18. (എ) നിന്റെ അയൽക്കാ​രനെ സ്‌നേ​ഹി​ക്കു​ന്നതു സംബന്ധിച്ച നിയമം യഹൂദൻമാർ തിരു​ത്തി​യ​തെ​ങ്ങനെ, എന്നാൽ യേശു അതിനെ നിർവീ​ര്യ​മാ​ക്കി​യ​തെ​ങ്ങനെ? (ബി) “അയൽക്കാ​രൻ” എന്നതിന്റെ ബാധക​മാ​ക്കൽ പരിമി​ത​പ്പെ​ടു​ത്താൻ ഇച്ഛിച്ച ഒരു നിയമ​ജ്ഞ​നോ​ടുള്ള യേശു​വി​ന്റെ ഉത്തരം എന്തായി​രു​ന്നു?

¹⁸ ആറാമ​ത്തേ​തും അവസാ​ന​ത്തേ​തു​മായ ദൃഷ്‌ടാ​ന്ത​ത്തിൽ, റബ്ബിമാ​രു​ടെ പാരമ്പ​ര്യം ന്യായ​പ്ര​മാ​ണത്തെ എങ്ങനെ ദുർബ​ല​മാ​ക്കി​യെന്ന്‌ യേശു വ്യക്തമാ​യി പ്രകട​മാ​ക്കി: “‘നീ നിന്റെ അയൽക്കാ​രനെ സ്‌നേ​ഹി​ക്കു​ക​യും നിന്റെ ശത്രു​വി​നെ ദ്വേഷി​ക്കു​ക​യും വേണം’ എന്ന്‌ പറയ​പ്പെ​ട്ട​താ​യി നിങ്ങൾ കേട്ടി​ട്ടു​ണ്ട​ല്ലോ. എന്നിരു​ന്നാ​ലും ഞാൻ നിങ്ങ​ളോ​ടു പറയുന്നു: നിങ്ങളു​ടെ ശത്രു​ക്കളെ സ്‌നേ​ഹി​ക്കു​ന്ന​തി​ലും നിങ്ങളെ പീഡി​പ്പി​ക്കു​വർക്കു​വേണ്ടി പ്രാർത്ഥി​ക്കു​ന്ന​തി​ലും തുടരുക.” (മത്തായി 5:43, 44) ലിഖിത മോ​ശൈ​ക​നി​യമം സ്‌നേ​ഹ​ത്തിന്‌ യാതൊ​രു പരിധി​യും വെക്കു​ന്നില്ല: “നീ നിന്റെ സഹമനു​ഷ്യ​നെ നിന്നേ​പ്പോ​ലെ​തന്നെ സ്‌നേ​ഹി​ക്കണം.” (ലേവ്യ​പു​സ്‌തകം 19:18) ഈ കല്‌പ​നക്ക്‌ അതിർവെ​ച്ചത്‌ പരീശൻമാ​രാ​യി​രു​ന്നു, അതിൽനിന്ന്‌ രക്ഷപെ​ടു​ന്ന​തിന്‌ അവർ “അയൽക്കാ​രൻ” എന്ന പദം പാരമ്പ​ര്യ​ങ്ങൾ അനുഷ്‌ഠി​ക്കു​ന്ന​വർക്ക്‌ പരിമി​ത​പ്പെ​ടു​ത്തി. ‘നിന്റെ അയൽക്കാ​രനെ നിന്നേ​പ്പോ​ലെ​തന്നെ സ്‌നേ​ഹി​ക്കണം’ എന്ന കല്‌പന യേശു പിന്നീട്‌ ഒരു നിയമ​ജ്ഞനെ ഓർമ്മ​പ്പെ​ടു​ത്തി​യ​പ്പോൾ അയാൾ “യഥാർഥ​ത്തിൽ എന്റെ അയൽക്കാ​രൻ ആരാണ്‌?” എന്നു ചോദി​ച്ചത്‌ അതു​കൊ​ണ്ടാ​യി​രു​ന്നു. നല്ല ശമര്യ​ക്കാ​രന്റെ ദൃഷ്ടാ​ന്ത​ത്തി​ലൂ​ടെ യേശു ഉത്തരം നൽകി—നിങ്ങ​ളെ​ക്കൊണ്ട്‌ ആവശ്യ​മു​ള്ള​വന്‌ നിങ്ങ​ളെ​ത്തന്നെ ഒരു അയൽക്കാ​ര​നാ​ക്കി​ത്തീർക്കുക.—ലൂക്കോസ്‌ 10:25-37.

20. മോ​ശൈ​ക​ന്യാ​യ​പ്ര​മാ​ണത്തെ മാററു​ന്ന​തി​നു പകരം യേശു അതിന്റെ സ്വാധീ​നം വ്യാപ​ക​മാ​ക്കു​ക​യും ആഴമു​ള്ള​താ​ക്കു​ക​യും ഒരു ഉയർന്ന സ്ഥാനത്ത്‌ അതിനെ പ്രതി​ഷ്‌ഠി​ക്കു​ക​യും ചെയ്‌ത​തെ​ങ്ങനെ?

²⁰ അതു​കൊണ്ട്‌ യേശു ന്യായ​പ്ര​മാ​ണ​ത്തി​ന്റെ ഭാഗങ്ങളെ പരാമർശി​ക്കു​ക​യും, “എന്നിരു​ന്നാ​ലും ഞാൻ നിങ്ങ​ളോ​ടു പറയുന്നു” എന്ന്‌ കൂട്ടി​ച്ചേർക്കു​ക​യും ചെയ്‌ത​പ്പോൾ അവൻ മോ​ശൈ​ക​ന്യാ​യ​പ്ര​മാ​ണം നീക്കി ആ സ്ഥാനത്ത്‌ മറെറാന്ന്‌ സ്ഥാപി​ക്കു​ക​യ​ല്ലാ​യി​രു​ന്നു. അല്ല, പിന്നെ​യോ അതിനു പിമ്പി​ലുള്ള ആത്മാവ്‌ കാണി​ച്ചു​കൊ​ടു​ത്തു​കൊണ്ട്‌ അവൻ അതിന്റെ സ്വാധീ​ന​ശക്തി ആഴമേ​റി​യ​തും വിശാ​ല​വു​മാ​ക്കു​ക​യാ​യി​രു​ന്നു. സാഹോ​ദ​ര്യ​ത്തി​ന്റെ ഒരു ഉയർന്ന നിയമം നീണ്ടു​നിൽക്കുന്ന ദ്വേഷത്തെ കൊല​പാ​ത​ക​മാ​യി വിധി​ക്കു​ന്നു. ശുദ്ധി​യു​ടെ ഉയർന്ന നിയമം നീണ്ടു​നിൽക്കുന്ന കാമചി​ന്തയെ വ്യഭി​ചാ​ര​മാ​യി കുററം വിധി​ക്കു​ന്നു. വിവാ​ഹ​ത്തി​ന്റെ ഉയർന്ന നിയമം വ്യഭി​ചാ​ര​പ​ര​മായ വിവാ​ഹ​ങ്ങ​ളി​ലേക്ക്‌ നയിക്കാ​വുന്ന ഒരു ഗതിയെന്ന നിലയിൽ ലാഘവ​ത്തോ​ടെ​യുള്ള ഉപേക്ഷ​ണത്തെ ത്യജി​ക്കു​ന്നു. സത്യത്തി​ന്റെ ഉയർന്ന നിയമം ആവർത്തി​ച്ചുള്ള ആണയിടൽ അനാവ​ശ്യ​മാ​ണെന്ന്‌ പ്രകട​മാ​ക്കു​ന്നു. സൗമ്യ​ത​യു​ടെ ഉയർന്ന നിയമം പ്രതി​കാ​രത്തെ ദുർബ​ല​പ്പെ​ടു​ത്തു​ന്നു. സ്‌നേ​ഹ​ത്തി​ന്റെ ഒരു ഉയർന്ന നിയമം അതിരു​ക​ളി​ല്ലാത്ത ഒരു ദൈവി​ക​സ്‌നേഹം ആവശ്യ​പ്പെ​ടു​ന്നു.