യേശു​വി​ന്റെ ജീവി​ത​വും ശുശ്രൂ​ഷ​യും

പീഡനത്തെ അഭിമു​ഖീ​ക​രി​ക്കാ​നുള്ള ഒരുക്കം

പ്രസം​ഗ​വേല നിർവ​ഹി​ക്കു​ന്ന​തി​ന്റെ രീതികൾ സംബന്ധിച്ച്‌ തന്റെ അപ്പോ​സ്‌ത​ലൻമാ​രെ പ്രബോ​ധി​പ്പിച്ച ശേഷം യേശു എതിരാ​ളി​ക​ളെ​ക്കു​റിച്ച്‌ അവർക്കു മുന്നറി​യി​പ്പു കൊടു​ക്കു​ന്നു. അവൻ പറയുന്നു: “നോക്കൂ! ഞാൻ നിങ്ങളെ ചെന്നാ​യ്‌ക്ക​ളു​ടെ നടുവിൽ ആടുക​ളെ​പ്പോ​ലെ അയയ്‌ക്കു​ന്നു . . . മനുഷ്യ​രെ സൂക്ഷി​ക്കുക; എന്തെന്നാൽ അവർ നിങ്ങളെ തദ്ദേശ​കോ​ട​തി​ക​ളിൽ ഏല്‌പ്പി​ക്കും, അവർ നിങ്ങളെ അവരുടെ സിന​ഗോ​ഗു​ക​ളിൽ ചമ്മട്ടി​കൊണ്ട്‌ അടിക്കും. എന്തിന്‌, ഞാൻ നിമിത്തം നിങ്ങൾ ഗവർണർമാ​രു​ടെ​യും രാജാ​ക്കൻമാ​രു​ടെ​യും മുമ്പാകെ വരുത്ത​പ്പെ​ടും.”

തന്റെ അനുഗാ​മി​കൾ അഭിമു​ഖീ​ക​രി​ക്കാ​നി​രി​ക്കുന്ന കഠിന​മായ പീഡനം ഗണ്യമാ​ക്കാ​തെ യേശു ആശ്വാ​സ​ദാ​യ​ക​മാ​യി ഇങ്ങനെ വാഗ്‌ദാ​നം​ചെ​യ്യു​ന്നു: “അവർ നിങ്ങളെ ഏല്‌പി​ച്ചു​കൊ​ടു​ക്കു​മ്പോൾ നിങ്ങൾ എങ്ങനെ അല്ലെങ്കിൽ എന്തു സംസാ​രി​ക്കണം എന്നതി​നെ​ക്കു​റിച്ച്‌ ഉത്‌ക്ക​ണ്‌ഠ​പ്പെ​ട​രുത്‌; എന്തെന്നാൽ നിങ്ങൾ സംസാ​രി​ക്കേ​ണ്ടത്‌ ആ നാഴി​ക​യിൽ നിങ്ങൾക്കു നൽക​പ്പെ​ടും; എന്തെന്നാൽ സംസാ​രി​ക്കു​ന്നത്‌ നിങ്ങൾത​ന്നെയല്ല, പിന്നെ​യോ നിങ്ങൾ മുഖാ​ന്തരം സംസാ​രി​ക്കു​ന്നത്‌ പിതാ​വി​ന്റെ ആത്‌മാ​വാണ്‌.”

യേശു തുടരു​ന്നു, “കൂടാതെ, സഹോ​ദരൻ സഹോ​ദ​ര​നെ​യും പിതാവ്‌ തന്റെ കുട്ടി​യെ​യും മരണത്തിന്‌ ഏൽപ്പി​ച്ചു​കൊ​ടു​ക്കും, മക്കൾ മാതാ​പി​താ​ക്കൻമാർക്കെ​തി​രാ​യി എഴു​ന്നേൽക്കു​ക​യും അവരെ കൊല്ലി​ക്കു​ക​യും ചെയ്യും.” അവൻ കൂട്ടി​ച്ചേർക്കു​ന്നു: “നിങ്ങൾ എന്റെ നാമം നിമിത്തം സകല ജനങ്ങളാ​ലു​മുള്ള വിദ്വേ​ഷ​ത്തി​ന്റെ ലക്ഷ്യങ്ങ​ളാ​യി​രി​ക്കും; എന്നാൽ അവസാ​ന​ത്തോ​ളം സഹിച്ചി​രി​ക്കു​ന്ന​വ​നാണ്‌ രക്ഷിക്ക​പ്പെ​ടു​ന്നത്‌.”

പ്രസം​ഗ​ത്തി​നാണ്‌ പ്രാമു​ഖ്യ​ത​യു​ള്ളത്‌. തന്നിമി​ത്തം വേല നിർവ​ഹി​ക്കാൻ സ്വത​ന്ത്ര​രാ​യി​രി​ക്ക​ത്ത​ക്ക​വണ്ണം വിവേ​ച​ന​യു​ടെ ആവശ്യം യേശു ഊന്നി​പ്പ​റ​യു​ന്നു. “അവർ നിങ്ങളെ ഒരു നഗരത്തിൽ പീഡി​പ്പി​ക്കു​മ്പോൾ മറെറാ​ന്നി​ലേക്ക്‌ ഓടി​പ്പോ​കുക. എന്തെന്നാൽ സത്യമാ​യി ഞാൻ നിങ്ങ​ളോ​ടു പറയുന്നു, മനുഷ്യ​പു​ത്രൻ വന്നെത്തു​ന്ന​തു​വരെ നിങ്ങൾ തീർച്ച​യാ​യും ഇസ്രാ​യേൽ നഗരങ്ങ​ളു​ടെ മണ്ഡലം പൂർത്തീ​ക​രി​ക്കു​ക​യില്ല” എന്ന്‌ അവൻ പറയുന്നു.

യേശു ഈ ഉദ്‌ബോ​ധ​ന​വും മുന്നറി​യി​പ്പും പ്രോൽസാ​ഹ​ന​വും തന്റെ 12 അപ്പോ​സ്‌ത​ലൻമാർക്കാണ്‌ നൽകി​യ​തെ​ന്നു​ള്ളതു സത്യം​തന്നെ, എന്നാൽ അത്‌ തന്റെ മരണത്തി​നും പുനരു​ത്ഥാ​ന​ത്തി​നും ശേഷം ലോക​വ്യാ​പ​ക​പ്ര​സം​ഗ​ത്തിൽ പങ്കെടു​ക്കു​ന്ന​വർക്കു​വേ​ണ്ടി​യും ഉദ്ദേശി​ക്ക​പ്പെ​ട്ടി​രു​ന്നു. തന്റെ ശിഷ്യൻമാർ അവന്റെ അപ്പോ​സ്‌ത​ലൻമാർ ആരോടു പ്രസം​ഗി​ക്കാൻ അയക്ക​പ്പെ​ട്ടി​രു​ന്നു​വോ ആ ഇസ്രാ​യേ​ല്യ​രാൽമാ​ത്രമല്ല, സകല ജനങ്ങളാ​ലും ദ്വേഷി​ക്ക​പ്പെ​ടും എന്ന്‌ അവൻ പറഞ്ഞു​വെന്ന വസ്‌തു​ത​യാൽ ഇത്‌ പ്രകട​മാ​ക്ക​പ്പെ​ടു​ന്നു. കൂടാതെ, തെളി​വ​നു​സ​രിച്ച്‌, യേശു ഹ്രസ്വ​മായ പ്രസം​ഗ​പ്ര​സ്ഥാ​ന​ത്തിന്‌ അപ്പോ​സ്‌ത​ലൻമാ​രെ അയച്ച​പ്പോൾ അവർ ഗവർണർമാ​രു​ടെ​യും രാജാ​ക്കൻമാ​രു​ടെ​യും മുമ്പാകെ വരുത്ത​പ്പെ​ട്ടില്ല. മാത്ര​വു​മല്ല, വിശ്വാ​സി​കൾ അന്ന്‌ കുടും​ബാം​ഗ​ങ്ങ​ളാൽ മരണത്തിന്‌ ഏൽപ്പി​ക്ക​പ്പെ​ട്ടില്ല.

അതു​കൊണ്ട്‌, അവന്റെ ശിഷ്യൻമാർ “മനുഷ്യ​പു​ത്രൻ വന്നെത്തു​ന്ന​തു​വരെ” തങ്ങളുടെ പ്രസം​ഗ​മ​ണ്ഡലം പൂർത്തീ​ക​രി​ക്കു​ക​യില്ല എന്നു പറഞ്ഞതി​നാൽ മഹത്വീ​ക​രി​ക്ക​പ്പെട്ട രാജാ​വായ യേശു​ക്രി​സ്‌തു അർമ്മ​ഗെ​ദ്ദോ​നി​ലെ യഹോ​വ​യു​ടെ വധാധി​കൃത ഉദ്യോ​ഗ​സ്ഥ​നാ​യി വന്നെത്തു​ന്ന​തു​വരെ തന്റെ ശിഷ്യൻമാർ ദൈവ​ത്തി​ന്റെ സ്ഥാപി​ത​രാ​ജ്യ​ത്തെ​ക്കു​റി​ച്ചുള്ള പ്രസം​ഗ​ത്താൽ മുഴു​നി​വ​സി​ത​ഭൂ​മി​യു​മാ​കുന്ന മണ്ഡലം പൂർത്തി​യാ​ക്കു​ക​യി​ല്ലെന്ന്‌ യേശു പ്രാവ​ച​നി​ക​മാ​യി നമ്മോടു പറയു​ക​യാ​യി​രു​ന്നു.

തന്റെ പ്രസം​ഗ​നിർദ്ദേ​ശങ്ങൾ തുടർന്നു​കൊണ്ട്‌ യേശു പറയുന്നു: “ഒരു ശിഷ്യൻ തന്റെ ഗുരു​വി​നു മീതെയല്ല, ഒരു അടിമ അവന്റെ യജമാ​നനു മീതെ​യു​മല്ല.” അതു​കൊണ്ട്‌ അവന്റെ ശിഷ്യൻമാർ, അവന്‌ ദൈവ​രാ​ജ്യം പ്രസം​ഗി​ച്ച​തു​നി​മി​ത്തം ലഭിച്ച​തു​പോ​ലെ​യുള്ള ദുഷ്‌പെ​രു​മാ​റ​റ​വും പീഡന​വും ലഭിക്കാൻ പ്രതീ​ക്ഷി​ക്കേ​ണ്ട​താണ്‌. എന്നാലും അവൻ ഇങ്ങനെ ബുദ്ധി​യു​പ​ദേ​ശി​ക്കു​ന്നു: “ദേഹിയെ കൊല്ലാൻക​ഴി​യാ​തെ ദേഹത്തെ കൊല്ലു​ന്ന​വരെ ഭയമു​ള്ള​വ​രാ​യി​ത്തീ​ര​രുത്‌; എന്നാൽ ദേഹി​യെ​യും ദേഹ​ത്തെ​യും ഗീഹെ​ന്ന​യിൽ നശിപ്പി​ക്കാൻ കഴിയു​ന്ന​വനെ ഭയപ്പെ​ടുക.”

യേശു ഈ കാര്യ​ത്തിൽ മാതൃ​ക​വെച്ചു. അവൻ സർവശ​ക്തി​യു​മുള്ള യഹോ​വ​യാം ദൈവ​ത്തോ​ടുള്ള വിശ്വ​സ്‌ത​ത​യിൽ വിട്ടു​വീ​ഴ്‌ച​ചെ​യ്യു​ന്ന​തി​നു പകരം നിർഭയം മരണം സഹിച്ചു. അതെ, ഒരുവന്റെ “ദേഹിയെ” (ഈ സന്ദർഭ​ത്തിൽ ഒരു ജീവനുള്ള ദേഹി​യെന്ന നിലയി​ലുള്ള ഒരുവന്റെ ഭാവി​പ്ര​തീ​ക്തകൾ) നശിപ്പി​ക്കാൻമാ​ത്രമല്ല, പിന്നെ​യോ നിത്യ​ജീ​വൻ അനുഭ​വി​ക്കാൻ ഒരാളെ ഉയർപ്പി​ക്കാൻപോ​ലും കഴിവു​ള്ളവൻ യഹോ​വ​യാണ്‌. യഹോവ എത്ര സ്‌നേ​ഹ​വും സഹിഷ്‌ണു​ത​യു​മുള്ള സ്വർഗ്ഗീ​യ​പി​താ​വാണ്‌!

യേശു അടുത്ത​താ​യി തന്റെ ശിഷ്യൻമാർക്കാ​യുള്ള യഹോ​വ​യു​ടെ സ്‌നേ​ഹ​പൂർവ​ക​മായ കരുത​ലി​നെ ഊന്നി​പ്പ​റ​യുന്ന ഒരു ദൃഷ്ടാ​ന്ത​ത്താൽ അവരെ പ്രോൽസാ​ഹി​പ്പി​ക്കു​ന്നു. “നിസ്സാ​ര​മൂ​ല്യ​മുള്ള ഒരു നാണയ​ത്തിന്‌ രണ്ടു കുരി​കി​ലി​നെ വിൽക്കു​ന്നി​ല്ല​യോ?” അവൻ ചോദി​ക്കു​ക​യാണ്‌, “എന്നിരു​ന്നാ​ലും, അവയി​ലൊ​ന്നും നിങ്ങളു​ടെ പിതാ​വി​ന്റെ അറിവി​ല്ലാ​തെ നിലത്തു​വീ​ഴു​ക​യില്ല. എന്നാൽ നിങ്ങളു​ടെ തലയിലെ മുടികൾ പോലും എണ്ണപ്പെ​ട്ടി​രി​ക്കു​ന്നു. അതു​കൊണ്ട്‌ ഭയപ്പെ​ട​രുത്‌: നിങ്ങൾ അനേകം കുരി​കി​ലു​ക​ളെ​ക്കാൾ വിലയു​ള്ള​വ​രാണ്‌.”

യേശു ശിഷ്യൻമാർക്കു പ്രഘോ​ഷി​ക്കാൻ നിയോ​ഗി​ക്കുന്ന രാജ്യ​ദൂത്‌ ചിലർ അതു സ്വീക​രി​ക്കു​ക​യും മററു ചിലർ അതു നിരസി​ക്കു​ക​യും​ചെ​യ്യു​മ്പോൾ കുടും​ബ​ങ്ങളെ ഭിന്നി​പ്പി​ക്കും. “ഭൂമി​യിൽ സമാധാ​നം വരുത്താൻ ഞാൻ വന്നു​വെന്നു വിചാ​രി​ക്ക​രുത്‌. സമാധാ​നമല്ല വാളത്രേ വരുത്താൻ ഞാൻ വന്നത്‌” എന്ന്‌ അവൻ വിശദീ​ക​രി​ക്കു​ന്നു. അങ്ങനെ, ബൈബിൾസ​ത്യം സ്വീക​രി​ക്കാൻ ഒരു കുടും​ബാം​ഗ​ത്തിന്‌ ധൈര്യം വേണം. “എന്നെക്കാ​ള​ധി​കം അപ്പനോ​ടോ അമ്മയോ​ടോ പ്രിയ​മു​ള്ളവൻ എനിക്കു യോഗ്യ​നല്ല, എന്നെക്കാ​ള​ധി​കം മകനോ​ടോ മകളോ​ടോ പ്രിയ​മു​ള്ളവൻ എനിക്കു യോഗ്യ​നല്ല” എന്ന്‌ യേശു പ്രസ്‌താ​വി​ക്കു​ന്നു.

തന്റെ ശിഷ്യൻമാ​രെ സ്വീക​രി​ക്കു​ന്നവർ തന്നെയും സ്വീക​രി​ക്കു​ന്നു​വെന്ന്‌ തന്റെ നിർദ്ദേ​ശങ്ങൾ ഉപസം​ഹ​രി​ച്ചു​കൊണ്ട്‌ യേശു വിശദീ​ക​രി​ക്കു​ന്നു. “ഈ ചെറി​യ​വ​രിൽ ഒരുവന്‌ അയാൾ ഒരു ശിഷ്യ​നാ​യി​രി​ക്കു​ന്ന​തു​കൊണ്ട്‌ ഒരു പാത്രം തണുത്ത വെള്ളം കൊടു​ക്കുന്ന ഏവനും തീർച്ച​യാ​യും അവന്റെ പ്രതി​ഫലം നഷ്ടപ്പെ​ടു​ക​യില്ല എന്നു ഞാൻ സത്യമാ​യി നിങ്ങ​ളോ​ടു പറയുന്നു.” മത്തായി 10:16-42.

◆ യേശു തന്റെ ശിഷ്യൻമാർക്ക്‌ എന്തു മുന്നറി​യി​പ്പു​കൾ കൊടു​ത്തു?

◆ അവൻ അവർക്ക്‌ എന്ത്‌ പ്രോൽസാ​ഹ​ന​വും ആശ്വാ​സ​വും കൊടു​ത്തു?

◆ യേശു​വി​ന്റെ പ്രബോ​ധ​നങ്ങൾ ആധുനി​ക​കാല ക്രിസ്‌ത്യാ​നി​കൾക്കും ബാധക​മാ​യി​രി​ക്കു​ന്ന​തെ​ന്തു​കൊണ്ട്‌?

◆ യേശു​വി​ന്റെ ഒരു ശിഷ്യൻ അവന്റെ ഗുരു​വി​നു മീതെ​യാ​യി​രി​ക്കാ​ത്ത​തെ​ങ്ങനെ? (w89 8⁄1)