ദാമ്പത്യ​ബ​ന്ധ​ങ്ങളെ ബലിഷ്‌ഠ​മാ​ക്കുന്ന വിധം

“ഏതു കാരണം ചൊല്ലി​യും ഭാര്യയെ ഉപേക്ഷി​ക്കു​ന്നതു വിഹി​ത​മോ” എന്നു മഹദ്‌ഗു​രു​വായ യേശു​ക്രി​സ്‌തു​വി​നെ കുടു​ക്കി​ലാ​ക്കാൻ ശ്രമി​ക്കു​ക​യാ​യി​രുന്ന പരീശൻമാർ ചോദി​ച്ചു. ഒന്നാമത്തെ മനുഷ്യ​വി​വാ​ഹത്തെ പരാമർശി​ച്ചു​കൊണ്ട്‌ അവിടുന്ന്‌ അവർക്കു മറുപടി നൽകു​ക​യും ഇക്കാര്യ​ത്തിൽ “ദൈവം യോജി​പ്പി​ച്ച​തി​നെ മനുഷ്യർ വേർപി​രി​ക്ക​രുത്‌” എന്ന ഒരു പ്രമാണം വെക്കു​ക​യും ചെയ്‌തു.

“ഉപേക്ഷ​ണ​പ​ത്രം” കൊടു​ക്കാൻ നിർദേ​ശി​ച്ചു​കൊണ്ട്‌ മോശ വിവാ​ഹ​മോ​ച​ന​ത്തി​നു വ്യവസ്ഥ ചെയ്‌തു​വെന്നു പരീശൻമാർ വാദിച്ചു. യേശു അവർക്കു മറുപടി നൽകി: “നിങ്ങളു​ടെ ഹൃദയ​കാ​ഠി​ന്യം നിമി​ത്ത​മ​ത്രേ ഭാര്യ​മാ​രെ ഉപേക്ഷി​പ്പാൻ മോശെ അനുവ​ദി​ച്ചതു; ആദിയിൽ അങ്ങനെ​യ​ല്ലാ​യി​രു​ന്നു. ഞാനോ നിങ്ങ​ളോ​ടു പറയു​ന്നതു: പരസംഗം നിമി​ത്ത​മ​ല്ലാ​തെ ഭാര്യയെ ഉപേക്ഷി​ച്ചു മറെറാ​രു​ത്തി​യെ വിവാഹം കഴിക്കു​ന്നവൻ വ്യഭി​ചാ​രം ചെയ്യുന്നു.”—മത്തായി 19:3-9.

ആദിയിൽ, വിവാഹം ഒരു ശാശ്വത ബന്ധം ആയിരി​ക്കേ​ണ്ടി​യി​രു​ന്നു. ആദ്യത്തെ വിവാ​ഹ​ദ​മ്പ​തി​കളെ മരണം​പോ​ലും വേർപെ​ടു​ത്തു​ക​യി​ല്ലാ​യി​രു​ന്നു, എന്തെന്നാൽ അവർ നിത്യ​ജീ​വന്റെ കാഴ്‌ച​പ്പാ​ടോ​ടെ പൂർണ മനുഷ്യ​രാ​യി​ട്ടാ​ണു സൃഷ്ടി​ക്ക​പ്പെ​ട്ടത്‌. എന്നിരു​ന്നാ​ലും അവർ പാപം ചെയ്‌തു. അവരുടെ പാപം മാനുഷ വിവാ​ഹ​ത്തി​നു കളങ്കം ചാർത്തി. ശത്രു​വായ മരണം വിവാ​ഹ​ദ​മ്പ​തി​കളെ വേർപെ​ടു​ത്താൻ തുടങ്ങി. ദൈവം മരണത്തെ വിവാ​ഹ​ത്തി​ന്റെ അവസാ​ന​മാ​യി വീക്ഷി​ക്കു​ന്നു. നാം ബൈബി​ളിൽ വായി​ക്കു​ന്ന​തു​പോ​ലെ: “ഭർത്താവു ജീവി​ച്ചി​രി​ക്കുന്ന കാല​ത്തോ​ളം സ്‌ത്രീ ബന്ധിക്ക​പ്പെ​ട്ടി​രി​ക്കു​ന്നു; ഭർത്താവു മരിച്ചു​പോ​യാൽ തനിക്കു മനസ്സു​ള്ള​വ​നു​മാ​യി വിവാഹം കഴിവാൻ സ്വാത​ന്ത്ര്യം ഉണ്ട്‌; എന്നാൽ കർത്താ​വിൽ വിശ്വ​സി​ക്കു​ന്ന​വ​നു​മാ​യി മാത്രമേ ആകാവു.” എന്നു ബൈബിൾ പറയുന്നു. (1 കൊരി​ന്ത്യർ 7:39) ഇത്‌, ഏതോ മരണാ​നന്തര ജീവി​ത​ത്തി​ലേക്കു വിവാ​ഹ​ബന്ധം തുടർന്നു​പോ​കു​ന്നു എന്ന വിശ്വാ​സ​ത്തോ​ടെ, ഭർത്താ​വി​ന്റെ മരണത്തി​ങ്കൽ ഭാര്യ സ്വയം ദഹിപ്പി​ക്കാൻ പ്രേരി​പ്പി​ക്ക​പ്പെ​ടു​ക​യോ നിർബ​ന്ധി​ക്ക​പ്പെ​ടു​ക​യോ ചെയ്യുന്ന സതി​പോ​ലുള്ള വിശ്വാ​സ​ത്തിൽനി​ന്നു വളരെ വ്യത്യ​സ്‌ത​മാണ്‌.

മോ​ശൈക ന്യായ​പ്ര​മാണ വ്യവസ്ഥ

മോ​ശൈക ന്യായ​പ്ര​മാ​ണം നൽകപ്പെട്ട കാലമാ​യ​പ്പോൾ യഹോവ ഇസ്ര​യേ​ല്യ​രു​ടെ ഹൃദയ​കാ​ഠി​ന്യം പരിഗ​ണിച്ച്‌ വിവാ​ഹ​മോ​ച​ന​ത്തി​നുള്ള ഒരു വ്യവസ്ഥ ചെയ്യേണ്ട ഘട്ടത്തോ​ളം വൈവാ​ഹിക ബന്ധങ്ങൾ അധഃപ​തി​ച്ചി​രു​ന്നു. (ആവർത്തനം 24:1) നിസ്സാര കുററ​ങ്ങ​ളു​ടെ പേരിൽ തങ്ങളുടെ ഭാര്യ​മാ​രെ ഉപേക്ഷി​ക്കു​ന്ന​തിന്‌ ഇസ്ര​യേ​ല്യർ ഈ നിയമം ദുരു​പ​യോ​ഗം ചെയ്യണം എന്നതു ദൈവ​ത്തി​ന്റെ ഉദ്ദേശ്യ​മ​ല്ലാ​യി​രു​ന്നു, തങ്ങളെ​പ്പോ​ലെ​തന്നെ തങ്ങളുടെ കൂട്ടു​കാ​രെ​യും സ്‌നേ​ഹി​ക്കേണം എന്ന അവിടു​ത്തെ കൽപ്പന​യിൽനിന്ന്‌ ഇതു വെളി​വാ​കു​ന്നു. (ലേവ്യ​പു​സ്‌തകം 19:18) ഉപേക്ഷ​ണ​പ​ത്രം കൊടു​ക്കു​ന്ന​തു​പോ​ലും ഒരു തടസ്സമാ​യി ഉതകി, കാരണം ഉപേക്ഷ​ണ​പ​ത്രം എഴുതുന്ന പ്രക്രി​യ​യു​ടെ ഭാഗമാ​യി വിവാ​ഹ​മോ​ചനം ആഗ്രഹി​ക്കുന്ന ഭർത്താവ്‌ യഥോ​ചി​തം അധികാ​ര​പ്പെ​ടു​ത്ത​പ്പെട്ട പുരു​ഷൻമാ​രു​മാ​യി ആലോചന കഴിക്ക​ണ​മാ​യി​രു​ന്നു. അവർ ഒരു അനുര​ഞ്‌ജനം സാധ്യ​മാ​ക്കു​ന്ന​തി​നു ശ്രമി​ക്കു​മാ​യി​രു​ന്നു. ഇല്ല, “ഏതു കാരണം ചൊല്ലി​യും” ഒരുവന്റെ ഭാര്യയെ ഉപേക്ഷി​ക്കാ​നുള്ള ഏതെങ്കി​ലും അവകാശം സ്ഥാപി​ക്കു​ന്ന​തി​നാ​യി​രു​ന്നില്ല ദൈവം ഈ നിയമം നൽകി​യത്‌.—മത്തായി 19:3.

എന്നിരു​ന്നാ​ലും, ഇസ്ര​യേ​ല്യർ കാല​ക്ര​മ​ത്തിൽ ഈ നിയമ​ത്തി​ന്റെ അന്തഃസ​ത്തയെ അവഗണി​ക്കു​ക​യും തങ്ങളുടെ വ്യാ​മോ​ഹ​ങ്ങൾക്കു ചേരുന്ന ഏതടി​സ്ഥാ​ന​ത്തി​ലും വിവാ​ഹ​മോ​ചനം നേടു​ന്ന​തിന്‌ ഈ വ്യവസ്ഥയെ ചൂഷണം ചെയ്യു​ക​യും ചെയ്‌തു. പൊ.യു.മു. [പൊതു​യു​ഗ​ത്തി​നു മുമ്പ്‌] അഞ്ചാം നൂററാ​ണ്ടോ​ടെ, അവർ തങ്ങളുടെ യൗവന​ത്തി​ലെ ഭാര്യ​മാ​രെ ഏതുതരം കാരണങ്ങൾ ചൊല്ലി​യും ഉപേക്ഷി​ച്ചു​കൊണ്ട്‌ അവരോ​ടു വഞ്ചനാ​ത്മ​ക​മാ​യി ഇടപെ​ടു​ക​യാ​യി​രു​ന്നു. താൻ വിവാ​ഹ​മോ​ച​നത്തെ വെറു​ക്കു​ന്നു എന്നു യഹോവ തീർത്തു പറഞ്ഞി​രു​ന്നു. (മലാഖി 2:14-16) ഈ പശ്ചാത്ത​ല​ത്തി​ന്റെ വെളി​ച്ച​ത്തി​ലാ​യി​രു​ന്നു യേശു തന്റെ നാളിൽ ഇസ്ര​യേ​ല്യർ നടത്തി​ക്കൊ​ണ്ടി​രുന്ന വിവാ​ഹ​മോ​ച​നത്തെ കുററം വിധി​ച്ചത്‌.

വിവാ​ഹ​മോ​ച​ന​ത്തി​നുള്ള ന്യായ​മായ ഏക അടിസ്ഥാ​നം

എങ്കിലും, വിവാ​ഹ​മോ​ച​ന​ത്തി​നുള്ള ന്യായ​മായ ഒരടി​സ്ഥാ​നം യേശു സൂചി​പ്പി​ക്കു​ക​തന്നെ ചെയ്‌തു: പരസംഗം. (മത്തായി 5:31, 32; 19:8, 9) “പരസംഗം” എന്ന്‌ ഇവിടെ വിവർത്തനം ചെയ്‌തി​രി​ക്കുന്ന പദത്തിൽ ഒരേ ലിംഗ​വർഗ​ത്തിൽപ്പെട്ട ഒരാളു​മാ​യി​ട്ടാ​യാ​ലും വിപരീത ലിംഗ​വർഗ​ത്തിൽപ്പെട്ട ഒരാളു​മാ​യി​ട്ടാ​യാ​ലും ഒരു മൃഗവു​മാ​യി​ട്ടാ​യാ​ലും തിരു​വെ​ഴു​ത്ത​ധി​ഷ്‌ഠിത വിവാ​ഹ​ത്തി​നു പുറത്തുള്ള ഏതുതരം അവിഹിത ലൈം​ഗിക വേഴ്‌ച​യും ഉൾപ്പെ​ടു​ന്നു.

എന്നാൽപ്പോ​ലും, യേശു അവിശ്വ​സ്‌ത​രായ ഇണകളിൽനി​ന്നുള്ള വിവാ​ഹ​മോ​ച​നത്തെ പ്രോ​ത്സാ​ഹി​പ്പി​ക്കു​ക​യ​ല്ലാ​യി​രു​ന്നു. ഉൾപ്പെ​ട്ടി​രി​ക്കുന്ന പരിണ​ത​ഫ​ലങ്ങൾ തൂക്കി​നോ​ക്കി​യിട്ട്‌ വിവാ​ഹ​മോ​ചനം വേണമോ വേണ്ടയോ എന്നു തീരു​മാ​നി​ക്കേ​ണ്ടതു നിർദോ​ഷി​യായ ഇണയാണ്‌. ഈ തിരു​വെ​ഴു​ത്ത​ടി​സ്ഥാ​ന​ത്തിൽ വിവാ​ഹ​മോ​ച​ന​ത്തെ​ക്കു​റി​ച്ചു ഗൗരവ​മാ​യി ചിന്തി​ക്കുന്ന ഭാര്യ​മാർക്ക്‌ ആദ്യസ്‌ത്രീക്ക്‌ അവളുടെ പാപത്തി​നു ദൈവം ശിക്ഷാ​വി​ധി നൽകി​യ​പ്പോ​ഴത്തെ പ്രസ്‌താ​വ​ന​കൂ​ടി പരിഗ​ണി​ക്കാ​വു​ന്ന​താണ്‌. മരണവി​ധി​ക്കു പുറമെ, ദൈവം ഹവ്വാ​യോ​ടു പ്രത്യേ​കം ഇങ്ങനെ പറഞ്ഞു: “നിന്റെ ആഗ്രഹം നിന്റെ ഭർത്താ​വി​നോ​ടു ആകും; അവൻ നിന്നെ ഭരിക്കും.” (ഉല്‌പത്തി 3:16) സി. എഫ്‌. കൈൽ, എഫ്‌. ഡെലിഷ്‌ എന്നിവ​രാ​ലുള്ള ദ കമെൻററി ഓൺ ദി ഓൾഡ്‌ ടെസ്‌റ​റ​മെൻറ്‌ ഈ “ആഗ്രഹം” ഏറെക്കു​റെ “ഒരു വ്യാധി മാതി​രി​യുള്ള ഒരു മോഹ”മാണെന്നു വിശദീ​ക​രി​ക്കു​ന്നു. ഈ ആഗ്രഹം എല്ലാ ഭാര്യ​മാ​രി​ലും അത്രയും ശക്തമ​ല്ലെന്നു സമ്മതി​ക്കു​ന്നു, എന്നാൽ നിർദോ​ഷി​യായ ഒരു ഭാര്യ വിവാ​ഹ​മോ​ച​ന​ത്തെ​ക്കു​റി​ച്ചു പരിചി​ന്തി​ക്കു​മ്പോൾ സ്‌ത്രീ​കൾ ഹവ്വായിൽനിന്ന്‌ അവകാ​ശ​പ്പെ​ടു​ത്തി​യി​രി​ക്കുന്ന വൈകാ​രിക ആവശ്യങ്ങൾ അവർ പരിഗ​ണ​ന​യിൽ എടുക്കു​ന്നതു ബുദ്ധി​യാ​യി​രി​ക്കും. എന്നിരു​ന്നാ​ലും, കുററ​ക്കാ​ര​നോ കുററ​ക്കാ​രി​യോ ആയ ഒരു ഇണയുടെ, വിവാ​ഹ​ത്തി​നു പുറത്തുള്ള ലൈം​ഗി​ക​തക്കു നിർദോ​ഷി​യായ ഇണയ്‌ക്ക്‌ എയ്‌ഡ്‌സ്‌ ഉൾപ്പെടെ ലൈം​ഗി​ക​മാ​യി പകരുന്ന രോഗങ്ങൾ പിടി​പെ​ടു​ന്ന​തിന്‌ ഇടയാ​ക്കാൻ കഴിയു​മെ​ന്ന​തി​നാൽ ചിലർ യേശു വിശദീ​ക​രി​ച്ച​പ്ര​കാ​രം വിവാ​ഹ​മോ​ച​നത്തെ ആശ്രയി​ക്കാൻ തീരു​മാ​നി​ച്ചി​ട്ടുണ്ട്‌.

കുടും​ബ​പ്ര​ശ്‌ന​ത്തി​ന്റെ ആരംഭം

ആളുക​ളു​ടെ ഹൃദയ​കാ​ഠി​ന്യ​ത്തി​ന്റെ ഉത്ഭവം ആദ്യ ദമ്പതികൾ ദൈവ​ത്തി​നെ​തി​രെ ചെയ്‌ത പാപത്തി​ലാണ്‌. (റോമർ 5:12) ആദ്യമാ​നുഷ ജോടി തങ്ങളുടെ സ്വർഗീയ പിതാ​വി​നെ​തി​രെ പാപം ചെയ്‌ത​പ്പോൾ കുടും​ബ​വ​ഴ​ക്കി​ന്റെ വിത്തുകൾ വിതക്ക​പ്പെട്ടു. അതെങ്ങനെ? ആദ്യസ്‌ത്രീ ആയ ഹവ്വാ വിലക്ക​പ്പെട്ട വൃക്ഷത്തിൽനി​ന്നു തിന്നാൻ ഒരു സർപ്പത്താൽ പ്രലോ​ഭി​പ്പി​ക്ക​പ്പെ​ട്ട​പ്പോൾ അവൾ നിസ്സ​ങ്കോ​ചം ആ ഫലം ഭക്ഷിച്ചു. ആ നിർണാ​യ​ക​മായ തീരു​മാ​ന​മെ​ടു​ത്ത​ശേഷം മാത്ര​മാണ്‌ അവൾ സർപ്പം തന്നോടു പറഞ്ഞി​രു​ന്ന​തി​നെ​പ്പ​ററി ഭർത്താ​വി​നോ​ടു പറഞ്ഞത്‌. (ഉൽപത്തി 3:6) അതേ, അവൾ ഭർത്താ​വി​നോട്‌ അഭി​പ്രാ​യം ചോദി​ക്കാ​തെ പ്രവർത്തി​ച്ചി​രു​ന്നു. ഇവിടെ അനേകം കുടും​ബങ്ങൾ ഇന്നു നേരി​ടുന്ന പ്രശ്‌ന​ങ്ങ​ളു​ടെ മുൻമാ​തൃ​ക​യാ​ണു​ള്ളത്‌—ഹൃദയം തുറന്നുള്ള ആശയവി​നി​മ​യ​ത്തി​ന്റെ അഭാവം.

പിന്നീട്‌, തങ്ങളുടെ പാപത്തി​ന്റെ പരിണ​ത​ഫ​ല​ങ്ങളെ അഭിമു​ഖീ​ക​രി​ച്ച​പ്പോൾ ആദാമും ഹവ്വായും, കുഴപ്പ​ത്തിൽ അകപ്പെ​ടു​മ്പോൾ ഇന്ന്‌ അനേകം ദമ്പതികൾ പ്രയോ​ഗി​ക്കാ​റുള്ള അതേ തന്ത്രത്തെ ആശ്രയി​ച്ചു, അതായത്‌ മററു​ള്ള​വരെ പഴിക്കൽ. ആദ്യത്തെ മനുഷ്യ​നായ ആദാം “എന്നോ​ടു​കൂ​ടെ ഇരിപ്പാൻ നീ തന്നിട്ടുള്ള സ്‌ത്രീ വൃക്ഷഫലം തന്നു; ഞാൻ തിന്നു​ക​യും ചെയ്‌തു” എന്നു പറഞ്ഞു​കൊ​ണ്ടു താൻ ചെയ്‌ത കാര്യ​ത്തി​നു ഭാര്യ​യെ​യും യഹോ​വ​യെ​യും പഴിച്ചു. ക്രമത്തിൽ സ്‌ത്രീ ഇങ്ങനെ പറഞ്ഞു: “പാമ്പു എന്നെ വഞ്ചിച്ചു, ഞാൻ തിന്നു​പോ​യി.”—ഉല്‌പത്തി 3:12, 13.

ആദാമി​ന്റെ​യും ഹവ്വായു​ടെ​യും മേലുള്ള യഹോ​വ​യു​ടെ ന്യായ​വി​ധി പ്രഖ്യാ​പനം, സംജാ​ത​മാ​കു​മാ​യി​രുന്ന കുഴപ്പ​ങ്ങ​ളി​ലെ മറെറാ​രു ഘടക​ത്തെ​ക്കൂ​ടി മുൻകൂ​ട്ടി​പ്പ​റഞ്ഞു. ഭർത്താ​വി​നോ​ടുള്ള അവളുടെ ബന്ധത്തെ​ക്കു​റിച്ച്‌ യഹോവ ഹവ്വാ​യോ​ടു പറഞ്ഞു: “അവൻ നിന്നെ ഭരിക്കും.” ഞങ്ങളുടെ ആദ്യത്തെ ലേഖന​ത്തിൽ സൂചി​പ്പി​ച്ചി​രുന്ന ഈസാ​വോ​യെ​പ്പോ​ലെ, ഇന്ന്‌ അനേകം ഭർത്താ​ക്കൻമാർ ഭാര്യ​മാ​രു​ടെ വികാ​ര​ങ്ങൾക്ക്‌ ഒരു വിലയും കൽപ്പി​ക്കാ​തെ നിർദ​യ​മായ വിധത്തിൽ തങ്ങളുടെ ഭാര്യ​മാ​രെ ഭരിക്കു​ന്നു. എന്നിട്ടും നിരവധി ഭാര്യ​മാർ തങ്ങളുടെ ഭർത്താ​ക്കൻമാ​രു​ടെ ശ്രദ്ധക്കു​വേണ്ടി തുടർന്നും അഭില​ഷി​ക്കു​ന്നു. ആ അഭിലാ​ഷം തൃപ്‌തി​യ​ട​യാ​ത്ത​പ്പോൾ ഭാര്യ​മാർ ആ ശ്രദ്ധ ആവശ്യ​പ്പെ​ടു​ക​യും സ്വാർഥ​പ​ര​മാ​യി പെരു​മാ​റു​ക​യും ചെയ്‌തേ​ക്കാം. നിരവധി ഭർത്താ​ക്കൻമാർ ഭരിക്കു​ക​യും നിരവധി ഭാര്യ​മാർ അവരുടെ ശ്രദ്ധക്കാ​യി അഭില​ഷി​ക്കു​ക​യും ചെയ്യു​മ്പോൾ, സ്വാർഥത പ്രബല​പ്പെ​ടു​ക​യും സമാധാ​നം അപ്രത്യ​ക്ഷ​മാ​കു​ക​യും ചെയ്യുന്നു. “ഇന്നത്തെ വിവാ​ഹ​മോ​ച​ന​ങ്ങളെ എങ്ങനെ വിശക​ലനം ചെയ്യാം” എന്ന തലക്കെ​ട്ടുള്ള ഒരു പത്രത്തിൽ ഷൂൺസ്‌ക്കേ സെരീ​സാ​വാ പറഞ്ഞു: “‘തങ്ങളുടെ സ്വന്തമായ രീതി ഉണ്ടായി​രി​ക്കൽ’ എന്ന ഈ വിവാ​ദ​പ്ര​ശ്‌ന​ത്തിൽ ഉൾപ്പെ​ട്ടി​രി​ക്കുന്ന അടിസ്ഥാന പ്രശ്‌നത്തെ, അതായത്‌ ആളുകൾ തങ്ങളുടെ സ്വന്തം താത്‌പ​ര്യ​ങ്ങൾക്കു മുൻഗണന നൽകാൻ പ്രവണത കാട്ടു​ന്നു​വെ​ന്ന​തി​നെ നാം അവഗണി​ച്ചാൽ ഇന്നത്തെ വിവാ​ഹ​മോ​ച​ന​ങ്ങളെ വിശക​ലനം ചെയ്യുക പെട്ടെന്ന്‌ അസാധ്യ​മാ​യി​ത്തീ​രും.”

എന്നിരു​ന്നാ​ലും, തങ്ങളുടെ അപൂർണാ​വ​സ്ഥ​യിൽപ്പോ​ലും വൈവാ​ഹിക സന്തോഷം ഒരു പരിധി​വരെ ആസ്വദി​ക്കാൻ അനുസ​ര​ണ​മുള്ള ദമ്പതി​കൾക്കു കഴി​യേ​ണ്ട​തി​നു യഹോവ തന്റെ വചനത്തിൽ മാർഗ​നിർദേശം നൽകി​യി​രി​ക്കു​ന്നു. ഈസാ​വോ ദൈവ​ത്തി​ന്റെ മാർഗ​നിർദേശം അനുസ​രി​ച്ചു, ഇപ്പോൾ ഒരു സന്തുഷ്ട കുടും​ബ​ജീ​വി​തം നയിക്കു​ക​യും ചെയ്യുന്നു. വൈവാ​ഹിക ബന്ധത്തെ ബലിഷ്‌ഠ​മാ​ക്കാൻ ബൈബിൾ തത്ത്വങ്ങൾ ആളുകളെ സഹായി​ക്കു​ന്നത്‌ എങ്ങനെ​യെന്നു നമുക്കു നോക്കാം.

കാര്യങ്ങൾ പറഞ്ഞു​തീർക്കു​ക

നിരവധി വിവാ​ഹ​ബ​ന്ധ​ങ്ങ​ളിൽ, ആശയവി​നി​മ​യ​ത്തി​ന്റെ അഭാവം, മററു​ള്ള​വരെ പഴിക്കാ​നുള്ള പ്രവണത, സ്വാർഥ​പ​ര​മായ മനോ​ഭാ​വങ്ങൾ എന്നിവ ഭാര്യ​ക്കും ഭർത്താ​വി​നും പരസ്‌പര വികാ​ര​ങ്ങളെ മനസ്സി​ലാ​ക്കുക ദുഷ്‌ക​ര​മാ​ക്കു​ന്നു. “ഗാഢസൗ​ഹൃ​ദ​ത്തിന്‌ വികാ​രങ്ങൾ പങ്കിടു​ന്നത്‌ ഒരു മുൻവ്യ​വ​സ്ഥ​യാ​യ​തി​നാൽ, അതിനു പരിപൂർണ വിശ്വാ​സം ആവശ്യ​മാണ്‌. എന്നാൽ ഇന്നു വിശ്വാ​സം വിരള​മാണ്‌” എന്നു ഗവേഷ​ക​യായ കാരൾ എസ്‌. ആവേരി പറയുന്നു. പങ്കു​വെ​ക്ക​പ്പെ​ടുന്ന ഉള്ളിന്റെ ഉള്ളിലെ വികാ​ര​ങ്ങ​ളു​ടെ ഒരു കൂമ്പാരം ഈ വിശ്വാ​സത്തെ പരിപു​ഷ്ടി​പ്പെ​ടു​ത്തു​ന്നു. ഇതിനു ഭാര്യ​ക്കും ഭർത്താ​വി​നു​മി​ട​യിൽ, ഹൃദയം തുറന്നുള്ള ആശയവി​നി​യമം ആവശ്യ​മാണ്‌.

“മമനു​ഷ്യ​ന്റെ ഹൃദയ​ത്തി​ലെ ആലോചന ആഴമുള്ള വെള്ളം; വിവേ​ക​മുള്ള പുരു​ഷ​നോ അതു കോരി എടുക്കും” എന്നു പറഞ്ഞു​കൊ​ണ്ടു സ്വകാര്യ ചിന്തകൾ പങ്കു​വെ​ക്കു​ന്ന​തി​നെ പ്രോ​ത്സാ​ഹി​പ്പി​ക്കാൻ സദൃശ​വാ​ക്യ​ങ്ങൾ ഒരു ദൃഷ്ടാന്തം ഉപയോ​ഗി​ക്കു​ന്നു. (സദൃശ​വാ​ക്യ​ങ്ങൾ 20:5) വിവാഹ ഇണകൾ വിവേ​ച​ന​യു​ള്ളവർ ആയിരി​ക്ക​യും തങ്ങളുടെ ഇണയുടെ ഹൃദയ​ത്തിൽ ആഴത്തി​ലുള്ള ചിന്തകളെ കോരി​യെ​ടു​ക്കു​ക​യും വേണം. നിങ്ങളു​ടെ ഇണ അസ്വസ്ഥ​യാ​യി​രി​ക്ക​യാ​ണെന്നു സങ്കൽപ്പി​ക്കുക. “ഇന്നത്തെ എന്റെ ദിവസം വിഷമ​മു​ള്ള​താ​യി​രു​ന്നു” എന്നു പറയു​ന്ന​തി​നു പകരം “നിങ്ങൾക്കി​ന്നു വിഷമ​മുള്ള ഒരു ദിവസ​മാ​യി​രു​ന്നോ? എന്തു സംഭവി​ച്ചു?” എന്നു ദയാപു​ര​സ്സരം എന്തു​കൊ​ണ്ടു ചോദി​ച്ചു​കൂ​ടാ? നിങ്ങളു​ടെ ഇണയെ ശ്രദ്ധി​ക്കു​ന്ന​തി​നു സമയവും ശ്രമവും വേണ്ടി​വ​ന്നേ​ക്കാം, എന്നാൽ അവരെ അവഗണി​ക്കു​ക​യും, പിന്നീടു പൊട്ടി​ത്തെ​റി​ക്കുന്ന അവരുടെ ശക്തമായ വികാ​ര​ങ്ങളെ നേരി​ടേ​ണ്ടി​വ​രു​ക​യും ചെയ്യു​ന്ന​തി​നെ​ക്കാൾ കൂടുതൽ സുഖക​ര​വും തൃപ്‌തി​ക​ര​വും സമയലാ​ഭ​മു​ള്ള​തും സാധാ​ര​ണ​മാ​യി ഇങ്ങനെ സമയം ചെലവ​ഴി​ക്കു​ന്ന​താണ്‌.

വിശ്വാ​സ​മാർജി​ക്കു​ന്ന​തിന്‌ ഓരോ​രു​ത്ത​രും സത്യസ​ന്ധ​രാ​യി​രി​ക്ക​യും മറേറ ഇണക്കു മനസ്സി​ലാ​കുന്ന രീതി​യിൽ വികാ​രങ്ങൾ പ്രകട​മാ​ക്കാൻ ശ്രമി​ക്കു​ക​യും വേണം. “സത്യം സംസാ​രി​പ്പിൻ; നാം തമ്മിൽ അവയവ​ങ്ങ​ള​ല്ലോ” എന്നു ദൈവ​വ​ചനം പ്രോ​ത്സാ​ഹി​പ്പി​ക്കു​ന്നു. (എഫെസ്യർ 4:25) സത്യം സംസാ​രി​ക്കു​ന്ന​തി​നു വിവേകം ആവശ്യ​മാണ്‌. തന്റെ അഭി​പ്രാ​യ​ങ്ങളെ മാനി​ക്കു​ന്നി​ല്ലെന്ന്‌ ഒരു ഭാര്യക്കു തോന്നു​ന്നു എന്നു സങ്കൽപ്പി​ക്കുക. സംസാ​രി​ക്കു​ന്ന​തി​നു മുമ്പ്‌ അവൾ “വാക്കു അടക്കി​വെ​ക്കു​ന്നവൻ പരിജ്ഞാ​ന​മു​ള്ളവൻ; ശാന്തമാ​നസൻ ബുദ്ധി​മാൻ തന്നേ” എന്ന സദൃശ​വാ​ക്യം പരിഗ​ണി​ക്കണം. (സദൃശ​വാ​ക്യ​ങ്ങൾ 17:27) “നിങ്ങ​ളൊ​രി​ക്ക​ലും ഞാൻ പറയു​ന്നതു കേൾക്കില്ല!” എന്നു ഭർത്താ​വി​നെ കുററ​പ്പെ​ടു​ത്തു​ന്ന​തി​നെ​ക്കാൾ, മനസ്സിൽ ഇച്ഛാഭം​ഗ​വും നിരാ​ശ​യും ഉരുണ്ടു​കൂ​ടു​ന്ന​തി​നു മുമ്പു​തന്നെ തന്റെ വികാ​രങ്ങൾ ശാന്തമാ​യി പ്രകട​മാ​ക്കു​ന്ന​താ​യി​രി​ക്കും ഏറെ മെച്ചം. ഒരുപക്ഷേ, ഏതാണ്ടി​ങ്ങനെ പറഞ്ഞു​കൊണ്ട്‌ അവൾ തന്റെ വികാരം വെളി​പ്പെ​ടു​ത്തണം: “നിങ്ങൾക്കു തിരക്കാ​ണെന്ന്‌ എനിക്ക​റി​യാം, എന്നാൽ നിങ്ങ​ളോ​ടൊ​പ്പം ചെലവ​ഴി​ക്കാൻ കുറച്ചു​കൂ​ടി സമയം ഉണ്ടായി​രി​ക്കു​ന്നത്‌ എന്നെ വളരെ സന്തുഷ്ട​യാ​ക്കും.”

വാസ്‌ത​വ​ത്തിൽ “ആലോചന ഇല്ലാഞ്ഞാൽ ഉദ്ദേശ്യം സാധി​ക്കാ​തെ പോകു​ന്നു.” (സദൃശ​വാ​ക്യ​ങ്ങൾ 15:22) നിങ്ങളു​ടെ ഇണ നിങ്ങളെ സ്‌നേ​ഹി​ക്കു​ന്നു, എന്നാൽ അവൾക്കു നിങ്ങളു​ടെ മനസ്സ്‌ അറിയാൻ കഴിയു​മെന്ന്‌ അതിനർഥ​മില്ല. നിങ്ങളു​ടെ വിചാരം നയപര​മായ ഒരു വിധത്തിൽ നിങ്ങളു​ടെ ഇണയെ അറിയി​ക്കണം. ഇതു ക്രിസ്‌തീയ വിവാഹ ദമ്പതികൾ എന്ന നിലയിൽ “ആത്മാവി​ന്റെ ഐക്യത സമാധാ​ന​ബ​ന്ധ​ത്തിൽ കാക്കു”ന്നതിനു സ്‌നേ​ഹ​പൂർവ​ക​മായ ഭേദഗ​തി​കൾ വരുത്താൻ നിങ്ങളെ സഹായി​ക്കും.—എഫെസ്യർ 4:2, 3.

ഉദാഹ​ര​ണ​ത്തിന്‌, സ്‌ത്രീ​ജി​ത​നും ചൂതു​ക​ളി​യിൽ അതി​മോ​ഹ​മു​ള്ള​വ​നു​മായ കാസു​വോ​യു​ടെ കാര്യ​മെ​ടു​ക്കുക. അയാൾ ലക്ഷക്കണ​ക്കി​നു ഡോള​റി​ന്റെ കടത്തിൽ മുങ്ങി. കടം വീട്ടു​ന്ന​തി​നു പിന്നെ​യും പണം വാങ്ങി അയാൾ ആഴത്തിൽ മുങ്ങി​പ്പോ​യി. പിന്നെ അയാൾ ബൈബിൾ പഠിക്കാൻ തുടങ്ങു​ക​യും തന്റെ പ്രശ്‌ന​ങ്ങ​ളെ​ക്കു​റി​ച്ചു ഭാര്യ​യോ​ടു പറയാ​നുള്ള ധൈര്യം സംഭരി​ക്കു​ക​യും ചെയ്‌തു. അയാൾ അവളുടെ ആരോ​പ​ണ​ങ്ങളെ അഭിമു​ഖീ​ക​രി​ക്കാൻ തയ്യാറാ​യി​രു​ന്നു. എന്നാൽ തന്നെക്കാൾ ഏറെ നാൾ ബൈബിൾ പഠിച്ചു​കൊ​ണ്ടി​രുന്ന അവൾ “കടങ്ങൾ എങ്ങനെ വീട്ടാ​മെന്നു നമുക്കു ചിന്തി​ച്ചു​നോ​ക്കാം” എന്നു സമാധാ​ന​പൂർവം മറുപടി നൽകി​യ​പ്പോൾ അയാൾ അത്ഭുതം​കൂ​റി നിന്നു​പോ​യി.

പിറേറ ദിവസം മുതൽ അവർ തങ്ങളുടെ കടക്കാരെ സന്ദർശി​ക്കു​ക​യും തങ്ങളുടെ വീടു വിററു​പോ​ലും കടങ്ങൾ വീട്ടാൻ തുടങ്ങു​ക​യും ചെയ്‌തു. കടങ്ങൾ വീട്ടാൻ ഏതാണ്ട്‌ ഒരു വർഷ​മെ​ടു​ത്തു. തന്റെ ഭാര്യ കീമീക്കു മാററം​വ​രു​ത്തി​യത്‌ എന്താണ്‌? അവൾ പറയുന്നു: “ഫിലി​പ്പി​യർ 4-ാമധ്യാ​യ​ത്തി​ന്റെ 6-ഉം 7-ഉം വാക്യ​ങ്ങ​ളിൽ കാണ​പ്പെ​ടു​ന്നതു തീർച്ച​യാ​യും സത്യമാണ്‌. ‘ഒന്നി​നെ​ക്കു​റി​ച്ചും വിചാ​ര​പ്പെ​ട​രുത്‌; എല്ലാറ​റി​ലും പ്രാർത്ഥ​ന​യാ​ലും അപേക്ഷ​യാ​ലും നിങ്ങളു​ടെ ആവശ്യങ്ങൾ സ്‌തോ​ത്ര​ത്തോ​ടു​കൂ​ടെ ദൈവ​ത്തോ​ടു അറിയി​ക്ക​യ​ത്രേ വേണ്ടതു. എന്നാൽ സകല ബുദ്ധി​യേ​യും കവിയുന്ന ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേ​ശു​വി​ങ്കൽ കാക്കും.’” അവൾ ഇങ്ങനെ കൂട്ടി​ച്ചേർത്തു: “കഷ്ടപ്പാ​ടു​ക​ളു​ണ്ടാ​യി​ട്ടും ഞാൻ എത്രയോ പ്രസന്ന​വ​തി​യാ​ണെന്നു കണ്ട്‌ അത്ഭുത​പ്പെ​ട്ടിട്ട്‌ എന്റെ ഒരു സ്‌നേ​ഹിത എന്നോ​ടൊ​പ്പം ബൈബിൾ പഠിക്കാൻ തുടങ്ങി.” അതിനു​ശേഷം കസു​വോ​യും ഭാര്യ​യും സ്‌നാ​പ​ന​മേ​ററു, ഇപ്പോൾ ഒരു സന്തുഷ്ട കുടും​ബ​ജീ​വി​തം ആസ്വദി​ക്കു​ക​യും ചെയ്യുന്നു.

സത്യം പറഞ്ഞു​കൊ​ണ്ടു പരസ്‌പരം വിശ്വ​സി​ച്ച​തി​നു​പു​റമേ, മേൽപ്പറഞ്ഞ അനുഭ​വങ്ങൾ ഉണ്ടായി​ട്ടുള്ള ഭാര്യാ​ഭർത്താ​ക്കൻമാർ വൈവാ​ഹിക പ്രശ്‌ന​ങ്ങളെ തരണം​ചെ​യ്യാൻ ഇണകളെ സഹായി​ക്കുന്ന മറെറാ​ന്നു​കൂ​ടി ചെയ്‌തു. അവർ വിവാ​ഹ​ക്ര​മീ​ക​ര​ണ​ത്തി​ന്റെ കാരണ​ഭൂ​ത​നായ യഹോ​വ​യാം ദൈവ​വു​മാ​യി ആശയവി​നി​യമം നടത്തി. ദമ്പതികൾ അനുഭ​വി​ക്കുന്ന സമ്മർദ​ങ്ങ​ളും ബുദ്ധി​മു​ട്ടു​ക​ളും ഉണ്ടായി​രു​ന്നാ​ലും അവർ അവിടു​ത്തെ തത്ത്വങ്ങൾ ബാധക​മാ​ക്കു​ന്ന​തിൽ തങ്ങളാൽ കഴിവ​തെ​ല്ലാം ചെയ്യു​ക​യും ശേഷമു​ള്ളത്‌ അവിടു​ത്തെ കരങ്ങളിൽ അർപ്പി​ക്കു​ക​യും ചെയ്യു​ന്നെ​ങ്കിൽ അവിടുന്ന്‌ അവരെ സകല ചിന്ത​യെ​യും കവിയുന്ന ദൈവ​സ​മാ​ധാ​നം നൽകി അനു​ഗ്ര​ഹി​ക്കും. ഒന്നിച്ചു പ്രാർഥി​ക്കു​ന്നതു വിശേ​ഷാൽ സഹായ​ക​മാണ്‌. ഭർത്താവു നേതൃ​ത്വം വഹിക്കു​ക​യും താനും ഭാര്യ​യും നേരി​ടുന്ന ഏതു പ്രശ്‌ന​വും സംബന്ധിച്ച്‌ അവിടു​ത്തെ മാർഗ​നിർദേ​ശ​വും നേതൃ​ത്വ​വും തേടി​ക്കൊണ്ട്‌ ദൈവ​മു​മ്പാ​കെ ‘ഹൃദയം പകരുക’യും ചെയ്യണം. (സങ്കീർത്തനം 62:8) യഹോ​വ​യാം ദൈവം തീർച്ച​യാ​യും അത്തരം പ്രാർഥ​നകൾ കേൾക്കും.

അതേ, വിവാ​ഹ​ബ​ന്ധത്തെ ബലിഷ്‌ഠ​മാ​ക്കുക സാധ്യ​മാണ്‌. കലുഷി​ത​മായ ഒരു ജനസമു​ദാ​യ​ത്തിൽ നമ്മുടെ സകല അപൂർണ​ത​ക​ളോ​ടും​കൂ​ടെ ജീവി​ക്കുന്ന ഇപ്പോൾപ്പോ​ലും, വിവാഹ ദമ്പതി​കൾക്കു തങ്ങളുടെ ബന്ധത്തിൽ ഗണ്യമായ സന്തോഷം കണ്ടെത്താൻ കഴിയും. വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ സൊ​സൈ​ററി പ്രസി​ദ്ധീ​ക​രിച്ച നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ എന്ന പുസ്‌ത​ക​ത്തിൽ നിങ്ങൾക്കു കൂടു​ത​ലായ പ്രാ​യോ​ഗിക നിർദേ​ശ​ങ്ങ​ളും ദൈവിക ബുദ്ധ്യു​പ​ദേ​ശ​ങ്ങ​ളും കണ്ടെത്താ​വു​ന്ന​താണ്‌. കൂടാതെ, ബൈബിൾ തത്ത്വങ്ങൾ ബാധക​മാ​ക്കാൻ ആത്മാർഥ​മാ​യി ശ്രമി​ക്കുന്ന ദമ്പതി​കൾക്കു പെട്ടെ​ന്നു​തന്നെ വരാൻ പോകുന്ന ദൈവ​നിർമി​ത​മായ പുതിയ ലോക​ത്തിൽ സ്‌നേ​ഹ​ത്താൽ ഐക്യ​പ്പെ​ട്ടി​രി​ക്കാ​നുള്ള പ്രത്യാ​ശ​യുണ്ട്‌.