പാഠം 54
“വിശ്വസ്‌തനും വിവേകിയും ആയ അടിമ”—ഉത്തരവാദിത്വങ്ങൾ
ക്രിസ്‌തീയസഭയെ നയിക്കുന്നത്‌ യേശുക്രിസ്‌തുവാണ്‌. (എഫെസ്യർ 5:23) സ്വർഗത്തിൽ രാജാവായി ഭരിക്കുന്ന യേശു ഭൂമിയിലെ തന്റെ അനുഗാമികളെ ഇന്ന്‌ എങ്ങനെയാണു നയിക്കുന്നത്‌? ‘വിശ്വസ്‌തനും വിവേകിയും ആയ അടിമയിലൂടെ!’ (മത്തായി 24:45 വായിക്കുക.) യേശു നിയമിച്ചതായതുകൊണ്ട്‌ ‘വിശ്വസ്‌തനും വിവേകിയും ആയ അടിമയ്‌ക്ക്‌’ ഒരു പരിധിവരെയുള്ള അധികാരമുണ്ടെങ്കിലും ആ അടിമ എപ്പോഴും ക്രിസ്‌തുവിന്‌ കീഴ്‌പെട്ടിരിക്കും, ക്രിസ്‌തുവിന്റെ സഹോദരന്മാരെ സേവിക്കുകയും ചെയ്യും. എന്നാൽ ആരാണ്‌ “വിശ്വസ്‌തനും വിവേകിയും ആയ അടിമ?” ആ അടിമ നമുക്കുവേണ്ടി പ്രവർത്തിക്കുന്നത്‌ എങ്ങനെയാണ്‌?
1. ആരാണ്‌ “വിശ്വസ്‌തനും വിവേകിയും ആയ അടിമ?”
തന്റെ ജനത്തിനു നേതൃത്വം കൊടുക്കുന്നതിന്‌ യഹോവ എല്ലായ്‌പോഴും ഒരു വ്യക്തിയെയോ ഏതാനും പേർ അടങ്ങുന്ന ചെറിയൊരു കൂട്ടത്തെയോ ഉപയോഗിച്ചിട്ടുണ്ട്‌. (മലാഖി 2:7; എബ്രായർ 1:1) യേശുവിന്റെ മരണശേഷം, യരുശലേമിലുണ്ടായിരുന്ന അപ്പോസ്‌തലന്മാരും മൂപ്പന്മാരും ആണ്‌ ദൈവജനത്തിനു നേതൃത്വം കൊടുത്തിരുന്നത്‌. (പ്രവൃത്തികൾ 15:2) ഈ മാതൃകയനുസരിച്ച്‌ ഇന്ന്‌ മൂപ്പന്മാരുടെ ഒരു ചെറിയ കൂട്ടം, യഹോവയുടെ സാക്ഷികളുടെ ഭരണസംഘമായി പ്രവർത്തിക്കുന്നു. അവർ ദൈവജനത്തിന്‌ ആത്മീയഭക്ഷണം കൊടുക്കുന്നു. കൂടാതെ, പ്രസംഗപ്രവർത്തനത്തിന്‌ നേതൃത്വവും വഹിക്കുന്നു. “(യേശു) നിയമിച്ച വിശ്വസ്‌തനും വിവേകിയും ആയ അടിമ” ഈ കൂട്ടമാണ്‌. (മത്തായി 24:45) ഭരണസംഘത്തിലെ എല്ലാ അംഗങ്ങളും അഭിഷിക്തക്രിസ്‌ത്യാനികളാണ്‌. ഭൂമിയിലെ ജീവിതം പൂർത്തിയായിക്കഴിയുമ്പോൾ സ്വർഗത്തിൽ യേശുവിനോടൊപ്പം രാജാക്കന്മാരായി ഭരിക്കാൻ അവർ കാത്തിരിക്കുന്നു.
2. വിശ്വസ്‌ത അടിമ നൽകുന്ന ആത്മീയഭക്ഷണം എന്താണ്‌?
വിശ്വസ്‌ത അടിമ സഹക്രിസ്‌ത്യാനികൾക്ക്‌ ‘തക്കസമയത്ത്‌ ഭക്ഷണം കൊടുക്കുമെന്ന്‌’ യേശു പറഞ്ഞു. (മത്തായി 24:45) ഇവിടെ പറയുന്നത്‌ ആത്മീയഭക്ഷണത്തെക്കുറിച്ചാണ്‌; അത്‌ ദൈവവചനത്തിലെ നിർദേശങ്ങളാണ്‌. ഭക്ഷണം കഴിക്കുമ്പോൾ നല്ല ആരോഗ്യം കിട്ടുന്നതുപോലെ, ആത്മീയഭക്ഷണം കഴിക്കുമ്പോൾ യഹോവയോടു വിശ്വസ്‌തരായിരിക്കാനും യേശു നമ്മളെ ഏൽപ്പിച്ചിരിക്കുന്ന ജോലി നന്നായി ചെയ്യാനും ഉള്ള ശക്തി കിട്ടും. (1 തിമൊഥെയൊസ്‌ 4:6) നമുക്ക്‌ ആത്മീയഭക്ഷണം ലഭിക്കുന്നത്‌ യോഗങ്ങളിലൂടെയും സമ്മേളനങ്ങളിലൂടെയും കൺവെൻഷനുകളിലൂടെയും ബൈബിളിനെ അടിസ്ഥാനമാക്കി തയ്യാറാക്കുന്ന പ്രസിദ്ധീകരണങ്ങളിലൂടെയും വീഡിയോകളിലൂടെയും ആണ്‌. ആ വിവരങ്ങൾ, ദൈവത്തിന്റെ ഇഷ്ടം മനസ്സിലാക്കാനും ദൈവവുമായുള്ള നമ്മുടെ സുഹൃദ്‌ബന്ധം ശക്തമാക്കാനും സഹായിക്കുന്നു.
ആഴത്തിൽ പഠിക്കാൻ
‘വിശ്വസ്‌തനും വിവേകിയും ആയ അടിമയെ,’ അതായത്‌ ഭരണസംഘത്തെ, നമുക്ക്‌ ആവശ്യമായിരിക്കുന്നത്‌ എന്തുകൊണ്ടാണെന്നു നോക്കാം.
ഭരണസംഘം ലോകമെങ്ങുമുള്ള യഹോവയുടെ സാക്ഷികൾക്ക്‌ ആത്മീയഭക്ഷണവും മാർഗനിർദേശങ്ങളും പ്രായോഗികസഹായങ്ങളും നൽകുന്നു
3. യഹോവയുടെ ജനം സംഘടിതമായിരിക്കണം
യേശുവിന്റെ നേതൃത്വത്തിൻകീഴിൽ ഭരണസംഘം യഹോവയുടെ സാക്ഷികളുടെ പ്രവർത്തനങ്ങൾ സംഘടിപ്പിക്കുന്നു. ആദ്യകാല ക്രിസ്‌ത്യാനികളുടെ ഇടയിലും ഇതുപോലൊരു ക്രമീകരണം ഉണ്ടായിരുന്നു. വീഡിയോ കാണുക.
1 കൊരിന്ത്യർ 14:33, 40 വായിക്കുക. എന്നിട്ട്‌ ഈ ചോദ്യം ചർച്ച ചെയ്യുക:
തന്റെ ജനം സംഘടിതമായിരിക്കാൻ യഹോവ ആഗ്രഹിക്കുന്നുണ്ടെന്ന്‌ ഈ വാക്യങ്ങൾ സൂചിപ്പിക്കുന്നത്‌ എങ്ങനെയാണ്‌?
4. വിശ്വസ്‌തനായ അടിമ പ്രസംഗവേലയ്‌ക്ക്‌ നേതൃത്വംകൊടുക്കുന്നു
സന്തോഷവാർത്ത പ്രസംഗിക്കുന്നതായിരുന്നു ആദ്യകാല ക്രിസ്‌ത്യാനികൾ ചെയ്‌തിരുന്ന ഏറ്റവും പ്രധാനപ്പെട്ട പ്രവർത്തനം. പ്രവൃത്തികൾ 8:14, 25 വായിക്കുക. എന്നിട്ട്‌ ചോദ്യങ്ങൾ ചർച്ച ചെയ്യുക.
ആദ്യകാല ക്രിസ്‌ത്യാനികൾക്ക്‌ പ്രസംഗവേലയ്‌ക്കു വേണ്ട നിർദേശങ്ങൾ കൊടുത്തിരുന്നത്‌ ആരാണ്‌?
മറ്റ്‌ അപ്പോസ്‌തലന്മാരിൽനിന്ന്‌ നിർദേശങ്ങൾ ലഭിച്ചപ്പോൾ പത്രോസും യോഹന്നാനും അതിനോട്‌ എങ്ങനെയാണു പ്രതികരിച്ചത്‌?
ഭരണസംഘം നേതൃത്വംകൊടുക്കുന്ന ഏറ്റവും പ്രധാനപ്പെട്ട പ്രവർത്തനം പ്രസംഗവേലയാണ്‌. വീഡിയോ കാണുക.
പ്രസംഗപ്രവർത്തനം എത്ര പ്രധാനപ്പെട്ടതാണെന്ന്‌ യേശു പറഞ്ഞു. മർക്കോസ്‌ 13:10 വായിക്കുക. എന്നിട്ട്‌ ഈ ചോദ്യങ്ങൾ ചർച്ച ചെയ്യുക:
ഭരണസംഘം എന്തുകൊണ്ടാണു പ്രസംഗപ്രവർത്തനത്തിന്‌ ഇത്രയധികം പ്രാധാന്യംകൊടുക്കുന്നത്‌?
ലോകമെങ്ങും നടക്കുന്ന പ്രസംഗപ്രവർത്തനത്തിനു നേതൃത്വംകൊടുക്കാൻ ‘വിശ്വസ്‌തനും വിവേകിയും ആയ അടിമയുടെ’ സഹായം നമുക്ക്‌ ആവശ്യമായിരിക്കുന്നത്‌ എന്തുകൊണ്ടാണ്‌?
5. വിശ്വസ്‌തനായ അടിമ നിർദേശങ്ങൾ തരുന്നു
ലോകമെങ്ങുമുള്ള ക്രിസ്‌ത്യാനികൾക്കു ഭരണസംഘം നിർദേശങ്ങൾ കൊടുക്കുന്നു. എന്നാൽ എന്തു നിർദേശമാണു കൊടുക്കേണ്ടതെന്നു ഭരണസംഘം തീരുമാനിക്കുന്നത്‌ എങ്ങനെയാണ്‌? ആദ്യകാല ക്രിസ്‌ത്യാനികളുടെ സമയത്തുണ്ടായിരുന്ന ഭരണസംഘം ഒരു തീരുമാനമെടുത്തത്‌ എങ്ങനെയെന്നു നോക്കാം. പ്രവൃത്തികൾ 15:1, 2 വായിക്കുക. എന്നിട്ട്‌ ഈ ചോദ്യങ്ങൾ ചർച്ച ചെയ്യുക:
ചില ആദ്യകാല ക്രിസ്‌ത്യാനികൾക്കിടയിൽ ഭിന്നതയുണ്ടാക്കിയ ഒരു പ്രശ്‌നം എന്തായിരുന്നു?
ഈ പ്രശ്‌നം പരിഹരിക്കാൻ പൗലോസും ബർന്നബാസും മറ്റുള്ളവരും ആരുടെ അടുത്തേക്കാണു പോയത്‌?
പ്രവൃത്തികൾ 15:12-18, 23-29 വാക്യങ്ങൾ വായിക്കുക. എന്നിട്ട്‌ ഈ ചോദ്യം ചർച്ച ചെയ്യുക:
ഒരു തീരുമാനമെടുക്കുന്നതിനുമുമ്പ്‌ ആദ്യകാലത്തെ ഭരണസംഘം ദൈവത്തിന്റെ മാർഗനിർദേശത്തിനുവേണ്ടി എന്താണു ചെയ്‌തത്‌?—12, 15, 28 വാക്യങ്ങൾ കാണുക.
പ്രവൃത്തികൾ 15:30, 31; 16:4, 5 വാക്യങ്ങൾ വായിക്കുക. എന്നിട്ട്‌ ഈ ചോദ്യങ്ങൾ ചർച്ച ചെയ്യുക:
ഭരണസംഘം നൽകിയ നിർദേശത്തോട്‌ ആദ്യകാല ക്രിസ്‌ത്യാനികൾ പ്രതികരിച്ചത്‌ എങ്ങനെയാണ്‌?
അവരുടെ അനുസരണത്തെ യഹോവ അനുഗ്രഹിച്ചത്‌ എങ്ങനെയാണ്‌?
2 തിമൊഥെയൊസ്‌ 3:16; യാക്കോബ്‌ 1:5 എന്നീ വാക്യങ്ങൾ വായിക്കുക. എന്നിട്ട്‌ ഈ ചോദ്യം ചർച്ച ചെയ്യുക:
ഇന്ന്‌ തീരുമാനങ്ങളെടുക്കാനുളള സഹായത്തിനായി ഭരണസംഘം എവിടേക്കാണു നോക്കുന്നത്‌?
ആരെങ്കിലും ഇങ്ങനെ പറഞ്ഞാൽ: “ഭരണസംഘത്തിലുള്ളവർ വെറും മനുഷ്യരല്ലേ, അവരെ എന്തിന്‌ അനുസരിക്കണം?”
ഭരണസംഘത്തെ നയിക്കുന്നത്‌ യേശുവാണെന്നു നിങ്ങൾക്ക്‌ ഉറപ്പുള്ളത്‌ എന്തുകൊണ്ട്‌?
ചുരുക്കത്തിൽ
യേശുക്രിസ്‌തു നിയമിച്ച “വിശ്വസ്‌തനും വിവേകിയും ആയ അടിമ” ഭരണസംഘമാണ്‌. അവർ ലോകമെങ്ങുമുള്ള ക്രിസ്‌ത്യാനികൾക്ക്‌ ആത്മീയഭക്ഷണവും മാർഗനിർദേശങ്ങളും കൊടുക്കുന്നു.
ഓർക്കുന്നുണ്ടോ?
‘വിശ്വസ്‌തനും വിവേകിയും ആയ അടിമയെ’ നിയമിച്ചത് ആരാണ്‌?
ഭരണസംഘം നമുക്കുവേണ്ടി പ്രവർത്തിക്കുന്നത്‌ എങ്ങനെയാണ്‌?
ഭരണസംഘമാണ്‌ “വിശ്വസ്‌തനും വിവേകിയും ആയ അടിമ” എന്നു നിങ്ങൾ വിശ്വസിക്കുന്നുണ്ടോ?
കൂടുതൽ മനസ്സിലാക്കാൻ
ഭരണസംഘം സംഘടിതമായി പ്രവർത്തിക്കുന്നത്‌ എങ്ങനെയെന്നു മനസ്സിലാക്കുക.
“എന്താണ്‌ യഹോവയുടെ സാക്ഷികളുടെ ഭരണസംഘം?” (വെബ്സൈറ്റിലെ ലേഖനം)
നമുക്കു ലഭിക്കുന്ന ആത്മീയവിവരങ്ങൾ കൃത്യതയുള്ളതാണെന്ന് ഭരണസംഘം ഉറപ്പുവരുത്തുന്നത് എങ്ങനെയെന്നു മനസ്സിലാക്കുക.
കൃത്യതയുള്ള പ്രസിദ്ധീകരണങ്ങൾ പുറത്തിറക്കുന്നു (17:18)
യേശു നിയമിച്ചുകൊടുത്ത ജോലി ചെയ്യുന്നതിനെക്കുറിച്ച് ഭരണസംഘാംഗങ്ങൾക്ക് എന്താണു തോന്നുന്നത്?
യഹോവയാണു ഭരണസംഘത്തെ നയിക്കുന്നതെന്നു മനസ്സിലാക്കാൻ യോഗങ്ങളും കൺവെൻഷനുകളും നമ്മളെ സഹായിക്കുന്നത് എങ്ങനെ?