ബൈബി​ളി​ന്റെ വീക്ഷണം

സമാധാ​ന​ത്തി​ന്റെ പാത പിന്തു​ട​രു​ന്നതു പ്രാ​യോ​ഗി​ക​മാ​ണോ?

യേശു​ക്രി​സ്‌തു തന്റെ ഏറ്റവും പ്രശസ്‌ത​മായ പ്രഭാ​ഷ​ണ​ത്തിൽ ഇപ്രകാ​രം പറഞ്ഞു: “സമാധാ​നം ഉണ്ടാക്കു​ന്നവർ ഭാഗ്യ​വാ​ന്മാർ.” അവൻ ഇങ്ങനെ​യും പറഞ്ഞു: “സൌമ്യ​ത​യു​ള്ളവർ ഭാഗ്യ​വാ​ന്മാർ; അവർ ഭൂമിയെ അവകാ​ശ​മാ​ക്കും.” (മത്തായി 5:5, 9) മറ്റുള്ള​വ​രു​മാ​യി പ്രശ്‌ന​ങ്ങ​ളി​ല്ലാ​തി​രി​ക്കു​ന്ന​തോ പ്രശാ​ന്ത​മായ ഒരു മാനസി​കാ​വ​സ്ഥ​യിൽ ആയിരി​ക്കു​ന്ന​തോ മാത്രമല്ല സമാധാ​ന​കാം​ക്ഷി​കൾ ആയിരി​ക്കു​ന്ന​തിൽ ഉൾപ്പെ​ടു​ന്നത്‌. സമാധാ​ന​കാം​ക്ഷി​യായ ഒരു വ്യക്തി മറ്റുള്ള​വർക്കു നന്മ ചെയ്യു​ന്ന​തിൽ മുൻ​കൈ​യെ​ടു​ക്കു​ക​യും സമാധാ​നം ഉന്നമി​പ്പി​ക്കാൻ ക്രിയാ​ത്മ​ക​മായ നടപടി​കൾ കൈ​ക്കൊ​ള്ളു​ക​യും ചെയ്യും.

മേലു​ദ്ധ​രി​ച്ച യേശു​വി​ന്റെ വാക്കുകൾ ഇക്കാലത്ത്‌ പ്രാ​യോ​ഗി​ക​മാ​ണോ? മറ്റുള്ള​വരെ പേടി​പ്പി​ച്ചു​നി​റു​ത്താൻ കഴിവുള്ള, ശണ്‌ഠ​യു​ണ്ടാ​ക്കുന്ന, അക്രമാ​സ​ക്തൻപോ​ലു​മായ ഒരു വ്യക്തി​ക്കു​മാ​ത്രമേ ഇന്നത്തെ ലോകത്ത്‌ ജീവി​ച്ചു​പോ​കാ​നാ​കൂ എന്നു ചിലർ കരുതു​ന്നു. പകരത്തി​നു പകരം ചെയ്യു​ന്ന​താ​ണോ ബുദ്ധി? സമാധാ​ന​ത്തി​ന്റെ പാത പിന്തു​ട​രു​ന്നതു പ്രാ​യോ​ഗി​ക​മാ​ണോ? “സമാധാ​നം ഉണ്ടാക്കു​ന്നവർ ഭാഗ്യ​വാ​ന്മാർ” എന്ന യേശു​വി​ന്റെ വാക്കുകൾ പരിചി​ന്തനം അർഹി​ക്കു​ന്ന​തി​ന്റെ മൂന്നു കാരണങ്ങൾ നമുക്കു നോക്കാം.

◼ ശാന്തഹൃ​ദയം “ശാന്തമ​നസ്സു [“ശാന്തഹൃ​ദയം,” ന്യൂ ഇൻഡ്യ ബൈബിൾ ഭാഷാ​ന്തരം] ദേഹത്തി​ന്നു ജീവൻ” എന്ന്‌ സദൃശ​വാ​ക്യ​ങ്ങൾ 14:30 പറയുന്നു. ദേഷ്യ​വും ശത്രു​ത​യും മസ്‌തി​ഷ്‌കാ​ഘാ​ത​ത്തി​നും ഹൃദയാ​ഘാ​ത​ത്തി​നും ഇടയാ​ക്കി​യേ​ക്കാ​മെന്ന്‌ പല വൈദ്യ​ശാ​സ്‌ത്ര റിപ്പോർട്ടു​ക​ളും സൂചി​പ്പി​ക്കു​ന്നു. അടുത്ത​കാ​ലത്ത്‌, ഹൃ​ദ്രോ​ഗി​ക​ളെ​ക്കു​റി​ച്ചു പ്രതി​പാ​ദി​ക്കവേ കോപ​ത്താൽ പൊട്ടി​ത്തെ​റി​ക്കു​ന്നത്‌ വിഷം കഴിക്കു​ന്ന​തു​പോ​ലെ​യാ​ണെന്ന്‌ ഒരു വൈദ്യ​ശാ​സ്‌ത്ര പത്രിക അഭി​പ്രാ​യ​പ്പെട്ടു. “അനിയ​ന്ത്രി​ത​മാ​യി കോപി​ക്കു​ന്നത്‌ ഒരുവനെ തീർത്തും രോഗി​യാ​ക്കി​യേ​ക്കാം” എന്നും പത്രിക പ്രസ്‌താ​വി​ച്ചു. എന്നാൽ സമാധാ​ന​ത്തി​ന്റെ പാത പിന്തു​ട​രു​ന്നത്‌ ഒരു “ശാന്തഹൃ​ദയം” സമ്മാനി​ക്കും. അനേകം പ്രയോ​ജ​നങ്ങൾ അവരെ തേടി​യെ​ത്തും.

അറുപ​ത്തൊ​ന്നു വയസ്സുള്ള ജിം ഇതിന്‌ ഒരു ഉദാഹ​ര​ണ​മാണ്‌. ഐക്യ​നാ​ടു​ക​ളിൽ വിയറ്റ്‌നാ​മീസ്‌ സംസാ​രി​ക്കുന്ന ഒരു സമൂഹ​ത്തിൽ ബൈബിൾ പഠിപ്പി​ക്കുന്ന അദ്ദേഹം വിശദീ​ക​രി​ക്കു​ന്നു: “ആറു വർഷം സൈന്യ​ത്തിൽ സേവി​ക്കു​ക​യും വിയറ്റ്‌നാ​മിൽ സൈനിക പോരാ​ട്ട​ങ്ങ​ളിൽ പങ്കെടു​ക്കാൻ മൂന്നു തവണ നിയമനം ലഭിക്കു​ക​യും ചെയ്‌ത എനിക്ക്‌ അക്രമം, കോപം, നൈരാ​ശ്യം എന്നിവ​യൊ​ക്കെ എന്താ​ണെന്ന്‌ ശരിക്കു മനസ്സി​ലാ​യി. കഴിഞ്ഞ​കാല സ്‌മര​ണകൾ എന്നെ വല്ലാതെ അലട്ടി​ക്കൊ​ണ്ടി​രു​ന്നു, നന്നായി ഒന്ന്‌ ഉറങ്ങാൻപോ​ലും എനിക്കു കഴിഞ്ഞില്ല. താമസി​യാ​തെ, ഉദരസം​ബ​ന്ധ​വും നാഡീ​സം​ബ​ന്ധ​വു​മായ അസ്വസ്ഥ​ത​ക​ളും സമ്മർദ​വും നിമിത്തം എന്റെ ആരോ​ഗ്യ​സ്ഥി​തി വഷളായി.” എന്താണ്‌ അദ്ദേഹ​ത്തിന്‌ സാന്ത്വനമേകിയത്‌? അദ്ദേഹം പറയുന്നു: “യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിച്ചത്‌ എന്റെ ജീവൻ രക്ഷിച്ചു. സമാധാ​ന​പൂർണ​മായ ഒരു പുതി​യ​ലോ​കം ആനയി​ക്കാ​നുള്ള ദൈ​വോ​ദ്ദേ​ശ്യ​ത്തെ​ക്കു​റി​ച്ചും എനിക്ക്‌ എങ്ങനെ ഒരു ‘പുതിയ വ്യക്തി​ത്വം’ ധരിക്കാം എന്നതി​നെ​ക്കു​റി​ച്ചും മനസ്സി​ലാ​ക്കി​യത്‌ എന്റെ ഹൃദയത്തെ പ്രശാ​ന്ത​മാ​ക്കി. അതിന്റെ ഫലമായി എന്റെ ആരോ​ഗ്യ​നില വളരെ​യേറെ മെച്ച​പ്പെട്ടു.” (എഫെസ്യർ 4:22-24, NW; യെശയ്യാ​വു 65:17; മീഖാ 4:1-4) സമാധാ​ന​പ്രി​യം വളർത്തി​യെ​ടു​ക്കു​ന്നത്‌ വൈകാ​രി​ക​വും ശാരീ​രി​ക​വും ആത്മീയ​വു​മായ ആരോ​ഗ്യം മെച്ച​പ്പെ​ടു​ത്തു​മെന്ന്‌ മറ്റനേ​ക​രും സ്വന്തം അനുഭ​വ​ത്തിൽനി​ന്നു മനസ്സി​ലാ​ക്കി​യി​രി​ക്കു​ന്നു.—സദൃശ​വാ​ക്യ​ങ്ങൾ 15:13.

◼ നല്ല ബന്ധങ്ങൾ സമാധാ​ന​പ്രി​യർ ആയിരി​ക്കു​മ്പോൾ മറ്റുള്ള​വ​രു​മാ​യുള്ള നമ്മുടെ ബന്ധങ്ങൾ മെച്ച​പ്പെ​ടും. “കോപ​വും ക്രോ​ധ​വും കൂറ്റാ​ര​വും ദൂഷണ​വും സകലദുർഗ്ഗു​ണ​വു​മാ​യി നിങ്ങളെ വിട്ടു ഒഴിഞ്ഞു​പോ​കട്ടെ” എന്നു ബൈബിൾ പ്രസ്‌താ​വി​ക്കു​ന്നു. (എഫെസ്യർ 4:31) പ്രശ്‌ന​ക്കാ​രായ ആളുകൾ മിക്ക​പ്പോ​ഴും മറ്റുള്ള​വരെ തങ്ങളിൽനിന്ന്‌ അകറ്റി​ക്ക​ള​യു​ന്നു. അവസാനം, ആശ്രയി​ക്കാൻ പറ്റിയ സുഹൃ​ത്തു​ക്ക​ളാ​രു​മി​ല്ലാ​തെ അവർ ഒറ്റപ്പെ​ടു​ന്നു. സദൃശ​വാ​ക്യ​ങ്ങൾ 15:18-ൽ നാം ഇങ്ങനെ വായി​ക്കു​ന്നു: “ക്രോ​ധ​മു​ള്ളവൻ കലഹം ഉണ്ടാക്കു​ന്നു; ദീർഘ​ക്ഷ​മ​യു​ള്ള​വ​നോ കലഹം ശമിപ്പി​ക്കു​ന്നു.”

ന്യൂ​യോർക്ക്‌ നഗരത്തി​ലുള്ള ആൻഡി എന്ന 42 വയസ്സു​കാ​ര​നായ ഒരു ക്രിസ്‌തീയ മൂപ്പൻ അക്രമാ​സ​ക്ത​മായ ചുറ്റു​പാ​ടി​ലാ​ണു വളർന്നു​വ​ന്നത്‌. അദ്ദേഹം വിശദീ​ക​രി​ക്കു​ന്നു: “എട്ടാമത്തെ വയസ്സിൽ എനിക്കു ബോക്‌സി​ങ്ങി​നുള്ള പരിശീ​ലനം ലഭിച്ചു. എതിരാ​ളി​കളെ മനുഷ്യ​രാ​യി ഞാൻ കണ്ടില്ല. ‘എങ്ങനെ​യും മറ്റേയാ​ളെ ഇടിച്ചു തറപറ്റി​ക്കുക,’ അതുമാ​ത്ര​മാ​യി​രു​ന്നു എന്റെ ചിന്ത. താമസി​യാ​തെ ഞാൻ ഒരു റൗഡി​സം​ഘ​ത്തിൽ ചേർന്നു. കലാപങ്ങൾ, തെരു​വിൽ അരങ്ങേ​റുന്ന അടിപി​ടി​കൾ, ഇവയി​ലെ​ല്ലാം ഞങ്ങൾ ഉണ്ടായി​രു​ന്നു. ആളുകൾ എന്റെ തലയ്‌ക്കു​നേരെ തോക്കു ചൂണ്ടു​ക​യും കത്തി കാണിച്ചു ഭീഷണി​പ്പെ​ടു​ത്തു​ക​യും ഒക്കെ ചെയ്‌തി​ട്ടുണ്ട്‌. എന്റെ സുഹൃ​ദ്‌ബ​ന്ധ​ങ്ങ​ളിൽ പലതും ഭയത്തിൽ വേരൂ​ന്നി​യ​തും പ്രശ്‌നങ്ങൾ നിറഞ്ഞ​തു​മാ​യി​രു​ന്നു.”

സമാധാ​ന​ത്തി​ന്റെ പാത പിന്തു​ട​രാൻ ആൻഡിയെ പ്രേരി​പ്പി​ച്ചത്‌ എന്താണ്‌? അദ്ദേഹം പറയുന്നു: “ഒരിക്കൽ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​ലെ ഒരു യോഗ​ത്തിൽ ഞാൻ സംബന്ധി​ച്ചു. അവിടെ നിറഞ്ഞു​നിന്ന സ്‌നേഹം ഒന്നു​വേ​റെ​ത​ന്നെ​യാ​യി​രു​ന്നു, അതു ഞാൻ പെട്ടെ​ന്നു​തന്നെ തിരി​ച്ച​റി​ഞ്ഞു. അന്നുമു​തൽ സമാധാ​ന​കാം​ക്ഷി​ക​ളായ ഈ ആളുക​ളു​മാ​യി സഹവസി​ച്ചത്‌ ഒരു ശാന്തഹൃ​ദയം വളർത്തി​യെ​ടു​ക്കാൻ എന്നെ സഹായി​ച്ചു. അങ്ങനെ അവസാനം എന്റെ മുൻചി​ന്താ​ഗ​തി​യിൽനി​ന്നു പുറത്തു​വ​രാൻ എനിക്കു കഴിഞ്ഞു. നിലനിൽക്കുന്ന അനേകം സുഹൃ​ദ്‌ബ​ന്ധങ്ങൾ ഇപ്പോൾ എനിക്കുണ്ട്‌.”

◼ ഭാവി​യെ​ക്കു​റി​ച്ചുള്ള പ്രത്യാശ സമാധാ​ന​ത്തി​ന്റെ പാത പിന്തു​ട​രു​ന്ന​തി​നുള്ള ഏറ്റവും പ്രധാ​ന​പ്പെട്ട കാരണം ഇതാണ്‌: അങ്ങനെ ചെയ്യു​ന്നത്‌ തന്റെ വചനമായ ബൈബി​ളി​ലൂ​ടെ സ്രഷ്ടാവ്‌ നമ്മോട്‌ ആവശ്യ​പ്പെ​ട്ടി​രി​ക്കുന്ന കാര്യ​ത്തോട്‌ നമുക്ക്‌ ആദരവും ബഹുമാ​ന​വും ഉണ്ടെന്നു കാണി​ക്കു​ന്നു. ബൈബിൾ നമ്മെ ഇങ്ങനെ ഉദ്‌ബോ​ധി​പ്പി​ക്കു​ന്നു: “സമാധാ​നം അന്വേ​ഷി​ച്ചു പിന്തു​ട​രുക.” (സങ്കീർത്തനം 34:14) യഹോ​വ​യാം ദൈവം ഉണ്ടെന്നു വിശ്വ​സി​ക്കു​ന്ന​തും ജീവദാ​യ​ക​മായ അവന്റെ ഉപദേ​ശങ്ങൾ പഠിക്കു​ക​യും അനുസ​രി​ക്കു​ക​യും ചെയ്യു​ന്ന​തും അവനു​മാ​യുള്ള വ്യക്തി​പ​ര​മായ ഒരു സുഹൃ​ദ്‌ബ​ന്ധ​ത്തി​ലേക്കു വഴിതു​റ​ക്കു​ന്നു. ദൃഢമായ ആ ബന്ധം നമുക്ക്‌ “ദൈവ​സ​മാ​ധാ​നം” നൽകി​ത്ത​രു​ന്നു. ജീവി​ത​ത്തിൽ നേരി​ട്ടേ​ക്കാ​വുന്ന ഏതു വെല്ലു​വി​ളി​യെ​യും മറിക​ട​ക്കുന്ന മഹത്തായ സമാധാ​ന​മാ​ണത്‌.—ഫിലി​പ്പി​യർ 4:6, 7.

മാത്ര​വു​മല്ല, സമാധാ​ന​ത്തി​ന്റെ പാത പിന്തു​ട​രു​ക​വഴി, നാം എങ്ങനെ​യുള്ള വ്യക്തി​ക​ളാ​യി​രി​ക്കാ​നാണ്‌ ആഗ്രഹി​ക്കു​ന്ന​തെന്ന്‌ യഹോ​വ​യ്‌ക്കു കാണി​ച്ചു​കൊ​ടു​ക്കു​ക​യാ​യി​രി​ക്കും ചെയ്യു​ന്നത്‌. ദൈവം വാഗ്‌ദാ​നം ചെയ്‌തി​രി​ക്കുന്ന സമാധാ​ന​പൂർണ​മായ പുതിയ ലോക​ത്തിൽ ജീവി​ക്കാൻ പറ്റിയ​വ​രാ​ണു നാമെന്ന്‌ ഇപ്പോൾ നമുക്ക്‌ ദൈവ​മു​മ്പാ​കെ തെളി​യി​ക്കാ​നാ​കും. അവൻ ദുഷ്ടന്മാ​രെ നശിപ്പി​ക്കു​ക​യും യേശു പറഞ്ഞതു​പോ​ലെ “ഭൂമിയെ അവകാശ”മാക്കാൻ സൗമ്യ​ത​യു​ള്ള​വർക്ക്‌ അവസരം കൊടു​ക്കു​ക​യും ചെയ്യു​മ്പോൾ നമുക്ക്‌ അവിടെ ഉണ്ടായി​രി​ക്കാ​നാ​കും. എത്ര മഹത്തായ അനു​ഗ്രഹം!—സങ്കീർത്തനം 37:10, 11; സദൃശ​വാ​ക്യ​ങ്ങൾ 2:20-22.

“സമാധാ​നം ഉണ്ടാക്കു​ന്നവർ ഭാഗ്യ​വാ​ന്മാർ” എന്ന യേശു​വി​ന്റെ വാക്കുകൾ പ്രാവർത്തി​ക​മാ​ക്കു​ന്ന​തി​ന്റെ മൂല്യം പകൽപോ​ലെ വ്യക്തമാണ്‌. ശാന്തഹൃ​ദയം, നല്ല ബന്ധങ്ങൾ, ഭാവി​യെ​ക്കു​റി​ച്ചുള്ള ഉറച്ച പ്രത്യാശ എന്നീ അനു​ഗ്ര​ഹങ്ങൾ നമ്മെ തേടി​യെ​ത്തും—“സകലമ​നു​ഷ്യ​രോ​ടും സമാധാ​ന​മാ​യി​രി”ക്കാൻ നാം നമ്മാലാ​കു​ന്ന​തെ​ല്ലാം ചെയ്യു​ന്ന​പക്ഷം.—റോമർ 12:18.

[28-ാം പേജിലെ ചിത്രങ്ങൾ]

“എന്റെ ആരോ​ഗ്യ​നില വളരെ​യേറെ മെച്ച​പ്പെട്ടു.”—ജിം

[29-ാം പേജിലെ ചിത്രങ്ങൾ]

“നിലനിൽക്കുന്ന അനേകം സുഹൃ​ദ്‌ബ​ന്ധങ്ങൾ ഇപ്പോൾ എനിക്കുണ്ട്‌.”—ആൻഡി