നിങ്ങളു​ടെ ദാനം ഒരു ത്യാഗ​മാ​ണോ?

സംഭാവനകൾ സംബന്ധിച്ച ഒരു സന്തുലിത വീക്ഷണം

ആലയത്തിൽ വെച്ച്‌ ജനങ്ങളെ അനേകം കാര്യങ്ങൾ പഠിപ്പിച്ച ശേഷം “യേശു ഭണ്ഡാര​പ്പെ​ട്ടി​കൾക്ക​രി​കെ ഇരുന്ന്‌ പുരു​ഷാ​രം ഭണ്ഡാര​പ്പെ​ട്ടി​ക​ളിൽ പണം ഇടുന്നത്‌ വീക്ഷി​ക്കാൻ തുടങ്ങി.” (മർക്കോസ്‌ 12:41) പിന്നെ നടന്നത്‌ പ്രസി​ദ്ധ​മായ വിധവ​യു​ടെ ചില്ലി​ക്കാ​ശി​ന്റെ കഥയാണ്‌. പക്ഷേ എന്തിനാണ്‌ യേശു അവിടെ ചെന്നി​രുന്ന്‌ ജനം വഴിപാ​ടർപ്പി​ക്കു​ന്നത്‌ നോക്കി നിന്നത്‌? തന്റെ ശിഷ്യൻമാ​രോട്‌ അവർ ദയാദാ​നങ്ങൾ കൊടു​ക്കു​മ്പോൾ അവരുടെ വലങ്കൈ ചെയ്യു​ന്നത്‌ ഇടങ്കൈ പോലും അറിയാ​നിട നൽകരു​തെന്ന്‌ യേശു തന്നെ പറഞ്ഞി​ട്ടി​ല്ലേ?—മത്തായി 6:3

ഇതിന്‌ മുൻപ്‌, യേശു “വിധവ​ക​ളു​ടെ വീടു​കളെ” വിഴു​ങ്ങി​ക്ക​ള​യാ​നാ​യി ഏതു നിഷ്‌ഠു​ര​മാർഗ്ഗ​ങ്ങ​ളും അവലം​ബി​ക്കുന്ന മതനേ​താ​ക്കൻമാ​രെ ശക്തമായി അപലപി​ക്കു​ക​യു​ണ്ടാ​യി. ഈ കപടഭക്തർ “ഒരു കഠിന ശിക്ഷാ​വി​ധി അനുഭ​വി​ക്കും” എന്ന്‌ അവൻ പറഞ്ഞു. (മർക്കോസ്‌ 12:40) ഒരു പാഠം പഠിപ്പി​ക്കു​ന്ന​തി​നാ​യി പിന്നീ​ടവൻ, ഭണ്ഡാര​ത്തി​ങ്കൽ ജനം എന്തു ചെയ്യുന്നു എന്നതി​ലേക്ക്‌ തന്റെ ശ്രദ്ധ തിരിച്ചു. ഇന്ന്‌, സഭാസം​ഘ​ട​ന​ക​ളു​മാ​യി ബന്ധപ്പെട്ട വമ്പിച്ച ധനത്തെ​ക്കു​റി​ച്ചും അത്തരം ധനത്തിന്റെ ദുരു​പ​യോ​ഗം, അതിന്റെ ഭാരവാ​ഹി​ക​ളു​ടെ ധൂർത്ത​മായ ജീവി​ത​രീ​തി എന്നിവ​യെ​ക്കു​റി​ച്ചും കേൾക്കു​മ്പോൾ യേശു​വിന്‌ പറയാ​നു​ണ്ടാ​യി​രു​ന്നത്‌ സൂക്ഷ്‌മ​ത​യോ​ടെ ശ്രദ്ധി​ക്കു​ന്നത്‌ വളരെ നന്നായി​രി​ക്കും. ദയവായി മർക്കോസ്‌ 12:41-44 വായി​ക്കുക.

ഭണ്ഡാര​പ്പെ​ട്ടി​കൾ

യേശു “ഭണ്ഡാര​പ്പെ​ട്ടി​കളെ കാൺകെ ഇരുന്നു” എന്ന്‌ വിവരണം പറയുന്നു. അത്‌ വ്യക്തമാ​യും ജനങ്ങൾക്ക്‌ തങ്ങളുടെ വഴിപാ​ടു​കൾ ഇടാൻ ഭിത്തി​ക​ളി​ലു​ട​നീ​ളം നിരവധി പെട്ടികൾ അല്ലെങ്കിൽ ഭണ്ഡാരങ്ങൾ വെച്ചി​രുന്ന സ്‌ത്രീ​ക​ളു​ടെ പ്രാകാ​ര​ത്തിൽ ആയിരു​ന്നു. ആകെ 13 പെട്ടികൾ ഉണ്ടായി​രു​ന്നു എന്നാണ്‌ യഹൂദ​പാ​ര​മ്പ​ര്യം നമ്മോടു പറയു​ന്നത്‌. എബ്രാ​യ​യിൽ അവയെ കാഹളങ്ങൾ എന്നാണ്‌ വിളി​ച്ചി​രു​ന്നത്‌, കാരണം ഒരു കാഹള​മ​ണി​യു​ടെ ആകൃതി​യിൽ അവയുടെ മുകളി​ലാ​യി ഒരു ചെറു​ദ്വാ​ര​മു​ണ്ടാ​യി​രു​ന്നു. ‘എന്തെങ്കി​ലും ഇടാതെ ആരും ആലയത്തി​ന​കത്ത്‌ പ്രവേ​ശി​ച്ചി​രു​ന്നില്ല’ എന്ന്‌ പറയ​പ്പെ​ടു​ന്നു.

ഫ്രഞ്ച്‌ പ്രൊ​ഫസർ എഡ്‌മണ്ഡ്‌ സ്‌ററാ​പ്‌ഫർ, ക്രിസ്‌തു​വി​ന്റെ കാലത്തെ പാലസ്‌തീൻ (1885) എന്ന തന്റെ ഗ്രന്ഥത്തിൽ ഈ ഭണ്ഡാര​പ്പെ​ട്ടി​ക​ളെ​ക്കു​റിച്ച്‌ ഒരുവി​ധം വിശദ​മായ ഒരു വിവരണം നൽകി​യി​ട്ടുണ്ട്‌. അദ്ദേഹ​ത്തി​ന്റെ വിവരണം അക്കാലത്തെ ജനങ്ങളു​ടെ മതജീ​വി​ത​ത്തി​ലേക്ക്‌ ഒരുൾക്കാഴ്‌ച നൽകു​ന്നുണ്ട്‌, പ്രത്യേ​കി​ച്ചും ആലയ​സേ​വ​ന​ത്തി​നാ​യുള്ള അവരുടെ സംഭാ​വ​ന​ക​ളോ​ടുള്ള ബന്ധത്തിൽ.

“ഓരോ പെട്ടി​യും, എബ്രായ ഭാഷയി​ലുള്ള ഒരു ആലേഖനം സൂചി​പ്പി​ച്ച​തു​പോ​ലെ ഓരോ വ്യത്യസ്‌ത ഉദ്ദേശ്യ​ത്തി​നു​ള്ള​താ​യി​രു​ന്നു. ആദ്യ​ത്തേ​തിൽ ഇങ്ങനെ ആലേഖനം ചെയ്‌തി​രു​ന്നു: പുതിയ ശേക്കൽ; അതായത്‌ നടപ്പ്‌ വർഷത്തെ ചെലവു​കൾക്കാ​യി നീക്കി​വെ​ച്ചി​രി​ക്കുന്ന ശേക്കൽ. രണ്ടാമ​ത്തേത്‌: പഴയ ശേക്കൽ; അതായത്‌ കഴിഞ്ഞ വർഷത്തെ ചെലവു​കൾക്കാ​യി മാററി​വെ​ച്ചി​രി​ക്കുന്ന ശേക്കൽ. മൂന്നാ​മ​ത്തേത്‌: കുറു​പ്രാ​വും പ്രാവിൻ കുഞ്ഞും; ഈ പെട്ടി​യിൽ ഇട്ടിരുന്ന പണം രണ്ടു കുറു​പ്രാ​വി​നെ​യോ രണ്ട്‌ പ്രാക്കു​ഞ്ഞു​ങ്ങ​ളെ​യോ, ഒന്നിനെ ദഹനയാ​ഗ​മാ​യും മറേറ​തി​നെ പാപയാ​ഗ​മാ​യും അർപ്പി​ക്കേ​ണ്ടി​യി​രു​ന്നവർ ഇടണമാ​യി​രുന്ന വിലയാ​യി​രു​ന്നു. നാലാ​മത്തെ പെട്ടി​യു​ടെ മേലെ ഇങ്ങനെ എഴുതി​യി​രു​ന്നു: ദഹനയാ​ഗങ്ങൾ; ഈ പണം ഇതര ദഹനയാ​ഗ​ങ്ങ​ളു​ടെ ചെലവു​കൾക്ക്‌ ഉതകി​യി​രു​ന്നു. അഞ്ചാമ​ത്തേ​തിന്‌ മരം എന്ന ആലേഖനം ഉണ്ടായി​രു​ന്നു, അതിൽ യാഗപീ​ഠ​ത്തി​ലേ​ക്കുള്ള വിറക്‌ വാങ്ങു​ന്ന​തിന്‌ വിശ്വ​സ്‌ത​രാ​യവർ നൽകി​യി​രുന്ന ദാനങ്ങൾ അടങ്ങി​യി​രു​ന്നു. ആറാമ​ത്തേത്‌: ധൂപം (ധൂപ വസ്‌തു​ക്കൾ വാങ്ങു​ന്ന​തി​നുള്ള പണം). ഏഴാമ​ത്തേത്‌ വിശു​ദ്ധ​മ​ന്ദി​ര​ത്തി​നു വേണ്ടി (കൃപാ​സ​ന​ത്തി​നു​വേ​ണ്ടി​യുള്ള പണം). ശേഷി​ക്കുന്ന ആറ്‌ പെട്ടി​കൾക്കും മേലെ ഈ എഴുത്ത്‌ ഉണ്ടായി​രു​ന്നു: സ്വമേ​ധയാ വഴിപാ​ടു​കൾ.”

ആദ്യത്തെ രണ്ടു പെട്ടി​ക​ളു​ടെ പേരു​ക​ളിൽ ആലയത്തി​ന്റെ അററകു​റ​റ​പ്പ​ണി​ക്കും, അവിടു​ത്തെ ആരാധ​നാ​ച്ച​ട​ങ്ങു​കൾക്കും മുഴു​ദേ​ശ​ത്തി​നും വേണ്ടി നടത്തി​യി​രുന്ന ദൈനം​ദിന യാഗങ്ങൾക്കും വേണ്ടി ഓരോ പ്രായ​പൂർത്തി​യായ പുരു​ഷ​പ്ര​ജ​യും നൽകേ​ണ്ടി​യി​രുന്ന അര ശേക്കൽ (ഗ്രീക്ക്‌ നാണയ​മ​നു​സ​രിച്ച്‌ രണ്ടു ദ്രഹ്മ) നികു​തി​യു​ടെ സൂചന​യുണ്ട്‌. ഈ നികുതി പ്രാ​ദേ​ശിക കൂട്ടങ്ങ​ളിൽ പിരി​ക്കു​ക​യും ആലയത്തി​ലേക്ക്‌ കൊണ്ടു​വ​രി​ക​യും ചെയ്‌തി​രു​ന്നു.—മത്തായി 17:24.

ജനം തങ്ങൾക്കാ​യി തന്നെ വിവിധ വഴിപാ​ടു​കൾ അർപ്പി​ക്കാൻ ന്യായ​പ്ര​മാ​ണം വ്യവസ്ഥ ചെയ്‌തി​രു​ന്നു. അതിൽ ചിലവ, ചെയ്‌തു​പോയ പാപങ്ങൾക്കും മററു ചിലവ ആചാര​കർമ്മ​ങ്ങൾക്കു വേണ്ടി​യും ഇനിയും ചിലവ അവരുടെ ഭക്തിയിൽ നിന്നും കൃതജ്ഞ​ത​യിൽ നിന്നും ഉള്ളവയും ആയിരു​ന്നു. “കുറു​പ്രാ​വും പ്രാവിൻകു​ഞ്ഞും”, എന്നും “ദഹനയാ​ഗങ്ങൾ” എന്നും രേഖ​പ്പെ​ടു​ത്തി​യി​രുന്ന പെട്ടികൾ ഈ ഉദ്ദേശാർത്ഥ​മു​ള്ള​വ​യാ​യി​രു​ന്നു. ആലയവും അതിന്റെ ശുശ്രൂ​ഷ​യും ആരാധ​നാ​ച്ച​ട​ങ്ങു​ക​ളും എന്ന ഗ്രന്ഥം ഇപ്രകാ​രം പറയുന്നു. “ദഹന-പാപ-യാഗങ്ങൾക്കാ​യി കുറു​പ്രാ​വു​കളെ കൊണ്ടു​വ​രേ​ണ്ടി​യി​രുന്ന സ്‌ത്രീ​കൾ അവക്ക്‌ തുല്യ​മായ തുക പണമായി കാഹളം III-ൽ നിക്ഷേ​പി​ച്ചി​രു​ന്നു. അത്‌ ദിവസേന പുറ​ത്തെ​ടുത്ത്‌ തത്തുല്യ എണ്ണം കുറു​പ്രാ​വു​കളെ വഴിപാ​ടാ​യി അർപ്പി​ച്ചി​രു​ന്നു.” ഇതു തന്നെയാ​യി​രു​ന്നു ശിശു​വാ​യി​രുന്ന യേശു​വി​ന്റെ മാതാ​പി​താ​ക്കൾ ചെയ്‌ത​തും.—ലൂക്കോസ്‌ 2:22-24; ലേവ്യ 12:6-8.

പിന്നെ, യാഗപീ​ഠ​ത്തിൽ ഉപയോ​ഗി​ച്ചി​രുന്ന മരത്തി​നും ധൂപവർഗ്ഗ​ത്തി​നു​മുള്ള വഴിപാ​ടു​ക​ളും സ്വമേ​ധയാ വഴിപാ​ടു​ക​ളും ഉണ്ടായി​രു​ന്നു. പ്രൊ​ഫസ്സർ സ്‌ററാ​പ്‌ഫർ പറയു​ന്ന​ത​നു​സ​രിച്ച്‌, “മരത്തി​നോ ധൂപത്തി​നോ ആരെങ്കി​ലും പണം കൊടു​ക്കു​ക​യാ​ണെ​ങ്കിൽ അതിന്‌ ഒരു കുറഞ്ഞ പരിധി ഉണ്ടായി​രു​ന്നു; അതിൽ കുറവ്‌ കൊടു​ക്കാൻ പാടി​ല്ലാ​യി​രു​ന്നു. ഏററവും കുറഞ്ഞത്‌ ഒരു പിടി ധൂപവർഗ്ഗ​മോ ഓരോ മുഴം വീതം നീളവും ആനുപാ​തി​ക​മായ വണ്ണവു​മു​ള്ള​തായ രണ്ടു മരത്തടി​യോ എങ്കിലും നൽകേ​ണ്ടത്‌ ആവശ്യ​മാ​യി​രു​ന്നു.”

ഇതിൽ നിന്നെ​ല്ലാം നാം എന്താണ്‌ പഠിക്കു​ന്നത്‌? സത്യാ​രാ​ധ​ന​യു​ടെ കേന്ദ്ര​മാ​യി​രുന്ന സമാഗ​മ​ന​കൂ​ടാ​ര​വും പിന്നീട്‌ യരൂശ​ലേ​മി​ലെ ആലയവും കാത്തു സൂക്ഷി​ക്കു​ന്ന​തിൽ യിസ്രാ​യേ​ല്യർക്ക്‌ അനവധി ഉത്തരവാ​ദി​ത്തങ്ങൾ ഉണ്ടായി​രു​ന്നു​വെ​ന്നത്‌ സുവ്യ​ക്ത​മാണ്‌. യാഗങ്ങ​ളും വഴിപാ​ടു​ക​ളും അവരുടെ ആരാധ​ന​യു​ടെ ഒരു അവിഭാ​ജ്യ​ഘ​ട​ക​മാ​യി​രു​ന്നു. വാസ്‌ത​വ​ത്തിൽ, “ആരും യഹോ​വ​യു​ടെ മുമ്പാകെ വെറും കൈയാ​യി വരരുത്‌” എന്ന്‌ ന്യായ​പ്ര​മാ​ണം കൽപ്പി​ച്ചി​രു​ന്നു. (ആവർത്തനം 16:16) എന്നാൽ ഈ കടമകൾ സംബന്ധിച്ച അവരുടെ വീക്ഷണം എന്തായി​രു​ന്നു?

വ്യത്യസ്‌ത വീക്ഷണങ്ങൾ

മോ​ശെ​യു​ടെ​യും ദാവീ​ദി​ന്റെ​യും കാലത്തും പിൽക്കാ​ലത്ത്‌ യെഹോ​വാ​ശി​ന്റെ​യും യോശി​യാ​വി​ന്റെ​യും വാഴ്‌ച​ക്കാ​ല​ത്തും ജനം ഏററവും ദാന​പ്രി​യ​രും ഉദാര​മ​തി​ക​ളും ആയിരു​ന്നു​വെന്ന്‌ ബൈബിൾ രേഖ പ്രകട​മാ​ക്കു​ന്നു. (പുറപ്പാട്‌ 36:3-7; 1 ദിനവൃ​ത്താ​ന്തം 29:1-9; 2 ദിനവൃ​ത്താ​ന്തം 24:4-14; 34:9,10) യഹോ​വ​യു​ടെ ഭവനം നിർമ്മി​ക്കു​ന്ന​തി​ലും അതു കാത്തു സൂക്ഷി​ക്കു​ക​യും അതോ​ടൊ​പ്പം സത്യാ​രാ​ധ​നയെ പുരോ​ഗ​മി​പ്പി​ക്കു​ക​യും ചെയ്യു​ന്ന​തി​ലും ഒരു പങ്കുണ്ടാ​യി​രി​ക്കു​ന്നത്‌ അവർക്ക്‌ സന്തോ​ഷ​മാ​യി​രു​ന്നു. “‘യഹോ​വ​യു​ടെ ഭവനത്തി​ലേക്ക്‌ നമുക്ക്‌ പോകാം’ എന്നവർ എന്നോട്‌ പറഞ്ഞ​പ്പോൾ ഞാൻ സന്തോ​ഷി​ച്ചു” എന്നു പറഞ്ഞ​പ്പോ​ഴത്തെ ദാവീ​ദി​ന്റെ വാക്കു​ക​ളിൽ അവരുടെ വികാരം വ്യക്തമാ​യി പ്രകടി​പ്പി​ക്ക​പ്പെ​ട്ടി​രി​ക്കു​ന്നു.—സങ്കീർത്തനം 122:1.

എന്നിരു​ന്നാ​ലും, ഈ ഉദാര​മായ ആത്മാവ്‌ എല്ലാവർക്കും ഉണ്ടായി​രു​ന്നില്ല. ഉദാഹ​ര​ണ​ത്തിന്‌, മലാഖി​യു​ടെ കാലത്ത്‌ പുരോ​ഹി​തൻമാർ യഹോ​വക്ക്‌ “കടിച്ചു കീറി​യ​തി​നെ​യും മുടന്തു​ള്ള​തി​നേ​യും ദീനമു​ള്ള​തി​നെ​യും” വഴിപാട്‌ നൽകി​യി​രു​ന്ന​താ​യി നാം വായി​ക്കു​ന്നു. തങ്ങളുടെ സേവന​പ​ദ​വി​യിൽ സന്തോ​ഷി​ക്കു​ന്ന​തിന്‌ പകരം അവർ ഇങ്ങനെ പറഞ്ഞു: “നോക്കൂ! എന്തോരു തളർച്ച!—മലാഖി 1:13.

സമാന​മാ​യി യേശു​വി​ന്റെ കാലത്ത്‌ ചിലർ തങ്ങളുടെ സ്വന്ത താൽപ്പ​ര്യ​ങ്ങൾ പുരോ​ഗ​മി​പ്പി​ക്കു​ന്ന​തിന്‌ സാഹച​ര്യ​ത്തെ മുത​ലെ​ടു​ത്തു. ആലയത്തി​ലു​ണ്ടാ​യി​രുന്ന കുപ്ര​സി​ദ്ധ​രായ നാണയ​വാ​ണി​ഭ​ക്കാർ അവിടെ ആയിരു​ന്നത്‌ കേവലം നാണ്യ​വി​നി​മ​യ​ത്തിന്‌ മാത്രം ആയിരു​ന്നില്ല. പ്രത്യുത, എബ്രായ ശേക്കെൽ മാത്രമെ വഴിപാ​ടു​ക​ളാ​യി സ്വീക​രി​ക്ക​പ്പെ​ടു​മാ​യി​രു​ന്നു​ള്ളു എന്നും റോമൻ അല്ലെങ്കിൽ ഗ്രീക്ക്‌ നാണയ​വു​മാ​യി വരുന്നവർ അതു മാറേ​റ​ണ്ടി​യി​രു​ന്നു എന്നുമുള്ള വസ്‌തുത നിമി​ത്ത​മാണ്‌ ഇവർ മുതൽ മുടക്കി​യി​രു​ന്നത്‌. യഹൂദ​ച​രി​ത്രം സംബന്ധിച്ച്‌ പ്രാമാ​ണി​ക​നായ ആൽഫ്രഡ്‌ ഈഡർഷീം പറയു​ന്ന​ത​നു​സ​രിച്ച്‌, “ഓരോ പകുതി ശേക്കലി​നും ഒരു വെള്ളി മീ, അല്ലെങ്കിൽ ഒരു ദിനാ​റി​ന്റെ (അഥവാ ദിനേ​റി​യസ്‌, ഒരു തൊഴി​ലാ​ളി​യു​ടെ ഒരു ദിവസത്തെ കൂലി) നാലി​ലൊന്ന്‌ ഈടാ​ക്കാൻ ബാങ്കുകൾ അനുവ​ദി​ക്ക​പ്പെ​ട്ടി​രു​ന്നു.” ഇതു ശരിയാ​ണെ​ങ്കിൽ, എത്ര ആദായ​ക​ര​മായ കച്ചവടം ആയി ഇതു മാറി​യെ​ന്നും ഈ വാണി​ഭ​ക്കാ​രെ യേശു പുറത്താ​ക്കി​യ​പ്പോൾ മതനേ​താ​ക്കൻമാർ കോപം കൊണ്ട്‌ ജ്വലി​ച്ച​തെ​ന്തു​കൊ​ണ്ടെ​ന്നും മനസ്സി​ലാ​ക്കാൻ വിഷമ​മില്ല.

“അവളുടെ ഇല്ലായ്‌മ​യിൽ നിന്നും”

ഇതെല്ലാം, ഒരു സാധു​വി​ധ​വ​യു​ടെ ചെറിയ സംഭാ​വ​ന​യെ​ക്കു​റി​ച്ചുള്ള യേശു​വി​ന്റെ ദൃഷ്ടാ​ന്തത്തെ ദൃഢീ​ക​രി​ക്കുക മാത്രം ചെയ്യുന്നു. അവൾ നിസ്സം​ശ​യ​മാ​യും “സ്വമേ​ധയാ വഴിപാ​ടു​കൾ” എന്നു എഴുതി​യി​രുന്ന പെട്ടികൾ ഒന്നിലാ​യി​രു​ന്നു തന്റെ സംഭാ​വ​ന​യി​ട്ടത്‌. ഒരു വിധവ​യാ​യ​തി​നാൽ അവൾ തലവരി നികുതി കൊടു​ക്കേ​ണ്ട​തി​ല്ലാ​യി​രു​ന്നു. അവളുടെ പരിമി​ത​മായ ശേഷി നിമിത്തം ദഹനയാ​ഗ​ങ്ങൾക്കോ, ധൂപം മുതലായ വഴിപാ​ടു​കൾക്കോ പര്യാ​പ്‌ത​മായ ഏററവും കുറഞ്ഞ ചെലവു​കൾ വഹിക്കാൻ ഒരു പക്ഷേ അവൾക്ക്‌ സാധി​ക്കു​ക​യി​ല്ലാ​യി​രു​ന്നി​രി​ക്കും. എന്നാലും, യഹോ​വ​യോ​ടുള്ള തന്റെ സ്‌നേഹം പ്രകടി​പ്പി​ക്കാൻ എന്തെങ്കി​ലും ഒന്നു ചെയ്യാൻ അവൾ ആഗ്രഹി​ച്ചു. മററു​ള്ള​വ​രാൽ തഴയ​പ്പെ​ടു​ന്ന​തി​നോ ഇതൊക്കെ ‘അതിനു പ്രാപ്‌തി​യുള്ള’വർക്ക്‌ വിടു​ന്ന​തി​നോ അവളാ​ഗ്ര​ഹി​ച്ചില്ല. യേശു ഇങ്ങനെ പറഞ്ഞു: “ഇവൾ, തന്റെ ഇല്ലായ്‌മ​യിൽ നിന്നും, തനിക്കു​ള്ള​തൊ​ക്കെ​യും തന്റെ ഉപജീ​വനം മുഴു​വ​നും ഇട്ടു.”—മർക്കോസ്‌ 12:44.

ഈ വിവര​ണ​ത്തിൽ നിന്ന്‌ നമുക്ക്‌ പഠിക്കാൻ കഴിയുന്ന ധാരാളം വില​യേ​റിയ പാഠങ്ങൾ ഉണ്ട്‌. അതിൽ ഒരുപക്ഷേ നമ്മുടെ ഭൗതി​ക​സ്വ​ത്തു​ക്കൾകൊണ്ട്‌ സത്യാ​രാ​ധ​നക്കു പിൻതുണ നൽകാ​മെ​ന്നി​രി​ക്കെ, ഏററവും പ്രധാനം അഥവാ ദൈവ​ദൃ​ഷ്‌ടി​യിൽ യഥാർത്ഥ​ത്തിൽ മൂല്യ​മു​ള്ളത്‌, കൈയിൽ നിന്നും പോയാ​ലും നമുക്ക്‌ നഷ്ടം ഒന്നും തോന്നാത്ത എന്തെങ്കി​ലും നൽകു​ന്നതല്ല, പ്രത്യുത നമുക്ക്‌ വില​യേ​റിയ എന്തെങ്കി​ലും നൽകു​ന്ന​താണ്‌. മററു​വാ​ക്കു​ക​ളിൽ പറഞ്ഞാൽ നമുക്ക്‌ ഒരു നഷ്ടവു​മി​ല്ലാത്ത എന്തെങ്കി​ലു​മാ​ണോ നാം ദാനം ചെയ്യു​ന്നത്‌? അതോ നിങ്ങളു​ടെ ദാനം ഒരു യഥാർത്ഥ ത്യാഗ​മാ​ണോ?

സത്യാ​രാ​ധ​നയെ ഇന്നു പുരോ​ഗ​മി​പ്പി​ക്കു​ന്നു

ഇന്ന്‌ യഹോ​വ​യു​ടെ സാക്ഷികൾ “രാജ്യ​ത്തി​ന്റെ ഈ സുവാർത്ത . . . നിവസി​ത​ഭൂ​മി​യി​ലെ​ല്ലാ​ട​വും” തീക്ഷ്‌ണ​ത​യോ​ടെ പ്രസം​ഗി​ച്ചു​കൊണ്ട്‌ സത്യാ​രാ​ധ​നയെ പുരോ​ഗ​മി​പ്പി​ക്കു​ന്നു. (മത്തായി 24:14) ഈ ആഗോള ധർമ്മം നിറ​വേ​റ​റു​ന്ന​തിന്‌ സമർപ്പിത പ്രയത്‌ന​വും, സമയവും ഊർജ്ജ​വും മാത്രം മതിയാ​യി​രി​ക്കു​ന്നില്ല, ഗണ്യമായ പണവ്യ​യ​വും ആവശ്യ​മാണ്‌. 1987-ലെ യഹോ​വ​യു​ടെ സാക്ഷി​ക​ളു​ടെ വാർഷി​ക​പ്പു​സ്‌തകം റിപ്പോർട്ട്‌ ചെയ്യു​ന്ന​ത​നു​സ​രിച്ച്‌, “1986-ൽ 2,762 മിഷന​റി​മാ​രെ​യും 13,351 പ്രത്യേക പയനി​യർമാ​രെ​യും ലോക​ത്തി​ലെ 3,353 സർക്കി​ട്ടു​കൾക്കും ഡിസ്‌ട്രി​ക്‌റ​റു​കൾക്കും വേണ്ടി​യുള്ള മേൽവി​ചാ​ര​ക​രെ​യും അവരുടെ ഭാര്യ​മാ​രെ​യും സാമ്പത്തി​ക​മാ​യി സഹായി​ക്കു​ന്ന​തിന്‌ ആകെ 2,35,45,801.70 ഡോളർ ചെലവ​ഴി​ക്കു​ക​യു​ണ്ടാ​യി.” ഇത്‌ “വസ്‌തു​വ​ക​ക​ളു​ടെ വാങ്ങൽ, നിർമ്മാ​ണം, നവീക​രണം; ഹെഡ്‌ക്വാർട്ടേ​ഴ്‌സി​ലും സൊ​സൈ​റ​റി​യു​ടെ 93 ബ്രാഞ്ചു​ക​ളി​ലും ഫാക്ടറി​ക​ളി​ലും ഓഫീ​സു​ക​ളും സജ്ജീക​രി​ക്കുക; ബെഥേൽ കുടും​ബ​ങ്ങ​ളിൽ സേവി​ക്കുന്ന 8,920 സ്വമേ​ധ​യാ​സേ​വ​ക​രു​ടെ ഭൗതിക ആവശ്യങ്ങൾ പ്രദാനം ചെയ്യുക എന്നിവ​ക്കാ​യുള്ള ഭീമമായ ചെലവി​നു” പുറമേ ആണ്‌.

‘ഈ പണമൊ​ക്കെ എവിടെ നിന്നാണ്‌ വരുന്നത്‌?’ പലപ്പോ​ഴും ചോദി​ക്ക​പ്പെ​ടുന്ന ഒരു ചോദ്യ​മാ​ണിത്‌. ക്രൈ​സ്‌തവ ലോക​ത്തി​ലെ സഭകളിൽ നിന്നും വിഭി​ന്ന​മാ​യി, യഹോ​വ​യു​ടെ സാക്ഷികൾ പണപ്പി​രിവ്‌ നടത്തു​ക​യോ സംഭാ​വ​നകൾ അഭ്യർത്ഥി​ച്ചു​കൊണ്ട്‌ കവറുകൾ അയക്കു​ക​യോ ചെയ്യാ​റില്ല. പകരം, അവരുടെ രാജ്യ​ഹോ​ളു​ക​ളിൽ സംഭാ​വ​ന​പ്പെ​ട്ടി​കൾ—ബൈബിൾ കാലങ്ങ​ളി​ലെ ഭണ്ഡാര​പ്പെ​ട്ടി​കൾ പോലെ—സ്ഥാപി​ച്ചി​ട്ടുണ്ട്‌. ചില സന്ദർഭ​ങ്ങ​ളിൽ രാജ്യ​ഹോ​ളു​ക​ളു​ടെ​യോ സമ്മേളന ഹോളു​ക​ളു​ടെ​യോ നിർമ്മാ​ണ​ത്തി​നോ തങ്ങളുടെ സ്വന്ത നാട്ടിലെ കൺ​വെൻ​ഷന്‌ സംബന്ധി​ക്കു​ന്ന​തിന്‌ മിഷന​റി​മാ​രെ സഹായി​ക്കു​ന്ന​തി​നോ പോ​ലെ​യുള്ള പ്രത്യേക ഉദ്ദേശ​ങ്ങൾക്കാ​യി മററു സംഭാ​വ​ന​പ്പെ​ട്ടി​കൾ സ്ഥാപി​ച്ചേ​ക്കാം. കൂടാതെ പ്രസം​ഗ​വേല ലോക​വ്യാ​പ​ക​മാ​യി പുരോ​ഗ​മി​പ്പി​ക്കു​ന്ന​തിന്‌ സംഭാ​വ​നകൾ നേരിട്ട്‌ 25 കൊളം​ബിയ ഹൈറ​റ്‌സ്‌, ബ്രൂക്ലിൻ, ന്യൂ​യോർക്ക്‌ 11201-ലുള്ള വാച്ച്‌റ​റവർ സൊ​സൈ​റ​റി​ക്കോ നിങ്ങളു​ടെ രാജ്യ​ത്തുള്ള സൊ​സൈ​റ​റി​യു​ടെ ഏതെങ്കി​ലും ബ്രാഞ്ച്‌ ഓഫീ​സി​ലേ​ക്കോ അയക്കാ​വു​ന്ന​താണ്‌.

സംഭാ​വ​ന​കൾ നൽകുന്ന ഈ അനേക വ്യത്യസ്‌ത മാർഗ്ഗ​ങ്ങളെ നിങ്ങൾ എങ്ങനെ വീക്ഷി​ക്കു​ന്നു? നിങ്ങൾ മലാഖി​യു​ടെ നാളി​ലു​ണ്ടാ​യി​രുന്ന ചില​രെ​പ്പോ​ലെ അതിനെ ഒരു തളർത്തുന്ന ഭാരമാ​യി വീക്ഷി​ച്ചു​കൊണ്ട്‌ ഹൃദയ​ത്തിൽ ഇങ്ങനെ പറയു​ന്ന​വ​രാ​യി​രി​ക്കു​മോ: “നോക്കൂ! എന്തോരു തളർച്ച!”? അതോ നിങ്ങൾ ആ “സാധു വിധവ”യെപ്പോ​ലെ, സത്യാ​രാ​ധ​ന​യോ​ടുള്ള നിങ്ങളു​ടെ തീക്ഷ്‌ണ​ത​യും പരിഗ​ണ​ന​യും പ്രകട​മാ​ക്കു​ന്ന​തി​നും നിങ്ങളു​ടെ വില​യേ​റിയ വസ്‌തു​ക്കൾകൊണ്ട്‌ യഹോ​വയെ ബഹുമാ​നി​ക്കു​ന്ന​തി​നും ഉള്ള അവസര​മാ​യി വീക്ഷി​ക്കു​മോ? പ്രസക്ത​മായ ഈ ചോദ്യം വിസ്‌മ​രി​ക്കാ​തി​രി​ക്കുക: നിങ്ങളു​ടെ ദാനം ഒരു ത്യാഗ​മാ​ണോ?

“‘ഞാൻ നിങ്ങൾക്ക്‌ ആകാശ​ത്തി​ന്റെ കിളി​വാ​തി​ലു​കളെ തുറന്ന്‌, ഇനി മുട്ട്‌ ഇല്ലാതെ വരു​വോ​ളം നിങ്ങളു​ടെ​മേൽ ഒരനു​ഗ്രഹം ചൊരി​യു​ക​യി​ല്ല​യോ എന്ന്‌ ഇതിൽ എന്നെ ദയവായി പരീക്ഷി​പ്പിൻ’ എന്ന്‌ യഹോവ അരുളി​ച്ചെ​യ്‌തി​രി​ക്കു​ന്നു.” (മലാഖി 3:10) യഹോ​വ​യു​ടെ ജനത്തിൻ മദ്ധ്യേ​യുള്ള ആത്‌മീയ സമൃദ്ധി​യും ലോക​വ്യാ​പക വികസ​ന​വും യഹോവ ഇപ്പോൾ തന്നെ അപ്രകാ​രം ചെയ്‌തു​കൊ​ണ്ടി​രി​ക്കു​ന്നു എന്ന്‌ തെളി​യി​ക്കു​ന്നു. യഹോ​വക്ക്‌ യഥാർത്ഥ​ത്തിൽ ത്യാഗ​മാ​യി​രി​ക്കുന്ന ഒരു ദാനം നൽകി​ക്കൊ​ണ്ടി​രി​ക്കു​ന്ന​തിൽ നമുക്ക്‌ തുടരാം. (w87 12/15)

[28-ാം പേജിലെ ചതുരം]

ചിലർ രാജ്യ​വേ​ലക്ക്‌ സംഭാവന ചെയ്യുന്ന വിധം

◻ ദാനങ്ങൾ: പണമാ​യി​ട്ടുള്ള സ്വമേ​ധയാ സംഭാ​വ​നകൾ നേരിട്ട്‌ വാച്ച്‌റ​റവർ ബൈബിൾ ആൻറ്‌ ട്രാക്‌ററ്‌ സൊ​സൈ​ററി ഓഫ്‌ പെൻസിൽവാ​നിയ, 25 കൊളം​ബിയ ഹൈറ​റ്‌സ്‌, ബ്രൂക്ലിൻ, ന്യൂ​യോർക്ക്‌ 11201-ലേക്കോ അല്ലെങ്കിൽ സൊ​സൈ​റ​റി​യു​ടെ പ്രാ​ദേ​ശിക ബ്രാഞ്ച്‌ ഓഫീ​സി​ലേ​ക്കോ അയക്കാ​വു​ന്ന​താണ്‌. സ്ഥാവര​സ്വത്ത്‌ പോ​ലെ​യുള്ള വസ്‌തു​വ​ക​യോ, അതു​പോ​ലെ തന്നെ ആഭരണ​മോ മററു വില​യേ​റിയ വസ്‌തു​ക്ക​ളോ സംഭാവന ചെയ്യാൻ കഴിയും. ഈ സംഭാ​വ​ന​ക​ളോ​ടൊ​പ്പം ഇവ നിരു​പാ​ധി​ക​മു​ള്ള​താ​ണെന്ന്‌ വ്യക്തമാ​ക്കുന്ന ഒരു ലഘു കുറി​പ്പും അയക്കേ​ണ്ട​താണ്‌.

◻ സോപാ​ധിക-സംഭാവന ക്രമീ​ക​രണം: വ്യക്തി​പ​ര​മായ ആവശ്യ​മു​ണ്ടാ​കുന്ന പക്ഷം ദാതാ​വിന്‌ മടക്കി​ക്കൊ​ടു​ക്കണം എന്ന വ്യവസ്ഥ​യിൽ വാച്ച്‌ടവർ സൊ​സൈ​റ​റി​യെ ഒരു ട്രസ്‌റ​റാ​യി പണം ഏൽപ്പി​ക്കാൻ കഴിയും.

◻ ഇൻഷൂ​റൻസ്‌: ഒരു ലൈഫ്‌-ഇൻഷൂ​റൻസ്‌ പോളി​സി​യു​ടെ​യോ റിട്ടയർമെൻറ്‌/പെൻഷൻ പദ്ധതി​യു​ടെ​യോ ഗുണ​ഭോ​ക്താ​വാ​യിട്ട്‌ വാച്ച്‌റ​റവർ സൊ​സൈ​റ​റി​യു​ടെ പേര്‌ നൽകാൻ കഴിയും. അങ്ങനെ​യുള്ള ക്രമീ​ക​ര​ണ​ങ്ങ​ളു​ണ്ടെ​ങ്കിൽ ആ വിവരം സൊ​സൈ​റ​റി​യെ അറിയി​ച്ചി​രി​ക്കണം.

◻ ട്രസ്‌ററ്‌: ബാങ്ക്‌ സമ്പാദ്യ അക്കൗണ്ടു​കൾ സൊ​സൈ​റ​റിക്ക്‌ ഒരു ട്രസ്‌ററ ആയി ക്രമീ​ക​രി​ക്കാൻ കഴിയും. ഇങ്ങനെ ചെയ്യു​ക​യാ​ണെ​ങ്കിൽ ദയവായി വിവരം സൊ​സൈ​റ​റി​യെ അറിയി​ക്കുക. ഓഹരി​കൾ, ബോണ്ടു​കൾ, വസ്‌തു​വക മുതലാ​യവ ദാതാ​വി​ന്റെ ജീവി​ത​കാ​ലത്ത്‌ അനുഭ​വ​യോ​ഗ്യ​മാ​യി​രി​ക്ക​ത്ത​ക്കവി​ധ​ത്തിൽ സംഭാവന ചെയ്യാൻ കഴിയും. ഈ ക്രമീ​ക​രണം വിൽപ്പ​ത്ര​ത്തി​ന്റെ നിയമ​സാ​ധുത തെളി​യി​ക്കു​ന്ന​തി​നോട്‌ ബന്ധപ്പെട്ട ചെലവും അനിശ്ചി​ത​ത്വ​വും ഒഴിവാ​ക്കു​ന്നു, അതേ സമയം മരണ​ശേഷം വസ്‌തു സൊ​സൈ​റ​റിക്ക്‌ ലഭിക്കു​മെന്ന്‌ ഉറപ്പു​വ​രു​ത്തു​ക​യും ചെയ്യും.

◻ വിൽപ്പ​ത്രങ്ങൾ: വസ്‌തു​വ​ക​യോ പണമോ ഒരു നിയമാ​നു​സൃത വിൽപ്പ​ത്രം മുഖേന മരണാ​നന്തര അവകാ​ശ​മാ​യി വാച്ച്‌റ​റവർ സൊ​സൈ​റ​റിക്ക്‌ നൽകാ​വു​ന്ന​താണ്‌. സൊ​സൈ​റ​റിക്ക്‌ അതിന്റെ ഒരു പകർപ്പ്‌ നൽകേ​ണ്ട​താണ്‌.

ഈ കാര്യങ്ങൾ സംബന്ധിച്ച്‌ കൂടുതൽ വിവര​ങ്ങൾക്കും ഉപദേ​ശ​ത്തി​നും, ട്രഷറ​റു​ടെ ഓഫീസ്‌, വാച്ച്‌റ​റവർ ബൈബിൾ ആൻറ്‌ ട്രാക്‌ററ്‌ സൊ​സൈ​ററി ഓഫ്‌ പെൻസിൽവാ​നിയ, 25 കൊളം​ബിയ ഹൈറ​റ്‌സ്‌, ബ്രൂക്ലിൻ, ന്യൂ​യോർക്ക്‌ 11201 എന്ന വിലാ​സ​ത്തി​ലോ സൊ​സൈ​റ​റി​യു​ടെ പ്രാ​ദേ​ശിക ബ്രാഞ്ച്‌ ഓഫീ​സി​ലേ​ക്കൊ എഴുതുക.