“നിയമ​വും പ്രവാ​ച​ക​വ​ച​ന​ങ്ങ​ളും യോഹ​ന്നാൻ വരെയാ​യി​രു​ന്നു. യോഹ​ന്നാ​ന്റെ കാലം​മു​തൽ ദൈവ​രാ​ജ്യ​ത്തെ​ക്കു​റി​ച്ചുള്ള കാര്യങ്ങൾ ഒരു സന്തോ​ഷ​വാർത്ത​യാ​യി പ്രസം​ഗി​ച്ചു​വ​രു​ന്നു. എല്ലാ തരം ആളുക​ളും അങ്ങോട്ടു കടക്കാൻ കഠിന​ശ്രമം ചെയ്യുന്നു. ആകാശ​വും ഭൂമി​യും നീങ്ങി​പ്പോ​യാ​ലും നിയമ​ത്തി​ലെ ഒരു വള്ളിയോ പുള്ളി​യോ നിറ​വേ​റാ​തെ​പോ​കില്ല.” (ലൂക്കോസ്‌ 3:18; 16:16, 17) മാറ്റം സംഭവി​ക്കു​മെന്ന്‌ യേശു​വി​ന്റെ ഈ വാക്കുകൾ കാണി​ക്കു​ന്നത്‌ എങ്ങനെ?

മോശ​യു​ടെ നിയമം നിറ​വേ​റാ​തെ പോയില്ല. ജൂതന്മാ​രെ അത്‌ മിശി​ഹ​യി​ലേക്ക്‌ നയിച്ചു. എന്നാൽ താമസി​യാ​തെ അത്‌ അനുസ​രി​ക്കാ​നുള്ള കടപ്പാട്‌ അവസാ​നി​ക്കും. ഉദാഹ​ര​ണ​ത്തിന്‌, പല കാരണങ്ങൾ പറഞ്ഞ്‌ വിവാ​ഹ​മോ​ചനം ചെയ്യാൻ മോശ​യു​ടെ നിയമം അനുവ​ദി​ച്ചി​രു​ന്നു. എന്നാൽ യേശു പറഞ്ഞത്‌ ഇങ്ങനെ​യാണ്‌: “ഭാര്യയെ വിവാ​ഹ​മോ​ചനം ചെയ്‌ത്‌ മറ്റൊരു സ്‌ത്രീ​യെ വിവാഹം കഴിക്കു​ന്നവൻ വ്യഭി​ചാ​രം ചെയ്യുന്നു. വിവാ​ഹ​മോ​ചി​തയെ വിവാഹം കഴിക്കു​ന്ന​വ​നും വ്യഭി​ചാ​രം ചെയ്യുന്നു.” (ലൂക്കോസ്‌ 16:18) തൊട്ട​തി​നും പിടി​ച്ച​തി​നും നിയമ​ത്തിൽ കടിച്ചു​തൂ​ങ്ങുന്ന പരീശ​ന്മാ​രെ യേശു​വി​ന്റെ ഈ പ്രസ്‌താ​വന എന്തുമാ​ത്രം പ്രകോ​പി​പ്പി​ച്ചി​രി​ക്കണം!