എല്ലാവർക്കും എന്നെങ്കി​ലും അന്യോ​ന്യം സ്‌നേ​ഹി​ക്കാൻ ആകുമോ?

“നിത്യ​ജീ​വൻ” ആസ്വദി​ക്കു​ന്ന​തിന്‌ ദൈവത്തെ പൂർണ​ഹൃ​ദ​യ​ത്തോ​ടെ സ്‌നേ​ഹി​ക്കേ​ണ്ട​താ​ണെ​ന്നും അയൽക്കാ​രെ നമ്മെ​പ്പോ​ലെ​തന്നെ സ്‌നേ​ഹി​ക്കേ​ണ്ട​താ​ണെ​ന്നും ഒരു നിയമജ്ഞൻ പറഞ്ഞ​പ്പോൾ യേശു അദ്ദേഹത്തെ അനു​മോ​ദി​ച്ചു​കൊണ്ട്‌ ഇങ്ങനെ പറഞ്ഞു: “നീ ശരിയാ​യി​ത്തന്നെ ഉത്തരം പറഞ്ഞു. ഇതനു​സ​രി​ച്ചു പ്രവർത്തി​ക്കുക; നീ ജീവി​ക്കും.” (ലൂക്കൊസ്‌ 10:25-28, പി.ഒ.സി. ബൈ.; ലേവ്യ​പു​സ്‌തകം 19:18; ആവർത്ത​ന​പു​സ്‌തകം 6:5) എന്നാൽ, തന്നെത്താൻ നീതി​മാൻ എന്നു തെളി​യി​ക്കാൻ ആഗ്രഹിച്ച ആ മനുഷ്യൻ ചോദി​ച്ചു: “ആരാണ്‌ എന്റെ അയല്‌ക്കാ​രൻ?”

“നിന്റെ സഹ യഹൂദൻ” എന്ന്‌ യേശു മറുപടി പറയാൻ അയാൾ പ്രതീ​ക്ഷി​ച്ചി​രു​ന്നു​വെന്നു സ്‌പഷ്ടം. എന്നാൽ അയൽസ്‌നേ​ഹി​യായ ഒരു ശമര്യ​ക്കാ​ര​നെ​ക്കു​റി​ച്ചു പറഞ്ഞു​കൊണ്ട്‌, മറ്റു ദേശക്കാ​രും നമ്മുടെ അയൽക്കാ​രാ​ണെന്ന്‌ യേശു വ്യക്തമാ​ക്കി. (ലൂക്കൊസ്‌ 10:29-37, പി.ഒ.സി. ബൈ.; യോഹ​ന്നാൻ 4:7-9) ദൈവത്തെ സ്‌നേ​ഹി​ക്കണം എന്നതും അയൽക്കാ​രനെ സ്‌നേ​ഹി​ക്കണം എന്നതും ആണ്‌ നമ്മുടെ സ്രഷ്ടാ​വി​ന്റെ ഏറ്റവും പ്രധാ​ന​പ്പെട്ട കൽപ്പനകൾ എന്ന്‌ തന്റെ ശുശ്രൂ​ഷ​ക്കാ​ലത്ത്‌ യേശു ഊന്നി​പ്പ​റഞ്ഞു.—മത്തായി 22:34-40, പി.ഒ.സി. ബൈ.

എന്നാൽ, ഏതെങ്കി​ലും വിഭാ​ഗ​ത്തിൽപ്പെട്ട ആളുകൾ തങ്ങളുടെ അയൽക്കാ​രെ യഥാർഥ​ത്തിൽ സ്‌നേ​ഹി​ച്ചി​ട്ടു​ണ്ടോ? എല്ലാവർക്കും അന്യോ​ന്യം സ്‌നേ​ഹി​ക്കാൻ യഥാർഥ​ത്തിൽ സാധി​ക്കു​മോ?

ഒന്നാം നൂറ്റാ​ണ്ടി​ലെ ഒരു അത്ഭുതം

വർഗീ​യ​മോ ദേശീ​യ​മോ മറ്റേ​തെ​ങ്കി​ലും തരത്തി​ലു​ള്ള​തോ ആയ അതിർവ​ര​മ്പു​കളെ മറിക​ട​ക്കുന്ന തരം സ്‌നേഹം തന്റെ ശിഷ്യ​ന്മാ​രെ തിരി​ച്ച​റി​യി​ക്കു​മെന്ന്‌ യേശു അവരോ​ടു പറഞ്ഞു. അവൻ പറഞ്ഞു: “നിങ്ങൾ തമ്മിൽ തമ്മിൽ സ്‌നേ​ഹി​ക്കേണം എന്നു പുതി​യോ​രു കല്‌പന ഞാൻ നിങ്ങൾക്കു തരുന്നു; ഞാൻ നിങ്ങളെ സ്‌നേ​ഹി​ച്ച​തു​പോ​ലെ നിങ്ങളും തമ്മിൽ തമ്മിൽ സ്‌നേ​ഹി​ക്കേണം എന്നു തന്നേ.” പിന്നെ അവൻ ഇങ്ങനെ കൂട്ടി​ച്ചേർത്തു: “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്നു എല്ലാവ​രും അറിയും.”—യോഹ​ന്നാൻ 13:34, 35; 15:12-14.

സ്‌നേ​ഹ​ത്തെ സംബന്ധിച്ച യേശു​വി​ന്റെ പഠിപ്പി​ക്ക​ലു​ക​ളും ഒപ്പം അവൻ വെച്ച മാതൃ​ക​യും ഒന്നാം നൂറ്റാ​ണ്ടിൽ ഒരു അത്ഭുതം തന്നെ സൃഷ്ടിച്ചു. അന്യോ​ന്യം സ്‌നേ​ഹി​ക്കാൻ പഠിച്ചു​കൊണ്ട്‌ അവന്റെ അനുഗാ​മി​കൾ തങ്ങളുടെ ഗുരു​വി​നെ അനുക​രി​ച്ചു. അവർ പ്രകട​മാ​ക്കിയ ആ സ്‌നേഹം വ്യാപ​ക​മായ ശ്രദ്ധയും പ്രശം​സ​യും പിടിച്ചു പറ്റി. പൊ.യു. രണ്ടും മൂന്നും നൂറ്റാ​ണ്ടു​ക​ളി​ലെ എഴുത്തു​കാ​ര​നായ തെർത്തു​ല്യൻ, ക്രിസ്‌ത്യാ​നി​കൾ അല്ലാത്തവർ യേശു​വി​ന്റെ അനുഗാ​മി​കളെ അനു​മോ​ദി​ച്ചു​കൊണ്ട്‌ ഇങ്ങനെ പറഞ്ഞതാ​യി ഉദ്ധരിച്ചു: ‘നോക്കൂ, അവർ പരസ്‌പരം എത്ര സ്‌നേ​ഹി​ക്കു​ന്നു. അന്യോ​ന്യം ജീവൻ വെച്ചു കൊടു​ക്കാൻപോ​ലും അവർ എത്രമാ​ത്രം സന്നദ്ധരാണ്‌.’

അപ്പൊ​സ്‌ത​ല​നാ​യ യോഹ​ന്നാൻ ഇങ്ങനെ എഴുതി: “നാമും സഹോ​ദ​ര​ന്മാർക്കു വേണ്ടി പ്രാണനെ വെച്ചു​കൊ​ടു​ക്കേ​ണ്ട​താ​കു​ന്നു.” (1 യോഹ​ന്നാൻ 3:16) ശത്രു​ക്കളെ പോലും സ്‌നേ​ഹി​ക്കാൻ യേശു തന്റെ അനുഗാ​മി​കളെ പഠിപ്പി​ക്കു​ക​യു​ണ്ടാ​യി. (മത്തായി 5:43-45) യേശു പഠിപ്പി​ച്ച​തു​പോ​ലെ ആളുകൾ മറ്റുള്ള​വരെ യഥാർഥ​ത്തിൽ സ്‌നേ​ഹി​ക്കു​മ്പോൾ എന്തായി​രി​ക്കും ഫലം?

ഒരു രാഷ്‌ട്ര​ത​ന്ത്ര​ശാ​സ്‌ത്ര പ്രൊ​ഫസർ വ്യക്തമാ​യും ആ ചോദ്യം പരിചി​ന്തി​ച്ചു. അദ്ദേഹം ഇങ്ങനെ ചോദി​ക്കു​ന്ന​താ​യി ക്രിസ്‌തീയ ശതാബ്ദം (ഇംഗ്ലീഷ്‌) രേഖ​പ്പെ​ടു​ത്തി: “യേശു തന്റെ ശത്രു​ക്കൾക്കു നേരെ കൈ​ബോം​ബു​കൾ എറിയു​ന്ന​താ​യോ യന്ത്ര​ത്തോ​ക്കു​കൾ ഉപയോ​ഗി​ക്കു​ന്ന​താ​യോ അഗ്നിവി​ക്ഷേ​പി​ണി​കൾ പ്രവർത്തി​പ്പി​ക്കു​ന്ന​താ​യോ ആയിര​ക്ക​ണ​ക്കിന്‌ അമ്മമാ​രെ​യും കുഞ്ഞു​ങ്ങ​ളെ​യും കൊല്ലു​ക​യോ അംഗഭം​ഗ​പ്പെ​ടു​ത്തു​ക​യോ ചെയ്യുന്ന ന്യൂക്ലി​യർ ബോംബ്‌ വർഷി​ക്കു​ന്ന​താ​യോ ഭൂഖണ്ഡാ​ന്തര ബാലി​സ്റ്റിക്‌ മി​സൈ​ലു​കൾ തൊടു​ത്തു വിടു​ന്ന​താ​യോ ഗൗരവ​പൂർവം ആർക്കെ​ങ്കി​ലും വിഭാവന ചെയ്യാൻ കഴിയു​മോ?”

പ്രൊ​ഫ​സർ ഇങ്ങനെ മറുപടി പറഞ്ഞു: “ഈ ചോദ്യം ഉത്തരം അർഹി​ക്കാ​ത്ത​വി​ധം അത്ര യുക്തി​ര​ഹി​ത​മാണ്‌.” അതു​കൊണ്ട്‌ അദ്ദേഹം ഇങ്ങനെ ചോദി​ച്ചു: “യേശു​വിന്‌ അതു ചെയ്‌തു​കൊണ്ട്‌ തന്റെ സ്വഭാ​വ​ത്തോട്‌ വിശ്വ​സ്‌തത പുലർത്താൻ ആകില്ലാ​യി​രു​ന്നെ​ങ്കിൽ നമുക്ക്‌ അതു ചെയ്‌തു​കൊണ്ട്‌ അവനോട്‌ എങ്ങനെ വിശ്വ​സ്‌തത പുലർത്താൻ കഴിയും?” അതു​കൊണ്ട്‌, പല ചരിത്ര പുസ്‌ത​ക​ങ്ങ​ളും വ്യക്തമാ​യി രേഖ​പ്പെ​ടു​ത്തുന്ന പ്രകാരം, യേശു​വി​ന്റെ ആദിമ അനുഗാ​മി​കൾ നിഷ്‌പക്ഷ നിലപാട്‌ എടുത്ത​തിൽ നാം അത്ഭുതം കൂറേ​ണ്ട​തില്ല. രണ്ട്‌ ചരിത്ര രേഖകൾ മാത്രം പരിചി​ന്തി​ക്കുക.

എൻ. പ്ലാറ്റും എം. ജെ. ഡ്രമണ്ടും എഴുതിയ യുഗങ്ങൾ പിന്നിട്ട നമ്മുടെ ലോകം (ഇംഗ്ലീഷ്‌) ഇങ്ങനെ പറയുന്നു: “ക്രിസ്‌ത്യാ​നി​ക​ളു​ടെ പെരു​മാ​റ്റം റോമാ​ക്കാ​രു​ടേ​തിൽനി​ന്നു വളരെ വ്യത്യ​സ്‌ത​മാ​യി​രു​ന്നു. . . . ക്രിസ്‌തു സമാധാ​ന​ത്തെ​ക്കു​റി​ച്ചു പ്രസം​ഗി​ച്ചി​രു​ന്ന​തി​നാൽ അവർ പടയാ​ളി​കൾ ആകാൻ വിസമ്മ​തി​ച്ചു.” എഡ്വർഡ്‌ ഗിബൺ എഴുതിയ റോമാ സാമ്രാ​ജ്യ​ത്തി​ന്റെ അധഃപ​ത​ന​വും വീഴ്‌ച​യും (ഇംഗ്ലീഷ്‌) ഇങ്ങനെ പ്രസ്‌താ​വി​ക്കു​ന്നു: “സാമ്രാ​ജ്യ​ത്തി​ന്റെ ഭരണ കാര്യ​ത്തി​ലോ സൈനിക പ്രതി​രോ​ധ​ത്തി​ലോ സജീവ​മായ എന്തെങ്കി​ലും പങ്കുവ​ഹി​ക്കാൻ [ആദിമ ക്രിസ്‌ത്യാ​നി​കൾ] വിസമ്മ​തി​ച്ചു. . . . കൂടുതൽ പവി​ത്ര​മായ [തങ്ങളുടെ] ഉത്തരവാ​ദി​ത്വം വെച്ചൊ​ഴി​യാ​തെ പടയാ​ളി​കൾ ആയി സേവി​ക്കാൻ ക്രിസ്‌ത്യാ​നി​കൾക്ക്‌ സാധി​ക്കു​ക​യി​ല്ലാ​യി​രു​ന്നു.”

ഇന്നത്തെ കാര്യ​മോ?

ഇന്ന്‌ ആരെങ്കി​ലും ക്രിസ്‌തു​സ​മാന സ്‌നേഹം ആചരി​ക്കു​ന്നു​ണ്ടോ? എൻ​സൈ​ക്ലോ​പീ​ഡിയ കനേഡി​യാന ഇങ്ങനെ പറയുന്നു: “യഹോ​വ​യു​ടെ സാക്ഷി​ക​ളു​ടെ പ്രവർത്തനം യേശു​വും ശിഷ്യ​ന്മാ​രും ആചരി​ച്ചി​രുന്ന ആദിമ ക്രിസ്‌ത്യാ​നി​ത്വ​ത്തി​ന്റെ പുനരു​ജ്ജീ​വ​ന​വും പുനഃ​സ്ഥാ​പ​ന​വു​മാണ്‌. . . . എല്ലാവ​രും സഹോ​ദ​ര​ങ്ങ​ളാണ്‌.”

അതിന്റെ അർഥ​മെ​ന്താണ്‌? യഹോ​വ​യു​ടെ സാക്ഷികൾ, അയൽക്കാ​രെ വെറു​ക്കാൻ തങ്ങളെ ഇടയാ​ക്കു​ന്ന​തിന്‌ വർഗീ​യ​ത​യോ ദേശീ​യ​ത​യോ വംശീയ പശ്ചാത്ത​ല​മോ പോലുള്ള യാതൊ​ന്നി​നെ​യും അനുവ​ദി​ക്കു​ന്നില്ല എന്നാണ്‌. അവർ ആരെയും കൊല്ലു​ക​യു​മില്ല. കാരണം ദൈവ​ത്തി​ന്റെ യഥാർഥ ദാസന്മാർ ചെയ്യു​മെന്ന്‌ ബൈബിൾ മുൻകൂ​ട്ടി പറഞ്ഞ പ്രകാരം പ്രതീ​കാ​ത്മ​ക​മാ​യി അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ കോതു കത്രി​ക​ക​ളാ​യും അടിച്ചു​തീർത്തി​രി​ക്കു​ന്നു.—യെശയ്യാ​വു 2:4, NW.

കാലി​ഫോർണി​യ​യി​ലെ സാക്ര​മെ​ന്റോ യൂണിയൻ എന്ന പത്രത്തി​ന്റെ മുഖ​പ്ര​സം​ഗം ഇങ്ങനെ പ്രസ്‌താ​വി​ച്ച​തിൽ തെല്ലും അതിശ​യി​ക്കാ​നില്ല: “ലോക​ത്തി​ലുള്ള എല്ലാവ​രും യഹോ​വ​യു​ടെ സാക്ഷി​ക​ളു​ടെ മതപ്ര​മാ​ണം അനുസ​രി​ച്ചു ജീവി​ക്കു​ന്ന​പക്ഷം രക്തച്ചൊ​രി​ച്ചി​ലും വിദ്വേ​ഷ​വും അവസാ​നി​ക്കും, സ്‌നേഹം രാജാ​വാ​യി വാഴും”!

സമാന​മാ​യി, ഹംഗറി​യി​ലെ റിങ്‌ മാസി​ക​യു​ടെ ഒരു ലേഖകൻ ഇങ്ങനെ അഭി​പ്രാ​യ​പ്പെട്ടു: “എന്റെ അഭി​പ്രാ​യ​ത്തിൽ, യഹോ​വ​യു​ടെ സാക്ഷികൾ മാത്ര​മാ​ണു ഭൂമി​യിൽ വസിക്കു​ന്ന​തെ​ങ്കിൽ യുദ്ധം എന്നേക്കു​മാ​യി അവസാ​നി​ക്കും. പൊലീ​സു​കാ​രു​ടെ ജോലി​കൾ ഗതാഗതം നിയ​ന്ത്രി​ക്ക​ലും പാസ്‌പോർട്ടു​കൾ കൊടു​ക്ക​ലും മാത്ര​മാ​യി​രി​ക്കും.”

കൂടാതെ, ഇറ്റാലി​യൻ സഭാ മാസി​ക​യായ ആൻഡാരെ ആല്ലെ ജെന്റി​യിൽ ഒരു റോമൻ കത്തോ​ലി​ക്കാ കന്യാ​സ്‌ത്രീ​യും സാക്ഷി​കളെ പ്രശം​സി​ച്ചു​കൊണ്ട്‌ ഇങ്ങനെ എഴുതി: “അവർ എല്ലാത്തരം അക്രമ​ത്തി​നും വിസമ്മ​തി​ക്കു​ന്നു. വിശ്വാ​സം നിമിത്തം തങ്ങളുടെ മേൽ അടി​ച്ചേൽപ്പി​ക്ക​പ്പെ​ടുന്ന അനവധി പീഡന​ങ്ങളെ അവർ എതിർപ്പു കൂടാതെ സഹിച്ചു നിൽക്കു​ന്നു. . . . യഹോ​വ​യു​ടെ സാക്ഷി​ക​ളെ​പ്പോ​ലെ, എന്തു വില​യൊ​ടു​ക്കേണ്ടി വന്നാലും എന്തു കാരണത്തെ പ്രതി​യും, ആയുധം എടുക്കു​ക​യില്ല എന്ന ദൃഢനി​ശ്ച​യ​ത്തോ​ടെ നാമെ​ല്ലാം ഒരു സുപ്ര​ഭാ​ത​ത്തിൽ ഉണർന്ന്‌ എണീറ്റി​രു​ന്നെ​ങ്കിൽ ഈ ലോകം എത്ര വ്യത്യ​സ്‌ത​മാ​കു​മാ​യി​രു​ന്നു!”

അയൽക്കാ​രെ സഹായി​ക്കു​ന്ന​തി​നു മുൻകൈ എടുക്കു​ന്ന​തിൽ സാക്ഷികൾ പേരു​കേ​ട്ട​വ​രാണ്‌. (ഗലാത്യർ 6:10) 1960-കളുടെ മധ്യത്തിൽ പോട്ട്‌മ കുറ്റവാ​ളി പാളയ​ത്തിൽ ജോലി ചെയ്യവേ തനിക്ക്‌ തീരെ സുഖമി​ല്ലാ​താ​യ​തി​നെ കുറിച്ച്‌ സോവി​യറ്റ്‌ ജയിലു​ക​ളി​ലെ സ്‌ത്രീ​കൾ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ഒരു ലട്‌വി​യ​ക്കാ​രി എഴുതു​ക​യു​ണ്ടാ​യി. “എനിക്കു സുഖമി​ല്ലാ​തി​രുന്ന സമയമ​ത്ര​യും [സാക്ഷികൾ] എന്നെ വളരെ നന്നായി ശുശ്രൂ​ഷി​ച്ചു. അതിലും മെച്ചമായ പരിച​രണം എനിക്കു പ്രതീ​ക്ഷി​ക്കാൻ കഴിയു​മാ​യി​രു​ന്നില്ല, പ്രത്യേ​കി​ച്ചും പാളയ​ത്തി​ലെ ചുറ്റു​പാ​ടു​ക​ളിൽ.” അവർ ഇങ്ങനെ കൂട്ടി​ച്ചേർത്തു: “യഹോ​വ​യു​ടെ സാക്ഷികൾ എല്ലാവ​രെ​യും സഹായി​ക്കുക എന്നത്‌ തങ്ങളുടെ കർത്തവ്യ​മാ​യി കണക്കാ​ക്കു​ന്നു. ആളുക​ളു​ടെ മതമോ ദേശമോ ഒന്നും അവർക്കു പ്രശ്‌നമല്ല.”

തടങ്കൽ പാളയ​ങ്ങ​ളി​ലെ സാക്ഷി​ക​ളു​ടെ അത്തരത്തി​ലുള്ള പെരു​മാ​റ്റം അടുത്ത​യി​ടെ ചെക്ക്‌ റിപ്പബ്ലി​ക്കി​ലെ പൊതു​ജന മാധ്യ​മ​ങ്ങ​ളു​ടെ ശ്രദ്ധയിൽ പെടു​ക​യു​ണ്ടാ​യി. ബർനോ നഗരത്തിൽ നിർമി​ക്ക​പ്പെട്ട “നഷ്ടപ്പെട്ട ഭവനം” (ഇംഗ്ലീഷ്‌) എന്ന ഡോക്യു​മെ​ന്റ​റി​യെ​ക്കു​റിച്ച്‌ അഭി​പ്രാ​യ​പ്പെ​ട്ടു​കൊണ്ട്‌ സെവ​റോ​ചെ​സ്‌കി ദെനിക്‌ എന്ന പത്രം ഇങ്ങനെ പ്രസ്‌താ​വി​ച്ചു: “ആശ്രയ​യോ​ഗ്യ​രായ ഈ സമകാ​ലീ​നർ [ചെക്കി​ലെ​യും സ്ലൊവാ​ക്കി​ലെ​യും യഹൂദ അതിജീ​വകർ] പോലും യഹോ​വ​യു​ടെ സാക്ഷി​ക​ളായ തടവു​കാ​രെ​ക്കു​റിച്ച്‌ വളരെ മതി​പ്പോ​ടെ സാക്ഷ്യം പറഞ്ഞി​രി​ക്കു​ന്നു എന്നത്‌ ശ്രദ്ധേ​യ​മാണ്‌. പലരും ഇങ്ങനെ അഭി​പ്രാ​യ​പ്പെട്ടു: ‘അവർ വളരെ ധീരരാണ്‌. വധഭീ​ഷണി പോലും വകവെ​ക്കാ​തെ അവർ തങ്ങളാ​ലാ​വുന്ന വിധങ്ങ​ളി​ലെ​ല്ലാം ഞങ്ങളെ എല്ലായ്‌പോ​ഴും സഹായി​ച്ചു. . . . അവരുടെ കുടും​ബാം​ഗങ്ങൾ എന്നപോ​ലെ അവർ ഞങ്ങൾക്കു വേണ്ടി പ്രാർഥി​ച്ചു; ആശ കൈ​വെ​ടി​യാ​തി​രി​ക്കാൻ അവർ ഞങ്ങളെ പ്രോ​ത്സാ​ഹി​പ്പി​ച്ചു.’”

എന്നാൽ, നിങ്ങളെ യഥാർഥ​ത്തിൽ വെറു​ക്കു​ന്ന​വ​രോട്‌ സ്‌നേഹം പ്രകട​മാ​ക്കു​ന്നതു സംബന്ധി​ച്ചെന്ത്‌? അത്‌ സാധ്യ​മാ​ണോ?

സ്‌നേഹം വിദ്വേ​ഷത്തെ ജയിച്ച​ട​ക്കു​ന്നു

ശത്രു​ക്കളെ സ്‌നേ​ഹി​ക്കു​ന്നതു സംബന്ധിച്ച യേശു​വി​ന്റെ പഠിപ്പി​ക്കൽ ഈ ബൈബിൾ സദൃശ​വാ​ക്യ​ത്തി​നു ചേർച്ച​യി​ലാണ്‌: “ശത്രു​വി​ന്നു [“നിങ്ങളെ വെറു​ക്കു​ന്ന​വന്‌,” NW] വിശക്കു​ന്നു എങ്കിൽ അവന്നു തിന്മാൻ കൊടുക്ക; ദാഹി​ക്കു​ന്നു എങ്കിൽ കുടി​പ്പാൻ കൊടുക്ക.” (സദൃശ​വാ​ക്യ​ങ്ങൾ 25:21; മത്തായി 5:44) ഒരിക്കൽ ശത്രു​ക്ക​ളാ​യി കരുതി​യി​രു​ന്ന​വ​രിൽനിന്ന്‌ സ്‌നേ​ഹ​പു​ര​സ്സ​ര​മായ ശ്രദ്ധ ലഭിച്ച​തി​ന്റെ നല്ല ഫലത്തെ​ക്കു​റിച്ച്‌ അടുത്ത​യി​ടെ യഹോ​വ​യു​ടെ സാക്ഷി ആയിത്തീർന്ന ഒരു കറുത്ത വർഗക്കാ​രി ഇങ്ങനെ എഴുതി: “കുറച്ചു നാൾ മുമ്പാ​യി​രു​ന്നെ​ങ്കിൽ വിപ്ലവ താത്‌പ​ര്യ​ങ്ങ​ളു​ടെ ഉന്നമന​ത്തി​നു വേണ്ടി ഞാൻ യാതൊ​രു മടിയും കൂടാതെ കൊ​ന്നൊ​ടു​ക്കു​മാ​യി​രുന്ന വെള്ളക്കാ​രായ സാക്ഷി​ക​ളു​ടെ ആത്മാർഥ സ്‌നേഹം എന്റെ ഹൃദയത്തെ അഗാധ​മാ​യി സ്‌പർശി​ച്ചി​രി​ക്കു​ന്നു. ചില​പ്പോ​ഴൊ​ക്കെ അത്തരം സ്‌നേ​ഹ​പ്ര​ക​ട​നങ്ങൾ കാണു​മ്പോൾ എനിക്കു കരച്ചി​ല​ട​ക്കാൻ പാടു​പെ​ടേണ്ടി വന്നിട്ടുണ്ട്‌.”

രണ്ടാം ലോക​യുദ്ധ കാലത്ത്‌ ഒരു അയൽക്കാ​രി, തന്റെ അമ്മയെ​പ്പറ്റി ഗസ്റ്റപ്പോ​യ്‌ക്ക്‌ അറിവു കൊടു​ത്ത​താ​യി ഫ്രാൻസി​ലെ ഒരു സാക്ഷി വിവരി​ച്ചു. “തന്മൂലം, അമ്മ രണ്ടു വർഷം ജർമൻ തടങ്കൽപ്പാ​ള​യ​ങ്ങ​ളിൽ ചെലവ​ഴി​ച്ചു. അവിടെ ആയിരു​ന്ന​പ്പോൾ അമ്മ മരണത്തി​ന്റെ വക്കോളം എത്തി,” പുത്രി വിവരി​ച്ചു. “യുദ്ധാ​ന​ന്തരം, ഈ സ്‌ത്രീ ഒരു ജർമൻ സഹകാ​രി​യാ​ണെന്നു പറഞ്ഞ്‌ അവരെ കുറ്റ​പ്പെ​ടു​ത്തുന്ന ഒരു കടലാ​സിൽ ഒപ്പിടാൻ ഫ്രഞ്ച്‌ പൊലീസ്‌ അമ്മയോട്‌ ആവശ്യ​പ്പെട്ടു. എന്നാൽ അമ്മ അതിനു വിസമ്മ​തി​ച്ചു.” പിന്നീട്‌, ഇതേ അയൽക്കാ​രി​ക്കു മാരക​മായ കാൻസർ ബാധിച്ചു. “അവരുടെ ജീവി​ത​ത്തി​ന്റെ അവസാന മാസങ്ങൾ കഴിയു​ന്നി​ട​ത്തോ​ളം സുഖ​പ്ര​ദ​മാ​ക്കാൻ അമ്മ അനേകം മണിക്കൂ​റു​കൾ ചെലവ​ഴി​ച്ചു. വിദ്വേ​ഷ​ത്തിൻമേ​ലുള്ള സ്‌നേ​ഹ​ത്തി​ന്റെ ഈ വിജയം ഞാനൊ​രി​ക്ക​ലും മറക്കു​ക​യില്ല,” പുത്രി പറഞ്ഞു.

അന്യോ​ന്യം സ്‌നേ​ഹി​ക്കാൻ ആളുകൾക്കു പഠിക്കാൻ കഴിയു​മെന്നു വ്യക്തം. മുൻ ശത്രുക്കൾ—ടൂട്‌സി​ക​ളും ഹൂട്ടു​ക​ളും, യഹൂദ​ന്മാ​രും അറബി​ക​ളും, അർമേ​നി​യ​ക്കാ​രും തുർക്കി​ക​ളും, ജപ്പാൻകാ​രും അമേരി​ക്ക​ക്കാ​രും, ജർമൻകാ​രും റഷ്യക്കാ​രും, പ്രൊ​ട്ട​സ്റ്റ​ന്റു​കാ​രും കത്തോ​ലി​ക്ക​രും എല്ലാം—ബൈബിൾ സത്യത്താൽ ഏകീക​രി​ക്ക​പ്പെ​ട്ടി​രി​ക്കു​ന്നു!

മുമ്പ്‌ വിദ്വേ​ഷം വെച്ചു​പു​ലർത്തി​യി​രുന്ന ദശലക്ഷ​ക്ക​ണ​ക്കിന്‌ ആളുകൾക്ക്‌ ഇപ്പോൾ അന്യോ​ന്യം സ്‌നേ​ഹി​ക്കാൻ കഴിയു​മെ​ങ്കിൽ തീർച്ച​യാ​യും മുഴു ലോക​ത്തി​നും അതിനു സാധി​ക്കും. എങ്കിലും, എല്ലാവ​രും അന്യോ​ന്യം സ്‌നേ​ഹി​ക്കു​ന്ന​തി​നു ലോക​വ്യാ​പ​ക​മാ​യി വലി​യൊ​രു മാറ്റം ആവശ്യ​മാ​ണെന്നു സമ്മതി​ക്കു​ന്നു. ആ മാറ്റം എങ്ങനെ സംഭവി​ക്കും?

[7-ാം പേജിലെ ചിത്രങ്ങൾ]

ദക്ഷിണാഫ്രിക്കയിലെ വെള്ളക്കാ​രും കറുത്ത​വർഗ​ക്കാ​രും

യഹൂദന്മാരും അറബി​ക​ളും

ഹൂട്ടുകളും ടൂട്‌സി​ക​ളും

സാക്ഷികൾ പ്രതീ​കാ​ത്മ​ക​മാ​യി തങ്ങളുടെ വാളു​കളെ കൊഴു​ക്ക​ളാ​യി അടിച്ചു​തീർത്തി​രി​ക്കു​ന്നു