മറ്റുള്ള​വരെ സഹായി​ക്കാൻ നിങ്ങൾക്കു ‘മനസ്സു​ണ്ടോ’?

¹ യേശു​വിന്‌ ആളുക​ളിൽ യഥാർഥ താത്‌പ​ര്യം ഉണ്ടായി​രു​ന്നു. ഒരിക്കൽ ഒരു കുഷ്‌ഠ​രോ​ഗി സഹായം അഭ്യർഥി​ച്ച​പ്പോൾ യേശു കൈനീ​ട്ടി അയാളെ തൊട്ടു. എന്നിട്ട്‌ ഇപ്രകാ​രം പറഞ്ഞു: ‘എനിക്കു മനസ്സുണ്ട്‌, ശുദ്ധമാക.’ (മർക്കൊ. 1:40-42) മറ്റുള്ള​വരെ സഹായി​ക്കു​ന്നതു സംബന്ധിച്ച യേശു​വി​ന്റെ മനോ​ഭാ​വത്തെ നമുക്ക്‌ ഏതു വിധങ്ങ​ളിൽ അനുക​രി​ക്കാൻ കഴിയും?

² താത്‌പ​ര്യ​ക്കാർ: യഹോ​വ​യു​ടെ ആരാധ​ക​രാ​യി​ത്തീ​രാൻ താത്‌പ​ര്യ​ക്കാ​രെ സഹായി​ക്കു​ന്ന​തിൽ സഭയിലെ ഓരോ അംഗത്തി​നും ഒരു പങ്കുണ്ട്‌. പുതി​യവർ യോഗ​ങ്ങൾക്കു വരു​മ്പോൾ അവരെ അഭിവാ​ദനം ചെയ്യു​ക​യും പരിച​യ​പ്പെ​ടു​ക​യും ചെയ്യുക. അവരെ പ്രോ​ത്സാ​ഹി​പ്പി​ക്കാ​നുള്ള അവസരങ്ങൾ തേടുക. അവർ യോഗ​ങ്ങ​ളിൽ അഭി​പ്രാ​യങ്ങൾ പറയു​മ്പോൾ അവരെ പ്രശം​സി​ക്കുക. ജീവി​ത​ത്തിൽ ബൈബിൾ തത്ത്വങ്ങൾ ബാധക​മാ​ക്കാൻ ചെയ്യുന്ന ശ്രമങ്ങൾക്ക്‌ അവരെ അഭിന​ന്ദി​ക്കുക. സഭയ്‌ക്കു​ള്ളിൽ യഥാർഥ സുഹൃ​ത്തു​ക്കളെ സമ്പാദി​ക്കാ​നാ​കും എന്നതു തിരി​ച്ച​റി​യാൻ അവരെ സഹായി​ക്കുക.

³ സഹവി​ശ്വാ​സി​കൾ: പലതര​ത്തി​ലുള്ള സഹായ​ത്തി​നു വിശേ​ഷാൽ അർഹരാണ്‌ നമ്മുടെ “സഹവി​ശ്വാ​സി​കൾ.” (ഗലാ. 6:10) ആരോഗ്യ പ്രശ്‌ന​ങ്ങ​ളു​മാ​യി മല്ലിടു​ന്ന​വ​രാണ്‌ പലരും. പ്രോ​ത്സാ​ഹ​ജ​ന​ക​മായ ഒരു സന്ദർശ​ന​ത്തി​ലൂ​ടെ, അവർക്കാ​വ​ശ്യ​മായ സഹവാസം ലഭ്യമാ​ക്കാൻ നിങ്ങൾക്കാ​കും. മാത്രമല്ല, പ്രാ​യോ​ഗി​ക​മായ മറ്റു വിധങ്ങ​ളി​ലും നിങ്ങൾക്ക്‌ അവരെ സഹായി​ക്കാൻ കഴി​ഞ്ഞേ​ക്കാം. ചിലർ മറ്റു തരത്തി​ലുള്ള ബുദ്ധി​മു​ട്ടു​ക​ളാ​യി​രി​ക്കാം നേരി​ടു​ന്നത്‌. അവർ പറയു​ന്നതു ശ്രദ്ധി​ക്കാ​നും അവരെ കെട്ടു​പണി ചെയ്യാ​നും സമയം കണ്ടെത്തി​ക്കൊണ്ട്‌ അവരോ​ടുള്ള താത്‌പ​ര്യം പ്രകട​മാ​ക്കുക. (1 തെസ്സ. 5:14) തങ്ങളുടെ ഉത്തരവാ​ദി​ത്വ​ങ്ങൾ നിർവ​ഹി​ക്കവേ മൂപ്പന്മാർക്കും നമ്മുടെ സഹകരണം ആവശ്യ​മാണ്‌. (എബ്രാ. 13:17) സന്നദ്ധത​യും സഹായ മനസ്‌ക​ത​യും പ്രകടി​പ്പി​ക്കു​ന്ന​തി​ലൂ​ടെ, നമ്മുടെ സഹവി​ശ്വാ​സി​കൾക്ക്‌ “ശക്തി​പ്പെ​ടു​ത്തുന്ന സഹായം” ആയിത്തീ​രാൻ നമുക്കു കഴിയും.—കൊലൊ. 4:11, NW.

⁴ കുടും​ബാം​ഗങ്ങൾ: ആളുക​ളോട്‌ യേശു കാണി​ച്ച​തു​പോ​ലുള്ള താത്‌പ​ര്യം നമ്മുടെ കുടും​ബാം​ഗ​ങ്ങ​ളോ​ടു കാണി​ക്കാ​നും നാം ശ്രമി​ക്കണം. മക്കളെ ‘യഹോ​വ​യു​ടെ ശിക്ഷണ​ത്തി​ലും മാനസിക ക്രമവത്‌ക​ര​ണ​ത്തി​ലും വളർത്തി​ക്കൊ​ണ്ടു​വ​രാൻ,’ അവരി​ലുള്ള ആഴമായ താത്‌പ​ര്യം മാതാ​പി​താ​ക്കളെ പ്രേരി​പ്പി​ക്കു​ന്നു. (എഫെ. 6:4, NW) കുടും​ബാ​ധ്യ​യനം, സഭാ​യോ​ഗങ്ങൾ, വയൽസേ​വനം എന്നിവയ്‌ക്കു സമയത്തു​തന്നെ ഒരുങ്ങി​ക്കൊണ്ട്‌ കുട്ടി​കൾക്കു തങ്ങളുടെ പങ്ക്‌ നിർവ​ഹി​ക്കാ​വു​ന്ന​താണ്‌. മുതിർന്ന മക്കൾക്കു മാതാ​പി​താ​ക്ക​ളു​ടെ വാർധ​ക്യ​സ​ഹ​ജ​മായ ബുദ്ധി​മു​ട്ടു​കൾ തരണം ചെയ്യാൻ സ്‌നേ​ഹ​പൂർവം സഹായി​ച്ചു​കൊണ്ട്‌ യേശു​വി​ന്റെ അനുക​മ്പയെ പ്രതി​ഫ​ലി​പ്പി​ക്കാൻ സാധി​ക്കും. ഇതു​പോ​ലെ​യും മറ്റു വിധങ്ങ​ളി​ലും, നമു​ക്കേ​വർക്കും ‘സ്വന്തകു​ടും​ബ​ത്തിൽ ഭക്തി കാണി​ക്കാൻ’ കഴിയും.—1 തിമൊ. 5:4.

⁵ മറ്റുള്ള​വരെ സഹായി​ക്കുന്ന കാര്യ​ത്തിൽ നാം യേശു​വി​നെ അനുക​രി​ക്കു​മ്പോൾ, അവരുടെ പ്രശ്‌നങ്ങൾ ലഘൂക​രി​ക്കാ​നും നമ്മുടെ കുടും​ബ​ത്തി​ലെ​യും സഭയി​ലെ​യും അംഗങ്ങളെ തമ്മിൽ കൂടുതൽ അടുപ്പി​ക്കാ​നും നമുക്കു കഴി​ഞ്ഞേ​ക്കാം. എല്ലാറ്റി​നു​മു​പരി, ‘മനസ്സലി​വുള്ള പിതാ​വായ’ യഹോ​വയ്‌ക്കു നാം ബഹുമതി കരേറ്റു​ക​യും ചെയ്യുന്നു.—2 കൊരി. 1:3.