ടെ അന്ത്യത്തെ അതിജീ​വി​ച്ചു. ഉദാഹ​ര​ണ​ത്തിന്‌, യോഹ​ന്നാൻ അപ്പോ​സ്‌തലൻ. വെളി​പ്പാ​ടു പുസ്‌ത​ക​വും തന്റെ സുവി​ശേ​ഷ​വി​വ​ര​ണ​വും മൂന്നു നിശ്വസ്‌ത ലേഖന​ങ്ങ​ളും എഴുതിയ പൊ.യു. ഏതാണ്ട്‌ 96-98 കാലയ​ള​വി​ലും അവൻ ദൈവ​സേ​വ​ന​ത്തിൽ ഊർജ​സ്വ​ല​നാ​യി​രു​ന്നു. പൊ.യു. 33-ലെ പെന്ത​ക്കൊ​സ്‌തിൽ സത്യവി​ശ്വാ​സം സ്വീക​രിച്ച ആയിര​ങ്ങ​ളിൽ, അനേക​രും യഹൂദ വ്യവസ്ഥി​തി​യു​ടെ അന്ത്യത്തെ അതിജീ​വി​ച്ചി​രി​ക്കാൻ സാധ്യ​ത​യുണ്ട്‌. (പ്രവൃ​ത്തി​കൾ 1:15; 2:41, 47; 4:4) ഇന്നത്തെ രാജ്യ​പ്ര​ഘോ​ഷക വൃന്ദത്തിന്‌ ഈ ദുഷ്ട വ്യവസ്ഥി​തി​യു​ടെ സമാപ​നത്തെ അതിജീ​വി​ക്കാൻ പ്രതീ​ക്ഷി​ക്കാ​വു​ന്ന​താണ്‌.

20. നാം തീക്ഷ്‌ണ​ത​യുള്ള ‘നീതി​പ്ര​സം​ഗ​കരാ’യിരി​ക്കേ​ണ്ടത്‌ എന്തു​കൊണ്ട്‌?

²⁰ നമുക്കു മുന്നി​ലുള്ള പുതിയ ലോക​ത്തി​ലേക്കു നാം അതിജീ​വി​ക്കാ​നി​രി​ക്കു​ന്ന​തി​നാൽ, നമുക്കു തീക്ഷ്‌ണ​ത​യുള്ള ‘നീതി​പ്ര​സം​ഗ​കരാ’കാം. ഈ അവസാന നാളു​ക​ളിൽ ദൈവത്തെ സേവി​ക്കു​ന്നത്‌ എന്തൊരു പദവി​യാണ്‌! ദൈവ​ജനം ആസ്വദി​ക്കുന്ന ആത്മീയ പറുദീ​സ​യായ ഇന്നത്തെ “പെട്ടക”ത്തിലേക്ക്‌ ആളുകളെ നയിക്കു​ന്നത്‌ എന്തൊരു സന്തോ​ഷ​മാണ്‌! ഇപ്പോൾ അതിലുള്ള ലക്ഷക്കണ​ക്കി​നാ​ളു​കൾ വിശ്വ​സ്‌ത​രും ആത്മീയ​മാ​യി ഉണർവു​ള്ള​വ​രും യഹോ​വ​യു​ടെ മഹാദി​വ​സ​ത്തി​നാ​യി ഒരുങ്ങി​യി​രി​ക്കു​ന്ന​വ​രു​മാ​യി നില​കൊ​ള്ളു​മാ​റാ​കട്ടെ. എന്നാൽ ഉണർവു​ള്ള​വ​രാ​യി​രി​ക്കാൻ നമ്മെ​യെ​ല്ലാം എന്തു സഹായി​ക്കും?

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ യഹോ​വ​യു​ടെ ദിവസ​വും ക്രിസ്‌തു​വി​ന്റെ സാന്നി​ധ്യ​വും സംബന്ധി​ച്ചു ചിലർക്ക്‌ എന്തു പ്രതീ​ക്ഷകൾ ഉണ്ടായി​രു​ന്നു?

◻ നോഹ​യും കുടും​ബ​വും പ്രളയ​ത്തി​നാ​യി ഒരുങ്ങി​യി​രു​ന്നു​വെന്നു നമുക്കു പറയാ​നാ​വു​ന്നത്‌ എന്തു​കൊണ്ട്‌?

◻ “ഉണർന്നി​രി​ക്കു”ന്നവർക്കും അല്ലാത്ത​വർക്കും എന്തു സംഭവി​ക്കും?

◻ വിശുദ്ധ പ്രവൃ​ത്തി​കൾ, വിശേ​ഷി​ച്ചും യഹോ​വ​യു​ടെ മഹാദി​വ​സ​ത്തോ​ടു നാം അടുത്തു​വ​രു​ന്തോ​റും, അത്യന്താ​പേ​ക്ഷി​ത​മാ​യി​രി​ക്കു​ന്നത്‌ എന്തു​കൊണ്ട്‌?