• യേശുവിനു പരിചിതമായിരുന്ന യെരൂശലേമും ആലയവും
    കാണ്മിൻ! ആ ‘നല്ല ദേശം’

    • യേശു ഇടയ്‌ക്കി​ടെ യെരൂ​ശ​ലേ​മിൽനിന്ന്‌ “ഏകദേശം മൂന്നു കിലോ​മീ​റ്റർ” കിഴക്ക്‌ തന്റെ സുഹൃ​ത്തു​ക്ക​ളായ ലാസറും മറിയ​യും മാർത്ത​യും താമസി​ച്ചി​രുന്ന ബേഥാന്യ സന്ദർശി​ച്ചി​രു​ന്നു. (യോഹ 11:1, 18 NW; വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം—റഫറൻസു​ക​ളോ​ടു കൂടി​യത്‌, (ഇംഗ്ലീഷ്‌) അടിക്കു​റിപ്പ്‌; 12:1-11; ലൂക്കൊ 10:38-42; 19:29; 18-ാം പേജിലെ “യെരൂ​ശ​ലേം പ്രദേശം” കാണുക.) തന്റെ മരണത്തിന്‌ ഏതാനും ദിവസം മുമ്പ്‌ യേശു ഒലീവ്‌ മലയിൽക്കൂ​ടി കടന്ന്‌ യെരൂ​ശ​ലേ​മി​നെ സമീപി​ച്ചു. പടിഞ്ഞാ​റുള്ള നഗരത്തെ നോക്കി അവൻ അതിനെ ചൊല്ലി കരയു​ന്നത്‌ നിങ്ങൾക്കു ഭാവന​യിൽ കാണാൻ കഴിയു​മോ? (ലൂക്കൊ 19:37-44) അടുത്ത പേജിന്റെ മുകളിൽ കാണു​ന്ന​തി​നു സമാന​മായ ഒരു വീക്ഷണ​മാ​യി​രു​ന്നി​രി​ക്കും യേശു​വി​നു ലഭിച്ചി​രി​ക്കുക. പിന്നെ അവൻ സാധ്യ​ത​യ​നു​സ​രിച്ച്‌ യെരൂ​ശ​ലേ​മി​ന്റെ കിഴക്കേ കവാട​ങ്ങ​ളി​ലൊ​ന്നി​ലൂ​ടെ കഴുത​ക്കു​ട്ടി​യു​ടെ പുറത്ത്‌ നഗരത്തി​ലേക്കു കടന്നു. പുരു​ഷാ​രം അവനെ ഇസ്രാ​യേ​ലി​ന്റെ ഭാവി രാജാ​വാ​യി വാഴ്‌ത്തി.—മത്താ 21:9-12.