വാച്ച്ടവര്‍ ഓണ്‍ലൈന്‍ ലൈബ്രറി
വാച്ച്ടവര്‍
ഓണ്‍ലൈന്‍ ലൈബ്രറി
മലയാളം
  • ബൈബിൾ
  • പ്രസിദ്ധീകരണങ്ങൾ
  • യോഗങ്ങൾ
  • w19 ജൂലൈ പേ. 14-19
  • “പോയി . . . ശിഷ്യ​രാ​ക്കുക”

ഇപ്പോൾ തിരഞ്ഞതിന് ഒരു വീഡിയോയും ലഭ്യമല്ല

ക്ഷമിക്കണം, വീഡിയോ ലോഡ് ചെയ്യുന്നതിൽ ഒരു പിശകുണ്ടായി.

  • “പോയി . . . ശിഷ്യ​രാ​ക്കുക”
  • വീക്ഷാഗോപുരം യഹോവയുടെ രാജ്യത്തെ പ്രസിദ്ധമാക്കുന്നു (പഠനപ്പതിപ്പ്‌)—2019
  • ഉപതലക്കെട്ടുകള്‍
  • സമാനമായ വിവരം
  • ശിഷ്യരാക്കുന്നതു പ്രധാനമായിരിക്കുന്നതിന്റെ കാരണം
  • ശിഷ്യ​രാ​ക്കു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?
  • ശിഷ്യ​രാ​ക്കു​ന്ന​തിൽ എല്ലാ ക്രിസ്‌ത്യാ​നി​കൾക്കും പങ്കുണ്ടോ?
  • ശിഷ്യ​രാ​ക്കൽവേ​ല​യിൽ ക്ഷമ പ്രധാനം
  • ആളുകളെ പഠിപ്പിച്ച്‌ ശിഷ്യരാക്കാൻ നിങ്ങൾക്കു കഴിയുമോ?
    വീക്ഷാഗോപുരം യഹോവയുടെ രാജ്യത്തെ പ്രസിദ്ധമാക്കുന്നു (പഠനപ്പതിപ്പ്‌)—2021
  • ശിഷ്യരാക്കൽ വേലയിൽ സന്തോഷം കണ്ടെത്തുക
    2009 വീക്ഷാഗോപുരം
  • ശിഷ്യരെ ഉളവാക്കാൻ സഹായകമായ ഗുണങ്ങൾ വളർത്തിയെടുക്കുക
    2007 വീക്ഷാഗോപുരം
  • ‘നിങ്ങൾ പോയി ആളുകളെ ശിഷ്യ​രാ​ക്കുക’
    വീക്ഷാഗോപുരം യഹോവയുടെ രാജ്യത്തെ പ്രസിദ്ധമാക്കുന്നു (പഠനപ്പതിപ്പ്‌)—2020
കൂടുതൽ കാണുക
വീക്ഷാഗോപുരം യഹോവയുടെ രാജ്യത്തെ പ്രസിദ്ധമാക്കുന്നു (പഠനപ്പതിപ്പ്‌)—2019
w19 ജൂലൈ പേ. 14-19

പഠന ലേഖനം 29

“പോയി . . . ശിഷ്യ​രാ​ക്കുക”

“ നിങ്ങൾ പോയി എല്ലാ ജനതക​ളി​ലെ​യും ആളുകളെ ശിഷ്യ​രാ​ക്കുക.”—മത്താ. 28:19.

ഗീതം 60 അവരുടെ ജീവൻ രക്ഷിക്കാൻ

പൂർവാവലോകനംa

1-2. (എ) മത്തായി 28:18-20-ൽ കാണുന്ന യേശു​വി​ന്റെ കല്‌പന അനുസ​രിച്ച്‌ ക്രിസ്‌തീ​യ​സ​ഭ​യു​ടെ മുഖ്യ ഉത്തരവാ​ദി​ത്വം എന്താണ്‌? (ബി) ഈ ലേഖന​ത്തിൽ നമ്മൾ ഏതെല്ലാം ചോദ്യ​ങ്ങൾ ചർച്ച ചെയ്യും?

അപ്പോ​സ്‌ത​ല​ന്മാർ ഒരു മലഞ്ചെ​രി​വിൽ കൂടി​വ​ന്നി​രി​ക്കു​ക​യാണ്‌. പുനരു​ത്ഥാ​ന​പ്പെട്ട യേശു എന്തിനാ​ണു തങ്ങളോട്‌ അവിടെ വരാൻ പറഞ്ഞ​തെന്ന്‌ അറിയാൻ അവർക്ക്‌ ആകാംക്ഷ കാണും. (മത്താ. 28:16) യേശു ‘500-ലധികം സഹോ​ദ​ര​ങ്ങ​ളു​ടെ മുന്നിൽ പ്രത്യ​ക്ഷ​നാ​യത്‌’ ഈ അവസര​ത്തി​ലാ​യി​രി​ക്കാം. (1 കൊരി. 15:6) യേശു എന്തിനാ​ണു ശിഷ്യ​ന്മാ​രോട്‌ അവിടെ കൂടി​വ​രാൻ പറഞ്ഞത്‌? “പോയി എല്ലാ ജനതക​ളി​ലെ​യും ആളുകളെ ശിഷ്യ​രാ​ക്കുക” എന്ന ആവേശ​ക​ര​മായ നിയമനം അവരെ ഏൽപ്പി​ക്കാൻ.—മത്തായി 28:18-20 വായി​ക്കുക.

2 യേശു​വി​ന്റെ ഈ വാക്കുകൾ കേട്ട ശിഷ്യ​ന്മാർ ഒന്നാം നൂറ്റാ​ണ്ടി​ലെ ക്രിസ്‌തീ​യ​സ​ഭ​യു​ടെ ഭാഗമാ​യി. ആ സഭയുടെ മുഖ്യ ഉത്തരവാ​ദി​ത്വം കൂടുതൽ ക്രിസ്‌തു​ശി​ഷ്യ​രെ ഉളവാ​ക്കുക എന്നതാ​യി​രു​ന്നു.b ഇന്ന്‌, ലോക​മെ​മ്പാ​ടും സത്യ​ക്രി​സ്‌ത്യാ​നി​കൾ പതിനാ​യി​ര​ക്ക​ണ​ക്കി​നു സഭകളി​ലാ​യി കൂടി​വ​രു​ന്നു. ഈ സഭകളു​ടെ മുഖ്യ ഉത്തരവാ​ദി​ത്വ​വും ശിഷ്യരെ ഉളവാ​ക്കുക എന്നതു​ത​ന്നെ​യാണ്‌. ഈ ലേഖന​ത്തിൽ പിൻവ​രുന്ന നാലു ചോദ്യ​ങ്ങൾ ചർച്ച ചെയ്യും: ആളുകളെ ശിഷ്യ​രാ​ക്കു​ന്നത്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? അതിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌? ശിഷ്യ​രാ​ക്കു​ന്ന​തിൽ എല്ലാ ക്രിസ്‌ത്യാ​നി​കൾക്കും പങ്കുണ്ടോ? ഈ പ്രവർത്ത​ന​ത്തി​നു ക്ഷമ എന്ന ഗുണം ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

ശിഷ്യരാക്കുന്നതു പ്രധാനമായിരിക്കുന്നതിന്റെ കാരണം

3. യോഹ​ന്നാൻ 14:6-ഉം 17:3-ഉം പറയു​ന്ന​ത​നു​സ​രിച്ച്‌, ആളുകളെ ശിഷ്യ​രാ​ക്കു​ന്നത്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌?

3 ആളുകളെ ശിഷ്യ​രാ​ക്കു​ന്നത്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? കാരണം ക്രിസ്‌തു​വി​ന്റെ ശിഷ്യ​ന്മാർക്കു മാത്രമേ, ദൈവ​ത്തി​ന്റെ സുഹൃ​ത്തു​ക്ക​ളാ​കാൻ കഴിയു​ക​യു​ള്ളൂ. കൂടാതെ, ക്രിസ്‌തു​വി​നെ അനുസ​രി​ക്കു​ന്ന​വർക്ക്‌ ഇപ്പോൾത്തന്നെ മെച്ചപ്പെട്ട ജീവിതം നയിക്കാൻ കഴിയും, അതു​പോ​ലെ ഭാവി​യിൽ എന്നേക്കും ജീവി​ക്കാ​നുള്ള പ്രത്യാ​ശ​യു​മുണ്ട്‌. (യോഹ​ന്നാൻ 14:6; 17:3 വായി​ക്കുക.) ശരിക്കും, ക്രിസ്‌തു നമുക്കു പ്രധാ​ന​പ്പെട്ട ഒരു ഉത്തരവാ​ദി​ത്വ​മാ​ണു തന്നിരി​ക്കു​ന്നത്‌. എന്നാൽ ഈ പ്രവർത്ത​ന​ത്തിൽ നമ്മൾ തനിച്ചല്ല. അപ്പോ​സ്‌ത​ല​നായ പൗലോസ്‌ തന്നെക്കു​റി​ച്ചും കൂടെ പ്രവർത്തി​ക്കു​ന്ന​വ​രെ​ക്കു​റി​ച്ചും ഇങ്ങനെ എഴുതി: “ഞങ്ങൾ ദൈവ​ത്തി​ന്റെ സഹപ്ര​വർത്ത​ക​രാണ്‌.” (1 കൊരി. 3:9) അപൂർണ​മ​നു​ഷ്യർക്ക്‌ യഹോ​വ​യും ക്രിസ്‌തു​വും എത്ര വലിയ പദവി​യാ​ണു തന്നിരി​ക്കു​ന്നത്‌!

4. ഇവാ​ന്റെ​യും മെറ്റിൽഡ​യു​ടെ​യും അനുഭ​വ​ത്തിൽനിന്ന്‌ നമുക്ക്‌ എന്തു പഠിക്കാം?

4 ശിഷ്യ​രാ​ക്കൽവേല നമുക്കു വലിയ സന്തോഷം തരും. കൊളം​ബി​യ​യി​ലുള്ള സാക്ഷി​ക​ളായ ഇവാ​ന്റെ​യും ഭാര്യ മെറ്റിൽഡ​യു​ടെ​യും അനുഭവം നോക്കാം. അവർ ഡേവിയർ എന്ന ഒരു ചെറു​പ്പ​ക്കാ​ര​നോ​ടു സാക്ഷീ​ക​രി​ച്ചു. “എനിക്കു ജീവി​ത​ത്തിൽ മാറ്റങ്ങൾ വരുത്ത​ണ​മെ​ന്നുണ്ട്‌, പക്ഷേ പറ്റുന്നില്ല” എന്നു ഡേവിയർ പറഞ്ഞു. ഡേവിയർ ബോക്‌സി​ങിൽ ഏർപ്പെ​ട്ടി​രു​ന്നു, മയക്കു​മ​രുന്ന്‌ ഉപയോ​ഗി​ക്കു​ക​യും അമിത​മാ​യി മദ്യപി​ക്കു​ക​യും ചെയ്‌തി​രു​ന്നു. കൂടാതെ എറിക്ക എന്ന കാമു​കി​യോ​ടൊ​പ്പ​മാ​യി​രു​ന്നു താമസി​ച്ചി​രു​ന്നത്‌. ഇവാൻ പറയുന്നു: “ഒറ്റപ്പെട്ട ഒരു ഗ്രാമ​ത്തി​ലാ​യി​രു​ന്നു ഡേവിയർ താമസി​ച്ചി​രു​ന്നത്‌. ചെളി നിറഞ്ഞ വഴിക​ളി​ലൂ​ടെ മണിക്കൂ​റു​ക​ളോ​ളം സൈക്കിൾ ചവിട്ടി വേണമാ​യി​രു​ന്നു ഞങ്ങൾക്ക്‌ അവിടെ എത്താൻ. ഡേവി​യ​റി​ന്റെ സ്വഭാ​വ​ത്തി​ലും മനോ​ഭാ​വ​ത്തി​ലും മാറ്റങ്ങൾ കണ്ടുതു​ട​ങ്ങി​യ​പ്പോൾ എറിക്ക​യും ഞങ്ങളോ​ടൊ​പ്പം ബൈബിൾ പഠിക്കാൻ തുടങ്ങി.” ക്രമേണ ഡേവിയർ മയക്കു​മ​രു​ന്നും മദ്യപാ​ന​വും ബോക്‌സി​ങും ഉപേക്ഷി​ച്ചു. എറിക്കയെ വിവാഹം കഴിക്കു​ക​യും ചെയ്‌തു. മെറ്റിൽഡ പറയുന്നു: “2016-ൽ ഡേവി​യ​റും എറിക്ക​യും സ്‌നാ​ന​പ്പെ​ട്ട​പ്പോൾ ഡേവിയർ പലപ്പോ​ഴും പറഞ്ഞി​ട്ടുള്ള വാക്കു​ക​ളാ​ണു ഞങ്ങളുടെ ഓർമ​യി​ലേക്കു വന്നത്‌, ‘എനിക്കു മാറണ​മെ​ന്നുണ്ട്‌, പക്ഷേ പറ്റുന്നില്ല.’ ഞങ്ങൾക്കു കണ്ണീര​ട​ക്കാൻ കഴിഞ്ഞില്ല.” ക്രിസ്‌തു​വി​ന്റെ ശിഷ്യ​രാ​കാൻ ആളുകളെ സഹായി​ക്കു​മ്പോൾ നമുക്ക്‌ അതിയായ സന്തോഷം തോന്നും എന്നതിൽ സംശയ​മില്ല.

ശിഷ്യ​രാ​ക്കു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

5. ശിഷ്യ​രാ​ക്കൽവേ​ല​യി​ലെ ആദ്യപടി എന്താണ്‌?

5 ശരിയായ ഹൃദയ​നി​ല​യു​ള്ള​വരെ ‘അന്വേ​ഷിച്ച്‌ കണ്ടുപി​ടി​ക്കുക’ എന്നതാണു ശിഷ്യ​രാ​ക്കൽവേ​ല​യി​ലെ ആദ്യപടി. (മത്താ. 10:11) നമ്മുടെ പ്രദേ​ശ​ത്തുള്ള എല്ലാവ​രോ​ടും സാക്ഷീ​ക​രി​ക്കു​മ്പോൾ നമ്മൾ യഥാർഥ​ത്തിൽ യഹോ​വ​യു​ടെ സാക്ഷി​ക​ളാ​ണെന്നു തെളി​യി​ക്കു​ക​യാണ്‌. അതു​പോ​ലെ പ്രസം​ഗി​ക്കാ​നുള്ള ക്രിസ്‌തു​വി​ന്റെ കല്‌പന അനുസ​രി​ക്കു​മ്പോൾ നമ്മൾ യഥാർഥ​ക്രി​സ്‌ത്യാ​നി​ക​ളാ​ണെ​ന്നും തെളി​യി​ക്കു​ക​യാണ്‌.

6. ശുശ്രൂ​ഷ​യിൽ വിജയി​ക്കാൻ നമ്മളെ എന്തു സഹായി​ക്കും?

6 നമ്മൾ കാണുന്ന ചില ആളുകൾ ബൈബിൾസ​ത്യം അറിയാൻ ആഗ്രഹി​ക്കു​ന്ന​വ​രാണ്‌. എന്നാൽ പലർക്കും ആദ്യം അതിൽ വലിയ താത്‌പ​ര്യ​മൊ​ന്നും കണ്ടെന്നു​വ​രില്ല. അങ്ങനെ​യു​ള്ള​വ​രു​ടെ താത്‌പ​ര്യം നമ്മൾ ഉണർത്തണം. ശുശ്രൂ​ഷ​യിൽ വിജയി​ക്കു​ന്ന​തി​നു നമ്മൾ നന്നായി ചിന്തിച്ച്‌ തയ്യാറാ​കണം. ആളുകൾക്കു താത്‌പ​ര്യം തോന്നാൻ സാധ്യ​ത​യുള്ള വിഷയങ്ങൾ തിര​ഞ്ഞെ​ടു​ക്കുക. ആ വിഷയങ്ങൾ എങ്ങനെ അവതരി​പ്പി​ക്കാ​മെന്നു ചിന്തി​ക്കുക.

7. ഒരു സംഭാ​ഷണം നമുക്ക്‌ എങ്ങനെ തുടങ്ങാൻ കഴിയും, വീട്ടു​കാർ പറയു​ന്നതു കേൾക്കു​ന്ന​തും അവരെ മാനി​ക്കു​ന്ന​തും പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

7 ഉദാഹ​ര​ണ​ത്തിന്‌, വീട്ടു​കാ​ര​നോ​ടു നിങ്ങൾക്ക്‌ ഇങ്ങനെ ചോദി​ക്കാം: ‘ഞാൻ ഒരു കാര്യ​ത്തെ​ക്കു​റിച്ച്‌ താങ്കളു​ടെ അഭി​പ്രാ​യം ചോദി​ച്ചോ​ട്ടേ? നമ്മൾ ഇന്നു പല പ്രശ്‌നങ്ങൾ നേരി​ടു​ന്നു​ണ്ട​ല്ലോ. ഇതു​പോ​ലുള്ള പ്രശ്‌നങ്ങൾ ലോകത്ത്‌ എല്ലായി​ട​ത്തു​മുണ്ട്‌. ലോകം മുഴുവൻ ഒറ്റ ഗവൺമെന്റ്‌ വന്നാൽ ഇതു​പോ​ലുള്ള പല പ്രശ്‌ന​ങ്ങ​ളും പരിഹ​രി​ക്കാ​മെന്നു താങ്കൾക്കു തോന്നു​ന്നി​ല്ലേ?’ എന്നിട്ട്‌ ദാനി​യേൽ 2:44 നിങ്ങൾക്കു ചർച്ച ചെയ്യാൻ കഴിയും. അല്ലെങ്കിൽ നിങ്ങൾക്ക്‌ ഇങ്ങനെ പറയാം: ‘കുട്ടി​കളെ നല്ല സ്വഭാ​വ​മു​ള്ള​വ​രാ​യി വളർത്തി​ക്കൊ​ണ്ടു​വ​രാൻ എന്തു ചെയ്യാൻ കഴിയും? എനിക്കു താങ്കളു​ടെ അഭി​പ്രാ​യം അറിയാൻ ആഗ്രഹ​മുണ്ട്‌.’ എന്നിട്ട്‌ ആവർത്തനം 6:6, 7 ചർച്ച ചെയ്യുക. നിങ്ങൾ ഏതു വിഷയം തിര​ഞ്ഞെ​ടു​ത്താ​ലും നിങ്ങൾ സംസാ​രി​ക്കുന്ന വ്യക്തി​യെ​ക്കു​റിച്ച്‌ ചിന്തി​ക്കുക. ബൈബിൾ പഠിക്കു​ന്ന​തു​കൊണ്ട്‌ ആ വ്യക്തിക്ക്‌ എന്തു പ്രയോ​ജനം കിട്ടു​മെന്നു ഭാവന​യിൽ കാണുക. വീട്ടു​കാ​രു​മാ​യി സംഭാ​ഷ​ണ​ത്തിൽ ഏർപ്പെ​ടു​മ്പോൾ അവർ പറയു​ന്നതു കേൾക്കു​ന്ന​തും അവരുടെ വീക്ഷണം മാനി​ക്കു​ന്ന​തും പ്രധാ​ന​മാണ്‌. അങ്ങനെ നിങ്ങൾക്ക്‌ അവരെ​ക്കു​റിച്ച്‌ കൂടുതൽ മനസ്സി​ലാ​ക്കാ​നാ​കും. അപ്പോൾ അവർ നിങ്ങളെ കേൾക്കാ​നുള്ള സാധ്യ​ത​യും കൂടു​ത​ലാണ്‌.

8. വീണ്ടും​വീ​ണ്ടും മടക്കസ​ന്ദർശ​നങ്ങൾ നടത്തു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

8 ഒരാൾ ബൈബിൾ പഠിക്ക​ണ​മെ​ങ്കിൽ നമ്മൾ മടക്കസ​ന്ദർശ​നങ്ങൾ നടത്തണം. അതിനു​വേണ്ടി നമ്മൾ ധാരാളം സമയവും ശ്രമവും ചെലവ​ഴി​ക്കേ​ണ്ടി​വ​ന്നേ​ക്കാം. കാരണം ആദ്യ​മൊ​ക്കെ മടങ്ങി​ച്ചെ​ല്ലു​മ്പോൾ ആ വ്യക്തിയെ വീട്ടിൽ കണ്ടി​ല്ലെ​ന്നു​വ​രാം. ഇനി, കണ്ടാൽത്തന്നെ പല പ്രാവ​ശ്യം മടങ്ങി​ച്ചെ​ന്നാൽ മാത്രമേ ഒരു ബൈബിൾപ​ഠ​ന​ത്തി​നു സമ്മതി​ച്ചെ​ന്നു​വരൂ. ഓർക്കുക, ദിവസ​വും വെള്ളം ഒഴിച്ചു​കൊ​ടു​ക്കു​മ്പോൾ ഒരു ചെടി വളരാൻ സാധ്യത കൂടു​ത​ലാണ്‌. അതു​പോ​ലെ, ഒരു വ്യക്തി​യു​മാ​യി ക്രമമാ​യി ദൈവ​വ​ചനം ചർച്ച ചെയ്യു​മ്പോൾ യഹോ​വ​യോ​ടും ക്രിസ്‌തു​വി​നോ​ടും ഉള്ള ആ വ്യക്തി​യു​ടെ സ്‌നേഹം വളരാൻ സാധ്യ​ത​യുണ്ട്‌.

ശിഷ്യ​രാ​ക്കു​ന്ന​തിൽ എല്ലാ ക്രിസ്‌ത്യാ​നി​കൾക്കും പങ്കുണ്ടോ?

അവധിക്കാലം ചെലവഴിക്കാൻ പോകുന്ന ഒരാൾ വിമാനത്താവളത്തിൽവെച്ച്‌ സാഹിത്യ കൈവണ്ടിയിൽനിന്ന്‌ ലഘുലേഖ എടുത്ത്‌ നടന്നുനീങ്ങുന്നു; പിന്നീട്‌ അദ്ദേഹം കാഴ്‌ചകൾ കണ്ടുനടക്കുമ്പോൾ മറ്റു ചില സാക്ഷികൾ പരസ്യസാക്ഷീകരണം നടത്തുന്നതു കാണുന്നു; വീട്ടിൽ തിരിച്ചെത്തിയ അദ്ദേഹത്തെ പ്രചാരകർ സന്ദർശിക്കുന്നു

അർഹരായവർക്കുവേണ്ടിയുള്ള അന്വേ​ഷ​ണ​ത്തിൽ ലോക​മെ​മ്പാ​ടു​മുള്ള സാക്ഷികൾ പങ്കെടു​ക്കു​ന്നു (9, 10 ഖണ്ഡികകൾ കാണുക)c

9-10. ആത്മാർഥ​ഹൃ​ദ​യരെ കണ്ടെത്തു​ന്ന​തിൽ ഓരോ ക്രിസ്‌ത്യാ​നി​ക്കും പങ്കു​ണ്ടെന്നു പറയു​ന്നത്‌ എന്തു​കൊണ്ട്‌?

9 ആത്മാർഥ​ഹൃ​ദ​യരെ കണ്ടെത്തു​ന്ന​തിൽ ഓരോ ക്രിസ്‌ത്യാ​നി​ക്കും പങ്കുണ്ട്‌. കാണാ​തായ ഒരു കുട്ടിയെ കണ്ടെത്തു​ന്ന​തി​നോ​ടു നമുക്ക്‌ ഈ വേലയെ താരത​മ്യം ചെയ്യാം. ഒരു രാജ്യത്ത്‌ നടന്ന ഒരു സംഭവം നോക്കാം. മൂന്നു വയസ്സുള്ള ഒരു കുട്ടിയെ കാണാ​താ​യി. ഏതാണ്ട്‌ 500 പേർ അവനു​വേണ്ടി തിരച്ചിൽ നടത്തി. അവസാനം, 20 മണിക്കൂ​റു​കൾക്കു ശേഷം ഒരാൾ കുട്ടിയെ പാടത്തു​നിന്ന്‌ കണ്ടെത്തി. എന്നാൽ ആ കുട്ടിയെ കണ്ടെത്തി​യ​തി​ന്റെ ബഹുമതി അദ്ദേഹം സ്വീക​രി​ച്ചില്ല. അദ്ദേഹം ഇങ്ങനെ​യാ​ണു പറഞ്ഞത്‌: “നൂറു​ക​ണ​ക്കിന്‌ ആളുക​ളു​ടെ കൂട്ടായ ശ്രമം​കൊ​ണ്ടാ​ണു കുട്ടിയെ കണ്ടെത്തി​യത്‌.”

10 ഇന്നു പലയാ​ളു​ക​ളും കാണാ​തായ ആ കുട്ടി​യെ​പ്പോ​ലെ​യാണ്‌. അവർക്ക്‌ ഒരു പ്രത്യാ​ശ​യു​മില്ല. ആരെങ്കി​ലും തങ്ങളെ സഹായി​ക്ക​ണ​മെന്ന്‌ അവർക്ക്‌ ആഗ്രഹ​മുണ്ട്‌. (എഫെ. 2:12) നമ്മൾ 80 ലക്ഷത്തി​ല​ധി​കം പേർ അർഹത​യു​ള്ള​വരെ അന്വേ​ഷി​ച്ചു​കൊ​ണ്ടി​രി​ക്കു​ക​യാണ്‌. ഒരുപക്ഷേ ബൈബിൾ പഠിക്കാൻ താത്‌പ​ര്യ​മുള്ള ഒരാളെ നിങ്ങൾ ഇതുവരെ കണ്ടെത്തി​യി​ട്ടു​ണ്ടാ​കില്ല. എന്നാൽ അതേ പ്രദേ​ശത്ത്‌ പ്രവർത്തി​ക്കുന്ന മറ്റു പ്രചാ​ര​കർക്കു ബൈബിൾപ​ഠ​നങ്ങൾ തുടങ്ങാൻ കഴിഞ്ഞി​ട്ടു​ണ്ടാ​കും. ഒരു സഹോ​ദ​ര​നോ സഹോ​ദ​രി​യോ ഒരാളെ ക്രിസ്‌തു​വി​ന്റെ ശിഷ്യ​നാ​കാൻ സഹായി​ക്കു​മ്പോൾ ‘അന്വേ​ഷണം’ നടത്തിയ എല്ലാവർക്കും സന്തോ​ഷി​ക്കാൻ കാരണ​മുണ്ട്‌.

11. നിങ്ങൾ ഒരു ബൈബിൾപ​ഠനം നടത്തു​ന്നി​ല്ലെ​ങ്കി​ലും, ശിഷ്യ​രാ​ക്കു​ന്ന​തിൽ മറ്റ്‌ ഏതെല്ലാം വിധങ്ങ​ളിൽ നിങ്ങൾക്കു സഹായി​ക്കാം?

11 നിങ്ങൾ ഇപ്പോൾ ഒരു ബൈബിൾപ​ഠനം നടത്തു​ന്നി​ല്ലെ​ങ്കി​ലും ശിഷ്യ​രാ​ക്കു​ന്ന​തിൽ നിങ്ങൾക്കു മറ്റു വിധങ്ങ​ളിൽ സഹായി​ക്കാൻ കഴിയും. ഉദാഹ​ര​ണ​ത്തിന്‌, പുതിയ ആളുകൾ മീറ്റി​ങ്ങി​നു വരു​മ്പോൾ നിങ്ങൾക്ക്‌ അവരോ​ടു സംസാ​രി​ക്കാം, അവരെ സുഹൃ​ത്തു​ക്ക​ളാ​ക്കാം. നമ്മൾ ഈ വിധത്തിൽ അവരോ​ടു സ്‌നേഹം കാണി​ക്കു​മ്പോൾ നമ്മൾ സത്യ​ക്രി​സ്‌ത്യാ​നി​ക​ളാ​ണെന്ന്‌ അവർ തിരി​ച്ച​റി​യാൻ അവരെ സഹായി​ക്കു​ക​യാണ്‌. (യോഹ. 13:34, 35) ചെറു​താ​ണെ​ങ്കി​ലും മീറ്റി​ങ്ങു​ക​ളിൽ നമ്മൾ പറയുന്ന ഉത്തരങ്ങൾ, ആത്മാർഥ​ത​യോ​ടെ​യും ആദര​വോ​ടെ​യും അഭി​പ്രാ​യം പറയാൻ പുതി​യ​വർക്ക്‌ ഒരു പരിശീ​ല​ന​മാ​യി​രി​ക്കും. പുതിയ ഒരു പ്രചാ​ര​ക​ന്റെ​കൂ​ടെ ശുശ്രൂ​ഷ​യ്‌ക്കു പോകാ​നും നിങ്ങൾക്കു കഴി​ഞ്ഞേ​ക്കും. അത്തരം അവസര​ങ്ങ​ളിൽ, തിരു​വെ​ഴു​ത്തു​കൾ ഉപയോ​ഗിച്ച്‌ ആളുകളെ പഠിപ്പി​ക്കു​ന്നത്‌ എങ്ങനെ​യെന്നു മനസ്സി​ലാ​ക്കാൻ അദ്ദേഹത്തെ സഹായി​ക്കാം. അങ്ങനെ ചെയ്യു​മ്പോൾ, ക്രിസ്‌തു​വി​നെ അനുക​രി​ക്കാൻ നിങ്ങൾ ആ വ്യക്തിയെ പഠിപ്പി​ക്കു​ക​യാണ്‌.—ലൂക്കോ. 10:25-28.

12. ശിഷ്യ​രാ​ക്കു​ന്ന​തി​നു നമുക്ക്‌ വലിയ കഴിവും പ്രാപ്‌തി​യും ആവശ്യ​മു​ണ്ടോ? വിശദീ​ക​രി​ക്കുക.

12 യേശു​വി​ന്റെ ശിഷ്യ​രാ​കാൻവേണ്ടി മറ്റുള്ള​വരെ പഠിപ്പി​ക്കു​ന്ന​തി​നു നമുക്കു വലിയ കഴിവും പ്രാപ്‌തി​യും വേണ​മെന്നു ചിന്തി​ക്കേണ്ട ആവശ്യ​മില്ല. എന്തു​കൊ​ണ്ടാണ്‌ അങ്ങനെ പറയു​ന്നത്‌? ബൊളീ​വി​യ​യി​ലുള്ള ഫോസ്റ്റീ​ന​യു​ടെ അനുഭവം നോക്കാം. യഹോ​വ​യു​ടെ സാക്ഷി​ക​ളു​മാ​യി സഹവസി​ക്കാൻ തുടങ്ങിയ സമയത്ത്‌ ഫോസ്റ്റീ​ന​യ്‌ക്കു വായി​ക്കാൻ അറിയി​ല്ലാ​യി​രു​ന്നു. അപ്പോൾമു​തൽ ചെറിയ രീതി​യിൽ വായി​ക്കാൻ അവർ പഠിച്ചു. ഫോസ്റ്റീന ഇപ്പോൾ സ്‌നാ​ന​മേറ്റ സഹോ​ദ​രി​യാണ്‌. മറ്റുള്ള​വരെ പഠിപ്പി​ക്കാ​നും അവർക്ക്‌ ഇഷ്ടമാണ്‌. ഓരോ ആഴ്‌ച​യി​ലും ആ സഹോ​ദരി അഞ്ചു ബൈബിൾപ​ഠ​നങ്ങൾ നടത്താ​റുണ്ട്‌. തന്റെ ബൈബിൾവി​ദ്യാർഥി​ക​ളു​ടെ അത്രയു​മൊ​ന്നും വായി​ക്കാൻ ഫോസ്റ്റീ​ന​യ്‌ക്ക്‌ അറിയി​ല്ലെ​ങ്കി​ലും ആറു പേരെ സ്‌നാ​ന​ത്തി​ന്റെ പടിയി​ലേക്കു നയിക്കാൻ അവർക്കു കഴിഞ്ഞു.—ലൂക്കോ. 10:21.

13. തിരക്കു​ള്ള​വ​രാ​ണെ​ങ്കി​ലും ശിഷ്യ​രാ​ക്കൽവേ​ല​യിൽ ഏർപ്പെ​ടു​ന്ന​തു​കൊണ്ട്‌ നമുക്കു ലഭിക്കുന്ന ചില അനു​ഗ്ര​ഹങ്ങൾ എന്തൊ​ക്കെ​യാണ്‌?

13 ഇന്നു മിക്ക ക്രിസ്‌ത്യാ​നി​കൾക്കും പ്രധാ​ന​പ്പെട്ട പല ഉത്തരവാ​ദി​ത്വ​ങ്ങ​ളും ചെയ്യാ​നുണ്ട്‌. തിരക്കു​ള്ള​വ​രാ​ണെ​ങ്കി​ലും അവർ ബൈബിൾപ​ഠ​നങ്ങൾ നടത്താൻ സമയം കണ്ടെത്തു​ന്നു. അവർക്ക്‌ അതിൽനിന്ന്‌ വലിയ സന്തോ​ഷ​വും കിട്ടു​ന്നുണ്ട്‌. നമുക്ക്‌ അലാസ്‌ക​യി​ലെ മെലാ​നി​യു​ടെ അനുഭവം നോക്കാം. എട്ടു വയസ്സു​ണ്ടാ​യി​രുന്ന മകളെ വളർത്തി​ക്കൊ​ണ്ടു​വ​രാൻ ഭർത്താ​വി​ന്റെ സഹായ​മി​ല്ലാ​യി​രു​ന്നു. മെലാ​നിക്ക്‌ ഒരു മുഴു​സമയ ജോലി​യും ഉണ്ടായി​രു​ന്നു. അതോ​ടൊ​പ്പം ക്യാൻസർ രോഗി​യായ പിതാ​വി​നെ നോക്കു​ക​യും വേണം. ആ ഒറ്റപ്പെട്ട പട്ടണത്തിൽ മെലാനി മാത്ര​മാ​ണു സാക്ഷി​യാ​യി​ട്ടു​ണ്ടാ​യി​രു​ന്നത്‌. കടുത്ത തണുപ്പാ​യി​രു​ന്ന​തു​കൊണ്ട്‌ പ്രസം​ഗ​പ്ര​വർത്തനം നടത്താ​നുള്ള ശക്തിക്കാ​യി സഹോ​ദരി യഹോ​വ​യോ​ടു പ്രാർഥി​ക്കു​മാ​യി​രു​ന്നു. കാരണം ഒരു ബൈബിൾപ​ഠനം കിട്ടു​ന്ന​തിന്‌ അവർ അതിയാ​യി ആഗ്രഹി​ച്ചു. കുറച്ച്‌ നാൾ കഴിഞ്ഞ​പ്പോൾ അവർ സാറയെ കണ്ടുമു​ട്ടി. ദൈവ​ത്തിന്‌ ഒരു പേരു​ണ്ടെന്ന്‌ അറിഞ്ഞതു സാറയെ ആവേശം​കൊ​ള്ളി​ച്ചു. കുറച്ച്‌ നാൾ കഴിഞ്ഞ്‌ സാറ ബൈബിൾപ​ഠ​ന​ത്തി​നു സമ്മതിച്ചു. മെലാനി പറയുന്നു: “വെള്ളി​യാഴ്‌ച വൈകു​ന്നേരം ആകു​മ്പോ​ഴേ​ക്കും എനിക്കു ഭയങ്കര ക്ഷീണമാ​യി​രി​ക്കും. എന്നാലും ഞാനും മകളും​കൂ​ടി ആ ബൈബിൾപ​ഠനം നടത്താൻ പോയതു പ്രയോ​ജനം ചെയ്‌തു. സാറയു​ടെ ചോദ്യ​ങ്ങൾക്കു ഗവേഷണം ചെയ്‌ത്‌ ഉത്തരം കണ്ടുപി​ടി​ക്കു​ന്നതു ഞങ്ങൾക്ക്‌ ഇഷ്ടമാ​യി​രു​ന്നു. സാറ യഹോ​വ​യു​ടെ സുഹൃ​ത്താ​യി മാറു​ന്നതു കാണാൻ കഴിഞ്ഞതു ഞങ്ങൾക്ക്‌ എത്ര സന്തോ​ഷ​മാ​യെ​ന്നോ!” സാറ എതിർപ്പി​നെ ധൈര്യ​ത്തോ​ടെ നേരിട്ടു, പള്ളിയു​മാ​യുള്ള ബന്ധം ഉപേക്ഷി​ച്ചു, സ്‌നാ​ന​മേൽക്കു​ക​യും ചെയ്‌തു.

ശിഷ്യ​രാ​ക്കൽവേ​ല​യിൽ ക്ഷമ പ്രധാനം

14. (എ) ശിഷ്യ​രാ​ക്കൽവേല മീൻപി​ടു​ത്തം​പോ​ലെ ആണെന്നു പറയു​ന്നത്‌ എന്തു​കൊണ്ട്‌? (ബി) 2 തിമൊ​ഥെ​യൊസ്‌ 4:1, 2-ലെ പൗലോ​സി​ന്റെ വാക്കുകൾ നമുക്കു പ്രചോ​ദനം തരുന്നത്‌ എങ്ങനെ?

14 ശുശ്രൂ​ഷ​യിൽ ഫലമൊ​ന്നും ലഭിക്കു​ന്നി​ല്ലെന്നു തോന്നി​യാ​ലും അർഹരാ​യ​വരെ കണ്ടെത്താ​നുള്ള ശ്രമം ഉപേക്ഷി​ക്ക​രുത്‌. യേശു ശിഷ്യ​രാ​ക്കൽവേ​ലയെ മീൻപി​ടു​ത്ത​ത്തോ​ടാണ്‌ ഉപമി​ച്ച​തെന്ന്‌ ഓർക്കുക. ഒരു മീൻപി​ടു​ത്ത​ക്കാ​രനു മീൻ കിട്ടാൻ ചില​പ്പോൾ വളരെ​യ​ധി​കം സമയം ചെലവ​ഴി​ക്കേ​ണ്ടി​വ​ന്നേ​ക്കാം. അതിരാ​വി​ലെ​യോ രാത്രി വളരെ വൈകി​യോ ഒക്കെ അവർക്കു ജോലി ചെയ്യേ​ണ്ടി​വ​രും. മാത്രമല്ല അവർക്ക്‌ ഒരുപാ​ടു ദൂരം വള്ളത്തിൽ പോ​കേ​ണ്ട​താ​യും വന്നേക്കാം. (ലൂക്കോ. 5:5) അതു​പോ​ലെ, ചില ക്രിസ്‌ത്യാ​നി​കൾ അർഹരാ​യ​വരെ കണ്ടെത്താൻ അനേകം മണിക്കൂ​റു​കൾ ചെലവ​ഴി​ക്കു​ന്നു, സമയവും സ്ഥലവും മാറ്റി​മാ​റ്റി അവർ ‘വല ഇറക്കി നോക്കുന്നു.’ എന്തിനു​വേണ്ടി? കൂടുതൽ ആളുകളെ കണ്ടെത്തു​ന്ന​തിന്‌. ആളുകളെ കണ്ടെത്താൻ കൂടുതൽ ശ്രമം ചെയ്യു​ന്ന​വർക്കു താത്‌പ​ര്യ​ക്കാ​രെ കിട്ടാ​നുള്ള സാധ്യത കൂടു​ത​ലാണ്‌. ആളുകളെ കണ്ടെത്താൻ സാധ്യത കൂടു​ത​ലുള്ള സ്ഥലത്തും സമയത്തും നിങ്ങൾക്കു പ്രവർത്തി​ക്കാ​നാ​കു​മോ?—2 തിമൊ​ഥെ​യൊസ്‌ 4:1, 2 വായി​ക്കുക.

ആ വ്യക്തി സാക്ഷി​ക​ളോ​ടൊ​പ്പം ബൈബിൾ പഠിക്കു​ന്നു. ക്രമേണ അദ്ദേഹം സ്‌നാ​ന​ത്തി​നു യോഗ്യത നേടുന്നു.

ആത്മീയപുരോഗതി വരുത്താൻ നിങ്ങളു​ടെ വിദ്യാർഥി​കളെ ക്ഷമയോ​ടെ സഹായി​ക്കു​ക (15, 16 ഖണ്ഡികകൾ കാണുക)d

15. ബൈബിൾപ​ഠ​നങ്ങൾ നടത്തു​ന്ന​തി​നു ക്ഷമ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

15 ബൈബിൾപ​ഠ​നങ്ങൾ നടത്തു​ന്ന​തി​നു ക്ഷമ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌? ഒരു കാരണം നോക്കാം. വിദ്യാർഥി​യെ ബൈബി​ളി​ലെ സത്യങ്ങൾ മനസ്സി​ലാ​ക്കാ​നും അവയെ സ്‌നേ​ഹി​ക്കാ​നും മാത്രം സഹായി​ച്ചാൽ പോരാ. പകരം ബൈബി​ളി​ന്റെ ഗ്രന്ഥകർത്താ​വായ യഹോ​വയെ അറിയാ​നും സ്‌നേ​ഹി​ക്കാ​നും നമ്മൾ സഹായി​ക്കണം. അതു​പോ​ലെ, യേശു ചെയ്യാൻ പറഞ്ഞത്‌ എന്താണ്‌ എന്നു പഠിപ്പി​ച്ചാൽ മാത്രം പോരാ. പകരം യഥാർഥ​ക്രി​സ്‌ത്യാ​നി​ക​ളാ​യി ജീവി​ക്കാൻ എങ്ങനെ കഴിയു​മെ​ന്നും പഠിപ്പി​ക്കണം. വിദ്യാർഥി ബൈബിൾത​ത്ത്വ​ങ്ങൾക്കു ചേർച്ച​യിൽ ജീവി​ക്കാൻ ശ്രമി​ക്കു​മ്പോൾ നമ്മൾ ക്ഷമയോ​ടെ സഹായി​ക്കണം. ചിലർ ചിന്തകൾക്കും ശീലങ്ങൾക്കും ഏതാനും മാസങ്ങൾക്കു​ള്ളിൽത്തന്നെ മാറ്റങ്ങൾ വരുത്തി​യേ​ക്കാം. എന്നാൽ മറ്റു ചിലർ അതിനു കൂടുതൽ സമയ​മെ​ടു​ത്തേ​ക്കും.

16. റൗളിന്റെ അനുഭ​വ​ത്തിൽനിന്ന്‌ നിങ്ങൾ എന്തു പഠിച്ചു?

16 പെറു എന്ന രാജ്യത്ത്‌ സേവിച്ച ഒരു മിഷന​റി​യു​ടെ അനുഭവം ക്ഷമ കാണി​ക്കു​ന്ന​തി​ന്റെ പ്രയോ​ജ​നങ്ങൾ എടുത്തു​കാ​ട്ടു​ന്നു. അദ്ദേഹം പറയുന്നു: “എനിക്കു റൗൾ എന്ന ഒരു ബൈബിൾവി​ദ്യാർഥി​യു​ണ്ടാ​യി​രു​ന്നു. ഞങ്ങൾ രണ്ടു പുസ്‌ത​ക​ങ്ങ​ളും പഠിച്ചു​തീർന്നെ​ങ്കി​ലും അദ്ദേഹ​ത്തി​ന്റെ ജീവി​ത​ത്തിൽ ആകെ പ്രശ്‌ന​ങ്ങ​ളാ​യി​രു​ന്നു. ഭാര്യ​യു​മാ​യി എപ്പോ​ഴും വഴക്കാ​യി​രു​ന്നു. ചീത്ത വാക്കുകൾ പറഞ്ഞി​രു​ന്ന​തു​കൊണ്ട്‌ മക്കൾക്കു റൗളി​നോ​ടു യാതൊ​രു ബഹുമാ​ന​വും ഇല്ലായി​രു​ന്നു. എന്നാൽ അദ്ദേഹം പതിവാ​യി യോഗ​ങ്ങൾക്കു വന്നിരു​ന്ന​തു​കൊണ്ട്‌, ഞാൻ അദ്ദേഹ​ത്തെ​യും കുടും​ബ​ത്തെ​യും സന്ദർശി​ക്കു​ന്നതു നിറു​ത്തി​യില്ല. ഒടുവിൽ, ഞങ്ങൾ ആദ്യം കണ്ടിട്ട്‌ മൂന്നു വർഷത്തി​നു ശേഷം അദ്ദേഹം സ്‌നാ​ന​ത്തി​നു യോഗ്യത നേടി.”

17. അടുത്ത ലേഖന​ത്തിൽ നമ്മൾ എന്തു ചർച്ച ചെയ്യും?

17 “പോയി എല്ലാ ജനതക​ളി​ലെ​യും ആളുകളെ ശിഷ്യ​രാ​ക്കുക” എന്നു യേശു നമ്മളോ​ടു പറഞ്ഞു. ആ നിയമനം നിറ​വേ​റ്റു​ന്ന​തിന്‌, നമ്മു​ടേ​തിൽനിന്ന്‌ തികച്ചും വ്യത്യ​സ്‌ത​മായ വിശ്വാ​സങ്ങൾ വെച്ചു​പു​ലർത്തുന്ന ആളുക​ളോ​ടു സംസാ​രി​ക്കേ​ണ്ടി​വ​രും. അവരിൽ മതവി​ശ്വാ​സം ഇല്ലാത്ത​വ​രോ ദൈവ​മു​ണ്ടെ​ന്നു​പോ​ലും വിശ്വ​സി​ക്കാ​ത്ത​വ​രോ ഒക്കെ കണ്ടേക്കാം. ഇങ്ങനെ​യു​ള്ള​വ​രോട്‌ എങ്ങനെ സന്തോ​ഷ​വാർത്ത അറിയി​ക്കാ​മെന്ന്‌ അടുത്ത ലേഖന​ത്തിൽ നമ്മൾ ചർച്ച ചെയ്യും.

നിങ്ങൾ എങ്ങനെ ഉത്തരം പറയും?

  • ആളുകളെ ശിഷ്യ​രാ​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

  • ശിഷ്യ​രാ​ക്കൽവേ​ല​യിൽ ആർക്കെ​ല്ലാം പങ്കുണ്ട്‌?

  • ശിഷ്യ​രാ​ക്കൽവേ​ല​യിൽ ക്ഷമ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

ഗീതം 68 രാജ്യ​വിത്ത്‌ വിതയ്‌ക്കാം

a ആളുകളെ ക്രിസ്‌തു​വി​ന്റെ ശിഷ്യ​രാ​കാൻ സഹായി​ക്കുക എന്നതാണു ക്രിസ്‌തീ​യ​സ​ഭ​യു​ടെ മുഖ്യ ഉത്തരവാ​ദി​ത്വം. ഈ ലക്ഷ്യം നേടു​ന്ന​തി​നു നമ്മളെ സഹായി​ക്കുന്ന ചില നിർദേ​ശങ്ങൾ ഈ ലേഖന​ത്തിൽ കാണാം.

b പദപ്രയോഗത്തിന്റെ വിശദീ​ക​രണം: ക്രിസ്‌തു​വി​ന്റെ ശിഷ്യ​ന്മാർ യേശു​വി​ന്റെ കല്‌പ​നകൾ പഠിക്കുക മാത്രമല്ല, പഠിക്കുന്ന കാര്യ​ങ്ങൾക്കു ചേർച്ച​യിൽ പ്രവർത്തി​ക്കു​ക​യും ചെയ്യുന്നു. അവർ ക്രിസ്‌തു​വി​ന്റെ കാലടി​കൾക്കു തൊട്ടു​പി​ന്നാ​ലെ ചെല്ലാൻ ശ്രമി​ക്കു​ന്നു.—1 പത്രോ. 2:21.

c ചിത്രക്കുറിപ്പ്‌: അവധി​ക്കാ​ലം ചെലവ​ഴി​ക്കാൻ പോകുന്ന ഒരാൾ വിമാ​ന​ത്താ​വ​ള​ത്തിൽവെച്ച്‌ സാക്ഷി​ക​ളിൽനിന്ന്‌ ഒരു ലഘുലേഖ വാങ്ങി നടന്നു​നീ​ങ്ങു​ന്നു. പിന്നീട്‌ അദ്ദേഹം കാഴ്‌ചകൾ കണ്ടുന​ട​ക്കു​മ്പോൾ മറ്റു ചില സാക്ഷികൾ പരസ്യ​സാ​ക്ഷീ​ക​രണം നടത്തു​ന്നതു കാണുന്നു. വീട്ടിൽ തിരി​ച്ചെ​ത്തിയ അദ്ദേഹത്തെ പ്രചാ​രകർ സന്ദർശി​ക്കു​ന്നു.

d ചിത്രക്കുറിപ്പ്‌: ആ വ്യക്തി സാക്ഷി​ക​ളോ​ടൊ​പ്പം ബൈബിൾ പഠിക്കു​ന്നു. ക്രമേണ അദ്ദേഹം സ്‌നാ​ന​ത്തി​നു യോഗ്യത നേടുന്നു.

    മലയാളം പ്രസിദ്ധീകരണങ്ങൾ (1970-2025)
    ലോഗ് ഔട്ട്
    ലോഗ് ഇൻ
    • മലയാളം
    • പങ്കുവെക്കുക
    • താത്പര്യങ്ങൾ
    • Copyright © 2025 Watch Tower Bible and Tract Society of Pennsylvania
    • നിബന്ധനകള്‍
    • സ്വകാര്യതാ നയം
    • സ്വകാര്യതാ ക്രമീകരണങ്ങൾ
    • JW.ORG
    • ലോഗ് ഇൻ
    പങ്കുവെക്കുക