ഇപ്പോൾ മരിച്ചി​രി​ക്കു​ന്ന ദ​ശ​ല​ക്ഷങ്ങൾ വീണ്ടും ജീവി​ക്കും

ഇപ്പോൾ മരിച്ചി​രി​ക്കുന്ന ദശലക്ഷങ്ങൾ വീണ്ടും ജീവി​ക്കും—ഹൃദ​യോ​ദ്ദീ​പ​ക​മായ എന്തോരു പ്രത്യാശ! എന്നാൽ അത്‌ വാസ്‌ത​വി​ക​മാ​ണോ? നിങ്ങൾക്ക്‌ ബോദ്ധ്യം വരുത്താൻ എന്താവ​ശ്യ​മാണ്‌? ഒരു വാഗ്‌ദാ​ന​ത്തിൽ വിശ്വ​സി​ക്കു​ന്ന​തിന്‌, വാഗ്‌ദാ​നം നൽകു​ന്ന​യാൾ അത്‌ നിവർത്തി​ക്കു​ന്ന​തിന്‌ മനസ്സൊ​രു​ക്ക​വും പ്രാപ്‌തി​യു​മു​ള്ള​യാ​ളാ​യി​രി​ക്ക​ണ​മെന്ന്‌ നിങ്ങൾക്ക്‌ ഉറപ്പു​ണ്ടാ​യി​രി​ക്കേ​ണ്ട​താണ്‌. ആ സ്ഥിതിക്ക്‌ ഇപ്പോൾ മരിച്ചി​രി​ക്കുന്ന ദശലക്ഷങ്ങൾ വീണ്ടും ജീവി​ക്കു​മെന്ന്‌ വാഗ്‌ദാ​നം​ചെ​യ്യു​ന്നത്‌ ആരാണ്‌?

ക്രി.വ. 31ന്റെ വസന്തത്തിൽ, മരിച്ച​വരെ പുനരു​ത്ഥാ​ന​പ്പെ​ടു​ത്താൻ താൻ യഹോ​വ​യാം ദൈവ​ത്താൽ അധികാ​ര​പ്പെ​ടു​ത്ത​പ്പെ​ട്ടി​രി​ക്കു​ക​യാ​ണെന്ന്‌ യേശു​ക്രി​സ്‌തു സധൈ​ര്യം പ്രസ്‌താ​വി​ച്ചു. യേശു ഇങ്ങനെ വാഗ്‌ദാ​നം​ചെ​യ്‌തു: “പിതാവ്‌ മരിച്ച​വരെ ഉയർപ്പി​ക്കു​ക​യും ജീവി​പ്പി​ക്കു​ക​യും ചെയ്യു​ന്ന​തു​പോ​ലെ, പുത്ര​നും താൻ ആഗ്രഹി​ക്കു​ന്ന​വരെ ജീവി​പ്പി​ക്കു​ന്നു. ഇതിങ്കൽ ആശ്ചര്യ​പ്പെ​ട​രുത്‌, എന്തു​കൊ​ണ്ടെ​ന്നാൽ സ്‌മാ​ര​ക​ക്ക​ല്ല​റ​ക​ളി​ലുള്ള എല്ലാവ​രും അവന്റെ [യേശു​വി​ന്റെ] ശബ്ദം കേൾക്കു​ക​യും പുറത്തു​വ​രി​ക​യും ചെയ്യുന്ന നാഴിക വരുന്നു.” (യോഹ​ന്നാൻ 5:21, 28, 29) അതെ, ഇപ്പോൾ മരിച്ചി​രി​ക്കുന്ന ദശലക്ഷങ്ങൾ ഈ ഭൂമി​യിൽ വീണ്ടും ജീവി​ക്കു​മെ​ന്നും അതിൽ എന്നേക്കും സ്ഥിതി​ചെ​യ്യാ​നുള്ള പ്രത്യാശ അവർക്കു​ണ്ടാ​യി​രി​ക്കു​മെ​ന്നും യേശു​ക്രി​സ്‌തു വാഗ്‌ദാ​നം ചെയ്യു​ക​യു​ണ്ടാ​യി. (യോഹ​ന്നാൻ 3:16; 17:3; സങ്കീർത്തനം 37:29-ഉം മത്തായി 5:5-ഉം താരത​മ്യം​ചെ​യ്യുക.) യേശു ഈ വാഗ്‌ദാ​നം നൽകി​യ​തു​കൊണ്ട്‌, അത്‌ നിവർത്തി​ക്കാ​നുള്ള സന്നദ്ധത തനിക്കു​ണ്ടെന്ന്‌ സങ്കൽപ്പി​ക്കു​ന്നത്‌ സുരക്ഷി​ത​മാണ്‌. എന്നാൽ അവന്‌ അതു ചെയ്യു​ന്ന​തി​നുള്ള പ്രാപ്‌തി​യു​ണ്ടോ?

ബൈബിൾരേ​ഖ​യ​നു​സ​രിച്ച്‌, യേശു ആ വാഗ്‌ദാ​നം നൽകിയ സമയം​വരെ അവൻ ആരെയും ഒരിക്ക​ലും ഉയർപ്പി​ച്ചി​രു​ന്നില്ല. എന്നാൽ രണ്ടിൽ കുറഞ്ഞ വർഷം കഴിഞ്ഞ്‌, താൻ പുനരു​ത്ഥാ​നം നിർവ​ഹി​ക്കാൻ സന്നദ്ധനും പ്രാപ്‌ത​നു​മാ​ണെന്ന്‌ അവൻ ശക്തമായ ഒരു വിധത്തിൽ പ്രകട​പ്പി​ച്ചു​കാ​ണി​ച്ചു.

“ലാസറേ, പുറത്തു​വ​രിക!”

അത്‌ വികാ​ര​നിർഭ​ര​മായ ഒരു രംഗമാ​യി​രു​ന്നു. ലാസറിന്‌ ഗുരു​ത​ര​മായ രോഗ​മാ​യി​രു​ന്നു. അവന്റെ രണ്ട്‌ സഹോ​ദ​രി​മാ​രായ മാർത്ത​യും മറിയ​യും യേശു​വിന്‌ ആളയച്ചു. അവൻ യോർദ്ദാൻ നദിക്ക​ക്ക​രെ​യാ​യി​രു​ന്നു: “കർത്താവേ, കണ്ടാലും! നിനക്ക്‌ പ്രിയ​മു​ണ്ടാ​യി​രു​ന്ന​വന്‌ രോഗ​മാണ്‌.” (യോഹ​ന്നാൻ 11:3) അതെ, യേശു​വിന്‌ ഈ കുടും​ബ​ത്തോട്‌ വളരെ​യ​ധി​കം സ്‌നേ​ഹ​മു​ണ്ടാ​യി​രു​ന്നു. ബേഥാ​ന്യ​യി​ലുള്ള അവരുടെ ഭവനത്തിൽ അവൻ ഒരുപക്ഷേ കൂടെ​ക്കൂ​ടെ ഒരു അതിഥി​യാ​യി​രു​ന്നു. (ലൂക്കോസ്‌ 10:38-42; ലൂക്കോസ്‌ 9:58 താരത​മ്യം​ചെ​യ്യുക.) എന്നാൽ ഇപ്പോൾ യേശു​വി​ന്റെ പ്രിയ​പ്പെട്ട സുഹൃത്ത്‌ വളരെ രോഗി​യാ​യി​രു​ന്നു.

എന്നാൽ യേശു എന്തു ചെയ്യാ​നാണ്‌ മാർത്ത​യും മറിയ​യും പ്രതീ​ക്ഷി​ച്ചത്‌? ബേഥാ​ന്യ​യി​ലേക്കു വരാൻ അവർ അവനോട്‌ അപേക്ഷി​ച്ചില്ല. എന്നാൽ യേശു​വിന്‌ ലാസറി​നോട്‌ സ്‌നേ​ഹ​മു​ണ്ടാ​യി​രു​ന്നു​വെന്ന്‌ അവർക്ക​റി​യാ​മാ​യി​രു​ന്നു. തന്റെ രോഗി​യായ സുഹൃ​ത്തി​നെ കാണാൻ യേശു ആഗ്രഹി​ക്കു​ക​യി​ല്ലേ? നിസ്സം​ശ​യ​മാ​യി യേശു അവനെ അത്ഭുത​ക​ര​മാ​യി സൗഖ്യ​മാ​ക്കു​മെന്ന്‌ അവർ പ്രത്യാ​ശി​ച്ചു. ഏതായാ​ലും, തന്റെ ശുശ്രൂ​ഷ​യിൽ ഈ സമയമാ​യ​പ്പോ​ഴേക്ക്‌ യേശു സൗഖ്യ​മാ​ക്ക​ലി​ന്റെ അനേകം അത്ഭുതങ്ങൾ പ്രവർത്തി​ച്ചി​രു​ന്നു. ദൂരം പോലും അവന്‌ ഒരു തടസ്സമാ​യി​രു​ന്നില്ല. (മത്തായി 8:5-13 താരത​മ്യം​ചെ​യ്യുക.) അങ്ങനെ​യുള്ള ഒരു പ്രിയ സുഹൃ​ത്തി​നു​വേണ്ടി അവൻ അതിൽ കുറഞ്ഞ എന്തെങ്കി​ലു​മാ​ണോ ചെയ്യുക? സത്വരം ബേഥാ​ന്യക്ക്‌ പുറ​പ്പെ​ടു​ന്ന​തി​നു പകരം, വിചി​ത്ര​മെ​ന്നോ​ണം, യേശു എവി​ടെ​യാ​യി​രു​ന്നോ അവിടെ അടുത്ത രണ്ടു ദിവസം തങ്ങി.—യോഹ​ന്നാൻ 11:5, 6.

സന്ദേശം അയക്കപ്പെട്ട ശേഷം കുറെ കഴിഞ്ഞ്‌ ലാസർ മരിച്ചു, ഒരുപക്ഷേ യേശു​വിന്‌ വാർത്ത കിട്ടിയ സമയമാ​യ​പ്പോ​ഴേക്ക്‌. (യോഹ​ന്നാൻ 11:3, 6, 17 താരത​മ്യം​ചെ​യ്യുക.) എന്നാൽ കൂടു​ത​ലായ സന്ദേശ​ത്തി​ന്റെ ആവശ്യ​മി​ല്ലാ​യി​രു​ന്നു. ലാസർ മരിച്ച​പ്പോൾ യേശു അതറിഞ്ഞു, അതുസം​ബ​ന്ധിച്ച്‌ എന്തെങ്കി​ലും ചെയ്യാൻ അവൻ ഉദ്ദേശി​ച്ചു. ലാസറി​ന്റെ മരണ​ത്തെ​ക്കു​റിച്ച്‌ സംസാ​രി​ച്ചു​കൊണ്ട്‌ അവൻ തന്റെ ശിഷ്യ​രോട്‌ ഇങ്ങനെ പറഞ്ഞു: “നമ്മുടെ സുഹൃ​ത്തായ ലാസർ വിശ്ര​മി​ക്കാൻ പോയി​രി​ക്കു​ക​യാണ്‌, എന്നാൽ അവനെ ഉറക്കത്തിൽനിന്ന്‌ ഉണർത്താൻ ഞാൻ അവി​ടേക്ക്‌ യാത്ര​ചെ​യ്യു​ക​യാണ്‌.” (യോഹ​ന്നാൻ 11:11) നേരത്തെ യേശു രണ്ടു പേരെ മരിച്ച​വ​രിൽനിന്ന്‌ ഉയർപ്പി​ച്ചി​രു​ന്നു, ഓരോ സന്ദർഭ​ത്തി​ലും വ്യക്തി മരിച്ച ശേഷം താമസി​യാ​തെ തന്നെ.a എന്നിരു​ന്നാ​ലും, ഈ പ്രാവ​ശ്യം വ്യത്യ​സ്‌ത​മാ​യി​രി​ക്കു​മാ​യി​രു​ന്നു. യേശു ഒടുവിൽ ബേഥാ​ന്യ​യിൽ മടങ്ങി​യെ​ത്തി​യ​പ്പോ​ഴേക്ക്‌ അവന്റെ പ്രിയ സുഹൃത്ത്‌ മരിച്ചിട്ട്‌ നാലു ദിവസ​മാ​യി​രു​ന്നു. (യോഹ​ന്നാൻ 11:17, 39) അത്ര ദീർഘ​മാ​യി മരിച്ചി​രു​ന്ന​തും ശരീരം ദ്രവി​ക്കാൻ തുടങ്ങി​യി​രു​ന്ന​തു​മായ ഒരാളെ യേശു​വിന്‌ ഉയർപ്പി​ക്കാൻ കഴിയു​മാ​യി​രു​ന്നോ?

യേശു വരുന്നു​ണ്ടെന്ന്‌ കേട്ടയു​ടനെ കർമ്മോൽസു​ക​യായ ഒരു സ്‌ത്രീ​യാ​യി​രുന്ന മാർത്ത അവനെ സ്വീക​രി​ക്കാൻ ഓടി​ച്ചെന്നു. (ലൂക്കോസ്‌ 10:38-42 താരത​മ്യ​പ്പെ​ടു​ത്തുക.) യേശു​വി​നെ കണ്ടയു​ടനെ, “കർത്താവേ, നീ ഇവി​ടെ​യു​ണ്ടാ​യി​രു​ന്നു​വെ​ങ്കിൽ എന്റെ സഹോ​ദരൻ മരിക്കു​ക​യി​ല്ലാ​യി​രു​ന്നു”വെന്ന്‌ പറയാൻ അവളുടെ ഹൃദയം അവളെ പ്രേരി​പ്പി​ച്ചു. അപ്പോ​ഴും, “നീ ദൈവ​ത്തോട്‌ എന്തെല്ലാം ചോദി​ച്ചാ​ലും ദൈവം നിനക്ക്‌ സാധി​ച്ചു​ത​രും എന്ന്‌ ഞാൻ അറിയു​ന്നു” എന്ന അവളുടെ വിശ്വാ​സം അവൾ പ്രകട​മാ​ക്കി. അവളുടെ ദുഃഖ​ത്തിൽ വികാ​ര​ത​ര​ളി​ത​നാ​യി “നിന്റെ സഹോ​ദരൻ എഴു​ന്നേൽക്കും” എന്ന്‌ യേശു അവൾക്ക്‌ ഉറപ്പു​കൊ​ടു​ത്തു. അവൾ ഒരു ഭാവി​പു​ന​രു​ത്ഥാ​ന​ത്തി​ലുള്ള തന്റെ വിശ്വാ​സം പ്രകട​മാ​ക്കി​യ​പ്പോൾ “ഞാൻ പുനരു​ത്ഥാ​ന​വും ജീവനു​മാ​കു​ന്നു. എന്നിൽ വിശ്വാ​സം പ്രകടി​പ്പി​ക്കു​ന്നവൻ, അവൻ മരിക്കു​ന്നു​വെ​ങ്കി​ലും, ജീവനി​ലേക്കു വരും” എന്ന്‌ യേശു അവളോട്‌ വ്യക്തമാ​യി പറഞ്ഞു.—യോഹ​ന്നാൻ 11:20-25.

കല്ലറക്കൽ എത്തിയ​പ്പോൾ അതിന്റെ വാതിൽ അടച്ചു​വെ​ച്ചി​രുന്ന കല്ല്‌ നീക്കാൻ യേശു നിർദ്ദേ​ശി​ച്ചു. ആദ്യം മാർത്ത തടസ്സം​പ​റഞ്ഞു: “കർത്താവേ, ഇപ്പോ​ഴേ​ക്കും അവന്‌ നാററം​വെ​ച്ചി​രി​ക്കണം, നാലു ദിവസ​മാ​യ​ല്ലോ.” എന്നാൽ “നീ വിശ്വ​സി​ക്കു​ന്നു​വെ​ങ്കിൽ നീ ദൈവ​ത്തി​ന്റെ മഹത്വം കാണും എന്നു ഞാൻ നിന്നോട്‌ പറഞ്ഞി​ല്ല​യോ?” എന്ന്‌ യേശു അവൾക്ക്‌ ഉറപ്പു​കൊ​ടു​ത്തു. അനന്തരം, ഉച്ചത്തിൽ പ്രാർത്ഥി​ച്ച​ശേഷം, “ലാസറേ, പുറത്തു​വ​രിക!” എന്ന്‌ അവൻ കല്‌പി​ച്ചു. യേശു​വി​ന്റെ കല്‌പ​ന​യി​ങ്കൽ ലാസർ പുറത്തു​വന്നു, അവൻ മരിച്ചിട്ട്‌ നാലു ദിവസ​മാ​യി​രു​ന്നി​ട്ടും!—യോഹ​ന്നാൻ 11:38-44.

അത്‌ യഥാർത്ഥ​ത്തിൽ സംഭവി​ച്ചോ?

ലാസറി​ന്റെ ഉയർപ്പി​ക്ക​ലി​നെ​ക്കു​റി​ച്ചുള്ള വിവരണം ഒരു ചരി​ത്ര​വ​സ്‌തു​ത​യാ​യി യോഹ​ന്നാ​ന്റെ സുവി​ശേ​ഷ​ത്തിൽ അവതരി​പ്പി​ക്ക​പ്പെ​ട്ടി​രി​ക്കു​ന്നു. അത്‌ വെറു​മൊ​രു രൂപക​മാ​യി​രി​ക്കാ​ത്ത​വണ്ണം വിശദാം​ശങ്ങൾ അത്ര ഉജ്ജ്വല​മാണ്‌. അതിന്റെ ചരി​ത്ര​സ​ത്യ​തയെ ചോദ്യം​ചെ​യ്യു​ന്നത്‌ ബൈബി​ളി​ലെ സകല അത്ഭുത​ങ്ങ​ളെ​യും ചോദ്യം​ചെ​യ്യ​ലാണ്‌, യേശു​ക്രി​സ്‌തു​വി​ന്റെ പുനരു​ത്ഥാ​ന​മുൾപ്പെടെ.b യേശു​വി​ന്റെ പുനരു​ത്ഥാ​നത്തെ നിഷേ​ധി​ക്കു​ന്നത്‌ ക്രിസ്‌തീ​യ​വി​ശ്വാ​സത്തെ മൊത്ത​ത്തിൽ നിഷേ​ധി​ക്കു​ന്ന​തു​ത​ന്നെ​യാണ്‌.—1 കൊരി​ന്ത്യർ 15:13-15.

യഥാർത്ഥ​ത്തിൽ, നിങ്ങൾ ദൈവ​ത്തി​ന്റെ അസ്‌തി​ത്വ​ത്തെ അംഗീ​ക​രി​ക്കു​ന്നു​വെ​ങ്കിൽ, പുനരു​ത്ഥാ​ന​ത്തിൽ വിശ്വാ​സം പ്രകട​മാ​ക്കു​ന്ന​തിൽ നിങ്ങൾക്ക്‌ പ്രശ്‌ന​മു​ണ്ടാ​യി​രി​ക്ക​യില്ല. ദൃഷ്ടാ​ന്തീ​ക​രി​ക്കു​ന്ന​തിന്‌: ഒരു വ്യക്തിക്ക്‌ തന്റെ അന്തിമ വിൽപ്പ​ത്ര​വും ഒസ്യത്തും വീഡി​യോ​റേ​റപ്പ്‌ ചെയ്യാൻ കഴിയും. അയാൾ മരിച്ച​ശേഷം, തന്റെ ഭൂസ്വത്ത്‌ എങ്ങനെ കൈകാ​ര്യം​ചെ​യ്യ​ണ​മെന്ന്‌ വിശദീ​ക​രി​ക്കു​മ്പോൾ, ഫലത്തിൽ, അയാളു​ടെ ബന്ധുക്കൾക്കും സുഹൃ​ത്തു​ക്കൾക്കും അയാളെ കേൾക്കാ​നും കാണാ​നും കഴിയും. ഒരു നൂറു​വർഷം മുമ്പ്‌ അങ്ങനെ​യൊ​രു സംഗതി അചിന്ത്യ​മാ​യി​രു​ന്നു. ഇപ്പോൾ ഭൂമി​യു​ടെ അതിവി​ദൂ​ര​ഭാ​ഗ​ങ്ങ​ളിൽ നിവസി​ക്കുന്ന ചിലയാ​ളു​കൾക്ക്‌ വീഡി​യോ​റെ​ക്കോ​ഡിം​ഗി​ന്റെ “അത്ഭുതം” ഗ്രഹി​ക്കാ​വു​ന്ന​തി​ന​തീ​ത​മാണ്‌. സ്രഷ്ടാ​വി​നാൽ സ്ഥാപി​ക്ക​പ്പെട്ട ശാസ്‌ത്രീയ തത്വങ്ങൾ അങ്ങനെ​യുള്ള ഒരു ദൃശ്യ, ശ്രാവ്യ രംഗം പുനരാ​വി​ഷ്‌ക്ക​രി​ക്കാൻ മനുഷ്യ​രാൽ ഉപയോ​ഗി​ക്ക​പ്പെ​ടാൻ കഴിയു​മെ​ങ്കിൽ വളരെ കൂടുതൽ ചെയ്യാൻ സ്രഷ്ടാവ്‌ പ്രാപ്‌ത​നാ​യി​രി​ക്കേ​ണ്ട​തല്ലേ? അപ്പോൾ, ജീവനെ സൃഷ്ടി​ച്ച​വന്‌, മരിച്ച​യാ​ളു​ടെ വ്യക്തി​ത്വം പുതു​താ​യി നിർമ്മി​ക്ക​പ്പെട്ട ഒരു ശരീര​ത്തിൽ പുനരു​ത്‌പാ​ദി​പ്പി​ച്ചു​കൊണ്ട്‌ അയാളെ പുനരു​ത്ഥാ​ന​പ്പെ​ടു​ത്താ​നുള്ള പ്രാപ്‌തി​യു​ണ്ടെ​ന്നു​ള്ളത്‌ ന്യായ​യു​ക്ത​മല്ലേ?

ലാസറി​ന്റെ ജീവനി​ലേ​ക്കുള്ള പുനഃ​സ്ഥാ​പനം യേശു​വി​ലും പുനരു​ത്ഥാ​ന​ത്തി​ലു​മുള്ള വിശ്വാ​സം വർദ്ധി​ക്കാൻ ഉതകി. (യോഹ​ന്നാൻ 11:41, 42; 12:9-11, 17-19) അത്‌ പുനരു​ത്ഥാ​നം നിർവ​ഹി​ക്കാ​നുള്ള യഹോ​വ​യു​ടെ​യും അവന്റെ പുത്ര​ന്റെ​യും സന്നദ്ധത​യെ​യും ഹൃദയ​സ്‌പർശി​യായ ഒരു വിധത്തിൽ വെളി​പ്പെ​ടു​ത്തു​ന്നു.

‘ദൈവ​ത്തിന്‌ ഒരു ആകാം​ക്ഷ​യു​ണ്ടാ​യി​രി​ക്കും’

ലാസറി​ന്റെ മരണ​ത്തോ​ടുള്ള യേശു​വി​ന്റെ പ്രതി​ക​രണം ദൈവ​പു​ത്രന്റെ വളരെ സ്‌നേ​ഹ​മ​സൃ​ണ​മായ ഒരു വശത്തെ വെളി​പ്പെ​ടു​ത്തു​ന്നു. ഈ അവസര​ത്തി​ലെ അവന്റെ അഗാധ​മായ വികാ​രങ്ങൾ മരിച്ച​വരെ പുനരു​ത്ഥാ​ന​പ്പെ​ടു​ത്താ​നുള്ള അവന്റെ ശക്തമായ ആഗ്രഹത്തെ വ്യക്തമാ​യി സൂചി​പ്പി​ക്കു​ന്നു. നാം ഇങ്ങനെ വായി​ക്കു​ന്നു: “മറിയ യേശു നിന്നി​രു​ന്ന​ടത്ത്‌ വന്നെത്തു​ക​യും അവനെ കാണു​ക​യും ചെയ്‌ത​പ്പോൾ അവന്റെ കാൽക്കൽ വീണു​കൊണ്ട്‌ അവനോ​ടു പറഞ്ഞു: ‘കർത്താവേ, നീ ഇവിടെ ഉണ്ടായി​രു​ന്നെ​ങ്കിൽ എന്റെ സഹോ​ദരൻ മരിക്കു​ക​യി​ല്ലാ​യി​രു​ന്നു.’ അതു​കൊണ്ട്‌ യേശു അവൾ കരയു​ന്ന​തും അവളോ​ടു​കൂ​ടെ വന്ന യഹൂദൻമാർ കരയു​ന്ന​തും കണ്ടപ്പോൾ ആത്മാവിൽ ഞരങ്ങു​ക​യും അസ്വസ്ഥ​നാ​കു​ക​യും ചെയ്‌തു; അവൻ പറഞ്ഞു: ‘നിങ്ങൾ അവനെ എവിടെ വെച്ചി​രി​ക്കു​ന്നു?’ ‘കർത്താവേ, വന്നുകാ​ണുക’ എന്ന്‌ അവർ അവനോ​ടു പറഞ്ഞു. യേശു കണ്ണുനീർ പൊഴി​ച്ചു. ആകയാൽ യഹൂദൻമാർ ‘കാൺമിൻ, അവന്‌ അവനോട്‌ എന്തു പ്രിയ​മു​ണ്ടാ​യി​രു​ന്നു!’ എന്ന്‌ പറഞ്ഞു​തു​ടങ്ങി.”—യോഹ​ന്നാൻ 11:32-36.

യേശു​വി​ന്റെ ഹൃദയം​ഗ​മ​മായ സഹതാപം മൂന്നു മൊഴി​ക​ളാൽ ഇവിടെ സൂചി​പ്പി​ക്ക​പ്പെ​ട്ടി​രി​ക്കു​ന്നു: “ഞരങ്ങി,” “അസ്വസ്ഥ​നാ​യി,” “കണ്ണുനീർ പൊഴി​ച്ചു.” ഈ ഹൃദയ​സ്‌പർശി​യായ രംഗം രേഖ​പ്പെ​ടു​ത്തു​ന്ന​തിന്‌ അപ്പോ​സ്‌ത​ല​നായ യോഹ​ന്നാൻ ഉപയോ​ഗിച്ച മൂല ഭാഷാ​പ​ദങ്ങൾ യേശു വികാ​ര​വി​വ​ശ​നായ അളവിനെ സൂചി​പ്പി​ക്കു​ന്നു.

“ഞരങ്ങി” എന്ന്‌ വിവർത്തനം ചെയ്യ​പ്പെ​ട്ടി​രി​ക്കുന്ന ഗ്രീക്ക്‌ പദം വേദനാ​ക​ര​മാ​യി അഥവാ അഗാധ​മാ​യി വികാ​ര​ത​ര​ളി​ത​നാ​കു​ന്ന​തി​നെ അർത്ഥമാ​ക്കുന്ന ഒരു ക്രിയ​യിൽനി​ന്നു​ള്ള​താണ്‌. (എംബ്രി​മാ​വോ​മായ്‌) ബൈബിൾഭാ​ഷ്യ​കാ​ര​നായ വില്യം ബർക്ലേ ഇങ്ങനെ കുറി​ക്കൊ​ള്ളു​ന്നു: “സാധാരണ പുരാ​ണ​ഗ്രീ​ക്കിൽ [എംബ്രി​യോ​മായ്‌-യുടെ] ഉപയോ​ഗം ഒരു കുതിര മൂക്കു​റ​യി​ടു​ന്ന​തി​നാണ്‌. ഇവിടെ യേശു​വി​നെ വളരെ അഗാധ​മായ വികാരം ബാധി​ച്ച​തി​നാൽ അവന്റെ ഹൃദയ​ത്തിൽനിന്ന്‌ അനിച്ഛാ​പ​ര​മാ​യി ഒരു ഞരക്കം വന്നു​വെ​ന്നു​മാ​ത്രമേ അർത്ഥമാ​ക്കാൻ കഴിയൂ.”

“അസ്വസ്ഥ​നാ​യി” എന്ന പദപ്ര​യോ​ഗം പ്രക്ഷു​ബ്ധ​തയെ സൂചി​പ്പി​ക്കുന്ന ഒരു ഗ്രീക്ക്‌ പദത്തിൽനിന്ന്‌ (ററാറാ​സോ) വരുന്നു. ദി ന്യൂ തായേ​ഴ്‌സ്‌ ഗ്രീക്ക്‌ ഇംഗ്ലീഷ്‌ ലക്‌സി​ക്കൻ ഓഫ്‌ ദ ന്യൂ റെറസ്‌റ​റ​മെൻറ്‌ പറയു​ന്ന​ത​നു​സ​രിച്ച്‌ അതിന്റെ അർത്ഥം “ഒരുവ​നിൽ ആന്തരിക കലക്കം ഉണ്ടാക്കുക . . . വലിയ വേദന​യോ സങ്കടമോ ബാധി​ക്കുക” എന്നാണ്‌. “കണ്ണുനീർ പൊഴി​ക്കുക” എന്ന പദപ്ര​യോ​ഗം “കണ്ണുനീർ വാർക്കുക, മൗനമാ​യി കരയുക” എന്നർത്ഥ​മുള്ള ഒരു ഗ്രീക്ക്‌ പദത്തിൽനിന്ന്‌ (ഡാക്രി​യൊ) വരുന്നു. ഇത്‌ യോഹ​ന്നാൻ 11:33-ൽ പറഞ്ഞി​രി​ക്കുന്ന മറിയ​യു​ടെ​യും അവളോ​ടു​കൂ​ടെ​യു​ണ്ടാ​യി​രുന്ന യഹൂദൻമാ​രു​ടെ​യും “കരച്ചിലി”ൽനിന്ന്‌ വ്യത്യ​സ്‌ത​മാ​യി​രു​ന്നു. അവിടെ ഉപയോ​ഗി​ച്ചി​രി​ക്കുന്ന ഗ്രീക്ക്‌ പദത്തിന്റെ (ക്ലായ്‌യോ) അർത്ഥം കേൾക്കാ​വു​ന്ന​തു​പോ​ലെ അഥവാ ഉച്ചത്തിൽ കരയുക എന്നാണ്‌.c

അപ്പോൾ യേശു അവന്റെ പ്രിയ സുഹൃ​ത്താ​യി​രുന്ന ലാസറി​ന്റെ മരണത്താ​ലും ലാസറി​ന്റെ സഹോ​ദരി കരയു​ന്നതു കണ്ടതി​നാ​ലും ആഴമായി വികാ​ര​ത​ര​ളി​ത​നാ​യി. യേശു​വി​ന്റെ ഹൃദയം വളരെ വികാ​ര​നിർഭ​ര​മാ​യ​തു​കൊണ്ട്‌ അവന്റെ കണ്ണുകൾ സജലങ്ങ​ളാ​യി. യേശു നേരത്തെ വേറെ രണ്ടു​പേരെ ജീവനി​ലേക്ക്‌ തിരികെ വരുത്തി​യി​രു​ന്നു​വെ​ന്ന​താണ്‌ വളരെ പ്രസ്‌താ​വ്യ​മാ​യി​രി​ക്കു​ന്നത്‌. ഈ സന്ദർഭ​ത്തിൽ ലാസറി​ന്റെ കാര്യ​ത്തിൽ അതുതന്നെ ചെയ്യാൻ അവൻ പൂർണ്ണ​മാ​യും ഉദ്ദേശി​ച്ചി​രു​ന്നു. (യോഹ​ന്നാൻ 11:11, 23, 25) എന്നിട്ടും അവൻ “കണ്ണുനീർ പൊഴി​ച്ചു.” ആ സ്ഥിതിക്ക്‌ മനുഷ്യ​രെ ജീവനി​ലേക്ക്‌ പുനഃ​സ്ഥാ​പി​ക്കു​ക​യെ​ന്നത്‌ യേശു​വിന്‌ കേവലം ഒരു നടപടി​ക്രമം അല്ലായി​രു​ന്നു. ഈ സന്ദർഭ​ത്തിൽ പ്രത്യ​ക്ഷ​മായ അവന്റെ മൃദു​ല​വും അഗാധ​വു​മായ വികാ​രങ്ങൾ പാപത്തി​ന്റെ കെടു​തി​കൾക്കു പരിഹാ​ര​മു​ണ്ടാ​ക്കാ​നുള്ള അവന്റെ ശക്തമായ ആഗ്രഹത്തെ വ്യക്തമാ​യി സൂചി​പ്പി​ക്കു​ന്നു.

യേശു ‘യഹോ​വ​യാം ദൈവ​ത്തി​ന്റെ അസ്‌തി​ത്വ​ത്തി​ന്റെ തന്നെ കൃത്യ​മായ പ്രതി​നി​ധാന’മായതു​കൊണ്ട്‌ നമ്മുടെ സ്വർഗ്ഗീ​യ​പി​താ​വിൽനിന്ന്‌ നാം ഉചിത​മാ​യി കുറച്ചല്ല പ്രതീ​ക്ഷി​ക്കു​ന്നത്‌. (എബ്രായർ 1:3) പുനരു​ത്ഥാ​നം നിർവ​ഹി​ക്കാ​നുള്ള യഹോ​വ​യു​ടെ സ്വന്തം സന്നദ്ധത​യെ​ക്കു​റിച്ച്‌ വിശ്വസ്‌ത മനുഷ്യ​നാ​യി​രുന്ന ഇയ്യോബ്‌ ഇങ്ങനെ പറഞ്ഞു: “ശരീര​ശേ​ഷി​യുള്ള ഒരു മനുഷ്യൻ മരിക്കു​ന്നു​വെ​ങ്കിൽ അവന്‌ വീണ്ടും ജീവി​ക്കാൻ കഴിയു​മോ? . . . നീ വിളി​ക്കും, ഞാൻതന്നെ നിനക്ക്‌ ഉത്തരം​നൽകും. നിന്റെ കൈക​ളു​ടെ പ്രവൃ​ത്തി​യോട്‌ നിനക്ക്‌ ഒരു ആകാം​ക്ഷ​യു​ണ്ടാ​യി​രി​ക്കും.” (ഇയ്യോബ്‌ 14:14, 15) “നിനക്ക്‌ ഒരു ആകാം​ക്ഷ​യു​ണ്ടാ​യി​രി​ക്കും” എന്ന്‌ വിവർത്ത​നം​ചെ​യ്‌തി​രി​ക്കുന്ന മൂലഭാ​ഷാ​പദം ആത്‌മാർത്ഥ​മായ വാഞ്‌ഛ​യേ​യും ആഗ്രഹ​ത്തെ​യും സൂചി​പ്പി​ക്കു​ന്നു. (ഉല്‌പത്തി 31:30; സങ്കീർത്തനം 84:2) യഹോവ പുനരു​ത്ഥാ​ന​ത്തി​നു​വേണ്ടി അത്യധി​കം പ്രതീ​ക്ഷി​ക്കു​ന്നു​ണ്ടെന്ന്‌ വ്യക്തമാണ്‌.

നമുക്ക്‌ യഥാർത്ഥ​ത്തിൽ പുനരു​ത്ഥാ​ന​വാ​ഗ്‌ദാ​നം വിശ്വ​സി​ക്കാൻ കഴിയു​മോ? ശരി, യഹോ​വ​യും അവന്റെ പുത്ര​നും അതു നിറ​വേ​റ​റാൻ സന്നദ്ധരും പ്രാപ്‌ത​രു​മാ​ണെ​ന്നു​ള്ള​തിന്‌ സംശയ​മില്ല. നിങ്ങളെ സംബന്ധിച്ച്‌ ഇത്‌ എന്തർത്ഥ​മാ​ക്കു​ന്നു? ഇവിടെ ഭൂമി​യിൽത്തന്നെ സമാധാ​ന​പൂർണ്ണ​മായ അവസ്ഥക​ളിൽ നിങ്ങളു​ടെ മരിച്ച പ്രിയ​പ്പെ​ട്ട​വ​രു​മാ​യി വീണ്ടും കൂടി​ച്ചേ​രാ​നുള്ള പ്രത്യാശ നിങ്ങൾക്കുണ്ട്‌!

(മുൻ ലേഖന​ത്തിൽ പറഞ്ഞ) റോബർട്ടാ​യു​ടെ ഇപ്പോ​ഴത്തെ പ്രത്യാശ അതാണ്‌. അവളുടെ അമ്മ മരിച്ച ശേഷം പല വർഷങ്ങൾ കഴിഞ്ഞ്‌ ബൈബി​ളി​ന്റെ സൂക്ഷ്‌മ​മായ ഒരു പഠനം നടത്തു​ന്ന​തിന്‌ യഹോ​വ​യു​ടെ സാക്ഷികൾ അവളെ സഹായി​ച്ചു. അവൾ അനുസ്‌മ​രി​ക്കു​ന്നു: “പുനരു​ത്ഥാ​ന​പ്ര​ത്യാ​ശ​യെ​ക്കു​റിച്ച്‌ മനസ്സി​ലാ​ക്കി​യ​ശേഷം ഞാൻ കരഞ്ഞു. ഞാൻ എന്റെ അമ്മയെ വീണ്ടും കാണു​മെ​ന്ന​റി​യു​ന്നത്‌ അത്ഭുത​ക​ര​മാണ്‌.” നിങ്ങളു​ടെ ഹൃദയം പ്രിയ​പ്പെട്ട ഒരാളെ വീണ്ടും കാണാൻ സമാന​മാ​യി കാംക്ഷി​ക്കു​ന്നു​വെ​ങ്കിൽ ഈ അത്ഭുത​ക​ര​മായ പ്രത്യാ​ശ​യെ​ക്കു​റിച്ച്‌ കൂടുതൽ പഠിക്കാൻ നിങ്ങൾ ആഗ്രഹി​ക്കു​മെ​ന്നു​ള്ള​തിന്‌ സംശയ​മില്ല. (w90 5⁄1)

[അടിക്കു​റി​പ്പു​കൾ]

രസാവഹമായി, കേൾക്കാ​വു​ന്ന​തു​പോ​ലെ കരയു​ന്ന​തി​നുള്ള ഗ്രീക്ക്‌പദം (ക്ലായ്‌യോ) യേശു യരൂശ​ലേ​മി​ന്റെ വരാനി​രുന്ന നാശ​ത്തെ​ക്കു​റിച്ച്‌ മുൻകൂ​ട്ടി​പ്പറഞ്ഞ അവസര​ത്തിൽ അവനെ​ക്കു​റിച്ച്‌ ഉപയോ​ഗി​ച്ചി​രി​ക്കു​ന്നു. ലൂക്കോ​സി​ന്റെ വിവരണം പറയുന്നു: “അവൻ അടുത്ത്‌ എത്തിയ​പ്പോൾ, അവൻ നഗരത്തെ [യരൂശ​ലേ​മി​നെ] വീക്ഷി​ക്കു​ക​യും അതി​നെ​പ്രതി കരയു​ക​യും ചെയ്‌തു.”—ലൂക്കോസ്‌ 19:41.

[5-ാം പേജിലെ ചിത്രം]

യായിറോസിന്റെ മകളെ യേശു ഉയർപ്പി​ച്ചത്‌ മരിച്ച​വ​രു​ടെ ഭാവി​പു​ന​രു​ത്ഥാ​ന​ത്തി​ലുള്ള വിശ്വാ​സ​ത്തിന്‌ അടിസ്ഥാ​നം നൽകുന്നു

[6-ാം പേജിലെ ചിത്രം]

ലാസറിന്റെ മരണത്തിൽ യേശു ആഴമായി വികാ​രാ​ധീ​ന​നാ​യി

[7-ാം പേജിലെ ചിത്രം]

പുനരുത്ഥാനം നേരിൽ കാണു​ന്ന​വ​രു​ടെ സന്തോഷം നയീനി​ലെ വിധവ​യു​ടെ മരിച്ച പുത്രനെ യേശു ഉയർപ്പി​ച്ച​പ്പോ​ഴത്തെ അവളുടെ സന്തോ​ഷം​പോ​ലെ​യാ​യി​രി​ക്കും